🌸മയിൽ‌പീലി🌸: ഭാഗം 7

രചന: അനു രാജീവ്

വീടെത്തുമ്പോഴേക്കും സമയം നന്നേ വൈകിയിരുന്നു. അത് കൊണ്ട് വഴിയിൽ ആരെങ്കിലും കാണുമെന്നു അവർ ഭയപ്പെട്ടില്ല. വണ്ടി നിർത്തി രണ്ടാളും ഇറങ്ങി കാളിങ് ബെൽ അടിച്ചു.. വാതിൽ തുറന്നതും അവരെ നോക്കി ദേഷ്യത്തോടെ നിൽക്കുന്ന ധാർമികയെ കണ്ട് അഭി ഒരു ചിരിയോടെ അകത്ത് കയറി... "അമ്മ ഉറങ്ങിയില്ലേ .. ആഹ് ആഹ്ഹ... അമ്മേ വിട്... വേദനിക്കുന്നു..." ധാർമിക അവന്റെ ചെവിക്ക് പിടിച്ച് തിരിക്കുന്നത് കണ്ട് പീലി രണ്ടാളെയും മാറി മാറി നോക്കി.. "നീയെന്താടാ എന്നോട് പറഞ്ഞത്.. നാളെ ഞങ്ങൾ രണ്ടാളും ഒന്ന് പുറത്ത് പൊയ്ക്കോട്ടേ എന്ന് ലെ. എപ്പോ വരും എന്ന് ചോദിച്ചപ്പോ വേഗം വരാമെന്നും പറഞ്ഞിട്ട് രാവിലെ ഒന്ന് പറയുക പോലും ചെയ്യാതേ മനുഷ്യനെ ടെൻഷൻ അടിപ്പിച്ചിട്ട് മൂന്ന് മണിയാവുമ്പോ വിളിച്ചിട്ട് ഞങ്ങൾ ഊട്ടിയിൽ ആണെന്ന് ലെ..."

ദേഷ്യത്തോടെ പറഞ്ഞു കൊണ്ട് ധാർമിക ചെവിയിലെ പിടുത്തം മുറുക്കി.. "ആഹ്... ആഹ്ഹഹ്ഹ.... അമ്മേ.. ഞാൻ ഊട്ടിക്ക് ആണെന്ന് പറഞ്ഞാൽ അമ്മ സമ്മതിക്കുമായിരുന്നോ.. അതോണ്ടല്ലേ.." "അതിന് നുണ പറഞ്ഞിട്ട് ലെ.." "ഞാൻ നുണയൊന്നും പറഞ്ഞില്ല.. സത്യം മറച്ചു വച്ചുന്ന് മാത്രം..." ചെവിയുഴിഞ്ഞു കൊണ്ട് അവൻ പറയുന്നത് കേട്ട് രണ്ടാളും ചെറുതായി ചിരിച്ചു.. ധാർമിക പീലിയെ ഒന്ന് കൂർപ്പിച്ചു നോക്കിയതും പെണ്ണ് തല താഴ്ത്തി.. "ഹ്മ്മ്.. രണ്ടും പോയി ഫ്രഷ് ആയിട്ട് വാ.. ഞാൻ കഴിക്കാനെന്തെങ്കിലും ഉണ്ടാക്കാം..." "വേണ്ടമ്മേ.. അമ്മയെ ബുദ്ധിമുട്ടിക്കണ്ടാന്ന് കരുതി ഞങ്ങൾ പുറത്തിന്ന് കഴിച്ചു..." "ഹ്മ്മ്.. ശരി.. എന്നാൽ പോയി കിടന്നോ.." അത് കേട്ടതും പീലി വേഗം മുകളിലേക്ക് പോയി.. "എന്റെ മോനൊന്ന് നിന്നെ..'" പീലിക്ക് പുറകെ പോകാൻ നിന്ന അഭി പെട്ടെന്ന് സ്റ്റക്ക് ആയ പോലെ നിന്നു.. "എന്താ അമ്മേ..."

"ഇത്ര വിനയം വേണ്ട..." "ഈ.. വേണ്ടെങ്കിൽ വേണ്ട.. കാര്യം പറയു..." "അവളെ കൊണ്ട് ഓക്കേ പറയിച്ചോ..." "കൊച്ചു ഗള്ളി.. അപ്പൊ എല്ലാം അറിയാ ലെ... ഹ്മ്മ്.. ഓക്കേ പറഞ്ഞു.." "അയ്യടാ എന്താ നാണം.. എന്നാലേ ഇന്നു നീ ഹാളിൽ കിടന്നാ മതി.. മുകളിലേക്ക് പോവണ്ട..." "അമ്മേ...................... അമ്മക്ക് അത്രക്ക് വിശ്വാസമില്ലാതായോ എന്നെ..." "തീരെ വിശ്വാസം ഇല്ല.. നിക്ക് ഞാൻ ബെഡ്ഷീറ്റ് എടുത്തു തരാം.. സോഫയിൽ കിടന്നോ.." "എനിക്ക് തിരിഞ്ഞും മറിഞ്ഞും കിടന്നില്ലേൽ ഉറക്കം വരില്ല.. ഞാൻ അവളുടെ ഭാഗത്തേക്ക് നോക്കുക പോലും ചെയ്യില്ല..." "കള്ളന് കഞ്ഞി വച്ചവനാ നീ... നിന്നെ ഇനി ഞാൻ വിശ്വസിക്കില്ല.. കുളിക്കാണെങ്കിൽ താഴെ പോയി കുളിച്ചോ..." "പിന്നെ... ഫസ്റ്റ് നൈറ്റ്‌ ആഘോഷിക്കാൻ പോവല്ലേ ഈ മഴയത് കുളിച്ചിട്ട്.. എനിക്കൊന്നും വയ്യ... എന്റെ ഡ്രെസ്സൊക്കെ റൂമിലാ.. ഞാനത് മാറ്റിയിട്ട് വരാം..."

"ഹ്മ്മ്.." ഒന്നമർത്തി മൂളിയിട്ട് ധാർമിക അകത്തേക്ക് പോയി.. അവൻ വേഗം മുകളിലേക്ക് ഓടി കയറി അവന്റെ റൂമിൽ കയറാതെ നേരെ പീലിയുടെ മുറിയുടെ വാതിൽ തുറന്നതും ഞെട്ടി അവളുടെ കയ്യിലുണ്ടായിരുന്ന ദാവണി ഷാൾ നിലത്തേക്ക് വീണു.. അവൾ വേഗം അതെടുത്ത് തിരിഞ്ഞു നിന്നു.. അവൻ പതിയെ വാതിൽ ചാരി അവൾക്കരികിലേക്ക് നീങ്ങി.. "മയിലേ.. " നഗ്നമായ ആ ഇടുപ്പിലൂടെ ചുറ്റി പിടിച്ച് അവളുടെ തോളിൽ താടി വച്ചു കൊണ്ട് അവൻ പതിഞ്ഞ ശബ്ദത്തിൽ വിളിച്ചു.. അവൾക്ക് ദേഹം മുഴുവൻ ഷോക്ക് അടിക്കുന്ന പോലെ തോന്നി.. "മയിലേ....." "ഹ്മ്മ്...." "താഴെ കിടന്നാൽ മതിന്നാ മാതാശ്രീയുടെ ഓർഡർ..." അവൾ ചെറുതായൊന്ന് ചിരിച്ചു.. "മയിലേ.. നിന്നെ വല്ലാതെ മിസ്സ്‌ ചെയ്യുന്നു..." "ഞാൻ.. ഞാൻ ഇവിടെ തന്നെ ഇല്ലേ..."

അവൾ പതറിയ ശബ്ദത്തോടെ പറഞ്ഞു.. അവൻ അവളെ അവന് നേരെ തിരിച്ചു നിർത്തി.. അവൾക്ക് വല്ലാത്ത ജാള്യത തോന്നി.. അത് മനസിലാക്കിയ പോലെ അവളുടെ കയ്യിൽ നിന്നും ആ ഷാൾ വാങ്ങി അത് അവൻ തന്നെ ഇടുപ്പിൽ കുത്തി കൊടുത്തു.. അവൾക്ക് കുളിരുകോരി.. മഴയത്തു വന്നത് കൊണ്ടെന്നെ അവന്റെ കൈകൾക്ക് നല്ല തണുപ്പായിരുന്നു.. ആ തണുപ്പ് അവളുടെ വയറിൽ നിന്നും ശരീരമാകെ പടർന്നു.. "ഞാൻ തൊടുമ്പോൾ മാത്രമാണോ പെണ്ണേ ഇങ്ങനെ കുളിരുകോരുന്നേ..." അവൾ തല താഴ്ത്തി നിന്നു... അപ്പോഴേക്കും ഷാളിന്റെ മറുഭാഗം അവൻ പ്ലീറ്റ്സ് എടുത്തു മാറ് മറച്ചു കൊണ്ട് അതിനെ തോളിൽ പിൻ ചെയ്തു.. "ഇനി എന്നെ നോക്ക് പെണ്ണെ..." അവൾ ഏതോ ലോകത്തെന്ന പോലെ അവനെ നോക്കി..

അവളുടെ നോട്ടം അവന്റെ കണ്ണിൽ തന്നെ തങ്ങി നിന്നു.. "മയിലേ.. ചിലപ്പോൾ അങ്ങനെയാണ്.. നമുടെ തൊട്ടടുത്തു തന്നെ നമുക്ക് ഏറ്റവും പ്രിയപെട്ടവർ ഉണ്ടെങ്കിലും അവരെ മിസ്സ്‌ ചെയ്യും.. I miss you badly..." അവൾ കാല് കുത്തി ഉയർന്നു അവന്റെ നെറ്റിയിൽ ചുണ്ട് ചേർത്തു... അവൻ കണ്ണടച്ച് കൊണ്ട് അത് സ്വീകരിച്ചു.. "ക്യാൻ ഐ??" അതിന് മറുപടി ഒരു ചെറിയ ചിരി മാത്രം ആയിരുന്നു... അവളെ ചേർത്ത് പിടിച്ച് ആ നെറ്റിയിൽ അവൻ ചുംബന മുദ്രണം ചാർത്തി.. അവിടെ നിന്നും അവന്റെ ചുണ്ട് അവളുടെ മൂക്കുത്തിയിൽ അമർന്നു.. ഇരു കണ്ണിലും ചുംബിച്ചതിനു ശേഷം അവൻ അധരത്തിലെത്തി.. സമ്മതത്തിനായി ആ കണ്ണുകളിൽ നോക്കി.. സമ്മതമെന്ന കണക്കെ അവ രണ്ടും അടഞ്ഞു കൊടുത്തു.. ആ ചുംബനം സ്വീകരിക്കാനെന്ന വണ്ണം.. അവൻ ചിരിയോടെ ആ അധരങ്ങൾ നുണഞ്ഞെടുത്തു..

ഒട്ടും വേദനിപ്പിക്കാതെ മൃദുവായി അവൻ ആ ചുണ്ടുകൾ മാറി മാറി നുണഞ്ഞു.. ആവേശത്തിൽ അവന്റെ നാവ് അവളുടെ ചുണ്ടുകളെ ഭേധിച്ചു അകത്തേക്ക് കടന്നു.. അവൾ കുഴഞ്ഞു പോയിരുന്നു.. അവന്റെ പ്രണയത്തിൽ തളർന്നിരുന്നു.. താഴേക്ക് ഊർന്നു പോയ അവളെ കൈകളുടെ ബലത്താൽ താങ്ങി നിർത്തി കൊണ്ട് അവൻ വീണ്ടും വീണ്ടും ആ മധുരത്തിൽ അലിഞ്ഞു.. രണ്ടാളും ശ്വാസത്തിനായി ബുദ്ധിമുട്ടിയപ്പോൾ അവൻ ആ ചുണ്ടുകളെ മോചിപ്പിച്ചു.. അവൾ തളർന്നു കൊണ്ട് അവന്റെ നെഞ്ചിലേക്ക് വീണു.. "മയിലേ.. നിനക്ക് തീരെ സ്റ്റാമിന ഇല്ലാലോടി പെണ്ണെ.. നിന്നെ കെട്ടിയിട്ട് ഞാൻ എത്ര ബുദ്ധിമുട്ടുമോ എന്തോ...??" അവൾ മുഖം കോട്ടി അവനിൽ നിന്നും അകന്നു നിന്നു.. അവൻ വീണ്ടും അവളെ വലിച്ചു ആ നെഞ്ചിലേക്ക് ചേർത്തു..

"ഐ ലവ് യൂ മയിലേ.... 😘" അവൾ ആ നെഞ്ചിൽ ചാരി മനസ് നിറഞ്ഞ് ചിരിച്ചു.. "ഒരു ഐ ലവ് യു പറയടീ.." "ഇപ്പോഴോ...??" "പിന്നെ?? അത് പറയാൻ കണിയാനെ വിളിച്ചു കബഡി നിരത്തി നോക്കണോ?? " അവൾ ഒന്ന് വെളുക്കനെ ചിരിച്ചു... "നീ ചിരിച്ചു മയക്കണ്ട.. മര്യാദക്ക് പറ..." അവളുടെ ഇടുപ്പിൽ കൈ വച്ച് അവൻ ഭീഷണി സ്വരത്തിൽ പറഞ്ഞതും അവൾ ഉമിനീരിറക്കി അവനെ നോക്കി.. "അഭീ... കഴിഞ്ഞില്ലേ നിന്റെ ഡ്രസ്സ്‌ ചേഞ്ച്‌ ചെയ്യൽ.. ഞാൻ അങ്ങോട്ട് വരണോ..." താഴെ നിന്നും ധാർമികയുടെ ശബ്ദം കേട്ടതും അവൻ ഞെട്ടി അവളുടെ മേലുള്ള കൈ എടുത്തു.. അവൾ അത് കണ്ട് പൊട്ടിച്ചിരിച്ചു.. "ഞാൻ എടുത്തോളാം ട്ടാ.. " ചുണ്ട് കടിച്ചു പിടിച്ചു കള്ള ചിരിയോടെ അവൻ ഡോർ തുറന്ന് പുറത്തേക്ക് പോയി.. അവൾ അതേ ചിരിയോടെ അവൻ പോകുന്നത് നോക്കി നിന്നു.. 🌸🌸🌸🌸 മനസ്സ് നിറയെ പലതരം ചിന്തകളായിരുന്നു..

ഈ രണ്ടു ദിവസം അവൾ അനുഭവിച്ച സന്തോഷങ്ങൾക്ക് കണക്കില്ലായിരുന്നു.. ഒപ്പം തന്നെ ഇനി വരാൻ പോവുന്ന പ്രശ്നങ്ങൾ ഓർത്ത് അവൾ വേവലാതിപെട്ടു.. അവൾ കണ്ണാടിക്ക് മുന്നിൽ പോയി നിന്നു.. "എന്തിനാ പീലി നീ അഭിയേട്ടന് ആശ കൊടുത്തത്.. നിനക്ക് നിന്റെ അപ്പയെ വേദനിപ്പിക്കാൻ കഴിയില്ല.. എന്തിനാ അഭിയേട്ടന്റെ കൂടെ പോയത്.. അത് കൊണ്ടല്ലേ ആ മനുഷ്യൻ ഇത്രയധികം നിന്നെലെക്കൂർന്നു പോയത്.. നിന്നിൽ മുഴുവൻ ഇപ്പൊ അഭിയേട്ടൻ മാത്രേ ഉള്ളു.. ഇന്ദ്രേട്ടൻ എല്ലാം അപ്പയോട് പറഞ്ഞാൽ പിന്നെ നിനക്ക് പുറംലോകം കാണാൻ പോലും കഴിയില്ല. നിന്റ ചേച്ചി അനുഭവിച്ചത് കണ്മുന്നിൽ വച്ച് കണ്ടതല്ലേ.. എന്നിട്ടും എന്തിനാ നീ അദ്ദേഹത്തെ പ്രണയിക്കുന്നത്.. അഭിയേട്ടന്റെ പാതി ആവാനുള്ള യോഗമൊന്നും നിനക്കില്ല..

വീട്ടുകാരെ വേണ്ട എന്ന് വയ്ക്കാനും സാധിക്കില്ല.. ഇന്നലെ വരെ നിനക്കെല്ലാം അവരായിരുന്നു.. ഇനിയും അങ്ങനെ ആയിരിക്കും.. അത് കൊണ്ട് ഒരുപാട് അടുക്കണ്ട.. അത് ഒരുപാട് സങ്കടം നൽകും.. " അവൾ കവിളിൽ നിന്നും ചാലിട്ടൊഴുകുന്ന കണ്ണുനീർ പുറം കൈ കൊണ്ട് തുടച്ചു മാറ്റി.. "മയിലേ....." അവൾ ഞെട്ടി തിരിഞ്ഞു നോക്കി.. താൻ പറഞ്ഞതൊക്കെ അഭി കേട്ടു എന്നത് അവളിൽ അസ്വസ്ഥത ഉണ്ടാക്കി.. "അപ്പൊ വീട്ടുകാരു സമ്മതിച്ചില്ലെങ്കിൽ നീ എന്റെ ആവില്ലേ??" "ഇല്ല അഭിയേട്ടാ.. എന്റെ അപ്പ പുറമെ ഗൗരവക്കാരൻ ആണെങ്കിലും ഞങ്ങളോട് ഒത്തിരി ഇഷ്ട്ടമായിരുന്നു.. അത് കൊണ്ടാ ചേച്ചി പോയപ്പോൾ ആ മനുഷ്യൻ തകർന്നത്.. ഞാനും കൂടി.. ഇല്ല.. നിക്ക് കഴിയില്ല..." "അപ്പൊ ഞാനോ.. എന്നെ കുറിച്ച് നീയെന്താ ചിന്തിക്കാത്തത്..

ഞാൻ നിന്റെ അപ്പയെ കൺവിൻസ് ചെയ്യാൻ ശ്രമിക്കാം. സമ്മതിച്ചില്ലെങ്കിൽ എന്റെ കൂടെ വരണം നീ.. ". അവൾ ഒന്നും മിണ്ടിയില്ല.. "ഞാൻ നാളെ പോവും.. അത് പറയാനാ ഇപ്പൊ വന്നത്.." അവൾ തരിച്ചു നിന്നു.. "പേടിക്കണ്ട.. നിനക്ക് വേണ്ടി ഞാൻ വരും.. ഞാൻ ഇല്ലെങ്കിൽ കൂടെയുള്ള ആരും പോവുന്നില്ല, ട്രിപ്പ്‌ ക്യാൻസൽ ചെയ്യും എന്ന് പറയുന്നു.. വേണ്ട.. ഞാൻ പോവട്ടെ.. നിനക്കും ആലോചിക്കാൻ സമയം കിട്ടും.. എന്നെ ഇഷ്ട്ടമാണെന്ന് നീ ഇത് വരെ വായ തുറന്ന് പറഞ്ഞിട്ടില്ല.. പക്ഷെ എനിക്കത് ഫീൽ ചെയ്യുന്നുണ്ട്.. നിന്റ നോട്ടത്തിൽ പോലും എന്നോടുള്ള പ്രണയമാണ്.. അത് നീ മനസ്സിലാക്കാൻ കുറച്ചു സമയം വേണം.. നാളെ പുലർച്ചെ പോവും.."

മറുപടിക്ക് കാക്കാതെ അവൻ തിരിഞ്ഞു നടന്നു. പ്രിയപ്പെട്ടതെന്തോ കൈവിട്ടു പോകും പോലെ.. ഒരു പൊട്ടി കരച്ചിലോടെ അവൾ ബെഡിലേക്കിരുന്നു.. ഉറങ്ങുമ്പോൾ 2 മണി കഴിഞ്ഞിരുന്നു.. അവൾ ഉറക്കത്തിൽ നിന്നും ഉണർന്നു നോക്കുമ്പോൾ ജനലിലൂടെ വെയിൽ ഉള്ളിലെക്ക് അരിച്ചിറങ്ങുന്നുണ്ടായിരുന്നു.. അവൾ ഞെട്ടി എഴുന്നേറ്റു.. "അഭിയേട്ടൻ..." അവൾ എഴുന്നേറ്റ് താഴെക്കിറങ്ങാൻ നോക്കുമ്പോഴാണ് മേശമേൽ ഒരു പേപ്പർ കണ്ടത്.. അവൾ അതെടുത്ത് നോക്കി.. * മയിലേ.... ഞാൻ പോവുവാ.. നീ ഉണർന്നാൽ, നിന്റെ കണ്ണിലേക്കു നോക്കിയാൽ ചിലപ്പോ എനിക്ക് പോവാൻ കഴിയില്ല.. നീ എന്റെ പ്രാണനാണ് പെണ്ണെ.. അത് നീ മനസ്സിലാക്കിയതിനു ശേഷം ഞാൻ വരും.. നിന്നിലേക്ക്.. കാത്തിരിക്കണം.. -ഒത്തിരി സ്നേഹത്തോടെ... ❤️ **

അവൾ പൊട്ടികരഞ്ഞു കൊണ്ട് നിലത്തേക്കൂർന്നിരുന്നു... കുറച്ചു നേരം കൂടെ ആ ഇരുപ്പ് തുടർന്നു.. പിന്നെ എഴുന്നേറ്റ് ആ പേപ്പർ മടക്കി ബാഗിൽ വച്ച് ടവൽ എടുത്തു ബാത്‌റൂമിൽ കയറി.. കുളിച്ചിറങ്ങി താഴേക്ക് വരുമ്പോൾ ധാർമിക ബ്രേക്ക്‌ ഫാസ്റ്റ് ടേബിളിൽ വയ്ക്കുകയായിരുന്നു.. "സോറി ടീച്ചറമ്മേ.. കുറച്ചു വൈകി പോയി എഴുന്നേൽക്കാൻ..". "അയ്യേ.. അതിനെന്താ.. ഇത് നിന്റെ വീട് തന്നെയല്ലേ.. എപ്പോ വേണെങ്കിലും എഴുന്നേൽക്കാലോ..." അവരുടെ മുഖത്തും സങ്കടം നിഴലിക്കുന്നത് അവൾ ശ്രദ്ധിച്ചു.. അന്നത്തെ ഒരു ദിവസം കൊണ്ട് തന്നെ അവൾക്ക് മനസ്സിലായി അവൻ എത്ര മാത്രം അവളെ സ്വാദീനിച്ചിരുന്നു എന്ന്... പിറ്റേ ദിവസം തന്നെ പീലിയുടെ വീട്ടുകാർ തിരിച്ചെത്തി.. ടീച്ചറോട് നന്ദി പറഞ്ഞ് അവർ അവളെ കൂട്ടി കൊണ്ട് പോയി.

പ്രതീക്ഷിച്ചത് പോലെ ഒരു പ്രശ്നവും ഉണ്ടായില്ല.. ഇന്ദ്രൻ ഇനി തന്നെ കണ്ടിട്ടുണ്ടാവില്ല എന്നവൾ ഉറച്ചു വിശ്വസിച്ചു. ജീവിതം വീണ്ടും പഴയ പോലെ തന്നെ ആയി.. വീട് കലാക്ഷേത്ര എന്ന രണ്ടിടങ്ങളിൽ മാത്രം.. ടീച്ചർ ഇടക്ക് അഭിയുടെ വിശേഷങ്ങൾ പറയും അത് കേൾക്കുമ്പോൾ മാത്രം ആ പെണ്ണ് മതിമറന്നു കേട്ടിരിക്കും.. അവന്റെ നമ്പർ വേണമെന്ന് പോലും ടീച്ചറമ്മയോട് അവൾ ചോദിച്ചില്ല.. ദിവസങ്ങൾ നീങ്ങേ അവളുടെ ഉള്ളിൽ ആഴത്തിൽ പതിഞ്ഞു കൊണ്ടിരുന്നു അവന്റെ പ്രണയം. ഊണിലും ഉറക്കത്തിലും അവൾ മുന്നിൽ കാണുന്നത് ആ മുഖം മാത്രമായി. മാസങ്ങൾ പിന്നിട്ടു.. 🌸🌸 ഇന്ന് തേരാണ്.. കൽപ്പാത്തിക്കാരുടെ മഹോത്സവം. വേറൊരു വിശേഷം കൂടെയുണ്ട്. പീലിയുടെ പിറന്നാൾ.. എന്നാൽ ജാനകിയൊഴിച്ചു അത് മറ്റാരും ഓർക്കാറില്ല..

അവൾ പോലും.. വീട്ടിൽ ഏതെങ്കിലും അതിഥികൾ വരുന്നത് തേരിനു മാത്രമാണ്. അത് കൊണ്ട് പീലിയും ജാനകിയും പുലർച്ചെ 4 മണി മുതൽ അടുക്കളയിൽ ജോലികളിൽ മുഴുകിയിരുന്നു.. ആരോ വരുന്നുണ്ട് എന്ന് മാത്രം അപ്പയുടെയും അപ്പച്ചിയുടെയും സംസാരത്തിൽ നിന്നും മനസിലായി.. അതും ഉണ്ടാക്കേണ്ട വിഭവങ്ങളുടെ ലിസ്റ്റ് തരുമ്പോൾ ഊഹിച്ചതാണ്.. പത്തു മണിയോടടുക്കുമ്പോൾ ഒരു കാർ വീട്ടുമുറ്റത്തെത്തി നിന്നു.. അതിൽ നിന്നും ഇറങ്ങുന്ന ആളെ കണ്ട് പീലിയുടെ ശ്വാസം വിലങ്ങി.. ഇന്ദ്രനും അമ്മ സരസ്വതിയും.. ഭയം കാരണം അവൾ വിറക്കുന്നുണ്ടായിരുന്നു.. അപ്പയും അപ്പച്ചിയും അവരെ സ്വീകരിച്ചിരുത്തി.. അവൾ പേടി കൊണ്ട് അടുക്കളയിൽ നിന്നും പുറത്തേക്ക് വന്നില്ല..

മോഹനാഥന് അവരുടെ മുഖത്തേക്ക് നോക്കാൻ തന്നെ അഭിമാന കുറവ് തോന്നി.. മകളെ വിവാഹം കഴിച്ചു നൽകാം എന്ന് വാക്കു നൽകിയിട്ട് അത് പാലിക്കാൻ സാധിക്കാതെ പോയ അച്ഛൻ എന്ന ചിന്ത അയാളിൽ ഉണ്ടായിരുന്നു.. ഉച്ച വരെ ഇന്ദ്രന്റെ കണ്ണിൽ പെടാതെ പീലി ഒളിച്ചു നടന്നു.. പക്ഷെ ഭക്ഷണം വിളമ്പി കൊടുക്കാൻ അയാളുടെ മുന്നിലേക്ക് പോവേണ്ടി വന്നു.. ഇന്ദ്രൻ അവളെ തന്നെ നോക്കി നിൽക്കുകയായിരുന്നു.. ഇത് ശ്രദ്ധയിൽ പെട്ട സുഭദ്ര മനസ്സിൽ പലതും കണക്കു കൂട്ടി.. ഭക്ഷണമൊക്കെ കഴിച്ച് കൈ കഴുകാൻ അടുക്കള ഭാഗത്തേക്ക് നടക്കുമ്പോൾ പീലി പപ്പടം പൊള്ളിക്കുകയായിരുന്നു.. ഇന്ദ്രൻ അറിയാത്ത ഭാവത്തിൽ അവളുടെ ദേഹത്തിൽ ഉരസി കൊണ്ട് പോയി.. അവൾ ഞെട്ടി തിരിഞ്ഞ് നോക്കുമ്പോൾ അയാളെ കണ്ട് അവൾ തരിച്ചു നിന്നു..

"മധുവിധുവൊക്കെ ആഘോഷിച്ചോ... ആരായിരുന്നു കൂടെ കാമുകനോ അതോ......" അവൾ വിറച്ചു നിന്നു.. "അന്ന് ഇവരോടൊപ്പം എന്റമ്മയും പോയിരുന്നു ക്ഷേത്ര ദർശനത്തിന്.. വിളിച്ചു പറഞ്ഞാലൊന്ന് ആലോചിച്ചു.. പക്ഷെ എനിക്കെന്താ ലാഭം... അപ്പൊ എങ്ങനെയാ കാര്യങ്ങൾ..?? ഒന്ന് സഹകരിച്ചാൽ ആരും ഒന്നും അറിയില്ല..." അവളുടെ തോളിലേക്ക് കൈ വച്ചു കൊണ്ട് അവൻ പറഞ്ഞു... പേടിയോടെ നിന്ന മുഖം ദേഷ്യത്തിലേക്ക് പരിണമിക്കാൻ ഞൊടിയിടയെ വേണ്ടി വന്നുള്ളൂ.. തോളിൽ വച്ച കൈ തട്ടി മാറ്റി അവന്റെ കരണം നോക്കി ഒന്ന് കൊടുത്തു അവൾ.. അങ്ങനെയൊന്നു പ്രതീക്ഷിക്കാത്തത് കൊണ്ട് തന്നെ അവന് പ്രതികരിക്കാൻ കഴിഞ്ഞില്ല.. " ജിത്തു മോൻ എന്താ ഇവിടെ നിക്കുന്നെ.. എന്തെങ്കിലും വേണോ??? സുഭദ്രയുടെ ചോദ്യമാണ് രണ്ടാളെയും ബോധത്തിലേക്ക് കൊണ്ട് വന്നത്.. പീലിയെ നോക്കി പേടിപ്പിച്ചു കൊണ്ട് അവൻ പുറത്തേക്കിറങ്ങി..

അവർ അധിക നേരം നിൽക്കാതെ ഇറങ്ങാൻ നിന്നു.. എല്ലാരും യാത്രയാക്കാൻ പുറത്ത് നിൽക്കുമ്പോൾ വെള്ളം കുടിക്കാൻ എന്ന വ്യാജേന അവൻ ഒന്നു കൂടി അകത്തേക്ക് പോയി.. പാത്രം കഴുകികൊണ്ടിരിക്കുകയായിരുന്നു പീലി. അവനെ കണ്ടിട്ടും വലിയ വ്യത്യാസംമൊന്നുമില്ലാതെ അവൾ ജോലി തുടരുന്നത് അവന്റെ ദേഷ്യം വർധിപ്പിച്ചു.. "എനിക്ക് കല്യാണം കഴിക്കാൻ പൂതി കയറിയിട്ടൊന്നുമല്ല നിന്റെ ചേച്ചിയെ കാണാൻ ഇങ്ങോട്ട് വന്നത്.. അമ്മക്ക് അടുക്കള പണിക്ക് ഒരുത്തിയെ വേണമെന്ന് പറഞ്ഞത് കൊണ്ടാ.. നിന്നെ അന്ന് കണ്ടപ്പോഴേ ഞാൻ നോട്ടമിട്ടു വച്ചതാ.. ഒരേ ഒരു തവണ ഒന്ന് അനുഭവിക്കണം എന്നെ കരുതിയുള്ളു.. പക്ഷെ ഇപ്പൊ നീ കേട്ടോ.. . പാർവണ ലക്ഷ്മിയെ വിവാഹം കഴിക്കുന്നത് ഈ ഇന്ദ്രജിത്ത് ആയിരിക്കും..

ഇപ്പൊ നീ എനിക്ക് തന്ന അടിക്ക് പകരം, ഒരോ ദിവസവും നരകിക്കും.. എന്റെ കയ്യിൽ കിടന്ന് പിടയും.." പകയോടെ പറഞ്ഞു കൊണ്ട് അവൻ തിരിഞ്ഞ് നടന്നു.. അവൾ അത് വരെ പിടിച്ചു നിർത്തിയ സങ്കടത്തെ തുറന്ന് വിട്ടു.. പാത്രം അവിടെയിട്ട് മുറിയിൽ പോയി വേണ്ടുവോളം കരഞ്ഞു.. വൈകുന്നേരം വരെ അവൾ പുറത്തിറങ്ങിയില്ല... അഭിയെ കാണാൻ അതിയായി ആഗ്രഹിച്ചു.. എല്ലാം പറഞ്ഞ് അവന്റെ നെഞ്ചിൽ ചാഞ്ഞു കരയാൻ അവൾ കൊതിച്ചു.. വൈകുന്നേരം വിളക്ക് വയ്ക്കുമ്പോഴും അത് മാത്രമായിരുന്നു പ്രാർത്ഥന.. അത്താഴം കഴിക്കാൻ കൂട്ടാക്കാതെ അവൾ കിടന്നു.. ഉറക്കം വരുന്നില്ല.. പെട്ടെന്ന് കറണ്ട് പോയി.. താഴെ പോയി വിളക്കെടുത്തിട്ട് വരാനുള്ള മടി കൊണ്ട് അവൾ അനങ്ങാതെ കിടന്നു..

പുറത്ത് ചെറിയ രീതിയിൽ മഴ ചാറുന്നുണ്ട്.. അല്ലെങ്കിലും തേര് കഴിഞ്ഞ ദിവസം മഴ പെയ്യുന്നത് പതിവാണ്.. ജനലിലൂടെ അവൾ പുറത്തേക്ക് നോക്കി.. ആകാശത്തു ഒരു നക്ഷത്രം പോലും കാണാനില്ല.. നല്ല മഴക്ക് സാധ്യതയുണ്ടെന്ന് അവൾ ഓർത്തു.. പെട്ടെന്ന് മുറിയിൽ എന്തോ ശബ്ദം. അവൾ ഞെട്ടി തിരിഞ്ഞ് നോക്കി.. ഇരുട്ടത്തിരിക്കാൻ തോന്നിയ ബുദ്ധിയെ അവൾ ശപിച്ചു. ഭയം കൊണ്ട് കാലുകൾ അനങ്ങാത്ത അവസ്ഥ.. ഇന്ദ്രന്റെ വാക്കുകളായിരുന്നു മനസ്സ് നിറയെ.. അവൾ ഒന്ന് കൂടെ പുറത്തേക്ക് നോക്കി.. മറ്റു വീടുകളിൽ വെളിച്ചം ഉണ്ട്.. അവൾ പതിയെ വാതിലിനടുത്തേക്ക് നടന്നു.. പുറകിൽ ആരോ ഉള്ള പോലെ.. പുറത്ത് മഴ കനത്തു.. നിലവിളിച്ചാൽ പോലും ആരും കേൾക്കില്ല എന്നോർക്കേ ഉള്ളം നടുങ്ങി.. അവൾ ശബ്ദമുയർത്താനാഞ്ഞതും ഒരു കൈ അവളുടെ വായയെ അടച്ചു പിടിച്ചു.. കണ്ണ് തുറിച്ചു അവൻ സ്ഥബ്ധയായി നിന്നു.. ആ കൈ തട്ടി മാറ്റി തിരിഞ്ഞ് ആ നെഞ്ചിലേക്ക് മുഖമമർത്തി പൊട്ടികരഞ്ഞു അവൾ.. "മയിലേ...... ❤️"..... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...