💞 അഗ്നിസാക്ഷി 💞: ഭാഗം 27

എഴുത്തുകാരി: സ്‌നേഹ സാജു

അഗ്നി ചുറ്റും ഒന്നു നോക്കി കാടിനോട് അടുത്ത് ആരുടെയും ശ്രദ്ധ പെട്ടെന്ന് എത്താത്ത ഒരിടമായിരുന്നു അത്‌. കുറച്ച് സമയം ചുറ്റും ഒന്നു നോക്കിയ ശേഷം അഗ്നി പതിയെ ബംഗ്ലാവിന് അടുത്തേക്ക് നടന്നു. ബംഗ്ലാവിന് മുന്നിൽ എത്തി അഗ്നി ഒരു ദീർഘ നിശ്വാസമെടുത്ത് വാതിൽ തള്ളി തുറന്ന് അകത്തേക്ക് കയറി. പെട്ടന്ന് തന്നെ വാതിലിനു അടുത്തായി സംശയിച്ചു നിന്ന ഗുണ്ടകളിൽ ഒരുവൻ അഗ്നിക്ക് നേരെ തോക്കുമായി പാഞ്ഞടുത്തു. അഗ്നി വെട്ടിത്തിരിഞ്ഞ് ഒറ്റ ചട്ടത്തിന് അവന്റെ മേലേക്ക് ചാടി വീണ് അവന്റെ തല പിടിച്ച് ഭിത്തിയിലേക്ക് അഞ്ഞിടിച്ചു. അത്‌ കൺകെ ഗുണ്ടകൾ ഓരോരുത്തരായി അവനടുത്തേക്ക് വരാൻ തുടങ്ങി. അടുത്തേക്ക് പാഞ്ഞു വരുന്ന ഓരോരുത്തരേം ഇടിച്ചു വീഴ്ത്തി അഗ്നി മുകളിലേക്ക് കയറാൻ ഒരുങ്ങുമ്പോളായിരുന്നു താഴത്തെ മുറിയിൽ നിന്നും എന്തൊക്കെയോ ശബ്ദം അവൻ കേട്ടത്. താഴത്തെ മുറിക്ക് മുന്നിലെത്തി അവൻ വാതിലിൽ മുട്ടാൻ തുടങ്ങി എന്നാൽ എത്ര ശ്രമിച്ചിട്ടും അത്‌ തുറക്കാൻ കഴിഞ്ഞിരുന്നില്ല പെട്ടന്നാണ് അവന്റെ നോട്ടം സൈഡിലായി കാണുന്ന ജനലിൽ എത്തി നിന്നത്.

അവൻ പതിയെ അതിനടുത്തേക്ക് നടന്ന് ജനൽ പാളി പിടിച്ച് തുറന്ന് അതിലുടെ ഉള്ളിലേക്ക് നോക്കി. ആ മുറിക്കുള്ളിലെ കാഴ്ച കണ്ട് അവൻ നടുങ്ങി പോയിരുന്നു. ഒരു കൂട്ടം പല പ്രായക്കാരായ പെൺകുട്ടികൾ ബോധമില്ലാതെ എന്തൊക്കെയോ പുലമ്പുന്നുണ്ട് അവർ, അതിൽ നിന്നു തന്നെ അഗ്നിക്ക് മനസിലായിരുന്നു ഡ്രക്സ് അവരുടെ ശരീരത്തിൽ കുത്തി വെച്ചിട്ടുണ്ടെന്ന്. എന്ത് ചെയ്യണമെന്ന് അറിയാതെ അല്പസമയം അവിടെ നിന്നിട്ട് അഗ്നി വീണ്ടും ഡോറിന് മുന്നിലെത്തി അത്‌ തുറക്കാൻ തുടങ്ങി. പെട്ടെന്നാണ് അത്‌ കണ്ടുകൊണ്ട് മുകളിൽ നിന്നും ഇറങ്ങി വന്ന കുറച്ച് ഗുണ്ടകൾ അഗ്നിയെ നേരിടാൻ തുടങ്ങി അവരെയും ഇടിച്ച് നിലമ്പരിശാക്കുമ്പോളേക്കും അഗ്നി തളർന്ന് പോയിരുന്നു. തളർച്ചയോടെ അഗ്നി സ്റ്റെപ്പിലേക്ക് ഇരുന്നു അല്പസമയം കണ്ണുകൾ അടച്ചപ്പോളേക്കും ചിരിച്ചു കൊണ്ട് നിൽക്കുന്ന സാക്ഷിയുടെ മുഖം അവന്റെ മനസിലേക്ക് കടന്നു വന്നു. അത്‌ കൺകെ എന്തോ ഒരു ഉർജം കിട്ടിയപോലെ ഇരുന്നിടത്തു നിന്ന് ചാടിയെഴുന്നേറ്റ് സ്റ്റേയർ ഓടി കയറാൻ തുടങ്ങി അവൻ.

" സക്കറിയ ഇറങ്ങി വാടോ, എവിടെയാടോ താൻ. അഗ്നി ഓരോ സ്റ്റെപ് കയറുമ്പോളും അവിടെയെല്ലാം സക്കറിയയുടെ ആളുകൾ അവനെ കാതെന്നപോലെ ഉണ്ടായിരുന്നു. അവസാന സ്റ്റെപ്പും കയറി അഗ്നിയെത്തിയത് ഒരു വലിയ വാതിലിന് മുന്നിലായിരുന്നു. അതിന് മുന്നിൽ കുറച്ച് സമയം സംശയിച്ച് നിന്നിട്ട് അഗ്നി വാതിൽ തുറന്ന് അകത്തേക്ക് കയറി. " വരണം വരണം ACP സാറെ അപ്പൊ ഈ സക്കറിയ വിളിച്ചാലും സാറിന് വരാൻ അറിയാലേ. പെട്ടന്ന് കേട്ട ശബ്ദത്തിനു പിന്നാലെ അഗ്നിയുടെ കണ്ണുകൾ പായാൻ തുടങ്ങി. വിശാലമായ ആ ഹോളിന്റെ നടുവിൽ വലിയ കസേരയിൽ കാലിനുമേൽ കാലു കയറ്റി ഇരിക്കുന്ന സക്കറിയയിൽ എത്തി നിന്നു അവന്റെ നോട്ടം. അയാളെ കണ്ടതും ദേഷ്യത്തോടെ സക്കറിയയുടെ അടുത്തേക്ക് ചെന്നുകൊണ്ട് അഗ്നി ചോദിച്ചു. " പറയടോ സാക്ഷി എവിടെ. " ഓഹോ ACP സാറിന് പെണ്ണിനെ കാണാൻ ദൃതിയായോ. അഗ്നിയെ കളിയാക്കി ചിരിച്ചുകൊണ്ട് തിരിഞ്ഞ് ശരവണനെ നോക്കി സക്കറിയ വിളിച്ചു പറഞ്ഞു. " ശരവണാ അവളെ ഇങ്ങോട്ടേക്ക് കൊണ്ടുവാ. സക്കറിയ പറഞ്ഞതും അവന്റെ വാക്ക് കേട്ടത് പോലെ ശരവണൻ ആ ഹോളിന് സൈഡിലായി ഉള്ള ചെറിയ മുറിയിലേക്ക് കയറി പോയി.

കുറച്ച് സമയത്തിന് ശേഷം പുറത്തേക്ക് വന്ന അയാളുടെ ഒപ്പം സാക്ഷിയും ഉണ്ടായിരുന്നു. അഗ്നി അവളെ നോക്കി കാണുകയായിരുന്നു കരഞ്ഞു കലങ്ങിയ കണ്ണുകളും പാറി പറന്ന് അഴിഞ്ഞുലഞ്ഞു കിടക്കുന്ന മുടിയും ആകെ അവശയാണ് അവളെന്ന് അവന് മനസിലാക്കി കൊടുത്തു. പെട്ടെന്നാണ് അഗ്നിയുടെ നോട്ടം ചുവന്ന് തിനർത്ത് കിടക്കുന്ന അവളുടെ കവിളിൽ എത്തി നിന്നത് സംശയത്തോടെ അവൻ സക്കറിയയെ നോക്കി അത്‌ മനസിലായപോലെ ചിരിച്ചുകൊണ്ട് അയാള് പറഞ്ഞു. " ഹ.. ഹ.. ഹ.. എന്തായാലും ഏമാന് പറ്റിയ പെണ്ണുതന്നെയാട്ടോ എന്താ ഒരു ശൗര്യം. പിടിക്കാൻ ചെന്നപ്പോൾ എന്റെ പിള്ളേരെ പറ്റിച്ചിട്ട് രക്ഷപെടാൻ നോക്കിയതാ അവര് വെറുതെ ഇരിക്കോ. സക്കറിയ പറഞ്ഞതും അഗ്നി പതിയെ അവൾക്ക് അടുത്തേക്ക് നടന്നു. സാക്ഷി അപ്പോളും തല ഉയർത്തി നോക്കുന്നുണ്ടായിരുന്നില്ല. " സാക്ഷി. അഗ്നിയുടെ വിളികേട്ടാണ് സാക്ഷി തല ഉയർത്തിനോക്കിയത് മുന്നിൽ നിൽക്കുന്ന അഗ്നിയെ കണ്ട് ഒന്നും മനസിലാകാതെ അവൾ ഒന്നു കൂടി നോക്കി. " ദേ.. വേ.. ട്ടാ.. ക്ഷീണവും തളർച്ചയും കൊണ്ട് അവളുടെ വാക്കുകൾമുറിഞ്ഞു പോകുന്നുണ്ടായിരുന്നു. അഗ്നി അവളുടെ അടുത്തേക്ക് ചെന്ന് കവിളിലൂടെ വിരലോടിച്ചു

മുറിവിൽ അഗ്നിയുടെ കൈ തട്ടിയതും വേദന കൊണ്ട് അവൾ എരിവു വലിക്കാൻ തുടങ്ങിയിരുന്നു. അത് കൂടെ ആയതോടെ അടക്കിപിടിച്ചിരുന്ന അഗ്നിയുടെ ദേഷ്യം പുറത്തേക്ക് ചാടിയിരുന്നു അഗ്നി പെട്ടന്ന് തന്നെ അവർക്ക് ചുറ്റും നിന്നിരുന്ന സക്കറിയയുടെ ഗുണ്ടകളെ ഓരോരുത്തരെയും ഇടിച്ച് വീഴ്ത്താൻ തുടങ്ങിയിരുന്നു അത്‌ കണ്ട് പേടിയോടെ സാക്ഷി അഗ്നിയുടെ അടുത്തേക്ക് ചെന്ന് അവനെ ചുറ്റി പിടിച്ചു. " ദേവേട്ടാ വേണ്ട ഒന്നും ചെയ്യല്ലേ എന്നേ ഓർത്തെങ്കിലും ഒന്നു സമാധാനപെട്. സാക്ഷിയുടെ ചേർത്തു പിടിക്കലിൽ അഗ്നിയുടെ ദേഷ്യം എങ്ങോ പോയി മറഞ്ഞു. അഗ്നി പെട്ടന്ന് തന്നെ ശാന്തനായി സാക്ഷിയെ ചേർത്തു പിടിച്ച് നിന്നു. പെട്ടെന്നാണ് സക്കറിയ അവന്റെ ആളുകളോടായി അലറി. " നീയൊക്കെ എന്ത് കാണാൻ നിക്കുവാടാ പിടിച്ച് മാറ്റട രണ്ടിനേം. സക്കറിയ അലറിയതോടെ അവന്റെ ആളുകൾ വന്ന് സാക്ഷിയെയും അഗ്നിയേം പിടിച്ചുമാറ്റി. എന്നിട്ടും അവരുടെ പിടിയിൽ നിന്ന് സാക്ഷി കുതറാൻ തുടങ്ങിയിരുന്നു. " ഏമാനെ സക്കറിയ കളി തുടങ്ങിയിട്ടേ ഉള്ളു. വേണോങ്കിൽ ഒരു അവസരം കൂടി തരാം ഞങ്ങടെ ഒപ്പം നിൽക്കാൻ നീ തയാറാണെങ്കിൽ ഇത് വരെ നീ ചെയ്തതെല്ലാം ഈ സക്കറിയ മറക്കും. നിനക്കും നിന്റെ പെണ്ണിനും സന്തോഷത്തോടെ ഇവിടെ നിന്നും മടങ്ങാം.

ഇല്ലെങ്കിൽ നീയൊന്നും ഇവിടെ നിന്നും ജീവനോടെ പോകില്ല. അഗ്നിയെ നോക്കി സക്കറിയ പറഞ്ഞതും അഗ്നി പുച്ഛത്തോടെ അവനെ നോക്കി ചിരിക്കാൻ തുടങ്ങിയിരുന്നു അപ്പോളും സാക്ഷി സക്കറിയയുടെ ആളുകളിൽ നിന്ന് കുതറിക്കൊണ്ടേ ഇരുന്നു അത്‌ കണ്ടുകൊണ്ട് സക്കറിയ അവളുടെ അടുത്തേക്ക് പോയി അവളുടെ മുടിക്ക് കുത്തിപിടിച്ചു സാക്ഷി വേദന കൊണ്ട് പിടയാൻ തുടങ്ങിയിരുന്നു. സാക്ഷിയുടെ മുഖ ഭാവം കണ്ട് അഗ്നി ഗുണ്ടകളുടെ കൈയിൽ കിടന്ന് കുതറികൊണ്ടിരുന്നു. " വിടടോ എന്നേ. സക്കറിയയുടെ കൈ തട്ടിമാറ്റാൻ ശ്രമിച്ചു കൊണ്ട് അവൾ പറഞ്ഞു അതുകൂടി ആയതോടെ സക്കറിയ അവളുടെ കവിളിലേക്ക് കൈവീശി അടിച്ചു അടിയുടെ ശക്തിയിൽ സാക്ഷി താഴേക്ക് വീണിരുന്നു അതോടൊപ്പം അവളുടെ ചുണ്ട് പൊട്ടി ചോര ഒഴുകി ഇറങ്ങി. താഴെ നിന്ന് എങ്ങനെ ഒക്കെയോ എഴുന്നേറ്റ് അവൾ മുഖം ഉയർത്തി അഗ്നിയെ ഒന്നു നോക്കി അഗ്നിയുടെ നിയന്ത്രണം നഷ്ടമാകാൻ അത്‌ മതിയായിരുന്നു. സക്കറിയയുടെ ആളുകളുടെ പിടിയിൽ നിന്ന് കുതറി സക്കറിയക്കടുത്തേക്ക് പാഞ്ഞു ചെന്നുകൊണ്ട് കാലുയർത്തി അയാളെ ചവിട്ടി സക്കറിയ തെറിച്ച് അവിടെ കിടന്ന കസേരയുടെ മുകളിലേക്ക് വീണു

എന്നിട്ടും മതിയാകാതെ വീണു കിടക്കുന്ന അയാളുടെ നെഞ്ചത്തേക്ക് ആഞ്ഞു ചവിട്ടികൊണ്ട് അഗ്നി പറഞ്ഞു. " നീ എന്ത് വിചാരിച്ചടാ നായെ, എന്റെ പെണ്ണിനെ വെച്ച് എനിക്ക് വിലയിടാന്നോ. ഇവളെ ചേർത്ത് പിടിച്ചത് ഞാനാ അപ്പൊ ഏത് പ്രതിസന്ധിയിലും ഇവളെ രക്ഷിക്കാൻ ചങ്കുറ്റവും എനിക്ക് ഉണ്ടടോ. പിന്നെ നീ വിചാരിച്ച് കാണും നിന്റെ ഭീഷണി ഭയന്നാണ് ഞാൻ ഒറ്റക്ക് വന്നതെന്ന് എന്നാലേ നിനക്ക് തെറ്റി ഈ അഗ്നിക്ക് നിന്നെ ഒറ്റക്ക് വേണായിരുന്നു അതിന് വേണ്ടി മാത്രമാ എന്റെ ഈ വരവ്. പെട്ടന്ന് തന്നെ സക്കറിയ അഗ്നിയിയുടെ കാൽ തട്ടി മാറ്റി അവനെ പുറകിലേക്ക് തള്ളി കൊണ്ട് വീണിടത്ത് നിന്ന് ചാടി എഴുന്നേറ്റ് കൊണ്ട് പറഞ്ഞു. " എടാ കൊച്ചനെ നീ എവിടെ നിന്നാണ് സംസാരിക്കുന്നതെന്ന് ഓർമ വേണം. " ച്ചി നിർത്തടോ താൻ ആരെയാ പേടിപ്പിക്കുന്നെ രണ്ട് മൂന്ന് തവണ എന്നേ തീർക്കാൻ ആളെ വിട്ടതല്ലേ എന്നിട്ട് എന്ത് പറ്റി ഒന്നും നടന്നില്ലലോ പിന്നെയാ ഇപ്പോ നടക്കാൻ പോകുന്നെ. " ഹ.. ഹ.. ഹ.. നിന്റെ ധൈര്യം കൊള്ളാം. " എന്തിനാടോ ഇങ്ങനെ നിന്ന് കിണിക്കുന്നെ എന്നോട് നേരിട്ട് മുട്ടാൻ ധൈര്യം ഇല്ലാത്തത് കൊണ്ടല്ലെടോ വീട്ടിലിരിക്കുന്ന പെണ്ണിനെ പൊക്കികൊണ്ട് വന്നത് നാണമില്ലെടോ തനിക്ക്. അഗ്നി സക്കറിയയെ നോക്കി പുച്ഛിച്ചു കൊണ്ട് പറഞ്ഞു.

സക്കറിയ അഗ്നിയെ നോക്കി പല്ലുകടിച്ച് നിൽക്കുവായിരുന്നു. " വെറുതെ പല്ലുകടിച്ച് പൊട്ടിക്കണ്ട, പിന്നെ തനിക്ക് വേറെ ഒരു കാര്യം അറിയോ ഞാൻ ഇവിടെ ചാർജ് എടുത്തപ്പോൾ തന്നെ തന്റെ ഒക്കെ മരണവും കുറിച്ച് കഴിഞ്ഞടോ. നിന്നോടൊക്കെ ഞാൻ അന്നേ പറഞ്ഞതാ നിന്നെ ഒക്കെ തീർത്തിട്ടെ ഞാൻ ഈ കളമൊഴിഞ്ഞു പോകുന്ന്. " നിന്റെ ആത്മ വിശ്വാസം കൊള്ളാം പക്ഷെ എന്റെ സ്ഥലത്ത് വന്ന് എന്നേ വെല്ലുവിളിച്ചിട്ട് നീ ഇവിടന്ന് പോകുന്നത് എനിക്ക് ഒന്നു കാണണം. അഗ്നിയോട് അതും പറഞ്ഞ് സക്കറിയ സാക്ഷിയെ പിടിച്ചു നിൽക്കുന്നവരുടെ നേരെ തിരിഞ്ഞു കൊണ്ട് പറഞ്ഞു. " അവളെ പിടിച്ച് ആ കസേരയിലേക്ക് കെട്ടടാ എന്നിട്ട് ഇവന് നമ്മൾ ആരെന്ന് ഒന്നു മനസിലാക്കി കൊടുക്ക്. സക്കറിയയുടെ നിർദ്ദേശം എത്തിയതോടെ അയാളുടെ ആളുകൾ സാക്ഷിയെ പിടിച്ച് വലിച്ച് കസേരയിലേക്ക് കെട്ടിയിട്ടു. അപ്പോളേക്കും ആയുധങ്ങളുമായി ബാക്കി ഉള്ളവർ നിരന്നിരുന്നു. " ടാ എന്നേ വെല്ലുവിളിച്ചിട്ട് ഇവൻ ഇവിടന്ന് ജീവനോടെ പോകാൻ പാടില്ല അടിച്ച് കൊല്ലടാ അവനെ. സക്കറിയ അയാളുടെ ആളുകളെ നോക്കി അലറിയതും ഗുണ്ടകൾ അഗ്നിക്ക് നേരെ ആയുധങ്ങളുമായി പാഞ്ഞടുത്തു.

അഗ്നിക്ക് അടുത്തേക്ക് പാഞ്ഞടുക്കുന്നവരെ കണ്ട് സാക്ഷിക്ക് പേടി തോന്നിയെങ്കിലും അഗ്നി അവളോട് പറഞ്ഞ കാര്യങ്ങൾ മനസിലൂടെ കടന്നു പോകാൻ തുടങ്ങി. "ഒന്നു ഞാൻ പറയാം എന്റെ ജീവൻ പോയാലും അതിന് ഒരു മിനിറ്റ് മുൻമ്പെങ്കിലും അവന്മാരെ ഞാൻ തീർത്തിരിക്കും. പെണ്ണിനെ കാമം തീർക്കാനും വില്പ്പന ചരക്കാക്കാനും ഉപയോഗിക്കുന്നവന്മാർ ഒന്നും ജീവിച്ചിരിക്കാൻ പാടില്ല തീർക്കും ഞാൻ" മനസിലൂടെ കടന്നു പോയ അഗ്നിയുടെ ഈ വാക്കുകൾ സാക്ഷിക്ക് എന്തെന്നില്ലാത്ത ധൈര്യം പകർന്നു. ഒന്നു കണ്ണുകൾ അടച്ച് തുറന്ന് കൊണ്ട് അവൾ അഗ്നിയോടായി വിളിച്ച് പറഞ്ഞു. " ദേവേട്ടാ നമ്മുക്ക് എന്ത് പറ്റിയാലും ഇവനെ ഒന്നും വെറുതെ വിടരുത് അടിച്ച് കൊല്ല് ദേവേട്ടാ. സാക്ഷിയിൽ നിന്ന് കേട്ട വാക്കുകൾ അഗ്നിക്ക് ഊർജം കിട്ടിയ പോലെയായിരുന്നു മുന്നിലേക്ക് പാഞ്ഞു വരുന്ന ഓരോരുത്തരെയും അഗ്നി ഇടിച്ച് വീഴ്ത്താൻ തുടങ്ങി. അത്‌ കണ്ട് വിജയ ചിരിയോടെ സാക്ഷി സക്കറിയയെ നോക്കി പെട്ടന്ന് തന്നെ ഗുണ്ടകളിൽ ഒരുവൻ അഗ്നിയെ പിന്നിൽനിന്ന് ചവിട്ടി പ്രതീക്ഷിക്കാതെ കിട്ടിയ ചവിട്ടായതിനാൽ അഗ്നി തെറിച്ച് താഴേക്ക് വീണു അത്‌ കണ്ട സക്കറിയ സാക്ഷിയെ നോക്കി പുച്ഛിച്ച് ചിരിച്ചു. " ദേവേട്ടാ കൊല്ലവനെ. സാക്ഷി വിളിച്ച് പറഞ്ഞതും വീണിടത്ത് നിന്ന് ചാടി എഴുന്നേറ്റ് ചവിട്ടിയവന്റെ പിന്നിലൂടെ ചെന്ന് അവനെ ബ്ലോക്ക്‌ ചെയ്ത് കൈ മുഷ്ടി ചുരുട്ടി അവന്റെ മൂക്കിനിട്ട് അഞ്ഞിടിച്ചു. അവന്റെ മൂക്കിലൂടെ പൈപ്പ് തുറന്നു വിട്ടതുപോലെ ചോര ഒലിച്ചിറങ്ങാൻ തുടങ്ങി. ....................... ❤️❤️....................

അർജുവും അമ്മുവും വീട്ടിൽ എത്തുമ്പോൾ അവരെ പ്രതീക്ഷിച്ച് എന്നപോലെ എല്ലാവരും ഉമ്മറത്ത് ഉണ്ടായിരുന്നു. അമ്മയെയും അച്ഛനെയും കണ്ടതോടെ അമ്മു അടക്കി പിടിച്ച സങ്കടം പുറത്തേക്ക് വരാൻ തുടങ്ങി അവൾ കരഞ്ഞു കൊണ്ട് പത്മത്തെ ചുറ്റി പിടിച്ചു. പത്മം ഞെട്ടലോടെ അർജുനോട് ചോദിച്ചു. " അർജു എന്താ എന്താ പറ്റിയെ. " അമ്മേ അത്‌. " എന്താടാ മോനെ എന്തിനാ അമ്മുട്ടി കരയുന്നെ അല്ല സാക്ഷി മോള് എവിടെ. " അച്ഛാ അത്‌ സാക്ഷിയെ കാണാനില്ല. " എന്ത് സാക്ഷിമോളെ കാണാനില്ലെന്നോ. ചന്ദ്രശേഖരനും പത്മവും ഞെട്ടലോടെ അർജുനോട് ചോദിച്ചു. അർജു അതെ എന്ന അർത്ഥത്തിൽ തലയാട്ടി പിന്നീട് അർജു കോളേജിൽ നടന്ന ഓരോന്നും അവരോട് പറയാൻ തുടങ്ങി. " അർജു അപ്പൊ പൂജ ആണോ ഇതിനു പിന്നിൽ. അമ്മേ അവൾക്ക് ഇതിൽ എന്തോ പങ്ക് ഉണ്ട് അതുമാത്രമല്ല അവളുടെ പിന്നിൽ മാറ്റാരൊക്കെയോ ഉണ്ട്. " അർജു അഗ്നി എന്താ പറഞ്ഞെ. " അച്ഛാ ഏട്ടൻ സാക്ഷിയെ അനേഷിച്ച് പോയിട്ടുണ്ട് ഏട്ടന് സാക്ഷി എവിടെയാന്ന് മനസിലായെന്ന് തോന്നുന്നു. " എന്നാൽ പേടിക്കണ്ട മോനെ അഗ്നി മോളെ കൊണ്ടുവന്നോളും. " മ്മ്. അപ്പോളും പത്മം എന്തോ ചിന്തയിൽ ആയിരുന്നു പെട്ടന്ന് എന്തോ ഓർത്തപോലെ പത്മം പറഞ്ഞു. " ചന്ദ്രേട്ടാ നമ്മുടെ മക്കൾക്ക് എന്തേലും പറ്റുമോ. " താൻ പേടിക്കാതിരിക്ക് പത്മം അഗ്നി പറഞ്ഞത് ഓർമയില്ലേ ഇന്നത്തോടെ എല്ലാത്തിനും ഒരു തീരുമാനം ഉണ്ടാകും.

താൻ മോളെ അകത്തേക്ക് കൊണ്ടുപോ. " അച്ഛാ, അമ്മേ ഞാൻ ഒന്നു പുറത്തേക്ക് പോകുവാ അമ്മുനെ കൊണ്ടാക്കാൻ വന്നതാ. " ശരി മോനെ എന്തേലും വിവരം അറിഞ്ഞാൽ വിളിച്ചു പറയണോട്ടോ. " വിളിക്കാം അച്ഛാ. ചന്ദ്രശേഖരനോട്‌ പറഞ്ഞു കൊണ്ട് അർജു വണ്ടിയിൽ കയറി അവിടെ നിന്നും പോയി അവൻ പോകുന്നത് അല്പസമയം നോക്കി നിന്നിട്ട് അവർ അകത്തേക്ക് കയറി പോയി. ....................... ❤️❤️..................... അവസാനത്തെ ആളെയും അടിച്ചു വീഴ്ത്തിയിട്ട് അഗ്നി സക്കറിയക്ക് നേരെ തിരിഞ്ഞു. തനിക്ക് നേരെ തിരിയുന്ന അഗ്നിയെ കണ്ടതും സക്കറിയ ഓടാൻ ഒരു ശ്രമം നടത്തിയിരുന്നു എന്നാൽ അത്‌ മുൻകൂട്ടി കണ്ടത് പോലെ അഗ്നി അയാളെ ബ്ലോക്ക്‌ ചെയ്തിരുന്നു. " എന്താടോ ഓടുന്നില്ലേ. " വേണ്ട ഈ സക്കറിയയെ കൈ വെക്കുന്നതിന് മുന്നേ ഒന്നുടെ ആലോചിച്ചിട്ട് മതി സാറെ. " ഇപ്പോളും ഡയലോഗിന് ഒരു കുറവും ഇല്ലലോടോ, ഒറ്റക്ക് എന്റെ മുന്നിൽ നിൽകുമ്പോളും ഇങ്ങനെ പറയുന്ന തന്റെ ധൈര്യം ഉണ്ടല്ലോ സമ്മതിച്ചു ഞാൻ. " ധൈര്യം ഇല്ലാതെ ഇരിക്കോ സാറെ ഇവിടെ വരെ ഞാൻ എത്തിയത് തടസം നിന്നവരെ ഒക്കെ വെട്ടി നിരത്തി തന്നെയാ. ഇനിയും മുന്നോട്ടേക്ക് അങ്ങനെ തന്നെയായിരുക്കും. " എന്നാൽ അതൊന്ന് തിരുത്തി കുരിക്കണോലോ സക്കറിയാ മുതലാളിയെ. "

നടന്നത് തന്നെ ഈ ചെറു പ്രായത്തിലെ ഈ മോളെ വിധവ ആക്കണോ സാറെ. ഒന്നിച്ചുള്ള ഒരു ജീവിതം സ്വപ്നം കാണാൻ തുടങ്ങിയതല്ലേ ഉള്ളു. സക്കറിയ അഗ്നിയെ നോക്കി പുച്ഛിച്ചു കൊണ്ട് പറഞ്ഞതും ദേഷ്യം അവന് ഇരച്ച് കയറിയിരുന്നു. സക്കറിയക്ക് അടുത്തേക്ക് പാഞ്ഞു ചെന്ന് അയാളുടെ കഴുത്തിന് കുത്തി പിടിച്ചു കൊണ്ട് അഗ്നി പറഞ്ഞു. " നിന്നെ ഒക്കെ പ്രസവിച്ചതും ഒരു സ്ത്രീ അല്ലേടാ എന്നിട്ടു പോലും പെണ്ണിനെ കച്ചവട ചരക്കാകി മാറ്റി കോടികൾ സമ്പാദിക്കുന്ന നീയൊന്നും ജീവനോടെ ഇരിക്കാൻ പാടില്ല. ഇനി ഒരുവൻ കൂടിയില്ലേ പറയടാ AJ അവൻ എവിടെ ഇന്നത്തോടെ തീരണം എല്ലാവരും. ഓരോ വാക്ക് പറയുമ്പോളും അഗ്നിയിടെ കൈകൾ സക്കറിയയുടെ കഴുത്തിൽ മുറുകികൊണ്ടിരുന്നു. അതിന്റെ പ്രതിഫലം എന്നോണം ശ്വാസം കിട്ടാതെ അയാള് പിടയാൻ തുടങ്ങി. " പിടി വിടടാ അല്ലെങ്കിൽ ഇപ്പൊ നിന്റെ പെണ്ണിന്റെ തല ചിന്നി ചിതറും. പുറകിൽ നിന്നും വന്ന ശബ്ദം കേട്ട് തിരിഞ്ഞു നോക്കിയ അഗ്നി കാണുന്നത് സാക്ഷിക്ക് നേരെ തൊക്ക് ചൂണ്ടി നിൽക്കുന്ന ഹുഡ്‌ഡി ധരിച്ച ഒരു രൂപത്തെ ആയിരുന്നു.

പെട്ടന്ന് തന്നെ അഗ്നിയുടെ കൈകൾ സക്കറിയയിൽ നിന്നും അയഞ്ഞു. പിടി വിട്ടതും ആഞ്ഞു ശ്വാസം വലിച്ചുകൊണ്ട് സക്കറിയ ചുമക്കാൻ തുടങ്ങി ഏതാനും സമയത്തിന് ശേഷം ഒക്കെയായെന്ന് മനസിലായതും അഗ്നിയെ തട്ടി മാറ്റി മുന്നിലേക്ക് വന്നുകൊണ്ട് സക്കറിയ ഹുഡ്‌ഡി ധരിച്ച രൂപത്തോട് പറഞ്ഞു. " AJ മോനെ എന്തിനാ ഇനിയും വൈകുന്നേ ഷൂട്ട്‌ ചെയ്യ്‌ അവളെ അതോടെ തീരട്ടെ എല്ലാം. " ഹ.. ഹ.. ഹ.. സമയം ആയിട്ടില്ല അങ്കിൾ. സക്കറിയയുടെ വായിൽ നിന്നും വീണ AJ എന്ന പേരിൽ കുടുങ്ങി കിടക്കുവായിരുന്നു അഗ്നി അപ്പോളും അവന്റെ അവസ്ഥ അറിഞ്ഞതുപോലെ സക്കറിയ AJ നോട്‌ പറഞ്ഞു. " ദേ കണ്ടില്ലേ ACP സാറ് ഞെട്ടി നിൽകുന്നെ നീ ആരെന്ന് സാറിന് മനസിലായിട്ടില്ല രഹസ്യങ്ങൾ മറ നീക്കി പുറത്തു വരാൻ സമയമായി. നിന്നെ ഇവരു കൂടി കാണട്ടെ. സക്കറിയ പറഞ്ഞതും AJ പെട്ടെന്നുതന്നെ ഹുഡിയുടെ ക്യാപ് തലയിൽ നിന്നും താഴേക്ക് മാറ്റി. മുന്നിൽ നിൽക്കുന്ന ആളെ കണ്ട് അഗ്നിയും സാക്ഷിയും ഒരുപോലെ ഞെട്ടിപോയിരുന്നു......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...