💞 അഗ്നിസാക്ഷി 💞: ഭാഗം 2

എഴുത്തുകാരി: സ്‌നേഹ സാജു

റോഡിലേക്ക് വീണ സാക്ഷിയെ പിന്നാലെ ഓടിയെത്തിയ വടിവാൾ മുടിക്ക് കുത്തിപിടിച്ച് എഴുന്നേൽപ്പിച്ചു. വേദന കൊണ്ട് അവൾ ഇടക്കിടെ മുഖം ചുളിക്കുന്നുണ്ടായിരുന്നു. " ഡാ അവളുടെ കൈയിൽനിന്ന് കുഞ്ഞിനെ വാങ്ങേടാ, എന്നിട്ട് അവളെ ഇങ്ങോട്ട് താ. നേതാവായ ശരവണൻ വടിവാളിനോട് പറഞ്ഞു. അയാളുടെ വാക്ക് അനുസരിച്ച പോലെ വടിവാൾ അവളുടെ കൈയിൽ നിന്ന് കുഞ്ഞിനെ പിടിച്ച് വാങ്ങാൻ തുടങ്ങി. എന്നാൽ അവൻ പിടിക്കുന്നതിനേക്കാൾ ശക്തിയിൽ അവൾ കുഞ്ഞിനെ മാറോട് അടക്കി പിടിച്ചു. പിന്നീട് എങ്ങനൊക്കെയോ വടിവാൾ അവളുടെ കൈയിൽ നിന്നും കുഞ്ഞിനെ പിടിച്ചുവാങ്ങി അവന്റെ കൂട്ടാളികളെ ഏല്പിച്ചു. പിടിവലിയുടെ ശക്തിയിൽ കുഞ്ഞ് അലറി കരയാൻ തുടങ്ങി.

കുഞ്ഞിന്റെ കരച്ചിൽ സാക്ഷിയുടെ സർവ്വ നിയന്ത്രണവും നശിപ്പിച്ചു. അവൾ സകല ശക്തിയും എടുത്ത് വടിവാളിനെ പുറകിലേക്ക് തള്ളിയിട്ട് കുഞ്ഞിനടുത്തേക്ക് പാഞ്ഞു. പ്രതീക്ഷിക്കാതെയുള്ള തള്ളൽ ആയതിനാൽ വടിവാൾ താഴേക്ക് വീണിരുന്നു എന്നാൽ ഉടൻ തന്നെ അവിടന്ന് ചാടിയെഴുന്നേറ്റ് സാക്ഷിയുടെ അടുത്തേക്ക് പാഞ്ഞു ചെന്ന് കലി തീരെ കൈവീശി അവളുടെ മുഖത്തേക്ക് ആഞ്ഞടിച്ചു. അടിയുടെ ശക്തിയിൽ അവളുടെ കടവായിൽ നിന്നും ചോര ഒലിച്ചിറങ്ങി അപ്പോളേക്കും അവരുടെ അടുത്തേക്ക് ശരവണൻ എത്തിയിരുന്നു. ഒരു വഷളൻ ചിരിയോടെ അടിമുടി അവളെ നോക്കി ശരവണൻ പറഞ്ഞു തുടങ്ങി. " നീ കൊള്ളാലോടി പെണ്ണെ, സുന്ദരിയാണുകേട്ടോ. നിന്നെ ഞാൻ ട്രെയിനിൽ വെച്ചുതന്നെ നോട്ടമിട്ടതാ അപ്പൊ തന്നെ ഞാൻ എന്റെ പിള്ളേരെ വിവരവും അറിയിച്ചു. കൈവിട്ട് പോകരുതലോ.

അവരെ നോക്കി ഒന്നു പുച്ഛിച്ചു കൊണ്ട് ഒഴുകി ഇറങ്ങുന്ന ചോരയെ കൈ കൊണ്ട് തുടച്ച് കളഞ്ഞു കൊണ്ട് സാക്ഷി പറഞ്ഞു. " അല്ലെങ്കിലും നിന്നെ പോലുള്ളവാന്മാരാ സകല ആണുങ്ങൾക്കും ചീത്തപ്പേരുണ്ടാകുന്നത്. നിനക്കൊക്കെ ഇരുട്ടിന്റെ മറവിൽ പെണ്ണിനെ കേറിപ്പിടിക്കാനല്ലേ അറിയൊള്ളു. നീ ഒക്കെ ഒരാണണോടാ തക്കം കിട്ടുമ്പോൾ പെണ്ണിനെ കേറിപിടിക്കുന്നവനല്ല ഏത് അവസ്ഥയിലും അവളെ സംരക്ഷിക്കുന്നവനാ ഒരാണ്. അത്രയും പറഞ്ഞപ്പോളേക്കും അവൾ നന്നായി കിതച്ച് പോയിരുന്നു. " ആഹാ ഡാ വടിവാളേ പെണ്ണിന് നാക്കു പൊങ്ങി തുടങ്ങിയട. " അണ്ണാ ഇവൾ അല്പം മുറ്റാ, നമ്മൾ ആരാന്ന് അവളെ ഒന്ന് അറിയിച്ച് കൊടുക്കണം . " ഹ....ഹ...ഹ.. പിന്നല്ലാതെ. വടിവാളിനെ നോക്കി ഒരുകണ്ണടച്ച് കാണിച്ച് വല്ലാത്ത ഒരു നോട്ടത്തോടെ സാക്ഷിക്കടുത്തേക്ക് ശരവണൻ നടന്നു. അയാളുടെ നോട്ടത്തിൽ ഉരുകി ഒലിക്കുന്നത് പോലെ തോന്നി അവൾക്ക്.

ശരവണൻ അവളുടെ അടുത്തേക്ക് വന്ന് വഷളൻ ചിരിയോടെ അവളുടെ ചുറ്റും നടക്കാൻ തുടങ്ങി. സാക്ഷിക്ക് അവളുടെ ശരീരം ആകെ വിറക്കുന്ന പോലെ തോന്നി, കാലുകൾ ഒന്നു ചലിക്കുന്ന് പോലും ഇല്ലായിരുന്നു. എന്നാലും പുറമെ ധൈര്യം സംഭരിച്ചു നിന്നു അവൾ. പെട്ടെന്നാണ് അവളുടെ കണ്ണുകൾ അല്പം മുന്നിലായി നിർത്തിയിട്ടിരിക്കുന്ന കാറിൽ എത്തി നിന്നത്. സഹായത്തിന് ഒരു പിടിവള്ളി കിട്ടിയപോലെ സാക്ഷിയുടെ മുഖത്ത് ഒരു ആശ്വാസം നിറഞ്ഞു. കുറച്ച് സമയം സാക്ഷിക്ക് ചുറ്റും നടന്ന് ശരവണൻ അവളെ പിടിക്കാനായി കൈ ഉയർത്തി അപ്പോളേക്കും സാക്ഷി അവന്റെ കൈയിലേക്ക് ആഞ്ഞു കടിച്ചു. വേദന കൊണ്ട് ശരവണൻ വലിയവായിൽ കരഞ്ഞുകൊണ്ട് താഴേക്ക് ഇരുന്ന് പോയി. ശരവണന്റെ കരച്ചിൽ കേട്ട് മറ്റുള്ളവർ അയാൾക്കടുത്തേക്ക് എത്തി ആ തക്കം നോക്കി കുഞ്ഞിനെ പിടിച്ചു വാങ്ങി നിർത്തി ഇട്ടിരിക്കുന്ന കാറിനടുത്തേക്ക് ഓടിയിരുന്നു സാക്ഷി.

" അണ്ണാ എന്നാ പറ്റി. വടിവാൾ ശരവണനോടായി ചോദിച്ചു. " എനിക്ക് ഒന്നുല്ലടാ, വടിവാളേ അവൾ രക്ഷ പെടാൻ പാടില്ല പിടിയട അവളെ. വടിവാളും കൂട്ടരും അടുത്തെത്തുന്നതിനു മുന്നേ തന്നെ സാക്ഷി കാറിനടുത്തെത്തി ചുറ്റും നടന്ന് കോട്ടാനും വിളിക്കാനും തുടങ്ങി. എന്നാൽ നിരാശ ആയിരുന്നു ഫലം. അപ്പോളേക്കും വടിവാളിന്റെ പിടി അവളിൽ വീണിരുന്നു അവൻ അവളെ വലിച്ചിഴച്ച് ശരവണനടുത്തേക്ക് നടന്നു. നിമിഷ നേരം കൊണ്ട് തന്നെ നിർത്തിയിട്ടിരിക്കുന്ന കാറിന്റെ ഡ്രൈവിംഗ് സീറ്റിൽ നിന്നും 25 വയസൊള്ളം പ്രായം തോന്നുന്ന ഒരു ചെറുപ്പക്കാരൻ പുറത്തേക്ക് ഇറങ്ങി. പ്രതിക്ഷ തിരിച്ച് കിട്ടിയപോലെ സാക്ഷി അയാളെ നോക്കി കൈ കൂപ്പുന്നുണ്ടായിരുന്നു. ആ സമയത്തും വടിവാളിന്റെ പിടിയിൽ വേദനകൊണ്ട് പിടയുകയായിരുന്നു അവൾ.

അവളുടെ അവസ്ഥയിൽ അലിവ് തോന്നിയ ചെറുപ്പക്കാരൻ അവരുടെ അടുത്തേക്ക് ചെന്ന് വടിവാളിൽ നിന്ന് അവളെ പിടിച്ചു മാറ്റി അവന്റെ പിറകിലേക്ക് നിർത്തി കൊണ്ട് ചോദിച്ചു. " എന്താ ചേട്ടാ പ്രശ്നം. "നീ ഏതാടാ, പ്രശനം എന്താന്ന് അറിഞ്ഞാൽ പരിഹരിക്കോ നീ. " എന്നെ കൊണ്ട് പറ്റുന്നതാണേൽ ഒരുകൈ നോകാം ചേട്ടാ. പരിഹാസത്തോടെ ആ ചെറുപ്പക്കാരൻ പറഞ്ഞു. " ഈ പാതിരായ്ക്ക് ഇവിടത്തെ പ്രശ്നം പരിഹരിച്ച് വെറുതെ പണി വാങ്ങി കൂട്ടാതെ അവളെ ഇങ്ങോട്ട് വിട്ടിട്ട് പോകാൻ നോക്കടാ ചെറുക്കാ. അവന്റെ അതെ പുച്ഛത്തോടെ ശരവണൻ പറഞ്ഞു. " അയ്യോ ചേട്ടാ ഞാൻ ഇറങ്ങി പോയില്ലേ ഇനി പരിഹരിച്ചിട്ടേ പോകുന്നുള്ളൂ. " ഡാ. വടിവാളേ ഇവന് ഇവിടത്തെ പ്രശ്നം ഒന്നു പറഞ്ഞു കൊടുത്തിട്ട് വാടാ. വടിവാളും കൂട്ടാളികളും അവനടുത്തേക്ക് പാഞ്ഞടുത്തു. തനിക്ക് മുന്നിലേക്ക് പാഞ്ഞടുക്കുന്ന ഗുണ്ടകളെ ആ ചെറുപ്പക്കാരൻ ഇടിച്ച് തേറുപ്പിക്കാൻ തുടങ്ങി.

അവസാനത്തെ ഗുണ്ടയെയും ഇടിച്ചിട്ട് അവൻ ശരവണന് നേരെ തിരിഞ്ഞു, ശരവണൻ അവന്റെ പിടിയിൽ നിന്ന് ഒഴിഞ്ഞുമാറി. എന്നിട്ട് ആ ചെറുപ്പക്കാരന്റെ കൈകൾ രണ്ടും പുറകോട്ട് ലോക്ക് ചെയ്ത് അവന്റെ തല കാറിന്റെ ബൊണറ്റിലേക്ക് രണ്ടു മൂന്നു തവണ ഇടുപ്പിച്ചു. ഇടിയുടെ ശക്തിയിൽ ആ ചെറുപ്പക്കാരന്റെ നെറ്റി മുറിഞ്ഞു ചോര ഒഴുകാൻ തുടങ്ങി. അപ്പോളും അവന്റെ മുഖത്ത് നിന്നും ആ പുച്ഛച്ചിരി പോയിരുന്നില്ല. അത് കാൺകെ ശരവണൻ ദേഷ്യം കൊണ്ട് വിറച്ച് കൈ ചുരുട്ടി അവന്റെ വയറ്റിലേക്ക് ആഞ്ഞിടിച്ചു. " ആഹാ... അമ്മേ. വേദന കൊണ്ട് ആ ചെറുപ്പക്കാരൻ താഴേക്ക് ഇരുന്ന് പോയി അപ്പോളേക്കും ശരവണൻ വിളിച്ചതു പ്രകാരം ഒരു വണ്ടി ഗുണ്ടകളും എത്തിയിരുന്നു. സാക്ഷി ഇതെല്ലാം കണ്ട് പേടിച്ച് വിറച്ച് കുഞ്ഞിനെ മാറോട് ചേർത്ത് മുറുക്കി പിടിച്ചു കൊണ്ട് കാറിന് ഒരു സൈഡിലേക്ക് മാറിനിന്നു. അതെ സമയം തന്നെ കാറിന്റെ കോഡ്രൈവിങ് സീറ്റിന്റെ ഡോർ തുറക്ക പെട്ടു.

ഒരു ബ്ലാക്ക് ഹൂഡി ധരിച്ച ഒരു 28 വയസിനോട് അടുത്ത് പ്രായം തോന്നിക്കുന്ന ചെറുപ്പക്കാരൻ പുറത്തേക്ക് ഇറങ്ങി. ഹുഡിയുടെ ക്യാപ് തലയിൽ നിന്നും താഴ്ത്തി മുഖത്തേക്ക് വീണു കിടക്കുന്ന മുടി കൈകൊണ്ട് ഒതുക്കി മുന്നിലേക്ക് വന്നു അവൻ. ദേഷ്യം കൊണ്ട് വലിഞ്ഞു മുറുകിയ അവന്റെ മുഖത്ത് പേശികൾ എല്ലാം എടുത്ത് കാണിക്കുന്നുണ്ടായിരുന്നു. അവനെ കണ്ട ശരവണനിൽ യാതൊരു ഭാവമാറ്റവും ഉണ്ടായിരുന്നില്ല. എന്നാൽ അവന്റെ കണ്ണുകളിലെ രക്ത വർണ്ണം അവന്റെ കൂട്ടാളികളിൽ ഭയം നിറച്ചു. " ഡാ അവന്മാരെ അങ്ങോട്ട് തീർത്തിട്ട് അവളെ പിടിച്ചു കൊണ്ട് വാടാ. ശരവണൻ വടിവാളിനെ നോക്കി അലറി. അത് കേൾക്കേണ്ട താമസം വടിവാളും കൂട്ടാളികളും ആയുധങ്ങളുമായി അവന്റെ അടുത്തേക്ക് പാഞ്ഞു. ആയുധങ്ങളുമായി ആക്രമിക്കാൻ എത്തിയ എല്ലാവരെയും അവൻ അടിച്ച് നിലമ്പരിശാക്കി. തികഞ്ഞ ഒരു അഭ്യാസിയെ പോലെ ആയിരുന്നു അവന്റെ ഓരോ ചലനവും.

ഇത് എല്ലാം കണ്ട് ആദ്യത്തെ ചെറുപ്പക്കാരൻ അവന്റെ അവശതകൾ മറന്ന് കാറിന്റെ ബോണറ്റിൽ കയറിയിരുന്ന് കൈ അടിക്കാനും വിസിലടിക്കാനും തുടങ്ങി. അവനെ ഒന്നു കുർപിച്ചു നോക്കിക്കൊണ്ട് രണ്ടാമത്തെ ചെറുപ്പക്കാരൻ ശരവണനെ ലക്ഷ്യം വെച്ചു നീങ്ങി. അവന്റെ പിടി എത്തുന്നതിനു മുന്നേ ഓടാൻ തുടങ്ങിയ ശരവണനെ ചവിട്ടി താഴെകിട്ടു അവൻ. ശരവണൻ വേദന കൊണ്ട് പുളഞ്ഞു. എന്നാലും അവന്റെ ആവേശത്തിന് കുറവില്ലായിരുന്നു. താഴേക്ക് വീണ ശരവണൻ കുതിച്ചു പൊങ്ങി ആ ചെറുപ്പക്കാരന്റെ വയറിലേക്ക് തല കൊണ്ട് അഞ്ഞിടിച്ചു. പ്രതീക്ഷിക്കാതെയുള്ള നീക്കത്തിൽ ചെറുപ്പക്കാരൻ തെറിച്ചു വീണു പോയിരുന്നു. വീണു കിടക്കുന്ന അവനെ നോക്കി ഒന്നു പുച്ഛിച്ചിട്ട് ശരവണൻ പറഞ്ഞു. " മതിയാക്കിക്കോ നീ ആരായാലും ഇന്നത്തെ ഒരു ദിവസേ ആയുസ് കാണു. വെറുതെ പണി ഇരന്നു വാങ്ങാൻ നില്കാതെ പോകാൻ നോക്കിക്കോ.

ഞങ്ങൾക്ക് അങ്ങ് മുകളിൽ വരെ പിടിപാടുള്ളതാ. അത് കേൾക്കെ വീണിടത്തു നിന്നും ചാടിയെഴുന്നേറ്റ് മുഷ്ടി ചുരുട്ടി ശരവണന്റെ മുക്കിലേക്ക് അഞ്ഞിടിച്ചു അവൻ. ശക്തമായ ഇടിയായിരുന്നതിനാൽ മുക്കിൽ നിന്നും ചോര ഒലിച്ചിറങ്ങി. വേദന കൊണ്ട് ഓടാൻ തുനിഞ്ഞ ശരവണനെ ഇടങ്കാലിറ്റ് താഴേക്ക് വീഴ്ത്തി അവൻ. " പന്ന പുന്നാര മോനെ നീ ഒക്കെ എന്ത് ഉണ്ടാക്കാനാടാ. ഈ നട്ട പാതിരാക്ക് നടുറോട്ടിൽ കിടന്ന് തെമ്മാടിത്തരം കാണിക്കാൻ നിന്നെ ഓക്കേ ഇറക്കി വിട്ടേക്കുന്നവന്മാരോട് ചെന്ന് പറഞ്ഞേരെ അവന്മാരുടെ കാലൻ എത്തിയെന്ന്. ശരവണന്റെ കൈ ഷൂ ഇട്ട കാലുകൊണ്ട് ചവിട്ടി അരച്ചുകൊണ്ട് അവൻ പറഞ്ഞു. വേദനയാൽ പുളയുമ്പോളും ഒന്നും മനസിലാകാതെ ശരവണൻ അവന്റെ മുഖത്തേക്ക് മിഴിച്ച് നോക്കി.

അത് മനസിലാക്കിയപോലെ അവൻ പിന്നെയും പറഞ്ഞു തുടങ്ങി. " എന്താടാ മിഴിച്ചു നോക്കുന്നെ, ഒന്നും മനസിലായില്ലലെ. വഴിയെ മനസിലായിക്കൊള്ളും. ആ പിന്നെ ഇത്രയൊക്കെ കിട്ടിയിട്ടും ആരേലും ചോദിച്ചാൽ ആരാ തന്നെന്ന് എങ്കിലും പറയണ്ടേ നിനക്കൊക്കെ, പേടിക്കണ്ട ഈ സാർ പറഞ്ഞു താരമേ ശ്രദ്ധിച്ചു കേട്ടോ. അത്രയും പറഞ്ഞ് കാറിന്റെ ബൊണാറ്റിൽ ഇരിക്കുന്ന ആദ്യത്തെ ചെറുപ്പക്കാരനെ ചുണ്ടി അവൻ പറഞ്ഞു. ഇത് അർജുൻ ചന്ദ്രശേഖരൻ എന്റെ അനുജൻ. പിന്നെ ഞാൻ അഗ്നിദേവ് ചന്ദ്രശേഖരൻ. കുറച്ചൂടെ വ്യക്തമായി പറഞ്ഞാൽ, ഷു ഒന്നു കൂടി ശരവണന്റെ കൈയിൽ അമർത്തി മുഖത്തേക്ക് തെറിച്ചുവീണ രക്ത തുള്ളികളെ തുടച്ച് കട്ടി മീശ പിരിച്ച് കൊണ്ട് അവൻ പറഞ്ഞു. Acp അഗ്നിദേവ് IPS...........തുടരും.......................