💞 അഗ്നിസാക്ഷി 💞: ഭാഗം 16

എഴുത്തുകാരി: സ്‌നേഹ സാജു

അങ്ങനെ ഒരു മാസം കഴിഞ്ഞു പോയി ഇന്നാണ് അഗ്നിക്ക് ജോലിയിൽ തിരിച്ച് ജോയിൻ ചെയ്യണ്ടത്. ഈ ഒരു മാസം കൊണ്ട് തന്നെ സാക്ഷിക്കും അഗ്നിക്കും ഇടയിൽ നല്ല ഒരു ബദ്ധം തന്നെ രൂപം കൊണ്ടിരുന്നു. " ഇന്ന് ഇവിടെ കഴിക്കാൻ ഒന്നുമില്ലേ. പതിവിന് വിപരീതമായി ഡൈനിങ് ടേബിളിൽ നിന്ന് അതുല്യയുടെ ശബ്ദം കേട്ടാണ് പത്മവും സാക്ഷിയും അങ്ങോട്ടേക്ക് വന്നത്. " സാക്ഷി മോളെ ഞാൻ കാണുന്നത് തന്നെയാണോ മോള് കാണുന്നത്. " അതെ അമ്മേ ഞാനും അത് തന്നെയാ കാണുന്നെ. " അല്ല മോളെ ഇനി ഇത് എന്റെ പ്രൊഡക്റ്റ് തന്നെയല്ലേ മാറീട്ടൊന്നും ഇല്ലലോ. " ഒരു മാറ്റോം ഇല്ലമ്മേ ഇത് അമ്മേടെ പ്രോഡക്റ്റ് തന്നെയാ. രണ്ടുപേരും അതുല്യയെ കളിയാക്കിക്കൊണ്ട് ഓരോന്ന് പറയാൻ തുടങ്ങി. സഹി കേട്ട് അവർക്ക് നേരെ കൈ കുപ്പിക്കൊണ്ട് അതുല്യ പറഞ്ഞു. " എന്റെ പൊന്നോ ഒന്നു നിർത്തുന്നുണ്ടോ രണ്ടുപേരും കൂടി എന്നേ ട്രോളാതെ മനുഷ്യന് കഴിക്കാൻ എന്തേലും തരുന്നുണ്ടോ. അത് കേൾക്കെ സാക്ഷി പെട്ടന്ന് തന്നെ അടുക്കളയിലേക്ക് പോയി കഴിക്കാൻ ഉള്ളതെല്ലാം ഡൈനിങ് ടേബിളിൽ കൊണ്ട് വെച്ച് അതുല്യക്ക് വിളമ്പി കൊടുക്കാൻ തുടങ്ങി. " മതി ചേച്ചി കുട്ടി, ഇനി നിങ്ങളു കൂടി ഇരിക്ക്. " ഇരിക്കാം മോളെ അച്ഛനും ദേവേട്ടനും കൂടി വരട്ടെ.

" ഓ മറന്നു വല്ല്യേട്ടൻ ഇന്ന് മുതൽ ജോലിക്ക് പോകുവാണല്ലോലെ. " മ്മ്. " ചന്ദ്രേട്ടാ കഴിക്കാൻ വാ. അവർ സംസാരിച്ച് ഇരിക്കുമ്പോളാണ് പത്മം ചന്ദ്രശേഖരനെ കഴിക്കാൻ വിളിക്കുന്നത്. പെട്ടന്ന് തന്നെ ചന്ദ്രശേഖരൻ കാശിയേം കൊണ്ട് അങ്ങോട്ടേക്ക് വന്നു. വന്ന വഴിതന്നെ കാണുന്നത് അവിടെ ഇരിക്കുന്ന അതുല്യയെ ആയിരുന്നു ഞെട്ടി ഒന്നുടെ നോക്കി ഉറപ്പ് വരുത്തിയ ശേഷം അയാള് പറഞ്ഞു. " പത്മം പുറത്ത് ഇറങ്ങി ഒന്നു നോക്കിയേ കാക്ക എങ്ങാനും മലന്നു പറക്കുണ്ടോന്ന്. " ഓ പിന്നെ കാക്കക്ക് അതിനല്ലേ ഇപ്പൊ സമയം. രാവിലെ ഇവരുടെ ട്രോളുകൊണ്ട് തന്നെ മടുത്തൂ ഇനി അച്ഛനുടെ ട്രോള്ളാതെ ഇവിടെ വന്നിരുന്ന് എന്തേലും കഴിക്കാൻ നോക്ക്. " ഉത്തരവ് മഹാറാണി. ഇവരുടെ കളികൾ കണ്ട് ചിരിച്ച് പോയിരുന്നു ബാക്കി ഉള്ളവർ. ചന്ദ്രശേഖരൻ ഇരുന്നപ്പോളേക്കും പത്മം വേഗന്ന് തന്നെ കഴിക്കാൻ കൊടുത്തിട്ട് ഇരുന്നു. " അല്ല പത്മം അഗ്നി വന്നില്ലേ. " ചന്ദ്രേട്ടാ ഇന്ന് മുതൽ അവനു പോകണ്ടേ അത് കൊണ്ട് റെഡി ആയിട്ടേ വരു. "മ്മ് ഞാൻ അത് മറന്നു. " സാക്ഷി മോളു കൂടി ഇരിക്ക്. " അമ്മേ ദേവേട്ടനും കൂടി വരട്ടെ എന്നിട്ട് ഇരിക്കാം. " അവനെ നോക്കിയിരുന്നാൽ മോളുടെ കഴിക്കലും നടക്കില്ല. അവന്റെ കഴിപ്പ് ഒക്കെ കണക്കാ. മടിച്ചു നിന്ന സാക്ഷിയെ കസേരയിലേക്ക് ഇരുത്തി അവൾക്ക് ഭക്ഷണം വിളമ്പി കൊണ്ട് പത്മം പറഞ്ഞു.

സാക്ഷി കഴിക്കാൻ ആയി പാത്രത്തിലേക്ക് കൈ വെച്ചതും മുകളിൽ നിന്ന് അഗ്നിയുടെ വിളി അവളെ തേടി എത്തിയിരുന്നു. " സാക്ഷി എന്റെ യൂണിഫോം എവിടെ അയൺ ചെയ്തില്ലേ. പെട്ടന്ന് തന്നെ സാക്ഷി പത്മത്തെ ഒന്നു നോക്കി നോട്ടത്തിന്റെ അർത്ഥം മനസിലായ പോലെ പത്മം പറഞ്ഞു. " ചെന്ന് എടുത്ത് കൊടുക്ക് ഇല്ലെങ്കിൽ അവന്റെ ഒച്ച ഇനിയും ഉയരും. " ഫ്രണ്ട്‌സ് ആകേണ്ടിയിരുന്നില്ലലെ ചേച്ചി. അവളെ നോക്കി കളിയാക്കി ചിരിച്ച് കൊണ്ട് അതുല്യ പറഞ്ഞു. അവളെ ഒന്നു കണ്ണുരുട്ടി നോക്കി കൊണ്ട് സാക്ഷി മുകളിലേക്ക് ഓടി. അവൾ പോകുന്നതും നോക്കിയിരുന്നിട്ട് ചന്ദ്രശേഖരൻ പറഞ്ഞു. " പത്മം നമ്മുടെ മോന്റെ സ്വഭാവത്തിന് എന്തോ മാറ്റം ഒണ്ട്. " എനിക്കും തോന്നി ചന്ദ്രേട്ടാ. " ഓഹോ ഏട്ടന്റെ സ്വഭാവത്തിന് മാറ്റം ഉണ്ടെന്നേ രണ്ടുപേർക്കും ഇതുവരെ മനസിലായുള്ളു. ഏട്ടന് സാക്ഷിയേച്ചിയോട് പ്രണയം മൊട്ടിട്ടത് ആർക്കും മനസിലായില്ലേ. " ദേ വേണ്ടാത്തത് പറഞ്ഞാൽ നീ എന്റെ കൈയിൽ നിന്ന് വാങ്ങും. " വേണ്ടാത്തതല്ല, ഞാൻ പറഞ്ഞിട്ടല്ലേ വിശ്വസിക്കാത്തത് ഏട്ടൻ പറഞ്ഞാൽ നിങ്ങൾക്ക് വിശ്വാസം വരൂല്ലോ. "

നടക്കുന്നത് വല്ലോം പറ കുഞ്ഞേ, ചന്ദ്രശേഖരൻ അവളെ പുച്ഛിച്ചുകൊണ്ട് പറഞ്ഞു. " പുച്ഛിക്കുന്നോ എന്നാലേ അച്ഛനും അമ്മയും ശരിക്കും കേട്ടോ ഇന്ന് രാത്രി ഏട്ടൻ നിങ്ങളോട് വന്ന് പറഞ്ഞിരിക്കും സാക്ഷി എന്റെ പെണ്ണാന്ന്. അത്രയും പറഞ്ഞു കൊണ്ട് അതുല്യ ഭക്ഷണം കഴിക്കൽ നിർത്തി കാശിയേം എടുത്ത് കൊണ്ട് പോയി. അവൾ പോയി കഴിഞ്ഞ് പത്മം ചന്ദ്രശേഖരനോട്‌ പറഞ്ഞു. " ചന്ദ്രേട്ടാ അവളു പറഞ്ഞപോലെ നടന്നാൽ മതിയായിരുന്നല്ലേ, കല്യാണമേ വേണ്ടാന്ന് പറഞ്ഞു നടക്കുന്ന അവൻ ഒന്നു മാറാൻ വേണ്ടി ഞാൻ എന്തുമാത്രം പ്രാർത്ഥിക്കുന്നുണ്ടെന്നോ. " നമ്മുക്ക് നോക്കാം പത്മം. എന്തോ പറയാൻ വേണ്ടി നോക്കിയ പത്മം കാണുന്നത് പരസ്പരം എന്തൊക്കെയോ പറഞ്ഞ് ചിരിച്ച് സംസാരിച്ചോണ്ട് സ്റ്റെയർ ഇറങ്ങിവരുന്ന അഗ്നിയേം സാക്ഷിയേം ആയിരുന്നു. " ചന്ദ്രേട്ടാ നോക്കിയേ. പത്മം വിരൽ ചുണ്ടിയ ഭാഗത്തേക്ക് നോക്കിയ ചന്ദ്രശേഖരന്റെയും മുഖം തെളിഞ്ഞു. " അഗ്നിയുടെ തീരുമാനം മാറ്റി സാക്ഷി മോളെ തന്നെ എനിക്ക് മരുമകളായി തന്നാൽ മതിയായിരുന്നു. "

അവർ ഇങ്ങോട്ട് എത്തി പത്മം ഇപ്പൊ ഒന്നും മിണ്ടണ്ട അമ്മു പറഞ്ഞപോലെ അവന്റെ മനസ്സിൽ അങ്ങനെ ഒരു ആഗ്രഹം ഉണ്ടങ്കിൽ വന്നു പറയട്ടെ എന്നിട്ട് നോക്കാം. അവർ ഡൈനിങ് ടേബിളിന് അടുത്ത് എത്തിയപ്പോളേക്കും കഴിക്കാൻ ഉള്ളതെല്ലാം പത്മം വിളമ്പി വെച്ചിരുന്നു. " ആഹാ അച്ഛനും അമ്മയും കഴിച്ച് തുടങ്ങിയോ. " നിങ്ങളെ നോക്കി ഇരുന്നതാ കാണാത്തത് കൊണ്ട് ഞങ്ങൾ തുടങ്ങി. " അമ്മുട്ടി എന്തിയെ അമ്മേ. " അവള് കഴിച്ചിട്ട് എഴുന്നേറ്റു ഇപ്പൊ കാശിടെ കൂടെ അപ്പുറത്ത് കളിക്കുന്നുണ്ട്. " മ്മ്, അല്ല അച്ഛാ അർജുനെ കണ്ടിട്ട് കുറച്ച് ദിവസയാലോ. " അവന് നല്ല തിരക്കാ മോനെ എന്തോ മീറ്റിങ്ങിന്റെ കാര്യത്തിന് നേരത്തെ പോയി. " അവൻ ഒരുപാട് കഷ്ട്ടപെടുന്നുണ്ടല്ലേ അച്ഛാ. " അവന്റെ പ്രയത്‌നം കൊണ്ടല്ലേ മോനെ നമ്മുടെ കമ്പനി ഇത്രയും വളർന്നത്. പാവം എന്റെ കുട്ടി ഒരുപാട് ബുദ്ധിമുട്ടുന്നുണ്ട്. ഓരോന്നും പറഞ്ഞുകൊണ്ട് അവർ ഭക്ഷണം കഴിച്ച് എഴുന്നേറ്റും. അതിന് ശേഷം സാക്ഷിയും അതുല്യയും കോളേജിലേക്കും അഗ്നി സ്റ്റേഷനിലേക്കും യാത്ര പറഞ്ഞിറങ്ങി. ......... ആർട്സ് ഡേയുടെ ഭാഗമായി ഫ്ലെക്സുകളും, ബാനറുകളും തോരണങ്ങളുമെല്ലാം ക്യാമ്പസ്‌ മുറ്റത്ത് സ്ഥാനം പിടിച്ചിരുന്നു. ഓഡിറ്റോറിയത്തിലെ ഇരിപ്പിടങ്ങളെല്ലാം കുട്ടികളെ കൊണ്ട് നിറഞ്ഞു. പരിപാടികളുടെ ആരംഭം എന്ന വണ്ണം ഉത്ഘാടന ചടങ്ങുകൾക്ക് തുടക്കം കുറിക്കുകയായിരുന്നു. " സാക്ഷി ടീച്ചറെ ആരാ ഗസ്റ്റ്‌ ആയി വരുന്നത് എന്ന് അറിഞ്ഞോ. " ഇല്ല രമ്യ ടീച്ചറെ, അത് പ്രിൻസിപാളിന് മാത്രെ അറിയൂ.

" കഷ്ടം ഉണ്ടല്ലേ നമ്മളോട് പോലും പറയാതെ കൊണ്ടുവരുന്ന ഗസ്റ്റ് ആരാകുലേ. " എന്റെ രമ്യ ടീച്ചറെ എന്തിനാ ഈ ആകാംഷ ഇപ്പൊ വരുലോ അപ്പൊ കാണാം. " അതൊന്നും ഹരി സാറിന് പറഞ്ഞാൽ മനസിലാകില്ല, ഗസ്റ്റ് ആരാന്ന് അറിയാതെ ഒരു സമാധാനോം കിട്ടില്ല എനിക്ക്. " അതിനെന്താ വാ ഇപ്പൊ തന്നെ നമുക്ക് ഓഡിറ്റോറിയത്തിലേക്ക് പോകാം. അവർ എല്ലാവരും കൂടി ഓഡിറ്റോറിയത്തിലേക്ക് പോയി. അകത്തേക്ക് കയറിയപ്പോളേ കണ്ടു എല്ലാ കസേരകളും നിറഞ്ഞു നില്കുന്നത്. സാക്ഷി കുറച്ച് നേരം നോക്കി നിന്നു അപ്പോളേക്കും അതുല്യ സാക്ഷിയെ അവളുടെ അടുത്തേക്ക് വിളിച്ചു. " ചേച്ചി വാ, ദേ ഇവിടെ ഒരു സീറ്റ് ഉണ്ട്. " ദാ വരുന്നു മോളെ. സാക്ഷി അതുല്യയുടെ അടുത്തേക്ക് ചെന്ന് അവളുടെ അടുത്തായി ഒഴിഞ്ഞു കിടക്കുന്ന കസേരയിലേക്ക് ഇരുന്നു. സാക്ഷി ഇരുന്നെനു പുറകെ പൂജ വന്ന് അവരെ പുച്ഛിച്ചു കൊണ്ട് സാക്ഷിക്ക് അടുത്തായി ഇരുന്നു. " ഇവൾക്ക് വേറെ എവിടേലും പോയിരുന്നാൽ പോരെ, അവിടെ തന്നെ എന്തിനാ ഇരുന്നേ ശല്യം. സാക്ഷിക്ക് അടുത്തേക്ക് നീങ്ങി വന്ന് അവളുടെ ചെവിയിലായി അതുല്യ പറഞ്ഞു.

" അമ്മു നീ ഒന്നു മിണ്ടാതെ ഇരുന്നേ അവള് എവിടേലും പോട്ടെ. " എന്നാ പോട്ടെ, ചേച്ചി കുട്ടി ഗസ്റ്റ്‌ ആരാന്ന് അറിഞ്ഞോ. " ഇല്ല മോളെ നമ്മുക്ക് നോക്കാം. രണ്ടുപേരും സംസാരിച്ചോണ്ട് ഇരിക്കുമ്പോളായിരുന്നു സ്റ്റേജിലെ മൈക്കിൽ നിന്ന് പ്രിൻസിപ്പാളിന്റെ ശബ്ദം അവരെ തേടി എത്തിയത്. " ഗുഡ് മോർണിംഗ് സ്റ്റുഡന്റസ്, നമ്മുടെ ആർട്സ് ഡേ പ്രോഗ്രാം ആരംഭിക്കുകയാണ് ഇന്ന് നമ്മുടെ ഗസ്റ്റ് ആയി എത്തുന്നത് നമ്മുടെ കോളേജിലെ പൂർവ്വ വിദ്യാർത്ഥിയും പഠിച്ചിരുന്ന കാലത്തെ കോളേജ് ചെയർമാനും ഒക്കെ ആയിരുന്ന ഒരാളാണ്. ഇനിയും നിങ്ങളെ ആകാംഷയിൽ എത്തിക്കുന്നില്ല നമ്മുടെ ഗസ്റ്റിനെ സ്വാഗതം ചെയ്യുവാണ്. പ്ലീസ് വെൽക്കം ACP അഗ്നിദേവ് IPS. മൈകിലൂടെ കേട്ട വാക്കുകൾ വിശ്വാസം വരാതെ അതുല്യയും സാക്ഷിയും പരസ്പരം നോക്കി. അപ്പോളേക്കും കൈയടികളുടെ ആരവത്തോടെ അഗ്നി സ്റ്റേജിലേക്ക് കയറി. " ചേച്ചി അവിടെ നില്കുന്നത് നമ്മുടെ അഗ്നിയേട്ടൻ തന്നെയല്ലേ. " അതെ മോളെ ദേവേട്ടൻ തന്നെയാ. " ദുഷ്ടൻ ഇന്ന് രാവിലെ കൂടി നമ്മള് സംസാരിച്ചതല്ലേ എന്നിട്ട് വരുന്ന കാര്യം പറഞ്ഞില്ലാലോ. "

മ്മ്, അത് നേരാണല്ലോ മോളെ. അവരുടെ സംസാരം കേട്ട് കളിയാക്കികൊണ്ട് പൂജ പറഞ്ഞു. " ഭർത്താവിന്റെ കാര്യങ്ങൾ അറിയാത്ത നിന്നെ പോലുള്ള ഭാര്യമാരുടെ അവസ്ഥ വളരെ മോശതന്നെ. അവളുടെ കളിയാക്കിയുള്ള സംസാരം കേട്ട് ദേഷ്യത്തോടെ അതുല്യ പറഞ്ഞു. " അതെ എന്റെ ഏട്ടന്റെ എല്ലാ കാര്യങ്ങളും ഏട്ടത്തിക്ക് വളരെ വ്യക്തമായിട്ട് അറിയാം കേട്ടോ പിന്നെ ഇത് ഏട്ടൻ ഞങ്ങൾക്ക് ഒരു സർപ്രൈസ് തന്നതാ. " ഓ പിന്നെ ഒരു സർപ്രൈസ് ഇത് മുന്നേ ഞാൻ പറഞ്ഞില്ലേ അത് തന്നെയാ. നിന്നെ ഇഷ്ടപ്പെട്ട് കെട്ടിയതൊന്നും ആകില്ല വീട്ടുകാരെ ബോധിപ്പിക്കാൻ വേണ്ടിയാകും. " ഇതിനുള്ള മറുപടി അന്നേ ഞാൻ തന്നതാ, ഇനി വല്ലോം പറയാൻ വന്നാൽ പറച്ചിലിൽ ഒന്നും നിൽക്കില്ല പ്രായം മറന്ന് ഞാൻ തല്ലി പോകും. " അല്ലെങ്കിലും ഇവളെ പറയുമ്പോൾ നിനക്കാണല്ലോ കൊള്ളുന്നത്. ഇവള് എന്തേലും പറയുന്നുണ്ടോന്ന് നോക്കിയേ ഞാൻ പറയുന്നത് നേരാന്ന് അവൾക്ക് അറിയാം അതാ. " ഹ.. ഹ.. ഹ. കൊള്ളാലോ ചോദ്യോം ഉത്തരോം നീ തന്നെ കണ്ടെത്തിയാൽ എങ്ങനാ ശരിയാകുന്നെ. ഞാനെ മിണ്ടാതിരുന്നത് മറ്റൊന്നും കൊണ്ടല്ല വഴിയിലൂടെ ഇഷ്ടം പോലെ കൊടുചിപ്പട്ടികൾ കോരച്ചോണ്ട് നടക്കാറുണ്ട് ആരേലും അതിനെ തിരിഞ്ഞു നോക്കാറുണ്ടോ നീയും അത്രെ ഉള്ളു എനിക്ക്.

" ഡി. " ഒന്നു എണീറ്റു പൊടി. സാക്ഷി പറഞ്ഞവസാനിപിച്ചതും പൂജ ദേഷ്യത്തോടെ അവിടെ നിന്നും എണീറ്റു പോയി. " കലക്കി ചേച്ചികുട്ടി അവൾക്കൊക്കെ ഇങ്ങനെ തന്നെയാ മറുപടി കൊടുക്കേണ്ടത്. അപ്പോളേക്കും ഓഡിറ്ററിയത്തിലെ ഉൽഘടന പരിപാടികൾ അവസാനിച്ച് കലാ പരിപാടികൾ തുടങ്ങിയിരുന്നു. അഗ്നി പതിയെ എല്ലാവരോടും യാത്ര പറഞ്ഞ് അവിടെ നിന്നും പുറത്തക്ക് ഇറങ്ങി അവൻ പോകുന്നത് കണ്ടതോടെ അതുല്യ സാക്ഷയേം കൊണ്ട് അവന്റെ പുറകെ ചെന്നു. " ഒന്നു നിന്നെ. പുറകിൽ നിന്നുമുള്ള ശബ്ദം കേട്ട് തിരിഞ്ഞു നോക്കിയ അഗ്നി കണുന്നെ കൈകൾ പിണച്ചു കെട്ടി തന്നെ നോക്കി നിൽക്കുന്ന അതുല്യയേം സാക്ഷിയേം ആയിരുന്നു. " ഇന്ന് വരുന്ന കാര്യം എന്താ പറയാതിരുന്നേ. " അത് പിന്നെ നിങ്ങൾക്ക് സർപ്രൈസ് തന്നതല്ലേ ശരിക്കും ഞെട്ടിയില്ലേ രണ്ടും. " ഞെട്ടാതെ പിന്നെ. " സാക്ഷി തനിക്ക് ഒന്നും പറയാനില്ലേ. ഒന്നും മിണ്ടാതെ നിൽക്കുന്ന സാക്ഷിയെ നോക്കി അഗ്നി ചോദിച്ചു പെട്ടന്ന് ആണ് സാക്ഷിയെ ആരോ പുറകിൽ നിന്ന് വിളിക്കുന്നത് കേട്ടത്. " സാക്ഷി തന്നെ പ്രിൻസിപ്പാൾ അനേഷിച്ചു. " ആണോ ഹരി സാറെ ഞാൻ വന്നോളം സാറ് നടന്നോ. സാക്ഷി പെട്ടന്ന് തന്നെ അവരോട് യാത്ര പറഞ്ഞ് പ്രിൻസിപ്പാളിന്റെ അടുത്തേക്ക് പോയി.

അവള് പോയിട്ടും അങ്ങോട്ട് തന്നെ നോക്കി നിൽക്കുന്ന അഗ്നിയെ അപ്പോളാണ് അതുല്യ കണ്ടത്. അത് കൺകെ അവളുടെ ചുണ്ടിൽ ഒരു പുഞ്ചിരി മോട്ടിട്ടു. " എന്താ വല്യേട്ടാ അങ്ങോട്ട് നോക്കി നില്കുന്നെ. " യ്യേ ഒന്നുല്ല, ആ പിന്നെ ഇപ്പൊ വന്ന് സാക്ഷിയെ വിളിച്ചോണ്ട് പോയത് ആരാ. ഓഹോ അപ്പൊ അതാണല്ലേ കാര്യം ഇപ്പൊ ശരിയാക്കി തരാം മനസ്സിൽ ചിന്തിച്ചുകൊണ്ട് അതുല്യ അഗ്നിയോട് പറഞ്ഞു. " അത് ഇവിടുത്തെ സാറാ, പിന്നെ ഉണ്ടല്ലോ ഏട്ടാ പുള്ളിക്ക് സാക്ഷിയെച്ചിയെ വലിയ കാര്യമാ. അവളുടെ സംസാരം കേൾക്കെ അഗ്നിക്ക് വല്ലാതെ ദേഷ്യം വരുന്നുണ്ടായിരുന്നു എന്നാല് അതൊന്നും പുറത്ത് കാട്ടാതെ അവളോട് യാത്ര പറഞ്ഞ് അവൻ പോയി. ... രാത്രി അത്താഴം കഴിഞ്ഞ് അഗ്നി റൂമിലേക്ക് വരുമ്പോൾ കാണുന്നത് ബാൽകാണിയിൽ നിന്ന് എന്തോ ചിന്തിക്കുന്ന സാക്ഷിയെ ആയിരുന്നു. അവൻ പതിയെ അവളുടെ അടുത്തേക്ക് ചെന്നു. അടുത്ത് ആരോ വന്നത് പോലെ തോന്നി തിരിഞ്ഞു നോക്കിയ സാക്ഷി കാണുന്നത് അടുത്ത് നിൽക്കുന്ന അഗ്നിയെ ആയിരുന്നു. " എന്താടോ കിടന്നില്ലേ. " ഇല്ല കിടന്നിട്ട് ഉറക്കം വന്നില്ലഅതാ ഇവിടെ വന്ന് നിന്നത്. " മ്മ്, കഴിഞ്ഞ് പോയത് ഒന്നും ഓർക്കണ്ട കേട്ടോ ഇപ്പൊ ഞങ്ങൾ ഒക്കെ ഇല്ലേ. " അതാ ഇപ്പൊ എന്റെ ഏക ആശ്വാസം. " എന്നാലേ ഇനിയും ഇവിടെ നിന്ന് മഞ്ഞു കൊള്ളാതെ പോയി കിടക്കാൻ നോക്ക്. മോൻ അവിടെ ഒറ്റക്കല്ലേ ഒള്ളു. " എന്നാ ശരി ഗുഡ് നൈറ്റ്‌. " ഗുഡ് നൈറ്റ്‌. അഗ്നിയോട് ഗുഡ് നൈറ്റ്‌ പറഞ്ഞ് സാക്ഷി റൂമിലേക്ക് പോയി.

അവള് പോയതും ഇരുകൈകളും വിരിച്ച് അഗ്നി ആ തണുപ്പിനെ ശരീരത്തിലേക്ക് ആവാഹിക്കാൻ തുടങ്ങി അപ്പോളാണ് അതുല്യ അങ്ങോട്ട് വന്നത്. " ആരെ കിനാവ് കണ്ട് നിൽകുവാ ACP സാറെ. " ചുമ്മാ ഒന്നു നിന്നതാണേ എനിക്ക് ഇവിടെ നിക്കാനും പാടില്ലേ. " നിന്നോ നിന്നോ, അത് പോട്ടെ ഞാൻ ഒരു കാര്യം ചോദിക്കാൻ വന്നതാ. " എന്നാടി. " ആ ഹരി സാറില്ലേ ഇന്ന് കണ്ടത് പുള്ളിയെ നമ്മുക്ക് സാക്ഷിയെച്ചിക്ക് വേണ്ടി ആലോചിച്ചാലോ. അതുല്യയുടെ ചോദ്യം കേട്ട് അഗ്നിക്ക് ദേഷ്യത്തോടെ അവളോട് പറഞ്ഞു. " സാക്ഷിക്ക് കല്യാണം വേണോന്ന് അവള് നിന്നോട് പറഞ്ഞോ. " എന്നോട് പറഞ്ഞില്ല പക്ഷെ അച്ഛനും അമ്മയും താഴെ ഇരുന്ന് പറയുന്നത് കേട്ടല്ലോ. " അവർ എന്ത് പറഞ്ഞെന്നാ. " സാക്ഷിയെ ഇനിയും ഇങ്ങനെ വിട്ടാൽ പറ്റില്ല അവൾക്കും ഒരു കൂട്ടൊക്കെ വേണം. കാശി മോനെ കൂടി നോക്കാൻ പറ്റിയ ഒരാളെ കണ്ടെത്തി കല്യാണം നടത്തണോന്ന്. "ഓഹോ അപ്പൊ അവിടെ വരെ എത്തി കാര്യങ്ങൾ. " മ്മ് അവരെ ദേ താഴെ ഇരുന്ന് പറയുന്നുണ്ട്. അത് കേട്ടതും അഗ്നി അതുല്യയെ തള്ളി മാറ്റികൊണ്ട് വേഗത്തിൽ താഴേക്ക് നടന്നു അവനു പിന്നാലെ ചിരി കടിച്ച് പിടിച്ചുകൊണ്ട് അതുല്യയും. സ്റ്റേയറിന്റെ അടുത്ത് എത്തിയപ്പോളെ അവൻ കണ്ടു താഴെ ഇരുന്ന് സംസാരിക്കുന്ന അച്ഛനേം അമ്മയേം.

പെട്ടന്ന് തന്നെ സ്റ്റേപ്പ് ഇറങ്ങി അവരുടെ മുന്നിൽ ചെന്നു നിന്നോണ്ട് അഗ്നി പറഞ്ഞു. " അതെ സാക്ഷിക്ക് കല്യാണം ആലോചിച്ച് ആരും ബുദ്ധിമുട്ടണ്ടാ അവളെ എന്റെ പെണ്ണാ, അവളെ കേട്ടുന്നതും ഞാൻ ആയിരിക്കും. പെട്ടന്ന് ഉള്ള അഗ്നിയുടെ സംസാരവും മുഖഭാവയും കണ്ട് എല്ലാവരും പൊട്ടി ചിരിക്കാൻ തുടങ്ങി. " അച്ഛാ ഇപ്പൊ എങ്ങനെ ഒണ്ട് ഏട്ടൻ തന്നെ പറഞ്ഞില്ലേ. അതുല്യ വിജയ ചിരിയോടെ ചന്ദ്രശേഖരനോടും പത്മത്തോടും പറഞ്ഞു. അവരും അവളെ നോക്കി ചിരിച്ചു. " അതിന് സാക്ഷി മോൾക്ക് ആരാ ഇപ്പൊ കല്യാണം നോക്കിയേ. " ഒളിക്കാൻ നോക്കണ്ട അമ്മു പറഞ്ഞു എന്നോട് എല്ലാം. " ഹ.. ഹ.. ഹ.. ഇവള് നിന്നെ പറ്റിച്ചതാടാ നിന്റെ മനസ്സിൽ ഉള്ളത് ഒന്നു പുറത്ത് കൊണ്ടുവരാൻ പറഞ്ഞതാ അമ്മു. " അച്ഛാ അത്. " മോൻ ഒന്നും പറയണ്ട ഞങ്ങൾക്കൊക്കെ സന്തോഷമേ ഒള്ളു. സാക്ഷി മോളെ എന്റെ മോൻ കല്യാണം കഴിക്കണോന്ന് തന്നെയായിരുന്നു അമ്മേടെ പ്രാർത്ഥനയും. മോളെയും കുഞ്ഞിനേം പിരിയുന്ന കാര്യം ഓർക്കാൻ കൂടി വയ്യാ. പത്മം കണ്ണുനിറക്കാൻ ഒരുങ്ങുന്നത് കണ്ട് വിഷയം മാറ്റാൻ എന്നോണം അതുല്യ പറഞ്ഞു. " എന്നാലും ഏട്ടൻ ആളു കൊള്ളാലോ ആരും അറിയാതെ അണ്ടർ ഗ്രൗണ്ടിൽ കൂടി ലൈൻ വലിക്കുവായിരുന്നല്ലേ കൊച്ചു കള്ളാ. അഗ്നിയുടെ മീശയിൽ പിടിച്ച് വലിച്ചു കൊണ്ട് അതുല്യ പറഞ്ഞു അത് കേട്ടതും എല്ലാരും വീണ്ടും പൊട്ടി ചിരിക്കാൻ തുടങ്ങി.അഗ്നി അവർക്കൊക്കെ ചമ്മിയ ഒരു ചിരി കൊടുത്തുകൊണ്ട് അതുല്യയെ നോക്കി കണ്ണുരുട്ടി........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...