💞 അഗ്നിസാക്ഷി 💞: ഭാഗം 1

എഴുത്തുകാരി: സ്‌നേഹ സാജു

"ജാതക ദോഷം പിടിച്ചതിനെ ഇനിയും ഇവിടെ നിർത്താൻ പറ്റില്ല ഏതേലും ഒരു അനാഥാലയത്തിലേക്ക് കൊണ്ടാക്കാം ചിലവിന് എത്രയാന്ന് വെച്ചാൽ അതും കൊടുക്കാം. രാമചന്ദ്രന്റെ ഉച്ചത്തിലുള്ള ശബ്ദം കേട്ടാണ് എല്ലാവരും ഉമ്മറത്തേക്ക് വന്നത്. " ഏട്ടാ ഒന്നു പതുക്കെ അമ്മ അകത്തുണ്ട് " എന്തിനാ ഭാനു ശബ്ദം കുറക്കുന്നെ അമ്മക്കു കൂടി അറിയാവുന്ന കാര്യങ്ങൾ അല്ലെ ഇതൊക്കെ. " എന്താ അവിടെ, രാമ നീ എന്തിനാ ഇങ്ങനെ ഒച്ച വെക്കുന്നെ. 70 വയസൊള്ളം പ്രായമായ ഒരു സ്ത്രീ അവരുടെ അടുത്തേക്ക് വന്നുകൊണ്ട് ചോദിച്ചു. " എന്തിനാ ഒച്ച വെക്കുന്നതെന്നോ, ജ്യോൽസ്യൻ പറഞ്ഞതൊക്കെ അമ്മയും കേട്ടതല്ലേ എന്നിട്ടും ഒന്നും മിണ്ടാതെ ഇരിക്കുന്നത് എന്താ. " മോനെ അത്. " എന്താ ഒന്നും പറയാനില്ലേ അമ്മക്ക്. ആ നാശത്തിനെ എത്രയും പെട്ടെന്ന് എങ്ങോട്ടേലും ഇറക്കി വിടണം.

ജനിച്ചപ്പോൾ തന്നെ അമ്മയെയും അച്ഛനെയും കൊന്നു ഇനി ആരെ ഒകെ ആണാവോ ഇല്ലാതാക്കാൻ പോകുന്നെ. " അച്ഛാ... ദേഷ്യത്തോടെ ഉള്ള വിളി കെട്ടാണ് എല്ലാവരും വാതിൽക്കലേക്ക് നോക്കിയത് അപ്പോളേ കണ്ടു അവരുടെ അടുത്തേക്ക് പാഞ്ഞു വരുന്ന ഒരു പെൺകുട്ടിയെ. (ഇനി നമ്മുക്ക് ഇവരെ ഒന്നു പരിചയ പെട്ടാലോ ഇതാണ് മുല്ലശേരി തറവാട്. ഇവിടുത്തെ തലമൂത്ത കാർന്നവർ കൃഷ്ണവാര്യർക്കും സുഭദ്രമ്മാക്കും രണ്ടു മക്കൾ രാമചന്ദ്രനും രാധികയും. ആറു വർഷം മുൻപ് കൃഷ്ണവാര്യർ ഇവരെ വിട്ടു പോയി. രാമചന്ദ്രൻ ഭാര്യ ഭാനുമതി ഇവർക്ക് മൂന്ന് മക്കൾ. സഞ്ചയ് ഭാര്യ ദിവ്യ ഒരു മകൻ കാശിബ്. പിന്നെ രണ്ട് സഹോദരിമാർ സാക്ഷിയും സന്ധ്യയും. ഇവരാണ് ഇപ്പോ തറവാട്ടിൽ താമസിക്കുന്നത്. ഒരു വർഷം മുന്നേ ഉണ്ടായ ഒരു ആക്സിഡന്റിൽ സഞ്ചയ് മരണ പെട്ടു, ദിവ്യ പ്രസവത്തോടെയും .

രാമചന്ദ്രന് ഒരു സഹോദരി രാധിക ഭർത്താവ് നന്ദഗോപൻ രണ്ട് മക്കൾ പ്രവീണും പ്രയാകയും. ഇവർ ദുബായ് താമസിക്കുന്നു. ) " എന്തൊക്കെയാ അച്ഛാ ഈ പറയുന്നേ, ഒന്നില്ലെങ്കിലും ആ കുഞ്ഞ് നമ്മുടെ ചോരയല്ലേ ഏട്ടന്റെ കുഞ്ഞ്. ഒന്നും തിരിച്ചറിയാൻ പോലും പ്രായമാകാത്ത ആ പൊടി കുഞ്ഞിനെ കുറിച്ച് എന്തിനാ ഇങ്ങനൊക്കെ പറയുന്നത്. " സാക്ഷി അച്ഛനെ ചോദ്യം ചെയ്യാനും മാത്രം നീ വളർന്നിട്ടില്ല കേറി പൊടി അകത്ത് ഭാനുമതി ദേഷ്യത്തോടെ പറഞ്ഞു. " ഇല്ല അമ്മേ എനിക്ക് പറയണം, അമ്മ എന്നെ പറഞ്ഞു വിടാൻ നോക്കണ്ട എന്റെ ഏട്ടന്റെ കുഞ്ഞിനെ കുറിച്ചാ ഇവിടെ ഓരോന്നും പറയുന്നത് അതിന് മറുപടി പറയാൻ ഞാൻ ബാധ്യസ്ഥയാ. ഭാനുമതി ബലം പിടിച്ചവളെ അടത്തേക്ക് കൊണ്ടുപോകാൻ തുടങ്ങി. " വേണ്ട ഭാനു അവൾ പറയട്ടെ. ഇങ്ങനെ ഓക്കേ നടക്കുന്ന് ജ്യോൽസ്യൻ പറഞ്ഞതല്ലേ. കുടുംബം മുടിയാൻ പിറന്ന ആ സന്തതി ഇവിടെ ഉള്ളോടുത്തോളം കാലം ഇതും ഇതിലപ്പുറവും ഉണ്ടാകും. ഇനി ആരുടെ ജന്മം ആണാവോ എടുക്കാൻ പോകുന്നത്. രാമചന്ദ്രൻ ദേഷ്യത്തോടെ പറഞ്ഞു. "

ഒന്നു നിർത്തുന്നുണ്ടോ അച്ഛാ ഈ അന്ധവിശ്വാസങ്ങൾ. തിരിച്ചറിവ് പോലും ആകാത്ത ഒരു പൊടി കുഞ്ഞിനെ കുറിച്ചല്ലേ ഇങ്ങനെ ഓക്കേ പറയുന്നത്. ഈ കണക്കിനു പോയാൽ ഞാൻ ജീവനോടെ ഇരിക്കുന്നത് കുടുംബത്തിന് ദോഷം ആണെന്ന് ജ്യോൽസ്യൻ പറഞ്ഞാൽ അച്ഛൻ എന്നെ കൊല്ലാനും മടിക്കില്ലലോ സാക്ഷി പരിഹാസത്തോടെ പറഞ്ഞു. " ഡി. ഭാനുമതി ദേഷ്യത്തോടെ പാഞ്ഞു വന്ന് അവളുടെ മുഖമടച്ചൊന്നു കൊടുത്തു. പ്രതീക്ഷിക്കാതെ ഉള്ള അടിയായതിനാൽ അവൾ നിലത്തേക്ക് വീണു പോയി. താഴേക്ക് വീണ അവളെ സുഭദ്രാമ്മ പിടിച്ചെഴുനേൽപ്പിച്ചു.അവളെ ഒന്നു നോക്കിയിട്ട് രാമചന്ദ്രൻ പറഞ്ഞു തുടങ്ങി. " ആരൊക്കെ എന്തെല്ലാം പറഞ്ഞാലും എന്റെ തീരുമാനത്തിന് മാറ്റമില്ല ആ കുഞ്ഞിനെ ഇനി ഈ വീട്ടിൽ നിർത്താൻ ഞാൻ അനുവദിക്കില്ല.

കവിളിൽ അടി കൊണ്ട് തിണർത്ത പാടിൽ ഒന്നു തടവികൊണ്ട് സാക്ഷി പറഞ്ഞു. " എന്നാലേ ഞാനും അച്ഛന്റെ മോളു തന്നെയാ എന്റെ തീരുമാനത്തിനും മാറ്റമില്ല കുഞ്ഞിനെ ഒറ്റക്കാക്കാൻ ഞാൻ തയാറല്ല ഞാൻ എവിടെ ആണോ അവിടെ ഉണ്ടാകും അവനും. എന്റെ ഏട്ടൻ മരിക്കുന്നതിന് മുന്നേ ഞാൻ കൊടുത്ത വാക്ക കുഞ്ഞിനെ നോക്കിക്കൊള്ളാന്ന്. അത് എനിക്ക് പാലിച്ചേ മതിയാകു. " ഓഹോ അങ്ങനെ ആണോ, ഞാൻ പറയുന്നത് അനുസരിക്കാൻ താല്പര്യം ഇല്ലാത്തവർ ഇപ്പോൾ ഇറങ്ങണം ഇവിടെ നിന്ന്.സാക്ഷിയെ നോക്കി ദേഷ്യത്തിൽ രാമചന്ദ്രൻ പറഞ്ഞു. " രാമ എന്തൊക്കെയാ നീ ഈ പറയുന്നേ ഇവിടന്ന് ഇറങ്ങിയാൽ മോള് എങ്ങോട്ട് പോകാനാ അതും ഒരു പൊടി കുഞ്ഞിനേം കൊണ്ട് നിനക്ക് എന്താ ഭ്രാന്താണോ. സുഭദ്രമ്മ നിറഞ്ഞ കണ്ണുകൾ തുടച്ചുകൊണ്ട് പറഞ്ഞു. "

അതെ എനിക്ക് ഭ്രാന്ത് തന്നെയാ. നാശം പിടിച്ച കുഞ്ഞ് പിറന്ന് വീണപ്പോ തുടങ്ങിയതാ കുടുംബത്തിന്റെ പതനം ഇനിയും നോക്കി നിൽക്കാൻ പറ്റില്ല ഈ രാമചന്ദ്രന്. എന്റെ തീരുമാനത്തിന് മാറ്റമില്ല പോകേണ്ടവർക്ക് പോകാം. എന്ത് തന്നെയായാലും ജാതകദോഷം പിടിച്ചതിനെ ഇനി ഇവിടെ നിർത്തില്ല. " വേണ്ട അച്ഛമ്മേ എനിക്ക് വേണ്ടി ആരും സംസാരിക്കണ്ട എന്റെ ഏട്ടന്റെ കുഞ്ഞിനെ അനാഥത്തൊത്തിലേക്ക് വലിച്ചെറിയാൻ ഞാൻ തയാറല്ല അതുകൊണ്ട് അച്ഛൻ പറഞ്ഞപോലെ ഞങ്ങൾ ഇറങ്ങുവാ. " മോളെ നീ എങ്ങോട്ടാ. " അറിയില്ല പക്ഷെ ഇനിയും ഇവിടെ നിൽക്കുന്നില്ല. പിന്നെ അച്ഛനും അമ്മയും ഒന്ന് ഓർത്ത് വെച്ചോ കാലത്തിന്റെ കണക്കു പുസ്തകത്തിൽ ഒരുനാൾ കണക്കു പറയേണ്ടി വരുമെന്ന്. നീട്ടിയുള്ള ട്രെയിനിന്റെ ചൂളം വിളിയാണ് സാക്ഷിയെ ഓർമകളിൽ നിന്ന് ഉണർത്തിയത്.

തല താഴ്ത്തി മടിയിൽ കിടന്നുറങ്ങുന്ന ഒരുവയസുകാരൻ കാശിയെ ഒന്നു തലോടി. അവളുടെ തലോടൽ അറിഞ്ഞപോലെ കുഞ്ഞി ചുണ്ടുകളിൽ ഒരു പുഞ്ചിരി മിന്നി. പിന്നെയും സമയം നീങ്ങിക്കൊണ്ടിരുന്നു. എറണാകുളം സ്റ്റേഷനിൽ ട്രെയിൻ നിർത്തിയപ്പോളേക്കും കാശിയെ എടുത്തുകൊണ്ടു അവൾ പുറത്തേക്ക് ഇറങ്ങി. ഉറക്കം മുറിഞ്ഞതിന്റെ നീരസത്തിൽ കുഞ്ഞു കാശി ചിണുങ്ങാൻ തുടങ്ങിയിരുന്നു. പ്ലാറ്റഫോംമിലെ ബഞ്ചിലേക്ക് ഇരുന്ന് സാക്ഷി പതിയെ കുഞ്ഞിനെ തട്ടി ഉറക്കാൻ തുടങ്ങി. ഏതാനും സമയത്തിനു ശേഷം കുഞ്ഞുറങ്ങി എന്ന് മനസിലാക്കി ബാഗും എടുത്ത് അവൾ പതിയെ പുറത്തേക്ക് ഇറങ്ങി. സമയം രാത്രി പത്തുമണിയോട് അടുത്തത് കൊണ്ട് ചുറ്റും നല്ല ഇരുട്ട് വീണിരുന്നു. കുറച്ച് സമയം അവൾ ആ ഇരുട്ടിലേക്ക് നോക്കി നിന്നിട്ട് പതിയെ നടന്നു തുടങ്ങി.

റോഡിൽ ഒന്നും തന്നെ ആരും ഉണ്ടായിരുന്നില്ല. കുറച്ച് ദൂരം പിന്നിട്ടപ്പോളെ റോഡിൽ ഒരു കൂട്ടം ആളുകൾ കൂടി മദ്യപിക്കുന്നത് കണ്ടു അവൾ. ഉള്ളിൽ ഒരു പേടി രൂപം കൊണ്ടെങ്കിലും അത് പുറത്ത് കാട്ടാതെ അവൾ മുന്നോട്ട് നടന്നു. എന്നാൽ അല്പം മുന്നോട്ട് നടന്നപ്പോളെ ആരോ പിന്തുടരുന്ന പോലെ തോന്നി അവൾക്ക്. പെട്ടന്ന് തന്നെ അവളുടെ മുന്നിലേക്ക് അഞ്ചു പേർ അടങ്ങുന്ന ഒരു ഗ്യാങ് ചാടി വീണു. അവരിൽ ഒരുത്തൻ കുഞ്ഞിനെ അവളിൽ നിന്ന് പിടിച്ചുവാങ്ങി പിടിയുടെ ശക്തിയിൽ ഉറക്കമായിരുന്ന കാശി വലിയവായിൽ കരയാൻ തുടങ്ങി. അത് കണ്ടപ്പോളേക്കും തന്നെ പിടിച്ച് വെച്ചിരിക്കുന്നവന്റെ കൈകൾ കുടനെറിഞ്ഞു കൊണ്ട് സാക്ഷി കുഞ്ഞിനടുത്തേക്ക് പാഞ്ഞു. " അയ്യോ ഒന്നും ചെയ്യല്ലേ ചേട്ടാ. കുഞ്ഞിനെ പിടിച്ചു വാങ്ങി തുരുതുരെ ഉമ്മ വെച്ചുകൊണ്ട് തൊഴുകൈയാലേ അവൾ പറഞ്ഞു. " ആയ്യോ മോളെ ഞങ്ങൾ ഉപദ്രവിക്കോ. ഈ രാത്രി എവിടെ പോയിട്ട് വരുവാ. ഞങ്ങടെ കൂടെ വാ ഇന്ന് ഒരു ദിവസത്തേക്ക് മതി എത്രയാ റേറ്റ് എന്ന് വെച്ചാൽ പറഞ്ഞാൽ മതി തന്നേക്കാം. വഷളൻ ചിരിയോടെ അവളെ ഉഴിഞ്ഞു നോക്കിക്കൊണ്ട് ഒരുത്തൻ പറഞ്ഞു. "

പോയി നിന്റെ അമ്മയോടും പെങ്ങളോടും ചെന്ന് ചോദിക്കഡാ. ദേഷ്യം കൊണ്ട് വലിഞ്ഞു മുറുകിയ മുഖത്തോടെ സാക്ഷി പറഞ്ഞു. " ഡി. പിടിച്ചു വെച്ചവനെ തള്ളിയിട്ടിട്ട് സാക്ഷി കുഞ്ഞിനേം കൊണ്ട് മുന്നോട്ടേക്ക് ഓടി. ഓടുന്നതിന്റെ സ്പീഡിൽ അവൾ നന്നായി കിതക്കുന്നുണ്ടായിരുന്നു. " വടിവാളേ പിടിയടാ അവളെ, അവരുടെ കൂട്ടത്തിൽ നേതാവ് എന്ന് തോന്നിക്കുന്ന ഒരുവൻ അവരോട് അലറി. അവന്മാർ അവൾക്കു പിന്നാലെ പാഞ്ഞടുത്തു. സാക്ഷി എങ്ങനെ ഒക്കെയോ അവരുടെ കൈയിൽ പെടാതെ മുന്നോട്ടേക്ക് ഓടി. തിരിഞ്ഞു നോക്കി ഓടിയത് കൊണ്ട് മുന്നിൽ നിന്നു വരുന്ന വണ്ടി അവൾ കണ്ടിരുന്നില്ല. അവളെ തൊട്ടു തൊട്ടില്ല എന്ന അവസ്ഥയിൽ മുന്നിൽ നിന്നും വന്ന വണ്ടി സഡൻ ബ്രേക്ക്‌ ഇട്ടു നിന്നു. അപ്പോളേക്കും സാക്ഷി അതിനു മുന്നിലേക്ക് വീണിരുന്നു അപ്പോളും അവളുടെ കൈകൾ കാശിയെ ചേർത്ത് പിടിച്ചിരുന്നു. തുടരും....