🌸മയിൽ‌പീലി🌸: ഭാഗം 36

രചന: അനു രാജീവ്

അവളുടെ കണ്ണുകൾ കൂമ്പിയടഞ്ഞു.. കൈമുഷ്ട്ടികൾ ചുരുട്ടി പിടിച്ച് മീനു അവന് വിധേയയായി നിന്നു .. അധികം നോവിക്കാതെ ആ അധരത്തെ മോചിപ്പിക്കുമ്പോൾ ഇരുവരും നന്നേ കിതച്ചിരുന്നു... ഇങ്ങനെയൊരു സീൻ പ്രതീക്ഷിക്കാത്തത് കൊണ്ട് തന്നെ മീനുവിന് ആകെ ഒരു വെപ്രാളം അനുഭവപ്പെട്ടു.. വീണ്ടും അവൾക്കരികിലേക്ക് വരുന്ന സഞ്ജുവിനെ ഒരു കൈകൊണ്ട് തടുത്ത് അവന്റെ കണ്ണുകളിലേക്ക് നോക്കി നിന്നു അവൾ... "നി.. നിങ്ങളെങ്ങോട്ടാ ഇടിച്ചു കയറി വരുന്നത്.. ഞാൻ വിളിച്ചപ്പോ ഇങ്ങോട്ട് വന്നില്ലാ ലോ.. അത് കൊണ്ട് ഇപ്പൊ ഒട്ടി വരാൻ നിൽക്കണ്ട. മാറിക്കെ..." അവനെ തള്ളി മാറ്റി നീങ്ങി നിൽക്കാൻ ശ്രമിച്ചവളെ കയ്യിൽ പിടിച്ച് വീണ്ടും അവൻ അരികിലേക്ക് വലിച്ചു നിർത്തി.. അവന്റെ കണ്ണുകളിൽ ഇതുവരെ അവൾ കാണാത്ത ഒരുതരം ഭാവമായിരുന്നു... ഉള്ളിൽ സന്തോഷം തോന്നിയെങ്കിലും ഭയം സന്തോഷത്തെ മറികടന്നുകൊണ്ട് പുറത്തേക്ക് വന്നു... അതിന്റെ ഫലമായി ചെന്നിയിൽ നിന്നും വിയർപ്പുതുള്ളികൾ മൊട്ടിട്ട് താഴേക്ക് ഒഴുകിയിറങ്ങി... ചെവിക്ക് അരികിലൂടെ ഒഴുകി കഴുത്തിലേക്കിറങ്ങി മാറിലേക്ക് അലിഞ്ഞു പോകുന്ന വിയർപ്പു തുള്ളികളെ അവൻ സാകൂതം വീക്ഷിച്ചു.. അവന്റെ നോട്ടത്തിൽ അവളിൽ പലതരം വികാരങ്ങൾ മുളപൊട്ടി...

അത് പുറമേ കാണിക്കാതെ ബെഡിലേക്ക് നടക്കാൻ ഒരുങ്ങിയതും അവന്റെ കൈകൾ അവളുടെ സാരി തുമ്പിൽ പിടുത്തമിട്ടു... അവൾ സ്റ്റക്കായി നിന്നു... തിരിഞ്ഞു നോക്കാൻ പോലും കഴിഞ്ഞില്ല.. ആ മുന്താണിയിൽ പിടിച്ച് ഒന്നു വലിച്ചതും അവൾ കറങ്ങി അവന്റെ നെഞ്ചിലേക്ക് വന്നിടിച്ചു നിന്നതിനോടൊപ്പം തോളിൽ കുത്തിയ പിന്നഴിഞ്ഞ് സാരി നിലത്തേക്ക് വീണു... അത് മനസ്സിലായെങ്കിലും എടുത്ത് നേരെ ഇടാൻ അവളുടെ കൈകൾ ഒന്ന് അനങ്ങിയത് പോലുമില്ല... അവന്റെ കൈകൾ അവളുടെ അരയിലൂടെ ചുറ്റിപിടിച്ചു.. ആദ്യമായി ശരീരത്തിൽ സംഭവിച്ച പുരുഷ സ്പർശം അവളുടെ അടിവയറ്റിൽ നിന്നും ഒരു തരിപ്പ് ഉളവാക്കി ... ശ്വാസം പുറത്തേക്ക് വരാത്ത പോലെ തോന്നി.. തൊണ്ട വറ്റിവരണ്ട പോലെ... അവൻ അവന്റെ മുഖം പതിയെ താഴ്ത്തി കൊണ്ടുവന്നു... എന്താണ് ചെയ്യാൻ പോകുന്നത് എന്ന് മനസ്സിലാകാതെ അവൾ മിഴിച്ചുനിന്നു... അവന്റെ മുഖം പതിയെ അവളുടെ കഴുത്തിലേക്ക് പൂഴ്ത്തി... നിന്നനിൽപ്പിൽ അവൾ ഒന്നു ഉയർന്നുപൊങ്ങി... കൈകൾ രണ്ടും അവന്റെ തോളിൽ മുറുകെ പിടിച്ചു... കഴുത്തിൽ ചുണ്ടുകൾ പതിയെ ചേർത്തതും അവൾ ഒന്ന് ഞെളിപിരി കൊണ്ടു... അവന്റെ പല്ലുകൾ അവളിൽ ചെറുനോവുണർത്തി... "സ.. സഞ്ജുവേട്ടാ.. വേ.... വേണ്ടാ.." അവൾ എങ്ങനെയോ പറഞ്ഞൊപ്പിച്ചു..

വിലക്കുന്ന പോലെ അവന്റെ മുടിയിൽ സ്ഥാനം പിടിച്ച അവളുടെ കൈകൾ അവന് ആവേശമായി... അവന്റെ മുഖം ആ കഴുത്തിൽ നിന്നും താഴെക്കിറങ്ങി.. അവൾ പിടയാൻ തുടങ്ങി.. ഇരുകൈകൾ കൊണ്ടും അമർത്തി പിടിച്ച് അവൻ അവളുടെ മാറിലേക്ക് മുഖം അമർത്തി... അവളുടെ കാലുകൾക്ക് ബലം നഷ്ട്ടമായ പോലെ അവൾ നിലത്തേക്ക് ഊർന്നു പോയി.. എന്നാൽ വീഴാൻ സമ്മതിക്കാതെ അവളെ പൊക്കിയെടുത്ത് ബെഡിലേക്കിട്ട് സഞ്ജു അവളുടെ മേലേക്ക് അമർന്നു.. എന്തൊക്കെയോ കുശുകുശുപ്പ് കേട്ട് അവളുടെ മാറിൽ നിന്നും അവൻ മുഖമുയർത്തി.. കണ്ണടച്ച് കൈകൂപ്പി കിടക്കുന്നവളെ അവൻ അത്ഭുതത്തോടെ നോക്കി.. ചുണ്ടുകൾ എന്തോ പിറുപിറുക്കുന്നുണ്ട്.. അവൻ അവന്റെ ചെവി അവളുടെ ചുണ്ടിനടുത്തേക്ക് ചേർത്ത് വച്ചു.. "ഓം തത്പുരുഷായ വിദ്മഹേ മഹാദേവായ ദീമഹി തന്നോ രുദ്ര പ്രചോധയാ " അവൻ അവളിൽ നിന്നും മുഖമുയർത്തി.. "മീനമ്മോ . എന്താടി ഇത് 😳?" "ശിവ ദുർഗ മന്ത്രമാ... പേടി തോന്നുമ്പോ ചൊല്ലിയാൽ മതി.. പേടിയൊക്കെ മാറും.." അവൻ എഴുന്നേറ്റിരുന്നു...

"ഏത് നേരത്താണോ ഇതിനെയൊക്കെ... അവൻ പിറുപിറുക്കുന്നത് കേട്ട് അവൾ എഴുന്നേറ്റിരുന്ന് നിരങ്ങി അവനടുത്തേക്ക് വന്നു "ഏത് മന്ത്രമാ ചൊല്ലുന്നേ??" "നിന്റെ അമ്മൂമ്മടെ..... ......അവൾ അവനെ ചുണ്ട് പിളർത്തി കൂർപ്പിച്ചു നോക്കി വെട്ടി തിരിഞ്ഞു, അഴിഞ്ഞു പോയ സാരിയെടുത്തു പുതച്ചു മൂടി കിടന്നു... അവൻ സ്വയം തലക്കൊരു കൊട്ട് കൊടുത്ത് അവൾക്കരികിലേക്ക് ചെന്ന് കിടന്നു... ഇടുപ്പിലൂടെ ഒരു കൈ ചുറ്റി പിടിച്ചു.. "മീനമ്മോ...". കുട്ടി മിണ്ടുന്നില്ല.. "മീനമ്മോ..ആരെങ്കിലും ഫസ്റ്റ് നെറ്റിൽ പേടി മാറാൻ മന്ത്രം ചൊല്ലി കൊണ്ടിരിക്കുമോ?? അയ്യേ...." അവൻ കളിയാലേ പറഞ്ഞതും അവന്റെ കൈ തട്ടി മാറ്റി അവൾ നീങ്ങി കിടന്നു.. അവനും അവൾക്കരികിലേക്ക് നീങ്ങി.. "മീനമ്മോ.. നിന്റെ പേടി മാറ്റാനല്ലേ ഞാനുള്ളത്..." അവന്റെ കൈകൾ വീണ്ടും സാരിയിൽ പിടുത്തമിട്ടു.. "ഇനിയെന്ത് ചെയ്‌താൽ പിണക്കം മാറുമെന്ന് പറ.. ഒരു കാര്യം ചെയ്യ്.. ദുർഗ മന്ത്രം മാത്രമാക്കണ്ട. ബാക്കി എല്ലാ ദൈവങ്ങളുടെയും ഓരോന്ന് വീതം ചൊല്ലിക്കൊ.. ഞാൻ വെയിറ്റ് ചെയ്യാം.. എല്ലാം കഴിഞ്ഞ് എന്നെ കൂടി പരിഗണിച്ചാൽ മതി.." അവളിൽ ചെറു പുഞ്ചിരി വിടർന്നു.. "ഹോ.. ചിരിച്ചല്ലോ.. അത് മതി... എടി.. ഇന്നത്തെ ദിവസത്തെ കുറിച്ച് സ്വപ്‌നം കാണാൻ തുടങ്ങിയിട്ട് ഏതാണ്ട് പത്തു വർഷത്തോളമായി. അത് കുളമാക്കരുത്..."

അവൾ അവന് നേരെ തിരിഞ്ഞു.. നെറ്റി ചുളിച്ച് തന്നെ നോക്കുന്നവളെ കണ്ട് അവൻ അതേ എന്ന് തലകുലുക്കി.. "Yes മീനമ്മോ... ഞാൻ വയസറിയിച്ച കാലം തൊട്ട് എന്റെ ഫസ്റ്റ് നെറ്റിനെ കുറിച്ച് ആയിരം സ്വപ്‌നങ്ങൾ നെയ്തു കൂട്ടിയിരുന്നു.. നീ ദൈവത്തെ കൂട്ടുപിടിച്ച് ആ സ്വപ്നങ്ങളെ എറിഞ്ഞുടക്കരുത്... പ്ലീസ്..." ഡ്രാമറ്റിക് ആയുള്ള അവന്റെ സംസാരം കേട്ട് അവൾ ചിരിച്ചു പോയി.. കൂടെ അവനും... പതിയെ അവന്റെ ചുണ്ടിലെ ചിരി മാഞ്ഞ് അവിടെ വശ്യത ഇടംപിടിച്ചു.. അതറിഞ്ഞ പോലെ അവളുടെ ചുണ്ടിലെ ചിരിയും മാഞ്ഞു.. കണ്ണുകൾ പിടച്ചു.. മാറിൽ ചുറ്റിയ സാരി ബെഡിലേക്ക് മാറ്റിയിട്ട് അവൻ അവളിലെക്കമാർന്നു.. അവന്റെ നാവും ചുണ്ടും അവളിലാകെ ഒഴുകിനടന്നു.. അത് വരെ തോന്നാത്ത വികാരങ്ങൾ അവളെ വന്നു മൂടി... തടയായി നിന്ന വസ്ത്രങ്ങളൊക്കെ പറിച്ചെറിയപ്പെട്ടു... മുറിയോരത്തു ചാഞ്ഞു നിൽക്കുന്ന മാവിൽ പടർന്നു കയറിയ മുല്ലവള്ളിയിൽ മൊട്ടിട്ട മുല്ലപൂക്കൾ പതിയെ വിടർന്നു... അവയുടെ സുഗന്ധവും സൗരഭ്യവും ആ മുല്ലവള്ളി, മാവിലേക്ക് പടർത്തി.. കുളിർത്ത കാറ്റിൽ മാവ് പൂത്തുലഞ്ഞു... ആ മാവിൻ പ്രണയം മാമ്പൂക്കളായി നിലത്തേക്ക് പൊഴിഞ്ഞു.. ചില പൂക്കൾ മുള്ളവള്ളിയിൽ തങ്ങി നിന്നു...

അവയെ പ്രണയോപഹാരങ്ങളായി കരുതി മുല്ലവള്ളി നെഞ്ചോട് ചേർത്തു വച്ചു.. ആഞ്ഞു വീശിയ കാറ്റിൽ ഇതൾ പൊഴിഞ്ഞ മുല്ല മൊട്ടുകൾ ആ മാമ്പൂവിനോടൊപ്പം തങ്ങി നിന്ന് ഒരുമിച്ച് പ്രണയിച്ചു.. യാതൊരു തടസങ്ങളുമില്ലാതെ ഇരുട്ടിലും തണുപ്പിലും പ്രണയത്തിൽ കുതിർന്ന് സ്വയം മറന്ന് അവ ഒരുമിച്ച് നിലത്തേക്ക് പതിച്ചു... വിയർപ്പിൽ നനഞ്ഞ് കട്ടിലിനു താഴെ സാരിയിൽ പൊതിഞ്ഞു കൊണ്ട് ഇരുവരും പുണർന്നു കിടക്കുകയായിരുന്നു... മുറിയിൽ ഫാനിന്റെ ശബ്ദം മാത്രം ഉയർന്നു കേട്ടിരുന്നു... അവളുടെ നെറുകയിൽ മൃദുവായി ചുംബിച്ച് അവൻ അവളെ നെഞ്ചിലേക്ക് ചേർത്തി കിടത്തി.. തന്നെ പൂർണമാക്കിയവനെ അല്പം ആരാധനയോടെ നോക്കികൊണ്ട് അവളും പതിയെ കണ്ണുകളടച്ചു... _______💙 പിന്നീട് തിരക്കായി, വിരുന്നായി, ബന്ധുക്കളായി.. സഞ്ജു ശരിക്കും ആ അഗ്രഹാരത്തിലെ ആയോ എന്ന് പോലും സംശയമായി.. മീനുവും സഞ്ജുവും കലാക്ഷേത്രയിൽ തന്നെ കുറച്ചു ദിവസങ്ങൾ കൂടി കഴിയാമെന്ന തീരുമാനത്തിലെത്തി.. പീലിയുടെ സെക്കൻഡ് സെം എക്സാം കൂടി തീർന്നതിനുശേഷം ആണ് അഭിയും പീലിയും നാട്ടിൽ നിന്നും മടങ്ങിയത്... പ്രണയത്തിന്റെ ദിനങ്ങൾ.. നൃത്തവും ബിസിനസ്സും അതിന്റെ വഴിക്ക് പോയികൊണ്ടിരുന്നു... ______💙 "മയിലേ.......... "ഹാ.. ദാ.. കിച്ചനിലാ.... അഭി വേഗം കിച്ചണിലേക്ക് പോയി..

"എന്റെ മയില് കുക്കിങ്ങിലാണോ...?" "അതേലോ..." സ്ലാബിനു മുകളിൽ കയറിയിരുന്ന് അവൻ കുറുമ്പോടെ ചോദിച്ചപ്പോൾ അതേ കുറുമ്പോടെ തന്നെ അവളും മറുപടി കൊടുത്തു.. "മയിലേ.. വേഗം ഇതൊക്കെ ഓഫ്‌ ആക്ക് നമുക്കൊരു സ്ഥലം വരെ പോകാം..." "എങ്ങോട്ടാ അഭിയേട്ടാ..." "അതൊക്കെ സർപ്രൈസ്... വേഗം റെഡി ആവ്..." " സർപ്രൈസോ...ആഹ്.. എനിക്ക് മനസിലായി, ആ മുംബൈ പ്രോഗ്രാം ok ആയല്ലേ.. എഗ്രിമെന്റ് സൈൻ ചെയ്യാനാണോ..?" "Nop " "അപ്പൊ.... ഓൺലൈൻ ടെൻഡർ ഏട്ടന് കിട്ടിയോ..?" വിടർന്ന കണ്ണുകളോടു കൂടിയുള്ള അവളുടെ ചോദ്യം കേട്ട് അവന് ചിരിവന്നു.. "അതൊന്നുമല്ല.. നീ വേഗം വാ.. മതി ഇളക്കിയത്.. ഗ്യാസ് ഓഫ്‌ ആക്ക്.." "ഇതൊന്ന് തിളക്കട്ടെ.. രണ്ടു മിനിറ്റ്..." "ഹ്മ്മ്.. വേഗം.. " അവൻ മുറിയിലേക്ക് പോകുന്നതും നോക്കി എന്തായിരിക്കും സർപ്രൈസ് എന്ന ചിന്തയിൽ അവൾ നിന്നു... കറി തിളച്ചതും വേഗം അതിനെ ഓഫ് ചെയ്ത് റൂമിലേക്ക് പോയി... അവിടെ അഭി ഉണ്ടായിരുന്നില്ല.. വേഗം നല്ലൊരു സാരിയുടുത്ത് പുറത്തേക്ക് വന്നു... അവൾ പുറത്തേക്കിറങ്ങിയതും വാതിൽ തുറന്ന് അഭി അകത്തേക്ക് കയറി വന്നു... " അയ്യേ സാരിയോ.. സാരി ശരിയാവില്ല... ഇങ്ങോട്ട് വാ... " അവളെ കൊണ്ട് പോയി വൈറ്റ് ഷർട്ടും ജീനും ഇടിയിപ്പിച്ചു.. ഡെനിം ഓവർകോട്ടും കൂടി ഇട്ടതോടെ കിടു ലുക്ക്‌ ആയി.. അഭി വൈറ്റ് വീ നെക്ക് ടീഷർട്ടും ബ്ലൂ ജീനും ബ്ലൂ ഓവർകോട്ടും.. "നമ്മളീ യൂണിഫോമും ഇട്ടോണ്ട് എങ്ങോട്ടാ..?."

"സ്കൂളിലോട്ട് എന്തൊക്കെ അറിയണം എന്റെ മയിൽ പീലിക്ക് 💙.. ഇങ്ങോട്ട് വാടി പെണ്ണെ.." ഫ്ലാറ്റ് ലോക്ക് ചെയ്ത് കീ അരുണിന്റെ ഫ്ലാറ്റിൽ കൊടുത്ത് അവളെ അങ്ങോട്ട് കയറാൻ സമ്മതിക്കാതെ വേഗം താഴെക്കിറങ്ങി. ബുള്ളറ്റിന് ബാക്കിൽ കെട്ടി വച്ചിരിക്കുന്ന ട്രാവെല്ലിങ് ബാഗ് കണ്ട് അവൾ അന്തംവിട്ടു.. "നോക്കി കൊണ്ട് നിക്കാതെ കേറ് പെണ്ണെ..." "നമ്മളെങ്ങോട്ടാ അഭിയേട്ടാ...?" "കേറടി.. പറയാം.." അവൾ സംശയത്തോടെ കയറിയിരുന്നു.. ബുള്ളെറ്റ് ഫ്ലാറ്റ് കോമ്പോണ്ട് കടന്ന് മെയിൻറോഡിലേക്കിറങ്ങി... കുറച്ച് കഴിഞ്ഞതും ഹൈവേയിലേക്ക് കയറി.. "അഭിയേട്ടാ നമ്മൾ എങ്ങോട്ടാ..?" "എ ലോങ്ങ്‌ ട്രിപ്പ്‌..." "ലോങ്ങ്‌ ട്രിപ്പൊ.. അയ്യോ...." "എന്താടി... എന്തിനാ നിലവിളിക്കുന്നെ..?" "നിങ്ങൾക്ക് നേരത്തെ പറഞ്ഞൂടായിരുന്നോ മനുഷ്യാ ഉണ്ടാക്കിയ കറി വേസ്റ്റ് ആകുമല്ലോ കൃഷ്ണാ.." "അയ്യേ.. എച്ചി... എടി അത് ഞാൻ അല്ലി ചേച്ചിയോട് എടുത്തോളാൻ പറഞ്ഞിട്ടുണ്ട്..." "ഹ്മ്മ്...... അയ്യോ..അപ്പൊ എന്റെ ഡാൻസ് ക്ലാസ്സോ.. " "അത് ടീച്ചർമാരോട് പറഞ്ഞേൽപ്പിച്ചിട്ടുണ്ട്" "അടിപൊളി... അപ്പൊ.... "മതി മയിലേ... നീ ട്രിപ്പ് എങ്ങോട്ടാണെന്ന് ചോദിച്ചോ?? അവളുടെയൊരു കറിയും സാമ്പാറും..." "എങ്ങോട്ടായാലെന്താ..? എന്റെ അഭിയേട്ടന്റെ കൂടെയല്ലേ.." അവൾ അവനെ പുണർന്നു കൊണ്ട് പുറത്തേക്ക് മുഖം ചാരി ചേർന്നിരുന്നു.. നിറഞ്ഞ ചിരിയോടെ അവൻ വണ്ടി മുറുക്കി.......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...