💟 സങ്കീർത്തനം 💟: ഭാഗം 21

രചന: കാർത്തിക

ഹോസ്പിറ്റലിൽ പോകും വഴിക്ക് സംഗീതിന്റെ ചിന്തകൾ പലവഴിക്കായിരുന്നു കാർത്തികയെ ലക്ഷ്യം വച്ചു കൊണ്ട് മാത്രമാണ് ഇന്നവിടെ വിമൽ അങ്ങനെ ഒരു നാടകം നടത്തിയത്.... ഒന്നുകിൽ അവളെ നേരത്തെ തന്നെ ട്രാപ്പിലാക്കാണം എന്ന് കരുതിയിരിക്കും അല്ലെങ്കിൽ അവളെ ക്യാമ്പസിൽ തനിച്ചു കണ്ടപ്പോൾ അന്നേരം തോന്നിയ ബുദ്ധി ആയിരിക്കണം ഇത്.... എന്തായാലും സംശയം തീർത്തു കളയാം എന്നു കരുതി കീർത്തിയോടു തന്നെ ചോദിച്ചു. "കീർത്തിക്ക് ആ വിമലിനെ അറിയാമോ ......" പെട്ടെന്ന് ഇപ്പോൾ എന്ത് പറയും എന്നായി കാർത്തിക.... അറിയാം എന്നു പറഞ്ഞാൽ "എങ്ങനെ" എന്നുള്ള ചോദ്യം വരും, അറിയില്ല എന്നു പറഞ്ഞാൽ കള്ളം പറഞ്ഞതു പോലെയാവില്ലെ.... വല്ലാത്തൊരു കുരുക്കാണല്ലോ ഇത്. എന്റെ മറുപടി ഒന്നും കിട്ടാഞ്ഞിട്ട് ആവണം റിനു മിസ്സ് പറഞ്ഞു " ഈ വിമൽ ആ വിജിത ടീച്ചറുടെ ബ്രദർ ആണ് സർ...." "ഏത്.... ആ.... അഭിജിത്ത് സർ ന്റെ കൂടെ എപ്പോഴും കാണുന്ന ടീച്ചർ ആണോ.... " "ആഹ്.... അതെ...... " "അവർ തമ്മിൽ എന്താ ടീച്ചർ റിലേഷൻ, എപ്പോഴും രണ്ടും ഒരുമിച്ചാണ്... അധ്യാപകരാണ് എന്നുള്ള ബോധം പോലും ചില നേരത്ത് അവർക്കില്ല......"

" ശരിയാ, സ്റ്റാഫ് റൂമിൽ ആർക്കും അതൊട്ടും പിടിക്കുന്നില്ല സർ ആരും ഒന്നും പറയുന്നില്ല എന്നേ ഉള്ളു.... അവർ കസിൻസാണു, വിവാഹം കഴിക്കാൻ പോകുന്നു എന്നൊക്കെയാ പറയുന്നേ..... " അത് കേട്ടപ്പോൾ കീർത്തിയുടെ ഉള്ളിൽ ഒരു വിങ്ങലുണ്ടായി എത്ര അടക്കിപ്പിടിച്ചിട്ടും അതൊരു തേങ്ങലായി പുറത്ത് വന്നു. ഭാഗ്യത്തിന് പിന്നീട് അവർ രണ്ട് പേരും കീർത്തിയോട് ഒന്നും ചോദിച്ചില്ല. ഹോസ്പിറ്റലിൽ എത്തി ക്യാഷ്വാലിറ്റിയിലേക്ക് പോകാൻ തുടങ്ങുമ്പോൾ അവിടെയുള്ള ചെയറിൽ അഭിജിത്തിന്റെ അച്ഛനും അഭിയും ഒക്കെ ഇരിക്കുന്നത് കീർത്തി കണ്ടു.. "ഇവരെന്താ ഇവിടെ..." അപ്പോഴേക്കും അച്ചു അവളെ കണ്ടിരുന്നു, "അയ്യോ കീർത്തി ഇതെന്ത് പറ്റിയടാ.... ഇതെങ്ങനെയാ മോളെ നിന്റെ നെറ്റി മുറിഞ്ഞേ.... നീ ആകെ വല്ലാണ്ടിരിക്കുന്നുവല്ലോ എന്താട... എന്താ ഉണ്ടായേ.... " ഒന്നും പറയാനാവാതെ കീർത്തി അവനെ ദയനീയമായിട്ടൊന്ന് നോക്കി.. അപ്പോഴേക്കും അഭിയും അച്ഛനും അവളെ കണ്ടിരുന്നു. ആ കോലത്തിൽ കീർത്തിയെ കണ്ടപ്പോൾ അവരിലും ഒരു ഞെട്ടലുണ്ടായി. "അതൊക്കെ പറയാം ആദ്യം ഞങ്ങളിവളെ ഒന്നു ഡോക്ടറെ കാണിക്കട്ടെ.... "

റിനു ടീച്ചർ അച്ചുവിന്റെ ടെൻഷൻ കണ്ടപ്പോൾ റിനു ടീച്ചറിനും സംഗീതിനും ഒരു പോലെ സംശയമായി... അച്ചുവും അവരോടൊപ്പം കീർത്തിയെ ഡോക്ടറെ കാണിക്കാൻ പോയി, മുറിവ് വളരെ ആഴമുള്ളതായിരുന്നു. മുറിവ് ക്ലീൻ ചെയ്ത് മരുന്ന് വച്ചു ഡ്രസ് ചെയ്യുമ്പോഴൊക്കെ കീർത്തി നീറ്റലും വേദനയും കാരണം റിനു ടീച്ചറിനോട് ചേർന്നിരുന്നു. ഒരനിയത്തിയോടെന്ന പോലെ റിനുവും അവളെ ചേർത്തു പിടിച്ചു. അവളുടെ വേദന കണ്ടു നിൽക്കാനാവാതെ സംഗീതും അച്ചുവും അവിടുന്നു പുറത്തിറങ്ങി അഭിജിത്ത് ഇരുന്ന ഭാഗത്തായി വന്നു. അഭിയുടെ അടുത്ത് കിടന്ന ചെയറിലിരുന്നു, അച്ചു ആണെങ്കിൽ കീർത്തിക്ക് എന്ത് പറ്റിയെന്നറിയാതെ നിൽക്കാനും ഇരിക്കാനും വയ്യാത്ത ഒരവസ്ഥയിലായിരുന്നു. "എന്താ പറ്റിയെ നിങ്ങളെന്താ ഇവിടെ....." അഭിയെ നോക്കി കൊണ്ട് സംഗീത് ചോദിച്ചു. " അത് അമ്മയ്ക്ക് പെട്ടെന്ന് എന്തൊ അസ്വസ്ഥത പോലെ തോന്നി..... അങ്ങനെ കൊണ്ടുവന്നതാ ICUവിലാണ്, ഇപ്പോൾ കുഴപ്പമില്ല ഞങ്ങൾ കയറി കണ്ടിരുന്നു...... " " ഇത് അച്ഛനാണോ....." "അതെ.... അത് അനിയനാ അരോമൽ സാറിനറിയാമായിരിക്കുമല്ലോ നമ്മുടെ കോളേജിൽ ആണ്, PG സെക്കന്റിയർ......"

"സാറിന്റെ അനിയനാണോ ഇത്.... എനിക്കറിയില്ലായിരുന്നു... താൻ വിമലിന്റെ ക്ലാസിലാണോ....." വിമലിന്റെ പേര് എടുത്ത് കേട്ടപ്പോൾ അച്ചുവിൽ ഒരു ഞെട്ടലുണ്ടായി.... "അതെ, അവൻ ഞങ്ങളുടെ കസിനും കൂടിയാണ്...." " ഇനിയെങ്കിലും സർ പറയ് കീർത്തിക്ക് എന്താ പറ്റീത്...." അപ്പോഴേക്കും മുറിവൊക്കെ ഡ്രസ് ചെയ്ത് കീർത്തിയും റിനുവും അവിടെ എത്തിയിരുന്നു... "ആഹ്... അതൊ... അത് താൻ ഇപ്പോൾ പറഞ്ഞ തന്റെ കസിൻ ഇല്ലേ വിമൽ.... അവൻ കീർത്തിയെ ഉപദ്രവിക്കാൻ ശ്രമിച്ചു അവനിൽ നിന്നും രക്ഷപ്പെടാൻ വേണ്ടി ഓടിയപ്പോൾ അവിടുണ്ടായിരുന്ന തൂണിലിടിച്ചാണ് നെറ്റി മുറിഞ്ഞത്..." സംഗീത് "ഞങ്ങൾ അവിടുണ്ടായിരുന്നതു കൊണ്ട് ഈ കുട്ടി രക്ഷപ്പെട്ടു, ഇല്ലേങ്കിൽ പിച്ചിചീന്തിയേനെ അവനിവളെ.... ഞങ്ങളെ കണ്ടപ്പോൾ അവൻ ഓടി, സർ പിറകെ പോയെങ്കിലും രക്ഷപ്പെട്ടു കളഞ്ഞു..... എന്തായാലും ഇവൾക്കൊന്നും പറ്റിയില്ലല്ലോ.... "

റിനു അവർ പറഞ്ഞത് കേട്ടപ്പോൾ അഭിജിത്തും അച്ഛനും അക്ഷരാർത്ഥത്തിൽ ഞെട്ടിപ്പോയി.. കേട്ടത് വിശ്വസിക്കാനാവാതെ അവരിരുന്നു. അവരുടെ ഭാവത്തിൽ നിന്നും സംഗീതിന് മനസ്സിലായിരുന്നു അവർക്ക് വിശ്വാസമായിട്ടില്ല എന്ന്. "ഞങ്ങൾ പറഞ്ഞത് സത്യമാണ് അഭി...." സംഗീത് എന്നാൽ അച്ചുവിന്റെ മുഖം ദേഷ്യത്താൽ വലിഞ്ഞു മുറുകി... "ഞാനിന്ന് ഇല്ലാന്ന് അവനറിയാമായിരുന്നു ആ ധൈര്യത്തിലാണ് അവനിന്ന് വീണ്ടും എന്റെ കീർത്തിയെ കൈവച്ചത് .... വെറുതെ വിടില്ല ഞാൻ അവനെ.... ചെറ്റ...." അച്ചു പറഞ്ഞപ്പോൾ സംഗീത് സാറും റിനു ടീച്ചറും അമ്പരന്നു പോയി. "ഏട്ട.... നിങ്ങളെന്താ ഇവിടിരിക്കുന്നേ അമ്മ എവിടെ ..... " അച്ചൂനോട് കീർത്തി ചോദിച്ചു " അത് മോളെ.... അമ്മയ്ക്ക് പെട്ടെന്ന് ഒരു തളർച്ച പോലെ തോന്നി പ്രഷറും ഷുഗറും ഒക്കെ ഉള്ളതല്ലെ ഞങ്ങൾ പേടിച്ചു പോയി.... ഇപ്പോൾ കുഴപ്പമില്ല ടാ...." അവൾ അഭിയുടെ അച്ഛനെ ഒന്നു നോക്കി അപ്പോൾ അദ്ദേഹവും അവളെ നോക്കുവായിരുന്നു. അവളൊന്നു പുഞ്ചിരിച്ചു. " പോകാം നമുക്ക്.... "റിനു " ഉം... " കീർത്തി "പോട്ടേ.... " അച്ചുവിനോടായി അവൾ ചോദിച്ചു. ഒരു മങ്ങിയ ചിരിയോടെ അവൻ തലയാട്ടി.

" മുറിവ് നോക്കണേ മെഡിസിൻസ് ഒക്കെ കഴിക്കണേ സമയത്ത്, ഞാൻ വിളിക്കാം മോൾ പൊയ്ക്കോ.... " അച്ചു. അവർ പോയി കഴിഞ്ഞപ്പോൾ അച്ചു അഭിയുടെ നേരേ തിരിഞ്ഞ് " ഏട്ടൻ ആഗ്രഹിച്ചതു പോലെ കീർത്തി ഏട്ടന്റെ ജീവിതത്തിൽ നിന്നും ഒഴിവായി തന്നില്ലേ പിന്നെന്തിനാ അവളെ വിടാതെ നിങ്ങൾ ഇനിയും ഉപദ്രവിക്കുന്നത്..... " "ഡാ, ഞാനല്ല സത്യമായിട്ടും എനിക്കൊന്നും അറിയില്ല..... " അഭി " അച്ഛൻ ഇരിക്കുന്നതു കണ്ട് കൂടുതൽ അഭിനയിക്കല്ലേ നിങ്ങൾ...." "ഡാ ഞാൻ പറഞ്ഞത് സത്യമാ ഇന്നത്തെ കാര്യം ഞാൻ അറിഞ്ഞിട്ടില്ല..... " " അപ്പോൾ ഇന്നത്തെ കാര്യം അറിഞ്ഞിട്ടില്ല.... ശരി... ഞാൻ വിശ്വസിച്ചു..... അപ്പോൾ അന്ന് ഏട്ടനും കുടി അറിഞ്ഞു കൊണ്ടാണ് നമ്മുടെ വീട്ടിൽ വച്ച് അന്ന് കീർത്തിയെ ഉപദ്രവിക്കാൻ ശ്രമിച്ചത് അല്ലെ...." അച്ചു കേൾവിക്കാരനായി തന്റെ അച്ഛൻ അടുത്തിരിപ്പുണ്ടെന്ന് ഓർക്കാതെ അഭി സംസാരം തുടർന്നു..... " അന്നും ഞാൻ അവളെ ഉപദ്രവിക്കാനൊന്നും പറഞ്ഞിട്ടില്ല.

കീർത്തിയെ ഒഴിവാക്കുന്ന കാര്യം പറഞ്ഞപ്പോൾ വിമൽ തന്നെ പറഞ്ഞ ഐഡിയ ആയിരുന്നു അത്.... " അഭിയുടെ വായിൽ നിന്നും തന്നെ സത്യം പുറത്തുവന്നു. എന്തൊ ഓർത്ത പോലെ അഭി പെട്ടെന്ന് അച്ഛനെ നോക്കി.. സ്വന്തം മകന്റെ നാവിൽ നിന്നു തന്നെ സത്യങ്ങൾ കേട്ടറിഞ്ഞതിന്റെ ഷോക്കിലാണ് അദ്ധേഹം. തന്റെ നാവ് തന്നെ ചതിച്ചത് ഓർത്ത് കൊണ്ട് അഭി പെട്ടെന്ന് എഴുന്നേറ്റ് പുറത്തേക്ക് പോയി. " അച്ഛൻ കേട്ടല്ലോ ഏട്ടൻ പറഞ്ഞത് കീർത്തിയെ വീട്ടിൽ നിന്ന് ഇറക്കിവിടാനായി അവർ കളിച്ച നാടകത്തെപ്പറ്റി..... " "ഉം... " വല്ലാത്തൊരു അസ്വസ്ഥതയോടെ അയാൾ മൂളി " എന്നാൽ അച്ഛനും ഏട്ടനും അറിയാത്ത ഒന്നു കൂടിയുണ്ട്, കീർത്തിയെ ഒഴിവാക്കാനായിട്ടുള്ള ഒരു നാടകം മാത്രമായിരുന്നില്ല വിമലിന്റെ ഉദ്ധേശം, അവളെ ബലമായി കീഴ്പ്പെടുത്തുക കൂടിയായിരുന്നു. ഇന്നും അതാണ് കോളേജിൽ സംഭവിച്ചത്.... ആദ്യം മുതൽക്കുതന്നെ കീർത്തിയോടുള്ള വിമലിന്റെ പെരുമാറ്റം വളരെ മോശമായിരുന്നു. ഇടയ്ക്ക് വച്ച് അവളെന്നോട് അത് പറഞ്ഞിട്ടും ഉണ്ട്......" അഭിയുടെ അച്ഛൻ കേട്ടത് വിശ്വസിക്കാനാവാതെ ഇരുന്നു.............. തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...