💞 അഗ്നിസാക്ഷി 💞: ഭാഗം 14

എഴുത്തുകാരി: സ്‌നേഹ സാജു

ഓപ്പറേഷൻ തീയറ്ററിന് മുന്നിൽ ടെൻഷനോടെ ഇരിക്കുവായിരുന്നു സാക്ഷി അവളുടെ കണ്ണുകൾ നിറഞ്ഞ് ഒഴുകുന്നുണ്ടായിരുന്നു. മനസു നിറയെ ഒരു പ്രാത്ഥന മാത്രമായിരുന്നു അവൾക്ക് അഗ്നിക്ക് ഒന്നും സംഭവിക്കരുതെന്ന്. പെട്ടന്നായിരുന്നു OT യുടെ ഡോർ തുറന്ന് ഡോക്ടർ പുറത്തേക്ക് വന്നത് അത് കണ്ടതോടെ സാക്ഷി ഇരുന്നിടത് നിന്ന് ചാടി എഴുന്നേറ്റ് അദ്ദേഹത്തിന് അടുത്തേക്ക് പാഞ്ഞു. " ഡോക്ടർ ഡോക്ടർ എങ്ങനെ ഉണ്ട് ദേവേട്ടന്. വല്ലാത്ത തളർച്ച ഉണ്ടായിരുന്നു അവളുടെ വാക്കുകൾക്ക്. അവളുടെ അവസ്ഥ മനസിലാക്കിയ പോലെ അദ്ദേഹം പറഞ്ഞു. " cool down, താൻ ഇങ്ങനെ ടെൻഷൻ ആകാത്തെടോ ഓപ്പറേഷൻ സക്സ്സ് ആയിരുന്നു. ഒപ്സെർവേഷൻ കഴിഞ്ഞിട്ട് മാത്രമാണ് റൂമിലേക്ക് മാറ്റു. " വേറെ കുഴപ്പൊന്നും ഇല്ലലോ ഡോക്ടർ, എന്തേലും ഉണ്ടേൽ തുറന്ന് പറഞ്ഞോ. " ഹേ കുഴപ്പൊന്നും ഇല്ലെടോ പിന്നെ മറ്റാരും വന്നിട്ടില്ലേ. " ഇപ്പൊ എത്തും സാർ. അത് പറഞ്ഞു തീരെ ചന്ദ്രശേഖരനും പത്മവും അതുല്യയും അങ്ങോട്ടേക്ക് വന്നു. കാശി അതുല്യയുടെ തോളിൽ കിടന്ന് ഉറങ്ങുന്നുണ്ടായി.

പത്മം കരഞ്ഞ് ആകെ തളർന്നിരുന്നു ചന്ദ്രശേഖരന്റെ അവസ്ഥയും മറിച്ചായിരുന്നില്ല. വന്ന ഉടനെ തന്നെ ചന്ദ്രശേഖരൻ ഡോക്ടറോട് സംസാരിക്കാൻ തുടങ്ങി. " ഡോക്ടർ എങ്ങനെ ഉണ്ട് എന്റെ കുട്ടിക്ക്. "See mr, " ചന്ദ്രശേഖരൻ " ഒക്കെ ചന്ദ്രശേഖരൻ അഗ്നിദേവിന് സംഭവിച്ചിരിക്കുന്നത് ഒരു സീരിയസ് ഇൻജുറിയാണ്. ബോഡിക്ക് പിന്നിലായി ഒരു വെട്ട് കൊണ്ടിട്ടുണ്ട് അത് പേടിക്കാനില്ല പക്ഷെ വയറിൽ ആഴത്തിലുള്ള മുറിവാണ് അത് പോലെ തലക്ക് പിന്നിലും ഒരു മുറിവുണ്ട് അത് വളരെ ആഴത്തിൽ ഉള്ളതാണ്. സർജറി കഴിഞ്ഞു ഇപ്പൊ പേടിക്കാനില്ല ബ്ലഡ്‌ ലോസ് നല്ലോണം ഉണ്ട് അത് കൊണ്ട് ബോധം തെളിയാൻ സമയം എടുക്കും ഇന്ന് ഒബ്സെർവേഷനിൽ ഇരിക്കട്ടെ. നാളെ റൂമിലേക്ക് മാറ്റാം. " ഒക്കെ ഡോക്ടർ, ഒരുപാട് നന്ദി ഉണ്ട്. " ആയ്യോാ നന്ദി ഒക്കെ എന്തിനാ ഇത് എന്റെ ജോലിയാണ്. പിന്നെ ഈ കുട്ടി അഗ്നിയുടെ ഭാര്യ ആയിരിക്കുലെ. "മ്മ്. ഡോക്ടറുടെ പെട്ടെന്നുള്ള ചോദ്യത്തിന് എന്ത് മറുപടി പറയണോന്ന് ചന്ദ്രശേഖരന് അറിയില്ലായിരുന്നു അത്കൊണ്ട് തന്നെ ഒരു മൂളലിൽ ഒതുക്കി.

" ഈ കുട്ടിയാണ് ഹോസ്പിറ്റലിൽ എത്തിച്ചത് അതുമാത്രമല്ല വന്നപ്പോൾ തൊട്ടേ ദാ ഇവിടെ ഈ ഇരിപ്പ് തന്നെയാ. ഈ കുട്ടിയുടെ ബോഡിയും നല്ല വീക്ക് ആണ് റെസ്റ് വേണം കേട്ടോ. അത്രയും പറഞ്ഞു കൊണ്ട് ഡോക്ടർ നടന്നു നീങ്ങി. ചന്ദ്രശേഖരൻ തിരിഞ്ഞ് സാക്ഷിയെ നോക്കി അവൾ വല്ലാതെ വീക്ക് ആയിരുന്നു എന്നാലും പത്മതേം അതുല്യയേം അശ്വസിപ്പിക്കുന്ന തിരക്കിലായിരുന്നു. ചന്ദ്രശേഖരൻ പതിയെ സാക്ഷിയുടെ അടുത്തേക്ക് നടന്ന് അവളോട് കൈ കുപ്പിക്കൊണ്ട് പറഞ്ഞു. " മോളെ എങ്ങനെയാ നിന്നോട് നന്ദി പറയേണ്ടത്. " എന്താ അച്ഛാ ഇത് എനിക്ക് നിങ്ങളല്ലേ ഉള്ളു, നിങ്ങൾ തരുന്ന സ്നേഹത്തിന് മുൻപിൽ ഇതൊന്നും ഒന്നുമല്ല. " ചന്ദ്രേട്ടാ ഡോക്ടർ എന്താ പറഞ്ഞെ. " പത്മം താൻ ഇങ്ങനെ ടെൻഷൻ ആകാതെ മോന് കുഴപ്പൊന്നുമില്ല. ബ്ലഡ്‌ ഒരുപാട് പോയത് കൊണ്ട് ഇന്ന് ഒബ്സെർവേഷനിൽ ഇരിക്കട്ടെന്നാ ഡോക്ടർ പറഞ്ഞത് നളെ റൂമിലേക്ക് മാറ്റാന്ന്. " എന്റെ ഈശ്വരാ നീ എന്റെ പ്രാത്ഥന കേട്ടു. പത്മം മുകളിലേക്ക് നോക്കി ഈശ്വരന് നന്ദി പറഞ്ഞു. പിന്നീട് സാക്ഷിയോട് സംഭവിച്ചത് ഒക്കെ ചോദിച്ചു മനസിലാക്കി.

" ഏതായാലും മോള് ആ സമയത്ത് അവിടെ എത്തിയത് നന്നായി ഇല്ലായിരുന്നേൽ എന്തായേനെ. ചന്ദ്രശേഖരൻ എന്തോ ഓർത്തത് പോലെ പറഞ്ഞു. അപ്പോളാണ് പത്മം സാക്ഷിയെ ശ്രദ്ധിക്കുന്നത്. " എന്ത് കൊലമാ മോളെ ഇത് ഡ്രസ്സ്‌ മൊത്തം ചോരയാണല്ലോ. സാക്ഷിയുടെ മുഖത്ത് ഒക്കെ തൊട്ടുകൊണ്ട് അവർ പറഞ്ഞു പെട്ടെന്നാണ് നെറ്റിയിലെ മുറിഞ്ഞ പാടിൽ അവരുടെ കൈ മുട്ടിയത്. " അയ്യോ ഇത് എന്നാ മോളെ മുറിഞ്ഞിട്ടുണ്ടല്ലോ, ഡോക്ടറെ കാണിക്കായിരുന്നില്ലേ. " ഒന്നുല്ല അമ്മ അത് ഒരു ചെറിയ മുറിവല്ലേ കുഴപ്പൊന്നും ഇല്ല. സാക്ഷിയുടെ മുഖത്തെ ക്ഷീണവും അവശതയും കണ്ട് അവർ ചന്ദ്രശേഖരനോട്‌ പറഞ്ഞു. " ചന്ദ്രേട്ടാ മോൾക്ക് നല്ല ക്ഷീണം ഒണ്ട് മക്കളെ വീട്ടിൽ ആക്കിട്ട് വാ, അവര് റെസ്റ് എടുക്കട്ടേ എന്തായാലും മോനെ നാളെ അല്ലെ റൂമിലേക്ക് മാറ്റു ഇന്ന് നിന്നിട്ടും കാര്യം ഇല്ലലോ. " പത്മം പറഞ്ഞത് നേരാ മക്കള് വാ അച്ഛൻ വീട്ടിൽ ആക്കാം നാളെ രാവിലെ വന്നാൽ മതി. " മ്മ്. അച്ഛനോട് മറ്റൊന്നും പറയാതെ അവർ പത്മത്തോട് യാത്ര പറഞ്ഞു പോകാനിറങ്ങി. ...........................❤️ ❤️........................ സക്കറിയ പൊത്തന്റെ ഗസ്റ്ഹൗസിൽ ഒന്നിച്ച് കൂടിയതായിരുന്നു എല്ലാവരും അഗ്നിയുടെ വീഴ്ച അവർ ആഘോഷിക്കുവായിരുന്നു. " ഹ....... ഹ.... ഹ....ഹ..... ഹ......ഹ.....ഹ..... വലിയ ശബ്ദത്തോടെ ചിരിച്ചു കൊണ്ട് അഗ്നിയെ അടിക്കുന്ന വീഡിയോ ഫോണിൽ കണ്ട് കൊണ്ട് ആഹ്യാദിക്കുവായിരുന്നു സക്കറിയ. " ശരവണാ നന്നായെടാ.

ഇപ്പൊ അവന് മനസിലായികാണു ഈ സക്കറിയ ആരാന്ന്. " അതെ അതെ മുതലാളി. അവൻ ഒരു മുറ്റ് തന്നെയാ ഒതുക്കാൻ നല്ല പാടായിരുന്നു. " എന്നാൽ എന്താടാ ഇനി കുറച്ച് നാളത്തേക്ക് അവന്റെ ശല്യം ഉണ്ടാകില്ലലോ. " ചത്തൊന്ന് അറിയില്ല മുതലാളി. " ചത്താലും പേടിക്കണ്ട ശരവണാ ഞാൻ ഇവിടെ ജീവനോടെ ഉണ്ടല്ലോ നിങ്ങളെ ആരും തൊടില്ല. " അത് പിന്നെ എനിക്ക് അറിയാൻ മേലെ മുതലാളി. " പിന്നെ ശരവണാ ദാ പിടി 10 ലക്ഷം ഉണ്ട്. നിന്റെ പിള്ളേർക്ക് കൂടി വീതിച്ച് കൊടുത്തേരെ സക്കറിയയെ സഹായിച്ചവരെ ഒന്നും ഞാൻമറക്കാറില്ല. അതും പറഞ്ഞു കൊണ്ട് സക്കറിയ ശരവണന് ഒരു പെട്ടി കൊടുത്തു എന്നിട്ട് പതിയെ നടന്ന് മുന്നിൽ ചെന്നു നിന്നുകൊണ്ട് പറഞ്ഞു. " ഇന്ന് ആഘോഷിക്കണ്ട ദിവസാ ഈ സക്കറിയ ആരാണെന്ന് ആ പീറ പോലീസുകാരന് മനസിലാക്കി കൊടുത്ത ദിവസം അതുകൊണ്ട് തന്നെ ഇന്ന് എല്ലാർക്കും എന്ത് വേണേലും ആകാം. പിന്നീട് അവിടെ ആരവങ്ങളും ആഹ്‌ളാതങ്ങളും ആയിരുന്നു. .........................❤️ ❤️...................... പിറ്റേ ദിവസം രാവിലെ തന്നെ അഗ്നിയെ റൂമിലേക്ക് മാറ്റിയിരുന്നു. രാവിലെ ആരുടെയൊക്കെയോ ശബ്ദം കേട്ടാണ് അവൻ കണ്ണുകൾ വലിച്ച് തുറന്നത്. മുറിവുകളിലെ വേദനയും ക്ഷീണവും അവനെ നന്നായി തളർത്തുന്നുണ്ടായിരുന്നു.

" ചന്ദ്രേട്ടാ ദേ മോൻ കണ്ണു തുറന്നു. പത്മം സന്തോഷത്തോടെ ചന്ദ്രശേഖരനോട്‌ പറഞ്ഞു. അപ്പോളേക്കും അഗ്നി കൈ കുത്തി പതിയെ നിവരാനായി ഒരു ശ്രമം നടത്തി എന്നാൽ കൈ തെന്നി അവൻ പഴയ പടി തന്നെ വീണു പോയിരുന്നു. " ആാാാാ.. വീഴ്ചയിൽ അവന്റെ മുറിവ് ചെറുതായി അനങ്ങി അവൻ വേദന എടുത്ത് എരുവ് വലിക്കാൻ തുടങ്ങി. പെട്ടന്ന് തന്നെ ചന്ദ്രശേഖരൻ അവനടുത്തേക്ക് ചെന്ന് അഗ്നിയെ പതിയെ എഴുനേൽപ്പിച്ചിരുത്തി. " അഗ്നി എന്താ മോനെ ഇത് സ്റ്റിച്ച് പൊട്ടില്ലേ എഴുന്നേൽക്കാനാണേൽ അച്ഛനോട് പറഞ്ഞാൽ പോരെ. അച്ഛന്റേം അമ്മയുടേം സ്നേഹം കണ്ട് കുറ്റബോധം കൊണ്ട് അവന്റെ കണ്ണുകൾ നിറയാൻ തുടങ്ങി. " അച്ഛനാ ഞാൻ. അഗ്നിക്ക് എന്ത് പറയണമെന്ന് അറിയില്ലായിരുന്നു അതുകൊണ്ട് തന്നെ വാക്കുകൾ തൊണ്ടയിൽ കുടുങ്ങുന്ന പോലെ തോന്നി അത് മനസിലാക്കിയ പോലെ ചന്ദ്രശേഖരൻ പറഞ്ഞു. " വേണ്ട മോനെ ഒന്നും പറയണ്ട കഴിഞ്ഞത് കഴിഞ്ഞു ഇനി അതൊന്നും ആലോചിക്കേണ്ട. " അതെ മോനെ അച്ഛൻ പറഞ്ഞപോലെ ഒന്നും ആലോചിക്കണ്ട മോൻ റെസ്റ് എടുക്ക്. " അഗ്നി മോനെ അന്നത്തെ പ്രശ്നത്തിന്റെ ബാക്കിയാണോ ഇത്. " അല്ല അച്ഛനാ ഇത് ഞാൻ അനേഷിക്കുന്ന കേസിന്റെയാ. " എന്തായാലും അരുതാത്തത് ഒന്നും സംഭവിച്ചില്ലലോ, ആ സമയത്ത് സാക്ഷി മോളെ

അവിടെ എത്തിച്ചത് ഈശ്വരനാ ഇല്ലായിരുന്നേൽ എന്തായേനെ. പത്മം ആശങ്കയോടെ പറഞ്ഞു അത് കേട്ടപ്പോളാണ് അഗ്നിക്ക് സാക്ഷിയെ ഓർമവന്നത് പെട്ടന്ന് തന്നെ കഴിഞ്ഞു പോയ ഓരോന്നും അവന്റെ മനസിലൂടെ ഒരു ചിത്രം പോലെ കടന്നു പോയി. ഓർമയിൽ നിന്ന് ഞെട്ടിയ അഗ്നി ടെൻഷനോടെ പത്മത്തിനോട് ചോദിച്ചു. " അമ്മേ സാക്ഷിക്ക് കുഴപ്പൊന്നും ഇല്ലലോ. " മോൾക്ക് കുഴപ്പൊന്നും ഇല്ല നെറ്റിയിൽ ചെറിയ ഒരു മുറിവ് വേറെ ഒന്നുല്ല. അവർ സംസാരിച്ചോണ്ട് നില്കുമ്പോളായിരുന്നു ചന്ദ്രശേഖരന്റെ ഫോൺ അടിച്ചത് പെട്ടന്ന് തന്നെ അയാള് ഫോണുമായിട്ട് പുറത്തേക്ക് പോയി. അതെ സമയം തന്നെയാണ് സാക്ഷിയും അതുല്യയും അകത്തേക്ക് വന്നത്. ഉണർന്നിരിക്കുന്ന അഗ്നിയെ കണ്ട് അതുല്യ സന്തോഷത്തോടെ അവനടുത്തേക്ക് ചെന്നു. " വല്യേട്ടാ.. അവളുടെ വിളിയിൽ വാക്കുകൾ പതറുന്നുണ്ടായിരുന്നു. " അമ്മുട്ടി ഏട്ടന് കുഴപ്പൊന്നും ഇല്ലടാ നീ ഇങ്ങനെ സങ്കടപെടാതെ. സാക്ഷി നോക്കികാണുവായിരുന്നു ആ സഹോദരങ്ങളുടെ സ്നേഹം അത് കണ്ട് അവൾ വാതിൽക്കൽ തന്നെ നിന്നു പോയിരുന്നു. " സാക്ഷി മോളെ എന്താ അവിടെ തന്നെ നിന്നത് അകത്തേക്ക് വാ. പത്മത്തിന്റെ ചോദ്യമാണ് അവളെ ഉണർത്തിയതിൽ അപ്പോൾ തന്നെയാണ് അഗ്നിയും അവളെ നോക്കിയത്.

" ഒന്നുല്ല അമ്മ ചുമ്മാ ഓരോന്ന് ഓർത്ത് നിന്നതാ. പത്മത്തിന്റെ അടുത്തേക്ക് വന്നു കൊണ്ട് സാക്ഷി പറഞ്ഞു. അതിന് അവളുടെ കവിളിൽ ഒന്നു തഴുകി കൊണ്ട് പത്മം ചോദിച്ചു. " കഴിച്ചിട്ടല്ലേ മക്കള് വന്നത്. " അതെ അമ്മ. ഭക്ഷണം കൊണ്ടുവരണ്ടാന്ന് പറഞ്ഞത് കൊണ്ടാ കൊണ്ടുവരാതിരുന്നത്. " അതെ മക്കള് വന്നിട്ട് അമ്മയും അച്ഛനും ഒന്നു വീട്ടിൽ പോയി വൈകിട്ട് വരാന്ന് കരുതി അതാ കൊണ്ടുവരണ്ടാന്ന് പറഞ്ഞത്. " മ്മ്, രാത്രി അമ്മ നിൽക്കണോന്ന് ഇല്ല ഞാനും അതുല്യയും നിന്നോളം. അമ്മക്ക് വയ്യാത്തതല്ലേ ഉറക്കം ഉളച്ചാൽ വയ്യാതെ വന്നാലോ. " അത് വേണോ മക്കളെ നിങ്ങൾക്ക് ബുദ്ധിമുട്ടാകില്ലേ. " ഇല്ലമ്മേ ഒരു ബുദ്ധിമുട്ടും ഇല്ല ഞാനും ചേച്ചി കുട്ടിം നിന്നോളം പിന്നെ വൈകിട്ട് വന്ന് കാശിയെ കൊണ്ടുപോണോട്ടോ. " അല്ല പറഞ്ഞപോലെ എവിടെ കുറുമ്പൻ. അതുല്യ പറഞ്ഞപ്പോളാണ് പത്മം കുഞ്ഞിന്റെ കാര്യം ഓർത്തത്. അവരെ നോക്കി പുഞ്ചിരിച്ചോണ്ട് സാക്ഷി പറഞ്ഞു. " അവൻ അച്ഛന്റെ കൈയിൽ ഉണ്ട്. പറഞ്ഞു തീരെ കാശിയേം കൊണ്ട് ചന്ദ്രശേഖരൻ അകത്തേക്ക് വന്നിരുന്നു. പത്മം പെട്ടന്ന് തന്നെ കുഞ്ഞിനെ എടുത്ത് കൊഞ്ചിക്കാൻ തുടങ്ങി. " അച്ഛമ്മേടെ കാശി കുട്ടൻ പാപ്പം കഴിച്ചോ. " നാൻ പാപോം കച്ചല്ലോ, അതേമ്മ കച്ചോ. " ഇല്ലലോ.

അവരുടെ കളികൾ അത്ഭുധത്തോടെ നോക്കി കാണുകയായിരുന്നു അഗ്നി. " എന്നാൽ ഞങ്ങൾ ഇറങ്ങുവാട്ടോ. അവരോട് യാത്ര പറഞ്ഞ് ചന്ദ്രശേഖരനും പത്മവും പോകാനിറങ്ങി. അവർ പോയി കഴിഞ്ഞ് അകത്തേക്ക് വന്നപ്പോളാണ് ബെഡിൽ വയ്യാതെ കിടക്കുന്ന അഗ്നിയിൽ കാശിയുടെ കണ്ണുകൾ എത്തുന്നത്. " ച്ചേ... ച്ചേ. അഗ്നിയെ കണ്ട പാടെ കുഞ്ഞ് വിളിക്കാൻ തുടങ്ങി പെട്ടെന്നുള്ള അവന്റെ വിളികേട്ട് സാക്ഷി അഗ്നിയെ പേടിയോടെ നോക്കി. എന്നാൽ അവളെ അത്ഭുധപ്പെടുത്തുന്നത് ആയിരുന്നു അഗ്നിയുടെ പ്രതികരണം. " അച്ചേടെ കാശി കുട്ടോ. അത് കേൾക്കെ കുഞ്ഞ് കൈകൊട്ടി ചിരിക്കാൻ തുടങ്ങി. എന്നാൽ ഞെട്ടൽ വിട്ടുമാറാതെ നില്കുവായിരുന്നു അതുല്യയും സാക്ഷിയും. "സാക്ഷി കുഞ്ഞിനെ എന്റെ അടുത്തേക്ക് ഇരുത്തിയെ. അഗ്നിയുടെ സംസാരമാണ് സാക്ഷിയെ ഉണർത്തിയത് യാന്ത്രികമായിത്തന്നെ അവൾ കുഞ്ഞിനെ അഗ്നിക്ക് അടുത്തേക്ക് ഇരുത്തി. ഇരുത്തിയ പാടെ തന്നെ അഗ്നിയെ തൊട്ടുനോക്കിക്കൊണ്ട് കാശി പറഞ്ഞു. " ച്ചേക്ക് എഞ്ചാ പത്തിയെ. " അച്ചക്ക് ഉവാവു ആടാ. " കാച്ചി തിമ്മി തയാട്ടോ. കാശി കുഞ്ഞി കൈ കൊണ്ട് അഗ്നിയുടെ മുറിവുകളിൽ തീരുമാനും ഉമ്മ വെക്കാനും തുടങ്ങി അഗ്നി കാണുകയായിരുന്നു സ്നേഹത്തിന്റെ മറ്റൊരു മുഖം കൂടി.

പെട്ടന്ന് ആണ് ഡോക്ടർ അങ്ങോട്ട് വന്നത്. " അഗ്നി how do you feel now. " i am oke ഡോക്ടർ. " മ്മ് നന്നായി റെസ്റ് എടുക്കണം.പിന്നെ ഒരു മെഡിസിൻ ഫാർമസിയിൽ നിന്ന് വാങ്ങണം. അഗ്നിയോട് പറഞ്ഞു കൊണ്ട് തിരിഞ്ഞപ്പോളാണ് സാക്ഷിയെ ഡോക്ടർ കാണുന്നത്. " ഹേ സാക്ഷി താൻ ഇപ്പോ ഒക്കെയായല്ലോ. " ഞാൻ ഇപ്പൊ ഒക്കെയാ ഡോക്ടർ. സാക്ഷിയുടെ മുഖത്തെ സന്തോഷം കൺകെ ഡോക്ടറുടെ മനസും നിറഞ്ഞിരുന്നു അദ്ദേഹം അഗ്നിയുടെ അടുത്തേക്ക് വന്നുകൊണ്ട് പറഞ്ഞു. " താൻ ഒരു ഭാഗ്യവാൻ ആടോ തന്നെ ഇത്ര അതികം സ്നേഹിക്കുന്ന ഒരു ഭാര്യയെ കിട്ടിയില്ലേ. ഡോക്ടർ പറഞ്ഞവസാനിപ്പിച്ചതും ഒന്നും മനസിലാകാതെ അഗ്നി അദ്ദേഹത്തെ തുറിച്ചു നോക്കിക്കൊണ്ടിരുന്നു അത് മനസിലായത് പോലെ ഹോസ്പിറ്റലിൽ എത്തിയത് മുതലുള്ള കാര്യങ്ങൾ ഡോക്ടർ പറഞ്ഞു അത് കേൾക്കെ അഗ്നിക്ക് അത്ഭുതം ആയിരുന്നു തോന്നിയത്. എല്ലാം പറഞ്ഞവസാനിപ്പിച്ച് ഡോക്ടർ പുറത്തേക്ക് പോയി. " ഞാൻ ഈ മെഡിസിൻ വാങ്ങിട്ട് വരാം. മുഖം ഉയർത്തി ഒന്നു നോക്കുക കൂടി ചെയ്യാതെ സാക്ഷി പെട്ടന്ന് തന്നെ പുറത്തേക്ക് ഇറങ്ങിയിരുന്നു. അവളുടെ പോക്ക് കണ്ട് അതുല്യ പൊട്ടിച്ചിരിക്കാൻ തുടങ്ങി. " നീ എന്തിനാ ചിരിക്കുന്നേ. "

ഒന്നുല്ല ചമ്മിയുള്ള ആ പോക്ക് കണ്ട് ചിരിച്ച് പോയതാ എന്നാൽ ചിരിച്ച് കൊണ്ടിരുന്ന അവളുടെ മുഖം പെട്ടന്ന് മങ്ങി അവിടെ സങ്കടം നിറഞ്ഞു അത് മനസിലായ അഗ്നി അവളോട് ചോദിച്ചു. " നിനക്ക് എന്തേലും പറയാൻ ഉണ്ടോ അമ്മു. " മ്മ്. സാക്ഷിയേച്ചിയെ കുറിച്ച് ഏട്ടന് ഒന്നും അറിയില്ലലോ ഏട്ടൻ എല്ലാം അറിയണം ഇതാ പറ്റിയ സമയം. അതുല്യ സാക്ഷിയെ കുറിച്ച് ഓരോന്ന് പറയാൻ തുടങ്ങി. ഓരോന്ന് കേൾക്കുമ്പോളും ദേഷ്യവും സങ്കടവും ഒന്നിച്ച് വരുന്നുണ്ടായിരുന്നു അഗ്നിക്ക്. " പാവമാ ഏട്ടാ ചേച്ചി കുട്ടി ഇനിയും അതിനെ വിഷമിപ്പിക്കരുത്. " ഇല്ല മോളെ ഇനി ഏട്ടൻ ഒന്നും പറയില്ല. ഇവർ സംസാരിച്ചിരിക്കുമ്പോളേക്കും സാക്ഷി വന്നിരുന്നു. അഗ്നിക്ക് അടുത്തുള്ള കസേരയിലേക്ക് അവളെ ഇരുത്തിട്ട് കാശിയെ എടുത്തുകൊണ്ടു അതുല്യ പറഞ്ഞു. " ഞങ്ങൾ ക്യാന്റീനിൽ പോയിട്ട് വരാം നിങ്ങൾ മിണ്ടിയും പറഞ്ഞു ഇരിക്ക്. അതും പറഞ്ഞ് അതുല്യ കാശിയുമായി പുറത്തേക്ക് നടന്നു. അഗ്നി പതിയെ സാക്ഷിയെ നോക്കി അവൾ അപ്പോളും തല ഉയർത്തിയിരുന്നില്ല.

" സാക്ഷി ഡോ എന്നേ നോക്ക്. മടിച്ച് മടിച്ച് തല ഉയർത്തികൊണ്ട് സാക്ഷി അഗ്നിയോട് പറഞ്ഞു. " അത് പിന്നെ ആ സമയത്ത് ടെൻഷൻ അടിച്ചപ്പോൾ പറഞ്ഞു പോയതാ അങ്ങനെ ഒക്കെ. " അത് സാരമില്ലടോ തന്റെ അപ്പോളത്തെ മാനസികാവസ്ഥ എനിക്ക് മനസിലാകും, എന്തായാലും ഒത്തിരി നന്ദി ജീവൻ രക്ഷിച്ചതിന്. " അയ്യോ നന്ദി ഒന്നും വേണ്ട എനിക്ക് ഒരു ജീവിതം തന്നത് നിങ്ങൾ ഓക്കെയാ അപ്പോൾ ഇത് എന്റെ കടമയാണ്. പിന്നീട് കുറച്ചു നേരത്തേക്ക് അവർ ഒന്നും മിണ്ടിയിരുന്നില്ല ആ മൗനത്തെ ബേന്ധിച്ചുകൊണ്ട് അഗ്നി പറഞ്ഞു അഗ്നി പറഞ്ഞു. " എങ്ങനെ കഴിയുന്നെടോ ലൈഫിൽ ഇത്രയും പ്രശ്നങ്ങൾ ഉണ്ടായിട്ടും ഇങ്ങനെ ചിരിക്കാൻ. എന്നോട് അമ്മു എല്ലാം പറഞ്ഞു. സോറി ഡോ തന്നെ വിഷമിപ്പിച്ചതിന് "ഹേ സോറി ഒന്നും വേണ്ട പ്രശ്നങ്ങൾ ഒക്കെ ശീലമായി കഴിഞ്ഞു. പിന്നെയും അവിടെ മൗനം കടന്നു വന്നു അല്പം കഴിഞ്ഞ് അഗ്നി സാക്ഷിക്ക് നേരെ കൈ നീട്ടികൊണ്ട് പറഞ്ഞു. " ഫ്രണ്ട്‌സ്. ഒന്ന് ആലോചിച്ച് നിന്നിട്ട് സാക്ഷിയും തിരികെ കൈകൊടുത്ത് കൊണ്ട് പറഞ്ഞു.

" ഫ്രണ്ട്‌സ്. " ഹേ കടുവയും ചേച്ചി കുട്ടിയും കോംപ്ലിമെന്റ് ആയെ. പെട്ടന്ന് ആയിരുന്നു വലിയ ശബ്ദത്തോടെ കൈ കൊട്ടികൊണ്ട് അതുല്യയും കാശിയും അകത്തേക്ക് വന്നത്. അവരുടെ ശബ്ദം കേട്ട് ഒരു നിമിഷം അഗ്നിയും സാക്ഷിയും പകച്ച് പോയിരുന്നു. ആദ്യത്തെ പകപ്പ് മാറിയപ്പോൾ അഗ്നി പറഞ്ഞു. " എന്തോന്നാ എന്തോന്നാ. " അല്ല പ്രശ്നം എല്ലാം അവസാനിച്ചുന്ന് പറഞ്ഞതാ. " അവസാനിച്ചെങ്കിൽ. " ഒന്നുല്ലേ. കൈകൂപ്പികൊണ്ട് അതുല്യ പറഞ്ഞു അവളുടെ ഈ കാട്ടായം കണ്ട് അഗ്നിയും സാക്ഷിയും പൊട്ടിച്ചിരിച്ച് പോയിരുന്നു. പിന്നീട് അവിടെ പിറവി എടുക്കുകയായിരുന്നു ഒരു സൗഹൃദം.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...