🌸മയിൽ‌പീലി🌸: ഭാഗം 20

രചന: അനു രാജീവ്

"അഭിയേട്ടാ.. എനിക്ക്.. നിക്കെന്റെ അപ്പയെ കാണണം..." അവൻ അമ്മയെ നോക്കിയപ്പോൾ കൊണ്ടു പോവാൻ കണ്ണുകൾ കൊണ്ടു തന്നെ പറഞ്ഞു.. എന്തോ ആലോചിച്ചുറപ്പിച്ച പോലെ അവൻ ചിരിയോടെ വണ്ടിക്കടുത്തേക്ക് നടന്നു.. പീലി അവനു പുറകെയും.. അവരുടെ വണ്ടി പടി കടന്നു പോവുന്നത് ധാർമികയും മീനുവും ഒരു ചിരിയോടെ നോക്കി നിന്നു... അവരുടെ പ്രണയത്തിന് സാക്ഷിയായി എന്നും കൂട്ടുണ്ടായിരുന്ന മഴ, തന്റെ തുള്ളികളെ അവർക്ക് മേൽ വർഷിച്ചു... പ്രണയത്താൽ പൊഴിഞ്ഞ ചാറ്റൽ മഴയെ അവർ നിറഞ്ഞ മനസ്സോടെ സ്വീകരിച്ചു.. അധികാര്ത്തോടെ ആരെയും ഭയക്കാതെ അവൾ അവനടുത്തേക്ക് ചേർന്നിരുന്നു.. തന്റെ നാട്ടിൽ, നാട്ടുകാരുടെ മുന്നിൽ ഇത് പോലൊരു യാത്ര ഇരുവരും കൊതിച്ചിരുന്നു...

വണ്ടി വീണ്ടും ദിശ മാറി സഞ്ചരിച്ചു.. അഗ്രഹാരത്തിലേക്കുള്ള വഴിയിൽ കയറിയപ്പോൾ അവൾ അവനെ ചിറഞ്ഞു നോക്കി... അവന്റെ ചുണ്ടിൽ വല്ലാത്തൊരു ചിരിയുണ്ടായിരുന്നു... ഒരു കോൺഗ്രീറ്റ് റോഡിനു ഇരു വശത്തായി ഒരുപാട് ഇല്ലങ്ങൾ.. ഒരൊ വീടിന്റെയും മുറ്റത്തു പലതരം കോലങ്ങൾ വരച്ചിട്ടിട്ടുണ്ട്.. ചിലയിടത്ത് കോലത്തിന്റെ ടൈലുകൾ വാങ്ങി ഒട്ടിയിരിക്കും... ഒരു മതില് പോലും ആ വീടുകൾക്കിടയിൽ ഉണ്ടാവില്ല... വെള്ളത്തിനായി ഒരേ കിണർ, പ്രാർത്ഥനക്കായി ഒരേ അമ്പലം.. ജാതിയുടെ കാര്യത്തിൽ ആണെങ്കിലും അവരിൽ വല്ലാത്ത തരത്തിലുള്ള ഒത്തൊരുമ നില നിന്നിരുന്നു.. മഴ ചാറൽ കണ്ട് തുണിയെടുത്തു വയ്ക്കാനും ഉണങ്ങാനിട്ട മുളകും മല്ലിയും എടുക്കാനും അമ്പലത്തിലേക്ക് പോവുന്നതും, വരുന്നതിനുമായും ഒട്ടേറെ ആളുകൾ വീടുകളുടെ പുറത്ത് നിൽപ്പുണ്ടായിരുന്നു...

ബുള്ളറ്റിന്റെ ശബ്ദം കേട്ട് അവരുടെ ശ്രദ്ധ അങ്ങോട്ടായി.. അഭിയേ കണ്ടതും ചിലരുടെയൊക്കെ മുഖം ഇരുണ്ടു.. പുറകിൽ ഇരിക്കുന്ന പീലിയെ കണ്ടതും പലരും നെറ്റിച്ചുളിച്ചു.. അങ്ങോട്ടും ഇങ്ങോട്ടും കുശു കുശുക്കാൻ തുടങ്ങി.. അഭി അവളുടെ കൈ എടുത്ത് തന്റെ വയറിൽ ചുറ്റി പിടിപ്പിച്ചു.. മഴ പെയ്യുമെന്നറിയാവുന്നത് കൊണ്ടു ധൃതിയിൽ അമ്പലത്തിൽ വീട്ടിലേക്ക് വരാൻ നിന്ന സുഭദ്ര ആ കാഴ്ച കണ്ട് വിറഞ്ഞു നിന്നു.. ദേഷ്യത്തോടെ അവർ വേഗത്തിൽ അമ്പാട്ടേക്ക് നടന്നു.. "അഭിയേട്ടാ.. ശിവ ക്ഷേത്രത്തിനു മുന്നിലൂടെ പോയാൽ നേരെ വീടെത്താലോ? പിന്നെന്തിനാ അഗ്രഹാരം ചുറ്റി വന്നത്..?" അവൾ ഒരു പിരികം പൊക്കി പുറത്തേക്ക് ഒരു ഇടി കൊടുത്തുകൊണ്ട് ചോദിച്ചു.. " ആ ഹ്ഹ... പെണ്ണെ.. എന്റെ പുറം പോയി...കൊല്ലുമോ നീ എന്നെ..?? ഇതേ.. എന്റെ ഒരു സ്വീറ്റ് റിവെഞ്ച് അല്ലെ... എനിക്ക് വിലക്കിയ കനി ഞാൻ സ്വന്തമാക്കി എന്ന് വിലക്കിയവന്മാരൊക്കെ ഒന്ന് അറിയട്ടെ... " അവൾ ചിരിയോടെ അവന്റെ ചെവിയിൽ പിടിച്ചു.. "എന്റെ മയിലേ.. ഇങ്ങനെ വേദനിപ്പിക്കല്ലേ..

ഞാനും ഒന്നറിഞ്ഞു വേദനിപ്പിക്കുമേ .. അതിങ്ങനെ ആയിരിക്കില്ല..." അവന്റെ സ്വരത്തിലെ ഡബിൾ മീനിങ് മനസിലായപ്പോൾ അവൾ വേഗം കുറച്ചു വിട്ടിരുന്നു.. ". വഷളൻ... ഹും..." അവൾ മുഖം തിരിച്ചിരുന്നു.... ആ പഴയ തറവാട്ടു വീട്ടിനു മുന്നിലേക്ക് ബുള്ളെറ്റ് വന്നു നിന്നു.. അകത്ത് നിന്നും ആദ്യം വന്നത് മോഹനാഥൻ ആയിരുന്നു.. കൂടെ അഭി ഉണ്ട് എന്നും, എങ്ങനെ കണ്ടു മുട്ടി എന്നും എല്ലാവരും പറഞ്ഞു കൊടുത്തത് കൊണ്ടു തന്നെ അയാളിൽ അത്ഭുതം ഇല്ലായിരുന്നു... രണ്ടാളെയും നോക്കി ഒന്ന് ചിരിച്ചു... "മോളെ....." അയാളുടെ സ്വരത്തിൽ ദയനീയത കലർന്നിരുന്നു. "അപ്പാ...." ഒരു പൊട്ടികരച്ചിലോടെ അവൾ അയാളുടെ നെഞ്ചിലേക്ക് ചാരി.. "ചാറൽ അടിക്കുന്നുണ്ട്.. വാ അകത്തേക്ക് പോകാം... വാ മോനെ... " അയാൾ രണ്ടാളോടുമായി പറഞ്ഞു..

അഭി താല്പര്യമില്ലാത്ത രീതിയിൽ അകത്തേക്ക് കടന്നു.. ടേബിളിൽ വച്ചിരിക്കുന്ന പലഹാരങ്ങൾ തിന്നു തീർക്കുന്ന സഞ്ജുവിനെ അവൻ കൂർപ്പിച്ചു നോക്കി... അവൻ പകുതി തിന്ന ജിലേബിയും വായിൽ വച്ച് ഒരു ഇളിയോടെ എഴുന്നേറ്റു.. അവന്റെ നിൽപ്പ് കണ്ട് എല്ലാവരും ചിരിച്ചു.. അഭിക്ക് അവിടെ അധിക നേരം നിൽക്കാൻ തോന്നിയില്ല.. അവൻ ഇറങ്ങാൻ നിന്നു.. സഞ്ജു കാറിൽ നിന്നും രണ്ടാൾടേം ട്രാവെല്ലിങ് ബാഗ് എടുത്തു.. അതിൽ നിന്നും അഭി ഒരു പാക്കറ്റ് എടുത്ത് പീലിയുടെ കയ്യിൽ കൊടുത്തു... അവൾ അല്പം മടിയോടെ അത് വാങ്ങി.. എന്തോ ഒരു ബോക്സ്‌ ആണെന്ന് മാത്രം മനസിലായി.. അവന്റെ വണ്ടി ദൂരേക്ക് അകന്നു... മഴ കുറച്ചു കൂടെ കനത്തു... നിർബന്ധിച്ചിട്ടും അത്താഴം കഴിക്കാതെ പോയതിന്റെ പരിഭവത്തിലാണ് ജാനകി..

അവിടെ ടീച്ചർ എന്തെങ്കിലുമൊക്കെ ഉണ്ടാക്കിയിട്ടുണ്ടാവും അത് കൊണ്ടായിരിക്കും എന്നൊക്കേ പറഞ്ഞ് ജാനകി അനുനയിപ്പിക്കാൻ ശ്രമിക്കുന്ന അപ്പയെ കണ്ട് മക്കൾ അന്തംവിട്ടു നിന്നു.. സന്തോഷം കൊണ്ടു അല്ലിയും പീലിയും പരസ്പരം പുണർന്നു.. അരുൺ കുഞ്ഞിനേയും കൊണ്ടു റൂമിലേക്ക് പോയതിനു പുറകെ അല്ലിയും പോയി.. പീലിയും വേഗം മുകളിലേക്ക് ഓടി.. തന്റെ റൂമിനു ഒരു മാറ്റവും വന്നിട്ടില്ല എന്നവൾ പുഞ്ചിരിയോടെ ഓർത്തു.. കയ്യിലെ പാക്കറ്റ് അവൾ പെട്ടെന്ന് തുറന്നു.. അതൊരു ഫോൺ ആയിരുന്നു.. അവൾക്കത് ഒത്തിരി ഇഷ്ട്ടായി... സ്വിച്ച് ഓൺ ചെയ്യുമ്പോൾ അതിൽ തന്നെ സിമ്മും ഉണ്ടായിരുന്നു.. പെട്ടെന്ന് ഫോൺ റിങ് ചെയ്തു.. അവൾ ഒന്ന് ഞെട്ടിയെങ്കിലും ചിരിയോടെ കാൾ അറ്റന്റ് ചെയ്തു... "ഇഷ്ട്ടായോ?" "ഹ്മ്മ്..."

"ഇന്നലെ തന്നെ തരാൻ നിന്നതാ.. പിന്നെന്തോ നാടെത്തിയിട്ട് ആവമെന്ന് കരുതി..." "ഹ്മ്മ്..." "അവിടെ പ്രശ്നമൊന്നുമില്ലാലോ..." "ഏയ്‌... ഇതിപ്പോ സ്വർഗമാണ് അഭിയേട്ടാ.... പണ്ടേ ഇങ്ങനെ ആയിരുന്നെങ്കിൽ നമ്മൾ ഇത്രയൊന്നും അനുഭവിക്കേണ്ടി വരില്ലായിരുന്നു അല്ലെ..." "ഹ്മ്മ്.... "അഭിയേട്ടാ.. താഴെ എന്തോ ശബ്ദം.. ഞാൻ പിന്നെ വിളിക്കാവേ..." "ഹ്മ്മ്..ശരി " അവൾ ഫോൺ കട്ട് ചെയ്ത് താഴേക്കിറങ്ങി... താഴെ നിന്നും അപ്പച്ചിയുടെ ശബ്ദം കേൾക്കുന്നത് അവൾ ശ്രദ്ധിച്ചു.... അങ്ങനെ ഒരാളെ പറ്റി ഇത്രനേരം ഓർത്തില്ലല്ലോ എന്നും ചിന്തിച്ചു... " ഞാൻ അന്നേ പറഞ്ഞില്ലേ ജിത്തു മോന്റെ പ്രശ്നം കൊണ്ടൊന്നുമല്ല ഏട്ടന്റെ പുന്നാര മകൾ ബന്ധം ഉപേക്ഷിച്ചത് എന്ന്... അവൾക്ക് ആ ഊരുതെണ്ടിയുമായി പ്രേമം മൂത്തിട്ട് ആ കുഞ്ഞിനെ ഉപേക്ഷിച്ചതാ..

. ഇപ്പോഴും അവള്ടെ ആ മറ്റവനും ആയി തെണ്ടി തിരിയുന്നത് ഞാൻ എന്റെ കണ്ണുകൊണ്ട് കണ്ടു.... അവന്റെ കൂടെ ബൈക്കിൽ കെട്ടി പിടിച്ചിരിക്കുന്നു... ഒരു നാണവും മാനവും ഇല്ലാതെ നമ്മുടെ ജാതിക്കാരുടെ മുന്നിലൂടെ എങ്ങോട്ടോ പോവുകയായിരുന്നു..... എന്റെ തൊലി ഉരിഞ്ഞു പോയി... അവൾ നാട്ടിലെത്തിയ വിവരം ഏട്ടൻ അറിഞ്ഞിട്ടുണ്ടാവില്ല അല്ലെ.. അറിയിക്കില്ല... കാരണം ഏട്ടനെ ഒന്നും അറിയിക്കേണ്ട ആവശ്യം അവൾക്കില്ലലോ... അവളുടെ ഇമ്മാതിരി അഴിഞ്ഞാട്ടം കാണുമ്പോൾ എനിക്ക് തീർച്ചയാ, ആ അശ്രീകരം എന്റെ ഏട്ടന്റെ ചോരയിൽ പിറക്കാൻ സാധ്യതയില്ല... ഈ നിൽക്കുന്ന സ്ത്രീയുടെ ചോദിക്ക് അവൾ ആർക്ക് ഉണ്ടായതാണെന്ന്?? " പ്ട്ടെ.. ⚡️ പ്ട്ടെ ⚡️⚡️ ഒരേ കവിളിൽ രണ്ടടി.. അവരുടെ ചുറ്റും ഒരു മൂളക്കം മാത്രമേ അവർക്ക് ശ്രവിക്കാൻ കഴിഞ്ഞുള്ളൂ... തല പൊളിഞ്ഞു പോകുന്ന പോലെ തോന്നി.... അമ്മാതിരി അടിയായിരുന്നു സുഭദ്രയുടെ കവിളിൽ പതിച്ചത്...

ജാനകിയെ കുറിച്ച് മോശമായി പറഞ്ഞു തീരും മുന്നേ ക്ഷമ നശിച്ച് മോഹനാഥൻ ആഞ് കൊടുത്തു രണ്ടടി... ജാനകിയും പീലിയും ഞെട്ടി... "ഇത്രക്കും ദുഷിച്ചതായിരുന്നോ നിന്റെ മനസ്സ്.. ഒരു പെണ്ണ് ഇത്രക്ക് തരം താഴ്ന്നു കൂടാ.. ഇപ്പൊ ഇറങ്ങിക്കോളണം എന്റെ വീട്ടിൽ നിന്ന്......" മോഹനാഥന്റെ വാക്കുകൾ കേട്ട് സുഭദ്ര ഞെട്ടി.. ഇറക്കി വിട്ടാൽ എവിടെ പോവാനാണ്... അവരുടെ ഉള്ളിൽ ഭയം നിറഞ്ഞു... എങ്കിലും അഭിമാനം മുന്നിട്ട് നിന്നു.. കെഞ്ചാനോ അപേക്ഷിക്കാനോ തോന്നിയില്ല.. പ്രതേകിച്ചു ജാനകിയുടെ മുന്നിൽ... "ഏട്ടൻ കാര്യമായി പറഞ്ഞതാണോ...?".. ശബ്ദത്തിൽ ദയനീയത കലർന്നിരുന്നു... "അതേ.. എങ്ങോട്ടാണെന്ന് വച്ചാൽ പൊയ്ക്കോ..." അവർ ദേഷ്യത്തോടെ തിരിഞ്ഞതും സ്റ്റെപ്പിൽ നിൽക്കുന്ന പീലിയെ കണ്ട് അവർ ഞെട്ടി.. അതേ സമയം തന്നെ അല്ലി താഴത്തെ മുറിയിൽ നിന്നും പുറത്തേക്ക് വന്നു.... "ഓഹ്.. അപ്പൊ എല്ലാരും ഒത്തു ചേർന്നല്ലേ..

മൂന്നും കൂടി ചേർന്ന് എന്റെ ഏട്ടനെ എനിക്കെതിരെ ആക്കി അല്ലെ... ഇതിനൊക്കെ നിങ്ങൾ അനുഭവിക്കും..." ശാപം പോലെ പറഞ്ഞ് താഴെ അവരുടെ മുറിയിലേക്ക് പോയി ഒരു ബാഗ് എടുത്തിട്ട് വന്ന് ആരെയും നോക്കാതെ പടി കടന്നു പോയി. മോഹനാഥന് അല്പം സങ്കടം തോന്നി എങ്കിലും സുഭദ്രയുടെ വായിൽ നിന്നും വന്ന വാക്കുകൾ ഓർക്കേ ദേഷ്യം കൊണ്ടു വിറച്ചു... ഒന്നും മിണ്ടാതെ അയാൾ തോർത്തെടുത്തു കുളിക്കാൻ പോയി.. 🔵🔵🔵🔵🔵🔵🔵 അഭി അമ്മയുടെ മടിയിൽ കിടന്നു.. ഇത്രയും ദിവസം ഈ സ്നേഹത്തെ തഴഞ്ഞു വച്ചതിനു അവന് കുറ്റബോധം തോന്നി.... കഴിഞ്ഞ 6 മാസം കൊണ്ടു പീലിയുടെ ജീവിതത്തിൽ നടന്ന ഓരോന്നും അവൻ അമ്മയെ അറിയിച്ചു.. അടുത്ത് തന്നെ സഞ്ജുവും ഉണ്ടായിരുന്നു.... പറഞ്ഞു കഴിയുമ്പോൾ മൂന്ന് പേരുടെയും കണ്ണുകൾ നിറഞ്ഞിരുന്നു.. "ഞാൻ.. ഞാൻ വലിയ പാപമായിരുന്നു അല്ലെ അന്ന് ചെയ്തത്...ഈശ്വരൻ എന്നോട് പൊറുക്കില്ല..

ആ കുട്ടിക്ക് ഇത്രയൊക്കെ അനുഭവിക്കാൻ ഒരു തരത്തിൽ ഞാനും കാരണക്കാരി ആയോ മോനെ...." ധാർമിക കണ്ണീർ വാർത്തു.. "ഇല്ലമ്മേ.. ചിലപ്പോ അന്ന് എനിക്കവിടെ പോവാൻ കഴിഞ്ഞിരുന്നെങ്കിലും അവൾ എന്റെ കൂടെ വരുമായിരുന്നില്ല... ഒരു ഫിഫ്റ്റി ഫിഫ്റ്റി ചാൻസ്. അത്രയേ ഉള്ളു..."... സീൻ സെന്റി ആവുന്നു എന്ന് കണ്ടതും വേഗം സഞ്ജു ഇടപെട്ടു... "അമ്മേ.. എനിക്ക് വിശന്നിട്ടു വയ്യ... എന്താ അത്താഴം സ്പെഷ്യൽ...". "നിനക്ക് വിശക്കാനോ... ഡാ പന്നീ... അവളുടെ വീട്ടീന്ന് തന്നതൊക്കെ വലിച്ചു വാരി തിന്ന് ബാക്കിയുള്ളത് വാരി പോക്കറ്റിലും നിറച്ചിട്ട് വന്നവനാ..." അഭി പറഞ്ഞത് കേട്ട് സഞ്ജു ഒന്ന് ഇളിച്ചു കാണിച്ചു.. "ശരി.. ശരി.. നിങ്ങള് വഴക്കുണ്ടാക്കേണ്ട.. സഞ്ജു മോന് വിശന്നിട്ടായിരിക്കും.. സ്പെഷ്യൽ ഒക്കെ ഉണ്ട്.. വേഗം കൈ കഴുകി വാ.. ഞാൻ എടുത്ത് വയ്ക്കാം..."

ഇപ്പൊ എങ്ങനെയുണ്ട് എന്ന പോലെ എക്സ്പ്രഷനും ഇട്ട് കോളറും പൊക്കി സഞ്ജു പോവുന്നത് കണ്ട് അഭി ചിരിയോടെ നടുത്തളത്തിൽ വീഴുന്ന മഴവെള്ളത്തെ നോക്കി കിടന്നു... 🔵🔵🔵🔵🔵🔵 ഒരുപാട് നാളുകൾക്ക് ശേഷം അമ്പാട്ടിൽ സന്തോഷത്തോടു കൂടി ഒരത്താഴം... അപ്പയും അമ്മയും അരുണും അല്ലിയും പീലിയും ഒരുമിച്ച്.. എന്നത്തേക്കാളും രുചിയുണ്ടായിരുന്നു ആ ഭക്ഷണത്തിന്.. കാരണം അതിൽ സ്നേഹവും കുടുംബ ബന്ധങ്ങളുടെ ആഴവും നിറഞ്ഞിരുന്നു... മക്കൾ ചിരിയോടെ ഓരോന്നും പറഞ്ഞ് ഭക്ഷണം കഴിക്കുന്നത് അയാൾ കണ്ണ് നിറയെ കണ്ടു.. എത്ര വർഷങ്ങളുടെ സന്തോഷങ്ങളാണ് താൻ നഷ്ട്ടമാക്കിയത് എന്നോർത്ത് ആ പിതൃഹൃദയം വേദനിച്ചു.. പീലി ഇടക്കിടക്ക് ഫോണിലേക്ക് നോക്കുന്നുണ്ടായിരുന്നു..

കുറച്ചു മുന്നേ വിളിക്കാം എന്ന് പറഞ്ഞു കട്ട്‌ ആക്കിയ ആൾടെ കാൾ ഒന്നും വന്നില്ല... അവൾക്ക് അല്പം പരിഭവം തോന്നി... താനും ഒരു ക്‌ളീഷേ കാമുകി ആയല്ലോ എന്നോർത്ത് അവൾക്ക് ചിരി വന്നു... മനഃപൂർവം കോളിനെ കുറിച്ച് മറന്ന് അവർ അടുക്കളയിൽ എടുത്ത് വക്കാനൊക്കെ സഹായിച്ചു കോലായിൽ വന്നിരുന്നു.. പുറത്തെ തണുപ്പും മഴയും ആസ്വദിച്ച് വിശേഷങ്ങളൊക്കെ പങ്കു വച്ച് അമ്മയും മക്കളും ഇരുന്നു.. പത്തു മണി ആകുമ്പോഴേക്കും മക്കളെ കിടക്കാൻ പറഞ്ഞയച്ച് വാതിൽ ലോക്ക് ചെയ്ത് ജാനകി മുറിയിലേക്ക് പോയി... 🟢🟢🟢🟢🟢🟢 അത്താഴം കഴിച്ചു കിടന്നിട്ടും അഭിക്ക് ഉറക്കം വരുന്നുണ്ടായിരുന്നില്ല.. കൂർക്കം വലിച്ചുറങ്ങുന്ന സഞ്ജുവിനെ നോക്കി അവൻ പതിയെ റൂമിൽ നിന്നും ഇറങ്ങി.. മൊബൈൽ ടോർച്ചും അടിച്ചു പതിയെ പുറത്തേക്കിറങ്ങി.. 🔵🔵🔵

മനസ്സിൽ നിറയെ അഭിയുടെ മുഖമായിരുന്നു.. തുറന്നിട്ട ജനാലയിലൂടെ അവൾ ആകാശത്തേക്ക് നോക്കി നിന്നു.. '11 മണി കഴിഞ്ഞു.. ഇത്ര നേരം അഭിയേട്ടൻ വിളിച്ചില്ലാലോ.. ' അവൾ പരിഭവത്തോടെ ഫോൺ കയ്യിലെടുത്തു... "അഭിയേട്ടൻ' എന്ന നമ്പറിലേക്ക് കാൾ ചെയ്തു.. "മയിലേ......" "എന്താ അഭിയേട്ടാ ഇത്ര നേരം വിളിച്ചില്ലാ..??" "I miss you മയിലേ ..." "മിസ്സ്‌ ചെയ്യുന്നുണ്ടേൽ ന്നെ വിളിച്ചിട്ടുണ്ടാവില്ലേ... വെറുതെ പറയാ..." അവളുടെ സ്വരത്തിൽ പരിഭവമായിരുന്നു... "നിന്റെ ശബ്ദം കേട്ടാൽ ആ മിസ്സിങ് തീരില്ല എന്ന് തോന്നി പെണ്ണെ..." "പിന്നെ...?" "ഒന്ന് കാണണം, കേട്ടിപിടിച്ചൊരു ഉമ്മ തരണം.. എന്നാലേ തീരു..." "അപ്പോഴേ ന്റെ അഭിയേട്ടൻ നേരം വെളുക്കുന്നത് വരെ കാത്തിരുന്നോ.. കാലത്ത് ഞാൻ കലാക്ഷേത്രയിലേക്ക് വരാം.. കെട്ടിപിടിച്ച് ഉമ്മയും തരാം..."

"എന്റെ മയിലിനെ ഞാൻ എന്നെങ്കിലും ബുദ്ധിമുട്ടിച്ചിട്ടുണ്ടോ...?" "ങേ??" അവൾ മനസിലാക്കാതെ നെറ്റി ചുളിച്ചു... "താഴോട്ടു വാടി.. നിന്റെ വീടിന്റെ കോലായിൽ ഇരിപ്പുണ്ട് ഞാൻ..." ഞെട്ടി ഫോൺ കയ്യിൽ നിന്നും പോയെങ്കിലും അതിസാഹസികമായി അതിനെ ക്യാച്ച് പിടിച്ച് അവൾ വീണ്ടും ചെവിയിൽ ചേർത്തു.. "അഭിയേട്ടാ... " "വാടി പെണ്ണെ.. ഇവിടെ കൊതു കടിച്ചിട്ട് വയ്യ..." "ഹോ.. ഈ മനുഷ്യനെ കൊണ്ട്... അവൾ വാതിൽ തുറന്ന് പതിയെ താഴെക്കിറങ്ങി.. എല്ലായിടത്തും ലൈറ്റ് ഓഫ്‌ ആണെന്ന് കണ്ടതും ആശ്വാസത്തോടെ പതിയെ പോയി മുൻവശത്തെ വാതിൽ തുറന്നു.. കോലായിൽ ഇട്ടിരിക്കുന്ന ചെയറിൽ ഇരുന്ന് ഫോണിൽ കളിക്കുന്നവനെ കണ്ട് അവൾ ഇടുപ്പിൽ കൈ കുത്തി ദേഷിച്ചു നോക്കി.. അവൻ അവളെ കണ്ടതും ചാടി എഴുന്നേറ്റ് കെട്ടിപിടിച്ച് കൊണ്ടു കാതിൽ ചുണ്ട് ചേർത്തു കൊണ്ട് പതിഞ്ഞ സ്വരത്തിൽ വിളിച്ചു...... "മയിലേ........ 💙".... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...