💞 അഗ്നിസാക്ഷി 💞: ഭാഗം 12

എഴുത്തുകാരി: സ്‌നേഹ സാജു

അഗ്നി ഫോൺ അറ്റൻഡ് ചെയ്ത് ചെവിയോട് ചേർത്തു സംസാരിക്കാൻ തുടങ്ങി. " ഹലോ.. മറുവശത്തുനിന്നും മറുപടി ഒന്നും വന്നിരുന്നില്ല, കാൾ കട്ടായൊന്ന് അറിയാൻ അഗ്നി ചെവിയിൽ നിന്ന് ഫോൺ എടുത്ത് ഒന്നു കൂടി നോക്കി കട്ടായില്ല എന്ന് കണ്ടതും പിന്നെയും ചെവിയിലേക്ക് വെച്ചു. " ഹലോ, ആരാ വിളിക്കുന്നെ. " ഹലോ അഗ്നി. കുറച്ച് നേരത്തെ നിശബ്ദതക്ക് ശേഷം ഫോണിലൂടെ എത്തിയ ശബ്ദം അഗ്നിയെ അഞ്ചു വർഷം പിന്നിലേക്ക് കൂട്ടികൊണ്ട് പോയി. മഹാരാജാസിലെ കോളേജ് ജീവിതവും, പ്രണയവും പിന്നെ റെസ്റ്റോറന്റിലെ അവസാന കൂടി കാഴ്ചയും. ഓരോന്ന് മനസിലൂടെ കടന്നുപോകുന്തോറും അഗ്നിയുടെ മുഖം വലിഞ്ഞു മുറുകികൊണ്ടിരുന്നു. നുരഞ്ഞു പൊങ്ങുന്ന ദേഷ്യത്തെ നിയന്ത്രിച്ചുകൊണ്ട് അഗ്നി പറഞ്ഞു. "ആരാ മനസിലായില്ലലോ. " അഗ്നി ഞാൻ പൂജയാ. " ഹോ സോറി എനിക്ക് മനസിലായില്ല അതുകൊണ്ടാ ചോദിച്ചേ, എന്താണാവോ വിളിച്ചേ. "

അഗ്നി. എന്ത് പറയണമെന്ന് അറിയാതെ അവൾ വാക്കുകൾക്ക് വേണ്ടി പരതികൊണ്ടിരുന്നു. അത് മനസിലാക്കിയ പോലെ അഗ്നി പറഞ്ഞു. " എനിക്ക് കുറച്ച് തിരക്കുണ്ട് എന്തേലും പറയാനുണ്ടെങ്കിൽ പെട്ടന്ന് പറഞ്ഞിരുന്നേൽ ഫോൺ വെക്കായിരുന്നു. " സോറി അന്ന് അങ്ങനെ ഒക്കെ സംഭവിച്ചു പോയി എല്ലാം എന്റെ തെറ്റുതന്നെയാ. അവൾ പറഞ്ഞവസാനിപ്പിക്കുന്നതിന് മുന്നേ തന്നെ അഗ്നി പറഞ്ഞു തുടങ്ങി. " നോക്ക് പൂജ കഴിഞ്ഞു പോയ ഒരു കാര്യവും സംസാരിക്കാൻ ഞാൻ ആഗ്രഹിക്കുന്നില്ല. "അഗ്നി ഞാൻ ഇന്ന് മുതൽ മഹാരാജാസിൽ ജോലിക്ക് ജോയിൻ ചെയ്തു ഇവിടെ എത്തിയപ്പോൾ നമ്മുടെ ആ പഴയ നിമിഷങ്ങൾ ഒക്കെ ഓർത്തു. " ഞാൻ പറഞ്ഞു കഴിഞ്ഞു എനിക്ക് ഒന്നും കേൾക്കണ്ടെന്ന് , ഇനി അഗ്നിടെ ജീവിതത്തിൽ പൂജ ഉണ്ടാകില്ല. " പ്ലീസ് അഗ്നി, എനിക്ക് തന്നെ ഇതുവരെ മറക്കാൻ കഴിഞ്ഞിട്ടില്ല ഇപ്പോളും എനിക്ക് ഇഷ്ടമാ. " നാണമില്ലേ നിനക്ക് പിന്നെയും ഇതും പറഞ്ഞുവരാൻ.

ഇഷ്ടമാണു പോലും എനിക്ക് ഇപ്പൊ നിന്നോട് പുച്ഛമാ തോന്നുന്നത്. അഗ്നിയുടെ ജീവിതത്തിൽ ഇനി നിനക്ക് ഒരു സ്ഥാനവും ഇല്ല. മറ്റെന്തെങ്കിലും പറയാനുണ്ടോ ഇല്ലെങ്കിൽ ഞാൻ വെക്കുവാ. " അഗ്നി വെക്കല്ലേ, അന്ന് അങ്ങനെ ഒക്കെ പറ്റിപ്പോയി നിന്നെ ഒഴുവാക്കിയപ്പോളാ എനിക്ക് നിന്നെ ഇഷ്ടമായിരുന്നെന്ന് മനസിലായത് love you അഗ്നി എനിക്ക് നീ ഇല്ലാതെ പറ്റില്ല. " ഹ... ഹ... ഹ. നിന്റെ അഭിനയം നന്നായിട്ടുണ്ട്. " അഭിനയോ എന്താ അഗ്നി ഇങ്ങനെ ഒക്കെ പറയുന്നെ. " വേണ്ട പൂജ കൂടുതലൊന്നും നീ ഇനി പറയണ്ട. " ഓക്കെ സമ്മതിക്കുന്നു, ഞാൻ ഒന്നു ചോദിച്ചോട്ടെ എന്റെ സ്ഥാനത്തേക്ക് വേറെ ആരേലും വന്നോ. " വന്നെങ്കിൽ. " ഓഹോ അപ്പൊ ഞാൻ കേട്ടതൊക്കെ സത്യാണല്ലേ. " നീ എന്ത് കേട്ടെന്നാ. " അഗ്നിടെ വിവാഹം കഴിഞ്ഞെന്ന്. "

വാട്ട്‌. പൂജയുടെ സംസാരം കേട്ട് അഗ്നി ഞെട്ടി പോയിരുന്നു. അ ഞെട്ടൽ ഒന്നു മാറുന്നതിന് മുൻപ് തന്നെ പൂജ പറഞ്ഞു തുടങ്ങി. " അഗ്നിടെ അനിയത്തിയെ ഞാൻ ഇന്ന് കണ്ടിരുന്നു അവള് മഹാരാജാസിൽ അല്ലെ പഠിക്കുന്നെ പിന്നെ അവളുടെ കൂടെ തന്റെ ഭാര്യയെയും കണ്ടിരുന്നു സാക്ഷി എന്നല്ലേ പേര്. അത്ര പെട്ടെന്നൊന്നും തനിക്ക് എന്നെ മറക്കാൻ പറ്റില്ലെന്ന് എനിക്ക് അറിയാം വീട്ടുകാർക്ക് വേണ്ടിയുള്ള അഡ്ജസ്റ്മെന്റ് ആകുമല്ലേ. ഓഹോ അപ്പൊ അറിഞ്ഞ കാര്യങ്ങൾ സത്യമാണോന്ന് അറിയാനാണല്ലേ ഇവളുടെ ഇപ്പോളത്തെ വിളി, ശരിയാക്കി കൊടുക്കാം. മനസ്സിൽ ചിന്തിച്ചുകൊണ്ട് അഗ്നി അവളോട് പറഞ്ഞു. " സോറി പൂജ വിളിക്കാൻ പറ്റിയില്ല പെട്ടെന്നുള്ള കല്യാണം ആയിരുന്നെ അതുമല്ല തന്റെ നമ്പറും ഇല്ലായിരുന്നു.

പിന്നെ വീട്ടുകാരുടെ നിർബദ്ധം കൊണ്ടൊന്നുമല്ലാട്ടോ പ്രണയിച്ചു തന്നെയാ ഞങ്ങള് കെട്ടിയത്. കണ്ടപ്പോൾ തനിക്ക് പരിചയ പെടായിരുന്നില്ലേ തന്നെ അവൾക്ക് അറിയാം. " എന്തിനാ അഗ്നി ഇങ്ങനെ നുണ പറയുന്നേ. തന്റെ മനസ്സിൽ ഞാൻ മാത്രെ ഒള്ളുന്ന് എനിക്ക് അറിയാം. " അത് നിന്റെ വെറും തോന്നൽ മാത്രമാ പൂജ ഇപ്പൊ എന്റെ മനസ്സിൽ പോലും നിനക്ക് സ്ഥാനമില്ല. നിന്നെ പടിയിറക്കി വിട്ട മനസിലേക്ക് ആശ്വാസവും ആയിട്ട് വന്നതാ സാക്ഷി. ഇപ്പൊ ഈ അഗ്നിടെ മനസ്സിൽ എന്റെ സാക്ഷിയും ഞങ്ങടെ കുഞ്ഞും മാത്രെ ഒള്ളു. "കൊള്ളാലോ കുറച്ച് നാൾ അവളുടെ കൂടെ കിടന്നപ്പോളേക്കും നിനക്ക് അവളെ പിടിച്ചെന്ന് തോന്നുന്നല്ലോ. " പന്ന പുന്നാര മോളെ നീ എന്താടി കരുതിയെ സുഖത്തിനു വേണ്ടി ഓരോരുത്തരെ തേടിപോകുന്ന നിന്നെ പോലെയാണ് എല്ലാവരുമെന്നോ.

ഏത് ബന്ധത്തിലായാലും കാമത്തിനപ്പുറം ആത്മബദ്ധം എന്നൊന്നുണ്ടെടി, അത് പറഞ്ഞാൽ നിന്നെപ്പോലുള്ളവൾ മാർക്ക് മനസ്സിലാകണമെന്നില്ല. " തത്വ ചിന്ത ഒക്കെ കൊള്ളാം, എല്ലാ പെണ്ണുങ്ങളും ഒരുപോലെ തന്നെയാ. ഇല്ലെങ്കിൽ നിന്റെ ഭാര്യ നിന്നെ വെറുക്കുന്നെ ഞാൻ കാണിച്ചു തരാം. " എടി മോളെ നീ കൂടുതൽ കാണിക്കാൻ നിക്കുവൊന്നും വേണ്ട നിന്റെ ഉദ്ദേശ്യം ഒക്കെ വ്യക്തമായി എനിക്ക് അറിയാം. വരുൺ നിന്നെ ഡിവോഴ്സ് ചെയ്തല്ലേ ഇനി അ സ്ഥാനത്തേക്ക് മറ്റൊരാളെ കിട്ടുന്നവരെ നിനക്ക് തട്ടികളിക്കാൻ ഒരാളു വേണം അതിന് വേണ്ടിവന്നതല്ലേ നീ. എന്നാലേ മോളുടെ യാതൊരു ഉദ്ദേശവും ഇവിടെ നടക്കാൻ പോകുന്നില്ല. " നമ്മുക്ക് കാണാം അഗ്നി നിന്നെ സന്തോഷത്തോടെ ജീവിക്കാൻ ഞാൻ അനുവദിക്കില്ല. എനിക്ക് ഇല്ലാത്ത സന്തോഷം നിനക്കും വേണ്ട. " പേടിപ്പിക്കല്ലേ മോളെ ഇതിന്റെ പേരിൽ നീ ഒന്നും ചെയ്യാൻ പോണില്ല ഇനി അഥവാ സന്തോഷത്തോടെ ഇരിക്കുന്ന എന്റെ കുടുംബത്തിലേക്ക് ഇടിച്ച് കേറാനാ നിന്റെ ഉദ്ദേശമെങ്കിൽ നീ ഇത് വരെ കാണാത്ത ഒരു അഗ്നിയുണ്ട് സർവ്വതും ചാമ്പലാക്കാൻ ശേഷിയുള്ള അഗ്നി അതായി മാറും ഞാൻ,

വെച്ചിട്ട് പൊടി. അത്രയും പറഞ്ഞു കൊണ്ട് അഗ്നി ഫോൺ കട്ടു ചെയ്തു. നല്ല ദേഷ്യം വരുന്നുണ്ടായിരുന്നു അവന്. അവൾ പറഞ്ഞ ഓരോ കാര്യങ്ങളും അവന്റെ മനസിലൂടെ കടന്നു പോകാൻ തുടങ്ങി. " സാർ. ജീവന്റെ വിളിയാണ് അഗ്നിയെ തിരികെ കൊണ്ടുവന്നത്. " ആ ജീവാ കയറിവാ. " സർ വണ്ടി ചെക്ക് ചെയ്തു അതിൽ നിന്നും മയക്കു മരുന്ന് കണ്ടെടുത്തിട്ടുണ്ട്, പിന്നെ ഹോസ്പിറ്റലിൽ നിന്ന് വിളിച്ചിരുന്നു ആ കുട്ടികൾക്ക് ബോധം തെളിഞ്ഞിട്ടുണ്ട് അവരുടെ വീട്ടുകാരെ വിവരം അറിയിച്ചിട്ടുണ്ട്. " ഒക്കെ ജീവൻ, എന്നാൽ നമ്മുക്ക് ഇറങ്ങിയാലോ. " ഒക്കെ സാർ. ജീവനും അഗ്നിയും വീട്ടിലേക്ക് യാത്ര തിരിച്ചു വണ്ടിയിൽ ഇരിക്കുമ്പോളും അഗ്നിയുടെ ചിന്ത പൂജയുമായി സംസാരിച്ചതിൽ ആയിരുന്നു. പെട്ടന്ന് എന്തോ ഓർത്തപോലെ അഗ്നി ജീവനോട് പറഞ്ഞു. " ജീവാ, ഗിരിയെ ഒന്നു ശ്രദ്ധിക്കണം കൂട്ടത്തിൽ നിന്ന് ഒറ്റുന്ന പോലെ തോന്നുന്നുണ്ട് കേസിന്റെ ഡീറ്റെയിൽസ് ഇനി അവനോട് ഡിസ്‌കസ് ചെയ്യണ്ട കേട്ടോ.

" എനിക്കും തോന്നിയിരുന്നു സാർ തെളിവ് കിട്ടാത്തത് കൊണ്ട് പറയാതിരുന്നതാ. പിന്നെ സാർ ഞാൻ ഒന്നു ചോദിച്ചോട്ടെ. " എന്താ ജീവൻ ചോദിച്ചോ. " സാറിന്റെ വിവാഹം കഴിഞ്ഞതായിരുന്നല്ലേ എനിക്ക് അറിയില്ലായിരുന്നു. " ജീവനോടെ ഇത് ആരാ പറഞ്ഞെ. " ഞാൻ കഴിഞ്ഞ ദിവസം മാളിൽ വെച്ച് സാറിന്റെ അനിയനേം അനിയത്തിയേം കണ്ടിരുന്നു. ആന്ന് അവരുടെ കൂടെ സാറിന്റെ വൈഫും കുഞ്ഞും ഉണ്ടായിരുന്നു. ആന്ന് ഞങ്ങൾ പരിചയ പെട്ടിരുന്നു. " മ്മ്, ഒന്നും ആരോടും പറഞ്ഞിരുന്നില്ല ജീവൻ. അഗ്നിക്ക് ഒരു പുഞ്ചിരി സമ്മാനിച്ചോണ്ട് ജീവൻ ഡ്രൈവിങ്ങിൽ ശ്രദ്ധ ചെലുത്തി. എന്നാൽ അഗ്നി അപ്പോളും ദേഷ്യം കൊണ്ട് വിറക്കുവായിരുന്നു. പതിവുപോലെ അഗ്നിയെ വീട്ടിൽ ആക്കി ജീവൻ വീട്ടിലേക്ക് മടങ്ങി. ..........................❤️ ❤️......................... അഗ്നി വീട്ടിലേക്ക് കയറി വരുമ്പോൾ കാണുന്നത് സ്വീകരണ മുറിയിലിരുന്ന് കളിക്കുന്ന കാശിയെയും അവന്റെ അടുത്തായി സംസാരിച്ചിരിക്കുന്ന സാക്ഷിയെയും അതുല്യയെയും ആയിരുന്നു.

അതുകണ്ടതോടെ അഗ്നിയുടെ ദേഷ്യം ഒന്നുകൂടി വർധിച്ചു. " ഡി. വാതിൽക്കൽ നിന്ന് വലിയ ശബ്ദത്തിൽ ദേഷ്യത്തോടെയുള്ള വിളി കേട്ടാണ് അവർ തിരിഞ്ഞു നോക്കിയത് അപ്പോളേ കണ്ടു ദേഷ്യത്തോടെ അകത്തേക്ക് വരുന്ന അഗ്നിയെ. " എന്താ ഏട്ടാ. " നിന്നെ ആരാ വിളിച്ചേ ഞാൻ വിളിച്ചത് ഇവളെയാ. " എന്നെയാ വിളിച്ചതെങ്കി എന്റെ ചെവിക്ക് കുഴപ്പമൊന്നുമില്ല പതിയെ വിളിച്ചാലും എനിക്ക് കേൾക്കാം. " നാക്ക് പൊങ്ങി തുടങ്ങിയല്ലോ. നിന്റെ ഉദ്ദേശമെന്താടി. " ഇത് വരെ ഒന്നുല്ല ഇനി ഉണ്ടായിക്കൂടെന്ന് ഇല്ലലോ. " എന്റെ ഭാര്യ ചമഞ്ഞ് ഇവിടെ വിലസാനാണെങ്കിൽ അനുവദിക്കില്ല ഞാൻ ഇപ്പൊ ഇറങ്ങിക്കോളണം ഇവിടെ നിന്ന്. " അതെ എന്നേ ഇവിടെ നിർത്തിയത് നിങ്ങളുടെ അച്ഛനാ അദ്ദേഹം പറയാതെ ഞാൻ ഇവിടന്ന് ഇറങ്ങില്ല. സാക്ഷി അഗ്നിയോട് പറയുന്ന ഓരോന്നും അതുല്യ അത്ഭുധത്തോടെ കേട്ടിരുന്നു ഇടക്ക് ചിരി വരുന്നുണ്ടെങ്കിലും അത് നിയന്ത്രിച്ച് നിർത്തി അവൾ. " അത്രക്കായോ നിന്നെ ഇറക്കാൻ പറ്റുവൊന്ന് ഞാൻ നോക്കട്ടെ.

അഗ്നിയും സാക്ഷിയും തമ്മിലുള്ള വഴക്ക് കയാങ്കളിയിലേക്ക് മാറിയപ്പോളേക്കും അതുല്യ മറ്റുള്ളവരെ വിളിക്കാൻ മുകളിലേക്ക് ഓടിയിരുന്നു. " വിടാൻ നിങ്ങളോടല്ലേ പറഞ്ഞെ വിടാൻ. സാക്ഷി ചെറുത്ത് നിന്നിട്ടും വിടാതെ പിടിക്കാൻ ശ്രമിക്കുകയായിരുന്നു അഗ്നി അപ്പോളാണ് കാശി അഗ്നിയെ കാണുന്നത് മുട്ടിലിഴഞ്ഞവൻ അഗ്നിയുടെ അടുത്തേക്ക് എത്തി അഗ്നിയുടെ കാലിൽ പിടിച്ച് എഴുന്നേൽക്കാൻ ശ്രമിച്ചുകൊണ്ടിരുന്നു അഗ്നിയുടെ കൈ സാക്ഷിയിൽ നിന്ന് പതിയെ മാറി കാശിയിലേക്ക് നീണ്ടു. " ച്ചേ.. ച്ചേ. അഗ്നിയുടെ കാലിൽ പിടിച്ച് എഴുന്നേറ്റ് നിന്നു കൊണ്ട് കാശി വിളിച്ചു അത് കൂടി കേട്ടത്തോടെ ദേഷ്യം ഉച്ചിയിൽ എത്തിയിരുന്നു അഗ്നിക്ക്. " ഞാൻ നിന്റെ അച്ഛനൊന്നും അല്ല. "അയെ കാച്ചിടെ ച്ചേ ഇജ. " ദേ കൊച്ചേ ഞാൻ പറഞ്ഞു ഞാൻ അല്ലെന്ന്. " അയെ ഇജാ. കാശി വാശി പിടിച്ച് വലിയവായിൽ കരയാൻ തുടങ്ങി. " ദേ നില്കുന്നു നിന്റെ അമ്മ പറഞ്ഞു തരാൻ പറ നിന്റെ അച്ഛൻ ആരാന്ന്.

അഗ്നി പുച്ഛത്തോടെ സാക്ഷിയെ നോക്കി കുഞ്ഞിനോട് പറഞ്ഞു അപ്പോളും കുഞ്ഞ് വലിയവായിൽ കരയുവായിരുന്നു. " പറഞ്ഞു കൊടുക്കടി കുഞ്ഞിന്റെ അച്ഛൻ ആരാന്ന് അല്ലാതെ മറ്റുള്ളവരെ ബുദ്ധിമുട്ടിക്കാതെ. ഇനി കുഞ്ഞിന്റെ അച്ഛൻ ആരാന്ന് നിനക്കും അറിയില്ലേ. പരിഹാസചിരിയോടെയുള്ള അഗ്നിയുടെ വാക്കുകൾ സാക്ഷിയുടെ ഹൃദയത്തെ കീറി മുറിച്ചുകൊണ്ടിരുന്നു അതിന്റെ പ്രതിഫലം എന്നോണം കണ്ണുകൾ നിറഞ്ഞൊഴുകി കൊണ്ടിരുന്നു. " അഗ്നി. ദേഷ്യത്തോടെയുള്ള ചന്ദ്രശേഖരന്റെ ശബ്ദം കേട്ടാണ് അഗ്നി മുകളിലേക്ക് നോക്കിയത് അപ്പോളേ കണ്ടു സ്റ്റേയർ ഇറങ്ങി വരുന്ന ചന്ദ്രശേഖരനെയും പത്മത്തെയും. " ഓഹോ വന്നല്ലോ നിന്റെ സംരക്ഷകൻ. " അഗ്നി സൂക്ഷിച്ച് സംസാരിക്കണം. " അച്ഛൻ അറിഞ്ഞില്ലേ എനിക്ക് പുതിയ ഒരു ഉദ്യോഗം കൂടി കിട്ടി. നിങ്ങളുടെ വളർത്തു മകളുടെ ഭർത്താവ് ഉദ്യോഗം കൂട്ടത്തിൽ ഒരു കുഞ്ഞിനേം. ഹ... ഹ... ഹ..ഹ... ഹ... ഹ..ഹ... ഹ... ഹ.... വലിയ ശബ്ദത്തോടെ പൊട്ടി ചിരിച്ചു കൊണ്ട് അഗ്നി പറഞ്ഞു.

" അഗ്നി ഇതൊന്നും ആരും മനപ്പൂർവം ചെയുന്നതല്ലലോ. അറിയാതെ സംഭവിച്ചു പോയതല്ലേ. അല്ലെങ്കിൽ തന്നെ ഒരു പൊടി കുഞ്ഞ് അച്ഛാന്ന് വിളിച്ചാൽ നിനക്ക് എന്ത് സംഭവിക്കാനാ അഗ്നി.അതിന് മനസിലാക്കുന്ന പ്രായമാകുമ്പോൾ പറഞ്ഞു കൊടുത്ത് തിരുത്തിക്കാം. " ഇവളുടെ നല്ല നടപ്പിന് ആരോ സമ്മാനിച്ചിട്ട് പോയതാ കുഞ്ഞിനെന്ന് മനസിലായി അതിന് ഒരു അച്ഛനെ വേണോകിൽ സംഘടിപ്പിച്ച് കൊടുക്കാൻ പറ ഇവളോട് . അഗ്നിയിൽ നിന്ന് വന്ന വാക്കുകൾ കേട്ട് സങ്കടം അടക്കാൻ കഴിയാതെ സാക്ഷി കരഞ്ഞു കൊണ്ട് മുകളിലേക്ക് ഓടി അവൾക്ക് പുറകെയായി അതുല്യയും . ദേഷ്യം കൊണ്ട് അടിമുടി വിറച്ച് നിന്നിരുന്ന ചന്ദ്രശേഖരന് ഇതുകൂടിയായപ്പോൾ കൈവീശി ഒറ്റ അടിയായിരുന്നു അഗ്നിയെ. " അവൾക്ക് വേണ്ടി അച്ഛൻ എന്നെ അടിച്ചലേ അതിനും മാത്രം എന്ത് കൈവിഷമാ അവൾ നിങ്ങൾക്ക് തന്നത്. " ഇപ്പൊ ഇറങ്ങിക്കോണം. " അല്ലെങ്കിലും ഞാൻ ഇറങ്ങുവാ, ഇതോടെ തീർന്നു എല്ലാം ഇനി ഇവിടത്തെ ഒരു കാര്യത്തിനും അഗ്നി ഇടപെടില്ല.അഗ്നി പണ്ടും തനിച്ചായിരുന്നല്ലോ.

അവനെ ദേഷ്യത്തിൽ നോക്കി മുഖം തിരിച്ചു ചന്ദ്രശേഖരൻ അപ്പോളേക്കും അത്രയും സമയം കാഴ്ചകാരിയായിരുന്നു പത്മം സംസാരിച്ച് തുടങ്ങി. " ഇവരൊക്കെ പറഞ്ഞു നീ ഒരുപാട് മാറിപോയെന്ന് എന്നാൽ ഞാൻ അതൊന്നും കെട്ടിരുന്നില്ല ഇപ്പൊ മനസിലായി ഇത് എന്റെ പഴയ അഗ്നിയല്ല മറ്റാരോ ആണെന്ന്. ഒരു പോലീസുകാരനായ നിനക്ക് ഇത്ര അഥ പതിക്കാൻ എങ്ങനെ കഴിയുന്നു. എങ്ങോടാന്ന് വെച്ചാൽ പോകോ കാണണ്ട എനിക്ക് നിന്നെ. അമ്മ കൂടി പറഞ്ഞതോടെ ദേഷ്യത്തിൽ ഒന്നു തിരിഞ്ഞു നോക്കുക കൂടി ചെയ്യാതെ അഗ്നി ആ വീടിന്റെ പടിയിറങ്ങി. അഗ്നി പോകുന്നത് കണ്ട് കാശി വലിയ വായിൽ കരയാൻ തുടങ്ങി. ചന്ദ്രശേഖരൻ അവനെ എടുത്തുകൊണ്ടു അകത്തേക്ക് കയറി പോയി പത്മം അപ്പോളും പുറത്തേക്ക് നോക്കി നില്കുവായിരുന്നു അവരുടെ കണ്ണുകൾ അപ്പോളും പെയ്യുന്നുണ്ടായിരുന്നു......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...