💞 അഗ്നിസാക്ഷി 💞: ഭാഗം 20

എഴുത്തുകാരി: സ്‌നേഹ സാജു

അഗ്നി പെട്ടെന്ന് തന്നെ കാൾ അറ്റൻഡ് ചെയ്ത് ചെവിയോട് ചേർത്തു. " ഹലോ, ജീവൻ പറയടോ. " ഹാ സാർ, നിങ്ങള് തിരിച്ച് എത്തിയോ. " ഇപ്പൊ എത്തിയെ ഉള്ളു ജീവൻ, എന്താടോ എന്തേലും പ്രശ്നം ഉണ്ടോ. " സാർ ഒരു പ്രശ്നം ഉണ്ട്, വാട്സ്ആപ്പിൽ ഞാൻ ഒരു ലോക്കേഷൻ അയക്കാം അവിടേക്ക് വരാമോ. " എന്താടോ എന്താ കാര്യം. " സാർ അത്. " ഒക്കെ ജീവൻ ഞാൻ ദാ ഇപ്പൊ എത്താം. അഗ്നി ഫോൺ കട്ട് ചെയ്തിട്ട് അതുല്യയോടായി പറഞ്ഞു. " അമ്മു ബുള്ളറ്റിന്റെ കീ ഇങ്ങോട്ട് എടുത്തോണ്ട് വാ. പെട്ടന്ന് തന്നെ അതുല്യ അകത്തേക്ക് പോയി ബുള്ളറ്റിന്റെ കീ എടുത്ത് അഗ്നിക്ക് കൊടുത്തു. " വന്നിട്ട് അകത്തേക്ക് പോലും കേറിയില്ലലോ അഗ്നി നീ ഇത് എങ്ങോട്ടാ. " അത് അമ്മ ഒരു അത്യാവശ്യം ഒണ്ട് ജീവനാ വിളിച്ചത് ഞാൻ ഒന്ന് പോയിട്ട് വരാം. " ഞാൻ ഒന്നും പറയുന്നില്ല പറഞ്ഞാലും നീ കേൾക്കില്ലലോ. " എന്റെ അമ്മേ ഞാൻ ഒരു പോലീസ് ഓഫീസറാ അപ്പൊ എനിക്ക് അതിന്റെതായ തിരക്ക് ഉണ്ടാകില്ലേ അതിന് ഇങ്ങനെ പിണങ്ങല്ലേ അമ്മക്കുട്ടി ഞാൻ പോയിട്ട് പെട്ടന്ന് വരാം. പത്മത്തിന്റെ കവിളിൽ പതിയെ വലിച്ചു കൊണ്ട് അഗ്നി പറഞ്ഞു

അഗ്നിയുടെ കാട്ടായം കണ്ട് ചിരി കടിച്ച് പിടിച്ചു നില്കുവായിരുന്നു അതുല്യയും സാക്ഷിയും. പെട്ടന്ന് തന്നെ എല്ലാവരോടും യാത്ര പറഞ്ഞ് അഗ്നി ബുള്ളറ്റിൽ കയറി പോയി. അഗ്നിയുടെ ബുള്ളറ്റ് ഗെയ്റ്റ് കടന്നു പോകുന്നതും നോക്കി നിന്നിട്ട് അവർ പതിയെ അകത്തേക്ക് കയറി പോയി. ............................ ❤️ ❤️......................... ജീവൻ അയച്ചു കൊടുത്ത ലൊക്കേഷനിൽ എത്തിയപ്പോൾ അത് ഒരു റബ്ബർ തോട്ടമായിരുന്നു അധികം ആളുകളുടെ ശ്രദ്ധ എത്താത്ത ഒരിടമായിരുന്നു അത്. അഗ്നി വണ്ടി നിർത്തി ഇറങ്ങിയപ്പോളേക്കും കണ്ടു മീഡിയാസ് അടക്കം ഒരു കൂട്ടം ആളുകൾ കൂടി നില്കുന്നത്. അഗ്നിയെ കണ്ടതും ജീവൻ അടുത്തേക്ക് ഓടി വന്നു. "സർ, അഗ്നിയെ സല്യൂട്ട് ചെയ്തു കൊണ്ട് ജീവൻ പറയാൻ തുടങ്ങി. " എന്താടോ അവിടെ. ആളുകൾ കൂടി നില്കുന്നിടത്തേക്ക് വിരൽ ചൂണ്ടി കൊണ്ട് അഗ്നി ജീവനോട്‌ ചോദിച്ചു. പിന്നീട് ജീവനിൽ നിന്ന് കേൾക്കുന്ന ഓരോ വാക്കുകളും അഗ്നിയുടെ രക്തം തിളപ്പിക്കുന്നതായിരുന്നു. ദേഷ്യത്തോടെ അവന്റെ ഞരമ്പുകൾ വലിഞ്ഞു മുറുകി കണ്ണുകൾ ചുവന്നു.

ആ ഭാവത്തോടെ മുന്നിലേക്ക് നോക്കിയ അഗ്നിയുടെ കണ്ണുകൾ ഉടക്കിയത് റബ്ബർ മരങ്ങൾക്കിടയിൽ ആരോ വലിച്ചെറിഞ്ഞപോലെ കിടക്കുന്ന ഒരു നഗ്ന ശരീരത്തിലായിരുന്നു. ഒറ്റ നോട്ടത്തിൽ തന്നെ അതൊരു കൊച്ചു പെൺകുട്ടിയുടെ ശരീരമാണെന്ന് വ്യക്തമായിരുന്നു. അഗ്നി ഒറ്റ നോട്ടമേ നോക്കിയുള്ളു പെട്ടന്ന് തന്നെ മുഖം തിരിച്ച് ജീവനോടായി അലറി. " എന്തെങ്കിലും എടുത്ത് കവർ ചെയ്യടോ ഈ ഏരിയ. അഗ്നിയുടെ അലർച്ച കേട്ട് ജീവൻ വിറച്ച് പോയിരുന്നു പെട്ടന്ന് തന്നെ ആളുകളെ വകഞ്ഞു മാറ്റി ബോഡി കിടക്കുന്ന ഏരിയ മുഴുവനും സീൽ ചെയ്തു. അപ്പോളേക്കും തന്നെ ഫോറെൻസിക്ക് ഓഫീസെഴ്സ് ആ ഏരിയ പരിശോധിക്കാൻ തുടങ്ങിയിരുന്നു. അവിടെ വേണ്ട കാര്യങ്ങളെല്ലാം ശരിയാക്കി സ്ഥലം SI യെ അവിടെ നിർത്തിയിട്ട് അഗ്നി ജീവനേം കൂട്ടി ഓഫീസിലേക്ക് പോയി. അവർ ഓഫീസിൽ എത്തുമ്പോൾ ഗിരി അവിടെ ഉണ്ടായിരുന്നു. ജീവനോടും ഗിരിയോടും ക്യാബിനിലേക്ക് വരാൻ പറഞ്ഞു കൊണ്ട് അഗ്നി ക്യാബിനിലേക്ക് പോയി. " സർ. " ഹാ കേറിവാ ജീവാ, ഇരിക്ക്. അഗ്നിയെ സല്യൂട്ട് ചെയ്ത് ജീവനും ഗിരിയും കസേരയിലേക്ക് ഇരുന്നു. " ജീവൻ ഏതേലും മിസ്സിംഗ്‌ കേസ് റിപ്പോർട്ട്‌ ചെയ്തിരുന്നോ.

" സർ അത്. " നിന്ന് തപ്പാനല്ല പറഞ്ഞത് ഞാൻ ചോദിച്ചതിന് ഉത്തരമാ എനിക്ക് വേണ്ടത് പറയ് ഗിരി. " സർ ഇന്നലെ രാവിലെ ഒരു പെൺകുട്ടി മിസ്സ്‌ ആയെന്ന് റിപ്പോർട്ട് ചെയ്തിരുന്നു. " ജീവൻ ഗിരി പറഞ്ഞത് നേരാണോ. " അതെ സർ. " എന്നിട്ട് എന്ത് കൊണ്ട് ഈ വിവരം എന്നേ അറിയിച്ചില്ല. " അത് സർ മറന്നുപോയി. " എത്ര ലാകവത്തോടെയാ ജീവൻ താൻ അത് പറഞ്ഞത്. ഓക്കേ എന്നോട് പറയാൻ മറന്നുപോയി പക്ഷെ ഇങ്ങനെ ഒരു കേസ് റിപ്പോർട്ട്‌ ചെയ്തിട്ട് അതിനെ കുറിച്ച് അനേഷിച്ചോ. ആരാ ആ പെൺകുട്ടി, അവളുടെ ഡീറ്റെയിൽസ് എന്താ, എങ്ങനെ മിസ്സ്‌ ആയി. അഗ്നി ചോദിക്കുന്നതിന് ഒന്നും അവരുടെ കൈയിൽ മറുപടി ഇല്ലായിരുന്നു അതുകൊണ്ട് തന്നെ മൗനമായിരുന്നു അവരുടെ പ്രതികരണം. " ഇങ്ങനെ മിണ്ടാതെ ഇരുന്നിട്ട് കാര്യമില്ല ജീവൻ എനിക്ക് വേണ്ടത് ഉത്തരമാ അത് പറഞ്ഞെ മതിയാകു. " സർ അനേഷിച്ചിരുന്നു പക്ഷെ ഒന്നും അറിയാൻ കഴിഞ്ഞില്ല. " നാണമില്ലേ നിങ്ങൾക്ക് ഇങ്ങനെ പറയാൻ എന്തിനാടോ ഈ യൂണിഫോംമും ഇട്ടോണ്ട് നടക്കുന്നെ ഊരികളഞ്ഞിട്ട് വേറെ വല്ലോ പണിക്കും പോ അതാ നല്ലത്.

അഗ്നി ദേഷ്യത്തോടെ അവരോട് പറഞ്ഞു അവന് ദേഷ്യം നിയന്ത്രിക്കാൻ കഴിയുന്നില്ലായിരുന്നു അതുകൊണ്ട് തന്നെ കൈച്ചുരുട്ടി മേശയിലേക്ക് അവൻ അഞ്ഞിടിച്ചു. " അതെ ഇങ്ങനെ തല കുമ്പിട്ട് എന്റെ മുന്നിൽ ഇരിക്കണ്ട ആരും. നാളെ പോസ്റ്റുമോട്ടം റിപ്പോർട്ട്‌ എന്റെ ടേബിളിൽ എത്തുന്നതിന് മുൻപ് ആ പെൺകുട്ടിയുടെ ഫുൾ ഡീറ്റെയിൽസ് എന്റെ ടേബിളിൽ എത്തിയിരിക്കണം ഇത് എന്റെ ഓർഡറാ. എണീറ്റ് പോ രണ്ടും. അവരെ ദേഷ്യത്തിൽ നോക്കിയിട്ട് അഗ്നി പറഞ്ഞു ഗിരി അഗ്നിയെ സല്യൂട്ട് ചെയ്ത് പുറത്തേക്ക് പോയി എന്നിട്ടും പോകാതെ നിൽക്കുന്ന ജീവനെ നോക്കി അഗ്നി പറഞ്ഞു. " എന്താ ജീവൻ പോകാതെ നില്കുന്നെ, ജീവന് എന്തേലും എന്നോട് പറയാനുണ്ടോ. " ഉണ്ട് സർ. " ഒക്കെ എന്താന്ന് വെച്ചാൽ പറയ്. " സർ നമ്മൾ അനേഷിക്കുന്ന ഈ കേസിൽ സാറിന്റെ അനിയൻ അർജുന് എന്തേലും പങ്ക് ഉണ്ടോന്ന് എനിക്ക് ഒരു സംശയം ഉണ്ട്. " what do you mean jeevan. " സർ അർജു സക്കറിയ പോത്തന്റെ ഗസ്റ്ഹൗസിൽ പോയതിന്റെ തെളിവുകൾ കിട്ടിയിട്ടുണ്ട്.

അതുമല്ല ബിസിനസ്‌ മീറ്റ് എന്നും പറഞ്ഞ് അർജു പോകുന്നത് മറ്റ് എന്തോ കാര്യങ്ങൾക്കാണ് സർ. " ജീവൻ ഈ പറഞ്ഞത് ഒക്കെ സത്യമാണോ. " സത്യമാ സർ ദേ നോക്ക് സക്കറിയ പോത്തന്റെ ഗസ്റ്ഹൗസിൽ അർജു പോയെന്നുള്ളതിനുള്ള തെളിവ്. ജീവൻ ഫോണിലെ ഒരു വീഡിയോ അഗ്നിക്ക് പ്ലേ ചെയ്ത് കൊടുത്തു. അതിൽ കാണുന്നതെല്ലാം വിശ്വാസം വരാതെ അഗ്നി നോക്കി നിന്നു. വീഡിയോ അവസാനിച്ചപ്പോൾ അഗ്നിയുടെ മുഖവും വലിഞ്ഞു മുറുകിയിരുന്നു.ഇരുന്നിടത് നിന്ന് ചാടി എഴുന്നേറ്റുകൊണ്ട് അഗ്നി പറഞ്ഞു. " വാ ജീവൻ ഇപ്പൊ തന്നെ ഇതിന്റെ സത്യാവസ്ഥ എനിക്ക് അറിഞ്ഞേ മതിയാകു. കൂടെ നിന്ന് ചതിക്കുന്നത് ആരായാലും ഈ അഗ്നി വെറുതെ വിടില്ല. ദേഷ്യത്തോടെ അഗ്നി പുറത്തേക്ക് ഇറങ്ങി അവനു പിന്നാലെ ജീവനും ഉണ്ടായിരുന്നു. അഗ്നി ബുള്ളറ്റ് സ്റ്റാർട്ട്‌ ചെയ്തു പുറകിൽ ജീവൻ കേറിയതോടെ ബുള്ളറ്റ് പൊടി പറത്തി അവിടെ നിന്നും പോയി. ........................... ❤️❤️........................ അഗ്നിയുടെ ബുള്ളറ്റ് വലിയ ശബ്ദത്തോടെ ദേവമംഗലത്തിന്റെ ഗെയ്റ്റ് കടന്ന് പോർച്ചിലേക്ക് വന്നു നിന്നു. വണ്ടി നിർത്തിയ പാടെ ജീവൻ ഇറങ്ങിയിരുന്നു. അഗ്നി വണ്ടിയിൽ നിന്ന് ഇറങ്ങി അകത്തേക്ക് ഓടി കയറി.ദേഷ്യം കൊണ്ട് വിറകുവായിരുന്നു അഗ്നി അത് നിയന്ത്രിച്ചു കൊണ്ട് സ്റ്റേയറിന് മുകളിലേക്ക് നോക്കി അവൻ ഉച്ചത്തിൽ വിളിച്ചു.

" അർജു. ദേഷ്യത്തോടെ ഉള്ള അഗ്നിയുടെ വിളികേട്ടാണ് എല്ലാവരും സ്വീകരണ മുറിയിലേക്ക് വന്നത്. " അഗ്നി നീ എന്തിനാ ഇങ്ങനെ ഒച്ച വെക്കുന്നത്, നിനക്ക് ഒന്ന് പതുക്കെ വിളിച്ചൂടെ. " അച്ഛാ അർജു എത്തിയില്ലേ. " അഗ്നി ഞാൻ ചോദിച്ചത് നീ കേട്ടില്ലേ അതിന് മറുപടി എന്താ നിനക്ക് ഇല്ലേ. " അച്ഛാ അർജു എത്തിയില്ലേ. ചന്ദ്രശേഖരനോട്‌ ദേഷ്യത്തോടെ അഗ്നി ചോദിച്ചതും എന്തോ സീരിയസ് ആയിട്ടുള്ള പ്രശ്നമാണെന്ന് അദേഹത്തിന് മനസിലായി അതുകൊണ്ട് തന്നെ അയാള് സ്റ്റേയരിലേക്ക് വിരൽ ചൂണ്ടി. " അർജു. അഗ്നിയുടെ രണ്ടാമത്തെ വിളിയിൽ അർജു താഴേക്ക് എത്തിയിരുന്നു. " എന്താ ഏട്ടാ. " എവിടെ ആയിരുന്നെടാ ഇത്രയും നേരം ഞാൻ ഇവിടെ തൊണ്ടപൊട്ടി വിളിച്ചത് നീ കേട്ടില്ലേ. " ഏട്ടാ ഞാൻ ഫ്രഷ് ആകുവായിരുന്നു. " മ്മ്, അർജു നീ സക്കറിയ പോത്തന്റെ ഗസ്റ്ഹൗസിൽ പോയിരുന്നോ. അഗ്നി ചോദിച്ച ചോദ്യം കേട്ട് അർജു ഞെട്ടി പോയിരുന്നു എന്നാല് അത് പുറത്ത് കാട്ടാതെ അവൻ അഗ്നിയോട് പറഞ്ഞു. " ഇല്ല പോയിരുന്നില്ല, അല്ലെങ്കിൽ തന്നെ ഞാൻ അയാളുടെ ഗസ്റ്റ്‌ഹൗസിൽ പോകുന്നത് എന്തിനാ. " നീ പോയില്ലലോ ഉറപ്പല്ലേ. " ഉറപ്പാ ഞാൻ പോയിട്ടില്ല. അർജു പറഞ്ഞവസാനിപ്പിച്ചതും എന്തോ ഒന്ന് ശക്തിയിൽ അവന്റെ കവിളിൽ വന്നു പതിച്ചു

വേദനയോടെ കവിളിൽ കൈവെച്ച് നേരെ നോക്കിയ അർജു കാണുന്നത് മുന്നിൽ നിന്ന് കൈ കുടയുന്ന അഗ്നിയെ ആയിരുന്നു. അത് കണ്ട് നിന്ന മറ്റെല്ലാവരും ഞെട്ടി പോയിരുന്നു. " മുഖത്ത് നോക്കി കള്ളം പറയുന്നോടാ, നീ പോയിട്ടില്ലെങ്കിൽ പിന്നെ ഇത് ആരാടാ പറയാൻ. അർജുന് മുന്നിലേക്ക് ഫോൺ നീട്ടികൊണ്ട് അഗ്നി അവനോട് ചോദിച്ചു. അർജു എന്ത് പറയണമെന്ന് അറിയാതെ വിറക്കാൻ തുടങ്ങിയിരുന്നു. " എന്താടാ ഉത്തരമില്ലേ നിനക്ക്, ഇത് മാത്രമല്ല ബിസിനസ്‌ മീറ്റിംഗ് എന്ന് പറഞ്ഞ് നീ എങ്ങോട്ടാടാ ഡെയിലി പോകുന്നത് പറയടാ. അർജുന്റെ ഷർട്ടിന്റെ കോളറിൽ കുത്തി പിടിച്ചുകൊണ്ട് അഗ്നി പറഞ്ഞു അഗ്നിക്ക് മുന്നിൽ പിടിക്കപ്പെടാതെ ഇരിക്കാൻ തിരിച്ച് അവന്റെ കോളറിൽ കുതിപിടിച്ച് കൊണ്ട് അർജു പറഞ്ഞു. " നിങ്ങൾക്ക് യഥാർത്ഥ പ്രതിയെ കിട്ടിയില്ലെന്ന് കരുതി എന്നേ പ്രതിയാക്കാൻ നോക്കുവാണോ. തന്റെ ഒരു ഉദ്ദേശവും ഇവിടെ നടക്കാൻ പോകുന്നില്ല. അർജുന്റെ സംസാരം കേട്ട് അഗ്നി ഞെട്ടിയെങ്കിലും തോറ്റുകൊടുക്കാൻ അവൻ തയ്യാറല്ലായിരുന്നു. മക്കൾ രണ്ടുപേരും പോരുകോഴികളെ പോലെ നോക്കി നില്കുന്നത് കണ്ട് പത്മവും ചന്ദ്രശേഖരനും ഒന്നും മനസിലാകാതെ അവരെ നോക്കിക്കൊണ്ടിരുന്നു. " അർജു ദേഷ്യം നടിച്ച് എന്റെ ചോദ്യത്തിൽ നിന്ന് രക്ഷപെടാന്ന് നീ കരുതണ്ട,

ഞാൻ അനേഷിക്കുന്ന ഈ കേസിൽ നിനക്ക് എന്തേലും പങ്ക് ഉണ്ടെന്ന് ഞാൻ അറിഞ്ഞാൽ ചേട്ടൻ അനിയൻ എന്ന ബന്ധം ഞാൻ അങ്ങോട്ട് മറക്കും. " അല്ലെങ്കിലും നിങ്ങൾക്ക് എന്നും നിങ്ങടെ കാര്യം അല്ലെ വലുത് ഈ അർജുന് ആരുടേം അവുദാര്യം ഒന്നും വേണ്ട. രണ്ടുപേരും തമ്മിലുള്ള വാക്കുതർക്കാം കയ്യാങ്കളിയിലേക്ക് മാറാൻ ഒരുങ്ങവേ ജീവൻ പെട്ടന്ന് തന്നെ അഗ്നിയെ പിടിച്ച് മാറ്റി ചന്ദ്രശേഖരൻ അർജുനേം. അർജു പെട്ടന്ന് തന്നെ ചന്ദ്രശേഖരന്റെ കൈ തട്ടി മാറ്റി പുറത്തേക്ക് പോയി. അവൻ പോകുന്ന കണ്ട് അഗ്നി ജീവനോട്‌ പറഞ്ഞു. " ജീവൻ അർജുന്റെ പിന്നിൽ ഒരു കണ്ണുവേണം ഈ കേസിൽ അവന് എന്തേലും പങ്കുണ്ടോന്ന് എനിക്ക് അറിഞ്ഞേ പറ്റു. പിന്നെ ഇന്നത്തെ മർഡർ കേസിലെ ആ പെൺകുട്ടിയുടെ ഡീറ്റെയിൽസ് എനിക്ക് നാളെ രാവിലെ കിട്ടിയിരിക്കണം കേട്ടല്ലോ. " മ്മ്. " എന്നാല് ജീവൻ ഇറങ്ങിക്കോ എന്തേലും ആവശ്യം ഉണ്ടങ്കിൽ വിളിക്ക്. അത്രയും പറഞ്ഞുകൊണ്ട് ആരെയും ഒന്നു നോക്കുക കൂടി ചെയ്യാതെ അഗ്നി സ്റ്റേയർ കയറി റൂമിലേക്ക് പോയി. നടന്നത് ഒന്നും മനസിലാകാതെ അഗ്നി പോകുന്നതും നോക്കി നിന്നിട്ട് പത്മം ജീവനോട്‌ ചോദിച്ചു. " ജീവാ എന്താ പ്രശ്നം. " അത് അമ്മേ ഇപ്പൊ അനേഷിക്കുന്ന കേസിൽ അർജുന് എന്തോ പങ്കുണ്ടോന്ന് സാറിന് ഒരു സംശയം അതാ.

" എന്തൊക്കെയാ ജീവാ ഈ പറയുന്നേ അർജുന് എന്ത് പങ്കാ. " അത് വ്യക്തമല്ല പക്ഷെ ചില തെളിവുകൾ കിട്ടിട്ടുണ്ട്. നിങ്ങള് ടെൻഷൻ ആകണ്ട കേട്ടോ. എന്നാ ഞാൻ ഇറങ്ങുവാ. ജീവന്റെ വാക്കുകൾ തീർത്ത ഞെട്ടലിൽ ആയിരുന്നു അവർ. പെട്ടന്ന് തന്നെ ഒരു തളർച്ചയോടെ ചന്ദ്രശേഖരനും പത്മവും സെറ്റിയിലേക്ക് ഇരുന്നു. .......................... ❤️❤️...................... ഒരുപാട് സമയമായിട്ടും അഗ്നിയെ താഴേക്ക് കാണാതെ അന്നെഷിച്ച് പോയതായിരുന്നു സാക്ഷി അഗ്നിയുടെ റൂമിലേക്ക് കയറുന്നതിന് മുൻപാണ് ടെറസിലേക്ക് ഉള്ള ഡോർ പതിയെ തുറന്ന് കിടക്കുന്നത് അവൾ കണ്ടത് അത്കൊണ്ട് തന്നെ റൂമിലേക്ക് കയറാതെ അവൾ ടെറസിലേക്ക് നടന്നു. ഡോർ മുഴുവനായി തുറന്ന് സാക്ഷി അകത്തേക്ക് കയറി അപ്പോളേ കണ്ടു ഒരു മൂലയിലായി എന്തൊക്കെയോ ചിന്തിച്ചു നിൽക്കുന്ന അഗ്നിയെ അവൾ അവനടുത്തേക്ക് നടന്നു ചെന്ന് ചുമലിലായി കൈ വെച്ചു. പുറകിൽ ആരോ നിൽക്കുന്ന പോലെ തോന്നിയ അഗ്നി തിരിഞ്ഞു നോക്കിയപ്പോൾ കണ്ടു പുറകിൽ നിൽക്കുന്ന സാക്ഷിയെ എന്നാൽ സാക്ഷിയുടെ കണ്ണുകൾ അഗ്നിയുടെ നിറഞ്ഞ കണ്ണുകളിലേക്ക് ആയിരുന്നു. " ദേവേട്ടാ ഏട്ടൻ കരയുവാണോ. അത് കേൾക്കാൻ കാത്തിരുന്ന പോലെ അഗ്നി സാക്ഷിയുടെ ചുമലിലേക്ക് ചാഞ്ഞു

അവനെ ആശ്വസിപ്പിക്കാൻ എന്ന വണ്ണം സാക്ഷിയുടെ കൈകൾ അവന്റെ പുറത്ത് തലോടികൊണ്ടിരുന്നു. കുറച്ച് സമയത്തിന് ശേഷം അഗ്നി അവളിൽ നിന്ന് അകന്ന് മാറി. " എന്താ ദേവേട്ടാ എന്താ പറ്റിയെ. " സാക്ഷി ഞാൻ എന്റെ അർജുനെ ഇന്ന് ആദ്യായിട്ട് തല്ലിയെടോ അവന് ഒരുപാട് നോന്ത്‌ കാണുവോടോ. " പിന്നെ നോവാതെ എന്തിനാ ദേവേട്ടാ അവനെ തല്ലിയത്. " മുഖത്ത് നോക്കി കള്ളം പറഞ്ഞപ്പോ പറ്റിപോയതാടോ. ഒന്നാമത്തെ കേസിന്റെ ടെൻഷൻ അവന് ഈ കേസുമായി എന്തേലും ബന്ധം കാണുവോ. " ഒരിക്കലും ഇല്ല ദേവേട്ടാ, മറ്റെന്തേലും ആവശ്യത്തിന് പോയതാകും അവൻ ഗസ്റ്ഹൗസിൽ. " മ്മ് അങ്ങനെ ആയാൽ മതിയായിരുന്നു. " അല്ല ദേവേട്ടാ കേസിന്റെ കാര്യത്തിൽ എന്താ ഇത്രമാത്രം ടെൻഷൻ. " അത് സാക്ഷി ഡോ കൂടെ നിന്ന് ആരോ ചതിക്കുന്ന പോലെ ഒരു തോന്നൽ തെളിവുകൾ എല്ലാം കണ്മുന്നിൽ നിന്ന് കാണാതാകുന്നു, ദാ ഇന്നും പുതിയൊരു കേസ് റിപ്പോർട്ട്‌ ചെയ്തിട്ടുണ്ട് മുകളിൽ നിന്ന് നല്ല പ്രെഷർ ഉണ്ടെടോ എനിക്ക് ആകെ വട്ടു പിടിക്കുന്നു. " ന്യൂസിൽ കണ്ടിരുന്നു ദേവേട്ടാ,

ഈ കേസ് തെളിയണം ഏട്ടാ പെൺകുട്ടികൾക്കും ഈ സമൂഹത്തിൽ ജീവിക്കാൻ അവകാശം ഉണ്ട് അവരെ വെറുമൊരു കാമം തീർക്കാൻ മാത്രമുള്ള വസ്തുവായി കാണുന്നവന്മാർ ഇവിടെ വേണ്ട ഏട്ടാ പെൺകുട്ടികളും അവരുടെ ആഗ്രഹങ്ങൾക്കും സ്വപ്നങ്ങൾക്കും ചിറകു കൊടുക്കട്ടെ അവരും സ്വാതന്ത്ര്യത്തോടെ പറക്കട്ടെ. സാക്ഷിയുടെ ഓരോ വാക്കുകളും അഗ്നിക്ക് ഒരു ഊർജം തന്നെയായിരുന്നു അതിന്റെ പ്രതിഫലം എന്നോണം അവന്റെ ചുണ്ടുകളിൽ ഒരു പുഞ്ചിരി വിരിഞ്ഞു. " താങ്ക്സ് സാക്ഷി തന്നോട് സംസാരിച്ചപ്പോൾ അല്പം ആശ്വാസം കിട്ടി എനിക്ക്. " തളരരുത് ദേവേട്ടാ ഏട്ടനെക്കൊണ്ട് പറ്റും ധൈര്യ മായി മുന്നോട്ടേക്ക് പൊക്കോ. " മ്മ്. സാക്ഷി ഞാൻ ഒന്നു പുറത്ത് പോയിട്ട് വരാം താൻ കാറിന്റെ കീ ഒന്ന് എടുത്തിട്ട് വാ. എന്തോ മനസ്സിൽ തീരുമാനിച്ച് ഉറപ്പിച്ചപോലെ അഗ്നി താഴേക്ക് ഇറങ്ങി അവനു പുറകെ വന്ന് സാക്ഷി കീ എടുത്ത് നീട്ടി അത് വാങ്ങിക്കൊണ്ടു മുന്നിലെ ഡോർ തുറന്ന് അഗ്നി പുറത്തേക്കിറങ്ങി നിമിഷ നേരംകൊണ്ട് തന്നെ കാർ ഗെയ്റ്റ് കടന്ന് പുറത്തേക്ക് പോയി കാർ കണ്ണിൽ നിന്ന് മറയുന്ന വരെ നോക്കി നിന്നിട്ട് സാക്ഷി തിരികെ അകത്തേക്ക് കയറി.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...