💞 അഗ്നിസാക്ഷി 💞: ഭാഗം 9

എഴുത്തുകാരി: സ്‌നേഹ സാജു

സാക്ഷിയെ നോക്കി നടക്കുവായിരുന്നു അതുല്യ, അകത്തൊന്നും അവളെ കാണാതെ പുറത്തേക്ക് ഇറങ്ങിയതായിരുന്നു അവൾ അപ്പോളേ കണ്ടു ഗാർഡനിൽ സെറ്റ് ചെയ്തിരിക്കുന്ന ബെഞ്ചിൽ എന്തോ ആലോചിച്ച് ഇരിക്കുന്ന സാക്ഷിയെ. അവൾ പതിയെ സാക്ഷിയുടെ അടുത്തായി വന്നിരുന്നു എന്നാൽ മറ്റെന്തോ ചിന്തയിൽ ആയിരുന്നതിനാൽ അതുല്യ വന്നതോ അടുത്തിരുന്നതോ ഒന്നും സാക്ഷി അറിഞ്ഞിരുന്നില്ല. " ട്ടോ. " അയ്യോ എന്റെ അമ്മേ. അമ്മുവിന്റെ പെട്ടന്ന് ഉള്ള ശബ്ദം ഉണ്ടാക്കലിൽ സാക്ഷി ഞെട്ടി എഴുന്നേറ്റ് പോയിരുന്നു. " എന്റെ അമ്മുട്ടി നീ ഇത് എന്ത് പണിയാ കാണിച്ചേ. " പിന്നെ ഞാൻ എന്തു വേണായിരുന്നു ഞാൻ ഇവിടെ വന്നിരുന്നിട്ട് മണിക്കൂർ ഒന്ന് കഴിഞ്ഞു അതുപോലും അറിയാതെ സ്വപ്നലോകത് ഇരിക്കുന്ന ഈ ബാലബാസ്കാരിയെ ഉണർത്താൻ പിന്നെ എന്തു വേണം ഞാൻ പറയു. അവൾക്ക് ഒരു തെളിച്ചമില്ലാത്ത ചിരി സമ്മാനിച്ചു കൊണ്ട് ബഞ്ചിലേക്ക് ഇരുന്നു സാക്ഷി.

" ആഹാ, അപ്പോളേക്കും മുഖം മാറിയല്ലോ എന്റെ ചേച്ചി പെണ്ണിന്റെ. " ഹേ ഒന്നുല്ല മോളെ. " ഓഹോ അങ്ങനെയാണോ, അപ്പൊ പിന്നെ ഈ രാത്രി മഞ്ഞും കൊണ്ട് ഇവിടെ വന്നിരുന്ന് കണ്ണുനീർ പരമ്പരയിലെ നായിക കളിക്കുവായിരുന്നോ. " ഞാൻ ചുമ്മാ ഇവിടെ ഇരുന്നതാ. ചാലിട്ട് ഒഴുകുന്ന കണ്ണുനീരിനെ അവൾ കാണാത്തെ തുടച്ച് മാറ്റികൊണ്ട് സാക്ഷി പറഞ്ഞു. " വേണ്ട വേണ്ട ഒളിപ്പിക്കാൻ നോക്കണ്ട ഞാൻ കണ്ടു ഈ കണ്ണുകൾ നിറഞ്ഞൊഴുകുന്നത്. എന്തിനാ എന്റെ ചേച്ചികുട്ടി ഇനിയും ഇങ്ങനെ സങ്കടപെടുന്നേ. " അത് മോളെ, ഞാൻ അപ്പളേ പറഞ്ഞതല്ലേ ഒരു ഹോസ്റ്റലോ അല്ലെങ്കിൽ വാടകക്ക് ഒരു വീടോ നോക്കി തന്നാൽ ഞാനും കുഞ്ഞും അങ്ങോട്ട് മാറിക്കൊള്ളാന്ന്. ഇത് ഇപ്പൊ അഗ്നി സാറിന് ഞങ്ങളെ ഇഷ്ടപ്പെട്ടിട്ടില്ല വെറുതെ എന്തിനാ പ്രശ്നം ഉണ്ടാകുന്നെ നാളെ തന്നെ ഇവിടന്ന് മാറിക്കൊള്ളാം ഞങ്ങൾ. " എന്തൊക്കെയാ ചേച്ചി ഈ പറയുന്നേ, ചേച്ചിയും കുഞ്ഞും ഇവിടെ നിൽക്കണം എന്ന് അച്ഛനാ പറഞ്ഞെ അതിൽ വല്യേട്ടൻ ഇനി ഇടപെടില്ല. ഇടപെട്ടാലും അച്ഛൻ തീരുമാനം മാറ്റില്ല പിന്നെ ചേട്ടന് ദേഷ്യം ഉണ്ടായിട്ടൊന്നുമല്ല ചേച്ചി കുറച്ചുനാളുകളായി ചേട്ടൻ ഇങ്ങനെയാ.

പണ്ടൊന്നും ചേട്ടൻ ഇങ്ങനെ ആയിരുന്നില്ല എന്ന ഇപ്പൊ എല്ലാത്തിനോടും ഒരുതരം ദേഷ്യാ. " അതെന്താ അങ്ങനെ. " അതിന് ഒരു കാരണം ഉണ്ട് ചേച്ചി. " എന്ത് കാരണം. " അത് ഞാൻ പറയാം പക്ഷെ ഇവിടെ വെച്ചല്ല, വാ. അതും പറഞ്ഞു കൊണ്ട് അതുല്യ സാക്ഷിയുടെ കൈയിൽ പിടിച്ച് അകത്തേക്ക് നടന്നു. സാക്ഷിയേം കൊണ്ട് അവൾ പോയത് മുകളിൽ പൂട്ടി ഇട്ടിരിക്കുന്ന ഒരു മുറിയിലേക്ക് ആയിരുന്നു. താക്കോലെടുത്ത് അതുല്യ റൂം തുറന്ന് അകത്തേക്ക് കയറി അവൾക്ക് പിറകെ തന്നെയായി സാക്ഷിയും. അകത്തേക്ക് കയറിയ സാക്ഷി അത്ഭുതത്തോടെ ചുറ്റും നോക്കി. അവളുടെ മുഖത്ത് വിരിയുന്ന ഓരോ ഭാവങ്ങളും നോക്കി കണ്ടുകൊണ്ട് അതുല്യ അവിടെ ഉണ്ടായിരുന്ന ഒരു കസേരയിലേക്ക് ഇരുന്നു. കുറച്ചുനേരം ചുറ്റും നോക്കി നടന്നിട്ട് സാക്ഷി അതുല്യയോട് ചോദിച്ചു. " ഇത് കൊള്ളാലോ ഒരു മിനി ലൈബ്രറി പോലുണ്ടല്ലോ. എന്തോരും പുസ്തകങ്ങളാ ഇതൊക്കെ ആരുടേയാ. "

എന്റെ ചേച്ചി ദേ ഇവിടെ വന്നിരി അതൊക്കെ ഞാൻ പറഞ്ഞു തരാം. അതുല്യയെ നോക്കി ചിരിച്ചുകൊണ്ട് അവൾക്ക് അടുത്തായി സാക്ഷി വന്നിരുന്നു. അവളെ ഒന്നു നോക്കിട്ട് അതുല്യ പറഞ്ഞു തുടങ്ങി. " ചേച്ചി പറഞ്ഞത് ശരിയാ ഇതൊരു മിനി ലൈബ്രറിയാ എന്റെ വല്യേട്ടന്റെ. " ഹേ, ആ കടുവേടെയോ. " കടുവയോ ചേച്ചി ആളു കൊള്ളാലോ, എന്തായാലും ചേച്ചി ഉഷാറായല്ലോ അത് മതി. " പിന്നെ ഇങ്ങനെ ദേഷ്യത്തോടെ അലറുന്നതിനെ ഓക്കേ വേറെ എന്ത് വിളിക്കാനാ. " വേണ്ട വേണ്ട ചേട്ടനെ തോട്ടൊള്ള കളി വേണ്ട. " അയ്യോ ഇല്ലായെ. " ചേച്ചിക്ക് എന്റെ ചേട്ടനെ കുറിച്ച് ശരിക്കും അറിയാഞ്ഞിട്ട ആളെ യൂണിവേഴ്സിറ്റി സെക്കന്റ്‌ റാങ്ക് ഹോൾഡറാ. ഫസ്റ്റ് റാങ്ക് കിട്ടേണ്ടതായിരുന്നു ചതിച്ചതാ. " എന്തൊക്കെയാ നീ ഈ പറയുന്നേ മനുഷ്യന് മനസിലാകുന്ന ഭാഷയിൽ പറ പെണ്ണെ. " ശരി എന്നാ കേട്ടോ. അത്രയും പറഞ്ഞുകൊണ്ട് അതുല്യ ഓരോന്നും പറയാൻ തുടങ്ങി. " ചെറുപ്പം തൊട്ടേ ഏട്ടന്റെ വലിയൊരു ആഗ്രഹം ആയിരുന്നു ഒരു പോലീസുകാരൻ ആവുക എന്നത്.

ഏട്ടൻ ഇപ്പോളും പറയും പണം വാരി എറിഞ്ഞ് അധികാര സമൂഹത്തെ മുഴുവൻ കൈപിടിയിൽ ഒതുക്കി പാവങ്ങളെ ദ്രോഹിക്കുന്ന വലിയവലിയ മുതലാളിമാരെ മുട്ടുകുത്തിച്ച് സാധാരണകാരായാ ആളുകൾക്ക് വേണ്ടി പൊരുതണോന്ന് അതിന് ആദ്യം വേണ്ടത് അധികാരമെന്ന ബലം ആണെന്ന്. അതുകൊണ്ട് തന്നെ ഏട്ടൻ വളരുംതോറും ഏട്ടന്റെ പോലീസ് എന്ന മോഹവും വളർന്ന് കൊണ്ടിരുന്നു മാത്രവും അല്ല അതിന് വേണ്ടിയുള്ള ശ്രമങ്ങളും നടത്തുന്നുണ്ടായിരുന്നു. പോലീസ് ടെസ്റ്റുകൾ അറ്റെൻഡ് ചെയുന്നതിനൊപ്പം ഏട്ടൻ ഡിഗ്രിയും ചെയുന്നുണ്ടായിരുന്നു. ഏട്ടൻ ഡിഗ്രി ചെയ്തത് മഹാരാജാസ് കോളേജിൽ ആയിരുന്നു, അവിടത്തെ കോളേജ് ചെയർമാൻ ആയിരുന്നു ഏട്ടൻ അതുമല്ല ഡിഗ്രിക്ക് ഏട്ടന് ഫസ്റ്റ് റാങ്ക് ആയിരുന്നു. " ആഹാ ഡിഗ്രിക്ക് ഫസ്റ്റ് റാങ്ക് ഉണ്ടായിരുന്ന ആള്ക്ക് പിജി സെക്കന്റ്‌ റാങ്ക് ആയത് എങ്ങനെയാ. " ഇങ്ങനെ ഇടക്ക് കേറല്ലേ പറയാൻ ഉള്ള എന്റെ ഫ്ലോ പോകുട്ടോ. " ഞാൻ വരുന്നില്ലേ യൂ കണ്ടിന്യൂ. " മ്മ്. സാക്ഷിയെ നോക്കി പേടിപ്പിച്ചു കൊണ്ട് അതുല്യ പിന്നെയും പറഞ്ഞു തുടങ്ങി.

" ചേച്ചി എല്ലാ പ്രശ്നവും തുടങ്ങുന്നത് ഏട്ടൻ ഡിഗ്രി ഫൈനൽ ഇയർ പഠിക്കുമ്പോളാ. കോളേജിൽ ഫസ്റ്റ് ഇയെഴ്സ് വരുന്ന ദിവസം റാഗിംഗ് ഓക്കേ പതിവല്ലേ അതുപോലെ ഏട്ടന്റെ ഫ്രണ്ട്‌സ് റാഗ് ചെയുന്ന സമയത്ത് അവരുടെ മുന്നിൽ വന്നു പെട്ട ഒരു പെൺകുട്ടിയായിരുന്നു പൂജ നമ്പ്യാർ. പേടിച്ച് വിറച്ച് നിൽക്കുന്ന ആ പെൺകുട്ടിയെ കണ്ടപ്പോൾ ഏട്ടൻ ഫ്രണ്ട്സിനോട് ഒന്നും വേണ്ടന്ന് പറഞ്ഞ് ക്ലാസ്സിലേക്ക് പറഞ്ഞയച്ചു. അന്ന് റാഗിംഗിൽ നിന്ന് രക്ഷിച്ചത് കൊണ്ടാകാം പിന്നീട് അങ്ങോട്ട് ഏട്ടന് വേണ്ടി അവൾ ഒരു പുഞ്ചിരി കൊടുക്കുവായിരുന്നു തിരിച്ച് ഏട്ടനും. പിന്നീട് എപ്പോളോ അവൾക്ക് അത് പ്രണയമായി മാറി അവൾ പബ്ലിക്കായി കോളേജിലെ എല്ലാരുടേം മുന്നിൽ വെച്ച് ഏട്ടനെ പ്രൊപോസ് ചെയ്തു എന്നാൽ പോലീസ് എന്ന സ്വപ്നവും ആയി നടക്കുന്ന ഏട്ടന് പ്രണയം എന്ന് കേൾക്കുന്നത്തെ ദേഷ്യം ആയിരുന്നു. അതുകൊണ്ട് ഏട്ടൻ അവളെ അപ്പൊ തന്നെ റിജക്റ്റ് ചെയ്തു. എന്നാൽ അതൊന്നും കൂട്ടാക്കാതെ അവൾ ഏട്ടൻ പോകുന്ന സഥലത്ത് എല്ലാം വന്ന് നിൽക്കാൻ തുടങ്ങി അവസാനം ശല്യം സഹിക്കാൻ വയ്യാതെ ഏട്ടൻ എന്തോക്കെയോ പറഞ്ഞു.

പിന്നെ കുറച്ചു ദിവസത്തേക്ക് അവളുടെ വരവ് ഉണ്ടായിരുന്നില്ല. രണ്ട് ദിവസം കഴിഞ്ഞപ്പോളാ പൂജ സൂയിസൈഡ് ചെയ്യാൻ നോക്കി ഹോസ്പിറ്റലിലാന്ന് അറിയുന്നേ. അന്ന് ടെൻഷനോടെ ഹോസ്പിറ്റലിൽ ചെന്നപ്പോൾ കൈയിൽ ഒരു കേട്ടൊക്കെയായിട്ട് അവൾ ഏട്ടന് കുറ്റബോധം തോന്നാൻ അത് മതിലോ. അതിന്റെ ഒപ്പം അവളുടെ ഡയലോഗും അഗ്നിയേട്ടാ എനിക്ക് ഏട്ടനെ മറക്കാൻ പറ്റില്ല ഞാൻ ഒരുപാട് ശ്രമിച്ചു, ഏട്ടന്റെ സ്വപ്നങ്ങൾ ഒക്കെ എനിക്ക് അറിയാം ഒരു പൈങ്കിളി റൊമാൻസ് ഒന്നും ഞാൻ പ്രതീക്ഷിക്കുന്നില്ല വിവാഹത്തെ കുറിച്ച് ചിന്തിക്കുമ്പോൾ എന്നെ കൂടെ കൂട്ടിയാൽ മതിയെന്ന്. പോരെ പൂരം ഏട്ടൻ ഫ്ലാറ്റ്. പിന്നെ അങ്ങോട്ട് അവരുടെ പ്രണയം ആയിരുന്നു എന്തൊക്കെ ആണെങ്കിലും പഠനത്തിൽ ഏട്ടൻ ഒരു വിട്ടു വീഴ്ചയും കാണിച്ചില്ല അങ്ങനെ ഡിഗ്രിക്ക് ഏട്ടന് ഫസ്റ്റ് റാങ്ക് തന്നെ കിട്ടി. ഏട്ടന്റെ കോളേജിലെ മെയിൻ ശത്രു വരുൺ ആയിരുന്നു അവരുതമ്മിൽ ഉള്ള വഴക്കിന് കാരണം പഠനത്തിലുള്ള കോമ്പറ്റിഷൻ ആയിരുന്നു

ഏട്ടൻ ഫസ്റ്റ് ആയതോടെ വരുൺ സെക്കന്റ്‌ പൊസിഷനിലേക്ക് പോയി എല്ലായിടത്തും ഒന്നാമനായ അവന് ഏട്ടനോട് ദേഷ്യം തോന്നാൻ അത് മതിയായിരുന്നു. അതിന്റെ ഇടക്ക് ഏട്ടന്റെ IPS ടെസ്റ്റും കഴിഞ്ഞിരുന്നു. റിസൾട്ട്‌ വരുന്നത് വരെ ടൈം ഉള്ളത് കൊണ്ട് ഏട്ടൻ പിജിക്ക് ജോയിൻ ചെയ്തു. പൂജെടെ നിർബന്ധം മൂലം മഹാരാജാസിൽ തന്നെ ആയിരുന്നു. പക്ഷെ പിന്നീട് അങ്ങോട്ട് കാര്യങ്ങൾ മാറി മറിയുവായിരുന്നു. പൂജ പതിയെ പതിയെ ഏട്ടനെ ഫ്രണ്ട്സിൽ നിന്നും ഞങ്ങളിൽ നിന്നും അകറ്റി. പ്രണയം എന്ന ഒരു വികാരം ഏട്ടന് പുതിയത് ആയത് കൊണ്ട് തന്നെ പൂജയോടുള്ള പ്രണയം ഏട്ടനിൽ ആഴത്തിൽ വേരൂന്നി പോയിരുന്നു. അങ്ങനെ പിജി ലാസ്റ്റ് യൂണിവേഴ്സിറ്റി എക്സാമിന് രണ്ട് ദിവസം മുന്നേ പൂജ കാണണോന്ന് പറഞ്ഞിട്ട് പോയതാ ഏട്ടൻ. ഒരു റെസ്റ്റോറന്റിൽ വെച്ചാ അവർ കണ്ടത് അന്ന് പൂജായോടൊപ്പം വരുണും ഉണ്ടായിരുന്നു. ഏട്ടനെ നാണം കെടുത്തുക എന്നതായിരുന്നു അവളുടെ ഉദ്ദേശം. അന്ന് അവിടത്തെ ആളുകളുടെ മുന്നിൽ വെച്ച് അവൾ പറഞ്ഞു ഏട്ടനെ പ്രണയിച്ചിട്ടില്ലെന്നും കോളേജ് ഹീറോയോട് തോന്നിയ വെറും ഒരു അട്രാക്ഷൻ

പബ്ലിക് ആയി റീജക്റ്റ് ചെയ്തപ്പോൾ അത് പ്രതികാരമായി മാറിയെന്ന്. ഏട്ടനെ വീഴ്ത്താൻ വേണ്ടിയാ സൂയിസൈഡ് ചെയ്തുവെന്ന കള്ളം വരെ പറഞ്ഞുണ്ടാക്കിയതെന്ന്. അത്രയും കേട്ടപ്പോളേക്കും ഏട്ടൻ തളർന്നിരുന്നു എന്നിട്ടും നിർത്താതെ അവൾ പറഞ്ഞു ഏട്ടൻ സ്നേഹിച്ചിരുന്ന ഈ മൂന്നു വർഷ കാലവും ഏട്ടനെ ഫൂൾ ആകികൊണ്ട് വരുണിനെ പ്രണയിക്കുവായിരുന്നു അവളെന്ന്. അതുടെ ആയപ്പോളേക്കും തകർന്നുപോയി. തിരിച്ച് വീട്ടിൽ എത്തിയ ഏട്ടൻ ആരോടും മിണ്ടാതെയായി എക്സാം എഴുതിയത് പോലും അമ്മേടെ നിർബന്ധം കൊണ്ടാ എന്നിട്ടും സെക്കന്റ്‌ റാങ്ക് വാങ്ങിയെടുത്തു ഫസ്റ്റ് ആ വരുണിനായിരുന്നു അന്ന് അവനും അവളും നടത്തിയ ഷോ ഒന്നു കാണണായിരുന്നു. റിസൾട്ട്‌ വന്നിട്ടും ഏട്ടന് മാറ്റം ഒന്നും ഇല്ലായിരുന്നു റൂമിൽ ആരോടും മിണ്ടാതെ ഒറ്റക്ക് ഇരിക്കുവായിരുന്നു. ഏട്ടന്റെ ഈ അവസ്ഥ സഹിക്കാൻ പറ്റാതെ അച്ഛനും അമ്മയും കൂടി സംസാരിച്ചപ്പോളാ എല്ലാം പറയുന്നത്.

അന്ന് ആദ്യമായ എന്റെ ഏട്ടൻ കരയുന്നത് ഞങ്ങൾ കാണുന്നത് അവളെ കൊല്ലാനുള്ള ദേഷ്യം ഉണ്ടായിരുന്നു എല്ലാർക്കും. " അല്ലെങ്കിലും ചില പെണ്ണുങ്ങൾ അങ്ങനെയാ മോളെ. എന്നിട്ട് പിന്നെ എന്താ ഉണ്ടായേ. " എല്ലാരോടും തുറന്ന് സംസാരിച്ചപ്പോൾ ഒരു ചെറിയ മാറ്റം ഏട്ടനിൽ ഉണ്ടായി എന്നാൽ പെണ്ണെന്ന് കേൾക്കുന്നത്തെ ഏട്ടന് ദേഷ്യമായി മാറി. ആ ഇടക്കാ ഏട്ടൻ IPS ടെസ്റ്റ്‌ പാസ്സ് ആകുന്നതും ഒരു മാസത്തെ ട്രെയിനിങ് ഹൈദ്രബാദിലേക്ക് പോകുന്നതും അതോടു കൂടി നാടുമായിട്ടുള്ള ഏട്ടന്റെ ബദ്ധം അവസാനിച്ചു. ഇവിടേക്ക് ഇടക്ക് ഫോൺ ചെയുന്നത് മാത്രം തുടർന്ന് പോയി. ട്രെയിനിങ് കഴിഞ്ഞ് ഏട്ടന് നേരിട്ട് മുംബൈയിലേക്ക് പോസ്റ്റിങ്ങ്‌ ആയി അതോടെ ഞങ്ങളിൽ നിന്നും ഏട്ടൻ ഒരുപാട് അകന്നു വിളി കുറഞ്ഞു, അതുമല്ല എല്ലാത്തിനും ദേഷ്യോം. ഏട്ടനെ കാണാൻ അമ്മയ്ക്കും അച്ഛനും നല്ല ആഗ്രഹം ഉണ്ടായിരുന്നു എന്നാൽ ഏട്ടന്റെ ദേഷ്യം ഓർത്ത് അവർ അത് ഉള്ളിൽ ഒതുക്കും.

അമ്മേടെ പ്രാർത്ഥന കൊണ്ട് മാത്രമാ ഏട്ടന് ഒരു കേസിന്റെ ഭാഗമായി നാട്ടിലേക്ക് പോസ്റ്റിങ്ങ്‌ കിട്ടി വന്നത്. ഇവിടെ വന്നിട്ടും ഏട്ടന് യാതൊരു മാറ്റവും ഇല്ല. പറഞ്ഞു നിർത്തുമ്പോൾ അതുല്യയുടെ കണ്ണുകൾ ചെറുതായി ഈറൻ അണിഞ്ഞിരുന്നു. കുറുമ്പും കുസൃതിയും മാത്രം നിറഞ്ഞു നിന്ന മുഖം വാടിയത് സാക്ഷിയിലും ഒരു നോവുണർത്തി. അതുല്യയെ അശ്വസിപ്പിക്കാൻ എന്നോണം അവൾ പറഞ്ഞു. " അയ്യേ അമ്മുട്ടി ഇങ്ങനെ സങ്കടപെടാതെ എല്ലാം നമ്മുക്ക് ശരിയാക്കാന്നെ ഇപ്പൊ ഞാൻ കൂടി ഇവിടെ ഇല്ലേ. ഞാൻ അമ്മുട്ടിക്ക് വാക്കുതരുവാ മോൾടെ ഏട്ടനെ പഴയപോലെ ഞാൻ തിരിച്ചു തരും മോൾക്ക് പോരെ. " ശരിക്കും, എനിക്ക് വിശ്വസിക്കാമോ. " ഉറപ്പായും. ഇപ്പൊ സന്തോഷം ആയില്ലേ ഇനി ഈ കണ്ണൊക്കെ തുടച്ച് ഒന്നു ചിരിച്ചേ. അതുല്യയെ അശ്വസിപ്പിക്കാൻ ആണെങ്കിൽ പോലും എന്തിന് അങ്ങനെ പറഞ്ഞെന്നോ, അവൾക്ക് കൊടുത്ത വാക്ക് പാലിക്കാൻ പറ്റുമോന്നോ പോലും സാക്ഷിക്ക് അറിയില്ലായിരുന്നു എന്നാൽ അവളുടെ കണ്ണു നിറയുമ്പോൾ തന്റെ ഹൃദയത്തിലും നോവ് പടരുന്നതായി മനസിലാക്കിയിരുന്നു സാക്ഷിക്ക് ....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...