💞 അഗ്നിസാക്ഷി 💞: ഭാഗം 24

എഴുത്തുകാരി: സ്‌നേഹ സാജു

പോലീസ് സ്റ്റേഷന്റെ മുറ്റത്തേക്ക് ജീപ്പ് വന്നു നിന്നു. ജീവൻ ജീപ്പ് നിർത്തിയതും കോഡ്രൈവിംഗ് സീറ്റിലെ ഡോർ തുറന്നുകൊണ്ട് അഗ്നി പുറത്തേക്ക് ഇറങ്ങി. പുറത്തിറങ്ങി പെട്ടന്ന് തന്നെ വണ്ടിയുടെ പുറകിലേക്ക് വന്ന് പുറകിലെ ഡോർ വലിച്ച് തുറന്ന് അഗ്നി സക്കറിയയെ പിടിച്ച് വലിച്ച് പുറത്തേക്ക് ഇറക്കി സ്റ്റേഷനിന്റെ അകത്തേക്ക് കയറി. അഗ്നി പറഞ്ഞതനുസരിച്ച് ഗിരി സക്കറിയയെ പിടിച്ച് ചോദ്യം ചെയ്യാനുള്ള റൂമിലേക്ക് കയറ്റാൻ തുടങ്ങി. ഗിരി പിടിച്ചത് ഇഷ്ടപ്പെടാതെ സക്കറിയ ഗിരിയെ പിടിച്ച് പുറകിലേക്ക് തള്ളി. പ്രതീക്ഷിക്കാതെയുള്ള തള്ളൽ ആയതിനാൽ ഗിരി ബാലൻസ് കിട്ടാതെ അഗ്നിയുടെ ദേഹത്തേക്ക് പോയി വീണു. അഗ്നി പെട്ടന്ന് തന്നെ ഗിരിയെ വീഴാതെ താങ്ങി നിർത്തി എന്നിട്ട് മുന്നിലേക്ക് വന്ന് സക്കറിയയുടെ കവിളടക്കി ഒരു പൊത്ത് വെച്ചുകൊടുത്ത് കഴുത്തിൽ കുത്തി പിടിച്ച് കാലിൽ ബൂട്ടിട്ട് ആഞ്ഞൊരു ചവിട്ടും കൊടുത്തു. " പ്പാ, നായേ പോലീസുകാരെ കൈവെക്കുന്നോ ഇനിയും കിടന്ന് തിളച്ചാൽ നിന്റെ അടിനാഭി ഞാൻ ചവിട്ടി കലക്കും.

അഗ്നി ദേഷ്യത്തിൽ സക്കറിയയെ പിടിച്ച് ചോദ്യം ചെയ്യുന്ന റൂമിലേക്ക് കയറ്റി അവിടെ കിടക്കുന്ന കസേരയിലേക്ക് ഒറ്റ തള്ളായിരുന്നു. കസേരയിൽ തട്ടി സക്കറിയ നിലത്തേക്ക് വീണു. അത്‌ കണ്ട് അയാളെ പിടിച്ചെഴുന്നേൽപ്പിക്കാൻ ഓടിയെത്തിയ ശരവണനെ ദേഷ്യത്തിൽ നോക്കിക്കൊണ്ട് അഗ്നി പറഞ്ഞു. " എങ്ങോട്ടാടാ നീ ഈ ഓടി പാഞ്ഞു ചെല്ലുന്നേ വീണിട്ടുണ്ടെങ്കിൽ എഴുന്നേൽക്കാനും അയാൾക്ക് പറ്റും. പിന്നെ മുതലാളിയും ശിങ്കിടിയും സ്റ്റേഷനു പുറത്ത് കേട്ടൊടാ. " ശരവണാ വേണ്ടടാ ഇത് ഞാനും ACP സാറും തമ്മിലുള്ള പ്രശ്‌നമാ, നീ അടങ്ങി നിൽക്ക്. ശരവണനെ അടക്കി നിർത്തികൊണ്ട് സക്കറിയ പറഞ്ഞതും. അത്‌ കേട്ട് അയാളെ സങ്കടത്തോടെ ഒന്നു നോക്കിയിട്ട് അടങ്ങി നിന്നു ശരവണൻ. " അത്‌ തന്നെ അവനോട് അടങ്ങി നിൽക്കാൻ പറഞ്ഞേരെ ഇല്ലെങ്കിൽ എന്റെ കൈയ്ക്ക് പണിയാകും. ആ അതൊക്കെ അവിടെ നിൽക്കട്ടെ സക്കറിയ മൊതലാളിയെ എന്നാ പറഞ്ഞോ കഴിഞ്ഞ ദിവസം മരിച്ച ശ്രീക്കുട്ടി എന്ന പെൺകുട്ടിയെ അറിയോ, ഈ സെക്സ് റാകറ്റുമായി തനിക്ക് എന്താ ബന്ധം.

പിന്നെ ഈ AJ ആരാ പറയടോ. " ഹ.. ഹ.. ഹ.. ACP സാറെ ഒരുപാട് ചോദ്യങ്ങൾ ഉണ്ടല്ലോ എന്നാലേ ഈ ചോദ്യങ്ങൾക്കുള്ള ഉത്തരം എന്റെ വായിൽ നിന്ന് കിട്ടാൻ നിങ്ങള് കുറച്ച് വിയർക്കുല്ലോ. " മൊതലാളിയെ വാശിയാണോ. " മോനെ പോലീസേ ഈ ചെറു പ്രായത്തിലെ പണി വാങ്ങി കൂട്ടണോ. ഇനിയിപ്പോ എന്നേ നിങ്ങൾ തല്ലി കൊന്നാലും എന്റെ വായിൽ നിന്ന് ഒന്നും പുറത്ത് വരില്ല. എന്നെ നീയൊക്കെ എന്ത് ചെയ്താലും നിന്നെ ഒക്കെ തീർക്കാൻ അവൻ വരും AJ. അതോടെ തീരും നിന്റെയൊക്കെ ഈ തിളപ്പ്. സക്കറിയ വീറോടെ കസേരയിലേക്ക് ഇരുന്നുകൊണ്ട് ചീറ്റ പുലിയെ പോലെ ചീറി. അത്‌ കേട്ടതും അഗ്നി അയാളുടെ തല കസേരയിലേക്ക് ഇടിച്ചു. സക്കറിയയുടെ നെറ്റി പൊട്ടി ചോര പൊടിയാൻ തുടങ്ങി അത്‌ കണ്ട് ശരവണൻ ദേഷ്യത്തിൽ അഗ്നിയോട് പറഞ്ഞു. "സാറെ വേണ്ട മതിയാക്കിക്കോ ഇല്ലെങ്കിൽ താൻ പിന്നെ ജീവനോടെ ഉണ്ടാകില്ല. അവനെ നോക്കി ഒന്നു പുച്ഛിച്ചു ചിരിച്ചിട്ട് ജീവനോടായി അഗ്നി പറഞ്ഞു. " ജീവാ ശരവണനെ ലോക്കപ്പ് ചെയ്യ് എനിക്ക് സക്കറിയ മൊതലാളിയെ മാത്രമായി ഒന്നു ചോദ്യം ചെയ്യണം.

അത്‌ കേൾക്കെ ജീവൻ പെട്ടന്ന് തന്നെ ശരവണനെ പിടിച്ച് വലിച്ചുകൊണ്ട് പുറത്തേക്ക് കൊണ്ടുപോയി. അവർ പോയതും അഗ്നി സക്കറിയയെ നോക്കി കൊണ്ട് പറഞ്ഞു. " തന്നെ കൊന്നിട്ടാണെങ്കിലും എനിക്ക് അറിയാനുള്ളതെല്ലാം പറയിച്ചിരിക്കും ഞാൻ. പറയടോ സെക്സ് റാകറ്റുമായി തന്റെ ബന്ധം എന്താടോ, AJ അവൻ ആരാ പറയാൻ. " എടാ കൊച്ചനെ നീ എന്ത് പറഞ്ഞാലും ഒന്നും ഞാൻ പറയാൻ പോകുന്നില്ല. പിന്നെ ആവേശത്തിൽ നീ ചെയുന്നത് എല്ലാം തിരിച്ച് തന്നിരിക്കും ഈ സക്കറിയ. അഗ്നിയെ നോക്കി പുച്ഛിച്ചു കൊണ്ട് സക്കറിയ പറഞ്ഞതും അഗ്നിയുടെ മുഖം ദേഷ്യത്തിൽ വലിഞ്ഞു മുറുകാൻ തുടങ്ങി അതിന്റെ പ്രതിഫലം എന്നോണം അഗ്നി സക്കറിയക്ക് അടുത്തേക്ക് പാഞ്ഞു ചെന്ന് അയാളുടെ കഴുത്തിന് കുത്തിപിടിച്ച് ഭിത്തിയോട് ചേർത്തു. സക്കറിയ ശ്വാസം കിട്ടാതെ പിടയാൻ തുടങ്ങി അത്‌ കണ്ടിട്ട് പോലും കലി തീരാതെ അഗ്നി സക്കറിയയെ പിടിച്ച് തള്ളി. അഗ്നിയുടെ തള്ളലിൽ സക്കറിയ നിലത്തേക്ക് വീണു ഉടൻ തന്നെ അഗ്നി ബൂട്ടിട്ട കാലുകൊണ്ട് അയാളുടെ കൈ ചവിട്ടി ആരക്കാൻ തുടങ്ങി.

" ച്ചി പറയടോ ഇല്ലെങ്കിൽ പോലീസ് മുറകൊണ്ട് തന്റെ വാരിയെല്ല് ഞാൻ ഓടിക്കും. എന്നിട്ടും ഒന്നും പറയാതെ നോക്കി പുച്ഛിച്ചു നിൽക്കുന്ന സക്കറിയയെ കണ്ട് അഗ്നിക്ക് പിന്നെയും കലി കയറി അവൻ ഒന്നുകൂടി ബൂട്ട് കൈയിലേക്ക് അമർത്തി. സക്കറിയ വേദനകൊണ്ട് പിടയാൻ തുടങ്ങി. " ഹാ... എന്നിട്ടും അടങ്ങാൻ തയാറാകാത്ത അഗ്നിയെ ഗിരി വന്ന് പിടിച്ച് മാറ്റി പുറത്തേക്ക് കൊണ്ടു പോയി. " ഗിരി വിടടോ എന്നേ ഇന്ന് തന്നെ അവനെ കൊണ്ട് പറയിക്കും ഞാൻ. അവന്റെ അഹങ്കാരം ഞാൻ മാറ്റികൊടുക്കും. " സാറ് ഒന്ന് അടങ്ങ് ഇങ്ങനെ അയാളെ ഉപദ്രവിച്ചാൽ അയാള് ചത്തു പോകില്ലേ. " ചാവട്ടെടോ ഇവനെ പോലുള്ളവർ എന്തിനാ ഈ ഭൂമിക്ക് ഭാരമായി ഇനിയും ജീവിക്കുന്നത്. " സാറ് പറഞ്ഞതൊക്കെ നേരുത്തന്നെയാ പക്ഷെ അവൻ ഇപ്പൊ ജീവിച്ചിരിക്കേണ്ടത് നമ്മുടെ ആവശ്യമാണ് സാറ് ഈ കേസ് തെളിയിക്കണോങ്കിൽ അയാള് വാ തുറക്കണം. " മ്മ്, ഇനി ഒരു പെൺകുട്ടി പോലും കൊല ചെയ്യ പെടാൻ പാടില്ല. ഇന്നത്തോടെ എല്ലാം പുറത്ത് വരണം. " പക്ഷെ സാറ് ഇപ്പൊ തന്നെ അവന്റെ വക്കിൽ പുറപ്പെട്ട് കാണും.

അവൻ പുറത്തിറങ്ങിയാൽ സാർ ഒന്നു സൂക്ഷിക്കണം സാറിനോട് അവന് നല്ല ദേഷ്യം കാണും. " എനിക്ക് ആരെയും പേടിയില്ല ഗിരി പക്ഷെ എനിക്ക് എന്തേലും പറ്റുന്നതിന് മുന്നേ ഞാൻ അവന്മാരെ കുടുക്കിയിരിക്കും. ഇനി ഒരു പെൺകുട്ടിക്ക് പോലും ഒന്നും സംഭവിക്കാൻ പാടില്ല. " മ്മ്, സാർ എന്നാലും ശ്രദ്ധിക്കണം. " ഗിരി ഞാൻ ക്യാബിനിലേക്ക് പോകുവാ സക്കറിയയെ ലോക്കപിലേക്ക് മാറ്റിയേക്ക്. കുറച്ച് നേരം അയാള് ഒന്നു വിശ്രമിക്കട്ടെ എന്നിട്ട് എനിക്ക് അവനെ ഒന്നുകൂടി കാണണം. " ശരി സാർ. ഗിരിയോട് പറഞ്ഞിട്ട് അഗ്നി ക്യാബിനിലേക്ക് പോയി അതിനു പുറകെ തന്നെ ഗിരി സക്കറിയക്ക് അടുത്തേക്ക് ചെന്ന് അയാളെ പിടിച്ച് ലോക്കപ്പ് ചെയ്തിരുന്നു. സക്കറിയ നന്നായി ക്ഷീണിച്ചിരുന്നു അതുകൊണ്ട് തന്നെ അയാള് ലോക്കപ്പിനകത്തേക്ക് തളർന്നിരുന്നു. അയാളുടെ ഇരിപ്പ് കണ്ട് സങ്കടത്തോടെ ശരവണൻ അയാൾക്കടുത്തേക്ക് ചെന്നിരുന്നു. സക്കറിയ തല ഉയർത്തി ഒന്നു നോക്കി. " മൊതലാളി ഒത്തിരി വേദനിച്ചോ. " ശരവണാ നീ ഇങ്ങനെ വിഷമിക്കാതെ എനിക്ക് വേദന ഒന്നും ഇല്ലടാ.

ഉള്ളിലെ പകയുടെ കനൽ ആളികത്തുന്നെ ഉള്ളു അവനെ ഇനി ഞാൻ വെറുതെ വിടില്ല ഇവിടന്ന് ഒന്ന് പുറത്ത് ഇറങ്ങിക്കോട്ടെ അവനുള്ള മറുപടി കൊടുക്കുന്നുണ്ട്. " അത്‌ വേണം മുതലാളി ഇനിയും അവനെ ഇങ്ങനെ വിട്ടാൽ ശരിയാകില്ല അറിയിച്ചു കൊടുക്കണം മൊതലാളി ആരാണെന്ന്. " മ്മ്, അല്ല ശരവണാ നീ വ‌ക്കിലിനെ വിളിച്ചിരുന്നില്ലേ അയാള് ഇതുവരെ എത്തിയില്ലലോ. " വന്നിട്ടുണ്ടാകും മൊതലാളി. ....................... ❤️❤️...................... അഗ്നി ക്യാബിനിൽ ടേബിലേക്ക് തല വെച്ചിരിക്കുവായിരുന്നു ദേഷ്യം അപ്പോളും മാറിയിരുന്നില്ല അഗ്നിക്ക്. ഫോൺ ബെല്ലടിക്കുന്ന ശബ്ദം കേട്ടാണ് അഗ്നി തല ഉയർത്തി നോക്കിയത് പെട്ടന്ന് തന്നെ ഫോൺ എടുത്ത് ചെവിയോട് ചേർത്തു. ഫോണിൽ SP ജയശങ്കരൻ ആയിരുന്നു. " ഹലോ. " ഹാ അഗ്നി എന്തായി കാര്യങ്ങൾ, സക്കറിയയെ ചോദ്യം ചെയ്തോ. " സാർ ചോദ്യം ചെയ്തു പക്ഷെ അവൻ ഒന്നും പറയുന്നില്ല. " അങ്ങനെ ഒന്നും വാ തുറക്കില്ലടോ അവൻ കാരണം അവനും AJ യും തമ്മിലുള്ള ഒരു കോൺട്രാക്ട് അല്ലെ അപ്പൊ അത്ര പെട്ടെന്നൊന്നും പറയില്ല. " അത്‌ എനിക്കും മനസിലായി സാർ പക്ഷെ ഞാൻ അവനെ കൊണ്ട് പറയിച്ചിരിക്കും ഇനി അവനെ കൊല്ലേണ്ടി വന്നാൽ പോലും.

" അഗ്നി നീ വെറുതെ എടുത്ത് ചാടി ഒന്നും ചെയ്യാൻ നിൽക്കണ്ട അവൻ ജീവനോടെ വേണം എന്നാലേ കേസ് തെളിക്കാൻ പറ്റു അത്‌ മറക്കരുത്. പിന്നെ അവന്റെ ശിങ്കിടികൾ അവിടെ ഇല്ലേ അവരെ ചോദ്യം ചെയ്ത് നോക്ക് എന്തേലും കിട്ടും. " മ്മ്, അവരെ ജീവൻ ചോദ്യം ചെയ്തിരുന്നു അങ്ങനെയാണ് ഈ പെൺകുട്ടിയുടെ മരണത്തിൽ അവർക്ക് പങ്കുണ്ടെന്ന് മനസിലായത്. " അഗ്നി നീ ഒന്നു സൂക്ഷിക്കണം കേട്ടോ അവർക്ക് ഇപ്പൊ നിന്നോട് അവർക്ക് ദേഷ്യം കൂടിയിട്ടുണ്ട്. " മ്മ്, എന്നാ ശരി സാർ. ജയശങ്കരൻ വിളിച്ച് വെച്ചപ്പോളേക്കും അഗ്നി ഒരു ദീർഘ നിശ്വാസത്തോടെ കസേരയിലേക്ക് ചാരിയിരുന്നു പെട്ടെന്നാണ് ജീവൻ അങ്ങോട്ട് വന്നത്. " may i comming sir. " കയറി വാ ജീവൻ. ജീവൻ അഗ്നിയെ സല്യൂട്ട് ചെയ്ത് അകത്തേക്ക് കയറി വന്നു. " ജീവൻ എന്താടോ. " സാർ സക്കറിയ എന്തേലും പറഞ്ഞോ. " ഇല്ലെടോ അവൻ വാ തുറന്ന് ഒരക്ഷരം പറയുന്നില്ല പറയിക്കാൻ എനിക്ക് അറിയാഞ്ഞിട്ടല്ല പക്ഷെ അയാള് ഇപ്പൊ ജീവിച്ചിരിക്കേണ്ടത് നമ്മുടെ ആവശ്യമാ. " അതും നേരാ സാർ. " അല്ല ജീവൻ ശരവണൻ വല്ലോം പറഞ്ഞോ. "

എന്ത് പറയാൻ അവർക്ക് AJ കുറിച്ച് ഒന്നും അറിയില്ലെന്ന് അയാളും മുതലാളിയും തമ്മിലാ പരിചയമെന്ന്. " മ്മ്, ജീവൻ എന്തിനാ വന്നത് എന്തേലും പറയാൻ ഉണ്ടോ. " ഓ വന്ന കാര്യം മറന്നു സാർ സക്കറിയയുടെ വക്കിൽ വന്നിട്ടുണ്ട്. " ഓ എത്തിയോ അവനെയൊക്കെ പിടിച്ചോണ്ട് വന്നിട്ട് അരമണിക്കൂർ തികച്ചായില്ല അപ്പോളേക്കും വന്നു കറുത്ത ഗൗണും പൊതച്ച് ഓരോന്നുങ്ങൾ, മറ്റാരെങ്കിലും ഉണ്ടോ അവന്റെ കൂടെ. " വേറെ ആരുമില്ല സാർ. " എന്നാ അവനെ ഇങ്ങോട്ടേക്ക് വിളിച്ചോണ്ട് വാ. അഗ്നി ശബ്ദം കടുപ്പിച്ചോണ്ട് പറഞ്ഞു ജീവൻ പെട്ടെന്നു തന്നെ പോയി വക്കിലിനെ കൂട്ടികൊണ്ട് വന്നു. " നമസ്കാരം സാർ. " നമസ്കാരം ഇരിക്ക്. " താങ്ക്യൂ സാർ. " ആ പറ വക്കിലെ എന്തിനാ വന്നത്. " സാർ എന്താ ഒന്നും അറിയാത്ത പോലെ സംസാരിക്കുന്നെ ഞാൻ സക്കറിയ മൊതലാളിയെയും ആളുകളെയും ജാമ്യത്തിൽ ഇറക്കാൻ വന്നതാ. "ഓഹോ അപ്പൊ അങ്ങനെയാണ് കാര്യങ്ങൾ. ജാമ്യം തരാൻ ഞാൻ ഒരുക്കമല്ലങ്കിലോ വക്കിലെ. " സാറെ വെറുതെ ഒരു പ്രശനം ഉണ്ടാക്കാൻ നിൽക്കണോ അവർക്കുള്ള മുൻകൂർ ജാമ്യം എന്റെ കൈയിൽ ഉണ്ട് ഇനി അതും പോരെങ്കിൽ സാറിന്റെ മേലുദ്ധോഗസ്ഥനെ കൊണ്ട് വിളിപ്പിക്കാം. " എന്താടോ മേലുദോഗസ്ഥന്ന് പറഞ്ഞ് താൻ എന്നേ പേടിപ്പിക്കുവാണോ.

എന്നാലേ താൻ ഒന്നു മനസിലാക്കിക്കോ ആരെന്ത് പറഞ്ഞാലും അവരെ വിടണോന്ന് എനിക്ക് തോന്നിയാൽ ഞാൻ വിടു. അഗ്നി വക്കിലിനെ ദേഷ്യത്തിൽ നോക്കിക്കൊണ്ട് പറഞ്ഞിട്ട് തിരിഞ്ഞ് ജീവനോടായി പറഞ്ഞു. " ജീവാ അവരെ ഇങ്ങോട്ട് കൊണ്ടുവാ. ജീവൻ പോയി സക്കറിയായേം ശരവണനേം വടിവാളിനേം മറ്റുള്ളവരേം അങ്ങോട്ടേക്ക് കുട്ടികൊണ്ട് വന്നു. സക്കറിയയെ കണ്ട് അയാളുടെ ശരീരത്തിലെ മുറിവുകൾ നോക്കി വക്കിൽ അഗ്നിയോട് പറഞ്ഞു. " എന്റെ കക്ഷികളെ എന്ത് തെളിവിന്റെ അടിസ്ഥാനത്തിലാണ് ഇവിടെ കൊണ്ടുവന്ന് ഇങ്ങനെ തല്ലിച്ചതച്ചത്. " വക്കിലെ വേണോങ്കിൽ ഇവരെ വിളിച്ചോണ്ട് പോകാൻ നോക്ക് കൂടുതൽ അറിയാൻ നിന്നാൽ പോക്ക് നടക്കില്ല. " എന്താ ACP സാറെ ഭീക്ഷണിയാണോ, എന്നാലേ അറിഞ്ഞിട്ടേ പോകുന്നുള്ളൂ. " താൻ എന്താടോ എന്നേ ചോദ്യം ചെയ്യാൻ വരുവാണോ വാദ പ്രതിവധങ്ങൾ ഓക്കേ അങ്ങ് കോടതിയിൽ മതി. പിന്നെ താൻ ചോദിച്ചില്ലേ എന്ത് തെളിവാണെന്ന് ഇവരെ അറസ്റ് ചെയ്തത് വ്യക്തമായ തെളിവോട് കുടിതന്നെയാ പിന്നെ ഇപ്പൊ ജാമ്യത്തിൽ വിടുന്നത് താൻ നീട്ടിയ ഈ തുണ്ട് പേപ്പർ കണ്ടിട്ടൊന്നുമല്ല. ഈ സക്കറിയ മൊതലാളിയെ പൂട്ടാനുള്ള പൂട്ട് കുറച്ചൂടെ മുറുക്കാനുണ്ട് അതിനുള്ള സമയത്തിനാ.

അത്‌ കഴിയുമ്പോൾ ഞാൻ ഒന്നുടെ വരും. എന്നാൽ പോകാൻ നോക്ക് വക്കിലെ ഇനിയും നിന്നാൽ ചിലപ്പോൾ എനിക്ക് നിങ്ങളെ പറഞ്ഞയക്കാൻ തോന്നില്ല. വക്കില് പെട്ടന്ന് തന്നെ അവരേം കൂട്ടി പുറത്തേക്ക് ഇറങ്ങി എല്ലാംവരും പോയിട്ടും പോകാതെ നിൽക്കുന്ന സക്കറിയയെ കണ്ടുകൊണ്ട് അഗ്നി ചോദിച്ചു. " എന്തെ പോകുന്നില്ലേ. " ACP സാറെ സക്കറിയ ഇപ്പൊ പോകുവാ ഇന്നവരെ ഒരുത്തനും എന്റെ നേരെ മുഖമുയർത്തി നോക്കിട്ട് പോലുമില്ല പക്ഷെ ഇന്ന് എന്നേ സാറ് തല്ലാൻ കാണിച്ച ആ തന്റേടം ഉണ്ടല്ലോ അത്‌ എനിക്ക് ഇഷ്ടായി. അല്ലേലും ഒപ്പത്തിനൊപ്പം നിന്ന് പോരാടുന്ന ശത്രുനെ എനിക്ക് വലിയ ഇഷ്ടാ. " എന്താ മൊതലാളിയെ പേടിപ്പിക്കുവാണോ. " ഹ.. ഹ.. ഹ. എനിക്ക് നേരെ വിരൽ ചുണ്ടിയ ആരും ഇന്ന് ജീവനോടെ ഇല്ല ആ എന്റെ നേരെ ഇന്ന് നിന്റെ കൈ ഉയർന്നു അത്‌ ഈ സക്കറിയ ക്ഷമിക്കില്ല ഓർത്ത് വെച്ചോ കലാശ കൊട്ട് തുടങ്ങുവാ ഇനി നമ്മളിൽ ഒരാൾ മതി. " i am waiting. സക്കറിയയെ നോക്കി പുച്ഛിച്ച് ചിരിച്ചുകൊണ്ട് അഗ്നി പറഞ്ഞു. അത്‌ കൺകെ അവനെ ദേഷ്യത്തിൽ നോക്കിക്കൊണ്ട് സക്കറിയ പുറത്തേക്ക് നടന്നു എന്നിട്ട് വാതിൽക്കൽ എത്തിയിട്ട് തിരിഞ്ഞു നോക്കിക്കൊണ്ട് പറഞ്ഞു. " നിന്റെ മുഖത്തെ ഈ ചിരിയുണ്ടല്ലോ അത്‌ ഞാൻ മാറ്റും കാത്തിരുന്നോ....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...