💞 അഗ്നിസാക്ഷി 💞: ഭാഗം 22

എഴുത്തുകാരി: സ്‌നേഹ സാജു

പുലർച്ചയോട് അടുക്കാറായപ്പോളാണ് അഗ്നി വീട്ടിൽ മടങ്ങിയെത്തുന്നത്. എല്ലാവരും നല്ല ഉറക്കമായിരുന്നതിനാൽ ആരെയും ബുദ്ധിമുട്ടിക്കാതിരിക്കാൻ അഗ്നി കാറിൽ തന്നെ കിടന്നു. രാവിലെ സാക്ഷി നേരത്തെ തന്നെ എഴുന്നേറ്റിരുന്നു എഴുന്നേറ്റ പടി സാക്ഷി ആദ്യം പോയത് അഗ്നിയുടെ റൂമിലേക്ക് ആയിരുന്നു അവിടെ അഗ്നിയെ കാണാതെ വന്നതോടെ അവൾ സംശയത്തോടെ ചുറ്റും നോക്കി. " ഈ ദേവേട്ടൻ ഇത് വരെ വന്നില്ലേ, ഇന്നലെ രാത്രി പോയതാലോ. സ്വയമേ ഓരോന്ന് പറഞ്ഞു കൊണ്ട് സാക്ഷി അഗ്നിയുടെ റൂമിന്റെ ബാൽകണിയിലേക്ക് ഇറങ്ങി താഴേക്ക് നോക്കി അപ്പോളേ കണ്ടു അഗ്നിയുടെ കാർ താഴെ കിടക്കുന്നത്. അത് കണ്ടതോടെ സാക്ഷി പതിയെ താഴേക്ക് നടന്നു. സ്റ്റെപ്സ് ഇറങ്ങി സാക്ഷി ഉമ്മറത്തെ വാതിൽ തുറന്ന് പുറത്തേക്ക് നടന്നു. പോർച്ചിൽ കിടക്കുന്ന അഗ്നിയുടെ കാറിനടുത്തേക്ക് ചെന്ന് അതിനുള്ളിലേക്ക് നോക്കി. ഗ്ലാസിനുള്ളിലൂടെ നോക്കിയപ്പോളെ കണ്ടു സീറ്റിൽ ചാരി കിടന്നുറങ്ങുന്ന അഗ്നിയെ. സാക്ഷി പതിയെ കാറിന്റെ ഗ്ലാസിൽ തട്ടി. പുലർച്ചെ കിടന്നത് കൊണ്ട് തന്നെ അഗ്നിക്ക് നല്ല ക്ഷീണം ഉണ്ടായിരുന്നു.

ഗാഡമായ ഉറക്കമായിരുന്നതിനാൽ അഗ്നി ഒന്നും അറിയുന്നില്ലായിരുന്നു. പുറത്തുനിന്ന് ഡോറിൽ മുട്ടുന്ന ശബ്ദം കേട്ട് ഇർഷ്യയോടെയാണ് അഗ്നി കണ്ണുകൾ വലിച്ച് തുറന്നത്. കുറച്ച് സമയം ഒന്നും മനസിലാകാതെ അഗ്നി ചുറ്റും നോക്കി പെട്ടെന്നാണ് തലേന്നത്തെ ഓരോ സംഭവങ്ങളും ഒരു ചിത്രം പോലെ അഗ്നിയുടെ ഓർമകളിലൂടെ കടന്നു പോയത്. ഓരോന്ന് കാണുമ്പോളും അഗ്നിയുടെ മുഖത്ത് പല ഭാവങ്ങളും മിന്നിമറഞ്ഞു കൊണ്ടിരുന്നു കുറച്ച് സമയത്തിന് ശേഷം അഗ്നി തല കുടഞ്ഞു കൊണ്ട് പുറത്തേക്ക് നോക്കി അപ്പോളേ കണ്ടു ഡോറിനടുത്തായി നിൽക്കുന്ന സാക്ഷിയെ അഗ്നി പതിയെ ഡോർ തുറന്ന് പുറത്തേക്ക് ഇറങ്ങി. " എപ്പോളാ ദേവേട്ടാ മടങ്ങി എത്തിയത്. " വെളുപ്പിനെ ഒരു മൂന്നു മണിയായി കണുടോ. " വിളിക്കായിരുന്നില്ലേ ദേവേട്ടാ എന്തിനാ കാറിൽ കിടന്നത്. " നിങ്ങളെ ബുദ്ധിമുട്ടിക്കണ്ടെന്ന് തോന്നി അതാടോ. സാക്ഷിയും അഗ്നിയും ഓരോന്ന് സംസാരിച്ചോണ്ട് അകത്തേക്ക് നടന്നു. അകത്തെത്തി സ്റ്റെപ്സ് കയറാൻ തുടങ്ങിയ അഗ്നിയെ നോക്കി സാക്ഷി പറഞ്ഞു.

" ഏട്ടൻ കുറച്ച് നേരം കൂടി കിടന്നോ ഇന്നലെ ഉറക്കം ശരിയായി കാണില്ലലോ. " ഇനി കിടക്കാൻ ഒന്നും നേരമില്ലടോ ഡ്യൂട്ടിക്ക് പോകണ്ടേ. " ഇന്ന് പോകുന്നുണ്ടോ ഇന്നലെ ഒത്തിരി വൈകിയതല്ലേ. " പോകണം ചെയ്ത് തീർക്കാൻ കുറച്ച് ജോലികൂടി ഉണ്ട് സാക്ഷി. " മ്മ്. " അല്ല ഇവിടെ ആരും എഴുന്നേറ്റില്ലേ. " അമ്മ എഴുന്നേറ്റു ദേവേട്ടാ കിച്ചണിൽ ഒണ്ട്, ബാക്കി എല്ലാവരും എഴുന്നേൽക്കാൻ ആകുന്നെ ഒള്ളൂ. " സാക്ഷി ഡോ എനിക്ക് കടുപ്പത്തിൽ ഒരു കോഫി കൊണ്ടുവാ അപ്പോളേക്കും ഞാൻ ഒന്നു ഫ്രഷ് ആകട്ടെ. " ശരി ഏട്ടാ. അഗ്നിയോട് പറഞ്ഞു കൊണ്ട് സാക്ഷി അടുക്കളയിലേക്ക് പോയി. പെട്ടന്ന് തന്നെ അഗ്നിക്ക് കോഫി ഉണ്ടാക്കി റൂമിലേക്ക് കൊണ്ടു കൊടുത്തു. ............................ ❤️❤️....................... അഗ്നി യൂണിഫോം ഇട്ട് താഴേക്ക് വരുമ്പോൾ എല്ലാവരും ഡൈനിങ് ടേബിളിൽ ഹാജർ വെച്ചിരുന്നു. അഗ്നി പതിയെ സാക്ഷിക്ക് അടുത്തായി ഒഴിഞ്ഞു കിടന്നിരുന്ന കസേരയിലേക്ക് ഇരുന്നു. അഗ്നി ഇരുന്നപ്പോളേക്കും സാക്ഷി പെട്ടന്ന് തന്നെ കഴിക്കാൻ എടുത്തു കൊടുത്തു. " സാക്ഷി മോൻ എവിടെ. " ഏട്ടാ അവൻ ഇവിടെ ഇരുന്ന് കഴിക്കുന്നില്ല അതുകൊണ്ട് അമ്മ അവനേം കൊണ്ട് പുറത്തേക്ക് ഇറങ്ങി. " മ്മ്, അല്ല അച്ഛൻ എവിടെ കണ്ടില്ലലോ. " അച്ഛൻ രാവിലെ ഓഫീസിലേക്ക് ഇറങ്ങി.

" അത് എന്താ പതിവില്ലാത്ത ഒരു പോക്ക്. " അർജു ഇന്ന് പോകുന്നില്ലന്ന് അത് കൊണ്ട് പോയതാ അച്ഛൻ. പിന്നീട് ഡൈനിങ് ടേബിളിൽ മൗനം മാത്രമായിരുന്നു. അഗ്നി ആരേം നോക്കാതെ ഭക്ഷണത്തിൽ മാത്രം ശ്രദ്ധിച്ചു കൊണ്ടിരുന്നു. എന്നാൽ അർജു ഇടക്കിടക്ക് തല ഉയർത്തി നോക്കുന്നുണ്ടായിരുന്നു പക്ഷെ ഒരു നോട്ടം കൊണ്ടുപോലും അഗ്നി അവനെ ശ്രദ്ധിച്ചിരുന്നില്ല അത് അവനിൽ നിരാശ നിറച്ചു. അർജുന്റെ സങ്കടം മനസിലാക്കിയ പോലെ അതുല്യ അഗ്നിയോട് പറഞ്ഞു. " വല്ല്യേട്ടാ കൊച്ചേട്ടന് എന്തോ പറയാനുണ്ടെന്ന്. എന്നാൽ അതിന് യാതൊരു മറുപടിയും കൊടുക്കാതെ അഗ്നി ഭക്ഷണം കഴിച്ച് എഴുന്നേറ്റു. അർജുന്റെ മുഖത്ത് പിന്നെയും സങ്കടം നിറഞ്ഞു അത് കണ്ട് സാക്ഷിയുടെയും അതുല്യയുടെയും മുഖം വല്ലാതായിരുന്നു. അഗ്നി കൈകഴുകി പുറത്തേക്ക് നടന്നപ്പോളേക്കും അർജുവും അവനു പുറകെ എത്തിയിരുന്നു എന്നാൽ അതൊന്നും മൈൻഡ് പോലും ചെയ്യാതെ അഗ്നി പുറത്തേക്ക് നടന്നു. " ഏട്ടാ. അർജുന്റെ വിളി കേട്ടെങ്കിലും അഗ്നി അത് ഗൗനിച്ചില്ല. എന്നാൽ അർജു പിന്മാരാൻ തയാറാല്ലായിരുന്നു.

" ഏട്ടാ, എന്നേ ഒന്ന് നോക്ക് ഏട്ടാ. ഏട്ടന്റെ അർജുവല്ലേ ഞാൻ. ഇടർച്ചയോടെയുള്ള അർജുവിന്റെ ആ വിളിയിൽ പിടിച്ച് കെട്ടിയ പോലെ അഗ്നിയുടെ കാലുകൾ നിന്നു പോയി. ഒരടി മുന്നോട്ടേക്ക് വെക്കാൻ പോലും അവന് കഴിയുന്നില്ലായിരുന്നു. അഗ്നി പതിയെ തിരിഞ്ഞു നോക്കി അപ്പോളേ കണ്ടു നിറക്കണ്ണുകളോടെ നോക്കി നിൽക്കുന്ന അർജുനെ. അത് മതിയായിരുന്നു അഗ്നിക്ക് അവൻ എടുത്തണിഞ്ഞ ദേഷ്യത്തിന്റെ മുഖം മൂടി വലിച്ചെറിയാൻ അവൻ ഇരുകൈകളും വിരിച്ച് അർജുനെ അവനിലേക്ക് വിളിച്ചു. അത് കാണാൻ കാത്തിരുന്നപോലെ അർജു ഒരു കൊച്ചു കുഞ്ഞിനെ പോലെ ആ ചേട്ടന്റെ ചിറകിനുള്ളിൽ പറ്റിച്ചേർന്ന് നിന്നു. "സോ.... റി.. എ.. ട്ടാ...ഞ.. ൻ.. ഇ.. ന്ന..ലെ മോ..ശ..മായി സം..സാരി..ച്ചതിന് പ..റ്റി..പോ..യ..താ ഏ..ട്ടാ ക്ഷ..മി..ക്കോ എ..ന്നോ..ട്. പതറി പോകുന്ന വാക്കുകൾ കൂട്ടിച്ചേർത്തു കൊണ്ട് അർജു എങ്ങനെയൊക്കെയോ പറഞ്ഞവസാനിപ്പിച്ചു. യൂണിഫോം ഷർട്ടിൽ നനവു പടരുന്ന കണ്ടപ്പോളാണ് അർജു കരയുവാണെന്ന് അഗ്നിക്ക് മനസിലായത്.

അവന്റെ മുഖം ബലമായി പിടിച്ച് ഉയർത്തികൊണ്ട് അഗ്നി പറഞ്ഞു. " അയ്യേ അർജു നീ കരയുവാണോ, പോട്ടെടാ ഏട്ടൻ എന്റെ മോനെ വേദനിപ്പിച്ചെങ്കിൽ ക്ഷമിക്ക്. " ഏട്ടാ എന്താ ഇത്. " അല്ല മോനെ ഏട്ടന്റെ ഭാഗത്തും തെറ്റുണ്ട് ഞാൻ നിന്നെ തല്ലാൻ പാടില്ലാഞ്ഞു പറ്റിപ്പോയി. കേസിന്റെ ടെൻഷനും പിന്നെ അതുമല്ല നിന്നെക്കുറിച്ച് അങ്ങനെ ഒക്കെ കേട്ടപ്പോളേക്കും അറിയാതെ സംഭവിച്ച് പോയതാ നിന്നോട് ഒന്നു ചോദിക്കാൻ ഉള്ള മരിയാതാ പോലും ഞാൻ കാണിച്ചില്ല ഏട്ടനോട് ക്ഷമിക്ക് നീ. " ഏട്ടാ ഇങ്ങനെ ഒന്നും പറയല്ലേ, എന്റെ ഭാഗത്താ ഏട്ടാ തെറ്റ്. എല്ലാം തുറന്നു പറയുന്ന ഏട്ടനോട് ചിലതൊക്കെ മറച്ചു പിടിക്കേണ്ടി വന്നു എനിക്ക്. എനിക്ക് ഏട്ടനോട് എല്ലാം പറയണം ഏട്ടൻ ഇന്ന് ഫ്രീ ആണോ. " ഏട്ടൻ ഇപ്പൊ കുറച്ച് തിരക്കാ ഒരു പ്രധാനപ്പെട്ട ഡ്യൂട്ടി ഒണ്ട് ഇന്ന് എനിക്ക്. അത് കഴിഞ്ഞിട്ട് ഞാൻ വരാം. " ഓക്കേ ഏട്ടാ. അർജുനോട് യാത്ര പറഞ്ഞ് അഗ്നി ബുള്ളറ്റിൽ കയറി സ്റ്റേഷനിൽക്ക് ഇറങ്ങി. അഗ്നിയുടെ ബുള്ളറ്റ് കണ്ണിൽ നിന്ന് മറയുന്ന വരെ നോക്കി നിന്നിട്ട് അർജു അകത്തേക്ക് കയറി പോയി അപ്പോളും അവൻ മനസ്സിൽ എന്തൊക്കെയോ കണക്കുകൂട്ടുന്നുണ്ടായിരുന്നു. ....................... ❤️ ❤️..................

അഗ്നി നേരെ പോയത് സ്റ്റേഷനിലേക്ക് ആയിരുന്നു. സ്റ്റേഷന് മുന്നിൽ വണ്ടി പാർക്ക്‌ ചെയ്ത് അഗ്നി അകത്തേക്ക് കയറി. കയറി വരുന്ന അഗ്നിയെ കണ്ട് മറ്റ് പോലീസുകാർ സല്യൂട്ട് ചെയ്തു അഗ്നി അവർക്ക് തിരിച്ച് സല്യൂട്ട് കൊടുത്ത് ജീവനോട്‌ ക്യാബിനിലേക്ക് വരാൻ പറഞ്ഞു കൊണ്ട് അഗ്നി അകത്തേക്ക് പോയി. " may i comming sir. അഗ്നിയുടെ ക്യാബിനു മുന്നിലായ് വന്ന് നിന്നുകൊണ്ട് അവന്റെ അനുവാദത്തിനായി ജീവൻ ചോദിച്ചു. അഗ്നി ഫോണിൽ ആരോടോ സംസാരിക്കുമ്പോളായിരുന്നു പുറത്തു നിന്ന് ജീവന്റെ ശബ്ദം കേട്ടത് കാളിൽ ആയതിനാൽ കൈകൊണ്ട് ജീവന് അകത്തേക്ക് വരാനുള്ള അനുവാദം അഗ്നി കൊടുത്തു. ജീവൻ അകത്തേക്ക് കയറി അഗ്നിക്ക് മുന്നിലായ് ഇട്ടിരുന്ന കസേരയിലേക്ക് ഇരുന്നു. പെട്ടന്ന് തന്നെ അഗ്നി ഫോൺ സംഭാഷണം അവസാനിപ്പിച്ച് ജീവനോടായി ചോദിച്ചു. " ജീവൻ എന്തായ് കാര്യങ്ങൾ, ഇന്നലെ ഞാൻ പറഞ്ഞതൊക്കെ അന്നെഷിച്ചോ. " യെസ് സാർ. " എന്നാ പറയ്, കേൾക്കട്ടെ. " സാർ മരിച്ച പെൺകുട്ടിയുടെ പേര് ശ്രീക്കുട്ടി, തൃശൂരാ വീട്. "

തൃശൂരുള്ള പെൺകുട്ടി എറണാകുളത്തേക്ക് എന്തിന് വന്നതാ ജീവൻ. " ഇവിടെ ഒരു ഇന്റർവ്യൂ അറ്റൻഡ് ചെയ്യാൻ വന്നതാ. " മ്മ്, എത്ര ദിവസായി പെൺകുട്ടി മിസ്സിംഗ്‌ ആയിട്ട്, തൃശൂരിൽ എന്തേലും കേസ് രജിസ്റ്റർ ചെയ്തിട്ടുണ്ടോന്ന് അനേഷിച്ചോ. പിന്നെ ഫാമിലി ഡീറ്റെയിൽസ് ഓക്കേ. " സാർ 3 ദിവസായി പെൺകുട്ടി മിസ്സിംഗ്‌ ആയിട്ട്. തൃശൂർ ആയത് കൊണ്ട് അവിടെ സ്റ്റേഷനിലേക്ക് ഇൻഫോം ചെയ്തിട്ടുണ്ട് അനേഷിച്ചിട്ട് പറയാന്ന് പറഞ്ഞിട്ടുണ്ട്. " 3 ദിവസോം എന്നിട്ട് ഇത്രയും ദിവസായിട്ടും അറിഞ്ഞില്ലെന്ന് പറയുമ്പോൾ അത് നമ്മുടെ വീഴ്ച തന്നെയാണ് ജീവൻ. ഞാൻ പറഞ്ഞിരുന്നതല്ലേ നൈറ്റ്‌ പെട്രോളിംഗ് കുറച്ചൂടെ ശക്തമാക്കണോന്ന്. " സാർ അത്. " എന്താടോ മറുപടിയില്ലേ, ഇങ്ങനെ ഇറെസ്പോൺസിബിൽ ആയിട്ട് പെരുമാറാതെ കുറച്ചൂടെ കെയർ ഫുൾ ആയിട്ട് ബീഹെവ് ചെയ്യടോ. അഗ്നിയും ജീവനും സംസാരിച്ചോണ്ട് ഇരിക്കുമ്പോളാണ് ഗിരി അങ്ങോട്ടേക്ക് വന്നത്. "May i comming sir. " ഹാ ഗിരി കയറി വാടോ. ഗിരി അകത്തേക്ക് വന്ന് അഗ്നിയെ സല്യൂട്ട് ചെയ്ത് കൈയിൽ ഉണ്ടായിരുന്ന ഫയൽ അഗ്നിക്ക് നേരെ നീട്ടി.

" എന്താടോ ഇത്. " സാർ കഴിഞ്ഞ ദിവസം മരിച്ച ആ പെൺകുട്ടിയുടെ പോസ്റ്റ്മോട്ടം റിപ്പോർട്ടാ. ഗിരിയോട് ഇരിക്കാൻ പറഞ്ഞിട്ട് അഗ്നി ഫയൽ വാങ്ങി ചെക്ക് ചെയ്യാൻ തുടങ്ങി അതിലെ ഓരോ വരിയും വായിക്കുമ്പോളും അഗ്നിയുടെ മുഖം വലിഞ്ഞു മുറുക്കാൻ തുടങ്ങി അഗ്നിയുടെ പെട്ടെന്നുള്ള ഭാവ മാറ്റം കണ്ട് ജീവൻ ചോദിച്ചു. " എന്താ സാർ പോസ്റ്റ്മോട്ടം റിപ്പോർട്ടിൽ പറയുന്നത്. " ജീവൻ she is brutaly raped. " what. " അതെടോ ഒന്നിൽ കൂടുതൽ പേരു ചേർന്ന് റേപ്പ് ചെയ്തിട്ടുണ്ടെന്നാണ് പോസ്റ്റ്‌മൊട്ടം റിപ്പോർട്ടിൽ പറയുന്നത്. " സാർ അപ്പൊ ഇതിനു പിന്നിൽ ആരായിരിക്കും. " അത് വളരെ വ്യക്തമാണ് ഇപ്പൊ എനിക്ക്. ജീവൻ താൻ കുറച്ചൂടി കാര്യങ്ങൾ അറിയാനുണ്ട്. " എന്താ സാർ. അഗ്നി ഗിരിയെ നോക്കി നോട്ടത്തിന്റെ അർത്ഥം മനസിലായ പോലെ ഗിരി ഇന്നലെ രാത്രിയിൽ നടന്ന ഓരോ സംഭവങ്ങളും വിവരിക്കാൻ തുടങ്ങി. " സാർ അപ്പോൾ വടിവാളിനെ പൊക്കിയിരുന്നോ. "

വടിവാളിനെ മാത്രമല്ലടോ എല്ലാവരെയും പൊക്കി അവന്മാർ ലോക്കപ്പിൽ ഉണ്ട്. " അപ്പൊ വടിവാളോ. " അവനെ മുന്നിൽ കിട്ടിയപ്പോൾ വിട്ടുകളയാൻ പറ്റുമോ അത് കൊണ്ട് അവനെ അങ്ങോട്ട് പൊക്കി നല്ല രീതിയിൽ ചോദ്യം ചെയ്തു. " എന്നിട്ട് എന്തായി സാർ വല്ലോം അറിഞ്ഞോ. " കിട്ടേണ്ടത് കിട്ടിയപ്പോൾ ചോദിക്കാതെ തന്നെ അവൻ എല്ലാം ഇങ്ങോട്ടേക്ക് പറഞ്ഞു. " എന്നിട്ട് അവൻ ഇപ്പൊ എവിടെയാ സാറെ. ജീവന്റെ ചോദ്യം കേട്ടപ്പോൾ അഗ്നി ഗിരിയെ ഒന്നു നോക്കി അത് കണ്ട് ഒന്നു പുഞ്ചിരിച്ചിട്ട് ഗിരി പറഞ്ഞു. " സാർ അവനെ രാവിലെ തന്നെ സ്റ്റേഷനിലേക്ക് കൊണ്ടുവന്ന് കേസ് രജിസ്റ്റർ ചെയ്ത് ലോക്കപ് ചെയ്തിട്ടുണ്ട്. " അപ്പൊ ഇനി അടുത്തത് എന്താ സാർ. " ഇനിയല്ലേ ജീവൻ കലാശ കൊട്ട്, ഇപ്പൊ കിട്ടിയിരിക്കുന്ന തെളിവുകൾ എല്ലാം സക്കറിയാ പോത്തന് എതിരെയാ സോ ഇനി എന്തിനാ ആ ചടങ്ങ് വൈകിക്കുന്നെ. " എന്ത് ചടങ്ങാ സാർ. അഗ്നി പറഞ്ഞത് മനസിലാകാതെ ജീവനും ഗിരിയും അഗ്നിയെ സംശയത്തോടെ നോക്കി. അത് കണ്ട് പുഞ്ചിരിച്ചോണ്ട് അഗ്നി പറഞ്ഞു.

" സക്കറിയാ മൊതലാളിക്കുള്ള കൈവിലങ്ങ് ഇവിടെ ഇരിക്കാൻ തുടങ്ങിയിട്ട് കുറച്ച് ദിവസായെ അത് ആ കൈയിലേക്ക് അണിയിക്കുന്ന കാര്യമാ. അഗ്നി പറയുന്നത് കേട്ട് ഞെട്ടലോടെ ജീവനും ഗിരിയും അഗ്നിയെ നോക്കി എന്നിട്ട് കേട്ടത് വിശ്വാസം വരാതെ ജീവൻ അഗ്നിയോട് ചോദിച്ചു. " സാർ എന്താ പറഞ്ഞെ. " എന്താടോ മനസിലായില്ലേ സക്കറിയ പോത്തനെ കസ്റ്റഡിയിൽ എടുക്കുന്ന കാര്യമാ ഞാൻ പറഞ്ഞത്. " അത് വേണോ സാർ ഒന്നുടെ ആലോചിച്ചിട്ട് പോരെ. " ഇനി ഒന്നും ആലോചിക്കാനില്ല ഇന്ന്തന്നെ അയാളെ കസ്റ്റഡിയിൽ എടുതിരിക്കണം, വാ ഇപ്പൊ തന്നെ. അത്രയും പറഞ്ഞുകൊണ്ട് അഗ്നി ക്യാബിൻ വിട്ട് പുറത്തേക്ക് ഇറങ്ങി അഗ്നിയുടെ പുറകെ തന്നെ ജീവനും ഗിരിയും ഉണ്ടായിരുന്നു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...