💎നീ എൻ മാലാഖ💎: ഭാഗം 25

രചന: ഇച്ചുട്ടി

ബാക്കിയൊന്നും ഓർക്കാതെ യാദി ആ കൊക്കയിലേക്ക് ചാടി.... *പ്രകൃതി അവന്റെ പ്രണയത്തിനെ നോക്കി സന്തോഷിച്ചു * ********** അഗ്നി...** അഗ്നി ശിവി കൊണ്ട് വന്നത് അവരുടെ രാജ്യത്തേക്ക് ആയിരുന്നു.... മൃതങ്കപുരത്തേക്ക്... അവളെ കണ്ടതും എല്ലാവരും കരഞ്ഞോണ്ട് അവളുടെ അടുത്തേക്ക് ഓടി വന്നു... ശിവിക്കും ഒരുപാട് സന്തോഷം ആയിരുന്നു അവരെയൊക്കെ കണ്ടപ്പോ...പക്ഷെ ആ രാജ്യം ഒരുപാട് ഉണങ്ങി പോയിരുന്നു... പച്ചപ്പും മരങ്ങളും എല്ലാം ഉണങ്ങിരുന്നു... അരുവികളും പുഴകളും എല്ലാം വറ്റിയിരുന്നു.... ""എല്ലാം മോള് പോയതിന് ശേഷം നശിച്ചു... അഗ്നി ദേവൻ ക്രൂരനാ മോളേ... മോൾക്ക് രക്ഷപെട്ടുകൂടായിരുന്നോ... എന്തിനാ ആ രാക്ഷസന്റെ അടുത്ത് വന്ന് വീണേ "" ശിവി പിടിച്ചോണ്ട് അവിടെയുള്ള അമ്മമാര് പറഞ്ഞു... ""വേറെ വഴിയില്ലായിരുന്നു.... നിങ്ങളൊക്കെ അവൻ ഒരുപാട് ദ്രോഹിച്ചുവല്ലേ... ""ശിവി

''"അതെ മോളേ... അവൻ നീ പോയതിന് ശേഷം വേറെയൊരു ആള് ആയിരുന്നു... അത് വരെയുള്ള അഗ്നി ദേവൻ ആയിരുന്നില്ല...""അവര് പറഞ്ഞു.. ""ഞാൻ കാരണം നിങ്ങളൊക്കെ ""ശിവി ""ഇല്ല മോളേ... മോള് അങ്ങനെയൊന്നും ചിന്തിക്കാതെ... മോളേ കൊണ്ട് സാധിക്കും ഈ രാജ്യത്തെ പഴയത് പോലെയാക്കാൻ"" ആ അമ്മ ""ഇല്ലാ.. എനിക്ക് എന്റെ ശക്തികൾ ഒന്നും ഇല്ലാ... അതെല്ലാം... ""തല താഴ്ത്തി കൊണ്ട് ശിവി പറഞ്ഞു... ""കരയാതെ മോളേ... ""അമ്മ പെട്ടന്ന് അങ്ങോട്ട് അഗ്നി വന്നു... ""മാറി നിൽക്ക്...""അഗ്നി ""എന്തിനാ... അവളെ ഒന്നും ചെയ്യാൻ ഞങ്ങൾ സമ്മതിക്കില്ല...'"ആ അമ്മ ""ഹേയ്... ഇവരെയൊക്കേ ഏതെങ്കിലും തുരങ്കിൽ അടച്ചേക്ക്... ഒന്നിനെയും പുറത്തു വിടണ്ടാ... അവർക്ക് അവിടെ നിന്ന് പുറത്തു കടക്കാൻ ആവരുത് "" അഗ്നി അവന്റെ അടിമകളോട് പറഞ്ഞതും...അവര് അത് അനുസരിച് അവിടെയുള്ള പാവപ്പെട്ട ആളുകളെ എല്ലാം ബന്ധിയാക്കി...

""എന്താ നിന്റെ ഉദ്ദേശം...എന്നെ എന്തിനാ നീ കൊണ്ട് വന്നത്... കൊല്ലാനാണെങ്കിൽ ഒന്ന് കൊന്നു തന്നൂടെ "" ശിവി അഗ്നിയുടെ നേരെ പൊട്ടിത്തെറിച്ചു... ""ഹ്മ്മ്... നീ എന്താടി വിചാരിച്ചത്... നിന്നെ എളുപ്പം കൊന്നു കളയാൻ ആണ് ഞാൻ നിന്നെ ഇങ്ങോട്ട് പിടിച്ചോണ്ട് വന്നതെന്നോ.. അല്ലെടി... എനിക്ക് എന്റെ പഴയ സ്ഥാനവും ശക്തികളും കിട്ടാൻ വേണ്ടി ആണ്.... നിനക്ക് ഇപ്പോൾ ശക്തികൾ ഇല്ലെങ്കിലും നീ ഒരു മാലാഖ തന്നേയാണ്... നിന്നെ വിവാഹം ചെയ്‌താൽ എനിക്ക് എന്റെ പഴയ ശക്തികൾ എല്ലാം തിരിച്ചു കിട്ടും... എന്നിട്ട് നിന്നെ ഇവിടെത്തെ രാക്നിയായി നിന്നെ വായിക്കും എന്ന് നീ കരുതണ്ട... നിന്നെ എന്റെ കാൽ ചുവട്ടിൽ ഇട്ട് ഞാൻ നരകിപ്പിക്കും... ഈ ജന്മം മുഴുവൻ അങ്ങനെ ഞാൻ ഈ രാജ്യം ഭരിക്കും "" അഗ്നി ക്രൂരമായി ചിരിച്ചോണ്ട് പറഞ്ഞു...

""ഇല്ലാ... നിന്റെ മുന്നില് ഞാൻ കഴുത്ത് നീട്ടില്ല ... അങ്ങനെ വേണ്ടി വന്ന ഈ ശിവി മരിക്കുന്നത് തന്നെയാ നല്ലത്.. നീ ഒരു ക്രൂരനാ.. എന്റെ മോള്... ഇപ്പൊ അവളുടെ അവസ്ഥ എന്താ... ""ശിവി ""ഹ്മ്മ്... നിന്റെ മോള്... യാദി നീ മരിച്ചുവെന്ന് ആവും വിചാരിച്ചിട്ടുണ്ടാവാ ... അവന് ഒരിക്കലും ഇങ്ങോട്ട് എത്താൻ കഴിയില്ലല്ലോ... പാവം... ""അഗ്നി ""ഡാ... നീ ""ശിവി ""അടങ്ങി ഇരിക്കടി.....""അഗ്നി ""വിട് എന്നെ.. എന്നെ വിടാൻ...""ശിവി ""നിന്നോട് ഞാൻ പറഞ്ഞില്ലേ... നിനക്ക് ഒരിക്കലും ഇവിടെ നിന്ന് രക്ഷപെടാൻ കഴിയില്ല... നിന്നെ ആരും രക്ഷിക്കാനും വരില്ല...""അഗ്നി ""ഇല്ലാ... എന്ത് തന്നേ വന്നാലും ഞാൻ നിന്റെ മുന്നില് തല കുനിക്കില്ല അഗ്നി...""ശിവി ""എന്നാ നീ കണ്ടോ എന്താ ഉണ്ടാകാൻ പോകുന്നത് എന്ന്..."" അഗ്നി ശിവിയെ വലിച്ചോണ്ട് ഒരു ഭാഗത്തു നിർത്തി... ""അയാളെ ഇങ്ങ് കൊണ്ട് വാ "" അഗ്നി പറഞ്ഞതും അവന്റെ അടിമകൾ ഒരു വയസായ മുത്തശ്ശിയെ അവരുടെ മുന്നിൽ കൊണ്ട് നിർത്തി...

""നീ എന്നെ അനുസരിച്ചില്ലെങ്കിൽ ഞാനിവരെ കൊന്നു കളയും... ഹ്മ്മ്... ഈ തള്ളയെ കൊന്നു തള്ളിയെക്ക് '" അഗ്നി പറഞ്ഞതും ശിവി ഞെട്ടികൊണ്ട് അലറി... ""വേണ്ടാ... അവരെ ഒന്നും ചെയ്യരുത്... ഞാൻ... ഞാൻ... അനുസരിച്ചോളാം.. "" തകർന്ന് കൊണ്ട് ശിവി നിലത്തേക്ക് ഊർന്നിരുന്നു... ""വേണ്ട മോളേ... മോള് ഇതിന് സമ്മതിക്കരുത്...എനിക്ക് വേണ്ടി മോള് സമ്മതിക്കരുത്...."" ആ മുത്തശ്ശി ശിവിയോട് പറഞ്ഞതും ശിവി നിസ്സഹായ അവസ്ഥയിൽ തലയാട്ടി... ""ഈ തള്ളയെ തിരിച്ചു കൊണ്ട് ആക്കിയേക്ക്... ശിവി... നീ എന്നെ അനിസരിച്ചില്ലെങ്കിൽ നിന്റെ പേരിൽ ഓരോരുത്തരായി ഞാൻ കൊന്നു കളയും ..... പിന്നെ നിനക്ക് കാണേണ്ടേ... നിനക്ക് വേണ്ടി ഒരുപാട് പേര് ഈ ലോകത്തു നിന്ന് പോയിട്ടുണ്ട്... വാ ഞാൻ കാണിച്ചു തരാം... "" അഗ്നിയുടെ സംസാരം കേട്ട് ശിവി ഒരു ശില കണക്കെ സ്തംഭിച്ചു പോയി... അഗ്നി ശിവി ഒരു photo ചാർട്ടിന്റെ മുന്നില് കൊണ്ട് പോയി നിർത്തിയതും ശിവി അതിലേക്ക് നോക്കി...

""നോക്ക്... ഇവര് 8 പേരും നിനക്ക് വേണ്ടി എല്ലാ ശക്തികളും വെടിഞ്ഞ് മനുഷ്യരായി മരിച്ചു പോയി... അതും ഈ കൊക്കയിൽ ചാടി "" അഗ്നി "അയ്യോ പാവം" എന്നാ രീതിയിൽ പറഞ്ഞതും... ആ ചാർട്ടിൽ ഉള്ള ആളുകളെ നോക്കിയതും ശിവി മുഴുവനായും തളർന്നു പോകുന്ന പോലെ അവൾക്ക് തോന്നി... അവളെ ഏറെ സ്നേഹിച്ചിരുന്ന 8 പേരായിരുന്നു അത്... ""കൊന്നതാ മോളേ... നീ മരിച്ചെന്നു അവരെ പറഞ്ഞ് വിശ്വസിപ്പിച് അവരെയൊക്കെ തെറ്റ് ദരിപ്പിച് കൊന്നു കളഞ്ഞതാ... മനസ്സ് നൊന്താ അവരൊക്കെ ആത്മഹത്യ ചെയ്തത്... "" ആരൊക്കെയോ അത് ശിവയോട് അലറി വിളിച് പറഞ്ഞത്... ശിവി തേങ്ങി കരയാൻ തുടങ്ങി... ""അഗ്നി... നിനക്ക് എന്താ വേണ്ടത് "" ശിവി കരഞ്ഞോണ്ട് അഗ്നിയോട് ചോദിച്ചതും... ""എനിക്കെന്റെ പഴയ ശക്തികൾ... പിന്നെ നിന്നെയും... ""അഗ്നി ''"നീ എന്ത് വേണമെങ്കിലും ചെയ്തോ... അതിനെല്ലാം ഞാൻ നിന്നു തരാം... ആദ്യം നീ ഇവരെ അഴിച് വിട്... പിന്നെ..""

ശിവി.. ""പിന്നെ ?... ""അഗ്നി ""എനിക്കെന്റെ ഐസയെയും യാദിയെയും അവസാനം ആയിട്ട്... ഒരൊറ്റ പ്രാവശ്യം ഒന്ന് കാണിച് തരാവോ...പ്ലീസ് "" ശിവി കരഞ്ഞോണ്ട് കേണ് അപേക്ഷിച്ചതും... ""ഹ്മ്മ്... പോരാ... ഒന്നുകൂടെ കാല് പിടിക്ക്... എന്നിട്ട് എന്റെ മുന്നില് അപേക്ഷിക്ക്... കരഞ്ഞോണ്ട് എന്റെ കാല് കീഴിൽ കിടക്ക്.. എന്നാ ഞാൻ വേണമെങ്കിൽ ഒന്ന് കാണിച്ചു തരാം... ""അഗ്നി ""മോളേ... വേണ്ട മോളേ... നീ അങ്ങനെ ചെയ്യരുത് മോളേ... അവന്റെ കാലിൽ നീ വീയരുത് "" ബന്ധയാക്കിയവര് അങ്ങനെയൊക്കെ ശിവിയോട് പറയുന്നുണ്ടങ്കിലും... അവൾക്ക് ഒരുപാട് ആഗ്രഹം ഉണ്ടായിരുന്നു അവരെ രണ്ട് പേരെയും. അവസാനം ആയി ഒന്ന് കാണാൻ... വേദനയോടെ ആണെങ്കിലും ശിവി അഗ്നിയുടെ കാല് ചുവട്ടിൽ ഇരുന്നു...അവന്റെ കാല് പിടിച്ചോണ്ട് അവള് കരഞ്ഞു...

""എനിക്കെന്റെ യാദിയെയും ഐസയെയും ഒന്ന് കാണിച്ചു തരണം... പ്ലീസ്... ഒരു പ്രാവശ്യം... ഒറ്റ പ്രാവശ്യം അവരെ ഒന്ന് കാണണം... "" പൊട്ടി കരഞ്ഞോണ്ട് ശിവി അഗ്നിയുടെ കാലിൽ പിടിച്ചതും... അത് ആസ്വദിച്ചു കൊണ്ട് പെട്ടന്ന് അഗ്നി ശിവിയെ കാല് കൊണ്ട് ചവിട്ടി... ""ആഹ്... ""ശിവി ""നിന്റെ ആഗ്രഹം ഒരിക്കലും നടക്കില്ല ശിവി...നിന്റെ ഐസയും യാദിയും ഇപ്പൊ മുകളിലേക്ക് എത്തിക്കാണും... ദൈവത്തിന്റെ അടുത്തേക്ക്... ""അഗ്നി ""യാദി...ഐസ... ആാാാാ "" ശിവിയുടെ അവരുടെ പേര് പറഞ്ഞു കൊണ്ട് പൊട്ടി കരഞ്ഞു....അവളുടെ കരച്ചില് അവിടെ മുഴുവൻ അലയടിച്ചു കേട്ടു... ""വാ... നീ എന്നെ വിവാഹം ചെയ്തില്ലെങ്കിൽ ഇനി നിനക്ക് വേണ്ടി ജീവിക്കുന്ന ഇവരെ ഞാൻ കൊല്ലും... എഴുന്നേൽക്ക്... വാ... "" അഗ്നി ശിവിയോട് പറഞ്ഞതും...

ഒരുപാട് കരഞ്ഞു തളർന്ന ശിവിയെ രണ്ട് സ്ത്രീകൾ വന്ന് എഴുന്നേൽപ്പിച്ചു കൊണ്ട് പോയി... ശിവി മനസ്സ് കൊണ്ട് അപ്പോയെക്കും മരിച്ചു പോയിരുന്നു... ********* യാസി...** യാദിയും ഐസയും പോയിട്ട് യാസിക്കും ഷാഹിക്കും ഒരു സമാധാനവും ഇല്ലായിരുന്നു... മിന്നുനെയും സിപ്പിയെയും ഒന്നും അറിയിക്കാതെ അവരുടെ വീട്ടിൽ കൊണ്ട് പോയി ആക്കി... അവര് കൂടെ ഇതൊക്കെ അറിഞ്ഞാ അവര് തകർന്ന് പോകും എന്ന് ഉള്ളത് കൊണ്ട് യാദി പോയത് പോലും അവരെ അറിയിച്ചിരുന്നില്ല... ""യാസി... എനിക്ക് വയ്യടാ എല്ലാം അറിഞ്ഞിട്ടും ഇങ്ങനെ ഇരിക്കാൻ..... ഐസയുടെ കാര്യം തന്നേ ഇപ്പൊ എന്തായികാണും എന്ന് അറിയില്ലലോടാ... ""ഷാഹി ''"വാടാ... നമക്ക് ഒന്ന് അന്വേഷിക്കാ എങ്കിലും ചെയ്യാം..."" യാസിയും ഷാഹിയും എല്ലാ സ്ഥലങ്ങളിൽ പോയി...

എല്ലായിടത്തും യാദി ഐസയെ കൊണ്ട് വന്നിരുന്നു എന്ന് പറഞ്ഞു...പക്ഷെ അവര് പിന്നേ എങ്ങോട്ട് പോയെന്ന് ആർക്കും അറിയില്ലായിരുന്നു... മാധവിന്റെ അടുത്ത് പോയതും മാധവും ഇവിടെ വന്നിരുന്നു എന്ന് പറഞ്ഞു... ""എനിക്കെന്തോ യാദിയുടെ പെരുമാറ്റത്തിൽ എന്തോ പേടിച്ചു പോലെ തോന്നി... അവന്റെ മനസ്സിൽ എന്തൊക്കെയോ വേണ്ടാത്ത ചിന്തകൾ വല്ലതും വന്ന പോലെ ""മാധവ് ""ഷാഹി എനിക്കെന്തോ... അരുതാത്തത് നടന്ന പോലെ ഒരു തോന്നൽ ഉണ്ടടാ...അവനിനി ഐസയെയും കൊണ്ട് ആ വലിയ കൊക്കയിലേക്ക് എങ്ങാനും...."" യാസി പറഞ്ഞ് തീർക്കും മുന്നേ ഷാഹിയുടെ ഫോണിലേക്ക് ഒരു call വന്നു... ""Shahiq സാർ... കടലിൽ 2 ബോഡി കിട്ടിയിട്ടുണ്ട്... പൊങ്ങി കിടക്കുന്നത് ആരോ കണ്ടതാ...

കരയിൽ ബോഡി കിടത്തിയിട്ടുണ്ട്... ഏതെങ്കിലും കൊക്കയിൽ നിന്ന് ചാടി സൂയിസൈഡിന് ശ്രമിച്ചതാണെന്ന് തോന്നുന്നു... ബോഡി അത്ര പഴകിയിട്ടൊന്നും ഇല്ലാ... "" ഷാഹിയുടെ ഒരു സ്റ്റാഫ്‌ അവനെ വിളിച്ചു പറഞ്ഞതും ഷാഹി അത് കേട്ട് സ്തംഭിച്ചു നിന്നു പോയി... ""എ... എത്ര... വയസ്സുള്ള ബോഡിയാ "" ഷാഹി അത് ചോദിക്കുമ്പോൾ അവന്റെ ശബ്ദം ഇടറി... ഹൃദയം വളരെ വേദനിച്ചു... ""ഒരു 6 വയസ്സുള്ള പെൺകുട്ടിയുടെയും 28,29 പ്രായമുള്ള ഒരു ചെറുപ്പക്കാരെന്റെയും ആണ്... അച്ഛനും മോളും ആണെന്ന തോന്നുന്നേ...വളരെ അത്ഭുതം എന്താണെന്ന് വെച്ചാൽ ആ അച്ഛൻ ആ കുഞ്ഞിന്റെ കൈകൾ ഇപ്പോഴും വിട്ടിട്ടില്ല സാർ **തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...