💞 അഗ്നിസാക്ഷി 💞: ഭാഗം 3

എഴുത്തുകാരി: സ്‌നേഹ സാജു

ശരവണന് അവന്റെ കൈയിലെ അസ്ഥികൾ എല്ലാം ഒടിഞ്ഞു നുറുങ്ങുന്ന പോലെ തോന്നി അതിന്റെ പ്രതിഫലം എന്നോണം അവൻ കൈ വലിക്കാൻ ശ്രമിക്കുന്നുണ്ടായിരുന്നു എന്നാൽ അപ്പോളേക്കും അഗ്നി അവന്റെ കൈയിൽ ഒന്നുകൂടി ആഞ്ഞു ചവിട്ടിയിരുന്നു. വേദന സഹിക്കാൻ വയ്യാതെ ശരവണൻ അലറി കരഞ്ഞു കൊണ്ട് പറയാൻ തുടങ്ങി . " അയ്യോ സാറെ ഇനിയെന്നെ ചവിട്ടല്ലേ വേദനിക്കുന്നു, വല്ലാതെ വേദനിക്കുന്നു. " വേദനികണോല്ലോ, നിനക്ക് ഒക്കെ നന്നായി തന്നെ വേദനിക്കണം അതിനു വേണ്ടിത്തന്നെയാ നിന്റെ കൈ ഞാൻ ഇങ്ങനെ ചവിട്ടി അരക്കുന്നെ. " സാറെ ഞങ്ങൾക്ക് ഒരു തെറ്റ് പറ്റി പോയതാ ഇനി ആവർത്തിക്കില്ല. " പന്ന മോനെ തെറ്റ് പറ്റിപ്പോയി പോലും, ഒരു പെൺകുട്ടി അതും നിന്റെ ഒക്കെ മോളാവാനുള്ള പ്രായമല്ലേ അതിനുള്ളു അതുമല്ല ഒരു കൈകുഞ്ഞിമായി വരുന്നതെന്ന് പോലും ഓർക്കാതെ അവളെ ഈ നടു റോട്ടിലിട്ട് പട്ടിയെ പോലെ ഉപദ്രവിച്ചിട്ട് അവനൊക്കെ പറ്റിപ്പോയി പോലും. ദേഷ്യം കൊണ്ട് അഗ്നിയുടെ മുഖം ഒന്നുകൂടി വലിഞ്ഞു മുറുകി അതിന്റെ പ്രതിഫലം എന്നോണം ശരവണനെ പിടിച്ചെഴുന്നേൽപ്പിച്ച് കവിളെല്ല് പൊട്ടുമാറ് ഒറ്റ അടിയായിരുന്നു. അഗ്നിയുടെ അടിയിൽ ശരവണൻ റോഡിലേക്ക് മലർന്നടിച്ച് വീണു അവന്റെ ചുണ്ട് പൊട്ടി ചോര ഒലിച്ചിറങ്ങാൻ തുടങ്ങി.

പിന്നെയും അടുത്തേക്ക് നടന്നു വരുന്നവനെ കണ്ട് വീണിടത്ത് നിന്ന് എങ്ങനൊക്കെയോ ചാടിയെഴുന്നേറ്റ് ശരവണൻ അഗ്നിയുടെ കാലിൽ കെട്ടിപിടിച്ച് കരയാൻ തുടങ്ങി. " ഇനിയും തല്ലല്ലേ സാറെ ഞാൻ ചത്തുപോകും. മോനെ നിന്റെ ചേട്ടനോട് ഒന്നു പറയടാ. കാറിന്റെ ബോണറ്റിൽ ഇരിക്കുന്ന അർജുനെ നോക്കി ശരവണൻ പറഞ്ഞു. ശരവണന്റെ ഓരോ കാട്ടായവും കണ്ട് അർജു ചിരിച്ച് പോയിരുന്നു. ചിരിക്കുന്ന അവനെ ഒന്നു കൂർപിച്ച് നോക്കി കൊണ്ട് അഗ്നി ശരവണനോട് പറഞ്ഞു. " അല്ലേലും നിന്നോടൊന്നും പറഞ്ഞിട്ട് കാര്യമില്ലടാ. " ഇനി ആവർത്തിക്കില്ല സാറെ ഞങ്ങള് പൊക്കോട്ടെ. കാലേൽ കെട്ടിപിടിച്ച് പറയുന്ന ശരവണനെ തട്ടി മാറ്റി ദേഷ്യത്തിൽ അവനെ നോക്കിക്കൊണ്ട് അഗ്നി പറഞ്ഞു. " ഇപ്പോ ഞാൻ നിന്നെ ഒക്കെ വെറുതെ വിടുവാ അല്ലെങ്കിലും നിന്നെ ഒന്നുമല്ല എനിക്ക് വേണ്ടത്, എന്ത് കൊള്ളരുതായ്മയും ചെയ്യാൻ നിങ്ങളെ ഒക്കെ ഇങ്ങനെ അഴിച്ചു വിടുന്ന നിന്റെ ഒക്കെ തലപ്പത്തിരിക്കുന്നവന്മാരെയാ എനിക്ക് വേണ്ടത്. ചെന്നു പറഞ്ഞേരെ അവനെയൊക്കെ തളയ്ക്കാൻ ആള് വന്നെന്ന്, എഴുന്നേറ്റ് പോടാ. അഗ്നി ദേഷ്യത്തോടെ അലറിയതും ശരവണൻ താഴെ നിന്ന് ചാടിയെഴുന്നേറ്റ് അവിടെ നിന്നും ഓടി.

ജീവൻ തിരിച്ചു കിട്ടിയ പോലെ തോന്നി അവന് പെട്ടന്ന് തന്നെ അവനും അവന്റെ കൂട്ടാളികളും വണ്ടിയിലേക്ക് കയറി പോയി. അവർ പോയ വഴിയേ അല്പസമയം നോക്കി നിന്ന ശേഷം അഗ്നി അർജുനോട് പറഞ്ഞു. " അർജു, വണ്ടിന്ന് ആ കുപ്പിയിലെ വെള്ളം ഇങ്ങോട്ട് എടുത്തേ. അർജു പെട്ടന്ന് തന്നെ കാറിന്റെ ബോണറ്റിൽ നിന്നും ഇറങ്ങി ഡോറ് തുറന്ന് കുപ്പിയിലെ വെള്ളം എടുത്ത് അഗ്നിക്ക് നേരെ നീട്ടി. " എന്ത് ഫൈറ്റായിരുന്നു ഏട്ടാ ശരിക്കും ഒരു ഫൈറ്റ് മൂവി കാണുന്ന പോലുണ്ടായിരുന്നു. അവന്മാരൊന്നും ഇനി കുറെ നാളത്തേക്ക് തല പോക്കില്ല ഉറപ്പാ. " ഒറ്റ വീക്ക് വെച്ച് തന്നാലുണ്ടല്ലോ, അവൻ ഓരോന്ന് ഒപ്പിച്ചു വെച്ചിട്ട്. " നിങ്ങൾ ഇത് എന്ത് പോലീസാ മനുഷ്യാ, ഇതുപോലുള്ള അവസരങ്ങളിലല്ലേ ഉണർന്ന് പ്രവർത്തിക്കേണ്ടത് . ഉണരൂ ഉപഭോക്താവേ ഉണരൂ. " ദേ ചെറുക്കാ ഇവിടെ നിന്ന് ചീഞ്ഞ കോമഡി അടിക്കാതെ ആ പെണ്ണ് എവിടെന്ന് ചെന്ന് നോക്കടാ. "

ഓക്കെ ബോസ്സ്. അഗ്നിയെ നോക്കി വളിച്ച ചിരി ചിരിച്ചോണ്ട് അവൻ സാക്ഷിയെ നോക്കാൻ തുടങ്ങി. " ഈ ചെറുക്കന്റെ ഒരു കാര്യം. അവൻ പോകുന്നതും നോക്കി പറഞ്ഞുകൊണ്ട് അഗ്നി കുപ്പിയിലെ വെള്ളം ഒഴിച്ച് കൈയും മുഖവും കഴുകാൻ തുടങ്ങി. ആ സമയം കൊണ്ട് തന്നെ അർജുൻ സാക്ഷിയുടെ അടുത്ത് എത്തിയിരുന്നു. അർജുൻ കാറിന് അടുത്ത് എത്തിയപ്പോളേക്കും കണ്ടു കറിനു സൈഡിലായി പേടിച്ചരണ്ടു നിൽക്കുന്ന സാക്ഷിയെ. അവളുടെ മുഖത്തെ ഭയം മനസിലാക്കിയ പോലെ അർജുൻ അവളെ നോക്കി കണ്ണുകൾ ചിമ്മി കാണിച്ചു. അവന്റെ മുഖത്തേക്ക് നോക്കുമ്പോൾ അവൾക്ക് എന്തോ ഒരു ആശ്വാസം തോന്നുന്നുണ്ടായിരുന്നു. അതുകൊണ്ട് തന്നെ അവളും അവനെ നോക്കി പതിയെ പുഞ്ചിരിച്ചു. " റിലാക്സ്, പേടിക്കണ്ട കേട്ടോ അവന്മാർ പോയി. അവൻ അവളോട് സംസാരിക്കുമ്പോളും അവൾ അവനെ നോക്കി പുഞ്ചിരിച്ചു. അപ്പോളാണ് അവന്റെ കണ്ണുകൾ അവളുടെ മാറോട് ചേർന്ന് ഉറങ്ങുന്ന കുഞ്ഞിലേക്ക് എത്തിയത്, ഒന്നു പുഞ്ചിരിച്ചോണ്ട് അവൻ പതിയെ ആ കുഞ്ഞി തലയിൽ തലോടി എന്നിട്ട് അവളോട് പറഞ്ഞു. "

കുഞ്ഞിനെ ഇങ്ങോട്ട് താ ഞാൻ പിടിക്കാം എന്നിട്ട് മുന്നിലേക്ക് കയറി വാ എങ്ങോട്ടാ പോകേണ്ടതെന്ന് വെച്ചാൽ ഞങ്ങള് കൊണ്ടാക്കാം. അവൾ ആദ്യം ഒന്നു സംശയിച്ചു നിന്നു എന്നിട്ട് പതിയെ കുഞ്ഞിനെ അവന്റെ കൈയിലേക്ക് കൊടുത്തിട്ട് അവനോട് പറഞ്ഞു. " എ... നിക്ക്... കു... റച്ചു...വെ... ള്ളം... ത... രാ... മോ. അവളുടെ ശബ്ദം നന്നായി വിറക്കുന്നുണ്ടായിരുന്നു. ശരീരത്തിന് ഏറ്റ മുറിവുകളും വിശപ്പും അവളെ നന്നായി തളർത്തുന്നുണ്ടായിരുന്നു. അത് മനസിലാക്കിയ പോലെ അർജുൻ പതിയെ തിരിഞ്ഞ് അഗ്നിയെ നോക്കി എന്നാൽ അപ്പോളേക്കും സാക്ഷി നിലത്തേക്ക് ബോധമറ്റ് വീണിരുന്നു. " ഏട്ടാ... അർജുന്റെ വിളികേട്ട് തിരിഞ്ഞു നോക്കിയ അഗ്നി കാണുന്നത് നിലത്ത് ബോധം മറഞ്ഞു കിടക്കുന്ന സാക്ഷിയെ ആയിരുന്നു. പെട്ടന്ന് തന്നെ അവൻ അവരുടെ അടുത്തേക്ക് വന്നു. " എന്താ അർജു എന്താ ഉണ്ടായേ. " ഏട്ടാ ഈ ചേച്ചിക്ക് തീരെ വയ്യേന്ന് തോന്നുന്നു. താഴെ വീണു കിടക്കുന്ന സാക്ഷിയെ ചുണ്ടി കൊണ്ട് അർജുൻ പറഞ്ഞു. പെട്ടന്ന് തന്നെ അഗ്നി താഴെക്കിരുന്ന് അവളെ വിളിച്ചു നോക്കി എന്നാൽ യാതൊരു പ്രതികരണവും അവിടെ നിന്നും ഉണ്ടായില്ല. " ഡാ ഇവള് വിളിച്ചിട്ട് എഴുന്നേൽക്കുന്നില്ലലോ ഇനി എന്നാ ചെയ്യാനാ. ഇപ്പൊത്തന്നെ ഒരുപാട് ലേറ്റ് ആയി ഹോസ്പിറ്റലിൽ കൊണ്ടുപോകാന്ന് വെച്ചാൽ ഈ ടൈമിൽ ഡോക്ടർമാർ കാണില്ല ഇനി ഇപ്പോൾ എന്ത് ചെയ്യും.

" ഇനി ഇപ്പോ എന്ത് ചെയ്യാൻ കൂടെ കുട്ടാം അത്രതന്നെ. " കൂടെ കൂട്ടാനോ എങ്ങോട്ട്. " വീട്ടിലേക്ക് അല്ലാതെ പിന്നെ വേറെ എവിടെക്കാ ഇതൊരു പെൺകുട്ടിയല്ലേ ഇവിടെ ഉപേക്ഷിച്ച് പോക്കാൻ പറ്റുമോ, നാളെ ഈ കുട്ടിക്ക് എന്തേലും പറ്റിയാൽ നമ്മളാകും അഴിയേണ്ണാൻ പോകുന്നത് ഒരു പോലീസുകാരനായ ഏട്ടന് ഇതൊക്കെ ഈ അനിയൻ പറഞ്ഞു തരണോ. " ഡാ അത്. " വേണ്ട ഒന്നും പറയണ്ട, ഏട്ടൻ അവരെ എടുത്ത് കാറിലേക്ക് കിടത്ത്, നമ്മുക്ക് ഇവരെ വീട്ടിലേക്ക് കൊണ്ടുപോകാം ബോധം തെളിയുമ്പോൾ എവിടെയാന്ന് വെച്ചാൽ കൊണ്ടാക്കാം. ആ പിന്നെ പോകുന്ന വഴി നമ്മുടെ ഫാമിലി ഡോക്ടറെ ഒന്നു കാണിക്കാം. " മ്മ്. അർജു പറഞ്ഞത് മനസിലായ പോലെ അഗ്നി അവളെ എടുത്ത് കാറിന്റെ ബാക്ക് സീറ്റിലേക്ക് കിടത്തി എന്നിട്ട് മുന്നിലേക്ക് വന്ന് കോഡ്രൈവിംഗ് സീറ്റിന്റെ ഡോർ തുറന്ന് കൊടുത്ത് അർജുനോട് പറഞ്ഞു. " കുഞ്ഞിനേം കൊണ്ട് സൂക്ഷിച്ച് കയറ് നീ. അർജു കൂടി കേറിയ ശേഷം അഗ്നി ഡ്രൈവിംഗ് സീറ്റിലേക്ക് കയറി ഇരുന്ന് കാർ പതിയെ മുന്നിലേക്ക് എടുത്തു. കാറിനുള്ളിൽ മൗനം തളം കേട്ടുന്നുണ്ടായിരുന്നു അതിനെ ബേധിച്ചു കൊണ്ട് അർജു പറഞ്ഞു

. " ദേ നോക്കിയേ ഏട്ടാ എന്ത് ഭംഗിയാ ഈ കുഞ്ഞിനെ കാണാൻ. തന്റെ കൈയിൽ ഒരു പൂച്ച കുഞ്ഞിനെ പോലെ പതുങ്ങി കിടന്നുറങ്ങുന്ന കുഞ്ഞിനെ തൊട്ടു നോക്കിക്കൊണ്ട് അർജു അഗ്നിയോട് പറഞ്ഞു. " ദേ അർജു നീ ഇങ്ങനെ തൊട്ട് തൊട്ട് അതിനെ ഉണർത്തല്ലേ. അതെങ്ങാനും ഇപ്പൊ ഉണർന്നാ കുഴപ്പമാകുട്ടോ. " മ്മ്, അല്ല ഏട്ടാ ഇവര് ആരായിയിരിക്കും , എങ്ങനെയാകും അവന്മാരുടെ പിടിയിൽ പെട്ടത്. " അതൊക്കെ അറിയണോങ്കിൽ പുറകിൽ കിടക്കുന്നവൾക്ക് ബോധം വരണം. " അതും നേരാ. കുറച്ചു സമയത്തെ യാത്രക്കു ശേഷം അവരുടെ കാർ ഒരു വലിയ ഗെയ്റ്റിനു മുന്നിൽ വന്നു നിന്നു. അഗ്നി കാർ ഒന്നു നിർത്തി ഒരു ദീർഘ നിശ്വാസം എടുത്തു എന്നിട്ട് പതിയെ ഹോൺ അടിക്കാൻ തുടങ്ങി. പെട്ടന്ന് തന്നെ ഗെയ്റ്റ് തുറന്നു മുന്നിലായ് നിൽക്കുന്ന കാര്യസ്ഥന് ഒരു പുഞ്ചിരി സമ്മാനിച്ചിട്ട് അഗ്നി കാർ മുന്നോട്ടേക്ക് എടുത്തു. കാർ മുറ്റത്തേക്ക് എത്തിയപ്പോളേക്കും ലൈറ്റുകൾ എല്ലാം പ്രകാശിച്ചു കഴിഞ്ഞിരുന്നു.

മുന്നിലെ വാതിൽ തുറക്കുന്ന ശബ്ദം കേട്ടപ്പോളെ അഗ്നി അർജുനോട് പറഞ്ഞു. " ഈ വീട്ടിൽ ആർക്കും ഉറക്കം ഒന്നും ഇല്ലേ. " എങ്ങനെ ഉറങ്ങാനാ ഏട്ടാ കാലങ്ങൾക്ക് ശേഷം മകൻ വരുന്നതല്ലേ. " ഉവ്വാ...ഉവ്വാ.. ഈ വരവ് അവസാന വരവാകുന്ന തോന്നുന്നേ. നീ അമ്മയെ എങ്ങാനും വിളിച്ചായിരുന്നോ. " ഏയ്‌ ഇല്ലേ ഇല്ല. ആ പിന്നെ അമ്മ ഇടക്ക് കുറച്ചു തവണ വിളിച്ചെന്ന് തോന്നുന്നു. ഫോൺ അടിക്കുന്നപോലെ കേട്ടായിരുന്നു. " എന്നിട്ടും നീ എടുത്തില്ലെടാ. " എന്റെ ഏട്ടാ, നിങ്ങടെ മാസ്സ് ആയിട്ടുള്ള സ്റ്റൻഡ് കണ്ട് കോരിതരിച്ചു നിൽകുമ്പോൾ ഫോൺ ഞാൻ എങ്ങനെ എടുക്കാനാ. " എടാ ദുഷ്ട്ടാ. അവനെ നോക്കി ദേഷ്യത്തിൽ മുരടനക്കി അഗ്നി പറഞ്ഞു. അർജു അപ്പോളേക്കും അവന്റെ മുഴുവൻ പല്ലും കാട്ടി അഗ്നിയെ നോക്കി ഇളിക്കാൻ തുടങ്ങി. അവനെ ഒന്നുകൂടി കുർപ്പിച്ചു നോക്കി അഗ്നി പുറത്തേക്ക് ഇറങ്ങി. " അതെ കിട്ടുന്നത് ഓക്കേ മേടിച്ചോട്ടോ എന്നിട്ട് എന്നെ വിളിച്ചാൽ മതി കേട്ടല്ലോ. പുറത്തേക്കിറങ്ങിയ അഗ്നിയെ നോക്കി..........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...