💞 അഗ്നിസാക്ഷി 💞: ഭാഗം 6

എഴുത്തുകാരി: സ്‌നേഹ സാജു

സ്റ്റെപ്സിലേക്ക് കണ്ണെടുക്കാതെ നോക്കി ഇരിക്കുന്ന സാക്ഷിയെ കണ്ടപ്പോൾ അർജുന് ചിരിയാണ് വന്നത് എന്നാൽ അതൊന്നും പുറത്തു കാട്ടാതെ ഫുഡിൽ ശ്രദ്ധിച്ചിരുന്നു അവൻ. അഗ്നി താഴേക്ക് എത്തിയപ്പോളേക്കും അവന്റെ ഫോൺ അടിക്കാൻ തുടങ്ങിയിരുന്നു പെട്ടന്ന് തന്നെ അവൻ ഫോൺ എടുത്ത് സംസാരിക്കാൻ തുടങ്ങി. ഫോണിന്റെ ശബ്ദമാണ് സാക്ഷിയുടെ നോട്ടം മാറ്റിച്ചത്. അവൾ പതിയെ തല ചെരിച്ച് അർജുനെ നോക്കി ആ നോട്ടത്തിന്റെ അർത്ഥം മനസിലായ പോലെ പിന്നീട് പറഞ്ഞു തരാം എന്ന് അവൻ ചുണ്ടനക്കി. " അമ്മേ അച്ഛാ ഞാൻ ഇറങ്ങുവാ. " അഗ്നി മോനെ നീ ഒന്നും കഴിച്ചില്ലലോ. " അത് അമ്മേ SP ആ വിളിച്ചത് പെട്ടന്ന് ഓഫീസിലേക്ക് ചെല്ലാൻ പറഞ്ഞു. " എന്നാ മോൻ ഇറങ്ങിക്കോ സമയം കളയണ്ട ആദ്യത്തെ ദിവസം തന്നെ ലേറ്റ് ആകണ്ട. ചന്ദ്രശേഖരൻ അഗ്നിയോട് പറഞ്ഞു. " എന്നാലും ചന്ദ്രേട്ടാ അവൻ ഒന്നും കഴിചില്ലലോ, എന്തേലും ഒന്നു കഴിച്ചിട്ട് പോ ആധിയോടെ പത്മം പറഞ്ഞു.

" എന്റെ അമ്മേ ഇങ്ങനെ ടെൻഷൻ ആകാതെ ഞാൻ പുറത്തുന്ന് കഴിച്ചോള്ളാം. അത്രയും പറഞ്ഞ് അഗ്നി അമ്മയുടെ കവിളിൽ ഒരു ഉമ്മ കൊടുത്തുകൊണ്ട് പുറത്തേക്ക് ഇറങ്ങി. പുറത്ത് അവനെ കാത്ത് പോലീസ് ജീപ്പ് ഉണ്ടായിരുന്നു. SI അവന് ഒരു സല്യൂട്ട് കൊടുത്ത് ഡ്രൈവിംഗ് സീറ്റിലേക്ക് ഇരുന്നു. അഗ്നി പതിയെ കോഡ്രൈവിങ് സീറ്റിന്റെ അടുത്തേക്ക് നടന്നു. " അർജു. ഡോർ തുറന്ന് കയറുന്നതിന് മുന്നേ അകത്തേക്ക് നോക്കി അഗ്നി വിളിച്ചു അത് കേൾക്കാൻ കാത്തിരുന്ന പോലെ അർജു അകത്തുനിന്ന് അവനടുത്തേക്ക് വന്നു. " എന്താ ഏട്ടാ. " അർജു ആ കുട്ടിക്ക് എങ്ങനെ ഒണ്ട്, ഇന്നലെ നമ്മൾ കൊണ്ടുവന്ന. " ആള് ഇപ്പൊ ഓക്കെയാ ഏട്ടാ. " മ്മ്. ആ കുട്ടിയെ കുറിച്ച് ഡീറ്റൈൽഡ് ആയിട്ട് ചോദിച്ച് മനസിലാക്കി എവിടെയാ പോകേണ്ടെന്ന് വെച്ചാൽ കൊണ്ടുപോയി ആക്കണം കേട്ടോ.

അവർ സംസാരിച്ചോണ്ട് നികുമ്പോളാണ് അതുല്യ അങ്ങോട്ട് വന്നത്. " എന്താ രണ്ടും കൂടി ഞാൻ അറിയാതെ ഒരു ഗുഡാലോചന. "അതോ നിന്ന് എങ്ങനെ ഇവിടുന്ന് പുറത്താക്കാന്ന് ഞാൻ ഏട്ടനോട് ചോദിക്കുവായിരുന്നു അർജു അവളെ ചൊടിപ്പിക്കാൻ പറഞ്ഞു. " ദേ വല്ല്യേട്ടാ ഈ കൊച്ചേട്ടൻ പറഞ്ഞത് കേട്ടോ . " ദേ ചുമ്മാ വഴക്ക് കൂടിയാൽ രണ്ടും എന്റെ കൈയിൽ നിന്ന് വാങ്ങും. ഞങ്ങൾ അതൊന്നും അല്ല പറഞ്ഞത് ഇന്നലെ വന്ന ആ കുട്ടിയെ കുറിച്ച് അനേഷിച്ച് എവിടെയാന്ന് വെച്ചാൽ കൊണ്ടാക്കാൻ പറഞ്ഞതാ. " ഓഹോ, ഏട്ടാ ആ ചേച്ചിയെ കൊണ്ടാക്കണ്ട നല്ല ചേച്ചിയാ, പിന്നെ എന്നാ ക്യൂട്ടാ ആ കുഞ്ഞാവ. " ദേ അമ്മു ആരെ കണ്ടാലും എന്താ ഏതാന്ന് ഒന്നും നോക്കാതെയുള്ള നിന്റെ ഈ സംസാരം ഒണ്ടല്ലോ നിർത്തിക്കോ അത്. " ഓ ഒരു വല്യ പോലീസ് വന്നേക്കുന്നു,

അല്ലേലും ഏട്ടൻ ഈ യുണിഫോമിന്റെ ഉള്ളിൽ കേറിയാൽ കറക്റ്റ് കടുവ ഹും. അഗ്നിടെ മുതുകിനിട്ട് ഒന്നു കൊടുത്ത് അർജുനേം കൊണ്ട് അതുല്യ അകത്തേക്ക് ഓടി. മുതുകിൽ ഒന്നു തടവികൊണ്ട് അഗ്നി കള്ള ദേഷ്യത്തോടെ അവളോട് പറഞ്ഞു. " ഡി. നിനക്ക് ഞാൻ വെച്ചിട്ടുണ്ട്. " ശരി ബ്രോ. ഈൗൗൗൗൗൗ അഗ്നിയെ നോക്കി ഇളിച്ചു കാണിച്ചുകൊണ്ട് അതുല്യ അർജുനെ കൊണ്ട് അകത്തേക്ക് ഓടി.അവർ അകത്തേക്ക് പോകുന്നതും നോക്കി ഒന്നു ചിരിച്ച് കൊണ്ട് അഗ്നി വണ്ടിയിൽ കയറി പോയി. .........................❤️ ❤️......................... അഗ്നി നേരെ പോയത് SP ഓഫീസിലേക്ക് ആയിരുന്നു. " may i coming sir. " ഹാ അഗ്നി കയറി വാടോ, ഇരിക്ക്. നീണ്ട 5 വർഷത്തിന് ശേഷം അല്ലെ നാട്ടിൽ. " അതെ സാർ. " മ്മ്. മുംബൈ ഒന്നു അടിച്ച് നിരപ്പാക്കില്ലേ, അതുപോലെ ഈ എറണാകുളവും ഒന്നു ശരിയാക്കണം. " മ്മ്, നോക്കാം സാർ, അല്ല സാർ എന്തിനാ കാണണോന്ന് പറഞ്ഞത്.

" അതിലേക്കാഡോ ഞാൻ പറഞ്ഞു വരുന്നത്. നമ്മുടെ എറണാകുളം സിറ്റിയിൽ പാലാഭാഗത്തും ഡ്രഗ്സ് മാഫിയ ലക്ഷ്യമിടുന്നതായി ഒരു മെസ്സേജ് കിട്ടിയിട്ടുണ്ടടോ. സ്കൂൾ, കോളേജ് വിദ്യാർത്ഥികളെ കേന്ദ്രകരിച്ചാണ് അവർ നീങ്ങുന്നതെന്നാ അറിയാൻ കഴിഞ്ഞത്. പിന്നെ അതോടൊപ്പം ഇപ്പൊ സെക്സ് റാക്കറ്റും രംഗത്ത് വന്നിട്ടുണ്ട്. " അറിയാം സാർ, ഇങ്ങോട്ട് ട്രാൻസ്ഫർ എന്ന് അറിഞ്ഞപ്പോൾ തന്നെ എറണാകുളത്തെ കുറിച്ച് ഞാൻ ഒരു ചെറിയ പഠനം നടത്തിയിരുന്നു. " നന്നായി അഗ്നി. തന്റെ അനേഷണത്തിൽ നിന്ന് തനിക്ക് എന്താ മനസിലായത്. " സാർ ഞാൻ അനേഷിച്ചതിൽ നിന്ന് എനിക്ക് മനസിലായത് സാധാരണകാരായ പെൺകുട്ടികളെയാണ് സെക്സ് റാക്കറ്റ് ലക്ഷ്യം വെക്കുന്നത്. തട്ടിക്കൊണ്ടു പോവുക, പ്രണയം നടിച്ച് പെൺകുട്ടികളെ കുടുക്കുക ഇതാണ് അവർ മുഖ്യമായും ചെയുന്നത്. " എടൊ അഗ്നി എനിക്ക് തന്നെ കുറിച്ച് അഭിമാനം തോന്നുന്നു. ഈ കേസ് തന്നെ ഏല്പിക്കുന്നതിന് മുന്നേ തന്നെ അതിനെ കുറിച്ച് താൻ ഒരു പഠനം തന്നെ നടത്തി. ഇപ്പൊ എനിക്ക് ഉറപ്പുണ്ടടോ ഈ കേസ് നമ്മുക്ക് നിഷ്പ്രയാസം തെളിയിക്കാനാകും.

ദാ തന്നെ ഞാൻ ഏല്പിക്കുവാ എത്രയും പെട്ടന്ന് ഈ കേസ് തെളിയിക്കണം. " ഓക്കേ സാർ. " പിന്നെ തന്നെ ഈ കേസിൽ അസ്സിസ്റ്റ്‌ ചെയ്യാൻ ഞാൻ രണ്ടുപേരെ കൂടി തരുവാ. അപ്പോളേക്കും പോലീസ് യൂണിഫോമിൽ രണ്ടു പേര് അകത്തേക്ക് കയറി വന്നു. SP സാറിന് ഒരു സല്യൂട്ടും കൊടുത്ത് അഗ്നിക്ക് ഒരു പുഞ്ചിരിയും കൊടുത്തു. " അഗ്നി ദാ ഇത് ജീവൻ പിന്നെ ഇത് ഗിരി ഈ കേസിൽ ഇവരാണ് തന്നെ അസ്സിസ്റ്റ്‌ ചെയുന്നത്. " ഓക്കേ സാർ എന്നാൽ ഞങ്ങൾ അങ്ങോട്ട് ഇറങ്ങുവാ. " ഓക്കേ. SP ക്ക് മൂന്നുപേരും ഒന്നിച്ച് ഒരു സല്യൂട്ട് കൂടി ചെയ്തിട്ട് പുറത്തേക്ക് ഇറങ്ങി. അവർ മൂന്നുപേരും കൂടി കേസിന്റെ ഓരോന്നും ഡിസ്സ്‌ക്കസ് ചെയ്യാൻ തുടങ്ങി. ......❤️ ❤️...... അതുല്യയും അർജുവും അകത്തേക്ക് ചെല്ലുമ്പോൾ ചന്ദ്രശേഖരനും പത്മവും കുഞ്ഞു കാശിയെ കളിപ്പിക്കുന്ന തിരക്കിൽ ആയിരുന്നു.

കുറച്ചു നേരം അവരുടെ കളികൾ കണ്ട് വാതിൽക്കൽ തന്നെ അവർ നിന്നു അപ്പോളാണ് സാക്ഷിയെ അവിടെയെങ്ങും കണ്ടില്ലലോ എന്ന് അതുല്യ ഓർത്തത്. " അല്ല കൊച്ചേട്ടാ സാക്ഷിയേച്ചിയെ കണ്ടില്ലലോ. " അത് നേരാണല്ലോ അമ്മുട്ടിയെ, വാ നമ്മുക്ക് പത്മത്തോട് ചോദിക്കാം." മ്മ് വാ. അവർ രണ്ടും കൂടി പത്മത്തിന്റെ അടുത്തേക്ക് ചെന്നു. അതുല്യ ചെന്ന വഴിയേ കാശിടെ കൂടെ കളിക്കാൻ തുടങ്ങി അവളെ ഒന്നു കളിയാക്കി ചിരിച്ചിട്ട് അർജു പത്മത്തിനോട് ചോദിച്ചു. " അമ്മേ സാക്ഷി എവിടെ. " മോള് റൂമിലേക്ക് പോയി, എന്താ അർജു. " അമ്മേ ഏട്ടൻ പറഞ്ഞിട്ട് പോയെകുവാ സാക്ഷിയോട് ഒന്നു സംസാരിക്കാൻ . രാവിലെ ചോദിച്ചപ്പോളേക്കും കുഞ്ഞ് ഉണർന്നില്ലേ അത്കൊണ്ട് മുഴുവനും പറഞ്ഞില്ലാലോ. " മ്മ്, സംസാരിക്കണം മോനെ എന്തൊക്കെയോ പ്രശ്നങ്ങൾ ആ കുട്ടിയെ വല്ലാതെ അലട്ടുന്നുണ്ട്. നമ്മളോട് പറയുമ്പോൾ എങ്കിലും ആശ്വാസം കിട്ടിയാലോ. "

എന്നാ നിങ്ങൾ കൂടി വാ അമ്മേ. അവർ സാക്ഷിയുടെ റൂം ലക്ഷ്യമാക്കി നടന്നു. റൂം ചാരിയിട്ടെ ഉണ്ടായിരുന്നുള്ളു അതുകൊണ്ട് തന്നെ ഡോറിൽ മുട്ടി അവർ അകത്തേക്ക് കയറി. ജനലിലൂടെ പുറത്തേക്ക് നോക്കി നിന്ന സാക്ഷി ശബ്ദം കേട്ടാണ് തിരിഞ്ഞു നോക്കിയത് അപ്പോളേക്കും കണ്ടു റൂമിൽ അവളെ നോക്കി നിൽക്കുന്ന എല്ലാവരെയും. സംസാരത്തിന് തുടക്കം എന്ന പോലെ അർജു പറഞ്ഞു. " സാക്ഷി ഞങ്ങൾ വന്നത്. " മ്മ് മനസിലായി അർജു, എന്നെ കുറിച്ച് അറിയാനല്ലേ. പറയാം, എല്ലാം നിങ്ങളോട് പറയുമ്പോൾ എങ്കിലും അല്പം ആശ്വാസം കിട്ടുമല്ലോ. സാക്ഷി പതിയെ അവരോട് പറയാൻ തുടങ്ങി അതോടൊപ്പം അവളുടെ ഓർമ്മകൾ കഴിഞ്ഞു പോയ പല സംഭവത്തിലേക്ക് സഞ്ചരിച്ചു കൊണ്ടിരുന്നു.........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...