💞 അഗ്നിസാക്ഷി 💞: ഭാഗം 26

എഴുത്തുകാരി: സ്‌നേഹ സാജു

അഗ്നിയും SP ജയശങ്കരനും മന്ത്രിയെ കാണാൻ വെയിറ്റ് ചെയ്ത് ഇരിക്കുമ്പോളായിരുന്നു അഗ്നിക്ക് അതുല്യയുടെ കാൾ വന്നത്. ഫോണിലൂടെ അവൾ പറയുന്ന കാര്യം കേട്ട് അഗ്നി തളർന്ന് പോയിരുന്നു. കാൾ കട്ട്‌ ചെയ്ത് എന്തോ ആലോചിച്ചോണ്ട് അല്പസമയം നിന്നു അവൻ അഗ്നിയുടെ പെട്ടെന്നുള്ള മാറ്റം കണ്ട് ജയശങ്കരൻ അവനോട് ചോദിച്ചു. " അഗ്നി ആർ യു ഓക്കേ. " സാർ അത്. " എന്താടോ എന്തെങ്കിലും പ്രശ്നം ഉണ്ടോ. " സാർ എന്റെ അനിയത്തിയ വിളിച്ചേ സാക്ഷിയെ കാണാനില്ലെന്ന്. " അഗ്നി സാക്ഷി മോളെ കാണാനില്ലെന്നോ എപ്പോളാ സംഭവം. " ഇന്ന് കോളേജ് റീഓപ്പൺ ചെയ്തു രണ്ടുപേരും കൂടി കോളേജിലേക്ക് പോയിരുന്നു. തിരിച്ച് പോരാൻ വേണ്ടി അമ്മു സാക്ഷിയെ നോക്കിയിട്ട് കണ്ടില്ലെന്ന്. " താൻ ടെൻഷൻ ആകാതെ അഗ്നി അവളോട് കോളേജ് മുഴുവനും ഒന്നു നോക്കാൻ പറ. " അവളും ഫ്രണ്ട്സും കൂടി അവിടെ എല്ലാം നോക്കിയെന്ന് അവളെ കണ്ടില്ലെന്ന്. " കൂൾ ഡൌൺ അഗ്നി. " സാർ ഞാൻ പോകുവാ മന്ത്രിക്ക് ഫയൽ സാറ് കൈ മാറിക്കോ കേസിന്റെ ഡീറ്റെയിൽസ് ഒക്കേ ഞാൻ പറഞ്ഞു കൊടുത്തോള്ളാം.

അമ്മു അവിടെ ടെൻഷൻ അടിച്ച് നിൽകുവാ സാക്ഷിയെ എങ്ങനേലും കണ്ടെത്തണം എന്തോ അപകടത്തിലാ അവളെന്ന് എനിക്ക് തോന്നുന്നു. " ഓക്കേ അഗ്നി മന്ത്രിയെ ഞാൻ കണ്ടോള്ളാം നിന്നെ ഇപ്പൊ അവിടെയാണ് ആവശ്യം പോയിട്ട് വാ. വിവരം എന്നേ വിളിച്ചറിയിക്കണം. " ഓക്കേ സാർ. അഗ്നി പെട്ടന്ന് തന്നെ ബുള്ളറ്റിൽ കയറി കോളേജിലേക്ക് പുറപ്പെട്ടു. വഴിയിൽ ഉടനീളവും അവന്റെ കൈയിൽ നിന്ന് ബൈക്ക് വഴുതി പോകുന്നുണ്ടായിരുന്നു. വളരെ പെട്ടന്ന് തന്നെ അഗ്നിയുടെ ബുള്ളറ്റ് കോളേജ് ഗെയ്റ്റ് കടന്ന് ഉള്ളിലേക്ക് കയറി. അപ്പോളേ കണ്ടു വാക ചോട്ടിൽ സങ്കടത്തോടെ ഇരിക്കുന്ന അമ്മുവിനെ. അഗ്നി പെട്ടന്ന് തന്നെ വണ്ടി പാർക്ക്‌ ചെയ്ത് അമ്മുവിനടുത്തേക്ക് നടന്നു. " ഏട്ടാ. അഗ്നിയുടെ അടുത്തേക്ക് കരഞ്ഞു കൊണ്ട് ഓടിയെത്തി അമ്മു. അഗ്നി അവളെ ചേർത്ത് പിടിച്ചു കൊണ്ട് പറഞ്ഞു. " ഒന്നുല്ലടാ ഏട്ടൻ വന്നില്ലേ പേടിക്കല്ലേ. സാക്ഷി ഇവിടെ എവിടേലും കാണും നമ്മുക്ക് നോക്കാം. " ഇ.. ല്ലാ... എ.. ട്ടാ.. ചേ... ച്ചി... കു.. ട്ടി... ഇ.. വിടെ... ഒ.. ന്നും.. ഇ.. ല്ലാ. ഏങ്ങലടിയോടെ മുറിഞ്ഞു പോകുന്ന വാക്കുകൾ കൂട്ടി ചേർത്ത് കൊണ്ട് അമ്മു എങ്ങനെയൊക്കെയോ പറഞ്ഞൊപ്പിച്ചു.

" മോളെ കരയല്ലേടാ, സാക്ഷി വരുമ്പോൾ നിന്നെ കരയിച്ചുന്നു പറഞ്ഞ് എന്നെ ആകും ചീത്ത പറയുന്നേ. അമ്മുവിനെ ചേർത്ത് പിടിച്ച് അവളുടെ തലയിലൂടെ തലോടി കൊണ്ട് അഗ്നി പറഞ്ഞു. കുറച്ച് നേരം കഴിഞ്ഞപ്പോളേക്കും അമ്മു ഒന്ന് ഓക്കേ ആയിരുന്നു. അവളോട് എന്തോ ചോദിക്കാൻ തുടങ്ങിയപ്പോളേക്കുമാണ് അർജുവും ഗിരിയും അങ്ങോട്ടേക്ക് വരുന്നത് അഗ്നി കണ്ടത്. " ഏട്ടാ എന്താ എന്താ പറ്റിയെ. അമ്മു അഗ്നിയെ കെട്ടിപിടിച്ച് നിൽക്കുന്നത് കണ്ട് ടെൻഷനോടെ അവരുടെ അടുത്തേക്ക് ഓടി വന്നുകൊണ്ട് അർജു ചോദിച്ചു. " അർജു സാക്ഷിയെ കാണുന്നില്ലെന്ന്. " കാണുന്നില്ലെന്നോ സാക്ഷി എവിടെ പോകാനാ ഏട്ടാ ഇവിടെ എവിടേലും കാണും. വാ നമ്മുക്ക് നോക്കാം. അപ്പോളാണ് അഗ്നി അർജുന് പുറകിലായി വരുന്ന ഗിരിയെ കണ്ടത്. അവൻ ഒരു സംശയത്തോടെ ഗിരിയെ നോക്കി എന്നിട്ട് ചോദിച്ചു. " ഗിരി താൻ എങ്ങനെ അറിഞ്ഞു. " സാർ SP സാർ സ്റ്റേഷനിലേക്ക് വിളിച്ചു പറഞ്ഞിരുന്നു. സാറിന് എന്ത് സഹായം വേങ്ങോങ്കിലും ചെയ്ത് കൊടുക്കാൻ പറഞ്ഞു. " മ്മ്, അല്ല ജീവൻ എവിടെ. "

SP സാർ വിളിച്ചപ്പോൾ തന്നെ ജീവൻ സക്കറിയയുടെ ഫോൺ ട്രൈസ് ചെയ്യാൻ പോയേക്കുവാ. " അത്‌ ഏതായാലും നന്നായി, നിങ്ങള് വാ നമ്മുക്ക് ഇവിടെ എല്ലാം ഒന്നു കൂടി നോക്കാം. അവർ എല്ലാവരും കൂടി കോളേജ് ക്യാമ്പസ്‌ മുഴുവനും അരിച്ചു പെറുക്കാൻ തുടങ്ങി പക്ഷെ സാക്ഷിയെ അവിടെയെങ്ങുനിന്നും കണ്ടെത്താൻ കഴിഞ്ഞില്ല. അഗ്നി ഒരു തളർച്ചയോടെ വാക ചോട്ടിലേക്ക് ഇരുന്നു. " ഏട്ടാ ഇങ്ങനെ സങ്കടം പെടാതെ സാക്ഷിക്ക് ഒന്നും പറ്റില്ല, നമ്മളൊക്കെ ജീവനോടെ ഇല്ലേ ഏട്ടാ. " സാർ ഇങ്ങനെ ഇരുന്നിട്ട് കാര്യമില്ല സമയം പോകുന്തോറും പ്രശ്നം വഷളാകുവാണ്. അഗ്നി തല ഉയർത്തി ഗിരിയെ ഒന്നു നോക്കി പെട്ടെന്നാണ് അമ്മു എന്തോ ഓർത്തതുപോലെ അഗ്നിയെ നോക്കിയത്. " ഏട്ടാ. " എന്താ മോളെ എന്തേലും പറയാനുണ്ടോ. " ഏട്ടാ ഇന്ന് ഒരു സംഭവം ഉണ്ടായി. " എന്താ മോളെ പറയ്. " ഇന്ന് ഞാനും ചേച്ചികുട്ടിയും കോളേജിലേക്ക് വരുമ്പോൾ പൂജ ഞങ്ങളുടെ അടുത്തേക്ക് വന്നിരുന്നു സാക്ഷിയെച്ചിയോട് എന്തോ പറയാനുണ്ടെന്ന്. " എന്താ മോളെ അവൾ പറഞ്ഞത്. പൂജ പറഞ്ഞ കാര്യങ്ങൾ അമ്മു അഗ്നിയോട് പറയാൻ തുടങ്ങി

അമ്മു പറഞ്ഞവസാനിപ്പിക്കുമ്പോൾ അഗ്നി സംശയത്തോടെ അവളെ നോക്കി. " അമ്മു പൂജ ഇങ്ങനെ ഒക്കെ പറഞ്ഞോ. " പറഞ്ഞു ഏട്ടാ ഏട്ടന് സംശയം തോന്നുന്നില്ലേ അവൾ അങ്ങനെ പറഞ്ഞിട്ട് പോയത് മുതൽ എനിക്ക് എന്തോ സംശയം തോന്നിയതാ ഏട്ടാ. " അവൾ എന്തോ പ്ലാൻ ചെയുന്നുണ്ടല്ലോ ഏട്ടാ. അർജു കൂടി പറഞ്ഞതോടെ അഗ്നി ഇരുന്നിടത് നിന്ന് ചാടി എഴുന്നേറ്റ് കൊണ്ട് പറഞ്ഞു. " അവൾ എവിടെ ഇവിടെ ഉണ്ടോ. " സ്റ്റാഫ് റൂമിൽ കാണും ഏട്ടാ. അഗ്നി പെട്ടന്ന് തന്നെ സ്റ്റാഫ്‌ റൂം ലക്ഷ്യമാക്കി നടന്നു അവനു പിന്നാലെ ഗിരിയും അമ്മുനെ ചേർത്ത് പിടിച്ചുകൊണ്ടു അർജുവും ഉണ്ടായിരുന്നു. അവർ സ്റ്റാഫ്‌ റൂമിൽ എത്തിയപ്പോളേക്കും കണ്ടു മറ്റു ടീച്ചേഴ്സിനോട് സംസാരിച്ച് ചിരിച്ച് ഇരിക്കുന്ന പൂജയെ. അവളെ കണ്ടതും അഗ്നിക്ക് ദേഷ്യം ഇരച്ച് കയറാൻ തുടങ്ങി അത്‌ നിയന്ത്രിച്ചു കൊണ്ട് അവൻ അവളെ വിളിച്ചു. " പൂജ.

വാതിക്കൽ നിന്നും ആരോ വിളിക്കുന്നപോലെ തോന്നിയിട്ടാണ് പൂജ തിരിഞ്ഞു നോക്കിയത് അപ്പോളേ കണ്ടു അവിടെ നിൽക്കുന്ന അഗ്നിയെ പൂജയുടെ മുഖത്ത് അവൾപോലുമറിയാതെ ഒരു പുഞ്ചിരി തെളിഞ്ഞു എന്നാൽ പെട്ടന്ന് തന്നെ അവൾ അത്‌ മറച്ചു പിടിച്ചിരുന്നു പക്ഷെ അഗ്നി അത്‌ കറക്റ്റ് ആയി കണ്ടിരുന്നു. " ഹാ അഗ്നിയോ താൻ എന്താ ഇവിടെ. " പൂജ ഒന്നു വരാമോ എനിക്ക് ഒന്നു സംസാരിക്കണം. " സോറി അഗ്നി ഞാൻ ഇപ്പൊ കുറച്ച് തിരക്കാ. പൂജയുടെ ആ ഡയലോഗ് കൂടിയായതോടെ അടക്കി നിർത്തിയിരുന്ന അഗ്നിയുടെ ദേഷ്യം പുറത്തേക്ക് ചാടിയിരുന്നു അവൻ പെട്ടന്ന് തന്നെ സ്റ്റാഫ് റൂമിലേക്ക് കയറി പൂജയുടെ കൈയിൽ പിടിച്ച് പുറത്തേക്ക് നടന്നു. " ഇവിടെ വാടി നിനക്ക് വിളിച്ചാൽ വരാൻ ബുദ്ധിമുട്ടാണല്ലേ. " അഗ്നി എന്നെ വിട് താൻ എന്താ ഗുണ്ടായിസം കാണിക്കുവാണോ. " അതേടി ഗുണ്ടായിസമാ അല്ലെങ്കിലും നിന്നെപ്പോലുള്ളവരുടെ അടുത്ത് മരിയാത കാണിച്ചാൽ തലേൽ കേറി നിരങ്ങും. " താൻ പോലീസ് ആണെന്ന് കരുതി എന്തും ചെയ്യാന്നായോ. "

ഞാൻ ചോദിക്കുന്ന ഒരു ചോദ്യത്തിന് മറുപടി തന്നാ നിന്നെ വിട്ടേക്കാം. പറയ് സാക്ഷി എവിടെ. " സാക്ഷി എവിടെന്ന് ഞാൻ എങ്ങനെ അറിയാനാ അഗ്നി ദേ നിൽക്കുന്നു നിന്റെ അനിയത്തി അവളോട് ചോദിക്ക്. ഇനിയിപ്പോ അവൾക്കും അറിയില്ലെങ്കിൽ നിന്റെ സാക്ഷി ആരുടെയെങ്കിലും കൂടെ ഓടിപോയിക്കാണും. " ച്ചി നിർത്തടി നീ എന്താ കരുതിയെ എല്ലാവരും നിന്നെ പോലെ ആണെന്നോ. ഒന്നെനിക്ക് അറിയാം സാക്ഷി എവിടെയാന്ന് നിനക്ക് അറിയാം മരിയാതക്ക് പറഞ്ഞാൽ നിനക്ക് കൊള്ളാം അല്ലെങ്കിൽ ഞങ്ങളുടെ പോലീസ് മുറകൊണ്ട് മോള് തളർന്ന് പോക്കും. " ഹ.. ഹ.. ഹ.. താൻ ആളു കൊള്ളാലോ അഗ്നി പെട്ടെന്ന് മനസിലാക്കി കളഞ്ഞല്ലോ, അതേടാ ഞാൻ തന്നെയാ നിന്റെ സാക്ഷിയെ പൊക്കിയത്. " ഡി. അഗ്നി പെട്ടന്ന് തന്നെ അവളുടെ അടുത്തേക്ക് പാഞ്ഞു ചെന്ന് അവളുടെ കഴുത്തിന് കുത്തിപിടിച്ചു. പൂജ ശ്വാസം കിട്ടാതെ പിടയാൻ തുടങ്ങി അത്‌ കണ്ടു കൊണ്ട് അർജുവും ഗിരിയും അഗ്നിക്കടുത്തേക്ക് വന്ന് ബലമായി അവന്റെ കൈകൾ വിടുവിച്ചു. പൂജ ആഞ്ഞു ശ്വാസം വലിച്ചുകൊണ്ട് ചുമക്കാൻ തുടങ്ങി.

" മാരിയാത്തക്ക് പറഞ്ഞോ ഇല്ലെങ്കിൽ കൊല്ലും ഞാൻ നിന്നെ. " കൊല്ലെടാ, എന്നേ കൊന്നാൽ പോലും നിനക്കൊന്നും ഇനി അവളെ കിട്ടില്ല. നീയൊക്കെ എന്താ കരുതിയെ പൂജ നന്നായെന്നോ അന്നേ ഞാൻ പറഞ്ഞതാ നിന്നെ സന്തോഷത്തോടെ ജീവിക്കാൻ അനുവദിക്കില്ലാന്ന്. " ഡി. പിന്നെയും അവളുടെ അടുത്തേക്ക് പോകാൻ തുനിഞ്ഞ അഗ്നിയെ തടഞ്ഞു നിർത്തികൊണ്ട് ഗിരി പറഞ്ഞു. " സാർ ഇപ്പൊ ഇവളോട് വഴക്ക് കൂടി നിൽക്കുവല്ല വേണ്ടത് സാക്ഷിയെ കണ്ടെത്താനാണ് നോക്കണ്ടത്. " എഴുന്നേറ്റ് പോടീ. താഴെ ഇരുന്ന് ചുമക്കുന്ന പൂജയെ നോക്കി അർജു പറഞ്ഞു അവൾ അവരെ നോക്കി പുച്ഛിച്ചു കൊണ്ട് എഴുന്നേറ്റ് നടന്നു. എന്തോ ഓർത്തതുപോലെ അവൾ പോകുന്നത് നോക്കിയിട്ട് അഗ്നി വിളിച്ച് പറഞ്ഞു. " എന്റെ സാക്ഷിക്ക് എന്തെങ്കിലും പറ്റിയാൽ ഞാൻ ഒരിക്കൽ കൂടി വരും നിന്നെ എന്നെന്നേക്കുമായി ഇവിടന്ന് പറഞ്ഞയക്കാൻ. തിരിഞ്ഞു നോക്കി അഗ്നിയെ ഒന്നു കൂടി പുച്ഛിച്ചിട്ട് അവൾ നടന്നകന്നു അത്‌ കൺകെ അഗ്നി തളർച്ചയോടെ താഴേക്ക് ഇരുന്ന് പോയി. അഗ്നിയുടെ ആ ഇരിപ്പ് കണ്ട് അർജുനും അമ്മുനും ഒരുപോലെ സങ്കടമായിരുന്നു

അവർ രണ്ടുപേരും അഗ്നിക്ക് ഇരുവശവും വന്നിരുന്ന് അവനെ ചേർത്ത് പിടിച്ചു. " ഏട്ടാ ഇങ്ങനെ സങ്കടപെടാതെ സാക്ഷിക്ക് ഒന്നും വരില്ല. " മ്മ്. " സാർ എന്താ അടുത്ത പ്ലാൻ. " ഗിരി താൻ എല്ലായിടത്തും ഒന്നു നോക്ക്, റെയിൽവേ സ്റ്റേഷൻ, ബസ് സ്റ്റാൻഡ് അങ്ങനെ എല്ലായിടത്തും ഒന്നു നോക്ക് പിന്നെ ജീവനെ വിളിച്ച് സക്കറിയയുടെ ഫോൺ ലൊക്കേഷൻ ട്രൈസ് ചെയ്യാൻ പറ. " ഓക്കേ സാർ. അഗ്നിക്ക് ഒരു സല്യൂട്ടും കൊടുത്ത് ഗിരി അവിടെ നിന്ന് പോയി. അഗ്നി അർജുനെ നോക്കി എന്തോ പറയാൻ തുടങ്ങിയപ്പോളേക്കും അഗ്നിയുടെ ഫോൺ അടിക്കാൻ തുടങ്ങിയിരുന്നു. പരിചയമില്ലാത്ത നമ്പർ ഫോണിൽ കണ്ട് ഒരു സംശയത്തോടെയാണ് അഗ്നി ഫോൺ എടുത്തത്. " ഹലോ. ഫോൺ ചെവിയോട് ചേർത്ത് സംസാരിച്ച് തുടങ്ങിപ്പോളേക്കും മറുപുറത്ത് നിന്നും ഒരു പൊട്ടി ചിരിയായിരുന്നു അഗ്നി മനസിലാകാതെ ഫോൺ ചെവിയിൽ നിന്നും എടുത്ത് ഒന്നുകൂടി സ്ക്രീനിലേക്ക് നോക്കി അപ്പോളേക്കും മറുവശത്ത് നിന്ന് സംസാരിച്ച് തുടങ്ങിയിരുന്നു " ഹ.. ഹ.. ഹ.. മനസ്സിലായോ ACP സാറെ. " ആരാടോ താൻ. " ചൂടാവല്ലേ സാറെ ഇത് ഞാനാ സക്കറിയ.

" താനോ തനിക്ക് ഇപ്പൊ എന്താ വേണ്ടേ. " ഭയങ്കര ചൂടിലാണല്ലോ, ഓ ഞാൻ അത്‌ മറന്നു സാക്ഷി മേഡത്തെ കാണാനില്ലലെ. " അത്‌ താൻ എങ്ങനെയാടോ അറിഞ്ഞേ പറയടോ. " അവളെ പിടിച്ചോണ്ട് വന്ന എനിക്കല്ലാതെ വേറെ ആർക്കാ സാറെ അത്‌ കറക്റ്റ് ആയിട്ട് അറിയാൻ പറ്റുന്നെ. " അപ്പൊ എന്റെ ഊഹം ശരിയായിരുന്നല്ലേ. " അതെ ഞാൻ തന്നെയാ ഈ സക്കറിയ കളി തുടങ്ങിയിട്ടേ ഉള്ളു ഏമാനെ. " ച്ചി പറയടോ സാക്ഷി എവിടെയാടോ മാരിയാതക്ക് പറഞ്ഞോ ഇല്ലങ്കിൽ തനിക്ക് എന്നെ ശരിക്കുമറിയാലോ. അത്രപെട്ടെന്ന് താൻ മറക്കില്ലലോ എന്റെ കൈയുടെ ചൂട്. " നീർത്തട നിന്റെ ചിലപ്പ് ഈ സക്കറിയയെ നിനക്ക് ശരിക്ക് അറിയില്ല. നിന്റെ പെണ്ണിനെ നിനക്ക് ജീവനോടെ വേണോങ്കിൽ ഞാൻ പറയുന്നിടത് നീ വരണം. " ഞാൻ വരാം അവളെ ഒന്നും ചെയ്യല്ലേ. " അങ്ങനെ വഴിക്കു വാ ACP സാറെ. നിങ്ങള് ഇപ്പൊ മഹാരാജാസിൽ അല്ലെ ഗെയ്റ്റിന് പുറത്ത് വണ്ടിയിൽ എന്റെ ആളുകൾ ഉണ്ട് കൂടെ ഉള്ളവരെ പറഞ്ഞയച്ചിട്ട് ഒറ്റക്ക് അവരുടെ അടുത്തേക്ക് ചെല്ല് അവർ എത്തിക്കും. പിന്നെ അതിബുദ്ധി കാണിക്കരുത് നിന്റെ പെണ്ണിനെ പിന്നെ ജീവനോടെ കാണില്ല നീ. " ഇല്ല ഞാൻ വരാം. സക്കറിയയോട് പറഞ്ഞു കൊണ്ട് കാൾ കട്ട്‌ ചെയ്ത് അഗ്നി അർജുനും അമ്മുനും അടുത്തേക്ക് ചെന്നു.

" ആരാ ഏട്ടാ വിളിച്ചേ. " സാക്ഷിയേച്ചിയെ കുറിച്ച് എന്തേലും അറിഞ്ഞോ ഏട്ടാ. അവരുടെ ചോദ്യങ്ങൾക്ക് ഒന്നും മറുപടി അഗ്നിയുടെ കൈയിൽ ഇല്ലായിരുന്നു. അവരെ നോക്കി തെളിച്ചമില്ലാത്ത ഒരു പുഞ്ചിരി കൊടുത്ത് കൊണ്ട് അഗ്നി പറഞ്ഞു. " അർജു നീ അമ്മുനെ കൂട്ടി വീട്ടിലേക്ക് പൊക്കോ. " എനിക്ക് അർജന്റ് ആയിട്ട് ഒരിടത്ത് പോണം. " അപ്പൊ സാക്ഷിയോ. " ഇന്ന് രാത്രിക്കുള്ളിൽ സാക്ഷി ഒരു പോറൽ പോലും പറ്റാതെ എത്തിയിരിക്കും. ഇന്നത്തോടെ എല്ലാത്തിനും ഒരു തീരുമാനം ആകും. ആ പിന്നെ സാക്ഷിയെ കാണാനില്ലാത്ത കാര്യം വീട്ടിൽ പറയണ്ട. " ശരി ഏട്ടാ. അഗ്നിയോട് പറഞ്ഞു കൊണ്ട് അർജുവും അമ്മുവും വണ്ടിക്ക് അടുത്തേക്ക് നടന്നു. കുറച്ച് നടന്ന് അർജു തിരികെ അഗ്നിക്കടുത്തേക്ക് വന്നിട്ട് ചോദിച്ചു. " ഏട്ടാ എന്തേലും പ്രശ്നം ഉണ്ടോ ഞാൻ കൂടി വരണോ. " വേണ്ടടാ, ഇതിന് ഞാൻ ഒറ്റക്ക് മതി. അർജുനെ ചേർത്തു പിടിച്ചു കൊണ്ട് അഗ്നി പറഞ്ഞു. അഗ്നിയെ നോക്കി ഒന്നു പുഞ്ചിരിച്ചോണ്ട് അർജു അമ്മുവിനടുത്തേക്ക് ചെന്ന് വണ്ടിയെടുത്ത് അവിടെ നിന്നും പോയി.

അവർ പോയി കഴിഞ്ഞ് അഗ്നി ഫോൺ എടുത്ത് ഗിരിക്ക് വാട്സ്ആപ്പിൽ ഒരു മെസ്സേജ് അയച്ച് ചാറ്റ് ക്ലിയർ ചെയ്ത് ഫോൺ പൊക്കറ്റിലേക്ക് ഇട്ടുകൊണ്ട് പുറത്തേക്ക് നടന്നു. മഹാരാജാസിന്റെ ഗെയ്റ്റ് കടന്ന് പുറത്തേക്ക് ഇറങ്ങിയപ്പോൾ കണ്ടു പുറത്ത് അവനെ കാത്തു നിൽക്കുന്ന സക്കറിയയുടെ ഗുണ്ടകളെ. അഗ്നി അവർക്ക് അടുത്തേക്ക് എത്തിയപ്പോൾ തന്നെ ഗുണ്ടകളിൽ ഒരുവൻ വന്ന് അഗ്നിയുടെ കൈയിൽ നിന്ന് ഫോൺ പിടിച്ചു വാങ്ങി. അഗ്നി ദേഷ്യം കൊണ്ട് വിറച്ചു നിൽക്കുവായിരുന്നു എന്നാൽ ഇടക്ക് മനസിലേക്ക് കടന്നു വന്ന സാക്ഷിയുടെ മുഖം അവനെ ശാന്തനാക്കി. അഗ്നിയെ വണ്ടിയിലേക്ക് കയറ്റി ഡോർ വലിച്ചടച്ച് അവർ പെട്ടന്ന് തന്നെ വണ്ടി അവിടെ നിന്നും എടുത്തു. കുറച്ച് സമയത്തെ യാത്രക്ക് ശേഷം അവരുടെ വണ്ടി ഒരു പണി പുറത്തിയാകാത്ത ബംഗ്ലാവിന്റെ മുന്നിൽ വന്നു നിന്നു. അവിടെ എത്തിയതും അഗ്നിയെ വണ്ടിയിൽ നിന്ന് പുറത്തേക്ക് തള്ളിയിട്ടിട്ട് വണ്ടി അവിടെ നിന്നും നല്ല സ്പീഡിൽ പുറത്തേക്ക് പോയി......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...