💟 സങ്കീർത്തനം 💟: ഭാഗം 23

രചന: കാർത്തിക

കിടാക്കാനൊരുങ്ങുന്നതിന് മുന്നേ അച്ചുവിനേയും അവളുടെ രണ്ട് ഏട്ടൻമാരെയും മാറി മാറി വിളിച്ചെങ്കിലും സ്വിച്ച്ഓഫ് എന്നായിരുന്നു മറുപടി.... ആ സമയം വിമലിന്റെ വീട്ടുമുറ്റത്തായിരുന്നു അവർ മൂവരും, "ഡാ.... അച്ചു നീ ചെന്ന് ബെല്ലടിക്ക് ആദ്യം.... അവൻ അവിടെ ഉണ്ടോന്ന് അറിയണം ആദ്യം..." കാശി നാഥ് (കീർത്തിയുടെ വല്ല്യേട്ടൻ) അവിടാരും ഉറക്കമായിരുന്നില്ല അതുകൊണ്ട് ബെല്ലടിച്ച ഉടനെ ഡോർ തുറന്നു. "നീയൊ.... നീ എന്താടാ ഈ നേരത്ത്.. ഹോസ്പിറ്റലിൽ ആരാ, എന്തെങ്കിലും വിശേഷം ഉണ്ടോടാ..... " വിമലിന്റെ അച്ഛനാണ് (ആളോരു ശുദ്ധനും പാവവും ആണ് അതുകൊണ്ട് അമ്മയ്ക്കും മക്കൾക്കും അയാളോട് ഒരു ബഹുമാനവു ഇല്ലായിരുന്നു) "അവിടെ കുഴപ്പമൊന്നും ഇല്ലമ്മാവാ വിമൽ ഇല്ലേ ഇവിടെ..... അവനെ ഒന്നു കാണണം" അച്ചു "എന്താ മോനെ.... എന്താടാ പ്രശ്നം... " അച്ചു അയാളോട് ഇന്നുണ്ടായ സംഭവങ്ങളൊക്കേ പറഞ്ഞു. അപ്പോഴേക്കും ബക്കിയുള്ളവരും ഉമ്മറത്തേക്ക് വന്നു കുട്ടത്തിൽ വിമലും ഉണ്ടായിരുന്നു, അവനെ കണ്ടതോടെ ഇരുട്ടിൽ മറഞ്ഞു നിന്നിരുന്ന കീർത്തിയുടെ ഏട്ടൻമാർ വെളിച്ചത്തു വന്നു.

അവരെ കണ്ടപ്പോൾ വിമലിൽ ഒരു ഞെട്ടലുണ്ടായി പതിയെ അകത്തേക്ക് വലിയാൻ നോക്കിയെങ്കിലും അതിനകം അച്ചു പിടിച്ചു... "ഡാ... വിടെടാ എന്റെ മോനെ... " വിമലിന്റെ അമ്മ " ദേ തള്ളേ മിണ്ടാതിരുന്നോണം ബഹളം വയ്ക്കാനാണ് ഭാവമെങ്കിൽ എന്റെ വിധം മാറും പറഞ്ഞേക്കാം.... " കൈലാസ് നാഥ് (കുഞ്ഞേട്ടൻ ) അതും പറഞ്ഞ് അവൻ വിമലിനെ പുറത്തേക്ക് വലിച്ചിഴച്ചു. " നിങ്ങൾ എന്താ ഈ കാണിക്കുന്നേ, രാത്രിയിൽ വീട്ടിൽ കയറി തെമ്മാടിത്തരം കാണിക്കുന്നോ, പോലീസിനെ വിളിക്ക് അച്ഛാ..." വിജിത "ഛീ... നിർത്തെടി ഒരിക്കൽ നീയും ഇവനും നിന്റെ മറ്റവനും കൂടി എന്റെ പെങ്ങളെ ഉപദ്രവിക്കാൻ ശ്രമിച്ചു അന്ന് അങ്ങനൊരു സാഹചര്യം ആയതു കൊണ്ടാ ഇവനെ ഞാൻ വെറുതെ വിട്ടത് , ഇന്നവൻ വീണ്ടും എന്റെ കൊച്ചിനെ ഉപദ്രവിക്കാൻ നോക്കി അപ്പോൾ ഈ ചെറ്റയെ ഞാൻ വെറുതെ വിടണോ...... " കാശി "നിങ്ങൾ എന്തിനാ മനുഷ്യാ നോക്കി നിൽക്കുന്നേ... പെട്ടെന്ന് പോലിസിനെ വിളിക്ക്....

" വിമലിന്റെ അമ്മ " അവൻ തെറ്റ് ചെയ്തിട്ട് ഉണ്ടെങ്കിൽ ശിക്ഷ അനുഭവിക്കണം, പിന്നെ പോലീസ് അവരെ വിളിച്ചാൽ നിന്റെ മോനേ.... അകത്ത് കിടക്കും എന്തിനാന്നറിയോ ഒരു പാവം പെൺകുട്ടിയെ ഉപദ്രവിക്കാൻ ശ്രമിച്ചതിന്, പോരാത്തതിന് സാക്ഷികളും ഉണ്ട്... പിന്നെ ഹോസ്പിറ്റലിൽ വിളിച്ച് ഒരു ആംബുലൻസ് വരുത്തിക്ക് കുറച്ചു കഴിയുമ്പോൾ ആവശ്യം വരും...." അത്രയും പറഞ്ഞിട്ട് അയാൾ അകത്തേക്ക് പോയി... വിമലിനെ അവർ മൂന്നു പേരും കൂടെ കണക്കിന് പെരുമാറി, ഒന്നു തടുക്കാൻ പോലും ആവാതെ നിസ്സഹായകരായി നിൽക്കാനെ വിജിതയ്ക്കും അമ്മയ്ക്കും ആയുള്ളു, പെട്ടെന്ന് അവൾ ഫോണെടുത്ത് ആരെയൊ വിളിച്ചു പെട്ടെന്ന് വരാൻ വേണ്ടി പറഞ്ഞു. തല്ലിനിടയിലും അച്ചു അത് ശ്രദ്ധിച്ചു. അവനെ അടിച്ചവശനാക്കി, "ഇനി നിന്റെ ഒരു നോട്ടം പോലും ഞങ്ങളുടെ കൊച്ചിന്റെ നേർക്ക് വീഴാൻ പാടില്ല..." കൈലാസ് പറഞ്ഞു വിമലിനെ അവർക്ക് മുന്നിൽ വലിച്ചിഴച്ചു കൊണ്ടിട്ടിട്ട് അവർ പോകാനിറങ്ങി, അപ്പോഴേക്കും മറ്റൊരു കാർ അവിടേക്ക് വന്നു നിന്നു. 🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

പിറ്റേന്ന് രാവിലെ എഴുന്നേറ്റപ്പോൾ മുതൽ സംഗീതിന് വല്ലാത്തൊരു ഉൻമേഷമായിരുന്നു, കീർത്തിയെ കുറിച്ച് ഓർക്കുമ്പോഴൊക്കെ ഒരു കുഞ്ഞു പുഞ്ചിരി അവന്റെ മുഖത്ത് സ്ഥാനം പിടിച്ചു. കഴിക്കാനിരിക്കുമ്പോഴും ആ നറു പുഞ്ചിരി അവനിലുണ്ടായിരുന്നു അവന്റെയാ മാറ്റം നോക്കി കാണുവായിരുന്നു ആ മാതാപിതാക്കൾ, ഒരേ സമയം ആവർക്കത് സന്തോഷവും സങ്കടവും പകർന്നു നൽകി.... "മോനേ.... രുദ്രാ..... " "എന്താ അച്ഛാ.... " "ഞാനൊരു കാര്യം ചോദിച്ചാൽ സത്യം പറയുമോ...." " അച്ഛൻ ചോദിക്ക്.... " "നിന്റെ മുഖത്തെ സന്തോഷത്തിനു കാരണം നീ ഇന്നലെ പറഞ്ഞ ആ കുട്ടിയാണോ.... " "അതെന്താ അങ്ങനെ ചോദിച്ചെ... അച്ഛൻ പറഞ്ഞത് ശരിയാ അവളെ കാണുമ്പോൾ എന്റെ ഋതു അടുത്തുള്ളതു പോലെ തോന്നുവാ, എന്തോ ഒരു സന്തോഷം തോന്നുന്നു ഇപ്പോൾ... " " അത് മോനെ ആ കുട്ടീടെ കല്ല്യാണം കഴിഞ്ഞതല്ലേ.... " സംഗീതിന്റെ അമ്മ " അയ്യോ അമ്മേ എനിക്ക് അവളോട് പ്രണയമൊന്നുമല്ല.... ഞാൻ പറഞ്ഞല്ലോ എന്റെ ഋതുവിനെ പോലെ തോന്നുന്നു അത്രേയുള്ളു അല്ലാതെ വേറൊന്നും ഇല്ല..."

"അതും വേണ്ട മോനേ... അതു നിന്റെ ഋതു അല്ല മറ്റൊരു പെൺകുട്ടിയാണ്, അവൾക്ക് ഒരു ഭർത്താവ് ഉണ്ട്, ഇന്ന് പിണങ്ങിയിരിക്കുന്നവർ നാളെ ഒന്നിക്കാം, എന്റെ കുഞ്ഞ് വേണ്ടാത്തത് ഒന്നും മനസ്സിൽ ചിന്തിച്ചു കൂട്ടണ്ട... അവസാനം എല്ലാം തകർന്നു ഒരിക്കൽ കൂടെ പഴയതുപോലെ നിന്നെ കാണാൻ ഉള്ള ശക്തി ഞങ്ങൾക്കില്ല.... " അമ്മ " അങ്ങനെ ഒന്നും ഇല്ലാ അമ്മേ, ഇനിയും പഴയ രുദ്രനിലേക്ക് ഒരു തിരിച്ചു പോക്ക് ഉണ്ടാവില്ല, നിങ്ങളെ ആരെയും ഞാനിനി വിഷമിപ്പിക്കില്ല......" അതയും പറഞ്ഞവൻ കഴിച്ചു മതിയാക്കി എഴുന്നേറ്റു, അവരോട് യാത്ര പറഞ്ഞ് കോളേജിലേക്ക് പോവാനിറങ്ങി അച്ഛനും അമ്മയും പറഞ്ഞത് ശരിയാണ് തന്റെ മനസ്സിൽ വേണ്ടത്ത ചിന്തയൊന്നും വരാൻ പാടില്ല.... 🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀 ദേവിക എത്ര പറഞ്ഞിട്ടും കേൾക്കാതെ കീർത്തി കോളേജിലേക്ക് പോവാനിറങ്ങി, രണ്ടു പേരും ഓരോന്നും പറഞ്ഞ് നടന്ന് കോളേജ് എത്തിയത് അറിഞ്ഞില്ല. ക്ലാസിലേക്ക് ചെന്നപ്പോൾ എല്ലാവരും എന്നെ തന്നെ നോക്കുവാണ്,

"എന്താ കീർത്തി, തന്റെ നെറ്റിയിലിതെന്തു പറ്റിയതാ.... " ചോദ്യം ക്ലാസിലെ ഫൈസലിന്റെ വകയായിരുന്നു എങ്കിലും എന്റെ മറുപടിക്കായി ക്ലാസിലെ മൊത്തം കുട്ടികളും എന്നെ നോക്കി "അത് ഇന്നലെ ഞാൻ ഒന്ന് വീണതാ.... " "അയ്യേ.... നീ... ഇതുവരെ നടക്കാൻ പഠിച്ചില്ലേ..." വരുൺ " നീ പോടാ, നിനക്ക് ഇപ്പോൾ എന്തൊക്കെ അറിയണം.... " ദേവിക മറുപടി പറഞ്ഞു. അന്ന് പതിവിന് വിപരീതമായി ദേവിക എന്റെടുത്താണ് ഇരുന്നത്.. ഞാനൊന്നു നോക്കിയപ്പോൾ എന്നെ നോക്കി ഇളിച്ചു എന്നിട്ട് പറയാ" ഞാനും ഇനി മുതൽ നിന്നോടൊപ്പം ആണെന്ന് " ബാഗൊക്കെ വച്ച് ഇരിക്കാൻ തുടങ്ങുമ്പോഴേക്കും, അച്ചുവേട്ടൻ ക്ലാസിലേക്ക് വന്നു, "എങ്ങനെയുണ്ടെടോ നിനക്ക്...'' അച്ചു "എനിക്ക് കുഴപ്പമൊന്നും ഇല്ല ഏട്ടാ..." "ഇനി എന്നാ ഹോസ്പിറ്റലിൽ വരാൻ പറഞ്ഞേക്കുന്നേ.... " ' അച്ചു "നാളെ... ഏട്ടാ അമ്മയ്ക്ക് ഇപ്പോൾ എങ്ങനെയുണ്ട്.... " " അമ്മയെ റൂമിലേക്ക് മാറ്റി, നിന്റെ കാര്യം അറിഞ്ഞപ്പോൾ നിന്നെ കാണണം എന്നു പറഞ്ഞു....

" അ ച്ചു "നാളെ വരുമ്പോൾ ഞാൻ വന്ന് കണ്ടോളാം ഏട്ട....,.. " "ഞാൻ വന്ന കാര്യം പറയാൻ മറന്നു... നീ ഒന്നു പുറത്തേക്ക് വന്നേ...'' അച്ചു "എന്തിനാ ഏട്ടാ..." "നീ.. വാന്നേ.... ദേ ആ സാധനത്തെക്കൂടി വിളിച്ചോ....." ദേവികയെ ചൂണ്ടി പറഞ്ഞു ഞാൻ നോക്കുമ്പോൾ അവളാണെങ്കിൽ ആകെ കിളി പോയ അവസ്ഥയിൽ നിൽക്കുവാ ഞങ്ങളുടെ സംസാരം കേട്ടിട്ട്... ഞാനവളെ തട്ടി വിളിച്ചപ്പോഴാ അവൾക്ക് ബോധം വന്നേ ഞാനവളേയും കൂട്ടി പുറത്തിറങ്ങി നോക്കുമ്പോൾ ഗൗണ്ടിൽ എന്റെ ഏട്ടൻമാർ രണ്ടു പേരും ഉണ്ട്, വല്ല്യേട്ടൻ ആരോടോ സംസരിക്കുവാണ് അതാരാ എന്നു നോക്കുമ്പോൾ സംഗീത് സർ ആണ്.... 🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀 കോളേജിലെത്തി വണ്ടി പാർക്ക് ചെയ്ത് സ്റ്റാഫ് റൂമിലേക്ക് നടക്കുമ്പോഴാണ് ഗ്രൗണ്ടിനടുത്തായി രണ്ടു പേർ നിൽക്കുന്നത് കണ്ടത്, ഒരാളെ നല്ല പരിചയം തോന്നുന്നു ഒന്നുകൂടി ശ്രദ്ധിച്ചു നോക്കിയപ്പോഴാണ് ആളെ മനസ്സിലായത് ഞാൻ വേഗത്തിൽ അവരുടെ അടുത്തേക്ക് നടന്നടുത്തു " കാശി...." സംഗീത് ആരോ വിളിച്ചതു കേട്ട് കാശിനാഥ് തിരിഞ്ഞു നോക്കി " രുദ്ര.... നീ... ഇവിടെ...." രണ്ടു പേരും പരസ്പരം കെട്ടിപ്പിടിച്ചു ( രുദ്രന്റെ കോളേജ് മേറ്റ് ആണ് കാശി, മുൻപ് സൂചിപ്പിച്ചിട്ടുണ്ട്...)

"മറന്നോടാ നീ ഞങ്ങളെയൊക്കെ എത്ര കാലായി കണ്ടിട്ട്.... " കാശി " അന്നത്തെ എന്റെ അവസ്ഥ നിനക്കും അറിയാവുന്നതല്ലേ.... " സംഗീത് " ഉം.... നീയെന്താ ഇവിടെ... ഹരിയെ കാണാറുണ്ടോ, നിങ്ങൾ ഇപ്പോൾ എവിടെയാ താമസം, അച്ഛനും അമ്മയും രേവതിയും ഒക്കെ സുഖമായിരിക്കുന്നോ... രേവൂന്റെ കല്ല്യാണം ഒക്കെ കഴിഞ്ഞോടാ, അവളിപ്പോൾ ഡോക്ടറല്ലേ ഏത് ഹോസ്പിറ്റലിലാ വർക്ക് ചെയ്യുന്നേ പിന്നെ എന്തൊക്കെയാടാ നിന്റെ വിശേഷങ്ങൾ..." കാശി "നീയൊന്ന് നിർത്തി നിർത്തി ചോദിക്ക് എന്റെ കാശി.... ഇത് നിന്റെ അനിയനല്ലേ കൈലാസ്...." സംഗീത് " ഉം... അതേ.... പറയടാ നിന്റെ വിശേഷങ്ങൾ...." "എന്റെ വിശേഷം, ഞാനിപ്പോൾ ഇവിടാ പഠിപ്പിക്കുന്നേ, ഇവിടെ അടുത്ത് തന്നെയാ താമസം, അച്ഛനും അമ്മയും രേവുമൊക്കെ സുഖമായിരിക്കുന്നു. പിന്നെ ഹരി അവൻ വെറും ഹരി അല്ല ഹരി നാരായൺ l PS ആണ്, എന്റെ പെങ്ങളേം കെട്ടി സുഖമായിട്ടു കഴിയുന്നു, ഒരു മോളുണ്ട് വൈകാശി രേവു ജോലിക്കു പോണുണ്ട്....

ഇതൊക്കെയാ എന്റെ വിശേഷം, ഇനി നിന്റെ വിശേഷം പറയ്... എല്ലാവരും സുഖമായിരിക്കുന്നോ... നിന്റെ അനിയത്തിയുടെ കല്യാണം ഒക്കെ കഴിഞ്ഞു കാണുമല്ലോ, നീ കെട്ടിയോ......" സംഗീത് " എല്ലാവരും സുഖമായിരിക്കുന്നു പിന്നെ എന്റെ കല്ല്യാണം ഉടനെ കാണും അനിയത്തിയുടെ കല്ല്യാണം കഴിഞ്ഞു...." കാശി "അല്ലാ നീയെന്താ ഇവിടെ..." "ഞാനെന്റെ അനിയത്തിയെ കാണാൻ വന്നതാടാ, ചെറിയച്ഛന്റെ മകൾ ഇവിടാ പഠിക്കുന്നേ.... നിന്റെ കല്ല്യാണം...... '' " ഇല്ലെടാ..... എന്റെ ഋതുവിനെ മറന്ന് എനിക്കൊരു ജീവിതം ഇല്ലാ.... " "ഉം.... സത്യത്തിൽ എന്റെ മനസ്സിൽ ഒരാഗ്രഹം ഉണ്ടായിരുന്നു, നിന്നെ അടുത്തറിഞ്ഞപ്പോൾ തുടങ്ങിയ മോഹമാ അത് ഒരു പക്ഷേ ഋതു നിന്റെ ജീവിതത്തിൽ വന്നില്ലായിരുന്നുവെങ്കിൽ ആ ആഗ്രഹം നടന്നതേ..... " "എന്താഗ്രഹം... " "അത് എന്റെ അനിയത്തിയെ നിന്നെ കൊണ്ട് കെട്ടിക്കണം എന്ന്.. " "ആരെ കാവേരിയേയോ.... അവൾ എനിക്കും പെങ്ങൾ തന്നെയല്ലേടാ....." "അല്ലെടാ..... എന്റെ ചെറിയച്ഛന്റെ മകൾ കീർത്തിയെ.... " "ഏട്ടാ....." ....... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...