💞 അഗ്നിസാക്ഷി 💞: ഭാഗം 10

എഴുത്തുകാരി: സ്‌നേഹ സാജു

പിന്നെയും ദിവസങ്ങൾ ഓടി മറഞ്ഞു കൊണ്ടിരുന്നു. ദിവസങ്ങൾ പോകുന്നതോടൊപ്പം സാക്ഷിയും കുഞ്ഞു കാശിയും ആ വീട്ടിലെ ഒരു അംഗമായി കഴിഞ്ഞിരുന്നു. ചന്ദ്രശേഖരന്റെയും പത്മത്തിന്റേയും നല്ലൊരു മകളായും, അർജുന്റേം അതുല്യയുടേം ചേച്ചി കുട്ടിയായും മാറാൻ സാക്ഷിക്ക് അതികം സമയം വേണ്ടി വന്നില്ല. കുഞ്ഞു കാശിയുടെ കുസൃതിയും കുറുമ്പും ആ വീടിനെ ഓരോ ദിവസവും ഉണർത്തി കൊണ്ടേയിരുന്നു. എന്നാൽ അഗ്നിയുടെ സ്വഭാവത്തിൽ മാത്രം യാതൊരു മാറ്റവും ഉണ്ടായിരുന്നില്ല. കാലത്തിന്റെ പൊക്കിൽ പലമാറ്റങ്ങളും കടന്നു വന്നു. അതുല്യ അവളുടെ പ്ലസ്ടു പഠനം പൂർത്തിയാക്കി കോളേജ് ലൈഫിലേക്ക് ചേക്കേറി, അർജു അവന്റെ പഠനം പുറത്തിയാക്കി ചന്ദ്രശേഖരനോടൊപ്പം ഫാമിലി ബിസിനസ്സിലേക്ക് ചുവടു വെച്ചു. ചന്ദ്രശേഖരൻ സാക്ഷിക്ക് അവളുടെ ആഗ്രഹം പോലെ അതുല്യയുടെ കോളേജിൽ ലക്ചറായി ജോലി ശരിയാക്കി. " അമ്മു, അർജു ഫുഡ് എടുത്തു വെച്ചു കഴിക്കാൻ വരുന്നില്ലേ. " എന്റെ പത്മം താൻ ഇങ്ങനെ ഒച്ച എടുത്ത് തൊണ്ട പൊട്ടിക്കാന്നേ ഒള്ളു

അവർ ഇപ്പോളും കിടക്ക പായിയിൽ നിന്ന് എഴുന്നേറ്റിട്ടുണ്ടാകില്ല. " എന്റെ ദൈവമേ ഇതുങ്ങൾക്കൊന്നും ഇന്ന് പോകണ്ടേ അതെങ്ങനെയാ പാതിരാത്രിയായാലും കിടക്കാതെ ഫോണിൽ കുത്തിയിരിപ്പല്ലേ. അർജുന്റെ കാര്യം പോട്ടെന്ന് വെക്കാം അമ്മു ഒരു പെൺകുട്ടിയല്ലേ അതിന് ആ വിചാരം ഒന്നുമില്ല. പത്മത്തിന്റെ സ്ഥിരം ഉള്ള എണ്ണി പെറുക്കൽ കേട്ടാണ് സാക്ഷി താഴേക്ക് വരുന്നത് അവളുടെ കൈയിലിരുന്ന് കാശിയും പത്മത്തെ നോക്കുന്നുണ്ടായിരുന്നു. സാക്ഷി ചന്ദ്രശേഖരനെ നോക്കി കണ്ണുചിമ്മി കാണിച്ച് പതിയെ പത്മത്തിനടുത്തേക്ക് നടന്നു. " അല്ല എന്താണ് അമ്മക്കുട്ടിയെ ഇവിടെ ഒരു ബഹളം. "സാക്ഷി മോളു വന്നോ, ആ പെണ്ണ് ഇതുവരെ എഴുന്നേറ്റില്ലേ മോളെ. " പിന്നെ അവൾ എപ്പളെ എഴുന്നേറ്റു ഇപ്പൊ വരും ഫ്രഷ് ആകാൻ കേറിയേക്കുവാ. " ആഹാ ഇന്ന് നേരത്തെയാലോ, അത് ഏതായാലും നന്നായി. മോള് ഇരിക്ക് അമ്മ ഭക്ഷണം എടുത്ത് തരാം. ഇവരുടെ സംസാരത്തിനിടക്ക് രണ്ടുപേരെയും ദേഷ്യത്തോടെ മാറിമാറി നോക്കുവായിരുന്നു കാശി.

ദേഷ്യത്തിൽ അവൻ സാക്ഷിയെ അടിക്കാൻ തുടങ്ങിയിരുന്നു. അത് കണ്ട് ചന്ദ്രശേഖരൻ അവരോട് പറഞ്ഞു. " പത്മം താൻ എന്താടോ കാശി കുട്ടനോട് മിണ്ടാതെ ദേണ്ടെ എന്റെ കൊച്ചിന് ദേഷ്യം വരുണ്ട് കേട്ടോ. ചന്ദ്രശേഖരൻ പറയുന്നത് കേട്ടപ്പോളാണ് സാക്ഷിയുടെ കൈയിൽ ഇരിക്കുന്ന കാശിയെ പത്മം കാണുന്നത് പെട്ടന്ന് അബദ്ധം പറ്റിയപോലെ പത്മം ചന്ദ്രശേഖരനെ നോക്കി. രണ്ടു പേരുടേം കളി കണ്ട് സാക്ഷിക്ക് ചിരി വരുന്നുണ്ടായിരുന്നു. " അച്ഛമ്മേടെ കാശി കുട്ടനും ഇവിടെ ഉണ്ടായിരുന്നോ അച്ഛമ്മ കണ്ടത്തെ ഇല്ല. പത്മം കാശിയെ നോക്കി പറഞ്ഞെങ്കിലും അവരെ ഒന്നു മൈൻഡ് പോലും ചെയ്യാതെ കാശി സാക്ഷിയുടെ തോളിലേക്ക് ചാഞ്ഞിരുന്നു. " ഓഹോ കാശി കുട്ടൻ അച്ഛമ്മയോട് പിണക്കാണോ അപ്പൊ ഈ പാലും ബിസ്കറ്റും വേറെ ആർക്കേലും കൊടുക്കാലെ ചന്ദ്രേട്ടാ. കാശിയെ ഒളിക്കണ്ണിട്ട് നോക്കിക്കൊണ്ട് പത്മം പറഞ്ഞു.

അത് കേൾക്കെ സാക്ഷിയുടെ തോളിലേക്ക് ചാഞ്ഞ കാശി പതിയെ തല ഉയർത്തി നോക്കി ചിരിച്ച് കൊണ്ട് പറഞ്ഞു. " യ്യേ, അത്തമ്മേനെ പത്തിച്ചേ കാച്ചിക്ക് പേക്കം ഇയ്യല്ലോ. " അമ്പട കുറുമ്പാ. കാശിയെ എടുത്ത് ഇക്കിളി ആക്കി കൊണ്ട് പത്മം പറഞ്ഞു അപ്പോളേക്കും കാശി കുടുക്കൂടെ ചിരിക്കാൻ തുടങ്ങിയിരുന്നു. " കാശി കുട്ടാ. പെട്ടന്ന് ഉള്ള ശബ്ദം കേട്ടാണ് എല്ലാരും നോക്കിയത്ത് അപ്പോളേ കണ്ടു സ്റ്റെപ് ഇറങ്ങി വരുന്ന അർജുവിനേം അതുല്യയേം. " ആ വന്നോ, നിനക്ക് ഓക്കേ ഇപ്പോളെലും നേരം വെളുത്തല്ലോ ആശ്വാസം. " ഈൗൗൗൗൗൗ പത്മത്തെ നോക്കി ഇളിച്ചു കാണിച്ചോണ്ട് അവർ കസേരയിലേക്ക് ഇരുന്നു. " ഇളിക്കല്ലേ ഇളിക്കല്ലേ ദേ ഇവന്റെ കാര്യം പോട്ടെന്ന് വെക്കാം നീ ഒരു പെങ്കൊച്ചല്ലേ അമ്മു നാളെ മറ്റൊരു വീട്ടിലേക്ക് പോകണ്ടതല്ലേ ഇങ്ങനെയാണെങ്കിൽ വളർത്തു ദോഷമാന്നെ പറയു. " എന്റെ അമ്മേ ഇങ്ങനെ പറഞ്ഞു കൊതിപ്പിക്കാതെ വേഗം അങ്ങോട്ട് നടത്തി താ.

" എന്ത്. " എന്റെ കല്യാണം. " ദേ പെണ്ണെ ഒറ്റ വീക്ക് വെച്ച് തന്നാലുണ്ടല്ലോ, കല്യാണം പോലും. അവരുടെ കളികൾ കണ്ട് സാക്ഷിയും ചന്ദ്രശേഖരനും ചിരി അടക്കി നില്കുവായിരുന്നു. അർജുവും കാശിയും അവരുടെ ലോകത്ത് ആയിരുന്നതിനാൽ ഇതൊന്നും അറിഞ്ഞതെ ഇല്ല. ഇത് ഇപ്പോഴൊന്നും നിർത്തില്ലെന്ന് മനസിലായ ചന്ദ്രശേഖരൻ അവർക്കിടയിൽ കയറി പറഞ്ഞു. " പത്മം നീ ഇങ്ങനെ പിള്ളേരോട് വഴക്കിട്ടോണ്ട് നിൽക്കാതെ അവർക്ക് കഴിക്കാൻ കൊടുക്ക് സമയം പോകുന്നു. " അമ്മ അവിടെ ഇരുന്നോ ഞാൻ എടുത്ത് കൊടുത്തോള്ളാം. പത്മത്തെ അവിടെ ഇരുത്തികൊണ്ട് സാക്ഷി എഴുന്നേൽക്കാൻ തുടങ്ങി. " വേണ്ട മോളെ മോളു കൂടി ഇവരുടെ ഒപ്പം ഇരുന്നോ, കോളേജിൽ പോകാൻ ലേറ്റ് ആകണ്ട. കാശിയെ ചന്ദ്രശേഖരനെ ഏല്പിച്ചു കൊണ്ട് പത്മം അവർക്ക് മൂന്നുപേർക്കും കഴിക്കാൻ കൊടുത്തു. " അല്ല അർജു അഗ്നി എന്തിയെ അവനെ ഇന്ന് താഴേക്ക് കണ്ടില്ലലോ പോകുന്നില്ലേ അവൻ ഇന്ന്. " ആർക്കറിയാം അമ്മേ അല്ലെങ്കിലും ഏട്ടൻ വരുന്നതും പോകുന്നതും ആരാ അറിയുന്നേ. " മ്മ് അവൻ എന്താണാവോ ഇങ്ങനെ.

" ഇജു ജെ കാച്ചിടെ ച്ചാ. കാശിടെ ശബ്ദം കേട്ടാണ് എല്ലാവരും അവനെ നോക്കിയത്ത്. മുകളിലേക്ക് വിരൽ ചുണ്ടി നിൽക്കുന്ന അവനെ കണ്ട് എല്ലാവരും അങ്ങോട്ട് നോക്കിയപ്പോളെ കണ്ടു സ്റ്റേയർ ഇറങ്ങി വരുന്ന അഗ്നിയെ. " ച്ചാ... ച്ചാ.. കുഞ്ഞിൽ നിന്നു വരുന്ന വാക്കു കേട്ട് എല്ലാവർക്കും സങ്കടം വരുന്നുണ്ടായിരുന്നു. എന്നാൽ അതൊന്നും മൈൻഡ് ചെയ്യാതെ അഗ്നി ഫുഡ് വിളമ്പി കഴിക്കാൻ തുടങ്ങി. അഗ്നിയുടെ പ്രവർത്തികൾ പത്മത്തിന് നല്ല സങ്കടം ആക്കുന്നുണ്ടായിരുന്നു നിറഞ്ഞ കണ്ണുകൾ അവർ ആരും കാണാതെ തുടച്ചു മാറ്റി. അഗ്നിയെ കണ്ട സന്തോഷത്തിൽ ആയിരുന്നു കാശി ചന്ദ്രശേഖരന്റെ കൈയിൽ ഇരുന്നുകൊണ്ട് കൈകാലിട്ടാട്ടി സന്തോഷം അറിയിച്ചു കൊണ്ടിരുന്നു. ഇടക്കിടെ അവനെ ഇക്കിളി കാട്ടി ചിരി പിച്ചു തല്ലുകൂടിയും അർജുവും അതുല്യയും ഉണ്ടായിരുന്നു. " ഒന്നു നിർത്തുന്നുണ്ടോ ഭക്ഷണം കഴിക്കുമ്പോളെങ്കിലും നിങ്ങൾക്ക് ഒന്ന് മരിയാതക്ക് ഇരുന്നൂടെ. പെട്ടന്ന് ദേഷ്യത്തോടെ ഉള്ള അഗ്നിയുടെ ശബ്ദം കേട്ട് എല്ലാവരും ഞെട്ടി പോയിരുന്നു കാശി പേടിച്ച് ചന്ദ്രശേഖരനെ ചുറ്റി പിടിച്ച് കരയാൻ തുടങ്ങിയിരുന്നു.

" അഗ്നി എന്തിനാ നീ ഇങ്ങനെ ഒച്ചവെക്കുന്നെ നിനക്ക് ഒന്നു പതുക്കെ പറഞ്ഞൂടെ. കുഞ്ഞ് പേടിച്ച് കരയുന്നത് കണ്ടോ നീ. " ഞാൻ ഒച്ചവെച്ചതാണോ കുറ്റം, എന്താ ഇവിടെ നടക്കുന്നത് എവിടന്നോ കേറി വന്നവരെ ഇവിടെ പിടിച്ച് നിർത്താനും മകളാണ് കൊച്ചുമോൻ ആണെന്ന് ഒക്കെ പറഞ്ഞോണ്ട് നടക്കാൻ അച്ഛന് നാണമില്ലേ. " അഗ്നി ഒരിക്കൽ ഇതെക്കുറിച്ച് നമ്മൾ പറഞ്ഞതാ, നീ പോലീസ് ഓക്കെയാ അത് അങ്ങ് പോലീസ് സ്റ്റേഷനിൽ ഇത് നമ്മുടെ വീടാ ഇവിടെ ഞാനാ നിന്റെ അച്ഛൻ ഞാൻ പറയുന്നതേ നടക്കു. ചന്ദ്രശേഖരൻ ദേഷ്യത്തോടെ പറഞ്ഞതും കഴിച്ചത് മതിയാക്കി അഗ്നി എഴുന്നേറ്റ് പോയിരുന്നു അത് കണ്ട് ചന്ദ്രനെ മുഖം കൂർപിച്ച് നോക്കിക്കൊണ്ട് പത്മം അവനടുത്തേക്ക് ചെന്നു. " മോനെ നീ ഒന്നും കഴിച്ചില്ലലോ. " മതി വയറു നിറഞ്ഞു. ദേഷ്യത്തോടെ സാക്ഷിയെ തുറിച്ച് നോക്കിക്കൊണ്ട് അഗ്നി പുറത്തേക്ക് നടന്നു. " ച്ചാ........ച്ചാ.... "അഗ്നി പോകുന്നതും നോക്കി വിതുമ്പി കരയുന്ന കാശിയുടെ അടുത്തേക്ക് ചെന്ന് അവനെ എടുത്ത് കൊണ്ട് സാക്ഷി പറഞ്ഞു. " കാശി അത് മോന്റെ അച്ഛനല്ല. " ഇയ്യ മ്മ കല്ലം പയ്യാ കാച്ചിടെ ച്ചായാ.

പറഞ്ഞത് തന്നെ പറഞ്ഞ് വാശി പിടിച്ച് കരയുന്ന കാശിയെ സാക്ഷി സങ്കടത്തോടെ നോക്കി. അവളുടെ അവസ്ഥ മനസിലാക്കിയ പോലെ കാശിയേം കൊണ്ട് ചന്ദ്രശേഖരൻ പുറത്തേക്ക് നടന്നു. അവർ പോയതോടെ തളർച്ചയോടെ സാക്ഷി കസേരയിലേക്ക് ഇരുന്നു അവളുടെ കണ്ണുകൾ പെയ്യുന്നുണ്ടായിരുന്നു. " സാരമില്ല മോളെ അവൻ കുഞ്ഞല്ലേ പതിയെ നമ്മുക്ക് പറഞ്ഞു മനസിലാക്കാം. " അമ്മേ, ഞാൻ എന്താ ചെയ്യണ്ടേ. " മോള് സങ്കടപെടാതെ, മക്കള് പോകാൻ നോക്ക്. സമയം പോയി. അത്രയും പറഞ്ഞുകൊണ്ട് പത്മം അടുക്കളയിലേക്ക് പോയി. പിന്നെയും വിഷമിച്ചിരിക്കുന്ന സാക്ഷിയെ നോക്കി അർജു പറഞ്ഞു. " ഏട്ടനെ കടുവെന്ന് വിളിക്കുന്നത് സാക്ഷി തന്നെയല്ലേ കടുവ ഇങ്ങനെയൊക്കെയാ, എന്നാലും ആ കടുവേനെ നമുക്ക് ശരിയാക്കാം. ഞാൻ ഇറങ്ങുവാ നിങ്ങളും ഇറങ്ങാൻ നോക്ക്. അർജു പുറത്തേക്ക് ഇറങ്ങിയ പുറകെ അതുല്യ സാക്ഷിയുമായി ഇറങ്ങിയിരുന്നു. വണ്ടിടെ അടുത്തേക്ക് നടന്നു കൊണ്ട് അതുല്യ പറഞ്ഞു.

" ചേച്ചികുട്ടി ഇങ്ങനെ എല്ലാത്തിനും സങ്കടപെടനാണെങ്കിൽ അതിനെ സമയം കാണു അതുകൊണ്ട് സങ്കടം മാറ്റിവെച്ചിട്ട് ഒന്ന് ആക്റ്റീവ് ആകെന്നെ. കൊച്ചേട്ടൻ പറഞ്ഞപോലെ കടുവേനെ നമ്മുക്ക് നേരെയാക്കാന്നെ. അത്രയും പറഞ്ഞുകൊണ്ട് പത്മത്തോടും ചന്ദ്രശേഖരനോടും യാത്ര പറഞ്ഞവർ കോളേജിലേക്ക് ഇറങ്ങി. .......................... ❤️ ❤️.............................. മഹാരാജാസ് കോളേജ് എന്ന് എഴുതിയ പ്രവേശന കവാടം കഴിഞ്ഞ് സാക്ഷി ഉള്ളിലേക്ക് കയറ്റി വണ്ടി നിർത്തി. നിർത്തിയ പാടെ പിന്നിൽ നിന്നും അതുല്യ ചാടി ഇറങ്ങി. " നിനക്ക് ഒന്ന് പതുക്കെ ഇറങ്ങിക്കൂടെ അമ്മു. " ഈൗൗൗൗൗൗ അവളെ നോക്കി മറുപടി ഒന്നും പറയാതെ ഇളിച്ചുകാട്ടുക മാത്രമേ അതുല്യ ചെയ്തുള്ളു. " എന്തു പറഞ്ഞാലും ഇങ്ങനെ ഇളിച്ചാ മതി. വണ്ടി പാർക്ക്‌ ചെയ്ത് അവളുടെ അടുത്തേക്ക് നടന്നു വന്നുകൊണ്ട് സാക്ഷി പറഞ്ഞു.

സാക്ഷി അവൾക്കടുത്ത് എത്തിയപ്പോളേക്കും അതുല്യയുടെ ഫ്രണ്ട്‌സ് അവളെ കൂട്ടാൻ എത്തിയിരുന്നു. സാക്ഷിയോട് ഒരു ബൈ പറഞ്ഞു കൊണ്ട് അതുല്യ അവരോടൊപ്പം പോയി. അവർ പോകുന്നത് അൽപനേരം നോക്കി നിന്ന് സാക്ഷി സ്റ്റാഫ്‌ റൂമിലേക്ക് നടന്നു. പോകുന്ന വഴിയാണ് പാർട്ടി പ്രവർത്തനവും ആയി നടക്കുന്ന കുറച്ച് കുട്ടികളെ കണ്ടത്. " ഗുഡ് മോർണിംഗ് ടീച്ചറെ. " ഹാ ഗുഡ് മോർണിംഗ് , എല്ലാരും ഉണ്ടല്ലോ എന്താ രാവിലെ തന്നെ പരിപാടി. " അത് യൂണിയൻ ഡേയുടെ ചെറിയൊരു തയ്യാറെടുപ്പാ ടീച്ചറെ. " മ്മ് പാർട്ടി പ്രവർത്തനം ഒക്കെ നല്ലതാ പക്ഷെ പഠനത്തിൽ ഉഴപ്പരുത് കേട്ടല്ലോ. " അത് ഞങ്ങൾ ശ്രദ്ധിച്ചോളം. " എന്നാ ശരി നിങ്ങടെ കാര്യങ്ങൾ നടക്കട്ടെ. അവരോട് യാത്രയും പറഞ്ഞ് സാക്ഷി സ്റ്റാഫ്‌ റൂമിലേക്ക് നടന്നു. അകത്തേക്ക് കയറിയപ്പോൾ അവൾക്ക് മനസിലായി എല്ലാവരും കാര്യമായ എന്തോ ചർച്ചയിൽ ആണെന്ന്. സാക്ഷി പതിയെ അവരുടെ അടുത്തേക്ക് നടന്നു. " അല്ല എന്താ എല്ലാവരും കൂടി ഒരു ചർച്ച. " യ്യേ, ഒന്നുല്ല ടീച്ചറെ ഞങ്ങള് ടീച്ചറെ കുറിച്ച് പറയുവായിരുന്നു.

അവരിൽ ഒരാളായ രമ്യ ടീച്ചർ പറഞ്ഞു. " എന്നെ കുറിച്ചോ, എന്നെ കുറിച്ച് എന്താ രമ്യ ടീച്ചറെ ഇത്ര മാത്രം പറയാൻ. " അല്ല, ടീച്ചറ് എത്ര പെട്ടെന്നാ കുട്ടികളുമായിട്ട് കൂട്ടായത് അതുമല്ല ഈ കോളേജിലെ ഏറ്റവും തല്ലിപ്പൊളി ക്ലാസ്സായിരുന്നു ടീച്ചറുടെ ക്ലാസ്സ്‌ ഇപ്പൊ അവിടത്തെ കുട്ടികൾക്ക് വന്ന മാറ്റത്തെ കുറിച്ച് പറഞ്ഞതാ. " ഓ അതായിയുന്നോ അതിന് പ്രതേകിച്ച് ഒന്നും ചെയ്യണ്ട, കുട്ടികളുടെ അഭിരുചി അറിഞ്ഞു മുന്നോട്ട് പോയാൽ മതി പിന്നെ അവരോട് കുറച്ച് ഫ്രണ്ട്‌ലി ആവുക. ഏത് മോശമായതിലും കുറച്ച് നല്ലത് എവിടേലും കാണും. " മ്മ്. " അല്ല ഇന്ന് പുതിയ ഒരു ടീച്ചർ കൂടി വരുന്നുണ്ടെന്ന് കേട്ടല്ലോ എന്നിട്ട് ആളു വന്നോ. " ഏയ്യ്, ഇതുവരെ വന്നില്ല. അപ്പോളേക്കും ഫസ്റ്റ് ബെൽ അടിച്ചിരുന്നു, സാക്ഷി അവരോട് യാത്രപറഞ്ഞ് ക്ലാസ്സിലേക്ക് പോയി. തുടരും....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...