🌸മയിൽ‌പീലി🌸: ഭാഗം 31

രചന: അനു രാജീവ്

കാലത്ത് എഴുന്നേൽക്കുമ്പോൾ രണ്ടു പേരും വളരെ വൈകിയിരുന്നു.. ഉച്ചക്ക് 2 മണിക്കാണ് ഫ്ലൈറ്റ് ടിക്കറ്റ് ബുക്ക്‌ ചെയ്തിരുന്നത്.. അഭി കണ്ണ് തുറക്കുമ്പോൾ മീററിന് മുന്നിൽനിന്നും ഡ്രസ്സ് മാറുന്ന പീലിയെ ആണ് കണ്ടത്... നല്ല വൃത്തിയായി സാരി ഞൊറിഞ്ഞുടുത്ത് മുടി ചീവി കുളിപ്പിന്നലിട്ട് നെറ്റിയിൽ ഒരു കറുത്ത പൊട്ടും നെറുകയിൽ സിന്ദൂരവും അണിഞ്ഞു... അതോടെ അവളുടെ ഒരുക്കം പൂർത്തിയായി... തിരിഞ്ഞുനോക്കുമ്പോൾ കട്ടിലിൽ തലയിൽ കൈ താങ്ങി ചെരിഞ്ഞ് കിടന്ന് തന്നെ നോക്കുന്ന അഭിയെ ആണ് കണ്ടത്... എപ്പോൾ എണീറ്റിട്ടുണ്ടാകും എന്ന സംശയവും ചളിപ്പും തോന്നിയെങ്കിലും എന്റെ ഭർത്താവല്ലേ എന്ന ഉത്തരം കൊണ്ട് ആ സംശയത്തെ സാദൂകരിച്ചു... "ചായ എടുത്തിട്ട് വരട്ടെ അഭിയേട്ടാ..." "കോഫി..." "ശ്... സോറി സോറി.. കോഫി എടുത്തിട്ട് വരാം..." അവൻ ഒന്ന് തലയാട്ടി എഴുന്നേറ്റു.. അവൾ താഴെക്കോടി.. അവൻ ബാത്‌റൂമിൽ കയറി.. മുഖം കഴുകി തിരിച്ചുവരുമ്പോൾ കോഫിയുമായി റൂമിൽ വെയിറ്റ് ചെയ്തു നിൽക്കുന്ന പീലിയെയാണ് കണ്ടത്.. അഭി പുഞ്ചിരിയോടെ അവളുടെ കയ്യിലെ കോഫി മഗ് കയ്യിൽ വാങ്ങി...

കോഫി കുടിക്കുമ്പോഴും അവന്റെ നോട്ടം ബെഡ്ഷീറ്റ് കുടഞ്ഞ് വിരിക്കുന്ന പീലിയിൽ ആയിരുന്നു. കരിനീല സാരിക്കിടയിലൂടെ കാണുന്ന വെളുത്ത വയറിലേക്ക് അവന്റെ നോട്ടം ചെന്ന് നിന്നു... അവിടെയൊന്നു ചുംബിക്കാൻ അവന്റെ ഹൃദയം വെമ്പി.. കോഫി മഗ്‌ ടേബിളിൽ വച്ച് അവൻ അവൾക്കരികിലേക്ക് വന്നു... തിരിഞ്ഞു നിന്ന പീലി ഇതൊന്നും ശ്രദ്ധിച്ചില്ല.. ഇടുപ്പിൽ കൈ വച്ചതും അവളുടെ കയ്യിലെ പില്ലോ താഴെ വീണു.. എങ്കിലും അവൾ അനങ്ങിയില്ല.. ഇടുപ്പിൽ മുറുകെ പിടിച്ചു കറക്കി അവളെ തിരിച്ച് നെഞ്ചോട് ചേർത്തു വച്ചു.. പിടക്കുന്ന മിഴികളോടെ അവൾ അവന്റെ മുഖത്തേക്ക് ഉറ്റുനോക്കി.. അവന്റെ കൈകൾ വയറിനു മറയായി നിന്ന സാരിയെ വകഞ്ഞു മാറ്റി.. പ്ലീറ്റ് കുത്തിയ ഭാഗത്ത് കൈവച്ച് താഴേക്ക് വലിച്ചു സാരി പൊക്കിളിനു താഴെക്കാക്കി.. അവൾ ഉമിനീരിറക്കി കൊണ്ട് അവനെ നോക്കി നിന്നു.. അവന്റെ വശ്യമായ നോട്ടത്തിൽ പെട്ടുഴറും പോലെ... അവൻ പതിയെ അവളുടെ മൂക്കിൽ മൂക്ക് കൊണ്ട് ഒന്ന് തട്ടി... ആ ചുണ്ടുകൾ ചുണ്ടുകൾ തൊട്ടിയുരുമി കൊണ്ട് കഴുത്തിലൂടെ അരിച്ചിറങ്ങി.. അവൾ ഇരുകൈകളും സാരിയിൽ തെരുത്തു പിടിച്ചു.. ആ ചുണ്ടുകൾ സാരിക്ക് മുകളിലൂടെ മാറിടത്ത് അമർത്തി ഉമ്മ വച്ച് അവിടെ നിന്നും താഴേക്ക് നീങ്ങി.. അവൾ പിടഞ്ഞു പോയി..

നഗ്നമായ ഉദരത്തിനു മുകളിൽ ആ ചുണ്ട് പതിച്ചതും സാരിയിൽ പിടിച്ച ഇരുകൈകളും പൊടുന്നനെ അവന്റെ തോളിൽ അഭയം തേടി.. അവന്റെ ചുണ്ടുകൾ ആ ഉദരത്തിൽ ചുംബനമുദ്രണം ചാർത്തി.. താടിയും മീശയും അവിടെ ഇക്കിളിയുണ്ടാക്കി.. അവന്റെ പല്ലുകൾ പൊക്കിൾ ചുഴിയിൽ അമർന്നു.. അവൾ ഏങ്ങി വലിച്ചു കൊണ്ട് കാലുയർത്തി പൊങ്ങി.. നാവു കൊണ്ട് ഒന്ന് ഉഴിഞ്ഞതും അവൾ പുറകിലോട്ട് വേച്ചു പോയി അടി തെറ്റി ബെഡിലേക്ക് വീണു.. മുട്ടിലിരുന്നവൻ പതിയെ ഉയർന്നു അവൾക്ക് മുകളിലേക്ക് കയറി... കാലിൽ പതിയെ കടിച്ച് അവൻ വീണ്ടും വയറ് ലക്ഷ്യമാക്കി നീങ്ങി.. അവൾ കണ്ണുകൾ മുറുക്കിയടച്ചു.. ഒന്ന് കൂടി ആ ഉദരത്തിൽ അമർത്തി ചുംബിച്ച് അവൻ അവളുടെ മേലേക്ക് മുഴുവനായും അമർന്നു.. മുറുക്കി അടച്ച മിഴികളിലേക്ക് തന്നെ നോട്ടമിട്ട് കൊണ്ട് അവൻ കിടന്നു... അടഞ്ഞ കണ്ണുകൾക്കുള്ളിൽ ചലിക്കുന്ന കൃഷ്ണമണിയെ അവൻ സാകൂതം വീക്ഷിച്ചു.. കണ്ണുകൾ പതിയെ തുറന്നതും അവൻ അതിൽ ഒന്നമർത്തി മുത്തി കൊണ്ട് എഴുന്നേറ്റു... ടേബിളിൽ വച്ച കാപ്പിയും എടുത്ത് അവൻ പുറത്തേക്ക് നടന്നു.. അവൾ അവിടെത്തന്നെ കിടന്നു പോയി... വർദ്ധിച്ച ഹൃദയമിടിപ്പിനെ നിയന്ത്രിക്കാൻ കഴിയാതെ ഉയർന്നു താഴ്ന്ന മാറിടത്തിൽ കൈകൾ വച്ച് സ്വയം കണ്ട്രോൾ ചെയ്തു കൊണ്ടിരിക്കുന്നു...

മേലെ സ്ഥാനം തെറ്റി കിടന്ന സാരി ശരിയാക്കി അവൾ എഴുന്നേറ്റിരുന്നു... "ഇങ്ങനെ പോയാൽ ഞാൻ ശ്വാസം മുട്ടി ചത്തു പോവുമല്ലോ ഭഗവാനെ..." അവൾ മുകളിലേക്ക് നോക്കി ആരോടെന്നില്ലാതെ പറഞ്ഞു... ______❤️❤️ കാലത്ത് അമ്പലത്തിലേക്ക് പോയതാണ് മീനു.. തിരികെ വരുമ്പോൾ തന്നെ കാത്ത് നിൽപ്പുണ്ടായിരുന്ന സഞ്ജുവിനേ കണ്ട് അവൾ ചിരിയോടെ അടുത്തേക്ക് പോയി.. ഇന്ന് അഭിയും പീലിയും അരുണും അല്ലിയും കുഞ്ഞും മടങ്ങും.. മേനോൻ അങ്കിൾ ആൾടെ തറവാട്ടിലേക്ക് തിരിച്ചു.. ആരുമില്ലാത്ത വീട്ടിൽ ശിഷ്ട്ട കാലം കഴിയാം എന്ന തീരുമാനത്തിലാണ്.. "സഞ്ജുവേട്ടനെന്താ ഇന്ന് പോവുന്നില്ലെന്ന് പറഞ്ഞത്..." മീനു കള്ള ചിരിയോടെ ചോദിച്ചു.. "ഒന്നുല്ല.. ഞാനും പോയാൽ അമ്മ ഒറ്റക്കാകും.. പിന്നേ ഫ്ലാറ്റിൽ അവർക്ക് കുറച്ച് ദിവസമെങ്കിലും അല്പം പ്രൈവസി വേണ്ടേ? അത് കൊണ്ടാ..." "അത് മാത്രേ ഉള്ളു...?" "അങ്ങനെ ചോദിച്ചാൽ.. ഇന്നലെയല്ലേ നീ ഓക്കേ പറഞ്ഞത്.. അത് കൊണ്ട് വിട്ട് പോവാൻ ഒരു മടി.." അവൾ ചുണ്ടിൽ വിരിഞ്ഞ പുഞ്ചിരിയെ മറച്ച് പിടിച്ചു കൊണ്ട് മുന്നിൽ നടന്നു.. അവൻ അവളുടെ പിറകിലും.. ആരുമില്ലാത്ത ഇടവഴിയിൽ എത്തിയപ്പോൾ അവൻ അവളുടെ കയ്യിലേക്ക് പിടിച്ചു നിർത്തി.. അവൾ വേഗം തിരിഞ്ഞു നോക്കി എന്തെന്ന ഭാവത്തിൽ...

"ഇന്നലെ പോകുമ്പോൾ എനിക്കൊരു സാധനം തന്നിരുന്നില്ലെ... അത് തിരിച്ചു വേണ്ടേ?" കടിച്ചു പിടിച്ച ചിരിയോടെയുള്ള അവന്റെ ചോദ്യം കേട്ട് അവളുടെ കണ്ണുകൾ മിഴിഞ്ഞു... "തന്നോട്ടെ...." അവളുടെ കൈയ്യിൽ പിടിച്ചു വലിച്ചു ദേഹത്തോട് ചേർത്തി നിർത്തി പതിഞ്ഞ ശബ്ദത്തിൽ അവൻ ചോദിച്ചു.. അവൾ മറുപടി ഒന്നും പറഞ്ഞില്ല.. കയ്യിൽ നിന്നുമുള്ള പിടുത്തം വിടാതെ തന്നെ മുഖം മാത്രം ആ മുഖത്തിലേക്ക് താഴ്ത്തി.. അവൾ ഒട്ടും പതറാതെ അവന്റെ മുഖത്തിലേക്ക് നോക്കി നിന്നു... അവൻ ആ ചുവന്ന കവിളിൽ ചുണ്ടുകൾ ചേർത്തു നുണഞ്ഞു.. അടഞ്ഞ് പോവുന്ന കണ്ണുകളെ അതിന് സമ്മതിക്കാതെ ബലമായി തുറന്ന് പിടിച്ചുകൊണ്ട് അവൾ ആ ചുംബനം ഏറ്റു വാങ്ങി അവന്റെ കൈ അവളുടെ കൈത്തണ്ടയിൽ നിന്നും അയഞ്ഞു മാറി ഇടുപ്പിലേക്ക് നീങ്ങി.. അവൾ ചിരിയോടെ അവനെ തള്ളി മാറ്റി മുന്നിൽ ഓടി.. "കവിളിലായിരുന്നോ.. ശെയ്... ഞാൻ കരുതി പലിശയും ചേർത്ത് ഒരു ലിപ് ലോക്ക് അങ്ങ് തരുമെന്ന്... മോശം മോശം..." ചിരിയോടെ ചുണ്ടിൽ കൈവച്ച് കുറച്ച് അകലെ നിന്ന് വിളിച്ചു പറയുന്നവളെ കണ്ട് അവന്റെ കണ്ണുകൾ പുറത്തേക്ക് വന്നു.. ഭയത്തോടെ ചുറ്റും നോക്കി.. ആരെങ്കിലും കേട്ടാൽ തീർന്നുന്ന് അവനറിയാം..

ചുറ്റും നോക്കി നേരെ നോക്കുമ്പോഴേക്കും അവൾ ദവണിയും തൂക്കി ഓടി അകന്നിരുന്നു.. അവൻ അകന്നു പോവുന്ന അവളെ തന്നെ നോക്കിനിന്നു.. അത്യധികം പ്രണയത്തോടെ.. ❤️ ___¶¶¶¶¶¶¶¶¶____ കാലത്ത് കലാക്ഷേത്രയിൽ നിന്നും ഭക്ഷണം കഴിച്ച് നേരെ അമ്പാട്ടേക്ക് പോയി... അവിടെ കുറച്ച് നേരം ചിലവഴിച്ച് അത്യാവശ്യം വേണ്ട സാധനങ്ങളും എടുത്ത് നേരെ പോയത് സിതാരയുടെ അടുത്തേക്കാണ്... യാത്ര പറഞ്ഞിട്ട് ഇറങ്ങുമ്പോൾ അവർ രണ്ടു പേരെയും മനസറിഞ്ഞു അനുഗ്രഹിച്ചു... കലാക്ഷേത്രയിലേക്ക് മടങ്ങി എത്തുമ്പോഴേക്കും ഉച്ചയാവാറായിരുന്നു... എയർപോർട്ടിലേക്ക് പോവാൻ ടാക്സി വിളിച്ചു പറഞ്ഞിരുന്നു.. അമ്പാട്ടേക്ക് പോയി അവരെ പിക്ക് ചെയ്തതിനു ശേഷമേ ഇങ്ങോട്ട് വരുള്ളൂ.. എല്ലാം പാക്ക് ചെയ്ത് അവർ താഴേക്ക് പോയി.. നാല് പേരും ചേർന്ന് ഭക്ഷണം കഴിക്കുമ്പോൾ പീലിയുടെ മുഖത്ത് ഈ നാടിനെ വിട്ടു പോവുന്നതിലുള്ള സങ്കടം നിഴലിച്ചിരുന്നു.. എല്ലാത്തിനുമുപരി നൃത്തത്തെ ഉപേക്ഷിച്ചു പോവുന്നതിൽ.. ഇനി ഈ കലാക്ഷേത്രയും പ്രിയപ്പെട്ട ചിലങ്കയും തനിക്ക് അന്യമാകും.... അവളുടെ മുഖത്തെ തെളിച്ച് കുറവ് കണ്ട് ധാർമികയ്ക്കും സങ്കടം തോന്നി.. എന്നാൽ അഭി അതൊന്നും ശ്രദ്ധിക്കാതെ ഭക്ഷണം കഴിക്കുന്ന തിരക്കിലായിരുന്നു.. വേഗം കഴിച്ചെഴുന്നേറ്റ് അവൾ ഡ്രസ്സ്‌ മാറാൻ പോയി...

സാരി മാറ്റി മജന്ത സൽവർ എടുത്തണിഞ്ഞു... റെഡി ആയി സ്റ്റെപ് ഇറങ്ങി വരുന്ന പീലിയെ കണ്ട് അഭി സൂപ്പർ 👌എന്ന് കൈ കാണിച്ചു.. അവൾ ഒരു വാടിയ പുഞ്ചിരി നൽകി... അഭിയും ഷർട്ട് മാറി ഇറങ്ങുമ്പോൾ പീലി ധാർമികയുടെ കയ്യിൽ ചുറ്റി പിടിച്ച് തോളിൽ ചാരി ഇരിക്കുകയായിരുന്നു... അഭി മറുഭാഗത്തിരുന്ന് ധാർമികയുടെ തോളിലേക്ക് ചാരി... അവർ ഇരുകൈകളും ഉയർത്തി അവരെ തലോടി.. ഇത് കണ്ടു വന്ന സഞ്ജു തിരക്കി ധാർമികയുടെ കാലിന്റെ ചുവട്ടിൽ ഇടംപിടിച്ചു... മൂവരും അത് കണ്ട് ചിരിച്ചു.. കുറച്ചുസമയം കഴിയുമ്പോഴേക്കും ടാക്സി വീടിനു മുന്നിലെത്തി.... കാറിനകത്തിരിക്കുന്ന അല്ലിയെയും അരുണിനെയും നോക്കി ധാർമിക പുഞ്ചിരിച്ചു.. ലെഗ്ഗജ് പുറകിലേക്ക് വച്ച് പീലിയും അഭിയും കൂടി പുറകിൽ കയറി.. വണ്ടി നീങ്ങി തുടങ്ങവേ കൈവീശി കാണിച്ചു ധാർമികയോട് യാത്ര പറയുന്നതിനോടൊപ്പം തന്റെ പ്രിയപ്പെട്ട കലാക്ഷേത്രയും അവൾ വിങ്ങലോടെ നോക്കി... ഫ്ലൈറ്റ് അര മണിക്കൂർ ഡിലേ ആയിരുന്നു.. നാലരയോടടുത്ത് അവർ ഫ്ലാറ്റിലെത്തി.. നെറ്റിയിലെ സിന്ദൂരവുമായ് അഭിയുടെ കൈകളിൽ ചേർത്ത് പിടിച്ചു നിൽക്കുന്ന പീലിയെ കണ്ട് സെക്യൂരിറ്റി അത്ഭുതത്തോടെ ചിരിച്ചു.. അവളുടെ കൈകളിൽ ഒന്ന്കൂടി മുറുക്കി പിടിച്ചു കൊണ്ട് അവൻ ലിഫ്റ്റിനടുത്തേക്ക് നീങ്ങി..

6th ഫ്ലോറിൽ ഇറങ്ങി മുന്നോട്ട് നടക്കുമ്പോൾ അഭിയുടെ ഫ്ലാറ്റിനു മുന്നിൽ എത്തിയതും അഭിയും പീലിയും നിന്നു... അരുണും അല്ലിയും ചിരിയോടെ തലയാട്ടിക്കൊണ്ട് കീ എടുത്ത് അവരുടെ ഫ്ലാറ്റ് തുറന്ന് അകത്തേക്ക് പോയി... പോക്കറ്റിൽ നിന്നും എടുത്ത് അഭി വാതിൽ തുറന്നു.. അകത്തേക്ക് കയറാൻ നിന്ന് പീലിയെ പിടിച്ചു വെച്ചു... "മയിലേ... രണ്ട് മിനിറ്റ് ഒന്ന് വെയിറ്റ് ചെയ്യൂ... പ്ലീസ്...പ്ലീസ് " അവളോട് പറഞ്ഞു കൊണ്ട് അവൻ അകത്തേക്ക് ഓടി എന്താണ് സംഭവിക്കുന്നത് എന്ന് മനസ്സിലാകാതെ പീലി അകത്തേക്ക് എത്തിനോക്കി കൊണ്ട് അവിടെ തന്നെ നിന്നു അകത്തുനിന്നും വന്ന അഭിയുടെ കയ്യിൽ കത്തിച്ചു പിടിച്ചിരിക്കുന്ന മെഴുകുതിരി കണ്ട് പീലി അടക്കിപിടിച്ചു ചിരിച്ചു.. അത് കണ്ട് അഭി മുഖം കൂർപ്പിച്ചതും അവൾ വേഗം ചിരി മറച്ച് നോർമൽ ആയി നിന്നു.. "ക്രിസ്ത്യൻസൊക്കെ മെഴുകുതിരി കൊടുത്താ വീട്ടിലേക്ക് കയറ്റാറ്.. ആ തെണ്ടി ഒരു നിലവിളക്ക് പോലും വാങ്ങി വച്ചിട്ടില്ല... ഇപ്പൊ എന്റെ മയില് ഇത് വച്ച് അഡ്ജസ്റ്റ് ചെയ്യ്.. " അവൾ ചിരിയോടെ അവന്റെ കയ്യിൽ നിന്നും മെഴുകുതിരി വാങ്ങി വലത് കാൽ വച്ച് ഫ്ലാറ്റിനകത്തേക്ക് കയറി... മെഴുകുതിരി അണച്ച് ഷെൽഫിൽ വച്ച് തിരിഞ്ഞതും തന്റെ പുറകിൽ ചേർന്ന് നിൽക്കുന്ന അഭിയേ കണ്ട് അവൾ ഒന്ന് പുറകോട്ടാഞ്ഞു..

"I love you മയിലേ..." അവൾ മനോഹരമായി പുഞ്ചിരിച്ചു.. "You have something special today.. A small surprise..." അവളുടെ നെറ്റി ചുളിഞ്ഞു.. "വാ മയിലേ..." അത്ഭുതത്തോടെ നിൽക്കുന്ന അവൾ അവൻ നീട്ടിയ കൈകളിൽ ചേർത്തുപിടിച്ചു.. അവൻ ഡോർ തുറന്ന് പുറത്തേക്കിറങ്ങി.. ലിഫ്റ്റിനടുത്തേക്ക് നടക്കുമ്പോൾ ഡോർ ലോക്ക് ചെയ്തില്ലല്ലോ എന്നവൾ ഓർത്തു.. ലിഫ്റ്റിൽ കയറി താഴെക്ക് പോവും എന്ന് കരുതിയപ്പോൾ അവൾ 12 ൽ പ്രെസ്സ് ചെയ്തു.. ഇതിലാകെ 12 നിലയെ ഉള്ളു എന്നവൾ ഓർത്തു.. 12 th ഫ്ലോറിലേക്കിറങ്ങി തിരിഞ്ഞു നിന്നു സ്റ്റെപ്പിലൂടെ വീണ്ടും മുകളിലേക്ക് കയറി.. സ്റ്റെപ്പിന്റെ ഏൻഡ് പോർഷനിൽ ഒരു ഇരുമ്പ് ഡോർ ആയിരുന്നു... ഡോർ തുറന്നതും കാണുന്നത് വിശാലമായ ടെറസാണ്... വെയില് താഴ്ന്നിരുന്നുവെങ്കിലും കുറച്ച് തുണികളെല്ലാം അവിടെ ഉണക്കാനിട്ടിരുന്നു.. മൂന്ന് ഭാഗവും സെപ്പറേറ്റ് ചെയ്ത ടെറസ് ആയത് കൊണ്ട് ഒരു ഭാഗത്ത് മുഴുവൻ വലിയ വാട്ടർ ടാങ്ക് ആണ്.. അത് താഴെ ഗാർഡനിൽ നിന്നും നോക്കിയാൽ തന്നെ കാണാൻ കഴിയുന്നതായിരുന്നു.. മറുഭാഗത്ത് എന്താണെന്ന് കണ്ടിട്ടില്ല എന്ന് പീലി ഓർത്തു.. "വാ മയിലേ .." അവൻ കൈകളിൽ പിടിച്ച് ഇടതു വശത്തേക്ക് കൊണ്ട് പോയി.. മുകളിൽ റൂഫ് ഇട്ടിരിക്കുന്നത് കണ്ട് അവൾ മുഖം ചുളിച്ചു. മറ്റു രണ്ടു ഭാഗത്തും ഇല്ലാലോ എന്നവൾ ചിന്തിച്ചു..

ഹാൾ പോലെ നീളത്തിൽ, ഉയരത്തിൽ ഷീറ്റ് കൊണ്ടുള്ള റൂഫും ഒരു ഭാഗത്ത് ഷീറ്റ് കൊണ്ട് തന്നെ ചുമരും... ചുമരിൽ എഴുതിയ വാക്കുകൾ കണ്ട് അവളുടെ കണ്ണുകൾ വിടർന്നു... "MaYilpeeli CLassical Dance Acadamy" അവൾ അത്ഭുതം കൂറിയ മിഴികളോട് അവനെ നോക്കി.. "നിന്റെ സ്വപ്നം..💙 12 വർഷമായി dance പഠിക്കുന്നൊരാൾക്ക് പഠിപ്പിച്ചു കൊടുക്കാനും കഴിയില്ലേ മയിലേ..." പുറകിലൂടെ പുണർന്നു കൊണ്ട് അവൻ ചോദിച്ചു.. സന്തോഷം കൊണ്ട് കണ്ണുകൾ നിറഞ്ഞു... എന്തോ ഒന്ന് തൊണ്ടകുഴിയിൽ കുരുങ്ങി കിടക്കുന്നതിനാൽ അവൾക്ക് വാക്കുകൾ പുറത്തേക്ക് വന്നില്ല.. ചുറ്റി പിടിച്ച കൈകൾക്ക് മേലെ അവൾ തന്റെ കൈകൾ ചേർത്തു.. അതിലുണ്ടായിരുന്നു എല്ലാം.... "കല്യാണത്തിനു മുന്നേ ഇങ്ങോട്ട് വന്നത് ഇതിനായിരുന്നു.. അസോസിയേഷന്റെ സമ്മതം കിട്ടാൻ കുറച്ച് ബുദ്ധിമുട്ടി.. കുറച്ചധികം എല്ലാവർക്കും കൊടുക്കേണ്ടിയും വന്നു.. എന്നാലും വാശിയായിരുന്നു.. നിന്നെ നിന്റെ ലക്ഷ്യങ്ങളിലേക്ക് എത്തിക്കണമെന്ന്.. ഡിഗ്രി കംപ്ലീറ്റ് ചെയ്യണം.. Exam എഴുതാൻ പോയിട്ട് വരാലോ... പിന്നേ ഇവിടെ 120 കുടുംബങ്ങളോളം ഉണ്ട്.. അതിലൊക്കെ ചേർന്ന് അത്യാവശ്യം പിള്ളാരും.. ഒന്ന് ക്ലിക്ക് ആയാൽ അടുത്തുള്ളിടങ്ങളിൽ നിന്നുമൊക്കെ എന്റെ മയിലിനെ അന്വേഷിച്ചു വരും കുട്ടികൾ.. ഈ ഹാൾ നിറയെ പിള്ളാരായിരിക്കും.. അത് വരെ നമുക്ക് പിള്ളാര്‌ വേണ്ടടി പെണ്ണെ..." അവൾ മുഖം ചരിച്ചു അവനെ നോക്കി.. അവൻ അവളെ തിരിച്ചു തന്റെ നേർക്ക് നിർത്തി.

. "എന്റെ മയിലിനെ സ്വന്തമാക്കാൻ ഒത്തിരി ആഗ്രഹം ഉണ്ട്.. അതിന് മുന്നേ ഇതെല്ലാം ഒന്ന് സെറ്റ് ആവണം.. നീ എന്റെ ആവുന്ന നിമിഷത്തിൽ എനിക്കൊന്നും നിയന്ത്രിക്കാൻ സാധിക്കില്ല മയിലേ...... യാതൊരു പ്രതിബന്ധങ്ങളും പാടില്ല.. ഒന്നും മുൻകൂട്ടി തീരുമാനിച്ചു കൊണ്ട് എനിക്ക് നിന്നെ എന്റേതാക്കാൻ കഴിയില്ല... നമ്മുടേത് മാത്രമായ നിമിഷങ്ങളായിരിക്കണം അത്.. നാളെയെ പറ്റി നമ്മൾ ചിന്തിക്കാൻ പാടില്ല.. അങ്ങനെ ചിന്തിക്കാതിരിക്കാൻ നമ്മൾ ആ നാളെയെ ഭദ്രമാക്കണം.. നിന്റെ സ്വപ്‌നങ്ങൾ ആർക്ക് വേണ്ടിയും ഉപേക്ഷിക്കരുത്... നിന്റെ സന്തോഷങ്ങൾ ഇല്ലാതാക്കുന്ന എന്തും തച്ചുടച്ചു കളയണം.. നിന്റെ സ്വപ്‌നങ്ങൾ നേടിയെടുക്കാൻ കൈത്താങ്ങായി ഞാനെന്നും കൂടെ ഉണ്ടാകും.. എന്നിട്ട് തുടങ്ങാം നമ്മുടെ ജീവിതം.. പോരെ പെണ്ണെ??." അവൾ അവനെ കെട്ടിപ്പിടിച്ച് ഉറക്കെ കരഞ്ഞു...അത് സന്തോഷമായിരുന്നു... നഷ്ടപ്പെട്ടു എന്ന് കരുതിയ നിധിയൊന്ന് തിരിച്ചു കിട്ടിയപോലെ... ഉപേക്ഷിക്കേണ്ടി വരും എന്ന് കരുതി ഓർമയ്ക്കായ് ബാഗിൽ കരുതിയ ചിലങ്കക്ക് ജീവൻ വച്ച പോലെ... സന്തോഷങ്ങൾക്ക് അതിരില്ലായിരുന്നു.. പണ്ട് അഭിയിൽ നിന്നും കേട്ട വാക്കുകൾ അവളുടെ ചെവിയിൽ മുഴങ്ങി... "നിന്റെ സ്വപ്നങ്ങൾക്ക് ചിറകു നൽകി കൂടെ പറക്കാൻ ഞാനുണ്ടാകും മയിലേ... 💙"....... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...