🌸മയിൽ‌പീലി🌸: ഭാഗം 5

രചന: അനു രാജീവ്

ആദ്യം ഒരു അമ്പരപ്പു തോന്നിയെങ്കിലും വേഗം അത് മറച്ചു വെച്ച് ദേഷ്യത്തോടെ അവൾ അവനു മുൻപിൽ പോയി നിന്നു.. " എന്താടോ താൻ കരുതിയിരിക്കുന്നത്.. ഞാൻ കുറച്ചു താഴ്ന്നു തന്നെന്നു കരുതി, എന്ത് തോന്ന്യസവും കാണിക്കാംന്നാണോ.... പാതിരാത്രി ഒരു പെൺകുട്ടിയുടെ മുറിയിൽ വരാൻ നാണമില്ലെടോ തനിക്ക്.. ഇപ്പോ ഇറങ്ങിക്കോണം ഇവിടെ നിന്ന്..... " എങ്ങനെയൊ ധൈര്യം സംഭരിച്ച് അവൾ പറഞ്ഞു... അവൻ അന്തം വിട്ട് അവളെ നോക്കുകയായിരുന്നു... പെട്ടെന്ന് എന്തോ ഓർത്ത പോലെ അഭി തലയണയിൽ മുഖമമർത്തി കമിഴ്ന്നു കിടന്നു... " ഞാൻ പറയുന്നതിന് വിലയും ഉണ്ടോ എന്ന് നോക്കിയേ... അവൻ കമിഴ്ന്നു കിടക്കുന്നു... എഴുന്നേക്കടോ.... " "ആദ്യം നീ പോയി തുണിയുടുക്ക് പെണ്ണെ.. എനിക്ക് കണ്ട്രോൾ കുറവാട്ടാ.. ഞാനെന്തെങ്കിലും ചെയ്‌തെന്ന് കരുതി പിന്നെ കരഞ്ഞിട്ട് കാര്യമില്ലാട്ടാ.." മുഖമുയർത്താതെ അവൻ പറയുന്നത് കേട്ട് അവൾ കണ്ണുകൾ മുറുകെ അടച്ചു. പിന്നെ സ്വയം നോക്കി.. വേഗം തിരിഞ്ഞു നിന്നു.. 'പീലീ... നീ എന്താടി ഇങ്ങനെ ആയത്.... ' സ്വയമേ ചീത്തയും വിളിച്ചു അവൾ വേഗം ബാഗിൽ നിന്നും ഒരു ഷാൾ എടുത്ത് ഇടുപ്പിൽ കുത്തി തോളിൽ പിൻ ചെയ്തു.. "മയിലേ.....കഴിഞ്ഞാ " മുഖമുയർത്താതെ തലയണയിൽ മുഖം പൂഴ്ത്തി കിടന്ന് കൊണ്ട് ചോദിക്കുന്ന അവനെ കാണെ അവൾക്ക് അതിയായ സ്നേഹം തോന്നി..

ഇപ്പൊ അത് പ്രകടിപ്പിച്ചാൽ ശരിയാവില്ല എന്ന് അറിയാവുന്നത് കൊണ്ട് തന്നെ അവൾ ദേഷ്യം അഭിനയിച്ചു അവനടുത്തേക്ക് വന്നു.. "ടോ.. എഴുന്നേറ്റേ.. താൻ പോയെ..." അവൻ പതിയെ തലയുയർത്തി അവളെ നോക്കി.. അവന്റെ മുഖത്ത് പരിഭവമായിരുന്നു... "മയിലേ... ഞാൻ എത്ര സ്നേഹത്തോടെയാ നിന്നെ വിളിക്കുന്നെ... നീ എന്താടി പെണ്ണെ ഇങ്ങനെ.. ടോ, താൻ, നീ, അവൻ.. റെസ്‌പെക്ട് തന്നില്ലെങ്കിലും കുറച്ച് സ്നേഹത്തോടെ വിളിച്ചൂടെ..." "എന്തായാലും ഈ നേരത്ത് ഇത്ര സ്നേഹമേ ഉള്ളു.. പോകുന്നുണ്ടോ അതോ ടീച്ചറമ്മയെ വിളിക്കണോ..." "നീ ആരെ വേണെങ്കിലും വിളിച്ചോ.. ഇപ്പൊ എന്നെ അഭിയേട്ടാ ന്നു വിളിക്കോ...??! അവൾക്ക് ചിരി വന്നു .. "വിളിക്കണോ..." "ഹ്മ്മ്...." അവൻ നിഷ്കളങ്കമായി തലയാട്ടി.. "അഭിയേട്ടാ.. ഈ നേരത്ത് എന്തിനാ ഇങ്ങോട്ട് വന്നേ..??" "ഒരു സീരിയസ് കാര്യം പറയാനാ.." "എന്ത് കാര്യം??" "നീ ഇവിടെ കിടക്ക് ഞാൻ പറയാം..." "അയ്യടാ.. ഇതേ ഒരാൾക്ക് കിടക്കാൻ പറ്റുന്ന ബെഡാ... കാര്യം പറ.." 'ഇത് ഒരു നടക്ക് പോവൂലാ...' അവൻ എഴുന്നേറ്റ് അവളെ ഇടുപ്പിലൂടെ ചുറ്റി കട്ടിലിലേക്ക് വലിച്ചിട്ടു.. അവൾ വിറച്ചു പോയി.. അഭി അവൾക്ക് മുകളിലായി അമർന്നു കിടന്നു.. അവൾ ഉമിനീരിറക്കി... "നിനക്ക് മര്യാദക്ക് പറഞ്ഞാ മനസിലാവില്ല ലെ.." "ടോ.. താൻ മര്യാ..... ആഹ്..

"ടോ, താൻ എന്നൊക്കെ വിളിച്ചാൽ ഇതാ ശിക്ഷ..." അവളുടെ ഇടുപ്പിൽ പിച്ചിയവിടെ ഉഴിഞ്ഞു കൊടുത്തു കൊണ്ട് അവൻ പറഞ്ഞു... "അഭിയേട്ടാ.. മാറിക്കെ..." "പിടക്കാതെ പെണ്ണെ.. ഞാൻ പറയട്ടെ.. നിന്റെ അപ്പനും അമ്മയുമൊക്കെ വരാൻ ഇനിയും 3 ദിവസമില്ലേ... ചിലപ്പോൾ അതിലും ലേറ്റ് ആവുമല്ലേ... " അവൾ അതേ എന്ന് തലയാട്ടി.. "നമുക്ക് ഒരു 2 ദിവസം എങ്ങോട്ടെങ്കിലും പോവാം..." "എങ്ങോട്ട്..." "നീ വരുമൊന്നു പറ..." "അത്.. അപ്പ അറിഞ്ഞാൽ..." "അറിയില്ല... ആരും അറിയാതെ നോക്കാം.. " അവൾ ആലോചിച്ചു കൊണ്ടിരുന്നു.. "നമ്മടെ കല്യാണം കഴിഞ്ഞ് നമുക്ക് ഓർക്കാൻ എന്തെങ്കിലുമൊക്കെ മെമ്മറിസ് വേണ്ടേ..." അതിന് അവൾ കൂർപ്പിച്ചു നോക്കി.. "വേണ്ട.. നിക്ക് പേടിയാ..." "ഞാനില്ലെടി..." ആർദ്രമായ ശബ്ദം.. അറിയാതെ അവൾ തലയാട്ടി.. അവന്റെ കണ്ണിൽ അടിമപ്പെട്ടിരുന്നു അവൾ... "ടീച്ചറമ്മ...." "അമ്മയോട് ഞാൻ പറഞ്ഞോളാം..." അവൾ തലയാട്ടി.. "കിസ്സ് ചെയ്തോട്ടെ..." അവൾ അവനെ തള്ളി മാറ്റി.. "എനിക്കൊരു കൺട്ടീഷൻ ഉണ്ട്.." അവൾ എഴുന്നേറ്റിരുന്നു കൊണ്ട് പറഞ്ഞു.. "മൊഴിഞ്ഞാലും...." അവൻ തലക്ക് താങ്ങു കൊടുത്ത് കൊണ്ട് കടിച്ചു പിടിച്ച ചിരിയോടെ അവളോട് പറഞ്ഞു.. "ഇതൊന്നും വേണ്ട.." "ഏത്...??! "അത്... ഇങ്ങനെ ഉമ്മ വക്കാനും വേറെ ഒന്നും പാടില്ല.. എന്നാലേ വരൂ ഞാൻ..."

"എടി പെണ്ണേ.. അതെന്റെ love അല്ലെ.. ഓവർഫ്ലോ ആയത് കൊണ്ട് പുറത്തേക്ക് വരുമ്പോ അങ്ങനെ ആവുന്നൂന്ന് മാത്രം..." അവൾ വീണ്ടും നഖം കടിച്ചു കൊണ്ട് എന്തോ ചിന്തിച്ചു.. "ഹോ.. മതി നഖം തിന്നത്. ഞാൻ ഒന്നും ചെയ്യാൻ പാടില്ല അത്രയല്ലേ ഉള്ളു.. പ്രോമിസ് ഒന്നും തരില്ല.... I will try " അവൾ തലയാട്ടി.. അവൻ ഒന്നും മിണ്ടാതെ ബെഡിൽ നിന്നും ഇറങ്ങി വാതിൽ തുറന്ന് പുറത്തേക്ക് പോയി. .. അവൾ ആശ്വാസത്തോടെ ബെഡിലേക്ക് കിടന്നു.... ഇതുവരെ അനുഭവിക്കാത്ത ഒരു തരം സന്തോഷം.... അഭിയേട്ടനോടൊപ്പം ഒരു ജീവിതം സ്വപ്നം കാണാൻ യോഗ്യതയില്ലെങ്കിലും, അദ്ദേഹത്തിന്റെ കൂടെ 2 ദിവസം.. അത് മതിയെനിക്ക്.. ഈ ജീവിത കാലം മൊത്തം ഓർത്തു വയ്ക്കാൻ... ആരെങ്കിലും അറിഞ്ഞാൽ എല്ലാം തീർന്നു എന്ന് ബോധ്യമുണ്ടെങ്കിലും, ജീവിതത്തിൽ രണ്ടുദിവസം എനിക്കിഷ്ടപ്പെട്ട പോലെ വേണം എന്ന് മനസ്സ് പറയുന്നു.... ശരിയോ തെറ്റോ... പോകാം... ഒപ്പംതന്നെ അപ്പയുടെയും അപ്പച്ചിയുടെയും മുഖം മനസ്സിലേക്ക് വന്നപ്പോൾ അവൾ എന്തോ അസ്വസ്ഥത ഉണ്ടായി... എന്നാലും സ്വയം അതെല്ലാം കണ്ട്രോൾ ചെയ്ത് അവൾ പതിയെ ഉറക്കത്തിലേക്ക് വഴുതി വീണു... കുറച്ചുനേരം കഴിഞ്ഞപ്പോൾ ആരോ അരയിലൂടെ തന്നെ വരിഞ്ഞുമുറുക്കുന്ന പോലെ തോന്നി അവൾ കണ്ണു തുറന്നു... നോക്കുമ്പോൾ അവളെ കെട്ടിപ്പിടിച്ചു കിടക്കുന്ന അഭിയെ കണ്ടു.... അവൾ എഴുന്നേൽക്കാൻ നോക്കിയെങ്കിലും അവൻ അതേപോലെതന്നെ പിടിച്ചു കിടത്തി... വീണ്ടും കൈ അരയിലൂടെ ഇട്ട് ചേർത്തുപിടിച്ചു... " എന്താ??? "

" അമ്മേ സമ്മതിപ്പിക്കാൻ പോയതാ..! "എന്തു പറഞ്ഞു? "സമ്മതിച്ചു.. നാളെ പുലർച്ചെ പോകാം..." "മഴയല്ലേ..." "കേരളം വിട്ടാൽ പിന്നെ മഴയില്ല..." അവൾക്ക് എന്തോ ഒത്തിരി സന്തോഷം തോന്നി.... "എങ്കിൽ താൻ.. ശേ... അഭിയേട്ടൻ അഭിയേട്ടന്റെ റൂമിലേക്ക് പോകുന്നില്ലേ.." " ഇല്ല... " അവൾ പിന്നെ ഒന്നും മിണ്ടിയില്ല... എന്തോ ഒരു വിശ്വാസം... ഇതുവരെ ആരോടും തോന്നാത്ത ഒന്ന്... അതാണോ പ്രണയം.... പുറത്ത് മഴയുടെ ആവേശം കെട്ടടങ്ങിയിരിക്കുന്നു... എങ്കിലും ഉള്ളിലേക്ക് അസഹനീയമായ തണുപ്പ് അരിച്ചിറങ്ങുന്നുണ്ട്.. അവൾ കാലുകൾ പാവടക്ക് ഉള്ളിലേക്ക് നീക്കി.. അതറിഞ്ഞ് പോലെ പുതപ്പെടുത്തു രണ്ടാളെയും കൂടി മൂടിപ്പുതച്ച് അവൻ ഒന്നുകൂടി അവളെ ചേർത്തു പിടിച്ച് കിടന്നുറങ്ങി... ഇതുവരെ അനുഭവിക്കാത്ത സുരക്ഷിതത്വം അന്നവൾ ആദ്യമായി അറിഞ്ഞു.. അവന്റെ ശ്വാസം താളത്തിലായത്തും പതിയെ അവളും നിദ്രയിലേക്ക് ആണ്ടു... "മയിലേ... എഴുന്നേൽക്കടി.. മയിലേ............" അവൻ നീട്ടി വിളിച്ചതും അവൾ ഞെട്ടി എഴുന്നേറ്റു.. ബെഡിൽ അവനെ കണ്ടതും അവളൊന്ന് പുറകോട്ട് നിരങ്ങി.. "എന്റെ മയിലേ.. നീ എന്തിനാ പേടിക്കുന്നെ.. വാ പോവണ്ടേ..." അവൾ സമയം നോക്കി.. 4 മണി.. "ഇത്ര നേരത്തെയോ.. " "ഹ്മ്മ്.. നിന്റെ ബ്ലഡി ഗ്ലാമവാസികൾ എഴുന്നേൽക്കുന്നതിനു മുന്നേ പോവാം..

." അവൾ തലയാട്ടി. "കുളിച്ചിട്ട് വരാം..." "നീ ഉറങ്ങുമ്പോ അല്ലേടി കുളിച്ചേ.. 6 മണിക്കൂർ ആയിട്ടില്ല.. വീണ്ടും കുളിയൊ?? അതും ഈ തണുപ്പില്.. പല്ല് തേച്ചിട്ട് വാടി.. പോവാം.." അവൾ അവനെ അന്തം വിട്ടു നോക്കി.. പിന്നെ ബ്രഷും എടുത്ത് അകത്ത് കയറി.. മുഖം കഴുകി ഇറങ്ങിയതും അവൻ ബാത്‌റൂമിനകത്തു കയറി.. അവൾ മുടിയെല്ലാം ഒന്ന് ഒതുക്കി കെട്ടി.. "മയിലേ.. നിന്റെ ഡ്രസ്സ്‌ ഒന്നും എടുക്കണ്ടാ ട്ടൊ.." "അതെന്താ..." "ഈ ദാവണി ഒന്നും ശരിയാവില്ല.. നമുക്ക് വേറെ വാങ്ങാം..." "ഹ്മ്മ്..." അവൾ വാടിയ മുഖത്തോടെ തലയാട്ടി.. അവൻ മാത്രം ഒരു വലിയ ബാഗ് സെറ്റ് ചെയ്തു. പോളി‌തീൻ കൊണ്ട് കവർ ചെയ്തു.. അവൾക്ക് rain coat കൊടുത്തു.. ദാവണിക്ക് മുകളിൽ അതിട്ട് നിൽക്കുന്നത് കാണാൻ നല്ല ചേലായിരുന്നു.. അവന് ചിരി വന്നെങ്കിലും അത് പുറത്ത് കാട്ടാതെ തലയിലൂടെ ക്യാപ് ഇട്ട് അത് കഴുത്തിൽ കെട്ടി കൊടുത്തു.. അവൾ കൊച്ചു കുട്ടികളെ പോലെ അനങ്ങാതെ നിന്നു.. അവൻ ട്രാവലർ ബാഗും എടുത്ത് അത് ബുള്ളറ്റിന്റെ പുറകിൽ കെട്ടി ഇട്ട് വണ്ടി സ്റ്റാർട്ട് ചെയ്തു... അവൾ കേറാതെ നിന്നു.. "എന്താടി.. കയറ്..." "ടീച്ചറമ്മയോട് പറഞ്ഞില്ല..." "അതൊക്കെ ഞാൻ പറഞ്ഞിട്ടുണ്ട്.. ഉറങ്ങുവാണ്.. ഞാനിപ്പോ നോക്കി, എഴുന്നേറ്റാൽ വിളിക്കും..." അവൾ തലയാട്ടി അവന്റെ പുറകിൽ കയറിയിരുന്നു.. ആദ്യമായാണ് ബുള്ളറ്റിൽ.. അതിന്റെ എല്ലാ ടെൻഷനും അവൾക്കുണ്ടായിരുന്നു.. ആകെ അപ്പയുടെ tvs ലാണ് പോയിട്ടുള്ളത്.. അതും ഓർമവച്ചതിനു ശേഷം 2 തവണ..

അമ്പലത്തിലെ പാട്ടിന്റെ ശബ്ദം കുറഞ്ഞു കുറഞ്ഞ് വരുന്നുണ്ടായിരുന്നു.. പാടത്തു നിന്നും വീശിയടിക്കുന്ന തണുത്ത കാറ്റും ഒപ്പം ചാറ്റൽ മഴയും.. പാടത്തു ചെറു പ്രാണികളുടെയും തവളകളുടെയും ശബ്ദം കേൾക്കുന്നുണ്ട്.. വണ്ടി അവരുടെ ഗ്രാമം കഴിയുന്നത് വരെ അവൾ തലയുയർത്തിയില്ല.. പീലിയുടെ ഇരിപ്പ് കണ്ട് അഭിക്ക് ചിരി വന്നു.. എന്തോ ബുദ്ധിമുട്ടുള്ള പോലെ.. അവൻ വണ്ടി സൈഡ് ഒതുക്കി.. അല്പം വെളിച്ചം വീണു തുടങ്ങിയിട്ടുണ്ട്.. ആകാശത്തിന്റെ അങ്ങേ അറ്റത്തു ഒരു ചുവപ്പ് നിറത്തിൽ.. "മയിലേ... എന്താ കുഴപ്പം.. പറ..." "അത്... വഴുക്കുന്നു..." "Raincoat ഇട്ട് വൺ സൈഡ് ഇരുന്നാൽ വഴുക്കും.. രണ്ടു വശത്തേക്ക് കാലിട്ട് ഇരിക്കാൻ പറ്റുമോ???" "പാവാട...." അവൾ തല താഴ്ത്തി കൊണ്ട് പറഞ്ഞു... "ഹ്മ്മ്.. അതാ പറഞ്ഞത് നിന്റെ ഒന്നും എടുക്കണ്ടാന്ന്.. ശരി കേറൂ.. പതുക്കെ പോവാം.. ഏതെങ്കിലും ഷോപ്പ് തുറന്നിട്ടുണ്ടെങ്കിൽ ശരിയാക്കാം....." അവൾ തലയാട്ടി കൊണ്ട് കയറിയിരുന്നു.. കുറച്ചു ദൂരം പോയപ്പോഴേക്കും മഴ നന്നേ കുറഞ്ഞു. വണ്ടി ഹൈവേയിലൂടെയാണ് പോവുന്നത്... ഇപ്പൊ മഴ ചാറ്റൽ പോലുമില്ല.. അവൻ വണ്ടി ഒതുക്കി.. രണ്ടു പേരും raincoat ഊരി ബാഗിൽ വച്ചു.. അവൾക്ക് വല്ലാത്ത ആശ്വാസം തോന്നി.. അവൻ ബുള്ളെറ്റ് സ്റ്റാർട്ട് ചെയ്തതും അവൾ വേഗം കയറിയിരുന്നു..

അത് അവനിൽ വല്ലാത്ത സന്തോഷമുണ്ടാക്കി. കുറച്ചു കൂടെ പോയപ്പോൾ വണ്ടി മേലെ ബോർഡ്‌ കണ്ടു.. ഊട്ടി 160 km... "നമ്മൾ ഹണിമൂന്നിന് പോവാണോ.." അവളുടെ ചോദ്യം കേട്ട് അവൻ മിററിലൂടെ നോക്കി.. ആക്കി ചോദിച്ചതാണോ എന്ന് കരുതി, അല്ല ആള് സീരിയസ് ആയിട്ടാ.. "ഹ്മ്മ്.. ഹണിമൂണിനാ... എങ്ങനെ കണ്ടു പിടിച്ചു...??.." "അത്... എല്ലാരും ഊട്ടിക്ക് ഹണിമൂണിനാ പോവാന്ന് എനിക്കറിയാം.. വൈശൂന്റെ കല്യാണം കഴിഞ്ഞപ്പോ അവര് ഊട്ടിക്കാണ് ഹണിമൂണിന് പോയതെന്ന് എന്നോട് പറഞ്ഞിരുന്നു..." "ആരാ വൈശു??" "വൈഷ്ണവി.. എന്റെ ഫ്രണ്ടാ.. ഞാനും മീനുവും വൈഷും ആയിരുന്നു ബെസ്റ്റ് ഫ്രണ്ട്‌സ്.. പ്ലസ് ടു വരെ ഒരുമിച്ചായിരുന്നു.." "പിന്നെ...18 വയസായപ്പോ വൈശൂനെ കല്യാണം കഴിച്ച് വിട്ടു.. മീനുവും ഞാനും നൃത്തം മതീന്ന് തീരുമാനിച്ചു.." "ഹ്മ്മ്.. എത്ര വർഷമായി നീ നൃത്തം പഠിക്കാൻ തുടങ്ങിയിട്ട്..." "10 വർഷം.. ആദ്യം ടൗണിലെ രുദ്ര ഡാൻസ് മിഷനിൽ ആയിരുന്നു.. +2 കഴിഞ്ഞപ്പോ എനിക്ക് ഡെയിലി ഡാൻസ് മാത്രം പഠിച്ചാ മതിയെന്ന് വാശി പിടിച്ചപ്പോ കലാക്ഷേത്രയിലാക്കി.. 4 വർഷമായി അവിടെ..." "എന്നിട്ട് ഞാനെന്തെ നിന്നെ കാണാൻ ഇത്ര വൈകി???! അവളുടെ കൈകൾ അവന്റെ വയറിലൂടെ ചുറ്റി പിടിപ്പിച്ചു കൊണ്ട് അവൻ ആർദ്രമായി ചോദിച്ചു..

"അഭിയേട്ടൻ ഇതിനു മുന്നേ ഇങ്ങോട്ട് വന്നിട്ടുണ്ടോ..." "ഹ്മ്മ്.. 2 തവണ.. പക്ഷെ ഒരൊ ദിവസമേ നിന്നുള്ളു...". "ഹ്മ്മ്.. അതാവും ന്നെ കാണാഞ്ഞേ..." "മയിലേ.. നമുക്ക് തിരിച്ചു പോവണോ??". അവൾ പൊടുന്നനെ അവന്റെ കയ്യിൽ നിന്നും കൈ വലിച്ചു മാറ്റി.. "പോവാതെ പിന്നെ??". "എനിക്ക് നിന്നെ വേണം മയിലേ.. ജീവിത കാലം മൊത്തം ഈ യാത്ര തീരാതിരുന്നെങ്കിൽ എന്ന് കൊതിയാവുന്നു...".. "ഒരുപാട് ആശിക്കണ്ട.. സങ്കടപെടേണ്ടി വരും.. " അവൻ പിന്നെ ഒന്നും മിണ്ടിയില്ല... വണ്ടി ഒരു ടെക്സ്റ്റയ്ലിൽ നിർത്തി.. അവൻ തന്നെ കുറച്ച് ടോപ്പും ലെഗ്ഗിൻസും കുർത്തയും പലാസയും വാങ്ങി.. അവൾക്ക് ഇട്ട് ശീലമില്ലെങ്കിലും ഒന്നും മിണ്ടിയില്ല.. "ഇനിയെന്തെങ്കിലും വാങ്ങണോ മയിലെ.. ". അവൾ വേണ്ടാന്ന് തലയാട്ടി.. "ഒന്നും വേണ്ടേ..." "മ്ച്ചും..." "എടി പൊട്ടി, ഇന്നേഴ്സ് ഒന്നും വേണ്ടേ..." അവൾ ചമ്മിയ മുഖത്തോടെ അവനെ നോക്കി.. "പോ.. വാങ്ങീട്ട് വാ..." അവൾ തലയാട്ടി കൊണ്ട് പോയി അതും വാങ്ങി.. അവിടെ അടുത്തുന്നു തന്നെ ബ്രേക്ക്ഫാസ്റ്റും കഴിച്ച് അവർ ഇറങ്ങി.. ഒരു സൈഡ് ഇരുന്ന് അവൾക്ക് ഇടുപ്പ് വേദനിക്കാൻ തുടങ്ങിയിരുന്നു.. അത് മനസ്സിലാക്കി അവൻ നിർത്തി നിർത്തി പോയി. "ഡ്രസ്സ്‌ മാറ്റാൻ പറഞ്ഞപ്പോ അനുസരിച്ചില്ല.. അനുഭവിച്ചോ...". അവൻ അല്പം ദേഷ്യത്തോടെ പറഞ്ഞു.. അവൾ ചുണ്ട് പിളർത്തി ദേഷ്യത്തോടെ തിരിഞ്ഞ് നിന്നു.. "മയിലേ.. ഇങ്ങനെ വെറുതെ പിണങ്ങല്ലേടി.. എന്റെ പെണ്ണിന്റെ ഇടുപ്പ് പഞ്ചറായാലോന്നു കരുതി പറഞ്ഞതല്ലേ.. നമുക്ക് വേറെ ആവശ്യമുള്ളതാ..." "എന്ത് ആവശ്യം...??"

"അതൊക്കെ ഉണ്ട്.. ഇപ്പൊ കയറ്..." "ഹ്മ്മ്.. പിന്നെ ഞാൻ അഭിയേട്ടന്റെ പെണ്ണൊന്നുമല്ല...".. ഇരുന്ന് കഴിഞ്ഞ് അവൾ കെറുവിച്ചു പറഞ്ഞു.. . "പിന്നെ...??" "പിന്നെ... ആരുടേയാന്നൊന്നും അറിയില്ല.. അഭിയേട്ടന്റെ അല്ല..." "ഹ്മ്മ്.. നിനക്ക് വേണ്ടെങ്കിൽ വേണ്ട..".. അവൻ ദേഷ്യത്തോടെ വണ്ടി എടുത്തു.. അവന്റെ ദേഷ്യം മുഴുവൻ ആ വണ്ടിയുടെ സ്പീഡിൽ പ്രകടമായി.. അവൾ ഒരു കൈ കൊണ്ട് മുറുകെ പിടിച്ച് മുഖം അവന്റെ ചുമലിൽ ചേർത്ത് വച്ചിരുന്നു. അവളുടെ ഹൃദയത്തിന്റെ വേഗത അവന് അറിയുന്നുണ്ടായിരുന്നു.. "അഭിയേട്ടാ.. പതുക്കെ.. " "നീ ആരുടെയാ...??" "അഭിയെ.. അഭിയേട്ടന്റെ...".. "അന്ത ഭയം ഇറുക്കണും.." ചുരം കയറാൻ തുടങ്ങുന്നതിനു മുന്നേ അവർ ഭക്ഷണം കഴിച്ചു.. അവൾ പതിയെ ആ യാത്ര ആസ്വദിച്ചു തുടങ്ങി.. കലപില സംസാരിക്കാനും, വഴിയിൽ കാണുന്നതൊക്കെ അവനെ വിളിച്ചു കാണിച്ചു കൊടുക്കാനും വല്ലാത്ത ആവേശമായിരുന്നു അവൾക്ക്.. കൂട്ടിൽ നിന്നും തുറന്നു വിട്ട പക്ഷിയെ പോലെ.. ആകാശത്തെ മോഹിച്ച പക്ഷിയായിരുന്നു അവളും. ഒരുപാട് നാളായി ആഗ്രഹിച്ച ആകാശം നേടിയതിന്റെ സന്തോഷമായിരുന്നു അവളിൽ.. അത് അവനും ആസ്വദിച്ചു.. തണുപ്പ് കൂടി കൂടി വരുന്തോറും അവൾ അവനോട് ചേർന്ന് ഒട്ടി ഇരുന്നു.. """"ഊട്ടി വെൽകംസ് യൂ ''"" അവൾ ബോർഡ്‌ ശ്രദ്ധിച്ചു.. "എനിക്ക് തണുക്കുന്നു.. വേഗം പോ.. " അവൻ ചിരിയോടെ സ്പീഡ് കൂട്ടി... ഒരു ഫോർസ്റ്റാർ ഹോട്ടലിന് മുന്നിൽ അവൻ വണ്ടി നിർത്തി.. അവൾ വിറച്ചുകൊണ്ട് ഇറങ്ങി.. "മയിലേ.. ഒരു റൂം വേണോ രണ്ടു റൂം വേണോ??"

'ഇന്നലെ എന്റെ കൂടെ കെട്ടിപിടിച്ചു കിടന്നവനാ.. ചോദിക്കുന്നത് കേട്ടില്ലേ... ' മനസ്സിൽ വിചാരിച്ചു കൊണ്ട് അവനെ നോക്കി ചിരിച്ചു.. "ഒരു റൂം മതി.." "നീ രണ്ടെന്നു പറഞ്ഞാലും ഞാൻ ഒന്നേ എടുക്കൂ..". അവൻ ചിരിയോടെ പറയുന്നത് കേട്ട് അവൾ അവന് നേരെ കയ്യുയർത്തി.. അവൻ വേഗം ആ കയ്യിൽ പിടിച്ച് അവളെ ചേർത്തി നിർത്തി.. അവൾ ചുറ്റും നോക്കി. "മയിലേ.. നീ പറഞ്ഞ പോലെ ഇത് ഹണിമൂൺ ആണെന്നു കരുതിക്കോ.. ആരെങ്കിലും ചോദിച്ചാലും ന്യൂലി മാരീഡ് ആണെന്ന് പറഞ്ഞാ മതിട്ടോ..." "അതെന്തിനാ..." "എന്റെ മയിലേ.. ഒന്നിനും ഇല്ല.. ഇപ്പൊ പറഞ്ഞ പോലെ കേൾക്ക്..." അവൾ സമ്മതം എന്ന രീതിയിൽ തലയാട്ടി.. അവർ പോയി റൂം എടുത്തു.. ഇടുപ്പ് വേദന കൊണ്ട് അവൾ റൂം തുറന്നതും പോയി ബെഡിലേക്ക് കിടന്നു.. അവൻ ബാഗൊക്കെ ഒതുക്കി വച്ച് കയ്യിൽ ടൈഗർ ബാം എടുത്ത് അവൾക്കടുത്തേക്ക് വന്നു.. ഇടുപ്പിൽ എന്തോ തണുപ്പനുഭവപ്പെട്ടപ്പോൾ പെട്ടെന്ന് കണ്ണ് തുറന്നു.. അവൻ ഇടുപ്പിൽ തടവുന്നത് കണ്ടതും അവൾ പെട്ടെന്ന് എഴുന്നേറ്റു... അവൻ അങ്ങനെ അവളെ പഴയ പോലെ തന്നെ കിടത്തി. "നമുക്ക് ഒരുപാട് സ്ഥലങ്ങളിൽ പോവണ്ടതാ..ഇപ്പൊ ഒരു ഡോക്ടർ ആയി കണ്ടാ മതി.." അവൻ പതിയെ ഉഴിഞ്ഞു കൊടുത്തു.. അവൾക്ക് ശരീരം മൊത്തം കുളിരു കോരുന്നത് പോലെ.. അത് അറിയിക്കാനായി അവളുടെ രോമങ്ങൾ മുഴുവൻ എഴുന്നേറ്റ് നിന്നു.. "എന്താടി ഇങ്ങനെ കുളിരു കോരുന്നേ..??" അവൾ കണ്ണിറുക്കി അടച്ചു.. "ഞാൻ തൊട്ടത് കൊണ്ടാണോ...??" അവൻ അവൾക്ക് മേലേക്ക് ചാഞ്ഞു കൊണ്ട് ചോദിച്ചു.. തന്റെ നേരെയുള്ള അവന്റെ മുഖത്തേക്കും ആ കണ്ണുകളിലേക്കും തന്നെ അവൾ നോക്കി... . ഒരു ചെറു ചിരിയോടെ ആ നെറ്റിയിലേക്ക് അവൾ ചുണ്ട് ചേർത്തു...... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...