💞 അഗ്നിസാക്ഷി 💞: ഭാഗം 13

എഴുത്തുകാരി: സ്‌നേഹ സാജു

പിന്നെയും ദിവസങ്ങൾ ഓടി മറഞ്ഞു കൊണ്ടേയിരുന്നു. ആന്ന് വഴക്കിട്ട് വീട്ടിൽ നിന്ന് ഇറങ്ങിയതിന് ശേഷം അഗ്നിക്ക് പിന്നീട് വീടുമായി യാതൊരു തരത്തിലും ബദ്ധവും ഉണ്ടായിരുന്നില്ല. " നോ.... ദേഷ്യത്തോടെ അവൻ ഫോൺ ദൂരെക്ക് വലിച്ചെറിഞ്ഞു തെറിച്ച് വീണ ഫോൺ വലിയ ശബ്ദത്തോടെ ഭിത്തിയിൽ ഇടിച്ച് ചിന്നി ചിതറി. " ഇല്ല സമ്മതിക്കില്ല അഗ്നിദേവ്, ഈ AJ യുടെ സാമ്രാജം തകർക്കാൻ. എന്താ വേണ്ടതെന്നു എനിക്ക് അറിയാം, ഞാൻ ആരെന്ന് നിന്നെ അറിയിച്ച് തരുന്നുണ്ട്. ദേഷ്യത്തോടെ പറഞ്ഞു കൊണ്ട് അവൻ മുറി വിട്ട് പുറത്തേക്ക് ഇറങ്ങി. ............................ ❤️ ❤️......................... " ശരവണാ കാര്യങ്ങൾ ഒക്കെ എങ്ങനെ പോകുന്നു. " എല്ലാം നല്ല രീതിയിൽ തന്നെയാ മുതലാളി മുന്നോട്ട് പോകുന്നത്. സക്കറിയ പോത്തന്റെ ഓഫീസിൽ ശരവണനും ആയിട്ട് സംസാരിച്ചിരിക്കുവായിരുന്നു അയാള്. " ചേട്ടിയാർക്കൊള്ള ലോഡ് കയറ്റി അയച്ചില്ലേ. " ഇന്ന് രാവിലെ തന്നെ കയറ്റി അയച്ചിട്ടുണ്ട്. " 10 പെൺകുട്ടികളെയല്ലേ ചേട്ടിയാർ ചോദിച്ചത്, പിന്നെ ഡ്രാക്സും. " അതെ മുതലാളി, പെൺകുട്ടികൾക്ക് ഡ്രാക്സ് കൊടുത്ത് മയക്കിയിട്ടുണ്ട്,

പിന്നെ ആ പോലീസുകാരൻ കുറച്ച് പ്രശ്നമാ മുതലാളി എങ്ങനെയെങ്കിലും ഒതുക്കണം. " മ്മ് നമുക്ക് നോക്കാം ശരവണാ. " അണ്ണാ.. അണ്ണോ.. അവർ സംസാരിച്ചോണ്ട് നില്കുമ്പോളാണ് അവിടേക്ക് വടിവാൾ ദൃതിയിൽ ഓടി വന്നത്. ഓട്ടത്തിന്റെ വേഗതയിൽ അവൻ നന്നായി കിതക്കുന്നുണ്ടായിരുന്നു. അപ്പോളേക്കും സക്കറിയക്ക് ഒരു കാൾ വന്ന് അയാള് അത് അറ്റൻഡ് ചെയ്ത് സംസാരിക്കാൻ തുടങ്ങി. " എന്താടാ എന്താടാ വടിവാളേ. " അത് അണ്ണാ. " നിന്ന് കിതക്കാതെ കാര്യം പറയടാ. " അണ്ണാ ചേട്ടിയാർക്ക് അയച്ച നമ്മുടെ ലോഡ് പോലീസ് പിടിച്ചെന്ന്. " നീ എന്താ തമാശ പറയുവാണോ വടിവാളേ. " ഞാൻ പറഞ്ഞത് സത്യമാ പുതിയ പോലീസുകാരൻ ഇല്ലേ അഗ്നിദേവ് അങ്ങനെ എന്തോ അല്ലെ പേര് ആ അവനാ പിടിച്ചേ. ശരവണൻ എന്ത് ചെയ്യണമെന്ന് അറിയാതെ വടിവാളിനെ നോക്കി നിന്നു അപ്പോളേക്കും സക്കറിയ ഫോൺ സംഭാഷണം കഴിഞ്ഞ് എത്തിയിരുന്നു.

" ശരവണാ എന്താ കാര്യം. " മുതലാളി അത് നമ്മുടെ ലോഡ്. " പോലീസ് പിടിച്ചല്ലേ. " ഹേ മുതലാളി എങ്ങനെയാ അറിഞ്ഞേ. " ഇപ്പൊ വിളിച്ചത് AJ ആയിരുന്നു വിവരം അവിടെ എത്തീട്ടുണ്ട് ആ പുതിയ IPS അഗ്നിദേവാ പ്രശ്നം. ചേട്ടിയാരെ AJ പറഞ്ഞു നിർത്തിട്ടുണ്ട്. " ഞാൻ പറഞ്ഞില്ലാഞ്ഞോ മുതലാളി അവനെ ഒതുക്കണോന്ന്. " ശരവണാ നമ്മുടെ ആളുകളെ വിളിക്ക് വണ്ടിയും ലോഡും അടക്കം കോടികളുടെ നഷ്ട്ടാ അവൻ ഉണ്ടാക്കിയേക്കുന്നെ ഇനിയും അവനെ വെറുതെ വിടാൻ പറ്റില്ല. സക്കറിയ പോത്തൻ ആരാന്ന് ഒന്ന് അറിയിച്ച് കൊടുക്ക് പിന്നെ കൊല്ലണ്ട കേട്ടല്ലോ. " ശരി മുതലാളി. അത്രയും പറഞ്ഞു കൊണ്ട് ശരവണനും വടിവാളും സക്കറിയയുടെ ക്യാബിനിൽ നിന്ന് ഇറങ്ങി. .......................... ❤️ ❤️....................... അർജുന്റെ റൂമിൽ നിന്ന് വലിയ ശബ്ദം കേട്ടാണ് അതുല്യയും സാക്ഷിയും അങ്ങോട്ട് ചെല്ലുന്നത്. വാതിലിനു മുന്നിൽ കുറച്ച് സമയം സംശയിച്ചു നിന്നിട്ട് അവർ വാതിലിൽ മുട്ടി. കുറച്ച് സമയത്തിന് ശേഷം വാതിൽ തുറന്നു അർജു പുറത്തേക്ക് വന്നു. " എന്താ കൊച്ചേട്ടാ ഒരു ശബ്ദം കേട്ടത്.

" ഒന്നുല്ല മോളെ ഫോൺ ഒന്നു താഴെ പോയതാ. താഴെ പൊട്ടി കിടക്കുന്ന ഫോൺ ചൂണ്ടി കാണിച്ചു കൊണ്ട് അർജു പറഞ്ഞു. അത് കണ്ടപ്പോൾ സാക്ഷി ചോദിച്ചു. " അർജു ഫോൺ മൊത്തം പൊട്ടിയല്ലോ എന്താ ഉണ്ടായേ. " ഒന്നുല്ല സാക്ഷി ഫോൺ വിളിച്ചുകൊണ്ടു തിരിഞ്ഞതാ കാല് മേശയിൽ ഒന്നു തട്ടി കൈയിൽ നിന്ന് ഫോൺ വഴുതി താഴെക്ക് പോയതാ ഇനിയിപ്പോ നന്നാക്കാൻ കൊടുക്കാം. " ഏട്ടാ ഇന്ന് മീറ്റിംഗ് ഉണ്ടന്ന് പറഞ്ഞിട്ട് പോകുന്നില്ലേ. " പോകാൻ ഇറങ്ങിയതാ അമ്മു അപ്പോളാ ഫോൺ പോയെ. " അല്ല അർജു എങ്ങോട്ടാ. " ഹൈദ്രബാദിൽ ഒരു ബിസിനസ്‌ മീറ്റിംഗ് അതിന് പോകുവാ സാക്ഷി. " ആണോ, എപ്പോളാ പോകുന്നെ. " ദേ ഇറങ്ങുവാ. അർജു എല്ലാവരോടും യാത്ര പറഞ്ഞ് എയർപോർട്ടിലേക്ക് ഇറങ്ങി. അർജു പോയപ്പോൾ പത്മം സ്വീകരണ മുറിയിൽ ഇരുന്ന് പഴയ ഓരോന്ന് ഓർക്കാൻ തുടങ്ങി അതിന്റെ പ്രതിഫലം എന്നോണം അവരുടെ കണ്ണുകൾ നിറഞ്ഞു കൊണ്ടിരുന്നു അത് കണ്ട് കൊണ്ടാണ് സാക്ഷി അങ്ങോട്ട് വന്നത്.

" എന്ത് പറ്റി അമ്മ കുട്ടി. " ഒന്നുല്ല മോളെ അമ്മ പഴയ ഓരോന്നും ഓർത്തിരുന്നതാ. മോള് ഇരിക്ക് അമ്മ ചായ എടുക്കാം. ഒഴുകി ഇറങ്ങുന്ന കണ്ണുനീരിനെ മറക്കാൻ എന്നോണം പത്മം അടുക്കളയിലേക്ക് നടന്നു പക്ഷെ അത് വ്യക്തമായി സാക്ഷിക്ക് മനസിലായിരുന്നു എന്തോ തീരുമാനിച്ച് ഉറപ്പിച്ചപോലെ റൂമിലേക്ക് പോയി പെട്ടന്ന് ഡ്രസ്സ്‌ മാറി വന്നു അവൾ. സാക്ഷി താഴേക്ക് വരുമ്പോൾ അതുല്യ ചായ കുടിക്കുകയും കാശിക്ക് പത്മം ചായ കൊടുക്കുകയും ആയിരുന്നു. " സാക്ഷി മോളെ ഇത് എവിടെ പോയതാ ദേ അവിടെ ചായ ഇരിക്കുന്നു എടുത്ത് കുടിക്ക്. " ഞാൻ റൂമിലേക്ക് ഒന്നു പോയതാ. അപ്പോളാണ് അതുല്യ സാക്ഷിയെ ശ്രദ്ധിക്കുന്നത് എവിടെയോ പോകാൻ ഒരുങ്ങി വന്നേക്കുന്ന അവളെ കണ്ട് അതുല്യ ചോദിച്ചു. " ചേച്ചി ഇത് എങ്ങോട്ടാ. " അമ്മു ഞാൻ ഒന്നു പുറത്ത് പോകുവാ എനിക്ക് ഒരാളെ കാണാൻ ഉണ്ട് അത്യാവശ്യം ആണ്. " എങ്ങോട്ടാ ചേച്ചി ഞാനും വരാം. "

വേണ്ട മോളെ ഞാൻ പോയിട്ട് പെട്ടന്ന് വരാം വണ്ടി ഞാൻ എടുക്കുവാട്ടോ പിന്നെ കാശിയെ നോക്കണെ. അവരുടെ സംസാരം കെട്ടിരുന്ന പത്മം സാക്ഷിയോട് പറഞ്ഞു. " സൂക്ഷിച്ച് പോയിട്ട് വാ. സാക്ഷി പത്മത്തിന് ഒരു ഉമ്മ കൊടുത്ത് കാശിയെ എടുത്തൊന്ന് കറക്കി. കാശി കുടുകുടെ ചിരിക്കാൻ തുടങ്ങി. ചിരി ഒന്ന് ഒതുങ്ങിയപ്പോൾ സാക്ഷിയുടെ കവിളിൽ പതിയെ കടിച്ചു. " മ്മ, ഏതെ പോക, കാച്ചി വയാം മോന്ന് ച്ചേ താണണം. " കാശി അമ്മ അച്ചേടെ അടുത്ത് പോകുവല്ല വേറെ ഒരു സ്ഥലത്താ പോകുന്നെ, കാശി നല്ല കുട്ടിയായി ഇരിക്കണം അമ്മുനേം അച്ഛമ്മേനേം ബുദ്ധിമുട്ടിക്കരുത് നല്ല കുട്ടി ആയിരുന്നാൽ അമ്മ വരുമ്പോൾ മിട്ടായി കൊണ്ടുവരാം. " കാച്ചി നയ്യാ കുത്തി ആയിച്ചാ. കാശിക്ക് ഒരു ഉമ്മ കൂടി കൊടുത്തിട്ട് അവരോട് യാത്രയും പറഞ്ഞ് സാക്ഷി പുറത്തേക്ക് നടന്നു. വാതിൽക്കൽ എത്തീട്ടു തിരിഞ്ഞ് പത്മത്തെ നോക്കിക്കൊണ്ട് പറഞ്ഞു. " അമ്മ സങ്കടപ്പെടണ്ടട്ടോ, അമ്മക്ക് ഒരു സന്തോഷ വാർത്ത കൊണ്ടായിരിക്കും സാക്ഷി മടങ്ങി വരുന്നത്. അത്രയും പറഞ്ഞവൾ പുറത്തേക്ക് നടന്നു പറഞ്ഞത് ഒന്നും മനസിലാകാതെ അവർ ഇരുവരും അവൾ പോകുന്നതും നോക്കി നിന്നു.

........................... ❤️ ❤️....................... " ജീവൻ ഇന്ന് പിടിച്ച വണ്ടിയുടെ ഡീറ്റെയിൽസ് മുഴുവനും കളക്റ്റ് ചെയ്യണം. പിന്നെ വണ്ടിയിൽ ഉണ്ടായിരുന്ന പെൺകുട്ടികൾക്ക് വേണ്ട ട്രീറ്റ്‌മെന്റ് കൊടുത്തിട്ട് മൊഴിയെടുത്ത് വീട്ടുകാരെ ഏൽപ്പിക്കണം. " ഒക്കെ സാർ. " ഡീറ്റെയിൽസ് ഒന്നും മിസ്സാവരുത്. സക്കറിയ പോത്തനെ പൂട്ടണോങ്കിൽ തക്കതായ തെളിവുകൾ വേണം, so be care full. ഇനിയും അവനെ വിലസാൻ അനുവദിച്ച് കൂടാ. " ഞാൻ വേണ്ടത് പോലെ ചെയ്തോള്ളാം സാർ. സാക്ഷി നേരെ പോയത് അഗ്നിയുടെ കോർട്ടേസിലേക്ക് ആയിരുന്നു വണ്ടി നിർത്തി അകത്തേക്ക് കയറിയപ്പോളെ കണ്ടു ഉമ്മറത്ത് നിന്ന് ഫോണിൽ സംസാരിക്കുന്ന അഗ്നിയെ. " എന്നാൽ ശരി ജീവൻ എന്തേലും ഉണ്ടേൽ വിളിക്ക്. കാൾ കട്ട്‌ ചെയ്ത് നേരെ നോക്കിയ അഗ്നി കാണുന്നത് അകത്തേക്ക് കയറി വരുന്ന സാക്ഷിയെ ആയിരുന്നു. പെട്ടന്ന് തന്നെ അവന്റെ മുഖം ദേഷ്യം കൊണ്ട് വലിഞ്ഞു മുറുക്കാൻ തുടങ്ങി.

" നീ എന്താ ഇവിടെ. " ഇത് എന്താ പോലീസേ തീരെ മാനേഴ്സ് ഇല്ലാലോ ആദ്യായി വീട്ടിൽ വരുന്നവരെ അകത്തേക്ക് ക്ഷണിക്കാതെ പുറത്ത് നിർത്തിയാണോ സംസാരിക്കുന്നത്. അഗ്നിയെ പതിയെ തട്ടി മാറ്റി അകത്തേക്ക് കയറിക്കൊണ്ട് സാക്ഷി പറഞ്ഞു. " എങ്ങോട്ടാടി ഇടിച്ച് കേറി പോകുന്നെ. " കണ്ടില്ലേ മനുഷ്യ ഞാൻ അകത്തേക്കാ കേറുന്നേ വാ എനിക്ക് കുറച്ച് സംസാരിക്കാൻ ഉണ്ട് നമുക്ക് ഇരുന്ന് സംസാരിക്കാം. " എനിക്ക് ഒന്നും കേൾക്കണ്ട മോള് പോകാൻ നോക്ക്. സാക്ഷിയെ കൈകൊണ്ട് തടഞ്ഞു നിർത്തികൊണ്ട് അഗ്നി പറഞ്ഞു. " പ്ലീസ് എനിക്ക് പറയാൻ ഉള്ളത് ഒന്ന് കേൾക്ക്. നിങ്ങൾ തിരിച്ച് വീട്ടിലേക്ക് വരണം ഞാനും എന്റെ കുഞ്ഞും ഉള്ളതല്ലേ പ്രശ്നം ഞങ്ങൾ അവിടന്ന് മാറിക്കൊള്ളാം. " ഓഹോ ഇപ്പൊ എവിടന്ന് വന്നെടി ഈ ചിന്ത പുതിയ അഭിനയം ആകുലേ എന്നാലേ അതിന് ഈ അഗ്നിയെ കിട്ടില്ല. ആന്ന് ആ വീട്ടിൽ നിന്നും ഇറങ്ങുമ്പോൾ എല്ലാ ബന്ധോം ആ പടിക്കൽ ഇട്ടിട്ടാ അഗ്നി പോന്നത്. അതുകൊണ്ട് ഇനി ഒന്നും എനിക്ക് കേൾക്കണ്ട. "ആരോടാ നിങ്ങൾ ഈ വാശികാണിക്കുന്നെ നിങ്ങളെ ജീവനോളം സ്നേഹിക്കുന്ന ആ അച്ഛനോടും അമ്മയോടും ആണോ. "

നിന്ന് പ്രസംഗിക്കാതെ ഇറങ്ങി പോകാൻ നോക്കടി. " ഇല്ല ഞാൻ പോകില്ല എനിക്ക് പറയാൻ ഉള്ളത് പറഞ്ഞിട്ടേ ഞാൻ പോകു. ഞാനും മോനും ഉള്ളതല്ലേ നിങ്ങളുടെ പ്രശ്നം ഞങ്ങൾ ഉറപ്പായും മാറിക്കൊള്ളാം നിങ്ങൾ മടങ്ങി വരണം. നിങ്ങൾക്ക് വേണ്ടി കണ്ണുനീർ ഒഴുക്കുന്ന ഒരു അമ്മ അവിടെ ഉണ്ട്. " നീ എന്തിനാടി മറ്റുള്ളവരുടെ കാര്യം അനേഷിക്കുന്നത് നീ ആഗ്രഹിച്ചപോലെ നടന്നില്ലേ പിന്നെന്താ. നീ വന്നു കേറിയപ്പോൾ തുടങ്ങിയതാ എല്ലാവരും കൂടി എന്നെ ഒറ്റപ്പെടുത്താ. " ഓഹോ കൊള്ളാം ആ വീട്ടിലുള്ളവർ നിങ്ങളുടെ സ്വന്തം തന്നെയല്ലേ എന്നിട്ടും അവരെയൊക്കെ ഇത് വരെ നിങ്ങൾക്ക് മനസിലാക്കാൻ കഴിഞ്ഞില്ലാലോ കഷ്ടം. സാക്ഷിയോട് സംസാരിച്ച് നില്കുമ്പോളാണ് വീടിനു മുന്നിലേക്ക് വന്നു നിൽക്കുന്ന വണ്ടികളിലേക്ക് അഗ്നിയുടെ നോട്ടം ചെന്നെത്തുന്നത്. പെട്ടന്ന് തന്നെ വണ്ടിയിൽ നിന്നും ആയുധങ്ങളുമായി കുറെ ആളുകൾ പുറത്തേക്ക് ഇറങ്ങി.

അപകടം മനസിലായപോലെ അഗ്നി അവരെ രൂക്ഷമായി നോക്കാൻ തുടങ്ങി. പെട്ടന്ന് ആണ് അവരിൽ ഒരാൾ കത്തിയുമായി അഗ്നിക്കടുത്തേക്ക് പാഞ്ഞടുത്തു. അവർ വരുന്നത് കണ്ട് അഗ്നി സാക്ഷിയെ പതിയെ സൈഡിലേക്ക് തള്ളി. ഒട്ടും പ്രതീക്ഷിക്കാതെ ഉള്ള തള്ളൽ ആയതിനാൽ സാക്ഷി സൈഡിലേക്ക് വീണു പോയിരുന്നു. വീണിടത്തു നിന്നും ഒരുവിധം എങ്ങനൊക്കെയോ എഴുന്നേറ്റ സാക്ഷി കാണുന്നത് ഒരു പറ്റം ഗുണ്ടകൾക്ക് നടുവിലായി നിന്ന് അവരെ നേരിടുന്ന അഗ്നിയെ ആയിരുന്നു. സാക്ഷി പേടിയോടെ സൈഡിലേക്ക് ഒതുങ്ങി നിന്നു. ആയുധങ്ങളുമായി പാഞ്ഞടുക്കുന്ന ഗുണ്ടകളെ മെയ്‌ വഴക്കമുള്ള ഒരു യോദ്ധാവിനെപോലെ നേരിടുകയായിരുന്നു അഗ്നി. പെട്ടെന്നാണ് ഒരുത്തൻ അഗ്നിയുടെ പിന്നിൽ കൂടി ഓടി അടുത്തെത്തിയത് അഗ്നി തിരിഞ്ഞ് അവന്റെ മുഖത്തിനിട്ട് ആഞ്ഞിടിച്ചു. അവന്റെ പുറകിലായി അഗ്നിക്കടുത്തേക്ക് വന്നവർ ആ കാഴ്ച കണ്ട് ഒരു നിമിഷം നിന്ന് പോയിരുന്നു.

ഇതെല്ലാം കണ്ട് തൊണ്ട വരണ്ട് ഞെട്ടി വിറച്ച് നിന്നു പോയിരുന്നു സാക്ഷി. ഞെട്ടലിൽ നിന്ന് മുക്തയായി നേരെ നോക്കിയ സാക്ഷി കാണുന്നത് ഉടുത്തിരുന്ന മുണ്ടും മടക്കി കുത്തി തനിക്ക് നേരെ പാഞ്ഞു വരുന്ന ഓരോരുത്തരെയും അടിച്ചു വീഴ്ത്തുന്ന അഗ്നിയെ ആയിരുന്നു. എല്ലാം കണ്ട് പേടിച്ച് വിറച്ച് വാതിലിന്റെ സൈഡിലേക്ക് ഒതുങ്ങി നിന്നു സാക്ഷി. പെട്ടെന്നാണ് ശരവണൻ അഗ്നിയുടെ പിന്നിലേക്ക് വാള് വീശിയത് മുന്നിലെ ആളുകളെ നേരിടുന്ന അഗ്നി അങ്ങനെ ഒരു നീക്കം പ്രതീക്ഷിച്ചിരുന്നില്ല അതുകൊണ്ട് തന്നെ വാള് അഗ്നിയുടെ പുറത്തേ മുറിച്ചുകൊണ്ട് കടന്നു പോയി ചോര ചീറ്റി തെറിക്കാൻ തുടങ്ങി. മുറിവിൽ അമർത്തി പിടിച്ചുകൊണ്ടു അഗ്നി ശരവണനെ പുറകിലേക്ക് തള്ളിയിട്ടു എന്നാൽ ആ തക്കത്തിന് വടിവാൾ കൈയിൽ കരുതിയ വടികൊണ്ട് അഗ്നിയുടെ തലയിലേക്ക് അടിച്ചിരുന്നു. തലയിൽ നിന്ന് രക്തം ചാലിട്ട് ഒഴുകാൻ തുടങ്ങി

എന്നാലും പിന്മാറാൻ തയാറാകാത്ത പോലെ അവരെ നേരിടാൻ തുടങ്ങി അഗ്നി പെട്ടന്ന് ശരവണൻ ഒരു കത്തി അഗ്നിയുടെ വയറ്റിലേക്ക് കുത്തിയിറക്കി. "ആാാാാ.. അഗ്നിയുടെ അലറിയുള്ള കരച്ചിൽ കേട്ടാണ് സാക്ഷി വാതിലിനു പിറകിൽ നിന്ന് പുറത്തേക്ക് വന്നത്. അപ്പോളേ കണ്ടു ശരീരം മുഴുവനും രക്തവുമായി ഗുണ്ടകൾക്ക് നടുവിൽ കിടക്കുന്ന അഗ്നിയെ ഒരു നിമിഷം എന്ത് ചെയ്യണമെന്ന് അറിയാതെ പകച്ചു പോയിരുന്നു അവൾ പെട്ടെന്നാണ് മേശമേൽ ഇരിക്കുന്ന അഗ്നിയുടെ സർവീസ് റിവോൾവർ അവളുടെ കണ്ണിലുടക്കിയത്. ഒരു ദീർഘ നിശ്വാസം എടുത്ത് അതുമെടുത്ത് അവൾ അവർക്കടുത്തേക്ക് നടന്നു. "അനങ്ങി പോകരുത് ഞാൻ ഷൂട്ട്‌ ചെയ്യും. അവരോരോരുത്തരുടെയും നേരെ തോക്ക് ചുണ്ടി സാക്ഷി പറഞ്ഞു പെട്ടന്ന് അവളെ കണ്ട എല്ലാവരും ഒന്ന് ഞെട്ടിയിരുന്നു. എന്നാൽ വടിവാൾ പെട്ടന്ന് തന്നെ അവളുടെ അടുത്തേക്ക് നടന്നു ഒരു കുസലുമില്ലാതെ തനിക്കടുത്തേക്ക് നടന്നു വരുന്ന വടിവാളിനെ കണ്ട് സാക്ഷി കണ്ണുകൾ അടച്ച് തോക്കിൽ വിരലമർത്തി.

നിമിഷ നേരം കൊണ്ട് വലിയ ശബ്ദത്തോടെ ബുള്ളറ്റ് വടിവാളിന്റെ കാലിൽ തറച്ചു കയറി അത് കണ്ട് നിന്നവരെല്ലാം ഞെട്ടി വിറച്ച് പോയിരുന്നു. വടിവാളിന്റെ അലറിയുള്ള കരച്ചിൽ കേട്ടാണ് സാക്ഷി കണ്ണുകൾ തുറന്നത് അപ്പോളേ കണ്ടു ചോര ഒലിച്ചിറങ്ങുന്ന കാലിൽ അമർത്തി പിടിച്ചുകൊണ്ടു കരയുന്ന വടിവാളിനെ. അവളുടെ ശ്രദ്ധ ഒന്നു മാറിയപ്പോളേക്കും ശരവണൻ അവളെ പിറകിലേക്ക് തള്ളിയിട്ട് വീണു കിടക്കുന്ന വടിവാളിനേം എടുത്ത് കൊണ്ട് അവന്മാർ ഓടി രക്ഷപെട്ടിരുന്നു. പെട്ടെന്നുള്ള തള്ളലിൽ തോക്ക് തെറിച്ചു പോയി, സാക്ഷിയുടെ തല അടുത്തുള്ള ഭിത്തിയിലേക്ക് ഇടിച്ച് ചോര പൊടിഞ്ഞിരുന്നു. എന്നാൽ അതൊന്നും വകവെക്കാതെ സാക്ഷി പെട്ടന്ന് തന്നെ അഗ്നികടുത്തേക്ക് പാഞ്ഞു. " ദേവേട്ടാ. അറിയാതെയാണെങ്കിലും അവളുടെ നാവിൽ നിന്ന് അങ്ങനെയായിരുന്നു വീണത്, ബോധം മറഞ്ഞു പോകുമ്പോൾ അഗ്നി ആ വിളി കേട്ടിരുന്നു. അടഞ്ഞു പോകുന്ന കണ്ണുകളെ വാശിയോട് തുറന്ന് കൊണ്ട് അഗ്നി ചോദിച്ചു. " സാ... ക്ഷി.. ത.. നി.. ക്ക്.. കു.. ഴ.. പ്പം.. ഒ...ന്നും.. ഇല്ല.. ലോ. മുറിഞ്ഞു പോകുന്ന വാക്കുകൾ പെറുക്കികുട്ടി കൊണ്ട് ചോദിച്ചപ്പോളേക്കും ബോധം പൂർണമായി പോയിരുന്നു. " ദേവേട്ടാ... ദേവേട്ടാ.. കണ്ണു തുറക്ക്. അഗ്നിയെ കുലുക്കി കൊണ്ട് സാക്ഷി വിളിച്ചു കൊണ്ടേ ഇരുന്നു എന്നാൽ അഗ്നിയിൽ നിന്ന് യാതൊരു പ്രതികരണവും ഇല്ലായിരുന്നു.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...