💞 അഗ്നിസാക്ഷി 💞: ഭാഗം 18

എഴുത്തുകാരി: സ്‌നേഹ സാജു

ക്ലോക്കിൽ സമയം 12 നോട്‌ അടുത്തിരുന്നു എന്തൊക്കെയോ വീഴുന്ന ശബ്ദം കേട്ടാണ് സാക്ഷി ഉണർന്നത്. കൈയെത്തിച്ച് ലൈറ്റ് ഓൺചെയ്യാൻ നോക്കിയപ്പോൾ കറന്റ്‌ ഇല്ലായിരുന്നു. അവള് പതിയെ കട്ടിലിൽ എഴുനേറ്റിരുന്ന് ഫോൺ തപ്പിയെടുത്ത് ഫ്ലാഷ് ലൈറ്റ് ഓൺ ചെയ്തു റൂമിൽ മുഴുവൻ നോക്കി എന്നാൽ അതുല്യയും കാശിയും അവിടെ ഇല്ലായിരുന്നു. മനസ്സിൽ എന്തോ ഭയം നിറയുന്നത് അവള് അറിഞ്ഞു പെട്ടന്ന് തന്നെ റൂമിന് പുറത്തേക്ക് ഇറങ്ങി. " അമ്മു, കാശി കുട്ടാ. സാക്ഷി ഓരോരുത്തരെ മാറിമാറി വിളിച്ചു കൊണ്ട് സ്റ്റായറിന്റെ അടുത്തേക്ക് നടന്നു. പിന്നെയും എന്തോക്കെയോ വീഴുന്ന ഒച്ച കാതിൽ എത്തിയതും സ്റ്റെപ് ഇറങ്ങി താഴേക്ക് വന്നു അവള്. സാക്ഷി താഴെ എത്തിയതും ലൈറ്റ് എല്ലാം ഓൺ ആയി. പെട്ടന്ന് തന്നെ അവളുടെ രണ്ട് സൈഡിൽ നിന്നും പാർട്ടി പേപ്പറുകൾ പൊട്ടിവീണു. " ഹാപ്പി ബർത്ഡേ റ്റു യു, ഹാപ്പി ബർത്ഡേ റ്റു യു, ഹാപ്പി ബർത്ഡേ റ്റു ഡിയർ സാക്ഷി. അവരുടെ എല്ലാവരുടേം ശബ്ദമാണ് സാക്ഷിയെ സ്വബോധത്തിലേക്ക് കൊണ്ടുവന്നത്. ഉടൻ തന്നെ അവളുടെ കണ്ണുകൾ നിറഞ്ഞു തുവി.

ഇത്രയും ആയിട്ട് അനങ്ങാതെ നിൽക്കുന്ന സാക്ഷിയെ കണ്ടിട്ടാണോ അഗ്നി അവളുടെ അടുത്തേക്ക് വന്നത്. "സാക്ഷി എന്തെ പേടിച്ചു പോയോ. " മ്മ്, ഒരു മൂളൽ മാത്രമായിരുന്നു അവളുടെ മറുപടി. " പോട്ടെ, അയ്യേ താൻ കരയുവാണോ പെണ്ണെ. കണ്ണു തുടച്ചേ. സാക്ഷി പതിയെ കണ്ണു തുടച്ച് അഗ്നിയെ നോക്കി ചിരിച്ചുകൊണ്ട് പറഞ്ഞു. " എങ്ങനെ അറിഞ്ഞു എന്റെ ബർത്ത് ഡേ ആണെന്ന്. " ചേച്ചികുട്ടിയെ അത് ഞാനാ കണ്ടു പിടിച്ചത്. അവളെ നോക്കി ചിരിച്ചുകൊണ്ട് അതുല്യ പറഞ്ഞു. " നിങ്ങൾ വരുന്നില്ലേ. അർജു അവരോട് വിളിച്ചു ചോദിച്ചു. " വേഗം വന്ന് കേക്ക് മുറിക്ക് ചേച്ചികുട്ടി കണ്ടിട്ട് തന്നെ കൊതിയാകുന്നു. " ഒന്നു മിണ്ടാതിരിയടി കൊതിച്ചി. അവളുടെ തലയിൽ ഒരു കിഴുക്ക് കൊടുത്ത് കൊണ്ട് അർജു പറഞ്ഞു.സാക്ഷി പെട്ടന്ന് തന്നെ കേക്ക് മുറിച്ച് എല്ലാർക്കും കൊടുത്തു എല്ലാവരും സന്തോഷത്തോടെ അത് വാങ്ങി കഴിച്ചു. സാക്ഷി അച്ഛനോടും അമ്മയോടും സംസാരിച്ച് നില്കുമ്പോളാണ് അതുല്യ അഗ്നിക്ക് അടുത്തേക്ക് നീങ്ങി കൊണ്ട് പറഞ്ഞത്. " വല്ല്യേട്ടൻ മുകളിലേക്ക് പൊക്കോ സാക്ഷിയേച്ചിയെ അങ്ങോട്ട് വിട്ടേക്കാം.

" ഇന്ന് തന്നെ പറയണോ മോളെ. " വേണം, മാരിയാതക്ക് പോകാൻ നോക്ക്. അഗ്നിയെ ദേഷ്യത്തിൽ നോക്കിയിട്ട് അവള് സാക്ഷിക്ക് അടുത്തേക്ക് പോയി. അഗ്നി പതിയെ സ്റ്റേയർ കയറി മുകളിലേക്ക് പോയി. .............................❤️❤️........................... ടെറസിൽ എത്തിയിട്ടും അഗ്നിക്ക് ടെൻഷൻ മാറിയിരുന്നില്ല അവൻ പതിയെ അതിലുടെ നടക്കാൻ തുടങ്ങി. "എന്റെ ദൈവമേ ഇത് എന്നേ കൊണ്ട് പറ്റുന്ന് തോന്നുന്നില്ല, വല്ലോ കേസും ആയിരുന്നേൽ എപ്പോ തെളിയിച്ചുന്ന് ചോദിച്ചാൽ മതി ഇത് എനിക്ക് പറഞ്ഞിട്ടുള്ള പണിയല്ല. ഓരോന്ന് മനസ്സിൽ ചിന്തിച്ചോണ്ട് അഗ്നി അങ്ങോട്ടും ഇങ്ങോട്ടും നടക്കാൻ തുടങ്ങി. " ദേവേട്ടാ എന്താ വിളിച്ചേ. പെട്ടെന്നാണ് പുറകിൽ നിന്നും സാക്ഷിയുടെ ശബ്ദം കേട്ടത്. ഞെട്ടലോടെ തിരിഞ്ഞു നോക്കിയ അഗ്നി കാണുന്നത് തനിക്കടുത്തേക്ക് നടന്നു വരുന്ന സാക്ഷിയെ ആയിരുന്നു. " ദേ അവൾ ഇങ്ങോട്ട് വരുന്നുണ്ടല്ലോ എന്ത് പറയും. പിന്നെയും ഓരോന്ന് ചിന്തിച്ച് നിന്നതിനാൽ സാക്ഷി അടുത്ത് എത്തിയത് അഗ്നി അറിഞ്ഞിരുന്നില്ല.

അടുത്ത് എത്തിയിട്ടും ഒന്നും മിണ്ടാതെ നിൽക്കുന്ന അഗ്നിയെ സാക്ഷി കൈകൊണ്ട് പതിയെതട്ടിവിളിച്ചു. " എന്താ, സാക്ഷി. " അത് തന്നെയാ എനിക്കും അറിയേണ്ടത് എന്തിനാ ദേവേട്ടാ വിളിച്ചേ. " അത് ഞാൻ. എന്ത് പറയണമെന്ന് അറിയാതെ അഗ്നി വാക്കുകൾക്ക് വേണ്ടി പരതാൻ തുടങ്ങിയിരുന്നു അത് മനസിലായപോലെ സാക്ഷി പറഞ്ഞു. " എന്തായാലും പറഞ്ഞോ. " ഹേ ഒന്നുല്ലടോ. " എന്നാ ഞാൻ അങ്ങോട്ട് ചെല്ലട്ടെ, ദേവേട്ടൻ വിളിച്ചുന്ന് അമ്മു പറഞ്ഞത് കൊണ്ട് വന്നതാ. " മ്മ് ശരീടോ. അഗ്നിയും സാക്ഷിയും സംസാരിക്കുമ്പോൾ അവർ അറിയാതെ അർജുവും അതുല്യയും അവരെ നിരീക്ഷിക്കുന്നുണ്ടായിരുന്നു. " ടാ കൊച്ചേട്ടാ വല്ല്യേട്ടൻ എല്ലാം കൊളമാക്കുന്ന് തോന്നുന്നു. " മ്മ് എനിക്കും അങ്ങനെ തോന്നുന്നുണ്ട്. പെട്ടെന്നാണ് ഒന്നും സംസാരിക്കാതെ തിരിച്ച് പോകാൻ ഒരുങ്ങുന്ന സാക്ഷിയിൽ അവരുടെ കണ്ണുകൾ ഉടക്കുന്നത്. അത് കണ്ടതോടെ അതുല്യ അഗ്നിയെ നോക്കി പേടിപ്പിക്കാൻ തുടങ്ങി. " പിന്നെ പറഞ്ഞാൽ പോരെ. തന്നെ നോക്കി പേടിപ്പിക്കുന്ന അതുല്യയോട് ചുണ്ടനക്കി അഗ്നി ചോദിച്ചു അത് കേൾക്കെ ദേഷ്യത്തിൽ അവൾ പറഞ്ഞു.

" മരിയാതക്ക് പറഞ്ഞോ. ദേഷ്യത്തിൽ പല്ലുകടിച്ചു കൊണ്ട് പറയുന്ന അതുല്യയെ ഒന്ന് ഇളിച്ചു കാണിച്ചോണ്ട് തിരിഞ്ഞ അഗ്നി കാണുന്നത് അകത്തേക്ക് കയറി പോകാൻ ഒരുങ്ങുന്ന സാക്ഷിയെ ആയിരുന്നു. " സാക്ഷി. " എന്താ ദേവേട്ടാ. " ടോ എനിക്ക് ഒരു കാര്യം പറയാൻ ഉണ്ട്. " എന്താ ദേവേട്ടാ പറഞ്ഞോ മടിക്കുന്നത് എന്തിനാ. "ഇനിയുള്ള കാലം കാശിയുടെ അച്ഛനും അമ്മയും ആയി നമ്മുക്ക് അങ്ങോട്ട് ജീവിച്ചാലോ. അഗ്നിയിൽ നിന്ന് കേട്ട വാക്കുകൾ സാക്ഷിയെ ഞെട്ടിച്ചു കളഞ്ഞിരുന്നു തിരിച്ച് എന്ത് പറയണമെന്ന് അറിയാതെ ഒരു നിമിഷം അവൾ തറഞ്ഞു നിന്ന് പോയി. സാക്ഷിയിൽ നിന്ന് മറുപടി ഒന്നും കിട്ടാത്തത് കൊണ്ട് നോക്കിയ അഗ്നി കാണുന്നത് ഞെട്ടി നിൽക്കുന്ന സാക്ഷിയെ ആയിരുന്നു. അഗ്നി പെട്ടന്ന് തന്നെ അവളെ തട്ടി വിളിച്ചു. " സാക്ഷി ഞാൻ പറഞ്ഞത് താൻ കേട്ടോ. " എന്താ എന്താ ദേവേട്ടാ. സ്വബോധത്തിലേക്ക് തിരിച്ച് വന്ന സാക്ഷി അഗ്നിയോട് ചോദിച്ചു. " എടൊ എനിക്ക് തന്നെ ഇഷ്ടമാന്ന്, എന്തോ ഇനിയുള്ള കാലം താനും മോനും എന്റേത് മാത്രമായി എനിക്ക് ഒപ്പം വേണമെന്ന് തോന്നുവാ.

അഗ്നി ഇത്ര ഒക്കെ പറഞ്ഞിട്ടും സാക്ഷിയിൽ നിന്ന് മറുപടി ഒന്നും ഉണ്ടായിരുന്നില്ല. " എന്താടോ ഒന്നും പറയാത്തെ തനിക്ക് എന്നേ ഇഷ്ടമല്ലേ. " അത് എനിക്ക്. " വെയിറ്റ് വെയിറ്റ് അതെ ഈ പെൺകുട്ടികളുടെ സ്ഥിരം ഡയലോഗ് ഇല്ലേ നിങ്ങൾക്ക് ഞാൻ ചേരൂല്ല എന്നേക്കാളും നല്ലൊരാളെ നിങ്ങൾക്ക് കിട്ടും അങ്ങനെ ഒന്നും പറയാൻ നിൽക്കണ്ട കേട്ടല്ലോ. നിന്റെ മറുപടി എന്ത് തന്നെയായാലും ഇനി അഗ്നിയുടെ ജീവിതത്തിൽ ഒരു പെണ്ണുണ്ടെങ്കിൽ അത് സാക്ഷി മാത്രമായിരിക്കും. " ദേവേട്ടാ അത് വേണ്ട. " എന്താടോ തനിക്ക് എന്നേ ഇഷ്ടല്ലേ. " ഇഷ്ടല്ലാതത് കൊണ്ടല്ല ദേവേട്ടാ ഞാനും എന്റെ കുഞ്ഞും ഇന്ന് ജീവിച്ചിരിക്കുന്നത് പോലും നിങ്ങളുടെ ഒക്കെ നല്ല മനസ് കൊണ്ടാ. അങ്ങനെ ഉള്ളപ്പോൾ നന്ദികേട് കാണിക്കാൻ പാടില്ല ദേവേട്ടാ. " ഇതിൽ ഒരു നന്ദികേടും ഇല്ല മോളെ. പുറകിൽ നിന്നും ശബ്ദം കേട്ടാണ് അഗ്നിയും സാക്ഷിയും തിരിഞ്ഞു നോക്കിയത് അപ്പോളേ കണ്ടു അവരുടെ അടുത്തേക്ക് നടന്നു വരുന്ന ചന്ദ്രശേഖരനെയും പത്മത്തെയും. " അച്ഛാ, അത്. " വേണ്ട മോളെ ചന്ദ്രേട്ടൻ പറഞ്ഞത് തന്നെയാ ശരി ഇതിൽ നന്ദികേട് ഒന്നും ഇല്ല മോളെ. ഞങ്ങളുടെ മകളായി ഈ വീട്ടിലെ മരുമകളായി സാക്ഷി മോളു തന്നെ വരണോന്നാ ഞങ്ങളുടെ ആഗ്രഹം. " അതെ സാക്ഷി മോളേം കുഞ്ഞിനേം ഇനി പിരിയാൻ ഞങ്ങൾക്ക് പറ്റില്ല. "

സാക്ഷി കേട്ടില്ലേ അച്ഛനും അമ്മയും പറഞ്ഞത് ഇനിയെങ്കിലും തന്റെ മനസ്സിൽ ഉള്ളത് തുറന്ന് പറഞ്ഞൂടെ തനിക്ക് എന്നേ ഇഷ്ടമല്ലേ. " ദേവേട്ടാ എനിക്ക് എനിക്ക് ഏട്ടനെ ഇഷ്ടമാ ഒരുപാട് ഒരുപാട് ഇഷ്ടമാ. എപ്പോളൊക്കെയോ ഏട്ടൻ എന്റെ മനസ്സിൽ സ്ഥാനം പിടിച്ചിരുന്നു പക്ഷെ അങ്ങനെ ചിന്തിക്കുന്നത് പോലും നന്ദികേടാന്ന് ഓർക്കുമ്പോൾ മനസ്സിൽ നിന്ന് പടിയിറക്കി വിട്ടതാ ഞാൻ. അഗ്നിക്ക് അവന്റെ സന്തോഷം അടക്കാൻ കഴിയുന്നതിലും അപ്പുറം ആയിരുന്നു അതിന്റെ പ്രതിഫലം എന്നോണം ചുറ്റുമുള്ളതെല്ലാം മറന്ന് അഗ്നി സാക്ഷിയെ തന്നോട് ചേർത്ത് പിടിച്ചിരുന്നു. ചന്ദ്രശേഖരനും പത്മവും ഒരു പുഞ്ചിരിയോടെ അത് നോക്കി നിന്നു. പെട്ടന്ന് കൈ കൊട്ടുന്ന ശബ്ദം കേട്ടാണ് അഗ്നിയും സാക്ഷിയും അകന്ന് മാറിയത് അപ്പോളേ കണ്ടു അവരുടെ അടുത്തേക്ക് കൈ കൊട്ടികൊണ്ട് നടന്നു വരുന്ന അതുല്യയെയും അർജുവിനെയും കൂടെ കാശിയും ഉണ്ടായിരുന്നു ഒന്നും മനസിലാകുന്നില്ലെങ്കിലും കാശിയും അവന്റെ കുഞ്ഞി കൈകൾ കൊട്ടുന്നുണ്ടായിരുന്നു. " അച്ചോടാ നീ എന്തിനാടാ കാശി കുട്ടാ കൈയടിക്കുന്നെ. " ഇജു എഞ്ചിനാ കൈ അച്ചേ, അതൊന്താ കാച്ചിമ് കൈ അച്ചേ. " അമ്പട വീര. കാശിടെ സംസാരം കേട്ട് എല്ലാവരും ചിരിച്ച് പോയിരുന്നു

പെട്ടന്ന് തന്നെ കാശി അഗ്നിയുടെ കൈയിലേക്ക് ചാഞ്ഞിരുന്നു അഗ്നി കാശിയെ എടുത്ത് നെറ്റിയിൽ ഒരു ഉമ്മ കൊടുത്തു പെട്ടന്ന് തന്നെ കാശി നാണത്തോടെ അഗ്നിയുടെ നെഞ്ചിലേക്ക് ചാഞ്ഞിരുന്നു. അത് കാൺകെ അതുല്യ പറഞ്ഞു. " അയ്യോടാ കാശിക്ക് നാണം വന്നോ. അതുല്യ കാശിയെ നോക്കി ചിരിച്ചു കൊണ്ട് പറഞ്ഞപ്പോളേക്കും കാശി ഒന്നുകൂടി അഗ്നിയുടെ നെഞ്ചിലേക്ക് പറ്റി ചേർന്നിരുന്നു. " ഒന്നു പോകുന്നുണ്ടോടി എന്റെ കൊച്ചിനെ കളിയാക്കാതെ. " അതെ അതെ കൊച്ചിനെ കളിയാക്കാതെ പോയി കിടക്കാൻ നോക്ക്. ഇപ്പൊ തന്നെ ഒത്തിരി വൈകി. എല്ലാവരോടും പറഞ്ഞുകൊണ്ട് ചന്ദ്രശേഖരനും പത്മവും അകത്തേക്ക് പോയി. " എന്നാലേ വല്ല്യേട്ടനും ചേട്ടത്തിയും കുറച്ചു നേരോം കൂടി കൊച്ചു വർത്താനം പറഞ്ഞിരിക്ക് കേട്ടോ ഞങ്ങള് പോട്ടെ. വാ കൊച്ചേട്ടാ നമ്മൾ എന്തിനാ സ്വർഗത്തിലെ കട്ടുറുമ്പ് ആകുന്നെ നമ്മുക്ക് പോകാം. അവർ പോകുന്നതും നോക്കി അല്പ സമയം നിന്നിട്ട് സാക്ഷി അഗ്നിയോട് ചോദിച്ചു. " ദേവേട്ടാ ശരിക്കും ഇഷ്ടം തോന്നിട്ട് തന്നെയാണോ അങ്ങനെ ഒക്കെ പറഞ്ഞെ അതോ അച്ഛനും അമ്മക്കും വേണ്ടിയാണോ. " അച്ഛനും അമ്മയും പറഞ്ഞിട്ടൊന്നുമല്ലടോ ശരിക്കും ഇഷ്ടമായിട്ട് തന്നെയാ. അത് എനിക്ക് പോലും മനസിലായത് തനിക്ക് വേണ്ടി ഇവിടെ കല്യാണം ആലോചിക്കുന്നു എന്ന് കേട്ടപ്പോളാ.

" മ്മ്. " എന്നെക്കുറിച്ച് എല്ലാം അവരൊക്കെ തന്നോട് പറഞ്ഞു കാണുലോ. ഒരുത്തിയെ ആത്മാർത്ഥമായി സ്നേഹിച്ചു എന്ന ഒറ്റകാരണം കൊണ്ട് അവൾ പറ്റിക്കുവായിരുന്നു എന്ന് അറിഞ്ഞപ്പോൾ തകർന്ന് പോയിരുന്നു ഞാൻ പിന്നീട് അങ്ങോട്ട് വാശിയായിരുന്നു തോൽപിച്ചവരുടെ മുന്നിൽ ജീവിച്ച് കാണിക്കാനുള്ള വാശി. " ഒരാൾ അങ്ങനെ ആയിരുന്നെന്ന് കരുതി മറ്റുള്ളവരും അങ്ങനെ ആകണോന്ന് ഉണ്ടോ ദേവേട്ടാ. " ഒരിക്കലും ഇല്ല സാക്ഷി അത് എനിക്ക് മനസിലാക്കി തന്നതും താൻ തന്നെയാടോ. അന്നത്തെ ആ സംഭവത്തിന് ശേഷംപെണ്ണെന്ന് കേൾക്കുന്നത് പോലും എനിക്ക് ദേഷ്യമായി മാറിയിരുന്നു. പലപ്പോളും എന്റെ കുടുംബത്തെ പോലും എനിക്ക് ഒഴിവാക്കേണ്ടി വന്നിട്ടുണ്ട് എല്ലാം എന്റെ തെറ്റായിരുന്നു ഇപ്പൊ എല്ലാം മനസ്സിലാകുന്നുണ്ട് എനിക്ക്. " എല്ലാം മനസിലായില്ലേ ഇനിയും അവരെ ഒന്നും അകറ്റി നിർത്തരുത് അവർക്ക് നിങ്ങളെ ജീവനാണ്. " മനസ്സിലാകുന്നുണ്ട് സാക്ഷി എനിക്ക് അവരുടെ സ്നേഹം. " മ്മ്, ദേവേട്ടാ ഞാൻ ഒന്നു ചോദിച്ചോട്ടെ. " ചോദിക്കേടോ. "ദേവേട്ടന് എങ്ങനെയാ എന്റെ കാശിയെ ഇത്രയധികം സ്നേഹിക്കാൻ കഴിയുന്നത്. " ഇതിനുള്ള മറുപടിയായി തിരിച്ച് ഞാൻ ഒരു ചോദ്യം ചോദിക്കട്ടെ തന്നോട്. തനിക്ക് എങ്ങനെയാ കാശിയെ ഇത്രയും സ്നേഹിക്കാൻ കഴിയുന്നത്.

" കാശി എന്റെ ഏട്ടന്റെ കുഞ്ഞല്ലേ അവനെ എനിക്ക് സ്നേഹിക്കാനല്ലേ കഴിയു. " എന്നാലേ രക്തബന്ധത്തേക്കാൾ വലിയ ഒരു ബദ്ധം ഉണ്ടെടോ അതാണ് എന്നെയും കാശിയെയും ഒന്നിപ്പിച്ചത് അതുകൊണ്ട് തന്നെ ഇനി ഇവൻ എന്റെ മാത്ര. അഗ്നിയിൽ നിന്ന് കേൾക്കുന്ന ഓരോ വാക്കും സാക്ഷിയുടെ കണ്ണും മനസും ഒരുപോലെ നിറച്ചിരുന്നു. " ഡോ താൻ കരയുവാണോ. " സന്തോഷം കൊണ്ട ദേവേട്ടാ. " ഇനി സന്തോഷം കൊണ്ടു പോലും തന്റെ ഈ കണ്ണുകൾ നിറയാൻ പാടില്ല. സാക്ഷിയെ തന്നിലേക്ക് ചേർത്ത് നിർത്തി കാശിയുടെ തലയിൽ പതിയെ തലോടി കൊണ്ട് അഗ്നി പറഞ്ഞു. കുറച്ചു സമയം അവിടെ മൗനം തളം കെട്ടി നിന്നു. " എന്നാ നമ്മുക്ക് പോയാലോ ദേവേട്ടാ ഒത്തിരി വൈകിയില്ലേ. " മ്മ് പോകാം, ആ പിന്നെ നാളെ നമ്മുക്ക് ഒരു യാത്ര ഒണ്ട് താനും ഞാനും മോനും മാത്രമായിട്ടുള്ള ഒരു യാത്ര. " എങ്ങോട്ടാ ഏട്ടാ. " അതൊക്കെ സർപ്രൈസ് ആണ് അവിടെ എത്തിയിട്ട് അറിഞ്ഞാൽ മതി പുലർച്ചെ തന്നെ പോകാം എല്ലാവരോടും ഞാൻ പറഞ്ഞിട്ടുണ്ട്. " ശരി ദേവേട്ടാ. "എന്നാല് നമ്മുക്ക് പോയാലോ. അഗ്നി സാക്ഷിയെയും കാശിയെയും ചേർത്ത് പിടിച്ചു കൊണ്ട് പതിയെ അകത്തേക്ക് നടന്നു അപ്പോളും അങ്ങ് ദൂരെ ആകാശത്ത് രണ്ട് നക്ഷത്രങ്ങൾ ഏറെ ശോഭയോടെ പ്രകാശിക്കുന്നുണ്ടായിരുന്നു തങ്ങൾക്ക് ഏറെ പ്രിയപ്പെട്ട രണ്ടുപേർക്ക് സംരക്ഷണ കവചമായി ഒരാൾ എത്തിയ സന്തോഷമായിരുന്നു അവക്ക്.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...