💞 അഗ്നിസാക്ഷി 💞: ഭാഗം 15

എഴുത്തുകാരി: സ്‌നേഹ സാജു

ഒരാഴ്ചത്തെ ഹോസ്പിറ്റൽ വാസത്തിന് ശേഷം അഗ്നി ഇന്ന് വീട്ടിലേക്ക് മടങ്ങുകയാണ്. സാക്ഷി സാധനങ്ങൾ എല്ലാം എടുത്തുവെക്കുവായിരുന്നു അഗ്നിയും കാശിയും അവരുടെ ലോകത്തായിരുന്നു. " ച്ചേ എഞ്ചാ വീച്ചിൽ വയാതെ. " കാശി കുട്ടാ അച്ചക്ക് വാവു മാറിയില്ലലോ അത് കൊണ്ടല്ലേ വരാതിരുന്നേ. " അപ്പോയ് എപ്പോയാ വീച്ചിൽ വയാ. " ഇന്ന് വീട്ടിൽ വരൂല്ലോ. " ആണോ. " മ്മ്. " യ്യേ യ്യേ ച്ചേ ഇന്ന് വീച്ചിൽ വയുല്ലോ. " ആഹാ കാശികുട്ടന് സന്തോഷം ആയോ. " മ്മ് ഐ മിച്ചു ച്ചേ. " അച്ചോടാ അച്ചേടെ കുറുമ്പൻ അച്ചേനെ മിസ്സ്‌ ചെയ്തോ. പോട്ടെ സാരമില്ലാട്ടോ ഇനി അച്ചാ കുറച്ച് ദിവസം കാശിടെ കൂടെ ഉണ്ടാക്കുട്ടോ. സാക്ഷി എല്ലാം എടുത്ത് വെക്കുവാണേലും അവളുടെ ശ്രദ്ധ കാശിയിലും അഗ്നിയിലും ആയിരുന്നു. രണ്ടുപേരുടേം കളികൾ കണ്ട് അവളുടെ കണ്ണും മനസും ഒരുപോലെ നിറഞ്ഞു. " സാക്ഷി ഡോ. വിളിച്ചിട്ടും കേൾക്കാതെ എന്തോ ഓർത്ത് നിൽക്കുന്ന സാക്ഷിയെ തട്ടി വിളിക്കുവായിരുന്നു അഗ്നി. " എന്താ ദേവേട്ടാ. ഒഴുകി ഇറങ്ങുന്ന കണ്ണുനീരിനെ അഗ്നി കാണാതെ തുടച്ച് മാറ്റികൊണ്ട് സാക്ഷി പറഞ്ഞു എന്നാൽ അഗ്നി അത് വ്യക്തമായി കണ്ടിരുന്നു.

" അല്ല താൻ ഇപ്പൊ എന്താ വിളിച്ചേ. " അത് ഞാൻ. " എന്തായാലും കൊള്ളാം എനിക്ക് ഇഷ്ടായി അങ്ങനെ വിളിച്ചാൽ മതിട്ടോ. " മ്മ്. " അല്ല സാക്ഷി താൻ കരയുവാണോ. " ഹേ ഇല്ല ദേവേട്ടാ . " എന്തിനാടോ നുണ പറയുന്നേ ഞാൻ കണ്ടിരുന്നു കണ്ണുനീർ മറക്കുന്നെ. " അത് ദേവേട്ടാ ഞാൻ ഓരോന്ന് ഓർത്തു പോയി. " മ്മ് വേണ്ടടോ കഴിഞ്ഞത് കഴിഞ്ഞു ഒന്നും ഓർക്കണ്ട. " ACP സാറെ പോകാറായോ. അവർ സംസാരിച്ച് നില്കുമ്പോളായിരുന്നു വാതിൽക്കൽ നിന്ന് ശബ്ദം കേട്ടത്. പെട്ടന്ന് തന്നെ അവർ തിരിഞ്ഞു നോക്കിയപ്പോൾ കണ്ടു വാതിൽ തുറന്ന് കൊണ്ട് അകത്തേക്ക് വരുന്ന ഡോക്ടറെ. " ഹാ ഡോക്ടറോ. " അഗ്നി അച്ഛൻ വന്നിരുന്നല്ലോ എവിടെ. " അച്ഛൻ ബില്ല് അടക്കാൻ പോയി. "മ്മ്, പിന്നെ ഡിസ്ചാർജ് തന്നെന്ന് കരുതി നാളെ തന്നെ യൂണിഫോമും ഇട്ട് ജോലിക്ക് പോകാൻ ഇറങ്ങണ്ട കേട്ടല്ലോ. " മ്മ്. " മ്മ് എന്നല്ല കേട്ടല്ലോന്ന്, അല്ലെങ്കിൽ വേണ്ട നിന്നോട് പറഞ്ഞിട്ട് കാര്യമില്ല സാക്ഷി താൻ വേണം എല്ലാം ശ്രദ്ധിക്കാൻ. അഗ്നിക്ക് ഹോസ്പിറ്റൽ മടുതൂന്ന് പറഞ്ഞത് കൊണ്ട് മാത്രമാ ഞാൻ ഡിസ്ചാർജ് അനുവദിച്ചത്.

മുറിവേല്ലാം ശരിക്കും ഉണങ്ങുന്നേ ഉള്ളു ഒരു മാസം റെസ്റ് എടുക്കണം പിന്നെ മുറിവ് എന്നും ക്ലീൻ ചെയ്ത് മരുന്ന് വെക്കണം ഇൻഫെക്ഷൻ ആകാതെ നോക്കണം. " നോക്കിക്കൊള്ളാം ഡോക്ടർ. " പിന്നെ ജോലിക്ക് ഒരു മാസത്തേക്ക് വിടുകയേ വേണ്ട, മുറിവ് ഉണങ്ങുന്നത് അനുസരിച്ച് വലിച്ചിലും ചെറിയ വേദനയും ഉണ്ടാകും എന്നാലും കുറച്ച് സമയം ഡെയിലി നടക്കണം കേട്ടല്ലോ. " ഞാൻ ശ്രദ്ധിച്ചോള്ളാം ഡോക്ടർ. " എന്നാ ശരി എനിക്ക് റൗണ്ട്സിന് പോകാൻ ടൈം ആയി. പിന്നെ എന്തേലും അത്യാവശ്യം ഉണ്ടെങ്കിൽ എന്നെ വിളിച്ചാൽ മതിട്ടോ. " എന്നാ ശരി ഡോക്ടർ. ഡോക്ടർ യാത്രപറഞ്ഞു പുറത്തേക്ക് പോയപ്പോളായിരുന്നു ചന്ദ്രശേഖരൻ അകത്തേക്ക് കയറി വന്നത്. " എന്നാ നമ്മുക്ക് ഇറങ്ങിയാലോ മോളെ. " അല്ല അച്ഛൻ എന്താ താമസിച്ചേ. " ഒന്നും പറയണ്ട അഗ്നി അവിടെ തിരക്കായിരുന്നു. " സാക്ഷി മോളെ കുഞ്ഞിനെ വാങ്ങ്, അച്ഛൻ അഗ്നിയെ പിടിക്കാം. " മ്മ് ശരി അച്ഛാ. സാക്ഷി പതിയെ അഗ്നിക്ക് അടുത്തേക്ക് ചെന്ന് കാശിക്ക് നേരെ കൈ നീട്ടി എന്നാൽ അവൻ അപ്പോളേക്കും അഗ്നിയെ കെട്ടി പിടിച്ച് ഇരുന്നു കഴിഞ്ഞിരുന്നു.

" കാശി വാ മോനെ അമ്മ എടുക്കാം. " വേന്താ ന്നെ ച്ചേ എത്താ മയി. " കാശി വാശി കാണിക്കാതെ അച്ഛക്ക് വയ്യാത്തത് അല്ലെ മോനെ എടുക്കുമ്പോൾ വാവു വല്ലാതെ ആകില്ലേ. "ആനോ ച്ചേ. " മ്മ്, കാശി കുട്ടനെ അമ്മ എടുക്കുട്ടോ ഇപ്പൊ. അഗ്നി പറഞ്ഞതോടെ കാശി സാക്ഷിയുടെ കൈയിലേക്ക് ചാടിരിക്കുന്നു. പിന്നീട് വൈകാതെ തന്നെ അവർ വീട്ടിലേക്ക് ഇറങ്ങി. .......................... ❤️ ❤️...................... " മുതലാളിയെ " ആ ആരിത് ശരവണനോ , കയറി വാടോ. സക്കറിയ പൊത്തന്റെ വീട്ടിൽ അയാളെ കാണാൻ എത്തിയതായിരുന്നു ശരവണൻ. " ഇരിക്ക് ശരവണാ. " മ്മ്. " എന്താടോ ഇങ്ങോട്ടേക്ക് ഇറങ്ങിയത്. " മുതലാളി അറിഞ്ഞോ ACP സാറ് ഹോസ്പിറ്റലിൽ നിന്ന് ഇറങ്ങിയെന്ന്. " മ്മ് അറിഞ്ഞു ശരവണാ, പക്ഷെ ഇനി ഒരു മാസത്തേക്ക് അവൻ വീട്ടിൽ റെസ്റ്റിൽ ആയിരിക്കും. അത് കഴിഞ്ഞേ അവൻ യൂണിഫോമിലേക്ക് കേറു. " അതേതായാലും നന്നായി. " അതെ, ആ പിന്നെ ശരവണാ ചേട്ടിയാർക്ക് കൊടുക്കാൻ ഉള്ള ലോഡ് അവൻ തിരിച്ചു വരുന്നതിന് മുന്നേ കയറ്റി അയക്കണം കേട്ടല്ലോ. " അയക്കാം മുതലാളി, എന്നാൽ ഞാൻ ഇറങ്ങുവാ.

സക്കറിയയോട് യാത്രയും പറഞ്ഞ് ശരവണൻ പെട്ടെന്ന് തന്നെ ഇറങ്ങി. എന്തൊക്കെയോ മനസ്സിൽ തീരുമാനിച്ചുറപ്പിച്ച പോലെ സക്കറിയയും അകത്തേക്ക് കയറി. ...................... ❤️ ❤️...................... ചന്ദ്രശേഖരൻ വണ്ടി പതിയെ പോർച്ചിലേക്ക് കയറ്റി നിർത്തി. ഉമ്മറത്ത് തന്നെ അവരെ കാത്ത് എല്ലാവരും ഉണ്ടായിരുന്നു. സാക്ഷി പതിയെ ഡോർ തുറന്ന് പുറത്തേക്ക് ഇറങ്ങി അവൾ ഇറങ്ങിയപ്പോൾ തന്നെ പത്മം കുഞ്ഞിനെ അവളുടെ കൈയിൽ നിന്ന് വാങ്ങിയിരുന്നു. സാക്ഷി പതിയെ ചെന്ന് വണ്ടിയുടെ ഡിക്കി തുറന്ന് സാധനങ്ങൾ പുറത്തേക്ക് എടുത്തു അപ്പോളേക്കും ചന്ദ്രശേഖരനും അർജുവും കൂടി അഗ്നിയെ അകത്തേക്ക് കയറ്റിയിരുന്നു. പുറകെ ബാക്കിയുള്ളവരും അകത്തേക്ക് കയറി. " അച്ഛാ എന്നേ ആ സോഫയിലേക്ക് ഇരുത്ത്, കുറച്ച് കഴിഞ്ഞ് റൂമിലേക്ക് പോയാൽ മതി. " മ്മ്. അവർ അഗ്നിയെ സോഫയിലേക്ക് ഇരുത്തി ഉടനെ തന്നെ അതുല്യ ഒരു ഗ്ലാസ്സ് വെള്ളം എടുത്ത് കൊടുത്തു. പെട്ടന്ന് തന്നെ അഗ്നി അത് വാങ്ങി കുടിച്ച് ഗ്ലാസ്സ് തിരിച്ച് കൊടുത്തു. " അല്ല അർജു നീ ഇത് എവിടെയായിരുന്നു ഹോസ്പിറ്റലിലേക്ക് കണ്ടത്തെ ഇല്ലലോ. "

അത് ഏട്ടാ ഞാൻ ഹൈദ്രബാദിൽ ഒരു മീറ്റിങ്ങിനു പോയേക്കുവായിരുന്നു ഇന്നലെ രാത്രിയാ എത്തിയത്. ഇന്ന് ഹോസ്പിറ്റലിലേക്ക് ഇറങ്ങാൻ ഇരുന്നതാ അപ്പോളാ അമ്മ ഏട്ടൻ വരുന്ന കാര്യം പറഞ്ഞത്. " മ്മ്, നീ ആകെ കോലം കേട്ടു കേട്ടോ. " ഈ ഒരാഴ്ച്ച അച്ഛൻ ഉണ്ടായിരുന്നില്ലലോ അത് കൊണ്ട് നല്ല തിരക്കായിരുന്നു. അതൊക്കെ പോട്ടെ ഏട്ടന് ഇപ്പൊ എങ്ങനെ ഉണ്ട് ഡോക്ടർ എന്നാ പറഞ്ഞു. " എല്ലാം സാക്ഷിയോടാ പറഞ്ഞേക്കുന്നെ നീ അവളോട് ചോദിച്ചോ. എല്ലാവരേം മുഖം വീർപ്പിച്ച് നോക്കിയിട്ട് അഗ്നി പറഞ്ഞു. ഒന്നും മറസിലാകാതെ എല്ലാവരും പരസ്പരം നോക്കി. " അല്ല ഏട്ടനും സാക്ഷിയും എപ്പോളാ ജോയിന്റ് ആയെ. " അതൊക്കെ ഹോസ്പിറ്റലിൽ വെച്ച് സംഭവിച്ചു. " അത് ഏതായാലും നന്നായി, ഏട്ടൻ ഈ മുഖം വീർപ്പിച്ച് ഇരിക്കുന്നത് എന്തിനാ. അർജുന്റെ ചോദ്യം കേട്ട് ഒന്നുകൂടി മുഖം തിരിച്ചിരുന്നു അഗ്നി. അർജു സാക്ഷിയെ നോക്കി നോട്ടത്തിന്റെ അർത്ഥം മനസിലായപോലെ അഗ്നിയെ നോക്കി ചിരിച്ചിട്ട് സാക്ഷി പറഞ്ഞു. " അർജു അതൊന്നുമില്ല ഒരുമാസം കൂടി കഴിഞ്ഞിട്ടേ ദേവേട്ടന് യൂണിഫോമിന് ഉള്ളിൽ കേറാൻ പറ്റു അതിന്റെയാ. " ഓഹോ അങ്ങനെ ഡോക്ടർ റെസ്റ്റ് പറഞ്ഞെങ്കിൽ അത് കഴിഞ്ഞിട്ട് ജോലിക്ക് പോയി തുടങ്ങിയാൽ മതി.

" ദേവേട്ടനോ. അതുല്യയുടെ പെട്ടെന്ന് ഉള്ള ചോദ്യം കേട്ടാണ് എല്ലാവരും അത് ശ്രദ്ധിക്കുന്നത്. സാക്ഷി എന്ത് പറയണമെന്ന് അറിയാതെ നില്കുവായിരുന്നു അപ്പോളേക്കും അഗ്നി പറഞ്ഞു തുടങ്ങി. " അതെ ദേവേട്ടൻ, ഞങ്ങൾ ഫ്രണ്ട്‌സ് ആയപ്പോൾ ഞാനാ സാക്ഷിയോട് അങ്ങനെ വിളിച്ചാൽ മതീന്ന് പറഞ്ഞത്. എല്ലാവരും അഗ്നിയെന്നല്ലേ വിളിക്കുന്നത്. " ഓഹോ അങ്ങനെ. " അഗ്നി മതി ഇരുന്നത് കുറച്ച് നേരം കിടക്ക്. പത്മം അവരുടെ അടുത്തേക്ക് വന്നുകൊണ്ട് പറഞ്ഞു. അത് കേട്ട് ചന്ദ്രശേഖരനും അർജു കൂടി അഗ്നിയെ റൂമിലേക്ക് കൊണ്ട് പോയി. " എന്നാ ശരി ഏട്ടാ ഞാൻ ഇറങ്ങുവാ, ഓഫീസിൽ പോണം ഏട്ടൻ വന്നിട്ട് പോകാന്ന് കരുതി ഇരിക്കുവായിരുന്നു. " എന്നാ ശരിടാ. " മോനെ അച്ഛനും താഴേക്ക് പോകുവാ പിന്നെ ഇന്ന് നമ്മുടെ ഓഫീസിലെ ഒരു സ്റ്റാഫിന്റെ വീട്ടിൽ ഒരു ഫങ്ക്ഷൻ ഒണ്ട് കുറച്ച് കഴിഞ്ഞിട്ട് അച്ഛനും അമ്മയും ഒന്നു പോകുട്ടോ. സാക്ഷി മോളും അമ്മുട്ടിയും ഉണ്ടാകും കേട്ടോ. "മ്മ്. ചന്ദ്രശേഖരൻ താഴേക്ക് ഇറങ്ങി അഗ്നി പതിയെ കാട്ടിലേക്ക് കിടന്നു. ......................... ❤️ ❤️........................

പത്മവും ചന്ദ്രശേഖരനും ഫങ്ക്ഷനു പോകാൻ റെഡി ആയി നില്കുമ്പോളാണ് കാളിങ് ബെൽ അടിക്കുന്ന ശബ്ദം കേൾക്കുന്നത്. പത്മം പെട്ടന്ന് തന്നെ ചെന്ന് വാതിൽ തുറന്നു. " ആഹാ ജീവൻ ആയിരുന്നോ. " അതെ അമ്മേ സാറില്ലേ. " റൂമിൽ ഉണ്ട് കുറച്ച് മുന്നേ ഹോസ്പിറ്റലിൽ നിന്ന് വന്നതേ ഉള്ളു, അല്ല മോനെ കുറച്ചായല്ലോ കണ്ടിട്ട് ഹോസ്പിറ്റലിലും കണ്ടില്ലലോ. " അമ്മേ അത് ഞാൻ ഒരു കേസിന്റെ കാര്യവും ആയിട്ട് ഒന്നു രണ്ട് സ്ഥലത്ത് പോയേക്കുവായിരുന്നു. " ആണോ. " മ്മ്, അല്ല നിങ്ങൾ ഇത് എവിടെക്കാ. " ഒരു ഫങ്ക്ഷൻ ഉണ്ട് പോകാൻ ഇറങ്ങിയതാ. " പത്മം നമ്മുക്ക് ഇറങ്ങിയാലോ. അവർ സംസാരിച്ച് ഇരിക്കുമ്പോളാണ് ചന്ദ്രശേഖരൻ അങ്ങോട്ട് വന്നത്. ജീവനെ നോക്കി ചിരിച്ചിട്ട് അദ്ദേഹം പറഞ്ഞു. " ജീവൻ ആയിരുന്നോ അഗ്നിയെ കാണാൻ വന്നതാകുലേ അവൻ മുകളിൽ ഉണ്ട് . "അതെ അച്ഛാ. " എന്നാ മോൻ അവന്റെ അടുത്തേക്ക് ചെല്ല് ഞങ്ങൾ ഇറങ്ങുവാ. ജീവനോട് യാത്രയും പറഞ്ഞ് അവർ പുറത്തേക്ക് ഇറങ്ങി. അവർ പോകുന്നത് നോക്കി നിന്നിട്ട് ജീവൻ അകത്തേക്ക് കയറി.

ജീവനും അഗ്നിയും ഓരോന്ന് സംസാരിച്ച് ഇരിക്കുമ്പോളാണ് അതുല്യയും കാശിയും അങ്ങോട്ട് ഓടി വരുന്നത്. ഓടിയത് കൊണ്ട് അവൾ നന്നായി കിതക്കുന്നുണ്ടായിരുന്നു അത് കണ്ട് അഗ്നി ചോദിച്ചു. "എന്ത് ഒപ്പിച്ച് വെച്ചിട്ടാ രണ്ടും കൂടി ഇങ്ങനെ ഓടി പാഞ്ഞു വരുന്നത്. അഗ്നിയെ കണ്ടതോടെ കാശി അവനടുത്തേക്ക് പോയി. അതുല്യയുടെ കിതപ്പ് ഒന്നു അടങ്ങിയതും അഗ്നിയെ നോക്കി ഒന്നു ഇളിച്ചു കാണിച്ചിട്ട് തിരിഞ്ഞപ്പോളാണ് അവൾ ജീവനെ കണ്ടത്. " വേതാളം ഇവിടെ ഇരിപ്പുണ്ടായിരുന്നോ. അത് കേട്ടത്തോടെ ജീവന്റെ മുഖം ദേഷ്യം കൊണ്ട് മുറുകി അതിനെ പുച്ഛിച്ച് തള്ളിക്കൊണ്ട് അതുല്യ പിന്നെയും പറഞ്ഞു. " അല്ല വിക്രമാദിത്യൻ ഹോസ്പിറ്റലിൽ ആയപ്പോൾ വേതാളത്തെ അങ്ങോട്ട് കണ്ടത്തെ ഇല്ലലോ. ജീവന്റെ മുഖം ഒന്നുകൂടി മുറുകി, അത് കണ്ടത് കൊണ്ട് വിഷയം മാറ്റാൻ എന്നോണം അഗ്നി പറഞ്ഞു. " അമ്മു ജീവന് കുടിക്കാൻ എന്തേലും എടുത്തിട്ട് വാ. " എന്നേ കൊണ്ടൊന്നും പറ്റില്ല അതും ഈ വേതാളത്തിന്. അത്കൂടി ആയതോടെ ജീവന്റെ ക്ഷമ നശിച്ച് അവൻ അവളോട് കയർക്കാൻ തുടങ്ങി.

" ഡി നീ കുറെ നേരായല്ലോ തുടങ്ങിയിട്ട്. " എന്താ ഇവിടെ. രണ്ടും കൂടി അടിയിടാൻ തുടങ്ങിയപ്പോളേക്കുമായിരുന്നു സാക്ഷി അങ്ങോട്ടേക്ക് വന്നത്. വാതിൽക്കൽ നിന്നുള്ള ശബ്ദം കേട്ട് നോക്കിയ അഗ്നി കാണുന്നത് തലയും മുഖവും ഡ്രെസ്സും ഒക്കെ നനഞ്ഞു കയറി വരുന്ന സാക്ഷിയെ ആയിരുന്നു. " ഇത് എന്താ സാക്ഷി നീ ഇങ്ങനെ നനഞ്ഞു കുളിച്ച് നില്കുന്നെ. " ഒന്നും പറയണ്ട ദേവേട്ടാ ദേ നിക്കണ കണ്ടില്ലേ രണ്ടും അവരോട് ചോദിക്ക്. അതുല്യയേം കാശിയേം ചുണ്ടികൊണ്ട് സാക്ഷി പറഞ്ഞു. അഗ്നി അവരെ നോക്കിയപ്പോളേക്കും രണ്ടും അവനെ ഇളിച്ചു കാണിച്ചു. " എന്താ നടന്നെ. " ദേവേട്ടാ രണ്ടിന്റേം ഒച്ച കേൾക്കാത്തൊണ്ട് അനേഷിച്ച് ചെന്നതാ ഞാൻ അപ്പോ കാണുന്നെ ഗാർഡനിൽ നിന്ന് രണ്ടും വെള്ളത്തിൽ കളിക്കുന്നു അവിടെ ചെന്ന് രണ്ടിനോടും ദേഷ്യപ്പെട്ടപ്പോൾ കാണിച്ച് വെച്ചേക്കുന്നതാ. രണ്ടിനേം ഒന്നു തുറിച്ച് നോക്കിയിട്ട് അഗ്നി തോർത്ത് എടുത്ത് സാക്ഷിക്ക് കൊടുത്തു. " ദാ തോർത്ത്‌ വെറുതെ അസുഖം വരുത്തണ്ട. സാക്ഷി തോർത്ത്‌ വാങ്ങാൻ കൈ നീട്ടിയപ്പോളാണ് ജീവനെ കാണുന്നത്.

" ജീവൻ എപ്പോളാ വന്നേ. " കുറച്ച് മുൻപാ സാക്ഷി. " അല്ല ജീവനെ കണ്ടിട്ട് കുറച്ചായല്ലോ ഇവിടെ ഇല്ലാഞ്ഞോ. " ഇല്ലാഞ്ഞു ഒരു കേസിന്റെ കാര്യത്തിന് പോയേക്കുവായിരുന്നു. അപ്പോളാണ് ജീവന് കുടിക്കാൻ ഒന്നും കൊടുത്തില്ലെന്ന് സാക്ഷി ഓർക്കുന്നത് അവൾ അതുല്യയുടെ നേരെ തിരിഞ്ഞു കൊണ്ട് പറഞ്ഞു. " അമ്മു ജീവന് എന്തേലും കുടിക്കാൻ കൊടുക്കായിരുന്നില്ലേ നിനക്ക്. " പിന്നെ ഈ വേതാളത്തിന് ഞാൻ കൊടുക്കാൻ പോകുവല്ലേ. " അമ്മു. സാക്ഷി ദേഷ്യത്തോടെ അവളെ വിളിച്ചു കാരണം മനസിലാക്കിയപോലെ അതുല്യ പറഞ്ഞു. " ഹോ സോറി. " എന്നാ നിങ്ങൾ സംസാരിക്ക് ഞാൻ ഫ്രഷ് ആയിട്ട് കുടിക്കാൻ എന്തേലും കൊണ്ട് വരാം. ജീവനെ നോക്കി പറഞ്ഞിട്ട് സാക്ഷി അതുല്യയെ കൂട്ടി പുറത്തേക്ക് പോയി. കാശി അപ്പോളും അഗ്നിയുടെ അടുത്തിരുന്നു കളിക്കുവായിരുന്നു. സാക്ഷി പെട്ടന്ന് തന്നെ ഫ്രഷ് ആയി ജീവന് കുടിക്കാൻ വെള്ളവുമായി പോയി. കുറച്ച് നേരം കൂടി സംസാരിച്ചിരുന്നിട്ടാണ് ജീവൻ പോകാൻ ഇറങ്ങിയത്.

ജീവൻ വണ്ടിയിലേക്ക് കയറാൻ തുടങ്ങിയപ്പോളേക്കും പുറകിൽ നിന്ന് അതുല്യ വിളിച്ചത്. " ഒന്നു നിന്നെ. " എന്താടി. ജീവൻ അല്പം ദേഷ്യത്തോടെ ചോദിച്ചു. " കുറച്ച് മുന്നേ ഞാൻ സോറി പറഞ്ഞെന്നും പറഞ്ഞ് താൻ കൂടുതൽ സന്തോഷിക്കണ്ട അത് ഏട്ടത്തി ഉണ്ടായിരുന്നത് കൊണ്ട് മാത്രം പറഞ്ഞതാ. " ഒന്നു പോയെടി, അവളുടെ ഒരു സോറി അത് ആർക്കാ വേണ്ടേ. " നീ പോടാ. " എന്താ വിളിച്ചേ പോടാന്നോ, നിന്നെക്കാളും മൂത്തതല്ലേ ഞാൻ ഇനി ഇങ്ങനെ എന്തേലും വിളിക്കോ. അതുല്യയുടെ കൈയിൽ പിടിച്ച് തിരിച്ച് കൊണ്ട് ജീവൻ പറഞ്ഞു. അവൾക്ക് കൈ നന്നായി വേദനിക്കുന്നുണ്ടായിരുന്നു. " കൈ വിട് കൈവിട് ജീവേട്ടാ. " അപ്പൊ മോൾക്ക് നല്ല പോലെ വിളിക്കാൻ ഒക്കെ അറിയാലോ, ഇനി മുതൽ ഇങ്ങനെ വിളിക്കാവു കേട്ടല്ലോ. അവളുടെ കൈയിൽ നിന്ന് വിട്ട് വണ്ടിയിൽ കയറി കൊണ്ട് ജീവൻ പറഞ്ഞു അത് കേട്ട് പല്ലു കടിച്ചു കൊണ്ട് അതുല്യ പറഞ്ഞു. " കാലമാടൻ. അവൾ വിളിച്ചത് ജീവൻ വ്യക്തമായി കേട്ടു എന്നാൽ ഈ സമയം അവന്റെ മുഖത്ത് ദേഷ്യം ആയിരുന്നില്ല പകരം മറ്റേതോ ഒരു ഭാവം ആയിരുന്നു.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...