🌸മയിൽ‌പീലി🌸: ഭാഗം 35

രചന: അനു രാജീവ്

നേരം പുലരുമ്പോഴും പീലി അഭിയുടെ നെഞ്ചിൽ തന്നെയായിരുന്നു... അവൾ ആലസ്യത്തിൽ കണ്ണുതുറന്ന് പതിയെ എഴുന്നേറ്റിരുന്നു... ദേഹത്തുനിന്നും പുതച്ച പുതപ്പ് ഊർന്നു പോയപ്പോഴാണ് അവൾക്ക് ബോധം വന്നത്... വേഗം പഴയപടി തന്നെ കിടന്നു... പതിയെ അഭി എഴുന്നേറ്റിട്ട്ണ്ടോ എന്ന് ഒളികണ്ണിട്ടു നോക്കി... ആ മുഖം നാണത്തിൽ ചുവന്നിരുന്നു... അത്രയേറെ മധുരമായ ഓർമ്മകളിൽ അവൾ ഒന്നുകൂടി ചുരുണ്ട് അവനെ കെട്ടിപ്പിടിച്ചു... അഭി കണ്ണു തുറന്നു നോക്കി... വിടർന്ന പുഞ്ചിരിയോടെ തന്റെ നെഞ്ചിലേക്ക് മുഖം പൂഴ്ത്തി കിടക്കുന്നവളെ അവൻ പ്രണയാതുരമായി നോക്കി... നെറ്റിയിൽ ഒരു ചുംബനം കൊടുത്തു.. അവൾ ഞെട്ടി കൊണ്ട് തലയുയർത്തി നോക്കി... ഇരുവരുടെയും കണ്ണുകൾ ഇടഞ്ഞു... അവൾക്ക് എഴുന്നേറ്റു പോവാൻ വല്ലാത്ത നാണം തോന്നി... അതുകൊണ്ട് അഭി എഴുന്നേറ്റ് പോവട്ടെ എന്ന് കരുതി അനങ്ങാതെ കിടന്നു... രണ്ടു പേരിൽ നിന്നും വാക്കുകളൊന്നും പുറത്തുവന്നില്ല... മൗനമായിരുന്നു ആ പ്രണയത്തിന്റെ ഭാഷ... ഇനി കിടന്നാൽ ശരിയാവില്ല എന്ന് മനസ്സിലായപ്പോൾ അഭി തന്നെ ആദ്യം എഴുന്നേറ്റു... അവർ ഉടുത്ത പുതപ്പെടുത്ത് വലിച്ച് ഇടുപ്പിൽ ചുറ്റി... അവൾ ഞെട്ടി കൊണ്ട് എഴുന്നേറ്റു...

എന്താണ് സംഭവിച്ചത് എന്ന് മനസ്സിലായതും വേഗം തന്നെ ബഡ്ഷീറ്റിൽ കിടന്നു ഉരുണ്ടു അത് വച്ച് അവളെ മുഴുവനായും പൊതിഞ്ഞു... അഭി കണ്ണുമിഴിച്ചു അവളെ നോക്കി... അവന് ചിരിപൊട്ടി... ഏതാണ്ട് മമ്മി (dead body ) കിടക്കും പോലെ ഉണ്ടായിരുന്നു... അവളുടെ കണ്ണുകൾ പരിഭവത്താൽ കൂർത്തു... അവന്റെ ചുണ്ടിൽ ആ കള്ളച്ചിരി സ്ഥാനംപിടിച്ചു... ആ കണ്ണുകളിൽ കുറുമ്പുനിറഞ്ഞു.. തന്റെ അടുത്തേക്ക് വരുന്നവനെ അവൾ ഒരു നിമിഷം കണ്ണിമയ്ക്കാതെ നോക്കി... അവൻ വീണ്ടും അവളിലേക്ക് അമരാനായി ഇരുഭാഗത്തും കൈ കുത്തി കൊണ്ട് അവൾക്ക് അരികിലേക്ക് വന്നതും ഒരു കൈ കൊണ്ട് അവനെ ബെഡിലേക്ക് തന്നെ വീഴ്ത്തിയിട്ട്, അവൾ എഴുന്നേറ്റു ബാത്ത്റൂമിലേക്ക് നടന്നു... വാതിൽ കുറ്റിയിട്ട് അവൾ ആ ഡോറിലേക്ക് ചാരിനിന്നു... കഴിഞ്ഞ ഓർമയിൽ അവളിൽ നിറഞ്ഞത് നാണത്തിൽ കുതിർന്ന പുഞ്ചിരിയായിരുന്നു... ബെഡ്ഡിൽ കമിഴ്ന്നു കിടക്കുന്നവന്റെ ചുണ്ടിൽ ഉണ്ടായിരുന്ന അതേ പുഞ്ചിരി... ________💙💙 ഒരാഴ്ച വളരെ വേഗത്തിൽ കടന്നു പോയി... കല്യാണ തിരക്കുകളും പ്രണയത്തിന്റെ ദിനങ്ങളും ആയിരുന്നു പീലിക്കും അഭിക്കും ഇടയിൽ... സഞ്ജുവും മീനുവും ഫോണിലൂടെ പ്രണയിച്ചു കൊണ്ടിരുന്നു...

അവളെ പുറത്തേക്ക് വിട്ടിരുന്നില്ല... അച്ചാരം കഴിഞ്ഞ പെൺകുട്ടികളെ അധികം വീടിനു പുറത്തേക്ക് കടക്കാൻ പാടില്ല എന്നൊക്കെ ആയിരുന്നു അവരുടെ വിശ്വാസം... അതുകൊണ്ടുതന്നെ മീനുവിനും സഞ്ജുവിനും പരസ്പരം കാണുവാനെ സാധിക്കുന്നുണ്ടായിരുന്നില്ല... മതിൽ ചാടി പോകാനുള്ള ധൈര്യം ഇല്ലാത്തതുകൊണ്ട് ആ ചാൻസും ഇല്ലാതായി... മൊത്തത്തിൽ മീനു ഭ്രാന്തുപിടിച്ച അവസ്ഥയിലായിരുന്നു ... സഞ്ജുവിന് പിന്നെ കല്യാണ തിരക്കുകൾ ഉള്ളത് കാരണം സമയം പോയത് അറിഞ്ഞില്ല.... അങ്ങനെ കല്യാണത്തിന് തലേദിവസം പീലി മീനുവിന്റെ വീട്ടിലേക്ക് പോയി മൈലാഞ്ചി ഒക്കെ ഇട്ടു കൊടുത്ത് സംസാരിച്ച് ഭക്ഷണം കഴിച്ച് സമയം പോയത് അറിഞ്ഞില്ല.... എല്ലാരോടും യാത്ര പറഞ്ഞ് അവൾ പുറത്തേക്കിറങ്ങി...നല്ല ഇരുട്ടിനൊപ്പം മഴക്കാറും ഉണ്ടായിരുന്നു... അതുകൊണ്ട് തന്നെ വേഗം ഫോണെടുത്ത് അഭിയെ വിളിച്ചു വരാൻ പറഞ്ഞു... റോഡിലേക്ക് കണ്ണുംനട്ട് കാത്തിരിക്കുമ്പോഴാണ് വരമ്പിലൂടെ നടന്നു വരുന്ന അഭിയെ കണ്ടത്... അവൾ മുഖം വീർപ്പിച്ച് ഇടുപ്പിൽ കൈവച്ചു... ' നിങ്ങൾക്ക് ഇത്ര ബോധമില്ലേ മനുഷ്യാ,.? ബൈക്കിൽ വന്നാൽ പോരായിരുന്നോ? മഴക്കാർ ഉണ്ട്... " "അതേ ഞാൻ കണ്ടായിരുന്നു മഴക്കാറ്... ബൈക്ക് എടുക്കാൻ നിന്നതാ ...

പിന്നെ ആലോചിച്ചപ്പോൾ എന്റെ ഭാര്യയുടെ കൂടെ മഴ നനയാൻ ഒരു കുഞ്ഞു മോഹം.." അവന്റെ ശബ്ദം നേർത്തു പോയിരുന്നു... അവളിൽ ഒരു പുഞ്ചിരി വിടർന്നു എങ്കിലും അത് തന്ത്രപൂർവം മറച്ചുവെച്ച് അവൾ ദേഷിച്ച് നോക്കി.. "കണ്ണുരുട്ടാതെ ഇങ്ങോട്ട് വാടി പെണ്ണെ " അവളുടെ കൈപിടിച്ച് വലിച്ച് അവൻ ഇരുട്ടിലേക്ക് ഇറങ്ങി .. കയ്യിലെ മൊബൈൽ ടോർച്ച് അടിച്ചു കൊണ്ട് മറുകയ്യിൽ അവളുടെ കൈകളിൽ അമർത്തി പിടിച്ചു കൊണ്ട് വരമ്പിലൂടെ നടക്കുകയായിരുന്നു അഭി.. മഴയ്ക്കു മുന്നോടിയായി തണുത്ത കിഴക്കൻകാറ്റ് ആഞ്ഞുവീശുന്നുണ്ടായിരുന്നു.. ഒരു കൈകൊണ്ട് പാറിപറക്കുന്ന മുടിയിഴകളെ ഒതുക്കി വച്ച് കൊണ്ട് അവൾ അവനൊപ്പം വേഗത്തിൽ നടന്നു... ഇരുവരുടെയും കോർത്ത് പിടിച്ച കൈകളിൽ ആദ്യത്തെ മഴത്തുള്ളി മൊട്ടിട്ടു... തവളകളുടെയും ചീവീടിന്റെയും ശബ്ദമുയർന്നു കേൾക്കുന്നുണ്ടായിരുന്നു... അവൻ നടത്തത്തിന് വേഗത കൂട്ടി...അതു മനസ്സിലാക്കി എന്നോണം മഴയും തന്റെ തുള്ളികളെ വേഗത്തിൽ ഭൂമിയിലേക്ക് പൊഴിച്ചു... അടുത്ത തുള്ളി അവളുടെ നെറ്റിയിൽ തട്ടി ചിതറി... പുറകെ തന്നെ കവിളിലും.... മേലോട്ട് നോക്കുമ്പോഴേക്കും കനത്ത മഴയായി ശക്തിപ്രാപിച്ച് അത്യധികം ആവേശത്തോടെ തുള്ളികൾ അവൾക്കു മേലേക്ക് വർഷിച്ചു..

അവളുടെ കൈകളിൽ മുറുകെ പിടിച്ച് അഭി ഓടി വരമ്പിനോട് കുറച്ച് വിട്ടുനിൽക്കുന്ന മരത്തിന് ചുവട്ടിലേക്ക് നിന്നു... ആ മരം പോലും അവർക്ക് ഒരു ഓർമ്മയായിരുന്നു... ആദ്യമായി തനിക്ക് നൽകിയ ചുംബനം അത് ഈ മരത്തിനടിയിൽ നിന്നായിരുന്നു,ഈ നാട്ടിലെ ഓരോ പുൽച്ചെടിക്ക് പോലും അറിയാം തങ്ങളുടെ പ്രണയകഥ... അവൾ ചെറുചിരിയോടെ ഓർത്തു... അന്ന് തന്റെ മൂക്കിൽ ചുണ്ടമർത്തിയപ്പോൾ തനിക്കുണ്ടായ വികാരങ്ങൾ... പ്രണയം ഇല്ലാഞ്ഞിട്ടും തന്റെ ഹൃദയമിടിപ്പിന്റെ വേഗത.. അവൾ കണ്ണുകൾ അടച്ചു നിന്നു... അവന്റെ കൈകൾ അവളുടെ നനഞ്ഞ ഇടുപ്പിലൂടെ ചുറ്റിവരിഞ്ഞു.... അവൾ അവനോട് ചേർന്നുനിന്നു... മൊബൈലിൽ ലൈറ്റ് ഓഫ് ആയിരുന്നു... ഇടയ്ക്ക് വാൾ മിന്നുന്നത് കൊണ്ട് അതിന്റെ വെളിച്ചം മാത്രമാണ് ഇരുവരെയും പരസ്പരം കാണാൻ സഹായിച്ചത്... അവൻ ഒരിക്കൽ കൂടി ഇടുപ്പിലെ പിടിമുറിക്കി കൊണ്ട് അവളുടെ മൂക്കിൽ ചുണ്ടുകൾ ചേർത്തു... പഴയ ഓർമ്മകൾ അയവിറക്കും പോലെ... അവൾ തള്ളി മാറ്റിയില്ല... ഇന്ന് നീ എന്റെ സ്വന്തമാണ് എന്ന അഹങ്കാരം ഇരുവരിലും നിറഞ്ഞിരുന്നു... മഴതോരുവോളം അവർ അവിടെ തന്നെ നിന്നു... തണുത്ത കാറ്റിന്റെ അകമ്പടിയോടെ ഇരുവരും കൈകൾ കോർത്തു പിടിച്ചു തന്നെ വീട്ടിലേക്ക് നടന്നു...

പ്രണയവേഴ്ച്ചയുടെ ആലസ്യത്തിൽ ഉറങ്ങുമ്പോഴും ഇരുവരിലും വല്ലാത്ത സന്തോഷം ആയിരുന്നു ... ________💙💙 കല്യാണ വീടൊരുങ്ങി.. അടുത്തൊരു ഓഡിറ്റോറിയതിൽ വച്ചായിരുന്നു വിവാഹം.. അഭിയും സഞ്ജുവും നേരത്തെ മണ്ഡപത്തിലേക്ക് പോയി... പീലിയും വീട്ടുകാരും നേരെ മീനുവിന്റെ വീട്ടിലേക്ക് പോയി അവളെയും കൂട്ടിയാണ് ഓഡിറ്റോറിയതിൽ എത്തിയത് .. ബ്രാഹ്മിൻ ആചാര പ്രകാരമായിരുന്നു വിവാഹം.. രാവിലെ കുറച്ച് നേരത്തെ ആയിരുന്നു മുഹൂർത്തം.. അതുകൊണ്ട് തന്നെ ഏഴു മണി ആകുമ്പോഴേക്കും മണ്ഡപം ആളുകളെക്കൊണ്ട് നിറഞ്ഞു.. "തട്ട്തുകൾ " അണിഞ്ഞു വന്ന സഞ്ജുവിനെ വരണമാല്യം അണിഞ്ഞ് രാധാകൃഷ്ണൻ സ്വീകരിച്ചു... വെറും മുണ്ടും മേലെ കൂടെ ഒരു തുണ്ടും ഉടുത്ത് ഇത്രയും ആളുകളുടെ ഇടയിലൂടെ വരാൻ അവന് വല്ലാത്ത നാണക്കേട് തോന്നിയെങ്കിലും വന്നവർക്കൊക്കെ അത് വളരെ പരിചിതം ആണെന്ന് അവനു തോന്നി... നേരെ മണ്ഡപത്തിനകത്തേക്ക് കയറി.. പൂജാരിക്കും മറ്റു മുതിർന്ന ആൾക്കാർക്കും ദക്ഷിണ കൊടുത്ത് അനുഗ്രഹം വാങ്ങി... പൂജാരി മന്ത്രങ്ങൾ ഉരുവിട്ടുകൊണ്ട് അവനു മേലെ പുണ്യാഹം തെളിച്ച് ഒരു ഇരിപ്പിടത്തിൽ ഇരിക്കാൻ പറഞ്ഞു..

മന്ത്രോച്ചാരണങ്ങൾ പറയുന്നതിനോടൊപ്പം സഞ്ജുവിനോട് അതൊക്കെ ഏറ്റു ചൊല്ലുവാനും പറഞ്ഞു... അവിടെ ചുറ്റും നാലഞ്ചുപേർ മന്ത്രങ്ങൾ ഉച്ചത്തിൽ ഉരുവിട്ടുക്കൊണ്ടിരുന്നു... ആകെ പുകമയം.. ഒരു ഹോമത്തിന് വന്ന പോലെ.. എന്നിരുന്നാലും അവൻ ഇതെല്ലാം ആസ്വദിക്കുന്നുണ്ടായിരുന്നു.. വധുവിനെ കൂട്ടിയിട്ടു വരാൻ ആരോ പറഞ്ഞതും സഞ്ജുവിനെ മിഴികൾ ചുറ്റും ഓടിക്കൊണ്ടിരുന്നു.. ബ്യൂട്ടീഷൻ മീനുവിനെ വളരെ ഭംഗിയായി 6 മുളം ചേല ചുറ്റിച്ചു.. മുടി പിന്നിയിട്ട് മുകളിൽ വട്ടത്തിൽ മുല്ലപ്പൂ ചുറ്റി ആ പിന്നലിലൂടെ മുടിയുടെ അറ്റം വരെയും മുല്ലപൂക്കൾ ചുറ്റി ഇടയിൽ ഇടയിൽ ഹെയർ പിൻ ക്ലിപ്പ് ചെയ്തു... കട്ടിയിൽ മൂന്ന് വശത്തേക്കുമുള്ള നെറ്റിചുട്ടിയും, നെറ്റിചുട്ടിയുടെ ഇരുഭാഗത്തുമായി വട്ടത്തിലുള്ള കല്ലുകൾ വെച്ച പിന്നും കുത്തി... കാതിലെ വലിയ ജിമിക്കിയിൽ കോർത്ത മാട്ടിയും, മിതമായ ടെമ്പിൾ കളക്ഷൻ ഓർണമെൻസും അവളുടെ ഭംഗിയെ ഇരട്ടിച്ചു... റൂമിനു പുറത്ത് ഒരു കുടത്തിൽ തെങ്ങിൻ പൂക്കുല പിടിച്ചു കൊണ്ട് ഒരു സ്ത്രീ കാത്തുനിന്നു.. അവരുടെ പുറകിലായി വധുവും കുറച്ചു പെൺകുട്ടികളും അവളെ മണ്ഡപത്തിലേക്ക് ആനയിച്ചു... ഇതും അവരുടെ ആചാരമായിരുന്നു... ദൂരെനിന്നും പൂക്കുലയുടെ അകമ്പടിയോടെ കടന്നുവരുന്ന അവളെ സഞ്ജു മതിമറന്ന് നോക്കി ...

മെറൂൺ കളർ ചേലയിൽ അവൾ അത്രയധികം സുന്ദരിയായിരുന്നു മണ്ഡപത്തിനു ഒരുവശത്തായി നിന്ന അഭിയുടെ കണ്ണുകൾ പീലിയിൽ ഉടക്കി.. അവൾ ഉണരും മുൻപ് മണ്ഡപത്തിലേക്ക് വന്നതായിരുന്നു.. കാലത്ത് ഒന്നു കാണുവാൻ പോലും കഴിഞ്ഞില്ല.. മയിൽപീലി പച്ചക്കളർ പട്ടുസാരിയുടെ കൂടെ ചമയങ്ങൾ ഒന്നുമില്ലാതെ തന്നെ അതിസുന്ദരിയായി നടന്നുവരുന്ന പീലിയേ അല്ലാതെ മറ്റൊന്നും അവന് കാണുവാൻ സാധിക്കുന്നുണ്ടായിരുന്നില്ല.. സദസ്സിനെ തൊഴുത് സഞ്ജുവിനടുത്തായുള്ള ഇരിപ്പിടത്തിൽ മീനുവും ഇരുന്നു... അവർ ചൊല്ലിക്കൊടുക്കുന്ന മന്ത്രങ്ങൾ ഓരോന്നും ഇരുവരും ഏറ്റുചൊല്ലി... പൂജാരി താലി എടുത്ത് അവന്റെ കയ്യിൽ കൊടുത്തു.. അവൻ സന്തോഷത്തോടെ വാങ്ങി അവളുടെ കഴുത്തിലേക്ക് കെട്ടാൻ പോകുമ്പോഴേക്കും അത് മറ്റൊരു കൈവന്നു വാങ്ങിയിരുന്നു.. അവൻ ഞെട്ടി നോക്കുമ്പോൾ രാധാകൃഷ്ണനായിരുന്നു വാങ്ങിയത്... രാധാകൃഷ്ണനും ഭാര്യയും ചേർന്ന് ആ താലി മീനുവിനെ കഴുത്തിലേക്ക് കെട്ടികൊടുത്തു.. അന്തംവിട്ടു കൊണ്ടിരുന്ന സഞ്ജുവിനെ നോക്കി മീനു കണ്ണുകൾ ചിമ്മി കാണിച്ചു... അവന്റെ കിളി പോയ ഇരുപ്പ് കണ്ട് പീലി പതിയെ താഴ്ന്ന് സഞ്ജുവിന് അടുത്തേക്ക് ഇരുന്നു... "സഞ്ജുവേട്ടാ ഇതും ആചാരമാണ്...

അച്ഛനും അമ്മയും ആണ് ഇവിടെ താലികെട്ടി കൊടുക്കുക... ചേട്ടന്റെ കൈകൊണ്ട് എടുത്തു കൊടുക്കണം എന്നു മാത്രം... പേടിക്കണ്ട ഏട്ടന്റെ ഭാര്യ തന്നെയാണ് മീനു... ഡോണ്ട് വറി... " പതിയെ പറഞ്ഞുകൊണ്ട് അവൾ എഴുന്നേറ്റുനിന്നു.. അവൻ അല്പം ആശ്വാസത്തോടെ നിവർന്നിരുന്നു... താലികെട്ട് കഴിഞ്ഞ് എഴുന്നേറ്റ് എല്ലാവരോടും അനുഗ്രഹം വാങ്ങി ഭക്ഷണം കഴിക്കലിലേക്ക് ഏർപ്പെട്ടു.. അഭി പീലിയുടെ പിന്നാലെ നിന്നും ഒരടി മാറുന്നുണ്ടായിരുന്നില്ല... ഇടയ്ക്കിടയ്ക്ക് അവൾ കണ്ണുരുട്ടി കാണിക്കുമെങ്കിലും അവൻ നിഴൽപോലെ അവളുടെ പിന്നാലെ തന്നെ നടപ്പുണ്ടായിരുന്നു... സഞ്ജു ചിരിച്ചു കാണിക്കുമ്പോൾ ഒക്കെ മീനു കൂർപ്പിച്ചു നോക്കും... അവന് അതിന്റെ കാരണം മനസ്സിലായിരുന്നു...ഇത്രയും ദിവസം കാണാൻ വരാത്തതിൽ ഉള്ള പരിഭവമാണ്.. എത്ര ദേഷിച്ചു നോക്കിയാലും അവൻ വീണ്ടും നാണംകെട്ട് അവളോട് ചിരിച്ചുചിരിച്ച് സംസാരിച്ചു പോവും... നാലുപേരും ഒരുമിച്ചുതന്നെ ഭക്ഷണം കഴിച്ച് കുറെ ഫോട്ടോയൊക്കെ എടുത്ത്, വീണ്ടും ഇരുവരും വസ്ത്രം മാറി വന്നു... മണ്ഡപത്തിൽ നിന്നും നേരെ കലാക്ഷേത്ര യിലേക്ക് ഗൃഹപ്രവേശനം കഴിഞ്ഞ് അവിടെ നിന്നും മീനുവിനെ വീട്ടിലേക്ക് മടങ്ങും.. ആദ്യദിവസം വധുവിനെ വീട്ടിലാണ് താമസിക്കുക.. അതാണ് അവിടത്തെ ആചാരം...

എല്ലാവരും മണ്ഡപത്തിൽ നിന്നും നേരെ കലാക്ഷേത്രയിലേക്ക് മടങ്ങി... ധാർമിക നിലവിളക്ക് കൊടുത്ത് മീനുവിനെ അകത്തേക്ക് സ്വീകരിച്ചു.. അവൾ നിറഞ്ഞ ചിരിയോടെ അകത്തേക്ക് കയറി അവിടെ മധുരം കൊടുപ്പും മറ്റു ചടങ്ങുകളും കഴിഞ്ഞ് നേരെ മീനുവിന്റെ വീട്ടിലേക്ക് തിരിച്ചു... അവിടെ വൈകുന്നേരമാക്കാൻ സഞ്ജു വല്ലാതെ ബുദ്ധിമുട്ടി.. സംസാരിക്കാൻ കുറച്ച് മുതിർന്ന ആളുകൾ മാത്രം ഉള്ളതുകൊണ്ട് അവന് വല്ലാതെ ബോർ അടിക്കുന്നുണ്ടായിരുന്നു.. അവിടെയുമിവിടെയും നിന്ന് ഒളികണ്ണാൽ നോക്കുന്ന മീനുവിനെ ഇടയ്ക്ക് കാണുമെങ്കിലും, ഒന്ന് തലതാഴ്ത്തി വീണ്ടും നോക്കുമ്പോഴേക്കും അവിടെ നിന്നും അപ്രത്യക്ഷമായിട്ടുണ്ടാവും. അത്താഴം കഴിച്ചു കഴിഞ്ഞ് വീണ്ടും മുതിർന്നവരുടെ കത്തി വെപ്പ് തുടങ്ങിയതും സഞ്ജു എഴുന്നേറ്റ് വെളിയിലോട്ട് പോയി.. "മോനെ..." മീനുവിന്റെ അമ്മയാണ്.. ഇന്ദിര... "ആഹ്.. അമ്മേ.." "മോൻ.. മുറിയിലേക്ക് പൊയ്ക്കോ.. ഇടത് ഭാഗത്ത് മൂന്നാമത്തെ മുറിയാ.." ഇടനാഴികയ്ക്കുള്ള ഭാഗത്തേക്ക് കൈ ചൂണ്ടി കൊണ്ട് അവർ പറഞ്ഞു.. അവൻ കയ്യിലെടുത്ത ഫോൺ വീണ്ടും പോക്കറ്റിലേക്ക് ഇട്ടുകൊണ്ട് ഒന്ന് ചിരിച്ച് അവർ കാണിച്ച വഴിയെ നടന്നു... പുറത്തു നിന്നു തന്നെ അലങ്കാരങ്ങൾ അവന് മുറി കാണിച്ചു കൊടുത്തു .. മുല്ലപ്പൂക്കൾ കൊണ്ടും റോസ് ഇതളുകൾ കൊണ്ടും അലങ്കരിച്ചിരിക്കുന്ന അധികം വലുപ്പമില്ലാത്ത വളരെ ഒതുക്കമുള്ള ഒരു ചെറിയ മുറി. ഫാൻ ഓൺ ചെയ്ത് അവൻ ബെഡിലേക്ക് ഇരുന്നു..

മൊബൈലിൽ നോക്കി 5 മിനിറ്റ് കഴിയും മുൻപേ മീനു ഒരു ഗ്ലാസ് പാലും എടുത്ത് സെറ്റ് സാരി ഒക്കെ ഉടുത്ത് അകത്തേക്ക് കയറി വന്നു.. അവനെ ഒന്ന് കൂർപ്പിച്ചു നോക്കി അവൾ വാതിലടച്ചു കുറ്റിയിട്ടു... പാല് മേശപുറത്തു വച്ച് മുടിയിലെ പൂവും, ആഭരണങ്ങളും അഴിച്ച് വച്ചു.. അവൾ ചെയ്യുന്ന കാര്യങ്ങൾ അവൻ സാകൂതം നിരീക്ഷിച്ചു... ഉടുത്തിരിക്കുന്ന സാരി അഴിച്ച് ഒതുക്കമില്ലാത്ത രീതിയിൽ കുത്തി... നെറ്റിയിലെ ചുവന്ന ചാന്തു പൊട്ട് കൈകൊണ്ട് മായ്ച്ചു... സിന്ദൂരം നെറ്റിയിൽ പടർത്തി... "എന്താടി ചെയ്യുന്നേ..." "ഹ്മ്മ്.. 🤨 ഇതൊക്കെ പ്രതീക്ഷിച്ചാ എന്നെ സെറ്റ് സാരിയൊക്കെ ഉടുപ്പിച്ച് ചുവന്ന പൊട്ടും തൊടീയ്ച്ചു, സിന്ദൂരവും കനത്തിൽ ഇടിപ്പിച്ചു ഇങ്ങോട്ട് അയച്ചത്... അവർ ഇങ്ങനെയൊരു വേഷമാണ് കാലത്ത് പ്രതീക്ഷിക്കുക.. ഓട്ടോമാറ്റിക്കലി ഇതൊന്നും നടക്കാൻ സാധ്യതയില്ലാത്തത് കൊണ്ട് ഞാൻ തന്നെ ചെയ്തു.. നേരം വെളുത്ത് ബോധമില്ലാതെ എഴുന്നേറ്റ് പോവുമെ. അപ്പൊ ആർക്കും ഡൌട്ട് തോന്നരുതല്ലോ... " അവൻ പൊടുന്നനെ ആ ഇടുപ്പിൽ പിടിച്ച് അവളെ തന്നോട് ചേർത്തു നിർത്തി.. അവൾ പിടക്കുന്ന മിഴികളോടെ അവനെ നോക്കി.. "മീനമ്മോ.... ഓട്ടോമാറ്റിക്കലി നടക്കില്ലാന്ന് നിന്നോട് ആരാടി പെണ്ണെ പറഞ്ഞത്...?" അവന്റെ കണ്ണിലെ കുറുമ്പ് കണ്ട് അവളുടെ കണ്ണുകൾ മിഴിഞ്ഞു... "വിവാഹത്തിന് മുന്നേയുള്ള ഡിങ്കോൾഫിക്കൊന്നും എനിക്ക് വല്യ താല്പര്യമുണ്ടായിരുന്നില്ല.. നീ എന്റെ ആവുന്ന നിമിഷത്തിന് വേണ്ടി കാത്തിരുന്നതല്ലേ ഞാൻ.. അല്ലാതെ നിന്റെ മേലെ ആഗ്രഹം ഇല്ലാഞ്ഞിട്ടല്ല.. ഈ സഞ്ജു മറ്റൊന്നിനു വേണ്ടിയും ഇത്രയും ആഗ്രഹിച്ചിട്ടില്ല.. 💙 പറഞ്ഞു തീരും മുന്നേ ആ ചൊടികൾ അവൻ സ്വന്തമാക്കിയിരുന്നു......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...