💞 അഗ്നിസാക്ഷി 💞: ഭാഗം 23

എഴുത്തുകാരി: സ്‌നേഹ സാജു

" മൊതലാളിയെ. സക്കറിയയുടെ ഓഫീസിലേക്ക് ഓടി പാഞ്ഞെത്തിയതാണ് ശരവണൻ. ശരവണന്റെ പെട്ടെന്നുള്ള വിളിയും ഓടിയുള്ള വരവും കണ്ടതോടെ ഇരുന്നിടത് നിന്ന് എഴുന്നേറ്റ് കൊണ്ട് സക്കറിയ അവനടുത്തേക്ക് ചെന്നു. " എന്നതാടാ ശരവണാ നീ ഇങ്ങനെ ഓടി പാഞ്ഞു വരുന്നേ. " അത് മൊതലാളി. " എന്താന്ന് വെച്ചാൽ പറയടാ. " മൊതലാളി വടിവാളിനേം നമ്മുടെ ആളുകളേം ഇന്നലെ രാത്രി മുതൽ കാണാനില്ല. " ഓ അതാണോ കാര്യം അവന്മാര് അവിടെ എവിടേലും കാണും. ഇന്നലെ വെള്ളമടിച്ച് ബോധമില്ലാതെ എവിടേലും കിടക്കുന്നുണ്ടാകും, വന്നോളും. " ഇല്ല മൊതലാളി, ഞാൻ എല്ലായിടത്തും നോക്കി പക്ഷെ അവന്മാരെ കണ്ടില്ല, ഫോണിൽ വിളിച്ചു നോക്കി. " നീ എന്താ പറഞ്ഞു വരുന്നത് തെളിച്ച് പറ. " അത് മൊതലാളി ആ ACP എങ്ങാനും അവന്മാരെ പിടിച്ച് കാണുവോ. " എന്റെ ശരവണാ നീ എന്താ അങ്ങനെ പറഞ്ഞെ അവന്മാര് എന്തേലും പ്രശ്നം ഉണ്ടാക്കിയതായോ പോലീസ് പിടിച്ചെന്നോ മറ്റോ നീ അറിഞ്ഞോ. " അങ്ങനെ ഒന്നും അറിഞ്ഞില്ല പക്ഷെ വടിവാളിനെ ആ പോലീസുകാരൻ നോട്ടമിട്ടിട്ടുണ്ടായിരുന്നു. " മ്മ്, ഞാൻ ഒന്ന് അനേഷിച്ച് നോക്കട്ടെ. അതും പറഞ്ഞു കൊണ്ട് സക്കറിയ പോത്തൻ ഫോൺ എടുത്ത് ആരെയോ വിളിച്ച് സംസാരിക്കാൻ തുടങ്ങി. ........................ ❤️❤️.......................

അഗ്നി പതിയെ സ്റ്റേഷനു പുറത്തേക്ക് ഇറങ്ങി പുറകെ ആയി ജീവനും ഗിരിയും ഉണ്ടായിരുന്നു. പുറത്തിറങ്ങി പോലീസ് ജീപ്പിലേക്ക് കയറാൻ തുടങ്ങിയ അഗ്നിയെ നോക്കി ഗിരി പറഞ്ഞു. " സാർ ഒന്നൂടി ആലോചിച്ചിട്ട് പോരെ അയാളെ പോലുള്ള ഒരാളുടെ പുറകെ പോകുമ്പോൾ മുൻകരുതലുകൾ ഒരുപാട് എടുക്കണം. "എന്താ ഗിരി തനിക്ക് പേടിയുണ്ടോ, പേടിയുള്ളവർ കൂടെ വരണമെന്ന് നിർബദ്ധമില്ല പക്ഷെ ഈ അഗ്നി ഒന്നു തീരുമാനിച്ചിട്ടുണ്ടെങ്കിൽ അത് നടത്തിയിട്ടേ പിന്മാറു. " സാർ ഞാൻ പേടിയുണ്ടായിട്ട് പറഞ്ഞതല്ല, അയാളെ പോലുള്ള വരെ നേരിടുമ്പോൾ ഒരുപാട് മുൻകരുതൽ എടുക്കണം അത്കൊണ്ട് പറഞ്ഞതാ. " അത് എനിക്ക് അറിയാം ഗിരി, അവനെ പോലുള്ള ഒരാളെ ഇനിയും പുറത്ത് വിലസാൻ വിടുന്നതാണ് അപകടം. അതുമല്ല മുകളിൽ നിന്നും ഓർഡർ കിട്ടിട്ടുണ്ട്. " സോറി സാർ ഞാൻ അതൊന്നും അറിഞ്ഞിരുന്നില്ല. " അത് കുഴപ്പമില്ലെടോ ആരായാലും ഇങ്ങനെ ഒക്കെയെ പറയു. പക്ഷെ നമ്മൾ പോലീസുകാരാ കുറച്ചൂടെ ധൈര്യം കാണിക്കണം നമ്മൾ പതറി പോകുമ്പോളാ സക്കറിയ പോത്തനേം, AJ പോലുള്ളവരും പുറത്ത് വരുന്നത്. " മനസിലായി സാർ.

ഗിരിയുമായി സംസാരിച്ച് നിൽകുമ്പോളാണ് അഗ്നിയുടെ ശ്രദ്ധ ഒന്നും മിണ്ടാതെ എന്തോ ആലോചിച്ച് നിൽക്കുന്ന ജീവനിൽ എത്തി നിൽക്കുന്നത്. " എന്താടോ ജീവൻ താൻ ഒന്നും മിണ്ടാതെ നിൽകുന്നെ. അഗ്നിയുടെ വിളി കേട്ട് എന്തോ ചിന്തിച്ചോണ്ട് നിന്ന ജീവൻ ഞെട്ടി തിരിഞ്ഞു നോക്കി. " ഒന്നുല്ല സാർ. " അല്ല ജീവൻ എന്തോ ഉണ്ടല്ലോ. " സാർ സക്കറിയ പോത്തനെ അറസ്റ്റ് ചെയുന്നത് ഓർത്ത് നിന്നതാ. " എന്താടോ തനിക്കും പേടിയാണോ. " പേടിയോ ഒട്ടുമില്ല സാർ കാരണം ഞാൻ സാറിന്റെ അസിസ്റ്റന്റ് അല്ലെ അതുകൊണ്ട് സാറിന്റെ ധൈര്യം അല്പമെങ്കിലും എനിക്കും കിട്ടിയിട്ടുണ്ടാകില്ലേ. ജീവന്റെ മറുപടി കേട്ട് അഗ്നി അറിയാതെ ചിരിച്ച് പോയിരുന്നു. അത്‌ കൺകെ അവരും ചിരിച്ചു. " കൊള്ളാം ജീവൻ എന്നാൽ നമ്മുക്ക് പോയാലോ. " പോകാം സാർ സാറ് പറഞ്ഞപോലെ അവനെ ഇനിയും പുറത്ത് വിലസാൻ വിടുന്നത് നല്ലതല്ല. പെട്ടന്ന് തന്നെ ജീവൻ ഡ്രൈവിംഗ് സീറ്റിലേക്ക് ഇരുന്നു. അഗ്നിയും ഗിരിയും കയറിയതോടെ ജീവന്റെ പോലീസ് ജീപ്പ് അവിടെ നിന്നും പൊടിപറത്തി കടന്നുപോയി. മറ്റു പോലീസ് ജീപ്പുകൾ അവരുടെ വണ്ടിക്ക് പിന്നാലെ നീങ്ങി കൊണ്ടിരുന്നു. .......................... ❤️❤️.................... " ശരവണാ നീ പറഞ്ഞത് ശരിയാണെന്ന് എനിക്കും തോന്നുന്നുണ്ട്. "

എന്ത് ശരിയാണെന്നാ മൊതലാളി പറയുന്നേ. " എടാ വടിവാളിനേം കൂട്ടരേം ആ ACP എങ്ങാനും പൊക്കിയൊന്ന്. " അതെ മൊതലാളി എനിക്ക് സംശയമല്ല ഉറപ്പാ. " എന്താ നിനക്ക് അത്രക്ക് ഉറപ്പ്. " എല്ലാ ദിവസോം രാവിലെ അവൻ എന്നേ വിളിക്കുന്നതാ ഇന്ന് അത്‌ ഉണ്ടായില്ല അത്‌ മാത്രമല്ല ഇന്നലെ വിളിച്ചപ്പോൾ ഏതോ തട്ടുകടയിൽ ആന്നാ പറഞ്ഞെ. ഇനി അവിടെ വല്ലോ പ്രശ്നോം ഉണ്ടാക്കിയോ ആവോ. " അവന്മാർക്ക് എന്തിന്റെ കേടാ ഞാൻ നിങ്ങളോട് പറഞ്ഞിരുന്നതല്ലേ ഒന്നു ശ്രദ്ധിക്കനൊന്ന്. എന്തേലും ഒരു തുമ്പ് കിട്ടാൻ നോക്കിയിരിക്കുവാ ആ പോലീസുകാരൻ എല്ലാം അറിഞ്ഞിട്ടും അവന്റെ വലയിലേക്ക് ചെന്ന് ചാടി കൊടുക്കാൻ അവന്മാർക്ക് എന്തിന്റെ കേടായിരുന്നു. " മൊതലാളി അവന്മാര് ചാടികൊടുത്തതാണോ അതോ ACP കുടുക്കിയതാണോന്ന് നമ്മുക്ക് അറിയില്ലലോ. " അതും നേരാ എന്തായാലും കുറച്ചൂടെ നോക്കാം വടിവാളും ഗാങ്ങും അവരുടെ പിടിയിൽ ആയിട്ടുണ്ടെങ്കിൽ അവരുടെ അടുത്ത നീക്കം ഞാൻ ആയിരിക്കും. " മൊതലാളി അപ്പൊ നമ്മൾ എന്ത് ചെയ്യും. " ശരവണാ നീ ഏതായാലും നമ്മുടെ വക്കിലിനെ ഒന്നു വിളിച്ച് കാര്യം പറഞ്ഞേരെ. " ആ ശരി മൊതലാളി. ശരവണൻ ഫോണുമെടുത്ത് പുറത്തേക്ക് പോയി വക്കിലിനോട് സംസാരിക്കാൻ തുടങ്ങി.

സക്കറിയ എന്തൊക്കെയോ മനസ്സിൽ കണക്കുകുട്ടികൊണ്ട് ക്യാബിനിലെ കസേരയിലേക്ക് ഇരുന്നു. ശരവണൻ ഫോൺ വിളിച്ച് തിരികെ സക്കറിയയുടെ ക്യാബിനിലേക്ക് വരുമ്പോളാണ് പുറത്ത് വണ്ടികൾ വന്നുനിൽക്കുന്ന ശബ്ദം കേട്ടത്. പുറത്തേക്ക് ഒന്ന് എത്തി നോക്കിയപ്പോളെ കണ്ടു ഓഫീസ് മുറ്റത്തേക്ക് കയറ്റി നിർത്തിയിരിക്കുന്ന പോലീസ് ജീപ്പും അതിൽ നിന്ന് ഇറങ്ങുന്ന അഗ്നിയെയും. നിമിഷ നേരം കൊണ്ട് തന്നെ ശരവണൻ അവിടെ നിന്നും സക്കറിയയുടെ ക്യാബിനിലേക്ക് ഓടി. " മൊതലാളി, മൊതലാളിയെ. " എന്താടാ ശരവണാ നീ ഇങ്ങനെ ഓടി പാഞ്ഞു വരുന്നേ. " ആ... ത്. ഓടി പാഞ്ഞു വന്നത് കൊണ്ട് തന്നെ ശരവണൻ നന്നായി കിതക്കുന്നുണ്ടായിരുന്നു അത്കൊണ്ട് വാക്കുകൾ പതറി പോകുവായിരുന്നു. " എന്താടാ ശരവണാ നീ ഈ പറയുന്നേ മനുഷ്യന് മനസിലാകുന്ന പോലെ പറയടാ. " അത്‌ മൊതലാളി. " ഞാൻ പറഞ്ഞാൽ മതിയോ സക്കറിയാ മൊതലാളിയെ. വാതിൽക്കൽ നിന്നുമുള്ള ശബ്ദം കേട്ടാണ് സക്കറിയ അങ്ങോട്ടേക്ക് നോക്കിയത് അവിടെ നിൽക്കുന്ന അഗ്നിയെ കണ്ട് അയാള് ഞെട്ടിയിരുന്നു എന്നാൽ അത്‌ പുറത്ത് കാട്ടാതെ സക്കറിയ പറഞ്ഞു. " അല്ല ആരാ ഈ വന്നിരിക്കുന്നെ ACP സാറോ,

ഈയുള്ളവന്റെ ഓക്കേ ഓഫീസിൽ സാറിനെ പോലുള്ള ഒരാൾ അതും യുണിഫോമിൽ. ശരവണാ നീ കണ്ടില്ലേ സാറിനെ ആ കസേര അങ്ങോട്ട് ഇട്ട് കൊടുക്കടാ. " എന്ത് പറയാനാ സക്കറിയ മൊതലാളിയെ വരാതിരിക്കാൻ പറ്റുമോ അന്ന് നമ്മൾ കണ്ടു പിരിയുമ്പോൾ ഞാൻ ഒരു വാക്ക് പറഞ്ഞിരുന്നില്ലേ മൊതലാളീടെ കൈയിൽ അണിയിക്കാനുള്ള വളയുമായിട്ട് വരുന്നുണ്ടെന്ന്. " ഓഹോ അപ്പൊ മോൻ അതിന് വേണ്ടി വന്നതാണോ. " പിന്നല്ലാതെ വാക്ക് പാലിച്ചില്ലെങ്കിൽ ഈ അഗ്നിക്ക് അങ്ങനെ ഒരാളാണെന്ന് മൊതലാളി കരുതിലെ. അഗ്നി പറയുന്നത് കേട്ടത്തോടെ ശരവണൻ പെട്ടന്ന് തന്നെ അവരുടെ ആളുകളെ വിളിച്ചു കുട്ടാൻ തുടങ്ങി. തങ്ങൾക്ക് ചുറ്റും ഗുണ്ടകൾ വന്നു നിൽക്കുന്നത് അഗ്നി ഒരു പുഞ്ചിരിയോടെ നോക്കി നിന്നു. " സാറെ മൊതലാളിനെ ഇവിടന്ന് കൊണ്ടുപോകണോങ്കിൽ സാറ് ആദ്യം ഞങ്ങളെ നേരിടേണ്ടി വരും. " അങ്ങനെ ആണോ ശരവണാ എന്നാൽ നേരിട്ട് കളയാം. " വേണ്ട ACP മോനെ മോൻ ചെറുപ്പാ ജീവിതം ഇനിയും ജീവിച്ച് തീർക്കാൻ ഒണ്ട്. ദേ ഇവന്മാര് എന്റെ പിള്ളേരാ എനിക്ക് വേണ്ടി എന്തും ചെയ്യാൻ ഇവർക്ക് മടിയില്ല വെറുതെ ഒരിക്കൽ കൂടി ഹോസ്പിറ്റലിൽ പോയി കിടക്കണോ. " ച്ചി നിർത്തടോ താൻ എന്താ കരുതിയെ അഗ്നി ഇനി വരില്ലെന്നോ അന്ന് താൻ തന്റെ പിള്ളേരെ വിട്ട് എന്നെ ഒന്നു ഞൊണ്ടിട്ട് പോയില്ലേ

അന്ന് തൊട്ട് ഇങ്ങനൊര് അവസരത്തിന് വേണ്ടി നോക്കിയിരിക്കുവായിരുന്നു ഞാൻ. അതും പറഞ്ഞു കൊണ്ട് അഗ്നി ചുറ്റിലും മതിലുപോലെ കൂടി നിൽക്കുന്ന സക്കറിയയുടെ ഗുണ്ടകളെ ഓരോരുത്തരേം ഇടിച്ചു വീഴ്ത്താൻ തുടങ്ങി. ഏറെ നേരത്തെ പോരാട്ടത്തിനൊടുവിൽ ഗുണ്ടകൾ തോൽവി സമ്മതിച്ചുകൊണ്ട് നിലത്തേക്ക് ഇരുന്നു പോയിരുന്നു. " കണ്ടോടോ ഇതാണ് താൻ പറഞ്ഞ തന്റെ പിള്ളേര് ഈ അഗ്നിയുടെ മുന്നിൽ ഇതൊന്നും ഒന്നുമല്ലടോ. വെറുതെ ഇവന്മാരെ ഇങ്ങനെ തീറ്റിപോറ്റാന്നെ ഒള്ളൂ. " ടാ. അഗ്നി പറഞ്ഞവസാനിപ്പിക്കുന്നതിന് മുന്നേ തന്നെ ശരവണൻ അഗ്നികടുത്തേക്ക് പാഞ്ഞുവന്നുകൊണ്ട് അടിക്കാനായി കൈ ഉയർത്തി അത്‌ പ്രതീക്ഷിച്ച പോലെ അഗ്നി ശരവണന്റെ കൈയിൽ പിടിച്ച് തിരിച്ച് പിന്നിലേക്ക് വെച്ച് ഒടിച്ച് അവനെ പുറകിലേക്ക് തള്ളി. അഗ്നിയുടെ പെട്ടെന്നുള്ള തള്ളലിൽ ശരവണൻ അവിടെ ഇട്ടിരുന്ന ചില്ലു മേശയുടെ മുകളിലേക്ക് ചെന്നുവീണു. വലിയ ശബ്ദത്തോടെ മേശ തകർന്ന് വീണ് ചില്ലുകൾ ശരവണന്റെ ദേഹത്ത് കുത്തി തറച്ച് ചോര ഒഴുകാൻ തുടങ്ങിയിരുന്നു.

"ഈ നിൽക്കുന്ന നിന്റെ ഒക്കെ സക്കറിയ മൊതലാളീടെ അടുത്തെടുക്കുന്ന വിളച്ചിലും കൊണ്ട് ഇങ്ങോട്ട് വന്നാലുണ്ടല്ലോ പപ്പടം പൊടിക്കുന്ന പോലെ പൊടിക്കും ഞാൻ കേട്ടോടാ. " നീർത്തട നിന്റെ അഭ്യാസം പ്രായത്തിന്റെ തിളപ്പിൽ മോന് ഇങ്ങനെ ഒക്കെ തോന്നും നിന്നെക്കാൾ വീരന്മാരെ ഒതുക്കിട്ട് തന്നെയാ ഞാൻ ഇവിടെ വരെ എത്തിയത് ആ എനിക്ക് നീ ഒന്നും ഒന്നുമല്ല. മോൻ പോകാൻ നോക്ക് ഇത് വരെ ഉണ്ടായതൊക്കെ സക്കറിയ അങ്ങോട്ട് ക്ഷമിച്ചു. " അഗ്നി ഇവിടെ വന്നിട്ടുണ്ടെങ്കിൽ തിരിച്ചു പോകുമ്പോൾ എന്റെ ഒപ്പം നീയും കാണും. " അപ്പൊ മോൻ രണ്ടും കല്പിച്ചാണല്ലേ. " അതേലോ, പിടിച്ച് കേറ്റടാ ഈ കിടക്കുന്നവന്മാരെ. അതും പറഞ്ഞുകൊണ്ട് പുറകിൽ നിൽക്കുന്ന പോലീസുകാരോട് അഗ്നി ഉച്ചത്തിൽ അലറി പെട്ടന്ന് തന്നെ അവർ വന്ന് ഗുണ്ടകളെ അറസ്റ്റുചെയ്തു വണ്ടിയിലേക്ക് കയറ്റി. അഗ്നിയുടെ അടിയിൽ അവരുടെ ശരീരം മുഴുവനും മുറിവുകളായിരുന്നു അവരെ അടുത്തുള്ള ഹോസ്പിറ്റലിലേക്ക് കൊണ്ടുപോകാൻ പറഞ്ഞു കൊണ്ട് അഗ്നി സക്കറിയക്ക് നേരെ തിരിഞ്ഞു. " എന്നാ നമ്മുക്ക് പോയാലോ മൊതലാളിയെ. സക്കറിയക്ക് നേരെ തിരിഞ്ഞു കൊണ്ട് അഗ്നി പറഞ്ഞു പെട്ടന്ന് എന്തോ ഓർത്തത് പോലെ ഒന്നു നിന്നിട്ട് അഗ്നി പറഞ്ഞു. "ആ നിക്ക് നിക്ക് ഒരു കാര്യം മറന്നു.

" ജീവാ ആ വേലങ്ങ് ഇങ്ങോട്ട് താ അതുകൂടി അണിഞ്ഞാലേ പൂർത്തിയാകു. ജീവന്റെ കൈയിൽ നിന്ന് വിലങ്ങ് വാങ്ങി ബലമായി സക്കറിയയുടെ കൈ പിടിച്ച് വലിച്ച് അഗ്നി അണിയിച്ചു. അതുകൂടി ആയതോടെ സക്കറിയ ദേഷ്യത്തോടെ പല്ലുകടിക്കാൻ തുടങ്ങി. " വെറുതെ പല്ലുകടിച്ച് പൊട്ടിക്കണോന്നില്ല, നടക്കടോ അങ്ങോട്ടേക്ക്. സക്കറിയയെ പിടിച്ച് തള്ളിക്കൊണ്ട് അഗ്നി പറഞ്ഞു. പുറത്തെ ജീപ്പിലേക്ക് കയറുന്നതിന് മുന്നേ സക്കറിയ അഗ്നിയെ ഒരിക്കൽ കൂടി നോക്കി. " എന്താടോ ഇങ്ങനെ നോക്കുന്നെ " ഒന്നുല്ല ഇനി ACP സാറിനെ യുണിഫോമിൽ കാണാൻ പറ്റില്ലാലോ അത്‌ കൊണ്ട് നോക്കിയതാ. " നീ ഒക്കെ കൂടെ എന്നേ എന്ത് ഉണ്ടാക്കാനാടാ, നിന്നെ ഒക്കെ കണ്ടാൽ പേടിച്ച് വിറക്കുന്ന ഒരുപാട് പേരു കാണും എന്നാലേ ഈ എന്നേ നീ ഒന്നും ആ കൂട്ടത്തിൽ കൂട്ടണ്ട. ഇത് ആളു വേറെയാ. " കൊള്ളാം നിന്റെ ആത്മവിശ്വാസം, പക്ഷെ അത്‌ അതികം നാൾ നീണ്ട് പോകില്ല ഓർത്ത് വെച്ചോ. " തന്റെ കവല പ്രസംഗം കഴിഞ്ഞെങ്കിൽ കയറടോ. സക്കറിയയെ പോലീസ് ജീപ്പിന്റെ പിന്നിലേക്ക് തള്ളി കയറ്റി കൊണ്ട് അഗ്നി പറഞ്ഞു.

അത്‌ കണ്ടുകൊണ്ട് ജീപ്പിന് പിന്നിൽ ഇരുന്നിരുന്ന ശരവണൻ വേഗം അയാൾക്കടുത്തേക്ക് നീങ്ങി വന്നുകൊണ്ട് പറയാൻ തുടങ്ങി. " മൊതലാളി. " ശരവണാ നീ വിഷമിക്കാതെ ഇവന്മാർ നമ്മളെ ഒന്നും ചെയ്യാൻ പോകുന്നില്ല. പിന്നെ ഞാൻ പറഞ്ഞത് നീ ചെയ്തിട്ടുണ്ടല്ലോ അല്ലെ. " ചെയ്തിട്ടുണ്ട്. അവർ സംസാരിക്കുന്നത് കേട്ടപ്പോൾ ഒന്നു പുച്ഛിച്ചു കൊണ്ട് അഗ്നി അവരോട് പറഞ്ഞു. " ഹ.. ഹ.. വ്യാമോഹം കൊള്ളാലോ സക്കറിയ മൊതലാളിയെ എന്നാലേ അത്‌ ഒന്നും നടക്കാൻ പോകുന്നില്ല. " അതൊക്കെ നമ്മുക്ക് കാണാം ACP സാറെ. അങ്ങോട്ട് എത്തുമ്പോൾ തന്നെ ഈ സക്കറിയ പുറത്തിറങ്ങുന്നത് ഞാൻ കാണിച്ച് തരാം കേട്ടോ. " ഓഹോ എന്നാലേ ഒരു കാര്യം ഞാൻ പറയാം ഞാൻ വിചാരിച്ചാൽ മാത്രെ നിങ്ങൾക്ക് പുറത്ത് ഇറങ്ങാൻ പറ്റു അത്‌ ഏത് കൊമ്പത്തെ ആളു പറഞ്ഞാലും. ഒരു അഞ്ചു മിനിറ്റ് എനിക്ക് അത്രയും മതിടോ തന്നെ ശരിക്കൊന്ന് ചോദ്യം ചെയ്യാൻ. അത്രയും പറഞ്ഞു കൊണ്ട് ജീപ്പിന്റെ ബാക്ക് ഡോർ വലിച്ചടച്ച് അഗ്നി കോഡ്രൈവിംഗ് സീറ്റിലേക്ക് കയറി ഇരുന്നു. അഗ്നി കയറിയതോടെ പോലീസ് ജീപ്പ് അവിടെ നിന്നും സ്പീഡിൽ സക്കറിയയുടെ ഓഫീസ് ഗേറ്റ് കടന്ന് പുറത്തേക്ക് പോയി.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...