🌸മയിൽ‌പീലി🌸: ഭാഗം 22

രചന: അനു രാജീവ്

ആ നിശബ്ദതയെ ഭേദിച്ച് തലയ്ക്ക് മുകളിൽ കറങ്ങുന്ന ഫാനിന്റെ ശബ്ദം മാത്രം ആ റൂമിൽ ഉയർന്നു കേട്ടു.... പുറത്തുനിന്നും കേൾക്കുന്ന ചെറിയ കിളികളുടെ കുറുകൽ അലോസരമായി തോന്നി പീലി പതിയെ കണ്ണു തുറന്നു.... തന്റെ അടുത്ത് മൂടിപ്പുതച്ച് ഉറങ്ങുന്ന അഭിയെ കണ്ട് അവളുടെ ചുണ്ടുകൾ മനോഹരമായി പുഞ്ചിരിച്ചു... മുഖത്തേക്ക് അടിക്കുന്ന സൂര്യകിരണങ്ങൾ കാരണം കണ്ണുകൾ അല്പം അടച്ചുപിടിച്ച് അവൾ പുതപ്പുമാറ്റി എഴുന്നേറ്റ് ജനലോരം പോയി നിന്ന് ഓടിന് പുറത്തിരിക്കുന്ന കിളികളെ പുഞ്ചിരിയോടെ നോക്കി നിന്നു... പെട്ടന്ന് എന്തോ ആലോചിച്ച പോലെ ഞെട്ടി തിരിഞ്ഞു അഭിയെ നോക്കി... കണ്ണുകൾ നേരെ ചുമരിൽ തൂക്കിയിട്ട ക്ലോക്കിലേക്ക് പോയി... സമയം ഏഴര കഴിഞ്ഞു. നെഞ്ച് ബാൻഡ് മേളം മുഴക്കാൻ തുടങ്ങി...

പേടികൊണ്ട് കയ്യും കാലും വിറയ്ക്കുന്ന അവസ്ഥ .. ജനൽ പാളികൾ ചാരിവെച്ച് അവൾ വേഗം അവനടുത്തേക്ക് പോയി കുലുക്കി വിളിച്ചു... "അഭിയേട്ടാ.. എഴുന്നേൽക്ക്... നേരം വെളുത്തു.. എഴുന്നേൽക്ക്... സമയമെത്രയായി എന്നറിയോ... എഴുന്നേൽക്ക് അഭിയേട്ടാ... അപ്പയും അമ്മയും ചേച്ചിയും ഏട്ടനും എല്ലാരും എഴുന്നേറ്റിട്ട് ഉണ്ടാകും. ഈശ്വരാ ഞാൻ എങ്ങനെ ഇയാളെ പുറത്തേക്കു കൊണ്ടു പോകും..." അവൾ പുലമ്പിക്കൊണ്ട് അവനെ കുലുക്കി വിളിച്ചു കൊണ്ടിരുന്നു... പക്ഷേ തലയണ എടുത്തു തലയ്ക്കുമുകളിൽ അമർത്തിപ്പിടിച്ചു കൊണ്ട് അവൻ തിരിഞ്ഞു കിടന്നു.. അവൾ വീണ്ടും കുലുക്കി കൊണ്ടിരുന്നപ്പോൾ അവൻ ശല്യം സഹിക്കവയ്യാതെ എഴുന്നേറ്റ് മൂരി നിവർന്നു... "എന്റെ മയിലേ.. ഞാനൊന്ന് ഉറങ്ങട്ടെ... രാത്രി ഒരുപാട് വൈകിയല്ലേ കിടന്നത്..

അവൻ വീണ്ടും ഉറക്കത്തിലേക്ക് പോയി... "അയ്യോ....എങ്ങനെ പുറത്തുപോകും... എനിക്ക് പേടിയാവുന്നു... എഴുന്നേൽക്ക് മനുഷ്യാ..." "നിന്നെ കൊണ്ട് ഞാൻ തോറ്റല്ലോ മയിലേ.... നിനക്കിപ്പോ എന്താ വേണ്ടേ??... ഞാൻ പോവണം അത്രയല്ലേ ഉള്ളു... ഓക്കേ bye......" അവൻ ഉറക്കച്ചടവോടെ അവളുടെ നെറ്റിയിൽ ഉമ്മ വച്ച് പുതപ്പ് എടുത്തുമാറ്റി എഴുന്നേറ്റു... ഊരിവെച്ച ഡെനിം ജാക്കറ്റ് ടീഷർട്ടിനു മുകളിൽ ഇട്ടു... വാതിൽ തുറന്നു പുറത്തേക്കിറങ്ങി.. പീലി ആണെങ്കിൽ അമ്പരന്ന് നോക്കിക്കൊണ്ട് നിൽക്കുകയാണ്... ഇവനെന്തിനാ ഇപ്പൊ വാതിൽ തുറന്നത് എന്ന ഭാവമായിരുന്നു അവളുടെ മുഖത്ത്.. അവൾ ഉമിനീരിറക്കി.. അപ്പോഴേക്കും അവൻ വാതിൽ തുറന്നു താഴേക്കുള്ള പടികൾ ഇറങ്ങിയിരുന്നു... നെഞ്ചിൽ കൈവെച്ചു കൊണ്ട് ഉരുണ്ട് ചാടിയിറങ്ങി അവൾ അവന് പുറകെ ഓടി... കുഞ്ഞിനെ കളിപ്പിക്കുകയായിരുന്നു മോഹനാഥൻ...

അയാൾക്കുള്ള ചായയുമായി ജാനകി അടുക്കളയിൽ നിന്നും വന്നു... അരുൺ പല്ലു തേച്ചു കൊണ്ട് ഉമ്മറത്ത് നിൽക്കുന്നുണ്ട്... അല്ലി അവന് കുളിക്കാനുള്ള തോർത്തെടുത്ത് റൂമിൽ നിന്നും പുറത്തു വന്നു... ഇറങ്ങിവരുന്ന അഭിയെ കണ്ട് എല്ലാവരും കണ്ണു മിഴിച്ചു നോക്കി നിന്നു... അവരുടെ പുറകെ തന്നെ ഉറങ്ങി എഴുന്നേറ്റ വേഷത്തിൽ വരുന്ന പീലിയേയും അഭിയേയും എല്ലാവരും മാറി മാറി നോക്കി... ആർക്കും ഒരക്ഷരം മിണ്ടാൻ ഉണ്ടായിരുന്നില്ല... അരുണിന്റെ വായിൽ നിന്നും ബ്രഷ് ഊർന്ന് താഴേക്കു വീണു.... അല്ലി വേഗം അതെടുത്ത് അവന്റെ വായിൽ തന്നെ വച്ചു കൊടുത്തു... ശ്വാസം പോലും വിടാൻ മറന്ന് മരവിച്ചു കൊണ്ടു ആ സ്റ്റെപ്പിൽ തന്നെ സ്റ്റക്ക് ആയി നിന്നു പീലി.. കയ്യും കാലും വിറച്ചിട്ടു താഴെ വീഴും എന്നു തോന്നി അവൾക്ക്.. അവൻ നേരെ വന്ന് ജാനകിയുടെ കയ്യിൽ നിന്നും ചായ വാങ്ങി കുടിച്ചു... ജാനകി തറഞ്ഞു നിൽക്കുകയാണ്.

എന്താണ് സംഭവം എന്ന് ആർക്കും മനസ്സിലായില്ല... അവൻ നേരെ സെറ്റിയിലേക്ക് ഇരുന്നു... പീലി ഇപ്പോഴും മുകളിൽ സ്റ്റെപ്പിൽ നിന്നും അനങ്ങിയില്ല... ചായ കുടിച്ചു കഴിയുന്നതുവരെ നിശബ്ദമായിരുന്നു ചുറ്റുപാട്... ചായ ഗ്ലാസ് ടീപോയിൽ വെച്ച് അവൻ എഴുന്നേറ്റു... "സർ.... എനിക്ക് എങ്ങനെ പറയണം എന്നറിയില്ല.. പക്ഷേ ഇവളില്ലാതെ എന്നെക്കൊണ്ട് ഉറങ്ങാൻ പോലും പറ്റുന്നില്ല... അതുകൊണ്ടാ രാത്രി തന്നെ ഇങ്ങോട്ട് വന്നത്... നിങ്ങളെയൊക്കെ വിളിച്ചാലോ എന്ന് വിചാരിച്ചു.... പിന്നെ കരുതി എല്ലാരുടെയും ഉറക്കം എന്തിനാ കരയുന്നെ എന്ന്... അതുകൊണ്ട് അവളെ മാത്രം വിളിച്ചു വാതിൽ തുറപ്പിച്ചതാ... അവളെ കാണാതെ ഉറങ്ങാൻ പറ്റാത്ത അവസ്ഥയായി... തെറ്റാണെങ്കിൽ സോറി സാർ... Its a request, എത്രയും വേഗം ഞങ്ങളുടെ കല്യാണത്തിന് ഒരു തീരുമാനം ഉണ്ടാകണം... ഇല്ലെങ്കിൽ ദിവസവും പാതിരാത്രി ആ വരമ്പിലൂടെ നടന്നു വരണം.... എനിക്ക് വയ്യ... ഞാനും അമ്മയും നല്ലൊരു ദിവസം നോക്കി ഇങ്ങോട്ട് വരാം... എങ്കിൽ ഞാൻ irangaട്ടെ...

ഇങ്ങോട്ട് വന്നത് വീട്ടിൽ ആരോടും പറഞ്ഞിട്ടില്ല... ശരി..." അരുണിനോട് ഒന്നു തലയാട്ടി, അല്ലിയെ നോക്കി പുഞ്ചിരിച്ചു, പീലിയെ നോക്കി പതിവ് കല്ലചിരിയോടെ ഒരു കണ്ണിറുക്കി കൊണ്ട് അവൻ പുറത്തേക്കിറങ്ങി.... പീലി ഉരുകുകയായിരുന്നു... അല്ലി ദയനീയമായി അവളെ നോക്കി... അപ്പ എങ്ങനെ പ്രതികരിക്കും എന്ന ഭയത്തിൽ ആയിരുന്നു അവൾ... എന്നാൽ അയാൾ ആരെയും ശ്രദ്ധിക്കാതെ ജാനകിയോട് ഒരു ചായ ചോദിച്ചുകൊണ്ട് പുറത്തേക്കിറങ്ങി... അവൾ മറ്റൊന്നും ചിന്തിക്കാതെ തിരികെ റൂമിലേക്ക് തന്നെ ഓടി.... ബെഡിലേക്കിരുന്ന് സ്വയം തലയ്ക്കടിച്ചു... " എന്റെ മനുഷ്യ.... എന്നാലും ഇത് വല്ലാത്ത ചെയ്ത്തായിപ്പോയി.... " അവൾ മുകളിൽ നോക്കിക്കൊണ്ട് സ്വയമേ പറഞ്ഞു... 🔵🔵🔵🔵🔵 അഭി ചുണ്ടിലൊളിപ്പിച്ച ചിരിയോടെ ഫോണെടുത്ത് ചെവിയിലേക്ക് വച്ചുകൊണ്ട് റോഡിലേക്കിറങ്ങി...

സഞ്ജു ഉറക്കപ്പിചിൽ ഫോണെടുത്തു "എവിടെയാ അളിയാ നീ...എന്റെ അടുത്ത് കിടന്നതാണല്ലോ.... പുലർച്ചെ നോക്കിയപ്പോ കാണാനില്ല.." "ഹ്മ്മ്... നീ വേഗം എഴുന്നേറ്റേ.." "എന്തിനാ..." "എടാ നീ വേഗം വണ്ടി എടുത്തിട്ട് മയിലിന്റെ വീട്ടിലേക്ക് വാ...." "ഓഹ്.. നീ രാത്രി അവിടെയായിരുന്നോ.. എന്നിട്ട് എങ്ങനെ പുറത്ത് ചാടി...??" "കഥ പറയാതെ വരാൻ നോക്കടാ..." ബാക്കി ഒന്നും പറയാൻ അനുവദിക്കാതെ അവൻ ഫോൺ കട്ട് ചെയ്തു... അവനെ പ്രാകിക്കൊണ്ട് സഞ്ജു വേഗം വണ്ടിയുടെ ചാവി എടുത്ത് പുറത്തുപോയി വണ്ടി സ്റ്റാർട്ടാക്കി പീലിയുടെ വീട്ടിലേക്ക് തിരിച്ചു... പകുതി ദൂരം എത്തുമ്പോഴേക്കും നടന്നുവരുന്ന അഭിയെ കണ്ടു അവൻ വണ്ടി ഒതുക്കി.. അവൻ കയറി പുറകിലിരുന്നതും വണ്ടി തിരിച്ച് കലാക്ഷേത്രയിലേക്ക് തന്നെ വിട്ടു... അഭി ഏകദേശം കാര്യങ്ങളൊക്കെ ചുരുക്കി പറഞ്ഞു... കിളി പോയ അവസ്ഥയിൽ ആയിരുന്നു സഞ്ജു...

"എടാ പൊട്ടാ... നീ അവരുടെ മുന്നിലൂടെ ഇറങ്ങി വന്നോ???" "ഹ്മ്മ്.. അവരൊക്കെ എത്ര മാറിയെന്നു പറഞ്ഞാലും പക്കാ ഓർത്തഡോക്സ് തന്നെയാ.. അത് കൊണ്ടു നമ്മൾ അങ്ങോട്ട് പോവും മുന്നേ അവളുടെ അപ്പ ഇങ്ങോട്ട് വരും കല്യാണം വേഗം നടത്താൻ...." ഇനി ഒന്നും പറഞ്ഞിട്ട് കാര്യമില്ല എന്ന് തോന്നി സഞ്ജു വേഗംവണ്ടി വീട്ടിലേക്ക് കൊണ്ടുപോയി... 🔵🔵🔵🔵🔵 പീലി കുറച്ചുനേരം ആലോചിച്ചിരുന്നു... കഴിഞ്ഞ രാത്രിയിലെ കാര്യങ്ങൾ അവളുടെ മുഖത്തിൽ ചുവപ്പ് രാശി കലർത്തി.. അവന്റെ കൈകളും ചുണ്ടുകളും ഇഴഞ്ഞ ഭാഗങ്ങൾ അവൾ തന്റെ കൈകൾ കൊണ്ടു തൊട്ട് നോക്കി.. കണ്ണുകളടച്ചു പിടിച്ച് അവന്റെ സ്പർശം അവൾ ഫീൽ ചെയ്തു.. വല്ലാത്തൊരു വികാരം അവളിൽ വന്നു പൊതിയുന്നുണ്ടായിരുന്നു.. കുറച്ചു നേരം കൂടെ അവൾ മുറിയിൽ തന്നെയിരുന്നു... എങ്ങനെ താഴേക്ക് പോകും എന്നതായിരുന്നു അവളുടെ ടെൻഷൻ...

എന്തായാലും പോയല്ലേ പറ്റൂ എന്ന് ചിന്തിച്ചു കൊണ്ട് വേഗം കുളിച്ച് മാറാനുള്ള ഡ്രസ്സ് എല്ലാം എടുത്തു താഴെ ബാത്ത്റൂമിലേക്ക് നടന്നു... അവൾക്ക് വല്ലാത്ത ടെൻഷൻ തോന്നി.... അവളെ കണ്ടതും ഒരു തരം ആക്കി ചിരിയോടെ അല്ലി അടുക്കളയിലേക്ക് പോയി... അരുൺ ആണെങ്കിൽ ഇങ്ങനെ ഒരാൾ ഇവിടെ നിൽക്കുന്നെ ഇല്ല എന്ന ഭാവത്തിലായിരുന്നു പെരുമാറ്റം... ജാനകി അവളുടെ മുഖത്തുപോലും നോക്കുന്നില്ല... അപ്പ പുറത്ത് പോയെന്ന് തോന്നുന്നു... നോക്കിയപ്പോൾ മുൻവശത്തു ചെരുപ്പ് കാണാനില്ല... സമാധാനത്തോടെ ബാത്റൂമിലേക്ക് കയറി... കുളി കഴിഞ്ഞ് ഇറങ്ങി... അരുണേട്ടൻ ഇന്ന് വൈകുന്നേരം തന്നെ തിരിക്കും, അതുകൊണ്ട് അരുണേട്ടന്റെ വീട്ടിൽ ഒന്ന് പോയിട്ട് വരാം എന്ന് പറഞ്ഞ് ചേച്ചിയും ചേട്ടനും റെഡിയായി...

അവർ പോവുന്നു പറഞ്ഞപ്പോൾ തന്നെ പകുതി സമാധാനം... ഇനി അവരെ ഫേസ് ചെയ്യണ്ടല്ലോ എന്ന് ആലോചിച്ച് അവൾ വേഗം മുറിയിലേക്ക് പോയി.... അവരുടെ കാർ സ്റ്റാർട്ട് ചെയ്യുന്ന ശബ്ദം കേട്ടാണ് പിന്നെ താഴേക്ക് ഇറങ്ങിയത്... അവർ പോയി കഴിഞ്ഞ് തിരിഞ്ഞു നോക്കിയപ്പോൾ അവളെ തന്നെ നോക്കി നിൽക്കുന്ന ജാനകിയെയാണ് കണ്ടത്... പീലി കഷ്ടപ്പെട്ട് മുഖത്ത് ഒരു ചിരി വരുത്തി... ജാനകി ഗൗരവത്തോടെ വന്നു അവളുടെ ചെവിയിൽ പിടിച്ചു കൊണ്ട് അവളെ കൂർപ്പിച്ചു നോക്കി.. അവൾ ചുണ്ട് പിളർത്തി സങ്കടത്തോടെ അവരെ നോക്കി... പെട്ടെന്ന് മുഖത്തെ ഗൗരവം മാറി പുഞ്ചിരി നിറഞ്ഞു... ചിരിച്ച് അവളുടെ കവിളിൽ ഒന്ന് തലോടി ജാനകി അകത്തേക്ക് നടന്നു.. അവളുടെ ചുണ്ടിലും മനോഹരമായ ഒരു ചിരി ഉണ്ടായിരുന്നു..... അപ്പോഴേക്കും അപ്പ അകത്തേക്ക് വരുന്നത് കണ്ട് അവൾ വേഗം ജാനകിയുടെ പുറകെ അടുക്കളയിലേക്കു നീങ്ങി... അവർ ഒരുമിച്ചാണ് പ്രാതൽ കഴിച്ചത്...

ഉച്ച വരെ സമയം തള്ളിനീക്കാൻ അവൾ വളരെ ബുദ്ധിമുട്ടി... ഇന്ന് ക്ലാസ്സിന് പോകണം എന്ന് അവൾ നേരത്തെ ജാനകിയോട് പറഞ്ഞിരുന്നു... ജാനകി മോഹനാഥനോടു പറഞ്ഞു സമ്മതം വാങ്ങിയതും വല്ലാത്ത സന്തോഷത്തിലായിരുന്നു പീലി... മൂന്നരയ്ക്കാണ് ക്ലാസ്സ് തുടങ്ങുന്നത് എന്നാലും രണ്ടു മണിയാകുമ്പോൾ പോകാം, ഒരു മണിക്കൂർ അവിടെ ചുമ്മാ ഇരിക്കാം അപ്പോഴേക്കും കുട്ടികൾ എല്ലാവരും വരും...ഇങ്ങനെ പലതും കണക്കുകൂട്ടി അവൾ ഉച്ചയാവാൻ വേണ്ടി കാത്തിരുന്നു... ഭക്ഷണം കഴിച്ചു കഴിഞ്ഞതും അവൾ വേഗം റെഡിയായി ഇറങ്ങി... അവളുടെ പോക്ക് കണ്ട് മോഹനാഥനും ജനകിയും പരസ്പരം നോക്കി ചിരിച്ചു... വരമ്പിലൂടെ അവൾ ഓടി... ഒരുപാട് കാലങ്ങൾക്കു ശേഷം തന്റെ നാട്ടിലൂടെ ഉള്ള യാത്ര.... ഉച്ചിയിൽ വെയിൽ അടിക്കുന്നുണ്ട്... അതൊന്നും കാര്യമാക്കിയില്ല....തണുത്ത കാറ്റ് വീശുന്നുണ്ട്... ഈ നാടിന്റെ പ്രത്യേകതയാണിത്...

എത്ര വരണ്ട കാലാവസ്ഥയാണെങ്കിലും എത്ര ചൂട് ഉണ്ടെങ്കിലും, പാടങ്ങളിൽ പോയാൽ ഈ കാറ്റ് പതിവാണ്... ഉച്ച നേരത്തും വീശിയടിക്കുന്ന കാറ്റ്.. ദൂരെ കുട്ടികൾ പട്ടം പറത്തുന്നുണ്ട്... പാടത്തിനു നടുക്കായുള്ള കുളത്തിൽ ചൂണ്ടയിടാനിരിക്കുന്നവരോട് കുശലം പറഞ്ഞ് അവൾ വീണ്ടും ഓടി.. കലാക്ഷേത്രക്ക് മുന്നിൽ എത്തിയതും ഒന്ന് ആഞ് ശ്വാസം വിട്ടു.. നെറ്റിയിൽ പൊടിഞ്ഞ വിയർപ്പ് തുള്ളികളെ ദാവണി തുമ്പ് കൊണ്ടു തുടച്ച് അവൾ അകത്തേക്ക് കയറി.. കോലായിൽ ആരെയോ കാത്തെന്ന പോലെ ഉലാത്തുന്ന സഞ്ജുവിനെ കണ്ട് അവൾ നെറ്റിച്ചുളിച്ചു.... അവളെ കണ്ടതും അവൻ ഒരു വളിച്ച ഇളി പാസ്സാക്കി... "എന്താ സഞ്ജുവേട്ടാ പുറത്ത് നിൽക്കുന്നെ??" "അത് പിന്നെ... ചുമ്മാ ഈ ഭംഗിയൊക്കെ ഒന്ന് ആസ്വധിക്കാൻ..." അവന്റെ പറച്ചിൽ കേട്ട് അവൾ ഒന്ന് ഇരുത്തി നോക്കി.. "അത്... അത് പിന്നെ.. കുറെ യുവതികൾ നൃത്തം അഭ്യസിക്കാൻ 3 മണിക്ക് ഇവിടെയെത്തുമെന്ന വിവരം മുകളിൽ നിന്നും ശ്രവിച്ചു..

എന്നാൽ പിന്നെ ഒന്ന് പരിചയപ്പെട്ടാൽ കൊള്ളാമെന്നൊരു തോന്നൽ , ഒരു ദർശന സുഖം..." "Short ആയി പറഞ്ഞാൽ വായിനോട്ടം ലെ..." "ആഹ്.. അങ്ങനെയും പറയാം..." അവനെ ഒന്ന് നോക്കി ചിരിച്ചു കൊണ്ടു അവൾ അകത്തേക്ക് കയറി... ഷോക്കെയ്സിൽ ഉള്ള ട്രോഫികളും മറ്റും തുടച്ചു വയ്ക്കുകയായിരുന്നു ധാർമിക.. "ടീച്ചറമ്മേ...." അവൾ പുറകിലൂടെ പുണർന്നു.. "ഹാ വന്നോ...? ഞാൻ പ്രതീക്ഷിച്ചിരുന്നു ഇന്ന് നേരത്തെ വരുമെന്ന്..." അവൾ ഒന്ന് ചിരിച്ചു കൊടുത്തു.. "എന്നെ കാണാനാവില്ല എന്നും അറിയാം.. അവൻ മുകളിലുണ്ട്.. ഉറക്കമാണെന്നു തോന്നുന്നു.. പൊയ്ക്കോ.." "ഏയ്‌... അങ്ങനെയൊന്നുമില്ല..." വല്ലാത്തൊരു ചമ്മലോടെ അവൾ അവിടെ തന്നെ നിന്നു.. "എന്റെ പീലി കുട്ടി നിന്ന് വിയർക്കേണ്ട.. പൊയ്ക്കോ." ധാർമിക ചിരിയോടെ പറഞ്ഞപ്പോൾ അവൾ നിറഞ്ഞ ചിരി തിരികെ കൊടുത്ത് മുകളിലേക്ക് കയറി.. ചാരി വച്ച വാതിൽ തുറക്കുമ്പോൾ അഭി കമഴ്ന്നു കിടന്ന് ഉറക്കമാണ്..

"ശേ.. ഈ മനുഷ്യന് ഒരു ഷർട്ട് ഇട്ട് കിടന്നൂടെ.. കണ്ട്രോൾ കളയാൻ.." അവൾ പതിയെ അകത്തേക്ക് കടന്ന് വാതിൽ ചാരി വച്ച് ബെഡിലേക്ക് കയറി കൈ നിവർത്തി പുറത്ത് ആഞ്ഞൊരു അടി കൊടുത്തു.. അഭി ഞെട്ടി എഴുന്നേറ്റു.. "ആഹ്... എന്റെ പുറം..." അവൻ കൈ പുറത്തേക്ക് മടക്കി ഉഴിഞ്ഞ് അവളെ ദേഷിച്ചു നോക്കി.. അവളാണെങ്കിൽ അവനെയും അതേ കലിപ്പിൽ നോക്കുന്നുണ്ട്.. ആ ഭാവം കണ്ട് അവൻ അല്പം അയഞ്ഞു... "എന്താടി..." മിണ്ടുന്നില്ല... കുട്ടി മിണ്ടുന്നില്ലന്നെ.. അവൻ കുറച്ചൂടെ അവൾക്കരികിലേക്ക് നീങ്ങി ഇരുന്നു.. "എന്ത് പറ്റി മയിലേ..." കവിളിൽ ചേർത്ത് പിടിച്ച അവന്റെ കൈകളെ അവൾ തട്ടി മാറ്റി.. "എന്ത് വൃത്തികേടാ നിങ്ങൾ രാവിലെ കാണിച്ചേ.. " "വൃത്തികേടോ..??? ഞാനോ...?? അയ്യേ.. ഞാൻ രാത്രിയല്ലേ കാണിച്ചേ. അതും വൃത്തികേടൊന്നുമല്ലലോ... നിന്നെ സ്നേഹിച്ചതല്ലേ പെണ്ണെ..." അവൻ അവളെ ഇടുപ്പിലൂടെ കയ്യിട്ട് ദേഹത്തോടടുപ്പിച്ചു..

നഗ്നമായ അവന്റെ ദേഹത്തു പറ്റിപ്പിടിച്ചിരിക്കുമ്പോൾ അവൾക്ക് വാക്കുകൾ പുറത്തേക്ക് വന്നില്ല.. കൊല്ലാനുള്ള ദേഷ്യവുമായാണ് വന്നത്.. പക്ഷെ... അവളിൽ വല്ലാത്തൊരു പുഞ്ചിരി മൊട്ടിട്ടു... "അഭിയേട്ടാ..." "പറയടാ..." "എന്തിനാ എല്ലാരുടെ മുന്നിലും പുറത്തേക്ക് വന്നത്.. ഞാൻ നാണം കേട്ടില്ലേ.." "എന്തിന്..??" "ദേ.. ഒന്നുമറിയാത്ത പോലെ ചോദിക്കല്ലേ... ശേയ്യ്... ഞാനെങ്ങനെയാ എല്ലാരേം ഫേസ് ചെയ്തത് ന്ന് ഇപ്പോഴും എനിക്ക് നിശ്ചയില്ലാ..." "അതിനെന്താ.. അങ്ങനെ ഞാൻ ചെയ്തത് കൊണ്ടു ഇനി എളുപ്പം നമ്മുടെ കല്യാണം നടക്കും..." "ഹോ.. അതിന് വേണ്ടിയായിരുന്നോ ഈ പ്പദ് ണപ്പ് പ്പ് ആപ്പ്.... ബാക്കി പറയുമ്പോഴേക്കും അവൻ അവളുടെ വായ അമർത്തി പിടിച്ചടച്ചു... "മതി.. തീർന്നത് തീർന്നു.. ഇനി നടക്കാൻ പോവുന്നതിനെ പറ്റി പറയട്ടെ..." അവൾ അവനെ നോക്കി കണ്ണുരുട്ടി... അവൻ അവളുടെ വായയിൽ നിന്നും കൈ പിൻവലിക്കാതെ തന്നെ ആ കഴുത്തിൽ മുഖം പൂഴ്ത്തി.. 🔵🔵🔵🔵🔵🔵🔵

കൃത്യനിഷ്ട്ടായില്ലാത്ത പിള്ളേർ.. ഇവിടെ ഒരുത്തൻ എത്ര നേരമായി കാത്തു നിൽക്കുന്നു എന്ന് വല്ല ബോധവും ഉണ്ടോ എന്ന് നോക്കിയേ... ഒരൊറ്റ എണ്ണത്തിനെ കാണാനില്ല... സഞ്ജു അക്ഷമനായി ഗേറ്റിലേക്ക് നോക്കി കൊണ്ടു അങ്ങോട്ടും ഇങ്ങോട്ടും ഉലാത്തി കൊണ്ടേയിരുന്നു.... . ആരെങ്കിലും വരുന്നുണ്ടോ എന്ന് ഇടയ്ക്കിടയ്ക്ക് ദൂരേക്ക് കണ്ണും ചലിക്കുന്നുണ്ട്... അപ്പോഴാണ് ദൂരെ വരമ്പിലൂടെ ഒരു പെൺകുട്ടി നടന്നുവരുന്നത് ശ്രദ്ധിച്ചത്... ഇങ്ങോട്ട് തന്നെയാണ് എന്ന് ഉറപ്പിക്കാനായി അവൻ കണ്ണുകൾ മാക്സിമം സൂം ചെയ്ത് നോക്കിക്കൊണ്ടിരുന്നു.... വെളുത്ത് മെലിഞ്ഞ ദാവണിയുടുത്ത ഒരു കൊച്ചു സുന്ദരി.... മുഖം വ്യക്തമല്ലെങ്കിലും സ്ട്രക്ച്ചർ സൂപ്പർ.... "ഈശ്വരാ മുഖവും കൂടി സൂപ്പർ ആയിരിക്കണേ" അവൻ മുകളിലേക്ക് നോക്കി പ്രാർത്ഥിച്ചു കൊണ്ടിരുന്നു.... അവിടെ നിന്നും അടുത്തേക്ക് വരെ വരെ അവളുടെ മുഖം പതിയെ ദൃശ്യമായി തുടങ്ങി...

കൊള്ളാം നല്ല നീണ്ടുമെലിഞ്ഞ മുഖം... ഉണ്ടക്കണ്ണുകൾ... വില്ലുപോലെ വളഞ്ഞ പുരികക്കൊടികൾ.... ചുവന്ന ചുണ്ടുകൾ... എല്ലാത്തിനേക്കാളും ഹൈലൈറ്റ് അവളുടെ നിറം ആണ്...നല്ല വെള്ള കളർ.... അവൻ ഗേറ്റ് കടന്നു വരുന്ന അവളെ തന്നെ നോക്കി നിന്നു....കറുപ്പു നിറത്തിലുള്ള ദാവണി ആണ് വേഷം... കയ്യിൽ ചിലങ്ക ഉണ്ട്... ഇതുവരെ കാണാത്ത ഒരു മുഖം വീടിനു മുന്നിൽ നിൽക്കുന്നത് കണ്ട് അവൾ മുഖം ചുളിച്ചു കൊണ്ട് ഗേറ്റിനകത്തേക്ക് കയറി.... അവളെ കണ്ടതും അവൻ നല്ല ക്ലോസപ്പ് ചിരി പാസാക്കി... " ഹായ് "അവളെ നോക്കി വേഗം അവൻ കൈയുയർത്തി കൊണ്ട് വിളിച്ചു പറഞ്ഞു... അവൾ ഒന്ന് ചിരിച്ച പോലെ കാണിച്ച് നേരെ കലാക്ഷേത്രയിലേക്ക് കയറിപ്പോയി... സഞ്ജുവും വേഗം കോലായിൽ നിന്നും ചാടി ഇറങ്ങി വരാന്തയിലൂടെ നടന്ന് കലാക്ഷേത്രയിലേക്ക് കയറി... തിരിഞ്ഞതും മുന്നിൽ നിൽക്കുന്ന ആളെ കണ്ട് പെട്ടെന്നൊന്നു ഞെട്ടി അവൾ... "ഹായ്.. പേടിക്കേണ്ട... ഞാൻ അഭിയുടെ ഫ്രണ്ട... സഞ്ജയ്..." പീലിയുടെ വാക്കുകളിൽ നിന്നും കേട്ട സഞ്ജുവേട്ടൻ എന്ന പേര് അവളുടെ മനസിലേക്ക് വന്നപ്പോൾ അവൾ ഒന്നു ചെറുതായി ചിരിച്ച് വീട്ടിലേക്ക് കയറാൻ നിന്നു...

"അല്ല... പേര് പറഞ്ഞില്ല..." " മീനാക്ഷി... " അവൾ ചിരിയോടെ പറഞ്ഞു കൊണ്ട് അകത്തേക്ക് കയറി.... സഞ്ജു അവളെ തന്നെ നോക്കി നിന്നു.. "മീനാക്ഷി... ഞാൻ മാത്രം മീനൂ ന്ന് വിളിക്കും.. മീനൂട്ടി... ശോ.. എന്നെ കൊണ്ടു തോറ്റു..." അവൻ നാണത്തോടെ അകത്തേക്ക് കയറി... "ഹാ.. മീനു വന്നോ..." ധാർമിക ചോദിക്കുന്നത് കേട്ട് അവൻ ഒരു നിമിഷം സ്റ്റക്കായി... "മീനൂട്ടി നിന്നോട് ഞാൻ നേരത്തെ വരാൻ പറഞ്ഞതല്ലേ..." പീലി പരിഭവത്തോടെ അവൾക്കരികിലേക്ക് പോയി... സഞ്ജു ചുണ്ട് ചളുക്കി നിന്നു.. "ഹാ.. ഇതാരാ മീനുവോ... ഇന്ന് നേരത്തെയാണല്ലോ..." അഭിയും വന്നതോടെ കോളം തികഞ്ഞു.. "അപ്പൊ എല്ലാരും മീനു ന്നും മീനൂട്ടിന്നും ആണോ വിളിക്കുന്നത്.. അപ്പൊ ഞാനോ... ഊട്ടി ന്ന് വിളിക്കാം.. അയ്യേ.. നൂട്ടി ആയാലോ.. ശെയ്.. വേണ്ട.. എന്തെങ്കിലും പേര് കണ്ടു പിടിച്ചേ പറ്റൂ...." അവൻ ഇരുകൈകളും ഇടുപ്പിൽ കുത്തി മുകളിലേക്ക് നോക്കി നിന്ന് ചിന്തിച്ചു...💙 .. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...