💞 അഗ്നിസാക്ഷി 💞: ഭാഗം 4

എഴുത്തുകാരി: സ്‌നേഹ സാജു

" അല്ല ആരിത് പത്മമോ, ഇത് എപ്പോ വന്നു ഞാൻ കണ്ടതെ ഇല്ലാലോ. അഗ്നി ഒരു വളിച്ച ചിരിയോടെ തന്നെ ദേഷ്യത്തിൽ നോക്കി നിൽക്കുന്ന അമ്മയോടായി പറഞ്ഞു. " അയ്യോടാ മോനെ ഞാൻ വന്നിട്ടേ പത്ത് അൻപത് കൊല്ലായി. " ഓഹോ, ഇന്ന് കുറച്ചൂടെ സുന്ദരി ആയിട്ടുണ്ടല്ലോ പത്മം. അല്ലെങ്കിലും ദേഷ്യപെടുമ്പോൾ അമ്മക്ക് ഒരു പ്രതേക ഭംഗിയാ. ഇവരുടെ ഈ കളികൾ കണ്ട് ചിരി കടിച്ച് പിടിച്ച് അടുത്തായി നിൽക്കുന്ന ഒരു പെൺകുട്ടി അകത്തേക്ക് നോക്കി വിളിച്ച് പറഞ്ഞു. " അച്ഛാ പെട്ടെന്ന് വാ, നാടിനെ വിറപ്പിക്കുന്ന പുലികുട്ടി അമ്മേടെ മുന്നിൽ പൂച്ചക്കുട്ടിയായി നില്കുന്നത് കാണണോങ്കിൽ. "പോടീ.. അവളെ നോക്കി ചുണ്ടനക്കി പറഞ്ഞുകൊണ്ട് അഗ്നി അമ്മയോട് ഓരോന്ന് പറയാൻ തുടങ്ങി. അപ്പോളേക്കും ഒരു 60 നോട്‌ അടുത്ത് പ്രായം ഉള്ള ഒരാൾ അകത്തുനിന്ന് പുറത്തേക്ക് വന്നു. " എന്റെ പത്മം മതി സംസാരിച്ചത് സമയം ഒരുപാടായി പിള്ളേരെ അകത്തേക്ക് കയറ്റി വിട്, ബാക്കി ഓക്കേ നേരം വെളുത്തിട്ട് പറയാം. "

ചന്ദ്രേട്ടന് അങ്ങനെ പറഞ്ഞാൽ മതി, എന്റെ ആധി എനിക്ക് അല്ലെ അറിയൂ. വൈകുവെങ്കിൽ ഒന്നു വിളിച്ചു പറഞ്ഞൂടെ ഇവന്മാർക്ക് അല്ലെങ്കിൽ വിളിക്കുമ്പോൾ ഒന്ന് എടുത്തൂടെ. ഒരു അമ്മേടെ വിഷമം ആർക്കും പറഞ്ഞാൽ മനസിലാകില്ല. " സോറി അമ്മാ , ഇനി ഇങ്ങനെ ഉണ്ടാകില്ല. വരുന്ന വഴിക്ക് ചെറിയൊരു പ്രശ്നം അതാ വൈകിയത് ഇനി അതിന്റെ പേരിൽ കണ്ണുനിറക്കല്ലേ. " മ്മ് പോട്ടെ, അകത്തേക്ക് കയറി വാ, വിശക്കുന്നുണ്ടോടാ അമ്മ കഴിക്കാൻ എടുക്കാം വാ. ഉമ്മറത്ത് നിന്ന് അകത്തേക്ക് കയറാൻ തുനിഞ്ഞ പത്മം പെട്ടെന്ന് നിന്ന് തിരിഞ്ഞു നോക്കിക്കൊണ്ട് അവനോട് ചോദിച്ചു. "അല്ലടാ മോനെ നിന്നെ കൊണ്ടുവരാൻ ഇവിടന്ന് ഒരുത്തൻ വന്നിട്ടുണ്ടായിരുന്നലോ എന്നിട്ട് അവൻ എന്തിയെ. " അത് ശരിയാണല്ലോ മോനെ എവിടെടാ അവൻ. നിന്നെ വിളിക്കാനെന്നും പറഞ്ഞിട്ട് ഇനി വേറെ എവിടേക്കെങ്കിലും പോയോ. അഗ്നി പതിയെ അച്ഛന് അടുത്തേക്ക് നീങ്ങി നിന്നുകൊണ്ട് ശബ്ദം താഴ്ത്തി പറഞ്ഞു.

" അവൻ കറിലുണ്ട് അച്ഛാ, ഇവിടത്തെ പ്രശ്നം എല്ലാം സോൾവായിട്ട് വിളിച്ചാൽ മതിയെന്ന് പറഞ്ഞുള്ള ഇരിപ്പാ. " ഓഹോ അവൻ അവിടെ ഇരുന്നിട്ട് നിന്നെ അമ്മേടെ അടുത്തേക്ക് ഇട്ടു കൊടുത്തതാലേ. " ഹ... ഹ... അച്ഛൻ ആളു കൊള്ളാലോ പെട്ടെന്ന് മനസിലാക്കികളഞ്ഞല്ലോ. അല്ലെങ്കിലും അവൻ ഈ ഇടയായി എനിക്കിട്ട് താങ്ങുന്നുണ്ട് വരട്ടെ നോക്കാം. " എന്താ അച്ഛനും മോനും കൂടി ഒരു രഹസ്യം പറച്ചിൽ. " ഹേ ഒന്നുല്ലമ്മേ. " അഗ്നി അവൻ എവിടെ അർജു. " അവൻ കാറിൽ ഉണ്ടമ്മേ, ചെറുതായി ഒന്നു മയങ്ങി പോയി, ഞാൻ അവനെ വിളിച്ചുമില്ല. അപ്പോളേക്കും കാറിന്റെ കോഡ്രൈവിംഗ് സീറ്റിലെ ഡോർ തുറന്ന് അർജു പുറത്തേക്ക് വന്നു. ( അർജു അവരുടെ അടുത്തേക്ക് വരട്ടെ കേട്ടോ അപ്പോളേക്കും നമ്മുക്ക് ഇവരെ ഒന്നു പരിചയ പെടാം. ഇതാണ് പേരുകേട്ട ദേവമംഗലം തറവാട് ഇവിടുത്തെ കൃഷ്ണവാര്യർക്കും ഊർമിള കൃഷ്ണവാര്യർകും രണ്ട് മക്കൾ ചന്ദ്രശേഖരനും ചിത്രയും.

ചന്ദ്രശേഖരൻ ഭാര്യ പത്മജ അവർക്ക് മൂന്ന് മക്കൾ അഗ്നിദേവ്, അർജുൻ പിന്നെ ഇവരുടെ കുഞ്ഞനുജത്തി അതുല്യ. പിന്നെ ഈ തറവാട്ടിലെ എല്ലാം എല്ലാമായ കാര്യസ്ഥൻ പ്രഭാകരൻ. ചന്ദ്രശേഖർന് ഒരു സഹോദരി ചിത്ര ഭർത്താവ് മാധവൻ രണ്ട് മക്കൾ ചന്ദ്രുവും മാളവികയും.) അർജു നടന്ന് ഉമ്മറത്തേക്ക് എത്തിയപ്പോളേക്കും പത്മം പറഞ്ഞു തുടങ്ങി. " ഓഹോ നീ അതിനകത്ത് ഇരുന്നിട്ടാലേ ഇവനെ ഇങ്ങോട്ട് ഇറക്കി വിട്ടത്, നീ കൊള്ളാലോ. " എന്റെ അമ്മേ അങ്ങനെ ഒന്നും പറയല്ലു, അമ്മേടെ വഴക്കൊക്കെ ഞങ്ങൾ എന്നും കേൾക്കുന്നതല്ലേ എന്നാൽ ഇവൻ കൂടി ഇത്തിരി കേട്ടോട്ടെന്ന് കരുതി. ഞാൻ ചെയ്തത് തെറ്റാണോ അമ്മേ. പറയു.. പറയു. " ഒരു തെറ്റുമില്ല മോനെ നീ അല്ലെ ആള് അങ്ങനെയെ ചെയ്യു എന്ന് അമ്മക്ക് അറിയാല്ലോ. അതൊക്കെ പോട്ടെ മോനെ, ഏതു സമയവും നീ തോണ്ടി കൊണ്ടിരിക്കുന്ന ഒരു കുന്ത്രണ്ടം ഒണ്ടായിരുന്നല്ലോ വിളിച്ചാൽ കിട്ടില്ലെങ്കിൽ അതൊക്കെ കൊണ്ടോയി ചുണ്ണാമ്പിൽ ഇടെടാ. "

ഈ... ഈൗൗ..... സില്ലി ഗേൾ... അവരെ നോക്കി വളിച്ച ചിരി ചിരിച്ചോണ്ട് അർജു അച്ഛനേം അഗ്നിയേം നോക്കി കണ്ണിറുക്കി കാണിച്ചു. അപ്പോളാണ് അതുല്യയുടെ കണ്ണുകൾ അർജുന്റെ കൈയിലെ ടർകിയിൽ എത്തി നിന്നത്. " ഇത് എന്താടാ ഏട്ടാ നീ കൈയിൽ പൊതിഞ്ഞു പിടിച്ചിരിക്കുന്നത്. എവിടെ കാണിച്ചേ. അത് പറയലും അവന്റെ അടുത്തേക്ക് വന്ന് നോക്കലും ഒപ്പമായിരുന്നു അവൾ. ടർകിയിൽ പൊതിഞ്ഞു പിടിച്ചേക്കുന്ന കുഞ്ഞിനെ കണ്ട് മിഴിഞ്ഞ കണ്ണാലെ അവൾ അവനെ നോക്കി അത് മനസിലാക്കിയപോലെ അവൻ അവളെ നോക്കി കണ്ണടച്ചു കാണിച്ചു. " എന്താടി എന്താ അവന്റെ കൈയിൽ. " അമ്മേ ദേ ഈ ഏട്ടന്റെ കൈയിൽ ഒരു കുഞ്ഞ്. " കുഞ്ഞോ. പത്മജയും ചന്ദ്രശേഖരനും ഞെട്ടലോടെ അവനെ നോക്കി. അവരുടെ ഞെട്ടൽ മനസിലാക്കിയ പോലെ അഗ്നി പറഞ്ഞു തുടങ്ങി. " അമ്മേ കുഞ്ഞു മാത്രമല്ല ഒരു പെൺകുട്ടി കൂടി ഒണ്ട് വണ്ടിയിൽ.

" മോനെ നീ എന്തൊക്കെയാടാ ഈ പറയുന്നേ പെൺകുട്ടിയും കുഞ്ഞുമോ, ആരാ അവരൊക്കെ. ചന്ദ്രശേഖരൻ അഗ്നിയോട് ചോദിച്ചു. " എല്ലാം പറയാം അച്ഛാ. അതിനു മുന്നേ ഞങ്ങൾ ഒന്നു അകത്തേക്ക് കയറട്ടെ. അമ്മേ ആ താഴത്തെ റൂം ഒന്നു തുറന്നെ ആ കുട്ടിക്ക് ബോധമില്ല അവളെ ഒന്നു കിടത്താനാ. " മ്മ്. മോൻ സൂക്ഷിച്ച് ആ കുട്ടിയെ എടുത്തോണ്ട് അകത്തേക്ക് കറി വാ അമ്മ അപ്പോളേക്കും റൂം തുറക്കാം. " ശരിയമ്മേ, അമ്മു നീ കൂടി അമ്മേടെ അടുത്തേക്ക് ചെല്ല്. ആ ഫസ്റ്റേഡ് ബോക്സ്‌ കൂടി എടുത്തോ. " ശരി ഏട്ടാ. അവർ അകത്തേക്ക് പോയപ്പോളേക്കും ചന്ദ്രശേഖരൻ കാറിന്റെ ഡോർ പതിയെ തുറന്നു കൊടുത്തു അഗ്നി പെട്ടന്ന് തന്നെ അവളെ എടുത്ത് അകത്തേക്ക് നടന്നു. അവനു പിറകെ ആയി അർജുവും ചന്ദ്രശേഖരനും ഉണ്ടായിരുന്നു. അകത്തേക്ക് കയറി അമ്മ കാണിച്ചു കൊടുത്ത റൂമിലേക്ക് അഗ്നി അവളെ കിടത്തി. അപ്പോളേക്കും അമ്മു ഫസ്റ്റേഡ് ബോക്സ്‌ കൊണ്ടുവന്നു.

പത്മം പെട്ടന്ന് തന്നെ അത് വാങ്ങി മുറിവുകൾ എല്ലാം ക്ലീൻ ചെയ്ത് മരുന്ന് വെച്ചിരുന്നു. ആ സമയം കൊണ്ട് അർജുനും അഗ്നിയും കുഞ്ഞിനെ നോക്കുന്ന തിരക്കിലായിരുന്നു. മരുന്നെല്ലാം വെച്ച ശേഷം ഒരു പുതപ്പെടുത്ത് അവളെ പുതപ്പിച്ച് കുഞ്ഞിനെ കരുതലോടെ അവൾക്കടുത്തേക്ക് കിടത്തിയിട്ട് അവർ ഓരോരുത്തരായി പുറത്തേക്ക് ഇറങ്ങി. അവർ പുറത്തേക്ക് എത്തിയപ്പോൾ സ്വീകരണ മുറിയിൽ അവരെ കാതെന്നപോലെ ചന്ദ്രശേഖരൻ ഉണ്ടായിരുന്നു. എല്ലാവരും അദ്ദേഹത്തിന് അടുത്തുള്ള സെറ്റിയിലേക്ക് ഇരുന്നു. അവർക്ക് പിന്നാലെ വന്ന അഗ്നി ഡൈനിങ് ടേബിളിൽ നിന്ന് അല്പം വെള്ളം എടുത്ത് കുടിച്ച് അവരുടെ അടുത്തേക്ക് വന്നു. " ഏട്ടാ എന്ത് ഭംഗിയാലേ ആ ചേച്ചിയെ കാണാൻ. കുഞ്ഞുവാവ ആ ചേച്ചിടെ ആണോ, എന്ത് ക്യൂട്ടാ. സംസാരത്തിന് തുടക്കം എന്നപോലെ അമ്മു പറഞ്ഞു. അവളെ ഒന്നു നോക്കിയിട്ട് ചന്ദ്രശേഖരൻ അഗ്നിയോട് ചോദിച്ചു. " പറ മോനെ ഏതാ ആ കുട്ടി, അവർ എങ്ങനെയാ നിങ്ങടെ കൂടെ. "

അത് അച്ഛാ അവൾ ആരാണെന്നോ, എങ്ങനെ അവിടെ എത്തിയെന്നോ ഒന്നും അറിയില്ല ഞങ്ങൾക്ക് ഒന്നു മാത്രമറിയാം അവളെ വഴിയിൽ നിന്നും കിട്ടിയതാ. " എന്താടാ എന്താ നീ ഈ പറയുന്നേ എന്തേലും കുഴപ്പം ഒണ്ടോ. മനുഷ്യന് മനസിലാകുന്ന രീതിയിൽ പറ. പത്മത്തിന്റെ വാക്കുകളിൽ ഒരു അമ്മയുടെ കരുതലും ഭയവും എല്ലാം ഉണ്ടായിരുന്നു. അത് മനസിലാക്കിയ പോലെ അഗ്നിയും അർജുവും നടന്ന ഓരോ സംഭവങ്ങളും പറഞ്ഞു തുടങ്ങി. നടന്ന ഓരോന്ന് കേൾക്കുമ്പോളും അവരുടെ മുഖത്ത് പല ഭാവങ്ങളും മിന്നി മായുന്നുണ്ടായിരുന്നു. അവസാനത്തെ സംഭവവും പറഞ്ഞു നിർത്തുമ്പോൾ കേട്ടു നിന്നിരുന്ന പത്മത്തിന്റെയും അമ്മുവിന്റെയും കണ്ണുകൾ നിറഞ്ഞു പോയിരുന്നു. ചന്ദ്രശേഖരനും വല്ലാത്ത ഒരു അവസ്ഥയിൽ എത്തിയിരുന്നു. " ആ ചേച്ചിക്ക് ഒരുപാട് വേദനിച്ച് കാണില്ലേ ഏട്ടാ. എന്ത് ദുഷ്ട്ടൻ മാരാ ഏട്ടാ അവര്. "

അതോർത്ത് നീ വിഷമിക്കണ്ട മോളെ അവന്മാര് ഇനി കുറച്ച് ദിവസത്തേക്ക് പൊങ്ങില്ലെടി അതുപോലെ അല്ലെ അഗ്നിയേട്ടൻ അവരെ അടിച്ചത്. " അതേതായാലും കലക്കി വല്ല്യേട്ടാ. " നന്നായി മോനെ ഇങ്ങനെ ഉള്ളവന്മാർക്ക് രണ്ടെണ്ണം കൊടുക്കുന്നത് നല്ലതാ. ഇന്നത്തെ കാലത്ത് പെൺകുട്ടികൾക്കും ഒറ്റക്ക് ഒക്കെ പുറത്ത് ഇറങ്ങി നടക്കണ്ടേ ഇവന്മാരെ പോലുള്ളവരെ പേടിച്ച് വീട്ടിൽ ഇരിക്കാൻ പറ്റോ. ചന്ദ്രശേഖരൻ അവരോടായി പറഞ്ഞു. " എന്റെ അച്ഛാ അവന്മാർക്കിട്ട് കൊടുത്തിട്ടും വലിയ പ്രയോജനം ഒന്നും ഇല്ല. ഇവന്മാരെ ഇങ്ങനെ എന്ത് തോന്നിവാസത്തിനും കയറുരീ വിടുന്ന ഓരോരോ മുതലാളിമാർക്കിട്ട കൊടുക്കേണ്ടത്. ഞാൻ ഒന്നു ജോയിൻ ചെയ്തോട്ടെ കൊടുക്കുന്നുണ്ട്. " എന്തായാലും നല്ല ഐശ്വര്യം ഉള്ള കുട്ടി ആരാണാവോ. " അറിയില്ല അമ്മേ ഉണർന്നാലേ എന്തേലും അറിയാൻ പറ്റു. " എന്തായാലും നിങ്ങൾ ആ സമയത്ത് അവിടെ എത്തിയത് നന്നായി ഇല്ലായിരുന്നേൽ എന്താകുവായിരുന്നു ആ നീച്ചന്മാർ ആ കുട്ടിയെ ഉപദ്രവിച്ചേനെ.

വല്ലാത്ത ഒരു വേവലാതിയോടെ പത്മം അവരെ നോക്കി പറഞ്ഞു. " പത്മം പറഞ്ഞത് ശരിയാ ആ കുഞ്ഞിനെ പോലും വെറുതെ വിടുവായിരുന്നോ, ഇങ്ങനെ സമൂഹത്തിന് ഭരമായി കുറെ തെമ്മാടികൾ ഒണ്ട് ഒക്കെതിനെയും കൊന്നുകളയുവാ വേണ്ടത്. പക്ഷെ ഇവിടെ ഇപ്പൊ അവരെ സപ്പോർട്ട് ചെയുന്നത് ഉയർന്ന പൊസിഷനിൽ ഉള്ളവരല്ലേ പറഞ്ഞിട്ട് എന്താ കാര്യം അനുഭവിക്കുക തന്നെ. അവരെ നോക്കി തന്റെ അമർഷം വാക്കുകളാൽ തീർക്കുക ആയിരുന്നു ചന്ദ്രശേഖരൻ. അദ്ദേഹത്തിന്റെ ഓരോ വാക്കുകളും ശ്രദ്ധയോടെ കെട്ടിരിക്കുകയായിരുന്നു മറ്റുള്ളവർ. " മോനെ ആ കുട്ടിക്ക് കുഴപ്പം ഒന്നും ഇല്ലാലോലെ. ഡോക്ടറെ എങ്ങാനും കാണിക്കണോ. ബോധം വന്നില്ലാലോ. അഗ്നിയോടായി പത്മം ചോദിച്ചു.

" ഹേ വേണ്ടമ്മേ വരുന്ന വഴി നമ്മുടെ ഫാമിലി ഡോക്ടറെ ഒന്നു കാണിച്ചായിരുന്നു . പേടിക്കാനൊന്നുമില്ല ഡോക്ടർ ഒരു മെഡിസിൻ തന്നിരുന്നു അത് വാങ്ങിയിട്ടുണ്ട് അത് കൊടുക്കാം. പിന്നെ ഇടക്കിടക്ക് ബോധം വരുന്നുണ്ടല്ലോ ഒന്ന് ഉറങ്ങി എഴുന്നേൽക്കുപോളെക്കും ശരിയാകും. പിന്നെ നാളെ ഡോക്ടർ ഇങ്ങോട്ട് വരാന്ന് പറഞ്ഞിട്ടുണ്ട് അത് മതിലോ. " മ്മ് ബോധം വരട്ടെ എന്നിട്ട് എല്ലാം ചോദിച്ചറിയാം എവിടെയാ പോകണ്ടതെന്ന് വെച്ചാൽ കൊണ്ടുപോയി ആക്കാം. എന്നാ മക്കൾ പോയി ഫ്രഷ് ആയി കിടന്നോ രാവിലെ കാണാം. ചന്ദ്രശേഖരൻ അവരോടായി പറഞ്ഞു. പരസ്പരം ഒരു ഗുഡ് നെറ്റും കൊടുത്ത് ഓരോരുത്തരും അവരവരുടെ റൂമിലേക്ക് പോയി........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...