🌸മയിൽ‌പീലി🌸: ഭാഗം 32

രചന: അനു രാജീവ്

ദിവസങ്ങൾ കടന്നു പോയി.. അഭിയുടെ ഇടപെടൽ മൂലം അസോസിയേഷൻ പ്രൊമോട്ട് ചെയ്ത് ഫ്ലാറ്റിലെ മിക്കവാറുമുള്ള പെൺകുട്ടികളെല്ലാം പീലിയുടെയടുത്തു ഡാൻസ് പഠിക്കാനെത്തി.. മുപ്പതോളം കുട്ടികൾ ഉണ്ടായിരുന്നു... പീലിയുടെ നൃത്തത്തിലെ താല്പര്യവും അറിവും കുട്ടികളോടുള്ള നല്ല സമീപനവും അവർ സ്കൂളിലെ മറ്റുകുട്ടികളുമായി പങ്കു വച്ചതിനാൽ കേട്ടറിഞ്ഞു കുറച്ചകലെ നിന്നു പോലും കുട്ടികൾ വരാൻ തുടങ്ങി... പീലി മൂന്ന് ബാച്ച് ആക്കി മാറ്റി ക്ലാസ്സ്‌ എടുക്കാൻ തുടങ്ങി.. രാവിലെ 6.30 തൊട്ട് 7.30 വരെ ഒരു ബാച്ച്. ഉച്ചക്ക് ശേഷം 3 മണി മുതൽ 4 മണി വരെ അടുത്ത ബാച്ച്.. രാത്രി 7 to 8 വരെ നൈറ്റ്‌ ബാച്ച്.. അതിൽ ഫ്ലാറ്റിലെ കുട്ടികൾ മാത്രമേ ഉണ്ടാവാറുള്ളു.. അവൾ വിചാരിച്ച പോലെ തന്റെ ജീവിതം നൃത്തത്തിലേക്ക് മാത്രമായി ചലിക്കാൻ തുടങ്ങി... അഭി കൂടെ തന്നെ ഉണ്ടായിരുന്നു. ക്ലാസ്സ്‌ എടുക്കുന്ന സമയത്ത് പോലും ഒന്നകലാതെ.. അവൻ റൈഡിങ്ങും മാച്ച്കളും മാത്രമായി നടന്നാൽ പോരാ എന്ന് മനസിലാക്കി ഒരു ഓൺലൈൻ ഷോപ്പിംഗ് വെബ്സൈറ്റ് ആരംഭിച്ചു.. അത്യാവശ്യം റിക്രൂട്മെന്റും നടത്തി.. കയ്യിലുള്ള സേവിങ്സ് മുഴുവൻ അതിലേക്ക് ഇൻവെസ്റ്റ്‌ ചെയ്തു... ധാർമികയുടെ പേരിൽ ഉണ്ടായിരുന്ന ഒരു പ്രോപ്പർട്ടി വിറ്റു.. പീലി സ്വർണം കൊടുത്തുവെങ്കിലും അവൻ വാങ്ങാൻ തയ്യാറായില്ല.. മൂന്നാലു മാസം കൊണ്ട് വെബ്സൈറ്റ് ക്ലിക്ക് ആയി.. ക്വാളിറ്റി എൻഷ്വാർ ചെയ്യുന്ന പ്രോഡക്ടസ് ആയത് കൊണ്ട് നല്ല രീതിയിൽ റീച്ച് ആയി...profit വരാൻ തുടങ്ങി..

മൊത്തത്തിൽ ജീവിതം ശാന്തമായി ഒഴുകാൻ തുടങ്ങി... വിവാഹം കഴിഞ്ഞിട്ട് 3 മാസങ്ങൾ പിന്നിട്ടിരിക്കുന്നു.. എല്ലാം ഒന്ന് ശരിയായി വരാൻ.. ഒന്ന് രണ്ടു ഡാൻസ് ടീച്ചർസിനെ ഇന്റർവ്യൂ ചെയ്തിരുന്നു... ഉടനെ അപ്പോഴേ അപ്പോയ്ന്റ് ചെയ്യണം... ഇല്ലെങ്കിൽ നാട്ടിൽ പോക്ക് ഒരു സ്വപ്നം മാത്രമായി അവശേഷിക്കുന്ന അവസ്ഥയാണ്... കുട്ടികളുടെ ക്ലാസ് മുടക്കി നാലുദിവസം പോലും മാറി നിൽക്കുക എന്നത് ഇപ്പോൾ നടക്കാത്ത കാര്യമാണ് പീലി ചിന്തിച്ചു. നാട്ടിൽ പോവാൻ പറ്റാത്തതിൽ അല്പം വിഷമം ഉണ്ടെങ്കിൽ പോലും തങ്ങളുടെ ജീവിതം കെട്ടിപടുക്കുന്നതിനിടൽ അവർ അത് സ്വയം മറന്നു.. മൂന്ന് അമ്മമാരെയും ദിവസവും വിളിക്കാനും സംസാരിക്കാനും അവൾ മറക്കാറില്ല... ശരീരം കൊണ്ടുള്ളത് മാത്രമല്ല ഒരുമിച്ചു കിടന്നുകൊണ്ട് തന്നെ മനസ്സ് കൊണ്ടും പ്രണയിക്കാം എന്ന് അവർ അറിഞ്ഞ ദിനങ്ങൾ... 🔵🔵🔵🔵🔵🔵🔵🔵 അഭി ഉറക്കത്തിൽ നിന്നും ഉണരുമ്പോൾ പീലി കണ്ണാടിക്കു മുന്നിൽ നിന്നും മുടി കോതുകയായിരുന്നു.. അവൻ ഉണർന്നുവെന്ന് കണ്ണാടിയിലൂടെ കണ്ടതും അവൾ ഒരു ചിരിയോടെ അടുക്കളയിലേക്ക് പോയി കോഫി കൊണ്ടുവന്നു കൊടുത്തു.. അവൻ കോഫി കയ്യിൽ വാങ്ങി ടേബിളിലേക്ക് വച്ച് അവളെയും എടുത്ത് ബാൽക്കണിയിൽ ഇട്ടിരുന്ന ബീൻ ബാഗിലേക്ക് ചെന്നിരുന്നു...

അവളെ മടിയിലേക്ക് ഒന്നുകൂടി കയറ്റി പിടിച്ചു... അവൾ ചിരിയോടെ അവന്റെ കഴുത്തിലൂടെ വട്ടം പിടിച്ച് ആ മുഖത്തേക്ക് തന്നെ നോക്കിയിരുന്നു... "മയിലേ......" "ഹ്മ്മ്..." "നമ്മടെ ജീവിതം തുടങ്ങിയാലോ എന്നൊരു ആലോചന..." "എന്നോ തുടങ്ങിയല്ലോ.. അതിലെന്താ ഇത്ര മാത്രം ആലോചിക്കാൻ??" " അങ്ങനെയല്ല ഞാൻ ഉദ്ദേശിച്ചത്... " അവൻ ഒന്ന് നിർത്തി അവളുടെ മുഖത്തേക്ക് നോക്കി... " ബിസിനസ് അത്യാവശ്യം ഡെവലപ് ആയല്ലോ...എനിക്ക് വീട്ടിലിരുന്നാൽ മാനേജ് ചെയ്യാൻ പറ്റാവുന്നതെ ഉള്ളൂ... പിന്നേ ക്ലാസ്സ്‌... ഇന്ന് ആ ടീച്ചേഴ്സ് ജോയിൻ ചെയ്യാൻ വരാമെന്ന് പറഞ്ഞിട്ടുണ്ട്.. ഒരാൾക്ക് മോർണിങ്ങ് ക്ലാസ്സേ പറ്റുള്ളൂ.. വേറെ ഒരു ടീച്ചർക്ക് വൈകുന്നേരം.. നൈറ്റ്‌ ഷിഫ്റ്റ്‌ വേണ്ടെന്ന് വയ്ക്കണം.. ആ കുട്ടികളൊക്കെ ഫ്ലാറ്റിൽ തന്നെ ഉള്ളവർ ആയത് കൊണ്ട് മറ്റു രണ്ട് ബാച്ചിലേക്ക് ഡിവൈഡ് ചെയ്യാം.. ഇന്ന് ഉച്ചയ്ക്കുശേഷം രണ്ടു ടീച്ചർസും വരും... അങ്ങനെ ആക്കാര്യത്തിനും തീരുമാനമായി. അപ്പോൾ പിന്നേ എന്റെ മയില് ഇനി ഇത്തിരി റസ്റ്റ് എടുത്താലും കുഴപ്പമില്ല... അതുകൊണ്ട് വേണമെങ്കിൽ നമ്മൾക്ക് പ്രധാനപെട്ട കാര്യങ്ങളിലേക്ക് തിരിയാം.." "പ്രധാനപെട്ട കാര്യമോ?" "ഹ്മ്മ്.. മയിലേ.... നമുക്കിനി കുട്ടിയും മക്കളുമൊക്കെ ആയി അടിച്ചു പൊളിച്ചു ജീവിച്ചാലോ എന്ന ചിന്ത...." "ഓഹോ...." അവളിൽ വല്ലാത്തൊരു ചിരി വിടർന്നു.. അവൾ കുനിഞ്ഞ് അവന്റെ നെറ്റിയിൽ ചുംബിച്ചു... "ആലോചിക്കാം ട്ടോ..." അവളിൽ നിന്നും കേട്ട വാക്കുകൾ അവനിൽ സന്തോഷത്തിന്റെ അലയൊലികൾ പാകി..

ഇടുപ്പിലെ പിടുത്തം ഒന്ന് കൂടെ മുറുകി.. അവന്റെ ചുണ്ടുകൾ ഉയർത്തി അവളുടേതിൽ കൊരുക്കാൻ പോയതും അവൾ മുഖം മാറ്റി.. "ആദ്യം പോയി പല്ല് തേക്ക് മനുഷ്യാ.. പിള്ളാര്‌ വെയിറ്റ് ചെയ്യുന്നുണ്ടാവും.. ഞാൻ പോവട്ടെ.. ബ്രേക്ക്‌ ഫാസ്റ്റ് വന്നിട്ട് ഒരുമിച്ചു കഴിക്കാം.." അവന്റെ മടിയിൽ നിന്നും ഊക്കോടേ എഴുന്നേറ്റ് മുടി ഒന്ന് കൂടെ ശരിയാക്കി മറുപടിക്ക് കാക്കാതെ അവൾ പുറത്തോട്ടോടി.. അവൻ ചിരിയോടെ അത് നോക്കി നിന്നു.. 🔵🔵🔵🔵🔵🔵🔵🔵 വൈകുന്നേരം ടീച്ചേർസ് വന്നു.. സൗഭാഗ്യ, ശ്രീതില.. ഒരാൾ മലയാളിയും ഒരാൾ തമിഴ്നാട്ടിൽ നിന്നുമായിരുന്നു.. വൈകുന്നേരത്തെ ബാച്ചിന് ശ്രീതിലയും നൈറ്റ്‌ ബാച്ചിന് സൗഭാഗ്യയും ക്ലാസ്സെടുത്തു.. പീലിക്ക് രണ്ടു പേരുടെയും നൃത്തത്തിലെ പരിജ്ഞാനം ബോധ്യമായി.. അത് കൊണ്ട് നൈറ്റ്‌ ഷിഫ്റ്റ്‌ പീലി തന്നെ എടുക്കാമെന്നും ബാക്കി രണ്ടും അവർക്ക് ഓരോ ഷിഫ്റ്റ്‌ വീതം ഡിവൈഡ് ചെയ്തും കൊടുത്തു.. ഡിന്നർ അല്ലിയുടെ വീട്ടിൽ ആയിരുന്നു... ക്ലാസ്സ്‌ കഴിഞ്ഞ് വന്ന് പീലി കുളിക്കാൻ കയറി.. അഭി സഞ്ജുവിനെ വിളിക്കാൻ ശ്രമിച്ചു കൊണ്ടിരിക്കുകയായിരുന്നു... കാൾ കണക്ട് ആവാത്ത ദേഷ്യത്തിൽ തിരിഞ്ഞ അഭി ബാത്ത്ടവൽ മാത്രം ചുറ്റി പുറത്തേക്കിറങ്ങിയ പീലിയെ കണ്ട് കണ്ണുമിഴിച്ചു.. അവൾ വശ്യമായ ചിരിയോടെ അവനടുത്തേക്ക് വന്നു..

അഭി ഇപ്പോഴും അനങ്ങാതെ നിൽപ്പാണ്.. അവൾ അടുത്തേക്ക് വന്ന് അവന്റെ കഴുത്തിലൂടെ കൈകൾ ചുറ്റി പിണച്ച് ചേർന്നുനിന്നു... അവൻ ഉമിനീരിറക്കി.. അവളുടെ ശരീരത്തിലെ വെള്ള തുള്ളികളും തണുപ്പും അവന്റെ ശരീരത്തിലേക്ക് പടർന്നു... ഒരുപാട് ദിവസങ്ങൾ പ്രണയിച്ചും കുറുമ്പുകാണിച്ചു കടന്നുപോയി എങ്കിൽ കൂടിയും ഇത്തരമൊരു വേഷത്തിൽ ആദ്യമായയിരുന്നു അഭി പീലിയെ കണ്ടത്... അവളുടെ മുഖത്തെ നീലക്കൽ മുക്കുത്തിയിൽ തിളങ്ങുന്ന വെള്ളത്തുള്ളി അവൻ സാകൂതം വീക്ഷിച്ചു.. അത് ആ മൂക്കുത്തിയിൽ നിന്നും ഇറ്റു വീഴാൻ തയ്യാറായി നിൽക്കുകയാണെന്ന് മനസ്സിലാക്കിയതും അവളുടെ ഇടുപ്പിലൂടെ കയ്യിട്ട് ചേർത്തു പിടിച്ച് അവൻ ആ മൂക്കിൽ ചുണ്ട് ചേർത്തു വെളുത്തുള്ളിയെ നുകർന്നു.. ചുണ്ടുകൾ പിൻവലിക്കുമ്പോൾ അവൾ കണ്ണടച്ച് നിൽക്കുകയായിരുന്നു... അവന്റെ കൈകൾ അവളുടെ പരന്ന സിന്ദൂരത്തിൽ കുതിർന്ന വെള്ളത്തുള്ളികളിൽ സ്പർശിച്ചു... എന്നിട്ടും അവൾ കണ്ണുകൾ തുറന്നില്ല... അവിടെനിന്നും നാസികയിലേക്കും അവിടെനിന്നും ഇളംറോസ് നിറത്തിലുള്ള ചുണ്ടുകളിലും അവന്റെ വിരലുകൾ തഴുകി ഇറങ്ങി... അവളുടെ കരിമിഴികൾ എന്നിട്ടും തുറന്നില്ല... ഒരു കൈയ്യാൽ ചുറ്റി പിടിച്ചിരിക്കുന്ന ഇടുപ്പിലെ പിടുത്തതിന്റെ മുറുക്കം കൂട്ടിക്കൊണ്ട് അവൻ അധരങ്ങളെ നുണഞ്ഞു..

അവൾ അഴിച്ചിട്ടിരിക്കുന്ന കൈകൾ അവന്റെ പുറത്തുകൂടെ തഴുകി ഷർട്ടിൽ അള്ളിപ്പിടിച്ചു... ശരീരങ്ങളുടെ അകലം കുറയുന്തോറും അവളുടെ മാറിനു മുകളിലായി കെട്ടിയ ടവലിന്റെ മുറുക്കം അയഞ്ഞ്കൊണ്ടിരുന്നു.. അതു മനസ്സിലായപ്പോൾ അവന്റെ പുറത്ത് നിന്നും ഒരു കൈ പിൻവലിച്ച് അവൾ തന്റെ ടവലിലേക്ക് പിടിക്കാനായി അവർക്കിടയിലൂടെ കൈകടത്താൻ ശ്രമിച്ചു... എന്നാൽ ഒരു പൊട്ടു പോലും അവൻ അകലുന്നുണ്ടായിരുന്നില്ല.. ആ ശ്രമം വിഫലമായപ്പോൾ അവൾ വീണ്ടും കൈകൾ അവന്റെ പുറത്തേക്ക് കൊണ്ട് പോയി.. ചുംബനം ഗാഡമാവും തോറും അവന്റെ കൈകൾ അവളുടെ പിൻകഴുത്തിലൂടെ അരിച്ചിറങ്ങി ടവലിൽ പിടുത്തമിട്ടു... അതിന്റെ പുറകിൽ പിടിച്ചു ചെറുതായൊന്നു വലിച്ചതും അത് അഴിഞ്ഞ് അവന്റെ കയ്യിലേക്ക് വന്നു.. കണ്ണുകളടച്ച് ചുംബനത്തിൽ മുഴുകിയിരുന്ന അവൾ പൊടുന്നനെ മിഴികൾ തുറന്നു... തന്നിൽ നിന്നും അകലാൻ നിന്ന അവനെ വീണ്ടും ദേഹത്തോട് ചേർത്തി നിർത്തി... അവന് അതിന്റെ കാരണം മനസിലായെന്ന് ആ ചുണ്ടിൽ വിരിഞ്ഞ കള്ള ചിരി അവൾക്ക് കാണിച്ചു കൊടുത്തു... അവനെ ഒന്ന് കൂർപ്പിച്ചു നോക്കി അവനിൽ നിന്നുമാകലാതെ തന്നെ കയ്യിൽ നിന്നും ടവൽ പിടിച്ചു വാങ്ങി മേലെ ചുറ്റി കൊണ്ട് അവനെ തള്ളി മാറ്റി.. അവൻ ബെഡിലേക്ക് വീണു.. ഒന്നുയർന്നു പൊങ്ങി ടവൽ കെട്ടുന്നവളുടെ കയ്യിൽ പിടിച്ചു വലിച്ചു കൊണ്ട് അവളെയും ബെഡിലേക്ക് കിടത്തി അവൾക്ക് മേലേക്ക് മറിഞ്ഞു...

അവന്റെ കണ്ണിൽ പ്രണയമായിരുന്നെങ്കിൽ, അവളിൽ അതഴിഞ്ഞു പോകുമോ എന്ന വെപ്രാളമായിരുന്നു.. ഏത് നേരത്ത് ഫാഷൻ ഷോ നടത്താൻ തോന്നിയോ.. അവൾ സ്വയം പഴിച്ചു.. "മയിലേ... " "ഹ്മ്മ്...." "ഡിന്നർ ക്യാൻസൽ ചെയ്താലോ.." അവൾ നെറ്റിച്ചുളിച്ചു.. "എനിക്കിപ്പോ നിന്നെ കഴിക്കാൻ തോന്നുന്നു..." അവന്റെ വാക്കുകളിലെ പൊരുൾ അവളിൽ ഒരു വിറയലുണ്ടാക്കി... അവൻ പതിയെ മുഖം അവളുടെ കഴുത്തിലേക്ക് പൂഴ്ത്തി... സോപ്പിന്റെയും ഷാംപൂവിന്റെയും സമ്മിശ്ര ഗന്ധം അവൻ വേണ്ടുവോളം ആസ്വദിച്ചു.. അവൾ ഇരു കൈകളും ബെഡ്ഷീറ്റിൽ തെരുത്തു പിടിച്ചു.. അവന്റെ മുഖം കഴുത്തിൽ നിന്നും ഉരസി താഴെക്കിറങ്ങി. മാറിടയിലേക്ക് മുഖം പൂഴ്ത്തിയതും അവൾ വില്ല് പോലെ വളഞ്ഞു പോയി.. അവന്റെ കൈകൾ മുട്ടിനു മുകളിൽ നിൽക്കുന്ന ടവലിനകത്തിലൂടെ തുടയിലേക്ക് അരിച്ചു കയറി .. അവൾക്ക് തന്റെ നട്ടെല്ലിലൂടെ ഒരു തരം തരിപ്പ് തലയിലേക്ക് കയറിപോവുന്ന പോലെ തോന്നി... അവൾ അവന്റെ തലക്ക് പിന്നിൽ കൈവച്ച് നെഞ്ചിലേക്ക് മുഖം അമർത്തി പിടിച്ചു.. ടിങ് ടോങ്.. ടിങ് ടോങ്...🎼 കാളിങ് ബെല്ലിന്റെ ശബ്ദം കേട്ട് അവൻ അവളുടെ നെഞ്ചിൽ നിന്നും മുഖമുയർത്തി.. അല്ലിയോ അരുണോ ആവും എന്ന ചിന്തയിൽ അവൾ അഭിയേ തള്ളി മാറ്റി.. മാറിലെ ടവലിൽ മുറുകെ പിടിച്ച് അവനെ കൂർപ്പിച്ചു നോക്കി....അവൻ അവളെ നോക്കി ഒരു കള്ളചിരിയോടെ ഷർട്ടിന്റെ അഴിഞ്ഞ ബട്ടനെല്ലാം ഇട്ട് മുടിയൊന്നൊതുക്കി അവൻ ഡോർ തുറന്ന് പുറത്തേക്ക് ഇറങ്ങി..

അവളും വേഗം എഴുന്നേറ്റ് ഒരു ടോപ്പും പലാസോയും ഇട്ട് പുറത്തേക്കിറങ്ങി.. ഹാളിൽ നിൽക്കുന്നവരെ കണ്ട് പീലിയുടെ കണ്ണുകൾ വിടർന്നു.. അതിൽ അത്ഭുതം നിറഞ്ഞു.. അഭിയും ഏതാണ്ട് ഷോക്കടിച്ച അവസ്ഥയിലായിരുന്നു.. ഒരേ ഇരുപ്പ്... സെറ്റിയിൽ തലയും താഴ്ത്തി ഇരിക്കുന്ന സഞ്ജുവിനെയും മീനുവിനെയും പീലി അത്ഭുതത്തോടെ നോക്കി... " നിങ്ങളെന്താ ഇവിടെ? " അവളുടെ വായിൽ നിന്നും അറിയാതെ വന്നുപോയി... അതിനു മറുപടി നൽകാതെ അവർ തലതാഴ്ത്തി തന്നെ ഇരുന്നു.... അഭി പീലിയുടെ മുഖത്തേക്ക് നോക്കി... "എടീ.. ഇവരെ ഒളിച്ചോടി വന്നതാണത്രേ..." പീലി ഞെട്ടി കൊണ്ട് അഭിയിൽ നിന്നും അവരുടെ മുഖത്തേക്ക് വീണ്ടും നോട്ടം എറിഞ്ഞു... "മീനു......" അവൾ വിശ്വാസം വരാതെ വിളിച്ചു.. "ആ പന്ന കിളവൻ സമ്മതിച്ചില്ലെടീ..." "ആര്??" മീനു പറഞ്ഞത് മനസ്സിലാകാതെ പീലി നെറ്റി ചുളിച്ചു... "ആ രാധാകൃഷ്ണൻ..." "നിന്റെ അച്ഛനോ..." "അയാളൊക്കെ ഒരു അച്ഛനാണോടി.. പഠിക്കണമെന്ന് ആഗ്രഹമുള്ള എന്നെ +2 വിൽ നിർത്തിച്ചു. ഒരു വർഷം പശുനെ കറന്നും പാല് വിറ്റുമാ ഞാൻ കറസ് ആയി ഡിഗ്രിക്ക് ചേർന്നത്.. എന്നിട്ട് ഒരാളെ ഇഷ്ട്ടമാണെന്നറിഞ്ഞപ്പോൾ എന്നെ കെട്ടിയിട്ട് തല്ലി.. അനാഥയാണെന്നുള്ളതിനേക്കാൾ ഇവന്റെ ജാതി അറിയില്ല എന്നതാ അവർക്ക് പ്രശ്നം. സഞ്ജുവേട്ടൻ വന്ന് സംസാരിച്ചടീ.. പട്ടിയെ പോലെ ഇറക്കി വിട്ടു.. അപ്പൊ ഞാനും കൂടെ ഇറങ്ങി വന്നു..

ഭാഗ്യത്തിന് വീട്ടിലേക്ക് വരുന്നതിന് മുന്നേ 2 ട്രെയിൻ ടിക്കറ്റ് ബുക്ക്‌ ചെയ്യാൻ ഞാൻ പറഞ്ഞിരുന്നു.. അത് കൊണ്ട് സമയം കളയാതെ ഇങ്ങെത്താൻ പറ്റി.. നല്ല സ്ഥലം എനിക്കിഷ്ട്ടായി. നമ്മടെ കൽപാത്തി അല്ലാതെ പാലക്കാട്‌ വിട്ട് നമ്മൾ എങ്ങോട്ടെങ്കിലും പോയിട്ടുണ്ടോ.. എന്നെ ഒരു പാർക്കിലൊക്കെ കൊണ്ട് പോയിട്ടാ വന്നത്.. അടിപൊളി... കിടു അറ്റ്മോസ്ഫിയർ ..." അവളുടെ പറച്ചിൽ കേട്ട് കിളി പോയി നിൽക്കുവാണ് ബാക്കി മൂന്നും... ഒരു കുടുംബത്തെ തന്നെ ഉപേക്ഷിച്ചു വന്ന കാര്യമാണ് അവൾ ഇത്ര ഈസി ആയി പറഞ്ഞത്.. "മീനു.. നീ എന്താടി ഇത്ര എളുപ്പത്തിൽ പറഞ്ഞ് നിർത്തിയെ.. ഇതിന്റെ സീരിയസ്നെസ് മനസിലാവുന്നുണ്ടോ നിനക്ക്..." അത് വരേ ചിരിയോടെ നിന്ന മീനുവിന്റെ മുഖം പീലിയുടെ വാക്കുകൾ കേട്ട് നൊടിയിടയിൽ വാടി.. " അറിയാം പീലി... എനിക്ക് എല്ലാം അറിയാം... വേറെ എന്ത് കാരണം പറഞ്ഞിരുന്നെങ്കിൽ പോലും നമുക്ക് അതിനുള്ള സൊലൂഷൻ കണ്ടെത്താമായിരുന്നു.... കാശു സമ്പാദിച്ച് വരാനോ, നല്ല ജോലി വാങ്ങിയിട്ട് വരാനോ, എന്തും... എന്തിനും സൊല്യൂഷൻ ഉണ്ട്,

പക്ഷേ സഞ്ജുവേട്ടന്റെ ജാതിയാണ് പ്രശ്നം എന്ന് പറഞ്ഞാൽ അതിൽ എന്ത് ചെയ്യാൻ പറ്റും? ഒരുപാട് അനുഭവിച്ചടി... ഒരുപാട് തല്ലി.... ഭക്ഷണം ഒന്നും തന്നില്ല... സഹിക്കാൻ പറ്റാതായപ്പോഴാണ് സഞ്ജുവേട്ടനോട് വീട്ടിൽ വരാൻ പറഞ്ഞത്... എനിക്കറിയാമായിരുന്നു സമ്മതിക്കില്ല എന്ന്... കൂടെ പോവാം എന്ന് ഉറപ്പിച്ചു തന്നെയാ ഞാൻ... നിങ്ങളെ കൂടെ കയ്യൊഴിയല്ലെടി... എന്നെ കുറ്റപ്പെടുത്തല്ലേ... " അവസാനം ആവുമ്പോഴേക്കും അവളുടെ തൊണ്ട ഇടറിയിരുന്നു.. കണ്ണുകൾ പെയ്യാൻ വെമ്പി നിന്നു...പീലി വേഗം അവളുടെ താഴെ മുട്ട് കുത്തി ഇരുന്നു... അവളെ ചേർത്തു കെട്ടിപ്പിടിച്ചു... എന്നും ഞങ്ങൾ ഉണ്ടാവും എന്ന ഉറപ്പായിരുന്നു ആ ആലിങ്കനം.... അത് കണ്ട് അഭിയുടെയും സഞ്ജുവിന്റെയും മുഖത്തെ പുഞ്ചിരി വിരിഞ്ഞു... മീനുവിന്റെ നിറഞ്ഞ കണ്ണുകളെ തുടച്ച് അവളുടെ കവിളിൽ പീലി ഉമ്മ കൊടുത്തു.. തിരിച്ചും... സൗഹൃദത്തിന്റെ മറ്റൊരു ഏട്..... 💙....... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...