💞 അഗ്നിസാക്ഷി 💞: ഭാഗം 11

എഴുത്തുകാരി: സ്‌നേഹ സാജു

"May i coming sir. " അഗ്നി കയറി വാടോ. SP വിളിച്ച പ്രകാരം അദ്ദേഹത്തെ കാണാൻ എത്തിയതായിരുന്നു അഗ്നി. " എന്തായടോ നമ്മുടെ കേസിന്റെ കാര്യങ്ങൾ, എന്തേലും പുരോഗതി ഉണ്ടോ. " യെസ് സാർ, അത് പറയാനും കൂടിയാ ഞാൻ വന്നത്. " ഇതിന് പിന്നിലും ആ സക്കറിയാ പോത്തൻ തന്നെയാണോ. " അയാള് വെറും ഒരു സ്പിരിറ്റ്‌ കച്ചവടക്കാരനല്ലേ. " അപ്പൊ ഇതിൽ അയാൾക്ക് പങ്കില്ലെന്ന് ആണോ. " അങ്ങനെയല്ല സാർ ഞാൻ ഉദ്ദേശിച്ചത്, ഇതിന്റെ പിന്നിൽ ഒരു വലിയ റാക്കറ്റ് തന്നെ ഉണ്ട് . സക്കറിയാ പോത്തനെ മുൻനിർത്തി പുറകിൽ നിന്ന് ചരടു വലിക്കുന്നത് മറ്റൊരാളാണ്. " എന്നിട്ട് അയാളെ കുറിച്ച് എന്തേലും ഡീറ്റെയിൽസ് അറിഞ്ഞോ. " AJ എന്ന പേരിലാണ് അവൻ അറിയപ്പെടുന്നത്, വിദേശ ഡീലിങ്ങ്സ് ഒക്കെ നടത്തുന്നത് അവനാ. AJ ക്ക് വേണ്ടി പെൺകുട്ടികളെ എത്തിച്ചു കൊടുക്കുന്നതും മയക്കുമരുന്നുകൾ ഡീലു ചെയുന്നതുമൊക്കെ സക്കറിയയും അവന്റെ കൂട്ടാളികളുമാ.

പക്ഷെ ഇതുവരെ അവനെ കണ്ടെത്താൻ ആയിട്ടില്ല സാർ അവനു വേണ്ടിയുള്ള തിരച്ചിൽ നടക്കുന്നുണ്ട്. " മ്മ്, അഗ്നി എത്ര കഷ്ട്ടപെട്ടിട്ടാണേലും ഇതിനു പിന്നിലുള്ളവരെ കണ്ടെത്തിയിരിക്കണം. ഈ കേസിന്റെ എല്ലാ കാര്യങ്ങളും ഞാൻ അഗ്നിയെ ഏല്പിക്കുവാ. സംശയം തോന്നുന്നത് ഏത് ഉന്നതനായാലും കസ്റ്റടിയിൽ എടുക്കാനും ചോദ്യം ചെയ്യാനോ ആരുടേം അനുവാദത്തിന് കാക്കണ്ട കേട്ടോ. " ഒക്കെ സാർ എന്നാൽ ഞാൻ അങ്ങോട്ട്. SP യെ സല്യൂട്ട് ചെയ്ത് അഗ്നി പുറത്തേക്ക് ഇറങ്ങി പുറത്ത് അഗ്നിയെ കാത്ത് ജീവൻ ഉണ്ടായിരുന്നു. " SP സാർ എന്ത് പറഞ്ഞു. " എത്രയും പെട്ടന്ന് തന്നെ ഇതിന് പിന്നിലുള്ളവരെ കണ്ടെത്തിയിരിക്കണോന്ന്. " മ്മ്, പിന്നെ സാറെ ഒരു കാര്യം പറയാൻ മറന്നു സാർ അകത്തേക്ക് പോയ സമയത്ത് ഒരു കോൾ വന്നിരുന്നു ആരാണെന്നോന്നും പറഞ്ഞില്ല M G റോഡിലൂടെ മയക്കുമരുന്നുമായി ഒരു വണ്ടി വരുന്നുണ്ടെന്ന് മാത്രം പറഞ്ഞു. " what, ജീവൻ എന്നിട്ടാണോ പറയാതിരുന്നേ കുറച്ചൂടെ ഉത്തരവാദിത്യം കാണിക്കടോ ഈ കേസിനെ സംബന്ധിക്കുന്ന പ്രധാനപെട്ട തെളിവാണ് അത്.

" സോറി സാർ, സാറ് SP സാറിന്റെ ക്യാബിനിൽ ആയതുകൊണ്ടാ പറയാതിരുന്നത്.പക്ഷെ അറിഞ്ഞപ്പോളേക്കും ഞാൻ ഗിരിയേം കുറച്ചു പോലീസുകാരെയും അങ്ങോട്ട് അയച്ചിട്ടുണ്ട്. "മ്മ്. ജീവനും അഗ്നിയും പെട്ടന്ന് തന്നെ MG റോഡിലേക്ക് എത്തി അപ്പോളേക്കും ഗിരിയും മറ്റുപോലീസുകാരും വാഹന പരിശോധനയിൽ ആയിരുന്നു. " ഒരു വണ്ടിയും ചെക്ക് ചെയ്യാതെ കടത്തി വിടരുത്. " ഒക്കെ സാറ്. ജീവനോട്‌ സംസാരിച്ച് നില്കുമ്പോളാണ് അഗ്നിയുടെ നോട്ടം ഒരു ട്രാവലറിൽ എത്തി നിന്നത്. " ജീവൻ ഈ വണ്ടി ചെക്ക് ചെയ്തോ. " യെസ് സാറ് എന്തോ കോളേജ് കുട്ടികളാ അതിൽ ടൂർ പോയിട്ട് വരുന്നതാ. " എന്തോ പന്തികേട് ഉണ്ടല്ലോ ജീവൻ, അവന് വണ്ടി നിർത്താൻ എന്തോ മടി പോലെ . " അത് കുട്ടികളിൽ ചിലർക്ക് ഫുഡ്‌ പോയിസൻ ആയിട്ടുണ്ടെന്ന് അടുത്തുള്ള ഹോസ്പിറ്റലിൽ എത്തിക്കാനുള്ള ശ്രമത്തിലാ അവർ. "എന്നിട്ടാണോടോ വണ്ടി പിടിച്ച് നിർത്തിയേക്കുന്നെ ഈ വണ്ടിക്ക് കടന്നുപോകാനുള്ള വഴി ശരിയാക്കി കൊടുക്ക് പെട്ടന്ന്. ജീവനെ നോക്കി ദേഷ്യത്തിൽ പറഞ്ഞ് തിരിയുമ്പോളേകുമാണ് ഗിരിയുടേം ട്രാവലറിന്റെ ഡ്രൈവരുടേം കണ്ണുകൊണ്ടുള്ള കളി അഗ്നിയുടെ കണ്ണിൽ ഉടക്കുന്നത് ഒരു നിമിഷം ആലോചിച്ച് നിന്നിട്ട് അഗ്നി പറഞ്ഞു.

" പോകാൻ വരട്ടെ, ജീവൻ ഈ വണ്ടി ഒന്നു തുറക്കാൻ പറ എനിക്ക് ആ കുട്ടികളെ ഒന്നു നോക്കണം. " തുറക്കടാ വണ്ടി. " അത് സാറ്. " എന്താടാ പറഞ്ഞാൽ കേട്ടാൽ, നീ തുറക്കുന്നോ അതോ. " വേണ്ട സാറ് തുറക്കാം. താക്കോലെടുത്ത് പെട്ടന്ന് തന്നെ വണ്ടിയുടെ ഡ്രൈവർ ഡോർ തുറന്നു കൊടുത്തു. അഗ്നിയും ജീവനും അകത്തേക്ക് കയറി വണ്ടിയുടെ ഓരോ ഭാഗവും ശ്രദ്ധയോടെ നോക്കാൻ തുടങ്ങി. ആസ്വഭാവികമായി ഒന്നും തന്നെ അവർക്ക് കണ്ടെത്താനായില്ല ജീവൻ പതുക്കെ പുറത്തേക്കിറങ്ങി. അവനു പുറകെ ചുറ്റും ഒന്നുകൂടി നോക്കി ഉറപ്പുവരുത്തി അഗ്നി ഇറങ്ങാൻ തുടങ്ങിയപ്പോളേക്കും ആദ്യത്തെ സീറ്റിൽ ഇരിക്കുന്ന പെൺകുട്ടി എന്തെല്ലാമോ ബോധമില്ലാതെ പിറുപിറുക്കുന്നത് കേട്ടത് അഗ്നി പതിയെ അവൾ പറയുന്നത് ശ്രദ്ധിക്കാൻ തുടങ്ങി. " ഇവർ ഞങ്ങളെ കൊല്ലും, രക്ഷിക്കണേ. അത് കേട്ടത്തോടെ അഗ്നി പുറത്ത് നിൽക്കുന്ന ഡ്രൈവറെ നോക്കി. പന്തികേട് മനസിലായ ഡ്രൈവർ പോലീസുകാരുടെ പിടി വിട്ട് ഓടി.

" പിടിയട അവനെ. അത് കേട്ടത്തോടെ പോലീസുകാർ അവനു പിന്നാലെ പാഞ്ഞു. " എന്താ സാറ് എന്താ പ്രശ്നം. ഒന്നും മനസിലാകാതെ ജീവൻ അഗ്നിയോട് ചോദിച്ചു. " ഡ്രൈവർ നുണ പറഞ്ഞതാ ജീവൻ, പെൺകുട്ടികളെ തട്ടിക്കൊണ്ടു പോകുന്നതാ ഹെവിഡോസ് മയക്കുമരുന്നാ ഓരോരുത്തരിലും കുത്തി വെച്ചിരിക്കുന്നത്. " സാറ്. ജീവനോട് പറഞ്ഞു കൊണ്ട് അഗ്നി വണ്ടിയിൽ നിന്നും പുറത്തേക്ക് ഇറങ്ങി. അപ്പോളേക്കും ഡ്രൈവറെ മറ്റു പോലീസുകാർ പിടിച്ചുകൊണ്ടു വന്നിരുന്നു. " ജീവൻ ഈ പെൺകുട്ടികളെ എത്രയും പെട്ടന്ന് ഹോസ്പിറ്റലിൽ എത്തിക്കണം, വണ്ടി കസ്റ്റഡിയിൽ എടുത്തിട്ട് ഡ്രൈവറെ സ്റ്റേഷനിലേക്ക് കൊണ്ടുവാ വിശദമായിട്ട് ഒന്ന് ചോദ്യം ചെയ്യാനുണ്ട്. ജീവന് വേണ്ട നിർദ്ദേശങ്ങൾ കൊടുത്ത് അഗ്നി അവിടെ നിന്നും പോയി. ..............................❤️ ❤️....................... ക്ലാസ്സ്‌ കഴിഞ്ഞ് വീട്ടിലേക്ക് പോകാൻ ഇറങ്ങിയതായിരുന്നു അതുല്യയും സാക്ഷിയും. സാക്ഷിയോട് ഓരോന്നും പറഞ്ഞു നടന്നിരുന്നതിനാൽ എതിരെ വന്നിരുന്ന ആളെ അതുല്യ കണ്ടിരുന്നില്ല പെട്ടന്ന് തന്നെ അവൾ അയാളുമായി കൂട്ടിയിടിച്ച് താഴേക്ക് വീണു.

ശബ്ദം കേട്ട് നോക്കിയ സാക്ഷി കാണുന്നത് നെറ്റിയും തടവി നിൽക്കുന്ന അതുല്യയെയും അവൾക്കടുത്തായി എഴുന്നേൽക്കാൻ പാടുപെടുന്ന ഒരു പെൺകുട്ടിയെയും ആയിരുന്നു. മുടി മുഖത്തെ മറച്ചതിനാൽ പെൺകുട്ടിയുടെ മുഖം അവർ കണ്ടിരുന്നില്ല. സാക്ഷി പെട്ടന്ന് തന്നെ അവളെ കൈയിൽ പിടിച്ചെഴുന്നേൽ പിച്ചു. " എന്റെ അമ്മു നിനക്ക് ഒന്നു നോക്കി നടന്നുടെ. " സോറി ചേച്ചികുട്ടി. " സോറി എന്നോടല്ല ദേ ഈ കുട്ടിയോട് പറ. മുടി നേരെയാക്കികൊണ്ട് നിനക്കുന്ന പെൺകുട്ടിയെ ചുണ്ടി കൊണ്ട് സാക്ഷി പറഞ്ഞു. സാക്ഷിയെ നോക്കി ഇളികാണിച്ചോണ്ട് ആ പെൺകുട്ടിക്ക് നേരെ തിരിഞ്ഞപ്പോളാണ് അവളുടെ മുഖം അതുല്യ ശരിക്കും കാണുന്നത്. " അല്ല ആരിത് പൂജ നമ്പ്യാരോ, സുഖം ഒക്കെ തന്നെയല്ലേ. " അമ്മുട്ടി നിനക്ക് ഇവരെ നേരത്തെ അറിയോ. " പിന്നില്ലാതെ. അപ്പോളാണ് ഒന്നും മനസിലാകാതെ തങ്ങളെ തന്നെ നോക്കി നിൽക്കുന്ന പൂജയെ അതുല്യ കണ്ടത്. " ഓഹോ മനസിലായില്ലലെ, അല്ലെങ്കിലും നമ്മള് തമ്മിൽ കണ്ടിട്ടില്ല പക്ഷെ എന്റെ ഏട്ടന്റെ പേരു പറഞ്ഞാൽ അറിയുവായിരിക്കും, അഗ്നിദേവ്.

പൂജ ഞെട്ടലോടെ അവളെ നോക്കി നിന്നു അവളുടെ ഉള്ളിൽ പല ചിന്തകൾ ആയിരുന്നു. സാക്ഷി എന്തൊക്കെയോ ആലോചിച്ച് നില്കുവായിരുന്നു അത് കണ്ട് അതുല്യ പറഞ്ഞു. " എന്റെ ഏട്ടത്തി ഏട്ടത്തിക്ക് മനസിലായില്ലേ ഏട്ടൻ പറഞ്ഞിട്ടില്ലേ ആ പൂജയാണ് ഈ പൂജ. അതുല്യ തമാശയോടെ അവളോട് പറഞ്ഞു എന്നാൽ പൂജയും സാക്ഷിയും അവളുടെ ഏട്ടത്തി വിളിയിൽ കുടുങ്ങി കിടക്കുവായിരുന്നു. പെട്ടന്ന് എന്തോ മനസിലായപോലെ സാക്ഷി അതുല്യയെ നോക്കി പുഞ്ചിരിച്ചു പൂജ അപ്പോളും ചിന്തയിൽ ആയിരുന്നു. " ആ പിന്നെ എന്നെകുറിച്ച് ഏട്ടൻ പറഞ്ഞ് അറിയായിരികുല്ലോ ഞാൻ അതുല്യ പിന്നെ ഇത് എന്റെ ഏട്ടത്തി സാക്ഷി ഇവിടത്തെ ടീച്ചറാ. അല്ല പൂജ എന്താ ചെയ്യുന്നേ. " ഞാനും ഇവിടത്തെ ടീച്ചറാ, മടിച്ച് മടിച്ച് കൊണ്ട് പൂജ പറഞ്ഞു. " ഓഹോ അപ്പൊ ഇന്ന് പുതിയതായി വന്ന ടീച്ചർ നീ ആയിരുന്നോ. പരിഹാസത്തോടെ അതുല്യ പറഞ്ഞു അപ്പോളും മറ്റെന്തോ ചിന്തയിൽ ആയിരുന്നു പൂജ പെട്ടന്ന് എന്തോ ഓർത്തപോലെ പൂജ അതുല്യയോട് ചോദിച്ചു. " ഏട്ടത്തിയോ. "

അതെ ഏട്ടന്റെ ഭാര്യയെ ഞങ്ങളൊക്കെ ഏട്ടത്തിയെന്ന വിളിക്കുന്നെ. " അപ്പൊ അഗ്നിടെ വിവാഹം കഴിഞ്ഞോ. " പിന്നെ നീ എന്താ വിചാരിച്ചേ എന്റെ ഏട്ടൻ ഇപ്പോളും നിന്നെ ഓർത്ത് കരഞ്ഞോണ്ട് നടക്കുവാന്നോ. കരഞ്ഞില്ലെന്ന് അല്ല കരഞ്ഞിരുന്നു പക്ഷെ ഏട്ടത്തി ജീവിതത്തിലേക്ക് വന്നേ പിന്നെ നിന്നെ ഒന്ന് ഓർക്കാറ് കൂടിയില്ല. " എന്തിനാ നീ ഇങ്ങനെ നുണ പറയുന്നേ അഗ്നിക്ക് അത്ര പെട്ടെന്നൊന്നും എന്നെ മറക്കാൻ പറ്റില്ലെന്ന് എനിക്ക് അറിയാം.അതുല്യയെ പുച്ഛിച്ചു കൊണ്ട് പൂജ പറഞ്ഞു. " ഒന്നു പോയെടി നിന്നെ പറ്റിച്ചിട്ട് എനിക്ക് എന്ത് കിട്ടാനാ മുന്നിലല്ലേ തെളിവായിട്ട് ഏട്ടത്തി നിക്കുന്നെ ആ മുഖം കണ്ടാൽ മനസിലാവില്ലേ അവർ എത്ര സന്തോഷത്തിലാണെന്ന് . നിന്നെ എന്റെ ഏട്ടൻ എന്നേ മനസ്സിൽ നിന്ന് പറിച്ചെറിഞ്ഞു ഇപ്പോളെ ആ മനസ്സിൽ ഏട്ടത്തിയും പിന്നെ അവരുടെ കുഞ്ഞും മാത്രെ ഒള്ളു. " പറ്റിച്ചിട്ട് പോയിട്ടും അല്പമെങ്കിലും നാണം ഉണ്ടോടി ഇങ്ങനെ ഒക്കെ പറയാൻ.

അല്ലെങ്കിലും ചില പെണ്ണുങ്ങൾ ഒണ്ട് മറ്റുള്ളവരെ കൂടി പറയിക്കാൻ. സാക്ഷി കൂടി പറഞ്ഞതും പൂജ ജാള്യതയോടെ അവരെ നോക്കാൻ തുടങ്ങി അത് മനസിലാക്കിയ പോലെ അതുല്യ പറഞ്ഞു. " മോള് പോകാൻ നോക്ക് ഇനിയും നിന്ന ചിലപ്പോ നീ നാറും വന്നതല്ലേ ഉള്ളു സ്വഭാവം ആരെയും അറിയിക്കണ്ട. അവരെ ദേഷ്യത്തിൽ നോക്കി പൂജ നടന്നു പോയി. അവൾ പോയതും വണ്ടിയെടുക്കാൻ പാർക്കിങ്ങിലേക്ക് നടന്ന അതുല്യയോട് സാക്ഷി ചോദിച്ചു. " എന്തിനാ അമ്മു അവളോട് അങ്ങനെ ഒക്കെ പറഞ്ഞെ. ഏട്ടൻ എങ്ങാൻ അറിഞ്ഞാൽ അത് മതി അല്ലെങ്കിൽ തന്നെ ഞങ്ങളെ കാണുന്നതേ കലിയാ. " എന്റെ ചേച്ചി കുട്ടി ഇതൊന്നും ഏട്ടൻ അറിയാൻ പോകുന്നില്ല. പിന്നെ അങ്ങനെ പറഞ്ഞത് അവൾക്ക് കൊള്ളണോങ്കിൽ ഇങ്ങനെ തന്നെ പറയണം മുഖം കണ്ടില്ലേ. " മ്മ് എന്തേലും ആകട്ടെ നമ്മുക്ക് പോകാം. " അവളോട് രണ്ട് പറഞ്ഞത് കൊണ്ടാന്ന് തോന്നു നല്ല വിശപ്പ്, കേറിക്കോ വേഗം പോയേക്കാം. വണ്ടി സാക്ഷിയുടെ അടുത്തായി നിർത്തി കൊണ്ട് അതുല്യ പറഞ്ഞു. അവൾ വേഗം കേറിയതും വണ്ടി പതിയെ നീങ്ങി.

.................................❤️ ❤️............................ " സാർ. സ്റ്റേഷനിലെ തന്റെ ക്യാബിനിൽ ഫയലുകൾ നോക്കിക്കൊണ്ടിരുന്ന അഗ്നി ജീവന്റെ വിളി കേട്ടാണ് തല ഉയർത്തി നോക്കിയത്ത്. " ഹാ ജീവൻ കേറിവാടോ. അഗ്നിയുടെ അനുവാദം കിട്ടിയതോടെ ജീവൻ അകത്തേക്ക് കയറി. " സക്കറിയ പോത്തൻ വന്നിട്ടുണ്ട്. " ഈ വരവ് ഞാൻ പ്രതീക്ഷിച്ചിരുന്നു പക്ഷെ ഇത്ര പെട്ടന്ന് എത്തുന്ന് കരുതിയില്ല, എന്തായാലും നീ അവരെ വിളിക്ക് മോനെ ജീവാ. അഗ്നിയെ നോക്കി ഒന്നു പുഞ്ചിരിച്ചിട്ട് ജീവൻ പുറത്തേക്ക് പോയി കുറച്ച് നേരം കഴിഞ്ഞപ്പോളേക്കും തിരിച്ച് വന്നു അവനു പുറകെയായി ഗോൾഡൻ ഷർട്ടും വെള്ള മുണ്ടു ധരിച്ച് കഴുത്തേലും കൈയേലും സ്വർണ ചെയ്‌നും ഇട്ട അജാനു ബഹുവായ ഒരാളും അയാൾക്ക് ഇടവും വലവും അയാളുടെ ശിങ്കിടികൾ എന്ന് തോന്നിക്കുന്ന രണ്ട് പേരും ഉണ്ടായിരുന്നു. " അല്ല ആരാ ഈ വരണേ സക്കറിയ സാറോ, എന്താടോ ജീവാ സാറ് വന്നിട്ട് ഇപ്പോളാണോ പറയണേ ഇവരെ പോലുള്ള വല്യവല്യ ആളുകളെ ഇരുത്തി ബുദ്ധിമുട്ടിക്കുന്നത് മോശമല്ലേ. പോട്ടെ സാറെ പുതിയ പയ്യനാ സാറ് ഇരുന്നാട്ടെ.

അഗ്നിയെ നോക്കി ചിരിച്ചിട്ട് സക്കറിയാ കസേരയിലേക്ക് ഇരുന്നു. " ഇത് ആരൊക്കെയാ സാറെ കൂടെ ഉള്ളത്. നമ്മൾ എവിടെയോ കണ്ടിട്ടുണ്ടല്ലോ. അഗ്നിയെ കണ്ട് ഞെട്ടി നിൽക്കുന്ന അവർ മറുപടിയൊന്നും പറയാതെ സക്കറിയയെ ഒന്നു നോക്കി ആ നോട്ടം മനസിലായപോലെ അയാള് പറഞ്ഞു. " ഇത് ശരവണൻ പിന്നെ ഇത് വടിവാൾ. നിങ്ങള് തമ്മിൽ എന്തോ തല്ലുണ്ടായെന്നോ മറ്റോ ഇവന്മാർ പറഞ്ഞു. വിട്ട്കളഞ്ഞേരെ എന്റെ പിള്ളേരാ. " സാറിന്റെ പിള്ളേരല്ലേ അതൊക്കെ എപ്പോളെ വിട്ടു. അഗ്നിയുടെ സംസാരവും പെരുമാറ്റവും ജീവൻ അത്ഭുതത്തോടെ നോക്കി നിന്നു. ശരവണന്റെയും വടിവാളിന്റേം അവസ്ഥയും മറിച്ചായിരുന്നില്ല. അവരെ നോക്കിക്കൊണ്ട് സക്കറിയ പറഞ്ഞു . " ഞാൻ വന്നത് എന്തിനാണെന്ന് മനസിലായി കാണുവല്ലോ, പിടിച്ചോണ്ട് വന്ന വണ്ടി നമ്മുടെയാണേ എങ്ങനെയെങ്കിലും കേസ് ഒന്ന് ഒതുക്കി തീർക്കണം എത്രയാ വേണ്ടതെന്ന് വെച്ചാൽ ചോദിച്ചോ എത്രയായാലും ഇപ്പൊ തന്നെ സാറിന്റെ അക്കൗണ്ടിലേക്ക് എത്തിയിരിക്കും. " എഴുന്നേക്കടോ. "

എന്താ. " ച്ചി എഴുന്നേക്കടോ, താൻ എന്താടോ കരുതിയെ അഥിത്യമരിയാതയോടെ തന്നെ ഇവിടെ പിടിച്ചിരുത്തിയത് തന്നോടുള്ള ബഹുമാനം കൊണ്ടാണെന്നോ. താൻ വച്ചു നീട്ടുന്ന നക്കാപിച്ച കാശും വാങ്ങി തനിക്ക് ചുറ്റും വാലാട്ടി നടക്കുന്ന ഒരുപാട് മേലാളന്മാരെ താൻ കണ്ടിട്ടുണ്ടാകും അവരുടെ അടുത്ത് എടുക്കുന്ന വിളച്ചിലുമായി ഇങ്ങോട്ട് ഇറങ്ങിയാലുണ്ടല്ലോ ഇത് ആളു വേറെയാ. " എടാ കൊച്ചനെ നിന്നെക്കാളും വലിയവന്മാരെ ഒരുപാട് നേരിട്ടിട്ട് തന്നെയാ സക്കറിയ ഇവിടെ വരെ എത്തിയത്. നിനക്കേ എന്നേ ശരിക്കും അറിയാൻ മേലാഞ്ഞിട്ടാ കിട്ടണത് എന്താന്ന് വെച്ചാൽ വാങ്ങിട്ട് പോകാൻ നോക്ക് അതാ മോനു നല്ലത്. " സക്കറിയ സാറെ പോകാൻ വേണ്ടിയല്ലലോ അഗ്നി ഇങ്ങോട്ട് വന്നത് ഈ എറണാകുളം ഒന്നു ശുദ്ധികലാശം നടത്തിയിട്ടേ ഞാൻ ഇവിടുന്ന് പോകുന്നുള്ളൂ. " അപ്പൊ നമ്മുക്ക് വീണ്ടും കാണേണ്ടി വരുമല്ലോ കൊച്ചനെ. "

കാണാലോ, എന്നാലേ താൻ ഇപ്പൊ പോകാൻ നോക്ക് പിന്നെ എനിക്ക് ആവശ്യം ഉള്ളതെല്ലാം തന്റെ ഡ്രൈവറെ ചോദ്യം ചെയ്തപ്പോ കിട്ടി സമയമാകുമ്പോൾ ഞാൻ വരുന്നുണ്ട് തന്നെ പൂട്ടാൻ ഇറങ്ങി പോടോ. സക്കറിയയും അവന്റെ ശിങ്കിടികളും ദേഷ്യത്തോടെ അഗ്നിയുടെ ക്യാബിൻ വിട്ട് പുറത്തേക്കിറങ്ങി. അഗ്നി ഒരു പുച്ഛ ചിരിയോടെ അവർ പോകുന്നതും നോക്കി നിന്നു. " കലക്കി സാറെ അവനെ പോലെയുള്ളവന്മാർക്ക് ഇങ്ങനെ തന്നെ വേണം മറുപടി കൊടുക്കാൻ. " മ്മ്, ജീവാ ഡ്രൈവറെ കോർട്ടിൽ പ്രസന്റ് ചെയ്യാൻ ഉള്ള കാര്യങ്ങൾ ശരിയാക്ക്. " ഒക്കെ സാറ്. ജീവൻ പോയപ്പോൾ തന്നെ അഗ്നിയുടെ ഫോൺ അടിക്കാൻ തുടങ്ങിയിരുന്നു. പരിചയമില്ലാത്ത നമ്പർ കണ്ട് ഒന്നു സംശയിച്ചുകൊണ്ടാണ് അഗ്നി ഫോൺ അറ്റൻഡ് ചെയ്തത്. മറുവശത്തു നിന്നു കേട്ട ശബ്ദം അഗ്നിയുടെ മുഖത്ത് പല ഭാവങ്ങൾ നിറച്ചു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...