💞 അഗ്നിസാക്ഷി 💞: ഭാഗം 25

എഴുത്തുകാരി: സ്‌നേഹ സാജു

സക്കറിയ സ്റ്റേഷനിൽ നിന്ന് ഇറങ്ങി പോയതും അഗ്നിക്ക് ദേഷ്യം അടക്കാൻ കഴിയുന്നില്ലായിരുന്നു അവൻ ദേഷ്യത്തിൽ മുഷ്ടി ചുരുട്ടി ഭിത്തിയിലേക്ക് അഞ്ഞിടിച്ചു. കൈ വിരലുകളിൽ നിന്നും രക്തം പൊടിഞ്ഞിട്ടുപോലും കൂട്ടാക്കാതെ പിന്നെയും പിന്നെയും ഭിത്തിയിലേക്ക് ഇടിച്ചുകൊണ്ടിരുന്നു. പെട്ടന്ന് തന്നെ ഗിരിയും ജീവനും അവനെ പിടിച്ചു മാറ്റി കസേരയിലേക്ക് ഇരുത്തി. " എന്താ സാർ ഈ കാണിക്കുന്നേ, ദേ നോക്കിയേ കൈയിൽനിന്ന് രക്തം വരുന്നുണ്ട്. അഗ്നിയെ നോക്കി പറഞ്ഞു കൊണ്ട് ജീവൻ ഗിരിക്ക് നേരെ തിരിഞ്ഞിട്ട് പറഞ്ഞു. " ഗിരി ഫസ്റ്റഡ്‌ ബോക്സ്‌ എടുത്തിട്ട് വാ. ഗിരി ജീവനെ നോക്കി തലയാട്ടി പുറത്തേക്ക് പോയി ഫസ്റ്റഡ്‌ ബോക്സുമായി തിരികെ വന്നു എന്നിട്ട് അഗ്നിയുടെ കൈയിൽ മരുന്ന് വെക്കാൻ തുടങ്ങി. " എന്തിനാ സാർ ഇത്രയും ദേഷ്യം. " എന്നാലും അവൻ നമ്മുടെ കൈയിൽ നിന്ന് മിസ്സ്‌ ആയല്ലോ. ഇന്നത്തോടെ എല്ലാം പറയിക്കായിരുന്നു ഒന്നും നടന്നില്ലലോ. " സാർ ഇങ്ങനെ തളരാതെ നാളെ സാറും SP സാറും കൂടി മന്ത്രിയെ ഒന്നു കൂടി കാണാൻ പോകുന്നില്ലേ കേസിന്റെ ഡീറ്റെയിൽസ് കൈ മാറാൻ. അതുകൊണ്ട് നാളത്തോടെ അവനെ നമ്മുക്ക് എന്നന്നേക്കുമായി പൂട്ടാൻ പറ്റും സാർ. " അത്‌ തന്നെയാ ജീവൻ എന്റെ മനസിലും.

ആ പിന്നെ ജീവൻ ഹോസ്പിറ്റലിൽ ആക്കിയ അവന്റെ ആളുകൾക്ക് എങ്ങനെ ഉണ്ട്. " കുഴപ്പമില്ല സാർ. " അവന്മാരെ ചോദ്യം ചെയ്യണം എന്തേലും വീഴാതിരിക്കില്ല. " മ്മ്, നോക്കാം സാർ. " എന്നാൽ ഞാൻ ഇറങ്ങുവാ എന്തേലും ഉണ്ടേൽ വിളിച്ചേരെ കേട്ടോ. ഗിരി ആ കുട്ടിയുടെ പോസ്റ്റ്മോട്ടം റിപ്പോർട്ട്‌ ഒന്നുകൂടി നോക്കണം, പെൺകുട്ടിയുടെ വീട്ടുകാരുമായി ഒന്നു സംസാരിക്കണം എന്തേലും ആസ്വഭാവികമായി ഉണ്ടെങ്കിൽ അറിയിക്കണം. " സാർ അതിനു പിന്നിൽ സക്കറിയ ആണെന്ന് വ്യക്തമല്ലേ പിന്നെയും എന്തിനാ. " വേണം ഗിരി സക്കറിയയെ മാത്രം കിട്ടിയിട്ട് കാര്യമില്ല അവന്റെ മുകളിലുള്ളവൻ AJ അവനെയാണ് നമ്മുക്ക് വേണ്ടത്. " ഓക്കേ സാർ ഞാൻ അനേഷിക്കാം. " എന്നാ ഞാൻ ഇറങ്ങുവാ. അഗ്നി അവരോട് പറഞ്ഞുകൊണ്ട് വീട്ടിലേക്ക് ഇറങ്ങി അഗ്നി ഏല്പിച്ച കാര്യങ്ങൾ നടത്താൻ അവർ ഓരോ സ്ഥലത്തേക്കും പോയി. ........................❤️❤️........................ അഗ്നി വീട്ടിലേക്ക് വരുമ്പോൾ ചന്ദ്രശേഖരനും പത്മവും സ്വീകരണ മുറിയിൽ ഇരുന്ന് ടീവി കാണുവായിരുന്നു. അഗ്നി പതിയെ അവർക്കടുത്തേക്ക് നടന്നു ചെന്ന് സെറ്റിയിൽ ഇരുന്ന പത്മത്തിന്റെ മടിയിൽ തല വെച്ച് കിടന്നു. അഗ്നിയുടെ പെട്ടെന്നുള്ള നീക്കത്തിൽ അവർ ഒന്നു പേടിച്ച് പോയെങ്കിലും അവനാണെന്ന് അറിഞ്ഞതോടെ പത്മത്തിന്റെ കൈകൾ അവന്റെ തലയിലൂടെ തഴുകാൻ തുടങ്ങി.

അഗ്നിയുടെ പതിവില്ലാത്ത കിടപ്പ് കണ്ടുകൊണ്ട് ചന്ദ്രശേഖരൻ അവനോട് ചോദിച്ചു. " എന്താ അഗ്നി നിനക്ക് പറ്റിയത്. " ഒന്നുല്ല അച്ഛാ. " അല്ല എന്തോ പറ്റിട്ടുണ്ട് നീ കാര്യം പറ മോനെ. അച്ഛന്റെ മുന്നിൽ അധികം പിടിച്ചു നിൽക്കാൻ പറ്റിയില്ല നടന്നതെല്ലാം അഗ്നി അവരോട് പറഞ്ഞു. അഗ്നി പറയുന്നത് ഓരോന്ന് കേട്ട് പേടിയോടെ പത്മം പറഞ്ഞു. " എന്റെ ദൈവമേ ഇനി എന്തൊക്കെ ഉണ്ടാകുവോ എന്തോ. മോനെ അയാള് വെറുതെ ഇരിക്കില്ല നിന്നെ എന്തേലും ചെയ്താലോ അഗ്നി. " എന്റെ പത്മം താൻ ഒന്നു മിണ്ടാതെ ഇരിക്ക് മോൻ അവന്റെ ഡ്യൂട്ടി അല്ലെ ചെയ്തത്, അല്ലെങ്കിലും അവനെ പോലുള്ളവർക്ക് ഇങ്ങനെ തന്നെയാ വേണ്ടത്. " അങ്ങനെ അങ്ങോട്ട് പറഞ്ഞുകൊടുക്ക് അച്ഛാ ഈ അമ്മക്ക് വെറുതെ പേടിച്ചിരിക്കാൻ മാത്രമേ അറിയൂ. " എന്നാലും ശ്രദ്ധിക്കണം അഗ്നി, അവൻ വിഷം ചീറ്റുന്ന പാമ്പാ എപ്പോൾ വേണേലും കോതാം. " നാളെ ഒരു ദിവസം കൂടി ഉള്ളു അച്ഛാ അവന്റെ ഈ വിളച്ചിൽ. അവനെ എന്നന്നേക്കുമായി ഞാൻ പൂട്ടിയിരിക്കും. " അഗ്നി എന്താ നിന്റെ പ്ലാൻ. " അച്ഛാ നാളെ കേസിന്റെ ഫൈനൽ റിപ്പോർട്ട്‌ മന്ത്രിക്ക് കൈമാറാൻ പോകുവാ അത്‌ കഴിഞ്ഞിട്ട് സക്കറിയയെ പൂട്ടാൻ ഉള്ള വഴിയും കണ്ടെത്തണം. " മ്മ് അത്‌ വേണം അഗ്നി അവനെ പോലുള്ളവർ ഇനിയും ഇവിടെ വിലസാൻ പാടില്ല.

പെൺകുട്ടികളും പേടി കൂടാതെ ജീവിക്കട്ടെ. " അച്ഛാ ഒന്നു ഞാൻ പറയാം എന്റെ ജീവൻ പോയാലും അതിന് ഒരു മിനിറ്റ് മുൻമ്പെങ്കിലും അവന്മാരെ ഞാൻ തീർത്തിരിക്കും. പെണ്ണിനെ കാമം തീർക്കാനും വില്പ്പന ചരക്കാക്കാനും ഉപയോഗിക്കുന്നവന്മാർ ഒന്നും ജീവിച്ചിരിക്കാൻ പാടില്ല തീർക്കും ഞാൻ. " അഗ്നി മോനെ സൂക്ഷിക്കണം എടുത്തുചാടി ഒന്നും ചെയ്യരുത് ഞങ്ങൾക്ക് നീയെ ഒള്ളൂ. " അച്ഛൻ പേടിക്കണ്ട എനിക്ക് ഒന്നും സംഭവിക്കില്ല അവന്മാരുടെ വിധി എഴുതാൻ ഈശ്വരൻ നിയോഗിച്ചിരിക്കുന്നത് എന്നെയാ. അത്രയും പറഞ്ഞുകൊണ്ട് അഗ്നി സ്റ്റെപ് കയറി മുകളിലേക്ക് പോയി. അവൻ കയറി പോകുന്നത് നോക്കി നിന്നിട്ട് പത്മം ചന്ദ്രശേഖരനോട്‌ പറഞ്ഞു. " ചന്ദ്രേട്ടാ നമ്മുടെ മോൻ അവന് എന്തേലും പറ്റുമോ. " പത്മം താൻ ഇങ്ങനെ പേടിക്കാതെ അവന് ഒന്നും സംഭവിക്കില്ല. അവർ സംസാരിക്കുന്നതെല്ലാം അടുക്കളയുടെ വാതിൽക്കൽ നിന്ന് സാക്ഷി കേൾക്കുന്നുണ്ടായിരുന്നു. എന്തെന്നില്ലാത്ത ഒരു പേടി അവളെ വന്നു മൂടുന്നത് അവൾ അറിഞ്ഞു. കണ്ണുകൾ ഇറുക്കി അടച്ച് ഒരു ദീർഘ നിശ്വാസം എടുത്ത് സാക്ഷി അവർക്കടുത്തേക്ക് നടന്നു.

സാക്ഷിയെ കണ്ടതോടെ പത്മവും ചന്ദ്രശേഖരനും അവരുടെ സംസാരം നിർത്തി. " അല്ല രണ്ടുപേരും കൂടി എന്താ ഒരു ചർച്ച. " ഒന്നുല്ല മോളെ ഞങ്ങൾ വെറുതെ ഓരോന്ന് പറഞ്ഞിരിക്കുവായിരുന്നു. " ആഹാ എന്നാ ദാ ചായ കുടിക്ക് എന്നിട്ട് പറഞ്ഞോണ്ടിരിക്ക്. സാക്ഷി അവർക്ക് ചായ കപ്പ് നീട്ടികൊണ്ട് പറഞ്ഞു അവളെ നോക്കി പുഞ്ചിരിച്ചോണ്ട് അവർ ചായ കപ്പ് എടുത്ത് ചുണ്ടോട് ചേർത്തു. സാക്ഷി അത്‌ നോക്കി ചിരിച്ചോണ്ട് തിരിഞ്ഞു നടന്നു പെട്ടന്ന് തന്നെ പത്മം അവളെ വിളിച്ചു. " മോളെ. " എന്താമ്മേ. " അഗ്നി വന്നിട്ടുണ്ട് ഫ്രഷ് ആകാൻ പോയേക്കുവാ അവന് ഒരു ചായ കൊണ്ട് കൊടുത്തേക്ക്. " ശരിയമ്മേ. പത്മത്തിനോട് പറഞ്ഞു കൊണ്ട് സാക്ഷി അടുക്കളയിലേക്ക് പോയി അഗ്നിക്കുള്ള ചായയും എടുത്ത് മുകളിലേക്ക് നടന്നു. സാക്ഷി അഗ്നിയുടെ റൂമിനു മുന്നിലെത്തി അകത്തേക്ക് ഒന്ന് എത്തിനോക്കി. ആരെയും അകത്ത് കാണാത്തത് കൊണ്ട് അവൾ റൂം തുറന്ന് അകത്തേക്ക് കയറി. അഗ്നിയെ അവിടെയെല്ലാം നോക്കിയിട്ടും കാണുന്നില്ലായിരുന്നു. അവൾ പതിയെ റൂമിന് പുറത്തേക്ക് ഇറങ്ങി താഴേക്ക് നടക്കാൻ തുനിയുമ്പോളായിരുന്നു ടെറസിലേക്കുള്ള ഡോർ തുറന്നു കിടക്കുന്നത് കണ്ടത്.

സാക്ഷി പെട്ടന്ന് തന്നെ ടെറസിലേക്ക് കയറി അപ്പോളേ കണ്ടു ടെറസിന്റെ കൈവരിയിൽ പിടിച്ചുകൊണ്ടു എന്തോ ചിന്തിച്ചു നിൽക്കുന്ന അഗ്നിയെ. അവൾ അവനടുത്തേക്ക് ചെന്ന് താൻ വന്നത് പോലും അറിയാതെ ചിന്തിച്ചു നിൽക്കുന്ന അഗ്നിയെ കണ്ട് അവൾ പറഞ്ഞു. " ഹലോ എണ്ണി കഴിഞ്ഞോ, എത്ര എണ്ണം ഉണ്ട്. സാക്ഷിയുടെ വിളി കേട്ടാണ് അഗ്നി തിരിഞ്ഞു നോക്കിയത് എന്നാൽ അവൾ പറയുന്നത് ഒന്നും മനസിലാകാതെ അവൻ അവളെ മിഴിച്ചു നോക്കി കൊണ്ട് ചോദിച്ചു. " എന്താ സാക്ഷി പറഞ്ഞെ. " അല്ല ദേവേട്ടൻ ആകാശത്തേക്ക് നോക്കി നക്ഷത്രങ്ങളെ എണ്ണുവല്ലാഞ്ഞോ അതാ ഞാൻ ചോദിച്ചേ എത്ര എണ്ണം ഉണ്ടെന്ന്. ഇളിച്ചു കാണിച്ചുകൊണ്ട് പറയുന്നവളെ കണ്ണുരുട്ടി പേടിപ്പിച്ചു കൊണ്ട് അഗ്നി പൊട്ടി ചിരിക്കാൻ തുടങ്ങി അത്‌ കൺകെ സാക്ഷിയും അറിയാതെ ചിരിച്ച് പോയിരുന്നു. " ദേവേട്ടാ ഇന്നാ ചായ. " സാക്ഷി മോൻ എവിടെ, ഇവിടെ ഇല്ലേ കണ്ടില്ലലോ. കേസിന്റെ തിരക്ക് കാരണം കുഞ്ഞിനെ ഒന്നു ശ്രദ്ധിക്കാൻ പോലും പറ്റുന്നില്ല. " മോൻ ഇവിടെ ഇല്ല ദേവേട്ടാ, അർജു ഇന്ന് നേരത്തെ വന്നു അത്‌ കണ്ടപ്പോൾ അമ്മും കാശിയും കൂടി അവനെ സോപ്പിട്ട് കറങ്ങാൻ പോയേക്കുവാ. " സോറിടോ ഞാൻ ഇതൊക്കെ അറിഞ്ഞു ചെയേണ്ടതാ പക്ഷെ തിരക്ക് കാരണം ഒന്നിനും പറ്റുന്നില്ല.

" അതിന് ഇപ്പൊ എന്താ ദേവേട്ടാ, ഏട്ടന്റെ തിരക്കുകൾ എല്ലാർക്കും അറിയുന്നതല്ലേ അതുമല്ല കാശിക്ക് അവന്റെ അച്ഛയെ നന്നായിട്ട് അറിയാം കേട്ടോ. പിന്നെ എന്തോ പറയാൻ തുടങ്ങിയ സാക്ഷി ഇടക്ക് വെച്ചത് നിർത്തി അഗ്നിയെ നോക്കി അഗ്നി സംശയത്തോടെ അവളെ നോക്കി ചോദിച്ചു. " എന്താ സാക്ഷി. " ദേവേട്ടാ എനിക്ക് എന്തോ പേടിയാകുന്നു ആ സക്കറിയ ഏട്ടനെ എന്തേലും ചെയോ. എനിക്കും മോനും ഏട്ടൻ മാത്രെ ഒള്ളൂ ഇനിയും ഞാൻ ഒറ്റപ്പെട്ട് പോകുവോ ദേവേട്ടാ. കണ്ണു നിറച്ച് തന്നെ നോക്കി ചോദിക്കുന്നവളെ അഗ്നി ഇരുകൈകളാൽ ചേർത്ത് പിടിച്ച് നെറുകയിൽ ചുംബിച്ചു എന്നിട്ട് പറഞ്ഞു. " അയ്യേ എന്താടോ ഇത് താൻ ഒരു പോലീസുകാരന്റെ ഭാര്യ ആകാൻ പോകുവല്ലേ അപ്പൊ അതിന്റെതായ തന്റെടം അല്പം എങ്കിലും വേണ്ടേ ഇത് ഒരുമാതിരി കണ്ണുനീർ പരമ്പര പോലെ ഉണ്ട്. " ഒന്നു പോ ദേവേട്ടാ. ദേവന്റെ കൈക്കുള്ളിൽ നിന്നു കൊണ്ട് കുറുമ്പോട് അവനെ നോക്കി സാക്ഷി പറഞ്ഞു. അത്‌ കൺകെ അഗ്നിക്ക് അവളോട് അതിയായ വാത്സല്യം തോന്നി അവന്റെ കൈവിരലുകൾ അവളുടെ തലയിലൂടെ തലോടി. " ഇല്ലെടോ എനിക്ക് ഒന്നു സംഭവിക്കില്ല ഇനി അങ്ങനെ എന്തേലും ഉണ്ടാകുമെന്ന് കരുതി തോറ്റു പിന്മാറാൻ ഞാൻ തയാറല്ല.

എനിക്ക് എന്ത് തന്നെ വന്നാലും പെണ്ണിന് വിലയിടുന്ന അവനെ പോലുള്ളവന്മാർ ഇനി ഉണ്ടാകാൻ പാടില്ല. " ഏട്ടൻ പറയുന്നത് ഒക്കേ ശരിയാ പക്ഷെ ഏട്ടന് എന്തേലും പറ്റിയാലോ. " എനിക്ക് വേണ്ടി പ്രാർത്ഥിക്കാൻ എന്റെ പെണ്ണും കുടുംബവും ഉള്ളപ്പോൾ എനിക്ക് ഒന്നും സംഭവിക്കില്ല. അഗ്നി സാക്ഷിയെ സമാധാനിപ്പിച്ചു കൊണ്ട് അകത്തേക്ക് നടന്നു അപ്പോളും അവളുടെ മനസ് ശാന്തമായിരുന്നില്ല. ........................ ❤️❤️.................... പ്രഭാതത്തിലെ മഞ്ഞു കണങ്ങളെ തൊട്ടുണർത്തി സൂര്യൻ ഉദിച്ചുയർന്നു. ഇലകളിലും പുൽ നാമ്പുകളിലും തങ്ങി നിൽക്കുന്ന മഞ്ഞു തുള്ളികളിൽ പ്രകാശ കിരണങ്ങൾ തട്ടിയപ്പോളേക്കും അവ തിളങ്ങാൻ തുടങ്ങിയിരുന്നു അങ്ങനെ പ്രകൃതിയേ കുളിരണിയിച്ചു കൊണ്ട് ഒരു പുതിയ പ്രഭാതം കൂടി പിറവി എടുത്തു. പതിവ് പോലെ എല്ലാവരും ഡൈനിങ് ടേബിളിൽ ഒന്നിച്ചു കൂടിയതായിരുന്നു. സാക്ഷിയും പത്മവും കൂടി എല്ലാവർക്കും കഴിക്കാൻ വിളമ്പി കൊടുത്തു. " അച്ഛാ ഏട്ടൻ എവിടെ. അഗ്നിയെ കഴിക്കാൻ കാണാത്തത് കൊണ്ട് അർജു ചന്ദ്രശേഖരനോട്‌ ചോദിച്ചു. " അർജു അവൻ ഇന്ന് നേരത്തെ പോയി എന്തോ തിരക്കുണ്ടെന്ന് പറഞ്ഞിരുന്നു. " ഈ കേസ് അനേഷണം ഏട്ടനെ ഒരുപാട് ബുദ്ധിമുട്ടിക്കുന്നുണ്ടെന്ന് തോന്നുന്നു. "

അതെ മോനെ അവന് നല്ല പ്രഷർ ഉണ്ട്, ഇന്ന് എന്തോ മീറ്റിംഗ് ഉണ്ട് അതാ നേരത്തെ പോയെ. " മ്മ്, അല്ല സാക്ഷി ഇന്ന് നിങ്ങൾക്ക് ക്ലാസ്സ്‌ റീസ്റ്റാർട്ട് ചെയ്യുവല്ലേ പോകുന്നില്ലേ. " ആ അർജു ഇന്ന് തുടങ്ങും. അപ്പോളേക്കും ഭക്ഷണത്തിൽ കോൺസെൻട്രേറ്റ് ചെയ്തു കൊണ്ടിരുന്ന അമ്മു തല ഉയർത്തി അർജുനെ നോക്കി കൊണ്ട് പറഞ്ഞു. " കൊച്ചേട്ടാ നിനക്കെന്താ ഇന്ന് പണി മട്ടും ഭാവോം കണ്ടിട്ട് ഓഫീസിലേക്ക് പോകുന്നില്ലെന്ന് തോന്നുന്നല്ലോ. " ദേ കുരുപ്പേ മിണ്ടാതിരുന്ന് ഭക്ഷണം കഴിച്ചിട്ട് എണീറ്റ് പൊടി, നീ വെറുതെ ആൾക്കാരെ ബോധിപ്പിക്കാൻ കോളേജിലേക്ക് പോണപോലെ അല്ല മറ്റുള്ളവർ. " അച്ഛാ അച്ഛനല്ലാതെ ആരേലും ഇവനെ പിടിച്ച് ഓഫീസിൽ ഇരുത്തോ കഷ്ടം തന്നെ. " എടി എടി. അർജു അമ്മുനെ തല്ലാനായി കൈ ഉയർത്തി ചെന്നപ്പോളേക്കും കാശി അവനെ തടഞ്ഞു കൊണ്ട് ചോദിച്ചു. " ഇജു എഞ്ചിനാ അമ്മുച്ചിനെ തയ്യാൻ നോച്ചനെ. " അയ്യോ അവനും അവന്റെ ഒരു അമ്മുച്ചും. " കണ്ടോടാ ഏട്ടാ എന്നേ തൊട്ടാൽ ചോദിക്കാനും പറയാനും ആളായി. " ഉവ്വ ഉവ്വേ. അവരുടെ കളികൾ കണ്ട് മറ്റുള്ളവരും ചിരിച്ച് പോയിരുന്നു. കുറച്ച് നേരത്തെ കളിയും ചിരിയും ഭക്ഷണം കഴിപ്പും കഴിഞ്ഞ് എല്ലാവരും യാത്ര പറഞ്ഞ് പോകാൻ ഇറങ്ങി. സാക്ഷിയും അമ്മുവും അവരുടെ വണ്ടിയിലായിരുന്നു കോളേജിലേക്ക് ഇറങ്ങിയത്.

വണ്ടി ഓടിച്ചിരുന്നത് അമ്മുവായിരുന്നു പതിവിന് വിപരീദമായി സാക്ഷി അന്ന് നിശബ്ദയായിരുന്നു വണ്ടി ഓടിക്കുന്ന ഉടനീളം അമ്മുവിന്റെ ശ്രദ്ധ അതു തന്നെ ആയിരുന്നു. കോളേജിലെ പാർക്കിങ്ങിലേക്ക് വണ്ടി പാർക്ക് ചെയ്ത് നടന്നു വരുമ്പോൾ അമ്മു സാക്ഷിയോട് ചോദിച്ചു. " എന്ത് പറ്റി ചേച്ചി കൂട്ടി. " ഒന്നുല്ല മോളെ. " അങ്ങനെ അല്ലലോ ഞാൻ കുറെ നേരായി ശ്രദ്ധിക്കുന്നു എന്തോ പറ്റിയിട്ടുണ്ട്. ഏട്ടനായിട്ട് പിണങ്ങിയോ. " ഹേ അങ്ങനെ ഒന്നും ഇല്ല മോളെ. " പിന്നെ എന്താ. " അത്‌ മോളെ രാവിലെ മുതൽ എന്തോ ഒരു ടെൻഷൻ അരുതാത്തത് എന്തോ സംഭവിക്കാൻ പോകുന്നപോലെ. " അയ്യേ എന്താ ചേച്ചി കുട്ടി ഇത് അതൊക്കെ വെറും തോന്നലാ അല്ലെങ്കിൽ തന്നെ എന്ത് സംഭവിക്കാനാ. " ചിലപ്പോൾ തോന്നലാകും. അവർ സംസാരിച്ചോണ്ട് നടന്നു വരുമ്പോളായിരുന്നു അവർക്ക് എതിരെ നടന്നു വരുന്ന പൂജയെ അമ്മു കണ്ടത്. " ഇവൾ എന്തിനാ ഇങ്ങോട്ട് വരുന്നേ. " ആരാ മോളെ. " ആണ്ടേ പൂജ മേടം. അവളെ നോക്കി പുച്ഛിച്ചുകൊണ്ട് അമ്മു സാക്ഷിയോട് പറഞ്ഞു. അപ്പോളേക്കും പൂജ അവർക്ക് അടുത്ത് എത്തിയിരുന്നു. അടുത്ത് എത്തിയിട്ടും തന്നെ ഒന്നു നോക്കുക പോലും ചെയ്യാതെ പോകുന്ന അമ്മുവിനെയും സാക്ഷിയെയും തടഞ്ഞു നിർത്തികൊണ്ട് പൂജ പറഞ്ഞു.

" സാക്ഷി എനിക്ക് ഒന്നു സംസാരിക്കണം. " നിന്നോട് ഞങ്ങൾക്ക് ഒന്നും സംസാരിക്കാൻ ഇല്ല മുന്നിൽ നിന്ന് മാറ്. " അതുല്യ പ്ലീസ് എനിക്ക് സാക്ഷിയോട് സംസാരിച്ചേ മതിയാകു. " മോളെ വേണ്ട എന്താന്ന് വെച്ചാൽ അവൾ പറയട്ടെ. " സാക്ഷി എന്നോട് ക്ഷമിക്കണം ഞാൻ തന്നോട് മോശമായി ഒരുപാട് പറഞ്ഞിട്ടുണ്ട് എല്ലാം എന്റെ തെറ്റാ. ഇപ്പൊ എനിക്ക് മനസിലായി അഗ്നിയെയും നിന്നെയും തമ്മിൽ ആർക്കും പിരിക്കാൻ കഴിയില്ലെന്ന്. അതുമാത്രമല്ല നിങ്ങളുടെ ഇടയിൽ നിന്ന് ഒഴിഞ്ഞു പോകേണ്ടത് ഞാനാ. ഇനി ഒരിക്കലും ശല്യമായി ഞാൻ വരില്ല. അത്രയും പറഞ്ഞു കൊണ്ട് പൂജ അവരെ മറികടന്നു നടന്നു നീങ്ങി. അവൾ പോയവഴിയേ ഒന്നും മനസിലാകാതെ നോക്കി നിന്നു പോയിരുന്നു അവർ രണ്ടുപേരും. " ഏതായാലും ആ ശല്യം ഒഴിഞ്ഞു പോയലോ ഭാഗ്യം. " അങ്ങനെ ആശ്വസിക്കാൻ വരട്ടെ ഏട്ടത്തി അവൾ മറ്റെന്തെങ്കിലും മനസ്സിൽ കരുതിട്ടുണ്ടാകും. അല്ലാതെ ഇങ്ങനെ ഒന്നും പറയാൻ വഴിയില്ല. " എന്തേലും ആകട്ടെ നമുക്ക് പോകാം. അത്രയും പറഞ്ഞു കൊണ്ട് അമ്മു ക്ലാസ്സിലേക്കും സാക്ഷി സ്റ്റാഫ്‌ റൂമിലേക്കും കയറി പോയി. ....................❤️❤️.......................

പതിവ് പോലെ ക്ലാസ്സ്‌ കഴിഞ്ഞ് പോകാൻ ഇറങ്ങിയതായിരുന്നു അതുല്യ. സാക്ഷിയേ കാണാതെ നോക്കി നില്കുവായിരുന്നു അവൾ. ഒത്തിരി നേരായിട്ടും കാണാത്തത് കൊണ്ട് അവൾ സ്റ്റാഫ്‌ റൂമിലേക്ക് കയറി സാക്ഷിയെ നോക്കി എന്നാൽ അവിടെയൊന്നും അവളെ കണ്ടിരുന്നില്ല. അതുല്യ ഓരോരുത്തരോടും സാക്ഷിയെ കുറിച്ച് അനേഷിക്കാൻ തുടങ്ങി എന്നാൽ കണ്ടില്ല എന്ന മറുപടിയായിരുന്നു എല്ലാവർക്കും പറയാനുള്ളത്. അവൾ ആ ക്യാമ്പസ്‌ മുഴുവനും സാക്ഷിയെ തിരഞ്ഞു നടന്നു എന്നാൽ നിരാശ ആയിരുന്നു ഫലം.എന്തോ ഒരു പേടി അവളെ വന്നു മൂടുന്നപോലെ തോന്നി അവൾക്ക്. പെട്ടന്ന് തന്നെ അവൾ ഫോൺ എടുത്ത് അഗ്നിയെ വിളിച്ചു കാര്യം പറഞ്ഞു. അഗ്നി ഇപ്പൊ എത്താമെന്ന് പറഞ്ഞത് കൊണ്ട് അതുല്യ ടെൻഷനോടെ അഗ്നിയെ നോക്കി കോളേജിനു പുറത്ത് നിൽക്കാൻ തുടങ്ങി ..................... ❤️❤️................... "ഹ.. ഹ.. ഹ.. ഹ.. അഗ്നിദേവ് ഞാൻ വരുകയാ ഇനി കളികൾ നേർക്ക് നേർ. ഈ AJ യുടെ സാമ്രാജം തകർത്തെറിയാൻ നോക്കിയ നിന്നെ വെറുതെ വിടില്ല ഞാൻ. ഇനി ഒരു കലാശ കൊട്ട് അതിന്റെ അവസാനം നമ്മളിൽ ഒരാൾ മാത്രമായിരിക്കും ബാക്കി ആകു. " your coundown start. ഹ.. ഹ.. ഹ..ഹ.. ഹ.. ഹ..ഹ.. ആ ഇരുട്ട് മുറിയിൽ നിന്നും ചുവരുകൾ പൊട്ടുമാർ ഉറക്കെ അവൻ പൊട്ടി ചിരിച്ചു. അതോടൊപ്പം കൈയിൽ ഉണ്ടായിരുന്ന അഗ്നിയുടെ ഫോട്ടോ അവൻ കഷ്ണങ്ങളായി കീറി എറിഞ്ഞു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...