🌸മയിൽ‌പീലി🌸: ഭാഗം 4

രചന: അനു രാജീവ്

"പീലികുട്ടി.. ടീച്ചറമ്മ വേഗം വരാം ട്ടൊ.. ഇറങ്ങട്ടെ..." "നല്ല മഴക്കാറുണ്ട്.. കുടയെടുത്തില്ലേ..." "ഹാ.. എടുത്തിട്ടുണ്ട്.. അവൻ ഉണർന്നാലേ മുകളിൽ നിന്ന് പാട്ടു കേൾക്കും.. അപ്പൊ കാപ്പി കൊണ്ട് കൊടുക്കണേ.. ഞാൻ അപ്പോഴേക്കും വരാം.. അഥവാ വൈകിയാൽ..." "ഓഹ്.... ശരി ടീച്ചറമ്മേ.. മഴ വരും മുന്നേ പോകാൻ നോക്കിയേ..." അവർ ചിരിയോടെ സാരി ഒതുക്കി പിടിച്ച് പടി കടന്നു പോയി.. 'ഭഗവാനെ ടീച്ചറമ്മ വരും മുന്നേ അഭിയേട്ടൻ എഴുന്നേൽക്കല്ലേ.. എങ്ങനെ ഫേസ് ചെയ്യുമെന്ന് അറിയാതോണ്ടാ..." അവൾ മുകളിൽ നോക്കി പ്രാർത്ഥിച്ചു കൊണ്ട് സാമ്പാറിനുള്ള പച്ചക്കറി മുറിച്ചുകൊണ്ടിരുന്നു... 🎼First things first i'mma say all the words inside my head Iam fired up and tried of the way that things have been, ohh ohh The way that things have been ohh ohh....🎼 പാട്ടു കേട്ട് അവളൊന്ന് ഞെട്ടി.. "ഇതേത് പാട്ട്.. അയ്യേ.. ഞാൻ വിചാരിച്ചു വല്ല സുപ്രഭാതോ ദേവീ സ്തുതികളോ ആവുംന്ന്.. ഇതിനെയൊക്കെ പാട്ട് ന്നാ പറയാ.. ശേ... എന്തായാലും കാപ്പി കൊണ്ട് കൊടുക്കാം.. ഫ്ലാസ്കിൽ നിന്നും കോഫി കപ്പിലേക്ക് പകർത്തി അവൾ അതെടുത്ത് ഒന്നാഞ്ഞു ശ്വാസം വിട്ട് പടികളിലേക്ക് കയറി. 🎼 I was broken from a young age Taking my sulking to the masses, Writing my poems for the few, That look at me, took to me, shook to me, feeling me...🎼 അവൾ ചാരിവച്ച ഡോർ പതിയെ തുറന്നു.. ഒരു കൈ കൊണ്ട് ചെവി അടച്ചു പിടിച്ചു... അഭി വർക്ഔട്ട് ചെയ്യുവാണ്.. പുഷ്അപ് എടുക്കുന്നത് തെല്ലു കൗതുകത്തോടെ അവൾ നോക്കി നിന്നു.. ഷർട്ട്‌ ഇട്ടിട്ടില്ല..

ഒരു ട്രാക്ക് സ്യുട്ട് മാത്രം.. അവൾക്ക് നാണം വന്നു.. 'പീലി ഇങ്ങനെ വായി നോക്കി നിക്കല്ലേ.. ഇന്നലത്തെ അനുഭവം മറന്നില്ല ലോ... അവന്റെ കണ്ണിൽ നോക്കി നിന്നത് കൊണ്ടാണ് അങ്ങനെയൊക്കെ ഉണ്ടായത് അതുകൊണ്ട്, സ്ട്രൈറ്റ് ആയി പോകുന്നു, കാപ്പി കൊടുക്കുന്നു, തിരികെ വരുന്നു. അത്രമാത്രം... ചിന്തിച്ചുകൊണ്ട് അവൾ ഒന്നു മുരടനക്കി.... എവിടെ??പാട്ടിന്റെ ശബ്ദത്തിൽ ഒന്നും അറിഞ്ഞിട്ടില്ല ആശാൻ... വേഗം അവൾ പോയി സ്റ്റീരിയോ ഓഫ് ചെയ്തു... അവൻ തിരിഞ്ഞു നോക്കി... തന്റെ മുന്നിൽ നിൽക്കുന്ന പീലിയെ കണ്ട് അത്ഭുതം കൊണ്ട് അവന്റെ കണ്ണുകൾ വിടർന്നു... അത് കണ്ടപ്പോൾ അവളുടെ ചുണ്ടിൽ ഒരു ചെറിയ പുഞ്ചിരി വന്നുവെങ്കിലും പെട്ടെന്ന് തന്നെ അതിനെ മാറ്റി മുഖത്ത് ഗൗരവം അണിഞ്ഞ് കാപ്പി അവനു നേരെ നീട്ടി... " ഇതാ കാപ്പി.. " ഗൗരവത്തോടെ പറയുന്ന അവളെ നോക്കി അവൻ നിലത്തു നിന്നും എഴുന്നേറ്റ് അവൾക്ക് അടുത്തേക്ക് വന്ന് നിന്ന് കയ്യിൽ നിന്നും കാപ്പി വാങ്ങി... ഷർട്ട് ഇടാതെ തന്റെ മുന്നിൽ ഒരു അന്യപുരുഷൻ... .അവൾക്ക് കയ്യും കാലും വിറക്കുന്നുണ്ടായിരുന്നു... വേഗം തിരിഞ്ഞു നടക്കാൻ ഒരുങ്ങിയതും അവളുടെ കയ്യിൽ അവന്റെ പിടി വീണിരുന്നു.... "ഇന്നലെ എന്താടി പെണ്ണെ വന്നില്ല???" അവൾ തിരിഞ്ഞു നിന്നു... "അത് മഴ നനഞ്ഞത് കൊണ്ട് വീട്ടിൽ പോയി..."

" പിന്നെ രാവിലെ തന്നെ എന്തിനാ വന്നത്?? എന്നെ കാണാനാ?? " അവളല്ല എന്ന രീതിയിൽ തലയാട്ടി.. "പിന്നെ?? നിനക്ക് വൈകുന്നേരമല്ലേ ക്ലാസ്സ്... പിന്നെ എന്തിനാ രാവിലെ തന്നെ വന്നത്...എനിക്ക് കോഫീ തരാനോ??" "അപ്പയും അമ്മയും അമ്പലത്തിൽ പോയേക്കുവാ... എന്നെ ഇവിടെ ആക്കിയിട്ടു പോയതാ..." " അപ്പൊ ഇന്ന് മുഴുവൻ ഇവിടെ ഉണ്ടാകുമോ?? " അവൻ സന്തോഷത്തോടെ ചോദിച്ചു . "നാലുദിവസം..." "എന്ത്???" അവന്റെ ആഹ്ലാദത്തോടെ ഉള്ള സ്വരം കേട്ട് അവൾ തല ഉയർത്തി നോക്കി... " നാല് ദിവസമോ?? " അവൾക്ക് കുറച്ചുകൂടി അരികിലേക്ക് ചേർന്നുനിന്നുകൊണ്ട് അവൻ ചോദിച്ചു... അവളാണെങ്കിൽ ഇപ്പൊ ബോധം പോകും എന്നുള്ള പോലെ തലയുയർത്താൻ പേടിച്ച് അതേ എന്ന് പതിയെ തലയാട്ടി.... കൈ വീടുവെച്ച് വേഗം തന്നെ അവൾ പുറത്തേക്ക് പോയി... അവൾ പോയി എന്ന് കണ്ടതും അവൻ ബെഡിലേക്ക് മറിഞ്ഞു തുള്ളിച്ചാടി.... 'എന്റെ മയിലേ... നിന്നെ ഞാൻ എങ്ങനെ വരുതിയിലാക്കും എന്ന് ആലോചിച്ചിട്ട് പ്രാന്തായി ഇരിക്കുകയായിരുന്നു... നാല് ദിവസം... ഇത് മതി പെണ്ണെ നിന്നെ വളച്ചൊടിച്ച് കുപ്പിയിലാക്കാൻ... ഒരു വിധം സന്തോഷം ഒതുക്കിക്കൊണ്ട് അവൻ പകുതി കുടിച്ച കാപ്പിയും എടുത്ത് വെളിയിലേക്കിറങ്ങി... അടുക്കളയിൽ ഉണ്ടാകുമെന്ന് ഊഹത്തിൽ അവൻ നേരെ അങ്ങോട്ട് വെച്ച് പിടിച്ചു... പ്രതീക്ഷ തെറ്റിയില്ല... ആള് ദോശ ചുടുന്ന തിരക്കിലാണ്... " അമ്മ എവിടെ?? " പെട്ടെന്ന് അവന്റെ ചോദ്യം കേട്ട് അവൾ ഞെട്ടിത്തിരിഞ്ഞു നോക്കി

" അമ്പലത്തിൽ പോയി. " അവൻ കാപ്പി കുടിച്ചു കഴിഞ്ഞ ഗ്ലാസ് സ്ലാബിനു മുകളിൽ വെച്ചുകൊണ്ട് അവൾക്കരികിലേക്ക് പോയി... അവളാണെങ്കിൽ വിയർത്തു കുളിച്ചു പേടിച്ചു വിറച്ചു നിൽക്കുകയാണ്... " എന്റെ മയിലെന്തിനാ പേടിക്കുന്നെ...?? " സ്ലാബിനോട് ചേർന്നു നിൽക്കുന്ന അവളുടെ ഇരുവശവും കൈകൾ വച്ച് ബ്ലോക്ക് ചെയ്തു കൊണ്ട് അവൻ ചോദിച്ചു 'ഇങ്ങനെ കയ്യും വെച്ചു നിന്നാൽ പേടിക്കാതെ പിന്നെ വേറെ എന്താ ചെയ്യാ..' പീലി മനസ്സിൽ ചിന്തിച്ചു.. അവൻ കൈ ഉയർത്തി അവളുടെ നെറ്റിയിൽ പറഞ്ഞിരിക്കുന്ന വിയർപ്പുതുള്ളികൾ തുടച്ചുകൊടുത്തു... " എന്തിനാടി പെണ്ണേ നീയിങ്ങനെ വിയർക്കുന്നെ" അവന്റെ അവന്റ മുഖത്ത് നോക്കാതിരിക്കാൻ കഷ്ട്ടപ്പെട്ടു.. 'പീലീ കണ്ണിൽ നോക്കല്ലേ.. നോക്കല്ലേ.. നോക്കൽ.. നോക്കി.... 😌 അവന്റെ കണ്ണിൽ നോക്കി മതി മറന്നു നിൽക്കുന്ന അവളെ കടിച്ചു പിടിച്ച ചിരിയോടെ അവൻ നോക്കി.. പെട്ടെന്ന് കുക്കർ വിസിൽ അടിച്ചതും അവൾ ഞെട്ടി കൊണ്ട് അവനിലേക്ക് ചേർന്നു.. ഷർട്ട്‌ ഇടാത്ത അവന്റെ നെഞ്ചിൽ ചാരി നിന്നപ്പോൾ അവൾക്ക് എന്തോ വല്ലാതെ തോന്നി. അവന്റെ ശരീരത്തെ നനവ് അവളുടെ വയറിൽ പതിക്കുന്ന പോലെ.. അവൾ പതിയെ തല താഴ്ത്തി നോക്കി...

അപ്പോഴാണ് ശരിക്കും ദാവണി മാറി വയറിലും ദേഹത്തും അമർന്നു നിൽക്കുകയാണ് അവന്റെ ശരീരം എന്നവൾക്ക് മനസിലായത്.. അടർന്നു മാറാൻ നിന്ന അവളെ ഇടുപ്പിലൂടെ കയ്യിട്ട് പൊക്കി നിർത്തി അവൻ.. അവളുടെ വയറ് അവന്റെ ശരീരത്തു കൂടി അരിച്ചു കയറി.. അവൾക്ക് കാലിൽ നിന്നും ഒരു തരിപ്പ് കയറി വന്നു.. നിലത്തു നിന്നും ഉയർന്ന കാലുകളുടെ വിരലുകൾ അവർ മടക്കി പിടിച്ചു.. അവനും വല്ലാത്ത അവസ്ഥയിലായിരുന്നു... അവളുടെ നഗ്നത അറിഞ്ഞ പോലെ... ആ ശരീരത്തിന്റെ മാർദ്ധവം അവനിലേക്കമർന്നു... അവളുടെ മുഖം അവന്റെ മുഖത്തിന് നേരെ ആയിരുന്നു.. കണ്ണടച്ച് നിൽക്കുന്ന അവളെ അവൻ ആർദ്രമായി വിളിച്ചു.. "മയിലേ... ❤️" അവൾ കണ്ണ് തുറന്നു.. തുറന്നതും അവൻ ആ അധരങ്ങൾ സ്വന്തമാക്കി.. അവൾ അവന്റെ തോളിൽ മുറുകെ പിടിച്ച് കൊണ്ട് കണ്ണടച്ചു. നീണ്ട ചുംബനം... എല്ലാം മറന്ന്... അവളെ ഒന്ന് കൂടെ മുറുകെ പിടിച്ച് ചേർത്തി കൊണ്ട്. അവളുടെ നഖങ്ങൾ തോളിൽ ആഴ്ന്നിറങ്ങി.. അവന് ആ വേദനയിലും വല്ലാത്ത അനുഭൂതി തോന്നി.. പുറത്ത് മഴ കനത്തു.. തണുത്തു വീശുന്ന കാറ്റിന് അവർക്കിടയിലൂടെ കടന്നു പോകാൻ പോലും കഴിയുന്നുണ്ടായിരുന്നില്ല... ഓടിന് പുറത്ത് മഴ തുള്ളികൾ വീഴുന്ന ശബ്ദത്തിനൊപ്പം അവരുടെ നിശ്വാസങ്ങൾ അലിഞ്ഞു ചേർന്നു ...

ഏറെ നേരത്തിനു ശേഷം അവൻ ആ അധരങ്ങൾ മോചിപ്പിച്ചു... അവൾ കണ്ണുകൾ തുറന്നിരുന്നില്ല.. പക്ഷെ കൺപീലികൾ കണ്ണുനീരാൽ കുതിർന്നിരുന്നു. അവന് അല്പം കുറ്റബോധം തോന്നി.. അവളെ പതിയെ താഴെ നിർത്തി.. അപ്പോഴും അവൾ കണ്ണ് തുറന്നില്ല.. അവളുടെ ചുരുണ്ടു മാറിയ ദാവണി അവൻ തന്നെ നേരെയിട്ടു കൊടുത്തു.. അവൻ ആ കവിളിൽ പിടിച്ച് മുഖമുയർത്തി.. ആ ചുണ്ടിൽ ഒന്ന് കൂടെ മുത്തി.. "ഞാൻ നിർത്തണമെന്ന് കരുതിയതാ പെണ്ണെ... പക്ഷെ പറ്റണ്ടേ.. കുറെ കാലം കഴിഞ്ഞ്,നമ്മടെ കുട്ടികൾ നമ്മുടെ ഫസ്റ്റ് കിസ്സിനെ കുറിച്ച് ചോദിച്ചാൽ.,,ഫ്ലോപ്പ് ആയിരുന്നുന്ന് നീ പറയാൻ പാടില്ലാ ലോ.. അത് കൊണ്ടാ ഒരിക്കലും മറക്കാത്ത രീതിയിൽ തന്നത്.. സോറി.." അവൾ പതിയെ കണ്ണ് തുറന്നു.. അവനിൽ വല്ലാത്ത നോവുണ്ടായി.. "അയ്യേ.. കണ്ണൊക്കെ ചുവന്നിരിക്കുന്നു.. ഞാൻ ചുണ്ടല്ലേ ചുവപ്പിച്ചേ...?" അവൾ അവനെ പിടിച്ച് തള്ളി മാറ്റി.. അടുക്കളയിൽ നിന്നും പോവാൻ നിന്നവളെ നെഞ്ചിലേക്ക് ചേർത്ത് പിടിച്ചു... "മയിലേ.. നീയില്ലാതെ എനിക്ക് പറ്റില്ലാട്ടോ.. എന്റെ ജീവിതം മുഴുവൻ വർണങ്ങളാൽ നിറക്കാൻ, നീ വേണം.. എന്നും..ഞാൻ പോവുമ്പോ എന്നോടൊപ്പം എന്റെ മയിലും ഉണ്ടാവണം..." അവന്റെ പിടിയിൽ നിന്നും വിട്ട് അവൾ പുറത്തേക്കിറങ്ങി. 'ഹോ.. പിച്ചിയെടുത്തല്ലോ പെണ്ണ്.. "..

 തോളിൽ ഏറ്റ പോറലിൽ നോക്കി കൊണ്ട് അവൻ പറഞ്ഞു.. ചുണ്ട് കടിച്ചു പിടിച്ച് ചിരിയോടെ അവൻ ഹാളിലേക്ക് ചെന്നു... ഇറയത്തു നിന്നും വീഴുന്ന മഴ വെള്ളം കൈകുമ്പിളിൽ വാങ്ങി നിൽക്കുന്ന പീലിയെ നോക്കി അവൻ അതേ ചിരിയോടെ മുകളിലേക്ക് പോയി... 🌸🌸🌸🌸🌸🌸 ' എന്നെ ഇഷ്ടമാണെന്നല്ലേ ആ പറഞ്ഞതിന്റെ അർത്ഥം.. പ്രൊപ്പോസ് ചെയ്തതായിരുന്നു.. ഞാനൊന്നും പറഞ്ഞില്ല... അല്ലെങ്കിലും വേണ്ടാപ്പോൾ എനിക്ക് പ്രതികരിക്കാൻ അറിയില്ലാലോ.. അവളുടെ മനസിലേക്ക് ആ ചുംബനം കടന്നു വന്നു... 'എനിക്ക് തടയാമായിരുന്നില്ലേ.. എന്റെ ദേഹത്തു തൊട്ടപ്പോൾ, എടുത്തുയർത്തിയപ്പോൾ, ചുംബിച്ചപ്പോൾ, വിചാരിച്ചിരുന്നെങ്കിൽ എനിക്ക് തടയാമായിരുന്നു.. ഞാനും ആഗ്രഹിച്ചിരുന്നോ..? അഭിയേട്ടൻ അടുത്ത് വരുമ്പോൾ മാത്രം പറഞ്ഞറിയിക്കാൻ പറ്റാത്ത അനുഭൂതി.. ആ സ്പർശത്തിൽ ഞാൻ തളർന്നു പോവുന്നു.. വീണ്ടും വീണ്ടും വേണമെന്ന് ആഗ്രഹിക്കുന്നു.. കൂടെ വരണമെന്ന് പറയുമ്പോ എന്ത് കൊണ്ടാ ഇല്ല, ഞാൻ വരില്ല എന്ന് പറയാഞ്ഞത്.. . പ്രണയമാണോ.. ഇത്ര വേഗത്തിൽ ആരോടെങ്കിലും പ്രണയം തോന്നുമോ.. എനിക്ക് അഭിയേട്ടനെ കുറിച്ച് ഒന്നുമറിയില്ല.. ഒരു ജോലി ഉണ്ടോന്ന് പോലും.. ഏത് വരെ പഠിച്ചുന്നു പോലും.. എന്നിട്ടും എന്തെ എന്റെ മനസ് അദ്ദേഹത്തിന് വേണ്ടി വാശി പിടിക്കുന്നു...

വേണ്ട.. ഒന്നും വേണ്ട.. അപ്പ... കൊല്ലും എന്നെ.. ഞാനായിട്ട് ആരെയും വേദനിപ്പിക്കണ്ട ... അഭിയേട്ടനോട് പറയാം ഒന്നും വേണ്ടാന്ന്. ഞാൻ എങ്ങോട്ടും വരില്ലാന്ന്. എന്നെ ഇഷ്ട്ടപെടണ്ടാന്ന്..'' "എന്താ പീലികുട്ടി പുറത്ത് നിൽക്കുന്നെ..." ടീച്ചറമ്മയുടെ ശബ്ദം കേട്ട് അവൾ ഞെട്ടി.. "ആഹാ.. എന്തോ വലിയ ചിന്തയിലായിരുന്നു എന്ന് തോന്നുന്നു, ഇങ്ങനെ ഞെട്ടാൻ.. എന്തിനാ പുറത്ത് നിന്നതു നോക്ക് പാവാടയൊക്കെ നനഞ്ഞു.. കൈയിൽ വെള്ളം തട്ടി തെറിപ്പിച്ചു കളിക്കാൻ കുഞ്ഞ് കുട്ടിയാ..?? തണുപ്പടിച്ചു വല്ല പനിയും പിടിക്കും.. പോയി ഡ്രസ്സ്‌ മാറിക്കെ.. " അവരുടെ ശകാരത്തിൽ ഒരമ്മയുടെ വാത്സല്യം കലർന്നിരുന്നു.. . ചിരിയോടെ അവൾ ടീച്ചറമ്മയുടെ മുറിയിലേക്ക് പോയി തന്റെ ബാഗ് തുറന്ന് ഒരു ദാവണി എടുത്ത് മാറ്റി ഉടുത്തു.. "മോളെ.. താഴത്തെ മുറികളൊന്നും വൃത്തിയാക്കിയിട്ടില്ല.. അവൻ വരുന്നത് കൊണ്ട് മുകളിലെ മൂന്ന് മുറിയും ശാരധയെ വിട്ട് വൃത്തിയാക്കിപ്പിച്ചിരുന്നു.. ഏത് വീണെങ്കിലും മോളെടുത്തോ..." അവൾ ചിരിയോടെ തലയാട്ടി.. ബാഗും എടുത്ത് മാറ്റിയ ഡ്രെസ്സും കയ്യിൽ പിടിച്ച് അവൾ മുകളിലേക്ക് കയറി.. ആദ്യത്തെ മുറിയിലാണ് അഭി.. അവിടേക്ക് ഒന്ന് നോക്കുക പോലും ചെയ്യാതെ അടുത്ത മുറിയിലേക്ക് കയറി.. ഒരാൾക്ക് കിടക്കാൻ പാകത്തിലുള്ള കട്ടിലും..

ഒരു മേശയും മാത്രമേ ആ മുറിയിലുള്ളു.. അവൾ അതിന് തൊട്ടുള്ള മുറിയിലും കയറി നോക്കി.. അവിടെ അറ്റാച്ഡ് ബാത്രൂം ഇല്ലാന്ന് കണ്ടപ്പോൾ വീണ്ടും പഴയ മുറിയിലേക്ക് തന്നെ വന്നു.. മേശയിലേക്ക് ബാഗ് വച്ച് അവൾ താഴെക്കിറങ്ങാൻ നിൽക്കുമ്പോൾ അഭിയുടെ മുറിയിൽ നിന്നും മൂളിപ്പാട്ട് കേട്ട് അവൾ അവിടെ സ്റ്റക്കായി.. ചാരി വച്ച വാതിലിലൂടെ ഒളിഞ്ഞു നോക്കിയതും വാതിൽ പൊടുന്നനെ തുറന്നു.. അവൾ ഞെട്ടി തലയുയർത്തിയപോൾ കയ്യും കെട്ടി നോക്കി നിൽപ്പുണ്ട് പുള്ളി.. "എന്താ മയിലേ.. സീന് പിടിക്കാൻ വന്നതാണോ...??" കള്ള ചിരിയോടെയുള്ള അവന്റെ ചോദ്യം കേട്ട് അവൾക്ക് ദേഷ്യം വന്നു.. തിരിഞ്ഞ് നടക്കാനൊരുങ്ങിയതും അവളുടെ ദാവണിയിൽ അവൻ പിടിത്തമിട്ടു.. തോളിൽ നിന്നും പിന്ന് വിടും മുന്നേ അവൾ നിന്നു.. "Thanks പറയാൻ വന്നതാണോ??". "എന്തിന്???" രൂക്ഷമായി നോക്കികൊണ്ട് അവൾ ചോദിച്ചു.. "നേരത്തെ തന്നതിനും, പിന്നെ ഒരു ജീവിതം തരാമെന്ന് പറഞ്ഞതിനും..." "അയ്യടാ.. അങ്ങനെയിപ്പോ താൻ എനിക്ക് ജീവിതമൊന്നും തരണ്ട..." ഇടുപ്പിൽ കൈ കുത്തി കൊണ്ട് അവൾ പറഞ്ഞു.. "അപ്പൊ നേരത്തെ തന്നത് ഒന്നൂടെ തരട്ടെ..." അവൾക്കരികിലേക്ക് കുറച്ചൂടെ നീങ്ങി ചുണ്ട് കടിച്ചു പിടിച്ച് അവൻ ചോദിച്ചു.. അവൾ ഒന്ന് പുറകോട്ട് നീങ്ങി.. "ദേ.. എനിക്ക് തന്നെ ഇഷ്ട്ടമല്ല..

വെറുതെ ടൈം വേസ്റ്റ് ആക്കണ്ട.. എനിക്ക് എന്റെ അപ്പയാ വലുത്.. അപ്പയെ സങ്കടപെടുത്തി ഞാൻ ഒന്നും ചെയ്യില്ല..." തല താഴ്ത്തി കൊണ്ട് അവൾ പറഞ്ഞ് താഴെക്കിറങ്ങി. "മയിലേ... " അവൾ തിരിഞ്ഞ് നോക്കി.. "Still.. I love you ❤️" ഒന്ന് മുഖം കോട്ടി അവൾ താഴെക്കിറങ്ങി.. രണ്ടാളും കൂടി ഭക്ഷണമൊക്കെ തയ്യാറാക്കി... "മനൂ.........." "ആഹ്.. വരണമ്മേ...." അവർ രണ്ടാളും ഭക്ഷണം കഴിക്കാനിരുന്നു.. പീലി എല്ലാം എടുത്ത് കൊടുത്തു.. "നീയെന്തിനാ വിളമ്പുന്നെ.. ഇരിക്ക് പെണ്ണെ..." പീലിയുടെ കയ്യിൽ പിടിച്ച് അഭി അവളെ ഇരുത്തി.. ധാർമിക ഒരു ചിരിയോടെ അത് നോക്കി കണ്ടു.. പ്ലേറ്റ് എടുത്ത് അവൻ തന്നെ ദോശയും സാമ്പാറും അവൾക്ക് ഇട്ട് കൊടുത്തു.. ടീച്ചറമ്മ നോക്കുന്നുണ്ട് എന്ന ചമ്മലിൽ അവൾ മുഖമുയർത്തി നോക്കിയില്ല.. എന്നാലും ഉള്ളു നിറയെ സന്തോഷമായിരുന്നു. എല്ലാ ആണുങ്ങളും തന്റെ അപ്പയെ പോലെ ആവുമെന്ന് കരുതി. അമ്മയും അപ്പയും ഒരുമിച്ചിരുന്ന് ഭക്ഷണം കഴിക്കുന്നത് ഈ ഇരുപത് വർഷത്തിൽ ഇത് വരെ കണ്ടിട്ടില്ല.. ഇങ്ങനെ ഒരു ഫാമിലിയെ കിട്ടുന്ന പെണ്ണ് ഭാഗ്യം ചെയ്തവളായിരിക്കും... അവൾ ഓർത്തു.. ഭക്ഷണം കഴിപ്പ് കഴിഞ്ഞ് അവർ മൂന്ന് പേരും കളിയും ചിരിയും തമാശയുമൊക്കെയായി ആ ഹാളിൽ തന്നെ ഇരുന്നു.. പുറത്ത് പ്രളയത്തിലേക്ക് എന്ന പോലെ മഴ പെയ്യുന്നുണ്ടായിരുന്നു..

അവനിൽ നിന്നും തന്റെ മേൽ പതിയുന്ന നോട്ടത്തെ നേരിടാനാവാതെ അവൾ പുറത്തേക്ക് കണ്ണും നട്ടിരുന്നു... കറണ്ട് പോയാൽ ഇരുട്ട് നിറയുന്ന തരത്തിലുള്ള വീടാണ്.. വാതിൽ തുറന്നിട്ടിട്ടുള്ളത് കൊണ്ട് പുറത്ത് നിന്നും വരുന്ന നേർത്ത വെളിച്ചമേ അതിനുള്ളിൽ ഉണ്ടായിരുന്നുള്ളു.. പീലിയെ സ്വയം മറന്ന് നോക്കിയിരിക്കുന്ന അഭിയെ കണ്ട് ധാർമിക പതിയെ എഴുന്നേറ്റു.. "ഞാൻ പോയി ചായയെടുത്തിട്ട് വരാം.. നിങ്ങളിവിടെ ഇരിക്ക്..." "ഞാനും വരാം ടീച്ചറമ്മേ..." "വേണ്ട.. ഇവിടെ ഇരുന്നോ. ഇപ്പൊ വരാം.." അടുക്കളയിലേക്ക് കയറിയതും പീലിക്ക് ഓപ്പോസിറ്റ് ഇരുന്ന അഭി വേഗം നിരങ്ങി അവൾക്കരികിലേക്ക് വന്നു.. അതറിഞ്ഞിട്ടും അവൾ ഇരമ്പി പെയ്യുന്ന മഴയിൽ നിന്നും നോട്ടം മാറ്റിയില്ല.. അവൻ അവളുടെ ഇടുപ്പിലൂടെ കൈ വച്ച് അവളെ ചേർത്ത് പിടിച്ചു.. "മയിലേ...." "ഹ്മ്മ്......". "നിനക്കെന്നെ ഇഷ്ടമല്ലേ..." "അല്ല..." "പിന്നെന്താ ഞാൻ തൊടുമ്പോൾ എതിർക്കാത്തത്..." അവൾ തല പതിയെ ചെരിച്ചു അവനെ നോക്കി.. ഉത്തരത്തിനു വേണ്ടി ആ കണ്ണുകൾ അവളുടെ മുഖത്ത് തന്നെ നോക്കിയിരിപ്പായിരുന്നു.. "പറ്റുന്നില്ല....".. അവളുടെ മറുപടി കേട്ട് അവൻ മുഖം ചുളിച്ചു.. "എന്ത് പറ്റുന്നില്ല..." "നിന്നെ തടയാൻ.. അരുതെന്ന് പറയാൻ.. ഈ കണ്ണിൽ നോക്കാതിരിക്കാൻ. ഇങ്ങനെ അടിമപ്പെട്ട് എല്ലാം തുറന്നു പറയാതിരിക്കാൻ..

ഒന്നിനും പറ്റുന്നില്ല..." "മയിലേ.. നിനക്കെന്നെ ഇഷ്ട്ടമാണ്.. " "അല്ല...." "ഞാൻ നിന്നെ കിസ്സ് ചെയ്തോട്ടെ...." അവൾ ഒന്നും മിണ്ടിയില്ല.. "ഇഷ്ട്ടമല്ലെങ്കിൽ നീ ഇത് തടുത്തോ..." പറയുന്നതിനോടൊപ്പം അവൻ ആ കഴുത്തിൽ മുഖം പൂഴ്ത്തി.. അവന്റെ കൈകൾ ദാവാനിക്കിടയിലൂടെ അവളുടെ വയറിലേക്കിഴഞ്ഞു ചെന്നു.. അവൾ ഒരു കുറുകലോടെ അവനിലേക്ക് ചേർന്നിരുന്നു.. വയറിൽ അമർത്തി പിടിച്ച് ആ കഴുത്തിൽ പല്ലുകൾ ആഴ്ത്തി നാവു കൊണ്ട് തടവി ചുണ്ടുകൾ പതിപ്പിച്ച് അവൻ അവളിൽ നിന്നും അടർന്നു മാറി.. അവളുടെ കൈകൾ രണ്ടും അവന്റെ കൈകൾക്ക് മീതെ വച്ചിരിക്കുകയായിരുന്നു... അത് കൊണ്ട് അവൻ വയറിലുള്ള പിടുത്തം വിട്ടിരുന്നില്ല.. പെട്ടെന്ന് അടുക്കളയിൽ നിന്നും അമ്മ വരുന്നത് പോലെ തോന്നി അവൻ അകലാൻ നോക്കിയപ്പോഴും അവൾ ആ കൈകളിൽ മുറുകെ പിടിച്ചിരിക്കുകയായിരുന്നു.. "മയിലേ.. കയ്യെടുക്ക്..." ശബ്ദം താഴ്ത്തി അവൻ പറഞ്ഞു.. അവൾ ഒന്നും കേൾക്കുന്നുണ്ടായിരുന്നില്ല.. അവൻ തിരിഞ്ഞ് നോക്കുമ്പോൾ കയ്യിലെ ട്രെയിൽ മാത്രമാണ് അമ്മയുടെ ശ്രദ്ധ എന്ന് കണ്ട് അവളുടെ കഴുത്തിൽ ഒന്ന് കൂടെ മുഖം അമർത്തിയതും അവൾ ആ കൈകൾ അയച്ചു.. ഞൊടിയിടയിൽ കൈ മാറ്റി അവൻ കുറച്ച് അകന്നിരുന്നു.. അവന്റെ ഇരുപ്പിന്റെ പൊസിഷൻ മാറിയത് കണ്ട് ധാർമിക ഒരു ചിരിയോടെ അവർക്ക് ചായ നൽകി.. അവൾ വല്ലാത്ത അനുഭൂതിയിലായിരുന്നു.. ഇത് വരെ അനുഭവിക്കാത്ത ലാഞ്ജനയിൽ മുഴുകിയിരുന്ന് അവൾ ആ ചായ കുടിച്ചു.. 🌸🌸🌸🌸🌸

"മോളെ... ഇതാ സാറാ...". ഫോൺ കൊണ്ട് വന്ന് കൊടുത്തതും അത് വരെ മഴയും ആസ്വദിച്ചു കൊണ്ടിരുന്ന പെണ്ണിന്റെ മുഖത്ത് വന്ന മാറ്റങ്ങൾ നിരീക്ഷിക്കുകയായിരുന്നു അഭി.. "അപ്പ..." "ഹ്മ്മ്.. ഇവിടെ മഴ അല്പം കൂടുതലാണ്.. ചിലപ്പോ റോഡ് ബ്ലോക്ക്‌ ആവാൻ സാധ്യതയുണ്ടെന്ന് പറയുന്നു..." "ഹ്മ്മ്...." "വരാൻ വൈകിയാലും അവിടെ നിന്നും എങ്ങോട്ടും പോവരുത്.. ആരോടും സംസാരിക്കരുത്.." "ഹ്മ്മ്..." "അവിടെ നോൺ വെജ് ഉണ്ടാക്കിയാൽ അടുക്കളയിലേക്കൊന്നും പോവരുത്.. ഉണ്ടാക്കേണ്ട എന്ന് വേണെങ്കിൽ പറഞ്ഞോ..." "ഹ്മ്മ്..." "പുറത്തേക്ക് എന്തെങ്കിലും വാങ്ങാൻ പോവുന്നെങ്കിൽ ഒറ്റക്ക് പോവരുത് . ടീച്ചറുടെ കൂടെ മാത്രം..." "ഹ്മ്മ്.." "പിന്നെ വിളിക്കാം.." "ഹ്മ്മ്..." ഫോൺ കട്ട്‌ ചെയ്ത് അവൾ ഉണ്ടാക്കിയ ചിരിയോടെ ഫോൺ ധാർമികക്ക് നേരെ നീട്ടി... "സാർ എന്ത് പറഞ്ഞു മോളെ..." "ചിലപ്പോ ബ്ലോക്ക്‌ ആകും.. വിചാരിച്ചതിലും ലേറ്റ് ആവും എന്ന് പറഞ്ഞു..." "ഹ്മ്മ്... " ഒന്ന് മൂളി കൊണ്ട് ധാർമിക അകത്തേക് പോയി. നിർവികാരതയോടെ അവളും.. അവൻ എഴുന്നേറ്റ് മുറിയിലേക്കും പോയി.. ഉച്ചക്ക് ഭക്ഷണം കഴിക്കുമ്പോഴേ പിന്നീടവർ കണ്ടുള്ളു.. അവൾ ഒരു നോട്ടം കൊണ്ട് പോലും കടാക്ഷിക്കാത്തത് അവനിൽ അല്പം സങ്കടമുണർത്തി.. അവൾ പിന്നീട് സന്ധ്യ ആവുന്നത് വരെ അവന്റെ മുന്നിൽ വന്നതേ ഇല്ല..

അവൻ താഴേക്ക് വരുമ്പോൾ അവൾ അടുക്കളയിൽ ചപ്പാത്തിക്ക് മാവ് കുഴച്ചു കൊണ്ട് നിൽക്കുകയായിരുന്നു.. ധാർമിക കറിക്ക് ഉരുളകിഴങ്ങ് വേവിക്കുന്നു.. "അമ്മേ.. ഞാനും ഹെല്പ് ചെയ്യട്ടെ...! "പിന്നെന്താ.. നീ കല്ല് വച്ച് ചപ്പാത്തി ചുട്ടെടുക്ക്.. മോള് പരത്തി തരും..." "വേണ്ട.. ഞാൻ പരത്താം അവള് ചുട്ടെടുക്കട്ടെ... " "ആഹ്.. അതെന്താന്ന് വച്ചാ ചെയ്യ്.. ഞാൻ പുറത്ത് വിളക്ക് വച്ചിട്ട് വരാം..." കുറച്ചു നേരം രണ്ടു പേർക്കിടയിലും മൗനം തങ്ങി നിന്നു.. "മയിലേ....." "നീ എന്റെ കൂടെ വരുമോ..." "എങ്ങോട്ട്...." "എങ്ങോട്ടെങ്കിലും..." "ഇല്ല..." "പ്ലീസ്... രണ്ടു മൂന്ന് ദിവസത്തേക്ക്... നിന്റെ വീട്ടുകാർ വരുമ്പോഴേക്കും തിരികെ വരാം...." "അപ്പ അറിഞ്ഞാൽ കൊല്ലും ..." "അങ്ങനെയൊന്നും നിന്നെ ചാവാൻ വിടില്ല.. എന്നെ കെട്ടി എന്റെ പിള്ളേരെ പെറ്റ്, അവരെ വളർത്തി, കല്യാണം കഴിപ്പിച്ചു കൊടുത്ത്.., നിനക്ക് 60 എനിക്ക് 66....അപ്പൊ നമുക്കൊരു ട്രിപ്പ് പോണം.. A long trip... ഇതൊന്നും അനുഭവിക്കാതെ നിന്നെ ചാവാൻ ഞാൻ വിടില്ല പെണ്ണെ... " അവൾ അവനിൽ നിന്നും കണ്ണെടുക്കാൻ മറന്നു നിന്നു.. "മയിലേ.. നീ എന്റെ കണ്ണിൽ നോക്കുമ്പോ, നിന്റെ ഈ ഉണ്ടകണ്ണ് എന്നോട് എന്താ പറയുന്നേന്ന് അറിയോ...? നിന്നെ കട്ടുതിന്നാൻ... ❤️" പറഞ്ഞു കൊണ്ട് അവൾക്കടുത്തേക്ക് വരുന്നത് കണ്ട് അവൾ ചട്ടുകം കയ്യിലെടുത്തു അവന് നേരെ നീട്ടി.. "ചൂട് വക്കും ഞാൻ. മര്യാദക്ക് സഹായിച്ചിട്ട് പൊയ്ക്കോ..." "നിന്നെ ഞാൻ എടുത്തോളാട്ടാ..." അവൾ ചിരിയോടെ പണിയിലേക്ക് കടന്നു.. രാത്രി മൂന്നാളും ചേർന്നിരുന്നു ഭക്ഷണം കഴിച്ചു..

പാത്രം കഴുകുമ്പോളും അവൻ പീലിയെ ചുറ്റിപറ്റി നിൽക്കുന്നത് കണ്ട് ധാർമിക അവനെ ശകാരിച്ചു മുറിയിലേക്കയച്ചു.. "മോളെ.. നിനക്ക് ബുദ്ധിമുട്ടൊന്നും ഉണ്ടായില്ലാലോ..." "എന്താ ടീച്ചറമ്മേ പറയുന്നേ.. ജീവിതത്തിൽ ഇത്രയും സന്തോഷിച്ച ദിവസങ്ങൾ ഉണ്ടായിട്ടില്ല... അല്ലെങ്കിൽ ക്ലാസ്സിൽ വരുന്ന മൂന്ന് മണിക്കൂറാണ് എന്റെ സന്തോഷം.. ഇന്ന് ക്ലാസ്സില്ലാഞ്ഞിട്ടും ദിവസം മുഴുവൻ ഞാൻ ഹാപ്പി ആയിരുന്നു...". "ശരി മോള് പോയി കിടന്നോ.. ടീച്ചറമ്മേടെ കൂടെ കിടക്കണോ...?" "വേണ്ട.. എനിക്കവിടേം ഒറ്റക്ക് കിടന്നാ ശീലം...". ചിരിയോടെ അവൾ മുറിയിലേക്ക് പോയി.. ഡോർ കുറ്റിയിടാൻ നോക്കിയപ്പോൾ അത് ഇളകി കിടക്കുകയായിരുന്നു.. നാളെ ആണിയടിക്കാം എന്ന് കരുതി അവൾ ചാരി വച്ചു... തണുപ്പത്തു കുളിക്കുക എന്നത് ഒരു സമസ്യയാണെങ്കിലും ശീലമായത് കൊണ്ട് അവൾ ബാത്‌റൂമിലേക്ക് കയറി... കുളി കഴിഞ്ഞ് പാവാടയും ബ്ലൗസും ഇട്ട് മുടി തുടച്ച് മുറിയിലേക്ക് കയറിയതും ബെഡിൽ കിടക്കുന്ന അഭിയെ കണ്ട് അവൾ ഒരു നിമിഷം അനങ്ങാതെ നിന്നു.. .... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...