💞 അഗ്നിസാക്ഷി 💞: ഭാഗം 21

എഴുത്തുകാരി: സ്‌നേഹ സാജു

ഇരുട്ടിനെ വകഞ്ഞു മാറ്റികൊണ്ട് അഗ്നിയുടെ കാർ അതിവേഗം സഞ്ചരിച്ചുകൊണ്ടിരുന്നു. രാത്രിയുടെ മനോഹാരിതയെ ഒന്നുകൂടി മനോഹരമാക്കാൻ വഴിയോരങ്ങളിൽ ചെറുകിട കച്ചോടക്കാർ സ്ഥാനം പിടിച്ചിരുന്നു. വണ്ടി ഓടിക്കുമ്പോളും ചുറ്റുമുള്ളതൊന്നും ശ്രദ്ധിക്കാതെ അഗ്നിയുടെ ചിന്തകൾ കേസിന്റെ കാര്യങ്ങളിൽ തന്നെയായിരുന്നു. മനസ് വല്ലാതെ ആസ്വസ്ഥം ആകുന്നത് അവൻ അറിയുന്നുണ്ടായിരുന്നു മുന്നിലായ് കണ്ട വളവു തിരിച്ച് വഴിയുടെ ഓരത്തായി വണ്ടി നിർത്തി സ്റ്റിയറിങ്ങിലേക്ക് തല ചാച്ചു കിടന്നു അഗ്നി. പുറത്ത് നിന്നും ആരുടെയൊക്കെയോ വലിയ ഒച്ച കേട്ടാണ് അഗ്നി സ്റ്റിയറിങ്ങിൽ നിന്ന് തല ഉയർത്തി നോക്കിയത്. അപ്പോളേ കണ്ടു വഴിയോരത്തെ ഒരു തട്ടുകടക്ക് മുന്നിൽ കൂടി നിൽക്കുന്ന ആളുകളെ അഗ്നി പതിയെ ഡോർ തുറന്ന് പുറത്തേക്ക് ഇറങ്ങി തട്ടുകടക്ക് മുന്നിലേക്ക് നടന്നു. മുന്നിലേക്ക് ഓരോ ചുവട് വെക്കുമ്പോളും ശബ്ദം കൂടി കൂടി വരുന്നുണ്ടായിരുന്നു. കുറച്ചുകൂടി നടന്നപ്പോളേക്കും അഗ്നി കടക്ക് മുന്നിൽ എത്തിയിരുന്നു

അപ്പോളേ കണ്ടു ഒരു പറ്റം ഗുണ്ടകൾക്ക് നടുവിൽ യാജനയോടെ നിൽക്കുന്ന ഒരു ചെറുപ്പക്കാരനെയും അയാൾക്ക് സൈഡിലായ് വിതുമ്പി കരഞ്ഞുകൊണ്ട് കണ്ണ് നിറച്ച് നിൽക്കുന്ന ഒരു പെൺകുട്ടിയെയും. അഗ്നി പതിയെ ചുറ്റുമോന്ന് നോക്കി കൂടി നിൽക്കുന്ന ആളുകൾ മിക്യവരും ഫോണുകളിൽ ആ ദൃശ്യങ്ങൾ പകർത്തുന്ന തിരക്കിലായിരുന്നു അവരെ പുച്ഛിച്ച് കൊണ്ട് അഗ്നി അവിടെ നടക്കുന്നത് ശ്രദ്ധിക്കാൻ തുടങ്ങി. " ദൈവത്തെ ഓർത്ത് പ്രശ്നം ഉണ്ടാക്കാതെ ഒന്നു പോകുവോ, ആ കൊച്ചുങ്ങള് നിങ്ങളോട് യാതൊരു പ്രശ്നത്തിനും വന്നില്ലാലോ പിന്നെ എന്തിനാ അതുങ്ങളെ ഇങ്ങനെ ദ്രോഹിക്കുന്നെ. " ദേ കെളവ താൻ ഇവിടെ കടനടത്താൻ വന്നതല്ലേ, ചുമ്മാ ആവശ്യമില്ലാത്തത്തിൽ ഇടപെടാതെ അത് ചെയ്തിട്ട് പോകാൻ നോക്കടോ. " ഈ കുട്ടികളെ ഇവിടെ പിടിച്ച് നിർത്തിട്ട് എന്ത് കിട്ടാനാ നിങ്ങൾക്ക്. " ദേ കെളവാ ഒരു പ്രാവശ്യം ഞാൻ പറഞ്ഞു മിണ്ടാതെ പോകാൻ അല്ലെങ്കിൽ എന്നെ അറിയാലോ. ഗുണ്ട കളിൽ ഒരുവൻ തട്ടുകടക്കാരനോട് ദേഷ്യ പെട്ടുകൊണ്ട് പറഞ്ഞു.

അത് കേൾക്കെ അയാള് മിണ്ടാതെ കടയുടെ സൈഡിലേക്ക് മാറി നിന്നു. അത് കണ്ട് അയാളെ നോക്കി കൊണ്ട് ഗുണ്ട കളിൽ ഒരാൾ പറഞ്ഞു. " ആ അപ്പൊ തനിക്ക് പറഞ്ഞാൽ അനുസരിക്കാൻ അറിയാലേ. " ടാ അയാളെ വിട്ടേരെ നമ്മുക്ക് വേണ്ടത് ഇവനേം ഇവളേം അല്ലെ. " എന്റെ വാസു അണ്ണാ ഇവനെ ഒന്നും വെറുതെ വിടാൻ പാടില്ല. വാസു കൂട്ടാളികളെ നോക്കി കൊണ്ട് ആ ചെറുപ്പകാരന്റെ അടുത്തേക്ക് നടന്നുകൊണ്ട് പറഞ്ഞു. " ഇവള് നിന്റെ ആരാടാ. " ചേട്ടാ ഞങ്ങളെ ഉപദ്രവിക്കല്ലേ ഇത് എന്റെ പെങ്ങളാ. ഞങ്ങൾ ഒരു എക്സാമിന് പോയിട്ട് വരുന്നതാ. " ഓഹോ മക്കള് പരുക്ഷക്ക് പോയിട്ട് വരുവാണോ കൊള്ളാലോ. അവനെ നോക്കി കളിയാക്കി ചിരിച്ച് കൊണ്ട് വാസു പറഞ്ഞു. വാസു ചിരിക്കുന്നത് കണ്ട് അവന്റെ കൂട്ടാളികളും ചിരിക്കാൻ തുടങ്ങി. അത് കൺകെ ആ പെൺകുട്ടി പേടിയോടെ ചെറുപ്പകാരനു പിന്നിലേക്ക് ഒന്നു കൂടി ചേർന്നു നിന്നു. " ഇങ്ങോട്ട് മാറി നിക്കടി നീ എന്തിനാ അവന്റെ പിന്നിലേക്ക് പതുങ്ങി നില്കുന്നെ നിന്നെ ഞങ്ങൾ ശരിക്കും ഒന്നു കാണട്ടെ.

ചെറുപ്പക്കാരന് പിന്നിൽ നിൽക്കുന്ന പെൺകുട്ടിയെ മുന്നിലേക്ക് പിടിച്ച് വലിച്ചു നിർത്തികൊണ്ട് വല്ലാത്ത ഒരു നോട്ടത്തോടെ വാസു പറഞ്ഞു. അത് കൺകെ ആ പെൺകുട്ടിക്ക് സ്വയം ഉരുകി പോകുന്ന പോലെ തോന്നി അവൾ പെട്ടന്ന് തന്നെ വെറുപ്പോടെ മുഖം തിരിച്ചു. " അയ്യോടാ, ദേ നോക്കിയേ കൊച്ചിന് നമ്മടെ നോട്ടം പിടിച്ചില്ല കേട്ടോ. " ശരിയാ അണ്ണാ നമ്മളെ പിടിച്ചില്ലെന്ന് തോന്നുന്നു, അതൊന്ന് മാറ്റികൊടുക്ക് അണ്ണാ. " മാറ്റി കൊടുക്കാല്ലെ. വാസു പെൺകുട്ടിയെ ബലമായി പിടിച്ച് നിർത്തി അവൾക്ക് ചുറ്റും ഉഴിഞ്ഞു നോക്കിക്കൊണ്ട് നടക്കാൻ തുടങ്ങി അത് കൺകെ ആ ചെറുപ്പക്കാരൻ അവരുടെ അടുത്തേക്ക് പാഞ്ഞടുക്കാൻ തുടങ്ങി പെട്ടന്ന് തന്നെ അവനെ ഗുണ്ടകൾ പിടിച്ചു വെച്ചു. അവരുടെ കൈയിൽ നിന്ന് കുതറി മാറാൻ തുനിഞ്ഞു കൊണ്ട് കൂടി നിൽക്കുന്ന ആളുകളെ തൊഴുകയ്യാലേ നോക്കി കൊണ്ട് അവൻ പറഞ്ഞു. " ഒന്നു സഹായിക്കണേ ഇത് എന്റെ പെങ്ങളാ, ഇവന്മാരൊക്കെ ചേർന്ന് എന്റെ കൊച്ചിനെ ഇങ്ങനെ നോക്കി നിൽക്കാതെ ഒന്നു സഹായിക്ക്.

ഇത്രയൊക്കെ പറഞ്ഞിട്ട് പോലും ഒന്നു തിരിഞ്ഞു നോക്കുക പോലും ചെയ്യാതെ ഒരു കാണിയെ പോലെ എല്ലാവരും നോക്കി നിന്നു. " ഹ... ഹ... ഹ.. എവിടെടാ നീ കിടന്ന് നോലോളിച്ചിട്ട് ആരേലും വന്നോ വരില്ലടാ. ഈ വാസുനേം കുട്ടരേം എതിർക്കാനും മാത്രം ധൈര്യമുള്ളവർ ഇവിടെ ഇല്ലടാ. നീ ഏതായാലും ഇത്രയും ഷോയിറക്കിയതല്ലേ ഇനി നിന്നേം ഇവളേം വെറുതെ വിടാൻ പറ്റില്ലലോ. നിന്റെ പെങ്ങളെ ഞങ്ങൾ ശരിക്കൊന്ന് കാണട്ടെ. അത്രയും പറഞ്ഞു കൊണ്ട് വാസു ആ പെൺകുട്ടിയുടെ അടുത്തേക്ക് ചെന്ന് അവളുടെ ഷോളിൽ പിടിക്കാനായി കൈ ഉയർത്തി. ചെറുപ്പക്കാരൻ അത് കാണാൻ ശേഷിയില്ലാതെ മുഖം തിരിച്ചിരുന്നു. പെട്ടന്ന് അവരുടെ മുന്നിലേക്ക് അഗ്നി കയറി നിന്ന് പെൺകുട്ടിയെ പിടിക്കാൻ കൈയ്യുയർത്തിയ വാസുവിന്റെ കൈയിൽ പിടിച്ച് തിരിച്ച് അവനെ പിന്നിലേക്ക് തള്ളിയിട്ടു. അപ്പോളേക്കും ആ ചെറുപ്പക്കാരൻ ഗുണ്ടകളുടെ കൈയിൽ നിന്ന് പിടി വിടുവിച്ച് പെൺകുട്ടിയുടെ അടുത്തേക്ക് വന്ന് അവളെ ചേർത്തു പിടിച്ചിരുന്നു. അഗ്നിയുടെ തള്ളിൽ താഴേക്ക് വീണ വാസു ചാടി എഴുന്നേറ്റുകൊണ്ട് അഗ്നിയെ നോക്കി പറഞ്ഞു.

" ആരാടാ നീ, ഈ വാസുനെ തല്ലാനും മാത്രം ധൈര്യോ നിനക്ക്. " ഇങ്ങോട്ട് എണീറ്റു വാടാ ഞാൻ ആരാന്ന് നിനക്ക് പറഞ്ഞു തരാം. അഗ്നിയും വാസുവും നേർക്ക് നേരെ നിന്നുകൊണ്ട് പറഞ്ഞു. പെട്ടന്ന് തന്നെ വാസു തിരിഞ്ഞു നോക്കി കൊണ്ട് പറഞ്ഞു. " വടിവാളേ, ദേണ്ടെടാ ഒരുത്തൻ ഇങ്ങോട്ടേക്ക് വന്നിരിക്കുന്നു നീ അവിടെ എന്ത് എടുക്കാ. വാസുവിന്റെ അലറർ കേട്ട് കുറച്ച് അപ്പുറത്ത് മാറി നിന്ന് ഫോൺ വിളിച്ചുകൊണ്ടിരുന്ന വടിവൾ അങ്ങോട്ടേക്ക് വന്നത് അപ്പോളേ കണ്ടു വാസുവിന് മുന്നിലായ് നിൽക്കുന്ന അഗ്നിയെ. അവനെ നോക്കി പുച്ഛിച്ച് ചിരിച്ചുകൊണ്ട് വടിവാൾ അവർക്ക് അടുത്തേക്ക് ചെന്നു. " അല്ല ഇത് ആര് ACP സാറോ, എടാ വാസുവേ നിനക്ക് മനസിലായില്ലേ ആളെ നമ്മുടെ സക്കറിയ മൊതലാളിക്കും ശരവണൻ അണ്ണനും തലവേദന ആകുന്ന ഒരു പോലീസുകാരനെ കുറിച്ച് പറഞ്ഞില്ലായിരുന്നോ അതാണ് ഈ നിൽക്കുന്ന ആള്. " ഓഹോ, അന്ന് നിന്നേം ശരവണൻ അണ്ണനേം തല്ലിട്ട് പോയവൻ അല്ലെ. " മ്മ് അത് തന്നെ. " അപ്പൊ ഒന്നു പരിചയ പെടണോല്ലോ.

അതും പറഞ്ഞ് അവർ അഗ്നിക്ക് നേരെ തിരിഞ്ഞു അപ്പോളേക്കും അഗ്നി കൈ ചുരുട്ടി വാസുവിന്റെ മുഖത്തിന് നേരെ അടിക്കാനായി കൊണ്ടുവന്നു. വാസു പെട്ടന്ന് തന്നെ അത് കൈ വെച്ച് ബ്ലോക്ക്‌ ചെയ്തു അതെ സമയം തന്നെ വടിവാൾ അഗ്നിയെ കാലുയർത്തി ചവിട്ടിയിരുന്നു. പ്രതീക്ഷിക്കാതെ ഉള്ള ചവിട്ടായത് കൊണ്ട് തന്നെ അഗ്നി തെറിച്ച് കൂടി നിന്നവരുടെ ഇടയിലേക്ക് വീണു. അപ്പോളും യാതൊരു കുലുക്കവും ഇല്ലാതെ ആളുകൾ മൊബൈൽ ക്യാമറയിൽ ഓരോന്നും പകർത്തുന്ന തിരക്കിലായിരുന്നു. അത് കണ്ട് ദേഷ്യത്തോടെ മുന്നിൽ നിൽക്കുന്ന ഒരാളുടെ ഫോൺ തട്ടി തെറിപ്പിച്ചു കൊണ്ട് അഗ്നി അലറി. " ച്ചി നാണമില്ലെടോ നിന്റെ ഒക്കെ വീട്ടിലുള്ളവർക്കാണ് ഇങ്ങനെ ഒക്കെ വരുന്നതെങ്കിൽ അപ്പോളും ഫോണും പൊക്കി പിടിച്ചോണ്ട് നിൽകോ നീ ഒക്കെ. നിന്റെ ഒക്കെ മുന്നിലിട്ടല്ലേ സദാചാരത്തിന്റെ പേരും പറഞ്ഞ് ആങ്ങളയും പെങ്ങളുമായ ഇവരെ ഇവന്മാർ ഉപദ്രവിക്കാൻ നോക്കിയത്. അവനൊക്കെ ഫോണും പൊക്കി പിടിച്ചോണ്ട് നില്കുന്നു ഓഫ്‌ ചെയ്യടാ.

അഗ്നിയുടെ അലർച്ചയിൽ പേടിച്ച് എല്ലാവരും ഫോൺ ഓഫ്‌ ചെയ്ത് പോക്കറ്റിലേക്ക് ഇട്ടു. എന്നിട്ട് അവരിൽ ഒരാൾ വിളിച്ചു പറഞ്ഞു. " എന്റെ സാറെ സാർ പോലീസ് ആയോണ്ട് കുഴപ്പമില്ല പക്ഷെ ഞങ്ങൾ ഒക്കെ സാധാരണകാര വീട്ടിൽ ഭാര്യയും കുട്ടികളും ഒണ്ട് അത് കൊണ്ട് തന്നെ ഇവനെ ഒക്കെ എതിർത്താലേ ഞങ്ങടെ കുടുംബം കോളം തൊണ്ടും. " നാണമില്ലെടോ ഇങ്ങനെ ഒക്കെ പറയാൻ നിങ്ങളെ പോലുള്ളവരുടെ പേടിയാ ഇവന്മാര് മുതലാക്കുന്നെ അത് നീയൊക്കെ മനസിലാകുന്നില്ലലോ. " ഹ.. ഹ.. ഹ. എന്താ സാറെ നിന്ന് കഥാപ്രസംഗം നടത്തിട്ടും അവന്മാരൊന്നും അനങ്ങിയില്ലലേ. അവർക്ക് അറിയാം അനങ്ങിയാൽ എന്താ ഉണ്ടാകുകയെന്ന്. ഒരൊറ്റ ഒരെണ്ണം നിന്നിടത് നിന്ന് അനങ്ങില്ല. " നിന്റെ ഒക്കെ സംസാരം കേട്ട് ഇവന്മാരൊക്കെ അനങ്ങാതെ നിൽക്കുവായിരിക്കും എന്നാലേ ഈ അഗ്നിയെ അതിന് കിട്ടില്ല. ആരും വേണ്ടടാ നിങ്ങളെ നേരിടാൻ ഈ ഞാൻ തന്നെ മതി. പിന്നെ നിന്നെ ഒക്കെ ഇങ്ങനെ അഴിച്ചു വിടുന്ന നിന്റെ ഒക്കെ മൊതലാളിക്കുള്ള പണി ഈ അഗ്നി കരുതി വെച്ചിട്ടുണ്ട്.

ഇനി ഒരിക്കലും ഇതുപോലെ സദാചാരത്തിന്റെ പേരും പറഞ്ഞ് നീയൊന്നും ഇവിടെ കിടന്ന് വിളയാൻ ഞാൻ അനുവദിക്കില്ല. " സാറെ ഞാനും ഉണ്ട് സാറിന്റെ ഒപ്പം എന്റെ പെങ്ങടെ കണ്ണുനിറയാൻ ഇന്നോളം ഞാൻ അനുവദിച്ചിട്ടില്ല ഇന്ന് എന്റെ കുട്ടീടെ കണ്ണു നിറഞ്ഞു അതും ഇവന്മാര് കാരണം. ഇനി ഇതുപോലെ ഒരു പെൺകുട്ടിക്കും വരാൻ പാടില്ല. അതും പറഞ്ഞു കൊണ്ട് ആ പെൺകുട്ടിയെ തട്ടുകടക്ക് സൈഡിലേക്ക് നിർതിയിട്ട് ചെറുപ്പക്കാരൻ അഗ്നിക്ക് അടുത്തേക്ക് ചെന്നു. " മോനെ ഞാനും ഉണ്ട് കുറെ നാളായി ഇവന്മാര് ഇവിടെ കിടന്ന് തോന്നിവാസം കാണിക്കാൻ തുടങ്ങിട്ട്. അതും പറഞ്ഞുകൊണ്ട് തട്ടുകടക്കാരനും അവരുടെ അടുത്തേക്ക് വന്നു പിന്നീട് അവിടെ കൂടി നിന്ന ഓരോരുത്തരും അങ്ങോട്ടേക്ക് വരാൻ തുടങ്ങി അവരെല്ലാവരും കൂടി ഗുണ്ടകളെ അടിച്ച് ഒരുപരുവമാക്കി. കുറച്ച് നേരം കഴിഞ്ഞപ്പോൾ അഗ്നി വിളിച്ചു പറഞ്ഞത് അനുസരിച്ച് പോലീസുകാർ അങ്ങോട്ടേക്ക് വന്നു. " സാർ. " ഹാ ഗിരി ഇവരെ അറസ്റ്റ് ചെയ്ത് കേസ് രജിസ്റ്റർ ചെയ്തേരെ. " ഒക്കെ സാർ. "

ആ പിന്നെ ഗിരി താൻ എന്റെ കൂടെ പോരെ അവരോട് ബാക്കിയുള്ളവരെ സ്റ്റേഷനിലേക്ക് കൊണ്ടുപൊക്കോളാൻ പറഞ്ഞേരെ വടിവാളിനെ കൊണ്ട് ചെറിയൊരു പണിയുണ്ട്. " ഒക്കെ സാർ. അത്രയും പറഞ്ഞു കൊണ്ട് ഗിരി മറ്റു പോലീസുകാരുടെ അടുത്തേക്ക് ചെന്ന് അവരെ പറഞ്ഞയച്ചു. പോലീസുകാർ പോയപ്പോൾ എല്ലാവരും അഗ്നിയുടെ അടുത്തേക്ക് വന്നു. " കണ്ടോ അവന്മാര് ഒക്കെ അത്രെ ഒള്ളൂ ഇപ്പൊ മനസിലായില്ലേ പേടിച്ച് മാറുവല്ല വേണ്ടത് ചങ്കുറ്റത്തോടെ നേരിടണം, എന്നാ ശരി. അവരോട് യാത്ര പറഞ്ഞ് അഗ്നി താഴെ വീണു കിടക്കുന്ന വടിവാളിനെ പൊക്കിയെടുത്ത് കാറിന്റെ പുറകിലേക്ക് കിടത്തി ഡ്രൈവിംഗ് സീറ്റിന്റെ ഡോർ തുറന്നു എന്നിട്ട് ഗിരിയെ നോക്കി പറഞ്ഞു. " ഡോ കാറിലേക്ക് കയറ്. അഗ്നി പറഞ്ഞതോടെ ഗിരി കാറിലേക്ക് കയറി അഗ്നി കയറാൻ തുടങ്ങിയപ്പോളേക്കും പുറകിൽ നിന്ന് ആരുടെയോ വിളികേട്ടാണ് അവൻ തിരിഞ്ഞു നോക്കിയത് അപ്പോളേ കണ്ടു അടുത്തേക്ക് നടന്നു വരുന്ന ചെറുപ്പക്കാരനെയും ആ പെൺകുട്ടിയെയും. "

സാർ ഒത്തിരി നന്ദിയുണ്ട്, സാറ് വന്നില്ലായിരുന്നെങ്കിൽ എന്റെ പെങ്ങളും നാളത്തെ പത്ര താളുകളിൽ ഒരു വാർത്തയായി മാറിയേനെ. " ഒന്നും പറ്റിയില്ലലോ, തന്റെ പെങ്ങൾ നന്നായി പേടിച്ചിട്ടുണ്ട് ആ കുട്ടിയെ ഒന്ന് അശ്വസിപ്പിച്ചേക്ക് പിന്നെ എന്തേലും ആവശ്യമുണ്ടെങ്കിൽ എന്നേ വിളിച്ചാൽ മതി എന്നാ നിങ്ങള് പൊക്കോ. ആ പിന്നെ സൂക്ഷിച്ച്. " ശരി സാർ. അവർ യാത്ര പറഞ്ഞ് പിരിഞ്ഞു. അഗ്നി കാറിലേക്ക് കയറി പതിയെ അവിടെ നിന്നും തിരിച്ചു. കറിനുള്ളിൽ മൗനമായിരുന്നു അഗ്നി എന്തേലും പറയാനോ ഗിരി ചോദിക്കാനോ നിന്നില്ല. കുറച്ച് സമയത്തെ യാത്രക്ക് ശേഷം അഗ്നിയുടെ കാർ ഒരു പൊട്ടിപോളിഞ്ഞ കെട്ടിടത്തിനു മുന്നിൽ വന്നു നിന്നു വണ്ടി നിർത്തി പുറത്തേക്ക് ഇറങ്ങിക്കൊണ്ട് അഗ്നി ഗിരിയോട് പറഞ്ഞു. " ഗിരി പുറത്തേക്ക് വാടോ. " സാർ ഇവിടെ. " എല്ലാം പറയാം താൻ ആദ്യം ഇവനെ ഒന്നു പിടിക്ക്. അഗ്നി പിന്നിലെ ഡോർ തുറന്ന് വടിവാളിനെ പുറത്തേക്ക് കൊണ്ടുവന്നുകൊണ്ട് പറഞ്ഞു. ഗിരി വേഗം തന്നെ പുറത്തേക്ക് ഇറങ്ങി അഗ്നിയുടെ കൂടെ വടിവാളിനെ പിടിച്ചുകൊണ്ടു അകത്തേക്ക് നടന്നു.

അവർ ചെന്നു നിന്നത് ഒരു റൂമിനു മുന്നിൽ ആയിരുന്നു ലൈറ്റ് ഇട്ട് വടിവാളിനേം കൊണ്ട് അകത്തേക്ക് കയറി. അവർ രണ്ടുപേരും കൂടി അവനെ അവിടെ കണ്ട ഒരു കസേരയിലേക്ക് ഇരുത്തി കെട്ടി വെച്ചു. " അല്ല ഗിരി ജീവൻ എവിടെ പോയി വിളിച്ചിട്ട് കിട്ടിയില്ലലോ. " ജീവൻ രാവിലത്തെ മർഡർ കേസിന്റെ ഡീറ്റെയിൽസ് നോക്കി ഇറങ്ങിയേക്കുവാ സാർ. " മ്മ് അതേതായാലും നന്നായി. ആ പിന്നെ ഇവൻ നമ്മുടെ കാസ്റ്റടിയിൽ ഉള്ള കാര്യം പുറത്ത് പോകരുത്. എങ്ങാനും ലീക്ക് ആയെന്ന് അറിഞ്ഞാൽ തനിക്ക് എന്നെ അറിയാലോ. " ഞാൻ ആരോടും പറയില്ല സാർ. അവർ സംസാരിച്ച് നിൽക്കുമ്പോളേക്കും വടിവാളിന് ബോധം വീണിരുന്നു. കണ്ണുകൾ പതിയെ തുറന്നുകൊണ്ട് അവൻ ചുറ്റും നോക്കി അപ്പോളാണ് അവന്റെ കണ്ണുകൾ അഗ്നിയിലും ഗിരിയിലും എത്തി നിന്നത്. " നീയോക്കെകൂടെ എന്നെ ഇവിടെ കെട്ടിയിട്ടിട്ട് എന്നാ ചെയ്യാനാടാ. " നിന്നെ ഇവിടെ കൊണ്ടുവന്നത് ഞങ്ങളാണെങ്കിൽ ഞങ്ങൾക്ക് അറിയേണ്ടതെല്ലാം നിന്നെക്കൊണ്ട് പറയിച്ചിട്ടേ വിടത്തൊള്ളൂ. "

അത് കൊള്ളാലോ സാറെ, എന്നാലേ എന്റെ വായിൽ നിന്ന് എന്തേലും കേൾക്കാനുള്ള ആ വിചാരം ഉണ്ടല്ലോ അതങ്ങോട്ട് മാറ്റിയെരെ. എന്നെ കൊന്നാലും ഞാൻ ഒന്നും പറയില്ല. " നീ വെറുതെ പറയണ്ടടാ പറയിക്കാൻ എനിക്ക് അറിയാം. അതും പറഞ്ഞുകൊണ്ട് അഗ്നി വടിവാളിനടുത്തേക്ക് പാഞ്ഞു ചെന്ന് അവനെ തലങ്ങും വിലങ്ങും തല്ലാൻ തുടങ്ങി. ഉള്ളിലെ ദേഷ്യവും കേസിന്റെ ടെൻഷനും ഒക്കെ തീർക്കുകയായിരുന്നു അഗ്നി. അതൊക്കെ അവന്റെ മുഖത്ത് വ്യക്തമായിരുന്നു അഗ്നിയുടെ ഈ ഭാവ മാറ്റം ഗിരി വരെ വിറച്ചു പോയിരുന്നു. തല്ലി ക്ഷീണിച്ചപ്പോളേക്കും അഗ്നി കൈകുടഞ്ഞു കൊണ്ട് മാറി നിന്നു എന്നിട്ടും ഒന്നും മിണ്ടാതെ നിൽക്കുന്ന വടിവാളിനെ കണ്ട് അഗ്നി കസേരയിലേക്ക് ആഞ്ഞു ചവിട്ടി വടിവാൾ കസേരയോടെ താഴേക്ക് വീണു. വീഴ്ചയിൽ അവന്റെ കൈയിൽ നിന്നും തലയിൽ നിന്നുമൊക്കെ രക്തം വരാൻ തുടങ്ങിയിരുന്നു. അത് കണ്ട് ഗിരി ഓടി വന്ന് കസേര ഉയർത്തി വെച്ചു. " തല്ലലെ സാറെ ഇനിയും തല്ലിയാ ഞാൻ ചത്തുപോകും,

നിങ്ങൾക്ക് അറിയേണ്ടത് ഒക്കെ ഞാൻ പറഞ്ഞുതരാം ഒന്നുംചെയ്യല്ലേ. " എന്താടാ നിന്റെ വെല്ലുവിളി ഒക്കെ എവിടെ പോയി ഇപ്പൊ. " സാറെ ഞാൻ വെറുതെ പറഞ്ഞതാ സാറിന് അറിയേണ്ടത് ഒക്കെ ഞാൻ പറഞ്ഞു തരാം. പിന്നീട് വടിവാളിൽ നിന്ന് കേൾക്കുന്ന ഓരോ കാര്യവും അഗ്നിയുടെ രക്തത്തെ തിളപ്പിക്കുന്നതായിരുന്നു. ദേഷ്യംകൊണ്ട് അവന്റെ പേശികൾ എല്ലാം വലിഞ്ഞു മുറുകി കൊണ്ടിരുന്നു. വടിവാൾ എല്ലാം പറഞ്ഞവസാനിപ്പിക്കുമ്പോൾ അഗ്നി ദേഷ്യത്തിൽ കൈ വീശി അവന്റെ കവിളിലേക്ക് ആഞ്ഞടിച്ചു. അടിയുടെ ശക്തിയിൽ വടിവാളിന്റെ കടവായ് പൊട്ടി ചോര ഒലിച്ചിറങ്ങി. " തല്ലല്ലേ സാറെ. " ച്ചി നീർത്തടാ ഇതോടെ തീർന്നെന്ന് നീ കരുതണ്ട ബാക്കി പുറകെ വരുന്നുണ്ട് ഇനി കുറച്ച് നേരം നീ വിശ്രമിക്ക്. അതും പറഞ്ഞ് വടിവാളിനെ ഒന്നുകൂടി കസേരയിലേക്ക് മുറുക്കി കെട്ടി വായിൽ ഒരു തുണിയും തിരുകി വെച്ചിട്ട് അഗ്നി ഗിരിയെ കൂട്ടി പുറത്തേക്ക് നടന്നു. അവിടെ നിന്ന് മടങ്ങുമ്പോൾ ആ രാത്രി അഗ്നി പലതും മനസ്സിൽ തീരുമാനിച്ച് ഉറപ്പിച്ചിരുന്നു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...