💞 അഗ്നിസാക്ഷി 💞: ഭാഗം 8

എഴുത്തുകാരി: സ്‌നേഹ സാജു

സാക്ഷി പറഞ്ഞു നിർത്തുമ്പോൾ അവളെ കേട്ടിരുന്ന എല്ലാവരും കരയുകയായിരുന്നു. ഒഴുകി ഇറങ്ങുന്ന കണ്ണുനീരിനെ തുടച്ച് കൊണ്ട് പത്മം അവളോട് ചോദിച്ചു. " അപ്പൊ കാശി മോൻ മോളുടെ കുട്ടി അല്ലെ. " അല്ല എ....ന്റെ ഏ...ട്ട....ന്റെ കു....ഞ്ഞാ എ..ന്റെ കാശി. പതറി പോകുന്ന വാക്കുകളെ കൂട്ടി ചേർത്തുകൊണ്ട് സാക്ഷി അവരോട് പറഞ്ഞു. അപ്പോളും കേട്ട കാര്യങ്ങളിൽനിന്ന് മുക്തരായിരുന്നില്ല അവരാരും. അത് മനസിലായപോലെ സാക്ഷി പറഞ്ഞു തുടങ്ങി. " എല്ലാം കേട്ടുകഴിഞ്ഞപ്പോൾ നിങ്ങൾക്കും ഞങ്ങളോട് ദേഷ്യോം വെറുപ്പും ഓക്കേ തോന്നുന്നുണ്ടാകുമല്ലേ . സാക്ഷിയുടെ ചോദ്യമാണ് അവരെ തിരികെ കൊണ്ടുവന്നത്. തങ്ങളെ സങ്കടത്തോടെ നോക്കി നിൽക്കുന്ന സാക്ഷിയോട് മറുപടി എന്ന പോലെ ചന്ദ്രശേഖരൻ പറഞ്ഞു തുടങ്ങി. "എന്താ മോളെ ഇങ്ങനെ ഓക്കേ പറയുന്നേ, വെറുപ്പോ ഒരിക്കലും ഇല്ല പകരം സ്നേഹം കൂടിയിട്ടേ ഉള്ളു. ഒന്നും ആരുടേം കുഴപ്പം കൊണ്ട് ഉണ്ടായതല്ലലോ മോളെ എല്ലാം വിധിയാണ്. "

അതെ ചന്ദ്രേട്ടൻ പറഞ്ഞത് നേരാ വിധിയുടെ കൈയിലെ വെറും കളിപ്പാവകൾ മാത്രമാ മോളെ നമ്മൾ. എന്നാലും ഇന്നത്തെ കാലത്തും ഇങ്ങനെയുള്ള കാര്യങ്ങൾക്കും പ്രാധാന്യം കൊടുക്കുന്നവർ ഉണ്ടോ. " ഉണ്ട് പത്മം ഇങ്ങനത്തെ കാര്യങ്ങൾ നോക്കുന്ന ആളുകളും ഉണ്ട്, നാട് എത്ര പുരോഗമിച്ചു എന്ന് പറഞ്ഞാലും ചിലർ ഓക്കേ ഇങ്ങനെയാ. എന്ന് കരുതി ഒന്നും അറിയാത്ത ഒരു പൊടി കുഞ്ഞിനെ കുറിച്ച് ഇങ്ങനെ ഓക്കേ പറയുന്നത് തന്നെ തെറ്റാ. " അതെ മോളെ കുഞ്ഞുങ്ങൾ ഈശ്വരന്റെ വരദാനമാ അവരെ കാരണം കൂടാതെ പഴിക്കുന്നത് തന്നെ തെറ്റാ. ഒരു കുഞ്ഞിനു വേണ്ടി കൊതിചിട്ടും അതിനു കഴിയാത്ത എത്രയോ അമ്മമാർ ഉണ്ട്. അവരുടെ ഓരോ വാക്കുകൾ കേൾക്കുമ്പോളും സാക്ഷിയുടെ കണ്ണുകൾ നിറഞ്ഞൊഴുകി കൊണ്ടേയിരുന്നു.ചാലിട്ടോഴുകുന്ന കണ്ണുനീരിനെ ഒഴുകാൻ വിട്ടുകൊണ്ട് അവൾ അവരെ കണ്ണിമ ചിമ്മാതെ നോക്കി നിന്നും.

" സാക്ഷി താൻ കരയുവാണോ. " ഇപ്പൊ എന്റെ കണ്ണു നിറയുന്നത് സന്തോഷം കൊണ്ടാ അർജു. തനിക്ക് അറിയോ എന്റെ കാശി ജനിച്ചിട്ട് ഇത്രയും നാളിനോട് അടുത്ത് ആയി എന്നിട്ടും ഞാൻ അല്ലാതെ മറ്റാരും അവനെ ഇതുപോലെ സ്നേഹിച്ചിട്ടില്ല. അതൊന്നും ഓർക്കാൻ കൂടി കഴിയുനില്ല എനിക്ക്. അവളുടെ അവസ്ഥ മനസിലാക്കിയ പോലെ പത്മം പറഞ്ഞു തുടങ്ങി. " വേണ്ട മോളെ ഒന്നും ഓർക്കണ്ട, " എങ്ങനെ ഓർക്കാതിരിക്കും അമ്മേ, അമ്മക്ക് അറിയോ എല്ലാരും ഉണ്ടായിട്ടും ഒറ്റക്കായി പോകുന്ന ഒരു അവസ്ഥ ഉണ്ടല്ലോ അത് പറഞ്ഞറിയിക്കാൻ കഴിയില്ല.പലപ്പോളും എനിക്ക് തോന്നിട്ടുണ്ട് കാശിയേം കൊണ്ട് ഏട്ടന്റേം ഏട്ടത്തിയുടേം അടുത്തേക്ക് പോയല്ലോന്ന് പക്ഷെ എന്റെ കുഞ്ഞിന്റെ മുഖം കാണുമ്പോൾ അതിന് കഴിയാറില്ല. ആ നാലു ചുവരുകൾക്കുള്ളിൽ ഇവനെയും പൊതിഞ്ഞു പിടിച്ചാ ഞാൻ കഴിഞ്ഞിരുന്നത് കാരണം പേടിയായിരുന്നു എനിക്ക് എല്ലാവരേം.

"എല്ലാം വിധിയാ മോളെ സഞ്ജു മോനും ദിവ്യ മോൾക്കും ഈശ്വരൻ അത്രയും ആയുസേ കൊടുത്തിട്ടുള്ളു. " വേണ്ട കേൾക്കണ്ട എനിക്ക് ഒന്നും, ഈശ്വരൻ അങ്ങനെ ഒന്ന് ഉണ്ടോന്ന് പോലും എനിക്ക് ഇപ്പൊ സംശയമാണ് കാരണം ഏട്ടനും ഏട്ടത്തിയും എത്ര മാത്രം കൊതിച്ചതാ കുഞ്ഞിന്റെ മുഖം ഒന്നുകാണാൻ പക്ഷെ അവർക്ക് അതിന് സാധിച്ചില്ല എന്തിനാ എന്തിനാ ഈശ്വരൻ ഇത്രയും ക്രൂരത കാണിച്ചത്. " അയ്യോ മോളെ അങ്ങനെ ഒന്നും പറയല്ലേ, ഈശ്വരൻ ഉള്ളത് കൊണ്ടല്ലേ മോള് ഇപ്പൊ ഞങ്ങടെ അടുത്ത് നില്കുന്നെ. " സങ്കടം കൊണ്ട് പറഞ്ഞു പോകുന്നതാ അമ്മേ. അല്ലെങ്കിൽ തന്നെ ജനിച്ചപ്പോൾ തന്നെ അച്ഛനും അമ്മയും ഇല്ലാതെ ഒരു അനാഥ ജന്മമായി തീരാനും മാത്രം ഈ കുഞ്ഞ് എന്ത് തെറ്റാ ചെയ്തിട്ടുള്ളത്. " അങ്ങനെ ഓക്കേ സംഭവിച്ചെങ്കിലും കുഞ്ഞിനെ ഒറ്റക്ക് ആക്കാതെ അതിനെ സംരക്ഷിക്കാൻ കഴിവുള്ള മോളെ പോലെ ഒരാളെ കൊടുത്തിലെ ഈശ്വരൻ അതാണ് അവിടത്തെ മഹത്വം.

" മ്മ്. " പോട്ടെ എല്ലാം മറന്നേരെ ഇനി ഒന്നും ഓർക്കണ്ട കേട്ടോ. നിറഞ്ഞ സാക്ഷിയുടെ കണ്ണുകൾ തുടച്ചുകൊണ്ട് പത്മം പറഞ്ഞു. പത്മത്തിന്റെ ഓരോ വാക്കും ഒരു പുത്തൻ ഉണർവായിരുന്നു സാക്ഷിക്ക് കൊടുതത്. അപ്പോളാണ് എന്തോ ഓർത്തത് പോലെ ചന്ദ്രശേഖരൻ അവളോട് ചോദിച്ചത്. " അല്ല, മോള് എന്ത് ധൈര്യത്തിലാ ഒറ്റക്ക് ഇത്രയും ദൂരം വന്നത്. ഇവിടെ ആരേലും പരിചയം ഉണ്ടായിരുന്നോ. " സത്യം പറയാല്ലോ എങ്ങോട്ട് പോകണമെന്ന് ഒരു രൂപവും ഇല്ലായിരുന്നു. അവിടന്ന് ഇറങ്ങി ആദ്യം കണ്ട ഓട്ടോയിൽ കയറി റെയിൽവേ സ്റ്റേഷനിലേക്കാ പോയത്. അവിടെ ഇരുന്ന് ഒത്തിരി ആലോചിച്ചു അപ്പോളാ എറണാകുളത്ത് ഉള്ള എന്റെ ഫ്രണ്ടിനെ പറ്റി ഓർത്തത് പിന്നെ ഒന്നും നോക്കിയില്ല ഇങ്ങോട്ടേക്ക് പൊന്നു. " ഫ്രണ്ടിന്റെ ഡീറ്റെയിൽസ് ഒക്കെ അറിയോ വിളിച്ചു പറഞ്ഞിട്ടാണോ പൊന്നെ. അർജു അവളോട് ചോദിച്ചു. " ഇല്ലെടോ വിളിച്ച് പറഞ്ഞിട്ടില്ല, പറയാൻ നമ്പർ ഒന്നുമില്ല പക്ഷെ അഡ്രെസ്സ് അറിയായിരുന്നു അതുകൊണ്ട് നേരിട്ട് വന്ന് സംസാരിക്കാന്ന് കരുതി.

അവളെ കണ്ടിട്ട് എങ്ങനെയെങ്കിലും ഒരു ജോലി ശരിയാക്കിയെടുത്ത് എല്ലാവരുടേം മുന്നിൽ ജീവിച്ച് കാണിക്കണോന്ന് ഞാൻ കരുതി പക്ഷെ റെയിൽവേ സ്റ്റേഷനിൽ എന്നെ കാത്തിരുന്നത് മറ്റൊന്നായിരുന്നു. " ആരാ ചേച്ചീനെ ഉപദ്രവിച്ചത് അറിയോ, അതുല്യ ചോദിച്ചു. " ആരാന്ന് അറിയില്ല പക്ഷെ ആ കൂട്ടത്തിൽ ഉണ്ടായിരുന്ന ഒരാൾ ട്രെയ്നിൽ വെച്ചു തന്നെ എന്റെ പുറകെ ഉണ്ടായിരുന്നു. " അർജു ആരാ മോളെ ഉപദ്രവിക്കാൻ നോക്കിയത്ത് നിനക്ക് അറിയില്ലേ അവരെ നീ കണ്ടത് അല്ലെ ചന്ദ്രശേഖരൻ അവനോട് ചോദിച്ചു. " അച്ഛാ, അവരാണ് ഇന്ന് ഈ എറണാകുളം സിറ്റിയിൽ വിലസുന്ന ഗുണ്ടകൾ. ഇനിയും വ്യക്തമായി പറഞ്ഞാൽ ആ കള്ളു കച്ചോടക്കാരൻ ഇല്ലേ സക്കറിയ പോത്തൻ അയാളുടെ ഗുണ്ടാ സംഘങ്ങൾ. " ആയ്യോ മോനെ അപ്പൊ ഇത് പ്രശ്നമാകുമെന്ന് തോന്നുന്നല്ലോ ആധിയോടെ പത്മം പറഞ്ഞു. " എന്റെ പത്മം എന്ത് പ്രശ്നം, ചോദിക്കാനും പറയാനും ആരും ഇല്ലാത്തത് കൊണ്ടാ ഇവന്മാരെ പോലുള്ളവർ ഇവിടെ കിടന്ന് വിലസുന്നത്. എന്തായാലും നീയും അഗ്നിയും കൂടി നല്ലത് കൊടുത്തിട്ടുണ്ടല്ലോ.

" പിന്നില്ലാതെ. ഇനി കുറച്ച് നാളത്തേക്ക് അവരുടെ ശല്യം കാണില്ല. ഇവരുടെ സംസാരത്തിന്റെ ഇടയിലാണ് മറ്റെന്തോ ചിന്തിച്ചു നിൽക്കുന്ന സാക്ഷിയെ അതുല്യ കണ്ടത് അത് അവൾ പെട്ടന്നു തന്നെ പത്മത്തെ വിളിച്ച് കാണിക്കുകയും ചെയ്തു. " സാക്ഷി മോളെ എന്താ ചിന്തിച്ച് നില്കുന്നെ. " അത്, ഞാൻ ഇന്നലെ നടന്നത് ഒക്കെ ഓർക്കുവായിരുന്നു. ആ സമയത്ത് ഇവർ വന്നില്ലായിരുന്നെങ്കിൽ എന്ത് ചെയ്തേനേ ഞാൻ ഓർക്കുമ്പോൾ തന്നെ പേടിയാകുന്നു. " കഴിഞ്ഞത് കഴിഞ്ഞു ഇനി അതിനെ കുറിച്ച് ആലോചിക്കണ്ട. " മ്മ്, അർജു ചോദിക്കുന്നത് കൊണ്ട് ഒന്നും തോന്നരുത്, എനിക്ക് ഒരു ജോലി ശരിയാക്കി തരാമോ പിന്നെ താമസിക്കാൻ ഒരു വീടും വാടകക്ക് മതി. മടിച്ച് മടിച്ചാണ് സാക്ഷി അർജുനോട് ചോദിച്ചത്. എന്ത് പറയണമെന്ന് അറിയാതെ അവൻ ചന്ദ്രശേഖരനെയും പത്മത്തെയും മാറിമാറി നോക്കി. അവന്റെ നോട്ടത്തിന്റെ അർത്ഥം മനസിലായപോലെ പത്മം പറഞ്ഞു തുടങ്ങി.

" എന്തിനാ മോളെ വേറെ വീട് നോക്കുന്നെ ഇവിടെ നിന്നുടെ മോൾക്ക്. മറ്റൊരു വീട് എടുത്ത് മാറിയാൽ ഈ കുഞ്ഞിനേം വെച്ച് മോള് ഒറ്റക്ക് എന്ത് ചെയ്യാനാ അതുമല്ല ഇന്നലത്തെ പോലെ എന്തേലും ഉണ്ടായാലോ. " അത് വേണ്ടമ്മേ ഇന്നലെ ഒരു ദിവസം എന്നെ ഇവിടെ നിർത്തിയത് തന്നെ നിങ്ങളുടെ വലിയ മനസുകൊണ്ടാ ഇനിയും നിങ്ങളെ ബുദ്ധിമുട്ടിക്കുന്നത് ശരിയല്ല. "ഞങ്ങൾക്ക് യാതൊരു ബുദ്ധിമുട്ടും ഇല്ല മോളെ. എന്റെ മോളെ പോലെ തന്നെയാ എനിക്ക് നീയും. " പത്മം പറഞ്ഞതാ മോളെ ശരി മോള് എങ്ങോട്ടും പോകണ്ട ഇവിടെ നിന്നാ മതി. ഇന്നലെ വന്നവന്മാർ ഇനിയും വന്നാലോ ഒരു കുഞ്ഞിനേം കൊണ്ട് മോള് എന്നാ ചെയ്യാനാ പിന്നെ ജോലീടെ കാര്യം ഓക്കേ ഞാൻ ശരിയാക്കാം മോള് അതോർത്ത് വിഷമിക്കണ്ട ചന്ദ്രശേഖരനും പറഞ്ഞു. " പോകണ്ട ചേച്ചി, ചേച്ചിയും വാവയും ഉണ്ടെങ്കിൽ എനിക്ക് ഒരു കൂട്ടാകുല്ലോ. അതുല്യയും പറഞ്ഞതോടെ മനസില്ല മനസോടെ സാക്ഷി അവിടെ നിൽക്കാൻ സമ്മതിച്ചു.

.... ഓഫീസിൽ നിന്നും വീട്ടിലേക്ക് ഉള്ള യാത്രയിൽ ആയിരുന്നു അഗ്നി. " ജീവൻ ഇപ്പൊ നമ്മൾ അനേഷിക്കുന്ന ഈ കേസ് രഹസ്യമായിരിക്കണം. കേസിന്റെ വിവരങ്ങൾ ഒന്നും പുറത്ത് പോകാതെ നോക്കണം. ശത്രു പിടിപാടുള്ള ആളാകുമ്പോൾ രക്ഷപെടാൻ ഉള്ള വഴി ഒരുപാട് കാണും. " മ്മ്, കേസിന്റെ വിവരങ്ങൾ ഒന്നും പുറത്ത് പോകാതെ നോക്കിക്കൊള്ളാം സാർ. പിന്നെ സാറ് പറഞ്ഞത് സക്കറിയ പോത്തനെ കുറിച്ചല്ലേ അയാളെ നമ്മൾ അറസ്റ്റു ചെയ്താൽ പുഷ്പം പോലെ അയാൾ പുറത്ത് ഇറങ്ങില്ലേ. " ഇറങ്ങും പക്ഷെ ഈ കേസിൽനിന്ന് രക്ഷപെടാൻ അവനെ ഞാൻ അനുവദിക്കില്ല സകല പഴുതും അടച്ചായിരിക്കും ഞാൻ അവനെ പൂട്ടുന്നത്. അഗ്നിയിൽ നിന്ന് വരുന്ന ഓരോ വാക്കും ജീവനും ആവേശം നിറക്കുന്നതായിരുന്നു. അഗ്നിയെ വീട്ടിൽ ആകിയിട്ട് ജീവൻ തിരിച്ചു പോയി. പുറത്ത് ആരെയും കാണാതെ അകത്തേക്ക് കയറിവന്ന അഗ്നി കാണുന്നത് സ്വീകരണ മുറിയിൽ ഇരുന്ന് കാശിയെ കളിപ്പിക്കുന്ന ചന്ദ്രശേഖരനെ ആയിരുന്നു.

അഗ്നിക്ക് നല്ല ദേഷ്യം വരുന്നുണ്ടായിരുന്നു ആ ദേഷ്യത്തോടെ തന്നെ അവരെ കുറച്ച് നേരം നോക്കിനിന്നിട്ട് അകത്തേക്ക് നോക്കി അലറി. " അർജു. പെട്ടെന്നുള്ള ഒച്ചകെട്ട് കുഞ്ഞു കാശി പേടിച്ച് വലിയ വായിൽ കരയാൻ തുടങ്ങി. കാശിയുടെ കരച്ചിൽ കേട്ടാണ് അടുക്കളയിൽ നിന്ന് സാക്ഷിയും പത്മവും വന്നത് എന്താണ് സംഭവമെന്ന് മനസിലാകാതെ അവരും അഗ്നിയെ നോക്കിക്കൊണ്ടിരുന്നു. സാക്ഷിയെ കണ്ടതോടെ കുഞ്ഞു കാശി ചന്ദ്രശേഖരന്റെ അടുത്തുനിന്നും അവളുടെ കൈയിലേക്ക് പോയി. സാക്ഷി എടുത്ത പാടെ പേടിയോടെ കുഞ്ഞ് അവളുടെ തോളിലേക്ക് ചാഞ്ഞു. എന്നിട്ടും നിർത്താൻ തയാറാല്ലായിരുന്നു അഗ്നി അവൻ പിന്നെയും ഉച്ചത്തിൽ വിളിക്കാൻ തുടങ്ങി. " അർജു ഡാ ഇങ്ങോട്ട് വാടാ. " എന്താ അഗ്നി നീ എന്തിനാ ഒച്ചവെക്കുന്നെ. സഹികെട്ട് ചന്ദ്രശേഖരൻ അഗ്നിയോട് ചോദിച്ചു അതിന് മറുപടിയെന്നോണം അഗ്നി പറഞ്ഞു. " അച്ഛാ എനിക്ക് സംസാരിക്കേണ്ടത് അർജുനോടാ അവൻ വരട്ടെ. അപ്പോളേക്കും അഗ്നിയുടെ വിളികേട്ട് അർജു താഴേക്ക് എത്തിയിരുന്നു അവനോട് ഒപ്പം അതുല്യയും ഉണ്ടായിരുന്നു.

" എന്താ ഏട്ടാ എന്താ കാര്യം. " ഡാ ഞാൻ നിന്നോട് രാവിലെ പറഞ്ഞ കാര്യം നീ എന്താ അനുസരിക്കാതെ ഇരുന്നത്. " എന്ത് കാര്യാ ഏട്ടാ. " ഓഹോ നിനക്ക് തീരെ ഓർമയില്ലലെ എന്നാലേ ഞാൻ നിന്നെ ഓർമിപ്പിക്കാം. രാവിലെ ഞാൻ പോകുമ്പോൾ പറഞ്ഞിരുന്നില്ലേ ദാ ഈ നിനക്കുന്നവളെ കുറിച്ച് ചോദിച്ചറിഞ്ഞ് എവിടെയാ പോകേണ്ടതെന്ന് വെച്ചാൽ കൊണ്ടുപോയി ആക്കണം എന്ന്. എന്നിട്ട് നീ ഒന്നും ചോദിച്ചില്ലേ. ദേഷ്യത്തോടെ ഉള്ള അഗ്നിയുടെ സംസാരം കേട്ട് എന്ത് പറയണമെന്ന് അറിയാതെ നിന്നുപോയി അർജു. അവൻ പതിയെ ചന്ദ്രശേഖരനെ തിരിഞ്ഞു നോക്കി എന്നിട്ട് പതിയെ പറഞ്ഞു. " അത് ഏട്ടാ ഞാൻ. " വേണ്ട ന്യായങ്ങൾ പറയാനാണെങ്കിൽ കേൾക്കണ്ട എനിക്ക്. " അഗ്നി ഇതിന്റെ പേരിൽ നീ അവനെ വഴക്ക് പറയണ്ട. ഇവൾ എങ്ങോട്ടും പോകുന്നില്ല ഇവിടെ തന്നെ കാണും. ചന്ദ്രശേഖരന്റെ സംസാരം കേൾക്കെ അഗ്നിക്ക് നല്ല ദേഷ്യം വരുന്നുണ്ടായിരുന്നു. എന്നാലും അത് നിയന്ത്രിച്ചുകൊണ്ട് അവൻ പറഞ്ഞു.

" അച്ഛൻ ഇത് എന്ത് അറിഞ്ഞിട്ടാ, ഒരു പെൺകുട്ടിയല്ലേ. ഇന്നലെ രാത്രിയിലാ ഇവളെ കിട്ടുന്നത് അതുമല്ല ഇവളുടെ ഫാമിലി ഓക്കേ നോക്കിയിരിക്കുവായിരിക്കില്ലേ അങ്ങനെ ഉള്ളപ്പോൾ അച്ഛൻ ഈ ചെയുന്നത് ശരിയാണോ. " മോനെ ഈ മോളെ കുറിച്ച് എല്ലാം അറിഞ്ഞിട്ട് തന്നെയാ ഇവിടെ നിർത്തുന്നത്. ഇവളുടെ പിന്നാലെ ഒരു പ്രശ്നവും വരില്ല അതോർത്ത് എന്റെ മോൻ പേടിക്കണ്ട. അതും പറഞ്ഞുകൊണ്ട് പത്മവും അഗ്നിയുടെ അടുത്തേക്ക് വന്നു. " ഞാൻ ഒരു പോലീസുകാരനാ അതുകൊണ്ട് തന്നെ നിങ്ങൾ ഈ പറയുന്നതൊന്നും എനിക്ക് ഉൾകൊള്ളാൻ പറ്റില്ല. എന്താണ് ഏതാണ് എന്നൊക്കെ ആറിയാതെ ഇവളെ ഇവിടെ നിർത്താൻ ഞാൻ സമ്മതിക്കില്ല. അഗ്നിയുടെ സംസാരം കേൾക്കെ പണ്ടത്തെ അഗ്നിയിൽ നിന്ന് അവൻ ഒരുപാട് മാറിയതായി ചന്ദ്രശേഖരനു തോന്നി. അവന്റെ ഈ മാറ്റവും ദേഷ്യവും ചന്ദ്രശേഖരന് സങ്കടം വരുന്നുണ്ടായിരുന്നു

ആ സങ്കടമെല്ലാം ദേഷ്യമായി പുറത്തേക്ക് വരാൻ തുടങ്ങിയിരുന്നു ചന്ദ്രശേഖരന് . " മോനെ ഈ ഒരു കാര്യത്തിന് എനിക്ക് നിന്റെ അനുവാദം വാങ്ങേണ്ട യാതൊരു കാര്യവും ഇല്ല. ഇവൾ ഇവിടെ ഉണ്ടാകും ഞങ്ങളുടെ മകളായി ആ തീരുമാനത്തിന് മാറ്റമില്ല. നീ വലിയ പോലീസ് ഓക്കേ ആയിരിക്കും പക്ഷെ ഞാൻ നിന്റെ അച്ഛനാ അത് നീ മറക്കണ്ട. " ആയിക്കോട്ടെ എന്താന്ന് വെച്ചാൽ നിങ്ങൾടെ ഇഷ്ടംപോലെ ചെയ്തോ നാളെ ഇതിന്റെ പേരിൽ ഒരു പ്രശ്നം ഉണ്ടായാൽ എന്നോട് പറഞ്ഞു വരരുത്. പിന്നെ ഇവളെ ഇവിടെ നിർത്തുന്നത് ഓക്കേ കൊള്ളാം പക്ഷെ എന്റെ മുന്നിൽ കണ്ടു പോകരുത് ഇവളെ ഒന്നു പറഞ്ഞു കൊടുത്തേരെ . തല താഴ്ത്തി നിൽക്കുന്ന സാക്ഷിയെ ദേഷ്യത്തിൽ നോക്കി പറഞ്ഞിട്ട് മേശമേൽ ഇരുന്ന ഫ്ലവർവൈസ് തട്ടി തെറുപിച്ചുകൊണ്ട് അഗ്നി സ്റ്റേയർ കയറി റൂമിലേക്ക് പോയി അതെ സമയം തന്നെ ഒഴുകി ഇറങ്ങുന്ന കണ്ണുനീർ തുള്ളികളെ മറ്റുള്ളവരിൽ നിന്ന് മറയ്ക്കാനായി സാക്ഷി തിരിഞ്ഞു നടന്നു.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...