💞 അഗ്നിസാക്ഷി 💞: ഭാഗം 17

എഴുത്തുകാരി: സ്‌നേഹ സാജു

കേസിന്റെ കാര്യങ്ങൾ അറിയാൻ മന്ത്രി തോമസ് ചാക്കോ വിളിപിച്ച പ്രകാരം അദ്ദേഹത്തിന്റെ ഓഫീസിൽ കാണാൻ എത്തിയതായിരുന്നു SP ജയശങ്കരനും അഗ്നിയും. " ഗുഡ് മോർണിംഗ് സാറ്. " ഹാ ജയാ കയറി വാടോ. ജയശങ്കരനും അഗ്നിയും അകത്തേക്ക് കയറി അദ്ദേഹത്തെ സല്യൂട്ട് ചെയ്തു. മുന്നിലെ കസേരയിലേക്ക് ഇരുന്നു. " കേസിന്റെ കാര്യം എവിടെ വരെ ആയെടോ. " സാറ് ദേ ഇത് ACP അഗ്നിദേവ് IPS, ഈ കേസിന്റെ അനേഷണ ചുമതല ഇവനാണ്. " മ്മ്, എന്നാ പറയടോ IPS എവിടെ വരെയായി കാര്യങ്ങൾ. " സാറ് അന്നേഷണം ഇപ്പൊ എത്തി നില്കുന്നത് ഒരു സെക്സ് റാകെറ്റിലാണ്. " what do you mean. " വ്യക്തമായി പറഞ്ഞാൽ പ്രണയം നടിച്ച് പെൺകുട്ടികളെ വലയിലാക്കി തട്ടിക്കൊണ്ടു പോയി വലിയൊരു തുകക്ക് വിൽക്കുകയാണ് അവരുടെ ലക്ഷ്യം. അതുമാത്രമല്ല വലിയൊരു അളവിൽ മയക്കുമരുന്നുകളും നമ്മുടെ ഇവിടെ എത്തുന്നുണ്ട്. " ഇതിന്റെ പിന്നിൽ ആരാണെന്ന് വല്ലോ അറിഞ്ഞോ. " ഇതിന്റെ പിന്നിൽ ഒന്നിൽ കൂടുതൽ ആളുകൾ പ്രവർത്തിക്കുന്നുണ്ട്. AJ എന്ന പേരിൽ അറിയപ്പെടുന്ന ഒരാളാണ് ഇതിന്റെ പ്രധാന കണ്ണി. "

AJ യോ അവനെ കുറിച്ച് മറ്റെന്തേലും അറിഞ്ഞോ. " ഇല്ല സാറ്, അവനെ കുറിച്ചുള്ള അനേഷണം നടക്കുന്നുണ്ട് പിന്നെ അറിയാൻ കഴിഞ്ഞത് AJ ആയിട്ടുള്ള ഡിലിങ്ങ്സ് മുഴുവനും നടത്തുന്നത് സക്കറിയ പോത്തൻ ആണ് സാറ്. " ജയാ അത് നമ്മുടെ അപ്കാരിയല്ലേ. " മ്മ് അത് തന്നെ സാറ്. " എടൊ, അഗ്നി അവനോടൊക്കെ ഏറ്റു മുട്ടുമ്പോൾ സൂക്ഷിക്കണം. " സാറെ നിങ്ങളെ പോലുള്ള മേലാളന്മാർ അവനെ പോലുള്ളവന്മാരുടെ മുന്നിൽ പേടിച്ച് ഓച്ചാനിച്ച് നില്കുന്നത് കൊണ്ട അവന്മാരൊക്കെ ഇവിടെ കിടന്ന് ഇങ്ങനെ വിലസുന്നത്. " താൻ പറയുന്നത് ഒക്കെ ശരിയാടോ എന്നാലും. " ഒരേന്നാലുമില്ല സാറ് അവന്മാരെ നമ്മളല്ല പേടിക്കണ്ടത് നമ്മളെ അവരാ പേടിക്കേണ്ടത്. സാറിന് ഒരു കാര്യം അറിയോ ഈ യുണിഫോം ആദ്യമായി ഞാൻ അണിയുമ്പോൾ ഒരു തീരുമാനം എടുത്തിരുന്നു ആരുടെ മുന്നിലും അടിയറവ് പറയില്ലെന്ന് എന്റെ പതവി ഞാൻ ദുരുപയോഗം ചെയ്യില്ലെന്നും. അതുകൊണ്ട് തന്നെ എനിക്ക് ആരെയും യാതൊരു പേടിയും ഇല്ല. ആദ്യം തന്നെ മാറേണ്ടത് നമ്മളെ പോലുള്ള അധികാരി വർഗ്ഗങ്ങൾ തന്നെയാ എന്നാലേ ഈ നടു നന്നാകു.

പിന്നെ ഈ കേസിന്റെ പിറകിലുള്ളവരെ എന്ത് വിലകൊടുത്തും പൂട്ടിയിരിക്കും ഞാൻ. " കൊള്ളാടോ തന്നെ കുറിച്ച് ഓർക്കുമ്പോൾ എനിക്ക് അഭിമാനം തോന്നുന്നു. പിന്നെ ഈ കേസിന്റെ എല്ലാ കാര്യങ്ങളും ഞാൻ തന്നെ ഏല്പിക്കുന്നു ഇതിന്റെ പിന്നിൽ ആരൊക്കെ ഉണ്ടെങ്കിലും പൊക്കിയിരിക്കണം അതിന്റെ പേരിൽ സംശയമുള്ള ആരെ വേണമെങ്കിലും എപ്പോ വേണേലും തനിക്ക് അറസ്റ്റ് ചെയ്ത് ചോദ്യം ചെയാം. " ഒക്കെ സാറ്. " എന്നാല് ഞങ്ങൾ അങ്ങോട്ട്. " അഗ്നി സക്കറിയയെ പൂട്ടാൻ ഉള്ള വഴി താൻ നോക്കിക്കോ ഇനി അവനെതിരെ എന്ത് തെളിവ് കിട്ടിയാലും അറസ്റ്റ് ചെയ്തോ തനിക്കൊപ്പം ഞാനും ഉണ്ട്. " ഒക്കെ താങ്ക്യൂ സാറ്. മന്ത്രിയെ നോക്കി ചിരിച്ച് യാത്രയും പറഞ്ഞ് അവർ പുറത്തേക്ക് ഇറങ്ങി. SP അഗ്നിയെ അഭിനന്ദിച്ച് എല്ലാ പിന്തുണയും ഉറപ്പ് പറഞ്ഞ് അദേഹത്തിന്റെ ഓഫീസിലേക്ക് പോയി അഗ്നി തിരിച്ച് സ്റ്റേഷനിലേക്കും. അഗ്നി സ്റ്റേഷനിലെ ക്യാബിനിൽ ഇരിക്കുമ്പോളാണ് ജീവൻ അങ്ങോട്ട് വന്നത്. അനുവാദം ചോദിച്ച് അഗ്നിയെ സല്യൂട്ട് ചെയ്തു കൊണ്ട് ജീവൻ പറഞ്ഞു. " സാറ് മന്ത്രിയെ കണ്ടിട്ട് എന്ത് പറഞ്ഞു.

" ഇരിക്ക് ജീവൻ പറയാം. ജീവൻ പെട്ടന്ന് തന്നെ അവിടെ ഇട്ടിരിക്കുന്ന കസേരയിലേക്ക് ഇരുന്നു. " ഇനി എന്ത് തെളിവും സക്കറിയ പോത്തന് എതിരെ കിട്ടിയാലും അറസ്റ്റ് ചെയ്തോളാനാ ഓർഡർ. പിന്നെ കേസ് എത്രയും പെട്ടന്ന് തെളിയിച്ചിട്ട് ഇതിന് പിന്നിലുള്ളത് ആരായാലും അവരെ ഉടനെ പുറത്ത് കൊണ്ട് വരാനാ പറഞ്ഞേക്കുന്നെ. " അത് തന്നെയാ വേണ്ടത് ഇതിന് പിന്നിൽ ഉള്ള എല്ലാത്തിനേം പിടിച്ച് നല്ല ശിക്ഷ തന്നെ വാങ്ങി കൊടുക്കണം സാറ്. " മ്മ് പിന്നെ ജീവൻ എന്തായ് കാര്യങ്ങൾ. " സാറ് പറഞ്ഞത് പോലെ ചെയ്തിട്ടുണ്ട്, മുബൈയിലേക്കും ഹൈദ്രബാധിലേക്കും അല്ലെ പെൺകുട്ടികളെ കയറ്റി അയക്കുന്നത് അത് ബ്ലോക്ക്‌ ചെയ്തിട്ടുണ്ട്. " വെരി ഗുഡ് അപ്പൊ ചേട്ടിയാരോ. " ചേട്ടിയാരെ ഹൈദ്രബാദ് പോലീസ് പൊക്കിട്ടുണ്ട് വിശദമായി ചോദ്യം ചെയ്തു കൊണ്ടിരിക്കുന്നു. " മ്മ്. ഇനി ഒരൊറ്റ കണ്ടെന്നറും പുറത്ത് പോകരുത്. പിന്നെ ആ സക്കറിയെടെ വലംകൈയില്ലേ ശരവണൻ അവന്റെ ഒരു കൂട്ടാളി ഉണ്ടല്ലോ വടിവാളോ അങ്ങനെ എന്തോ അല്ലെ പേര്. " അതെ സാറ്. "

അവരിൽ ആരേലും ഒരാളെ പൊക്ക് വടിവാളിനെ മതി. സ്റ്റേഷനിലേക്ക് വേണ്ട മറ്റെവിടെങ്കിലും എന്നിട്ട് വിശദമായിട്ട് ഒന്നു ചോദ്യം ചെയ്യ് അറിയേണ്ടത് എല്ലാം പോന്നോളും. വേറൊരു കാര്യം മറ്റാരും അറിയണ്ട പ്രതേകിച്ച് ഗിരി കേട്ടല്ലോ. " ഒക്കെ സാറ്. " എന്നാ ജീവാ ഞാൻ ഇറങ്ങുവാ എന്തേലും ആവശ്യം ഉണ്ടെങ്കിൽ വിളിച്ചേരെ. " ശരി സാറ്. അഗ്നി ജീവനോട്‌ പറഞ്ഞിട്ട് പുറത്തേക്ക് ഇറങ്ങി വണ്ടിയിൽ കയറി വീട്ടിലേക്ക് പോയി. ............................ ❤️ ❤️....................... അഗ്നിയുടെ വണ്ടിയുടെ ശബ്ദം കേട്ട് സ്വീകരണ മുറിയിൽ കളിച്ചുകൊണ്ടിരുന്ന കാശി പതിയെ പിച്ച വെച്ച് പുറത്തേക്ക് ഇറങ്ങി, അവനു പുറക്കേ ഒച്ചയെടുത്തോണ്ട് അതുല്യയും ഉണ്ടായിരുന്നു. " കാശി പതിയെ പോ നീ വീഴുട്ടോ. " നാൻ വീയില്ല അമ്മുച്ച് വീയാതെ നോചിയ മയി. " കാലുറപ്പിച്ച് നടന്നു തുടങ്ങിയില്ല ചെറക്കന്റെ വർത്താനം കേട്ടോ. തിരിഞ്ഞു നോക്കി വരാന്തയിലേക്ക് ഇറങ്ങിയ കാശി പിന്നിൽ വരുന്ന അതുല്യയെ കണ്ട് മുഖം കുർപ്പിച്ചു കൊണ്ട് പറഞ്ഞു. " അമ്മുച്ച് എഞ്ചിനാ കാച്ചിടെ പോതക്കേ വയുന്നെ. " എന്റെ പൊന്നോ ഞാൻ വരുന്നില്ലേ. കാശിയെ നോക്കി കൈകൂപ്പി കാണിച്ചു കൊണ്ട് അതുല്യ പറഞ്ഞു. അപ്പോളേക്കും വണ്ടി പോർച്ചിൽ വെച്ച് അഗ്നി വരാന്തയിലേക്ക് കയറി.

അഗ്നിയെ കണ്ട കാശി സ്പീഡിൽ അവനടുത്തേക്ക് നടന്നു അത് കണ്ട് അഗ്നി പെട്ടന്ന് തന്നെ അവനടുത്തേക്ക് ചെന്ന് അവനെ എടുത്തു. " അച്ഛേടെ കാശി കുട്ടൻ എന്തിനാ ഓടുന്നെ വീഴില്ലേ. " ച്ചേ കാനാൻ വന്നയാ. " ആണോടാ ചക്കരെ അച്ഛയെ കാണാൻ തോന്നിയോ മുത്തിന്. " മ്മ് മിച്ചു ച്ചേ. " അച്ചോടാ. കാശി അഗ്നിയുടെ തോളിലേക്ക് കിടന്നു അഗ്നി വാത്സല്യത്തോടെ അവനെ തഴുകി കൊണ്ട് അകത്തേക്ക് നടന്നു. " ആഹാ വല്ല്യേട്ടൻ ഇന്ന് നേരത്തെ ആണല്ലോ. " ഇന്ന് ഡ്യൂട്ടി നേരത്തെ കഴിഞ്ഞു. അവർ സംസാരിച്ചോണ്ട് അകത്തേക്ക് വരുമ്പോളാണ് സോഫയിൽ എന്തോ ആലോചിച്ചോണ്ട് ഇരിക്കുന്ന അർജുനെ അഗ്നി കാണുന്നത്. " അല്ല അർജു ടാ നീ ഇവിടെ ഉണ്ടായിരുന്നോ. " കൊച്ചേട്ടൻ ഇന്ന് ഇവിടെ തന്നെ ഉണ്ടായിരുന്നു ഏട്ടാ രാവിലെ മുതൽ എന്തൊക്കെയോ ആലോചിച്ച് ഇരിപ്പാ. ഇങ്ങനെ വിളിച്ചാലൊന്നും കേൾക്കില്ല. അതും പറഞ്ഞു കൊണ്ട് അതുല്യ അർജുന്റെ അടുത്തേക്ക് നടന്ന് അവന്റെ ചെവിയിൽ വല്യ ഒച്ചയിൽ അലറി. " കൊച്ചേട്ടാ. " അയ്യോ എന്റെ അമ്മേ. അവളുടെ പെട്ടന്ന് ഉള്ള വിളികേട്ടാണ് അർജു ചിന്തയിൽ നിന്ന് തിരികെ എത്തിയത് അപ്പോളാണ് മുന്നിൽ നില്കുന്നവരെ കാണുന്നത് അവരെ നോക്കി ഇളിച്ച് കാണിച്ചു കൊണ്ട് അവൻ പറഞ്ഞു.

" അമ്മു നീ എന്ത് പണിയാ ഈ കാണിച്ചേ. " പിന്നെ ഞാൻ എന്ത് ചെയ്യാനാ വല്ല്യേട്ടൻ എത്ര നേരായി കൊച്ചേട്ടനെ വിളിക്കാൻ തുടങ്ങിട്ട്. " ഓഹോ സോറി ഏട്ടാ ഞാൻ എന്തോ ആലോചിച്ച് ഇരുന്ന് പോയി അതാ. " അതൊക്കെ പോട്ടെ നിനക്ക് എന്താ വയ്യേ മുഖമൊക്കെ വല്ലാതെ ഇരിക്കുന്നല്ലോ. " ഒന്നുല്ല ഏട്ടാ ചെറിയ ഒരു തലവേദന ഈ ഓട്ട പാച്ചിലിന്റെ ആകും. " ആരോഗ്യം നോക്കാതെ ഉള്ള നിന്റെ ഓട്ടം ഒന്നു കുറക്ക് അർജു. " മ്മ് ശ്രമിക്കാം ഏട്ടാ, കമ്പനി കാര്യങ്ങൾ നോക്കാൻ ഞാനല്ലേ ഒള്ളു. അവർ സംസാരിച്ചോണ്ട് നില്കുമ്പോളാണ് ഇടയിൽ കയറി അതുല്യ സംസാരിക്കാൻ തുടങ്ങിയത്. " എനിക്ക് ഒരു കാര്യം പറയാനുണ്ട് ഏട്ടന്മാരെ. " എന്താമ്മു. " അതെ നാളെ സാക്ഷിയെച്ചിടെ ബർത്ഡേയാ. " ആണോ നീ എങ്ങനെയാ അമ്മു അറിഞ്ഞത്. " അത് ചേച്ചിടെ സർട്ടിഫിക്കറ്റിൽ ഞാൻ കണ്ടിരുന്നു, പിന്നെ ഏട്ടാ നമ്മുക്ക് ഒന്ന് ആഘോഷിച്ചാലോ. " പിന്നെ എന്താ 12 മണിക്ക് തന്നെ നമ്മുക്ക് കേക്ക് കട്ട്‌ ചെയ്ത് ആഘോഷം തുടങ്ങാം. " സൂപ്പർ ഏട്ടാ. " എന്താ അർജു നീ മിണ്ടാതെ നില്കുന്നെ. "

ഒന്നുല്ല ഏട്ടാ നിങ്ങൾ പറയുന്നത് കേൾകുവായിരുന്നു ഞാൻ. നമ്മുക്ക് ആഘോഷിക്കാം ഏട്ടാ സാക്ഷിക്ക് അത് ഒരു സന്തോഷം ആകും. " മ്മ്. അഗ്നി അർജുനെ നോക്കിയോന്ന് മൂളി, അപ്പോളേക്കും അതുല്യ അഗ്നിയെ നോക്കി പറഞ്ഞു തുടങ്ങി. " പിന്നെ ഉണ്ടല്ലോ ഏട്ടാ ബർത്ഡേ ഗിഫ്റ്റ് ആയിട്ട് ഏട്ടൻ ഏട്ടന്റെ ഇഷ്ടം സാക്ഷിയെച്ചിയോട് പറയണം. " അത് വേണോ അമ്മു. " എന്തെ. " അല്ല അവൾക്ക് എന്നേ ഇഷ്ടമല്ലെങ്കിലോ പേടിയോടെ അഗ്നി പറഞ്ഞു. " അയ്യേ വലിയ പോലീസ് ആണുപോലും പറയണോന്ന് പറഞ്ഞില്ല അതിന് മുന്നേ പേടിച്ച് നിക്കുന്നത് കണ്ടോ. അഗ്നിയെ നോക്കി കളിയാക്കിക്കൊണ്ട് അതുല്യ പറഞ്ഞു എന്നാൽ ഇവർ പറയുന്നത് ഒന്നും മനസിലാകാതെ ഞെട്ടി രണ്ടുപേരെയും മാറിമാറി നോക്കി നില്കുവായിരുന്നു അർജു. ഞെട്ടൽ ഒന്നു മാറിയപ്പോൾ അർജു ചോദിച്ചു. " അല്ല ഇതൊക്കെ എപ്പോ. " ഇങ്ങനെ ഓടിനടന്നാൽ പോരാ വല്ലപ്പോളും വീട്ടിൽ ഉണ്ടാകണം എന്നാലേ കാര്യങ്ങൾ അറിയൂ. " നിന്ന് വാചകം അടിക്കാതെ പറയടി എങ്ങനെന്ന്. " എന്റെ കൊച്ചേട്ടാ ഈ വല്ല്യേട്ടൻ അണ്ടർഗ്രൗണ്ടിൽ കൂടി ലൈൻ വലിക്കുന്ന കാര്യം ആരറിയാനാ എന്നാലും എനിക്ക് ചെറിയ സംശയം ഉണ്ടായിരുന്നു. " എന്നിട്ട്. അർജു ആകാംഷയോടെ ചോദിച്ചു അത് കേട്ട് ചിരിച്ചുകൊണ്ട് അതുല്യ പറഞ്ഞു

. " അച്ഛനും അമ്മക്കും സാക്ഷിയേച്ചിയെ മരുമകൾ ആക്കണോന്ന് ആഗ്രഹം ഉണ്ടായിരുന്നു ഏട്ടനോട് പറയാന്ന് വെച്ചാൽ പണ്ട് എങ്ങോ ഒരു പെണ്ണു തേച്ചെന്ന് പറഞ്ഞ് ലോകത്തിലുള്ള എല്ലാ പെണ്ണിനേം വെറുത്തോണ്ട് നടക്കുന്ന ഇതിനോടൊക്കെ പറഞ്ഞാൽ കടിച്ച് കീറാൻ വരില്ലേ അതുകൊണ്ട് പറഞ്ഞില്ല.അവരുടെ സങ്കടം കണ്ട് ഞാൻ ഒരു ബുദ്ധി പ്രയോഗിച്ചതാ. " അതിന് ആ പറഞ്ഞത് നിനക്ക് ഇല്ലലോ. അർജു അതുല്യയെ കളിയാക്കിക്കൊണ്ട് പറഞ്ഞു അത് കേൾക്കെ അഗ്നി ചിരിക്കാൻ തുടങ്ങി. അവരെ രണ്ടുപേരെയും ദേഷ്യത്തിൽ നോക്കിയിട്ട് അതുല്യ പറഞ്ഞു. " പറയുന്നതിന്റെ ഇടക്കുകയറി ചീഞ്ഞ കോമഡി അടിച്ചാൽ ഉണ്ടല്ലോ. " അയ്യോ ഞാൻ ഒന്നും പറയുന്നില്ലേ നീ പറഞ്ഞോ. " ഞാൻ വല്ല്യേട്ടനോട് ചെന്നു പറഞ്ഞു അച്ഛനും അമ്മയും സാക്ഷിയെച്ചിക്ക് കല്യാണം നോക്കുവാന്ന് അതുമല്ല അന്ന് കോളേജിൽ ഏട്ടൻ വന്നിരുന്നു ഒരു പ്രോഗ്രാം ഉത്ഘാടനം ചെയ്യാൻ അന്ന് സാക്ഷിയെച്ചിടെ കൂടെ ഒരു സാറിനെ കണ്ടായിരുന്നു ആ സാറിനെ ആലോചിക്കാന്ന് പറഞ്ഞു

അതോടെ ഏട്ടന്റെ ഉള്ളിൽ ഉള്ളതെല്ലാം പുറത്തേക്ക് ചാടി. " കൊള്ളാലോ എന്നാലേ ഏട്ടാ നാളെ തന്നെ സാക്ഷിയോട് പറയാൻ നോക്കിക്കോ. " എന്താ അവിടെ ഒരു ചർച്ച. പെട്ടന്ന് പുറകിൽ നിന്ന് സാക്ഷിയുടെ ശബ്ദം കേട്ടാണ് അവർ സംസാരിച്ചോണ്ടിരുന്നത് നിർത്തിയത് അവൾക്ക് സംശയം തോന്നാതെ ഇരിക്കാൻ അതുല്യ പറഞ്ഞു. " ഒന്നുല്ല ചേച്ചി ഒരു കടുവേനെ പിടിച്ച കാര്യം പറഞ്ഞതാ. അത് കേൾക്കെ അഗ്നി പല്ലു കടിച്ചോണ്ട് അതുല്യയെ നോക്കി എന്നിട്ട് തിരിഞ്ഞ് സാക്ഷിയെ നോക്കി കണ്ണുരുട്ടി. അത് കൺകെ വിഷയം മാറ്റാൻ എന്നപോലെ സാക്ഷി പറഞ്ഞു. " ദേവേട്ടൻ പോയി ഫ്രഷ് ആയി വാ ഞാൻ ചായ എടുക്കാം. അഗ്നിയെ നോക്കി പറഞ്ഞിട്ട് സാക്ഷി അടുക്കളയിലേക്ക് ഓടി അവള് പോകുന്നത് നോക്കി നിന്നിട്ട് കാശിയെ അതുല്യയെ ഏല്പിച്ച് അഗ്നി റൂമിലേക്ക് പോയി.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...