🔥🔥അഗ്നിയായി അവൾ🔥🔥 : ഭാഗം 10

എഴുത്തുകാരി: മിന്നു

"ശ്ശൊ ഇവളെന്താ വരാത്തത്... കുറേ സമയമായല്ലോ...." മിഴി കയറി വരുമ്പോൾ ഒരു ഇംപ്രഷന് വേണ്ടി കുറേ നേരമായി ഒരു കാര്യവുമില്ലാതെ ജനാലയ്ക്കൽ നിന്ന് വിദൂരതയിലേക്ക് കണ്ണും നട്ട് നിൽക്കുകയാണ് സൂര്യ.... പണ്ടാരോ പറഞ്ഞത് പോലെ "ജ്യോതിയും വന്നില്ല തീയും വന്നില്ല.....". അവസാനം നിന്ന് നിന്ന് കാല് കഴച്ചപ്പോൾ അവൻ ബെഡിൽ വന്നിരുന്നു. ഇംപ്രഷൻ ബെഡിൽ ഇരുന്നും ആകാമല്ലോ.... ഹെഡ്ബോർഡിലേക്ക് ചേർന്നിരുന്ന് ഒരു തലയിണയെടുത്ത് മടിയിൽ വച്ചു. തലയിണയിൽ കുത്തി വച്ച കൈയിൽ മുഖം താങ്ങി. കാണുമ്പോൾ തന്നെ തോന്നണം കാത്തിരുന്ന് കാത്തിരുന്ന് ക്ഷീണം വന്നെന്ന്... അത് ഒരു സത്യമാണല്ലോ... ഏയ്യ് അല്ല സത്യമല്ല എനിക്ക് ഒട്ടും ക്ഷീണമില്ല.... I am perfectly alright...." സ്വയം പ്രോത്സാഹിപ്പിച്ചു കൊണ്ട് സൂര്യ ഒന്ന് നിവർന്നിരുന്നു. സമയം കടന്നു പോകുന്നതീന് അനുസരിച്ച് നിവർന്നിരുന്നത് ചുരുണ്ട് കൂട്ടലായി. ഇടയ്ക്ക് ഒന്ന് ഉറക്കം തൂങ്ങി വീണതും സൂര്യ ഞെട്ടിയെഴുന്നേറ്റു. ഇപ്പഴും അവൾ വന്നില്ല. ഇവൾ ഇത് എവിടെ പോയി കിടക്കുവാ.... ദേഷ്യത്തോടെ വാതിൽ വലിച്ചു തുറന്നതും ഹാളിലൂടെ പോകുന്ന ജീവയെ കണ്ടു. "അല്ല നീ ഇനിയും ഉറങ്ങിയില്ലേ??? "ഇല്ല..... ഏട്ടൻ മിഴിയെ കണ്ടായിരുന്നോ???" "ഓ..... അപ്പോ അതാണ് നിന്റെ ഉറക്കമില്ലായ്മയുടെ കാരണം...

എന്നാലേ മോൻ അധികം ഉറക്കമിളയ്ക്കാതെ മുറിയിലേക്ക് ചെല്ല്... അവള് കിടന്നുറങ്ങി...." "ഉറങ്ങിയോ??? എവിടെ??? അവള് മുറിയിലേക്ക് വന്നതേയില്ലല്ലോ...." "ഈ മുറിയിൽ അല്ല.... അവളുടെ മുറിയിൽ..." "അവളുടെ മുറിയോ???" "ആ... അപ്പോ നീ ഒന്നുമറിഞ്ഞില്ലേ??? ഇനിയും ഒരു ഇരുപത്തൊന്ന് ദിവസം കൂടി കഴിഞ്ഞാലേ നിങ്ങള് രണ്ടാളും ശരിക്കും ഭാര്യയും ഭർത്താവും ആവൂ...അത് വരെ അവളുടെ താമസം താഴെ അമ്മേടെ മുറിന്റെ അടുത്തുള്ള ഗസ്റ്റ് റൂമിലാ...." ഞെട്ടി... സൂര്യ നല്ലോണം ഒന്ന് ഞെട്ടി... എന്നാലും ഇങ്ങനെയൊക്കെ പറയാമോ... ഒന്നുല്ലെങ്കില്ലും ഇന്ന് രാവിലെ കല്ല്യാണം കഴിഞ്ഞതല്ലേയുള്ളൂ.... ഫസ്റ്റ് നൈറ്റ് ആഘോഷിക്കാൻ കുളിച്ചൊരുങ്ങി വന്ന തന്നോട് പറയാൻ കൊള്ളാവുന്ന വർത്തമാനമാണോ ഇത്. പല്ല് ഞെരിയണ്.... മുഷ്ടി ചുരുട്ടണ്... നാഡി ഞരമ്പുകൾ വലിഞ്ഞു മുറുകണ്..... സൂര്യ കലിപ്പ് മോഡ് ഓണാക്കി. "അത് ഏട്ടൻ അങ്ങ് തീരുമാനിച്ചാൽ മതിയോ??" "ഞാൻ മാത്രമല്ല അച്ഛനും അമ്മയും നിന്റെ ഏടത്തിയും എല്ലാത്തിനും ഉപരിയായി നിന്റെ ജാതകവും തീരുമാനിച്ചതാ ഇത്..." കാര്യങ്ങളുടെ കിടപ്പ് വശം ഏതാണ്ട് പിടി കിട്ടിയതും സൂര്യ ദേഷ്യത്തോടെ മുഖം വെട്ടിച്ചു. ലുക്ക് നേരെ പോയതോ അലങ്കരിച്ച് വച്ചിരിക്കുന്ന മണിയറയിലേക്കും...

"എന്തിനോ വേണ്ടി തിളയ്ക്കുന്ന സാമ്പാർ...." പിന്നിൽ നിന്നും ജീവയുടെ ആക്കിയ ഡയലോഗ് കേട്ടതും സൂര്യ അവനെ ഒന്ന് ദഹിപ്പിച്ചു നോക്കി. "I am the sorry broo.... അമ്മേടെ രാജശാസന വരുന്നതിന് മുമ്പേ ഞാൻ ഒരുക്കി വച്ചതാ അത്... അതിങ്ങനെ വെള്ളത്തിൽ വരച്ച വര പോലെ ആക്കുമെന്ന് ഞാനും കരുതിയതല്ല..." ജീവ പതിയെ സൂര്യയുടെ തോളിൽ തട്ടി... സൂര്യയുടെ കടപല്ല് ഞെരിഞ്ഞമരുന്ന ശബ്ദം കേട്ടതും ഒന്ന് ഇളിച്ചു കാട്ടി കൊണ്ട് ജീവ കൈ പിൻവലിച്ചു. നില തെറ്റി നിൽക്കുവാ ചെക്കൻ ചുമ്മാ എന്തിനാ പണി ഇരന്നു വാങ്ങുന്നത്.... "ഓ..... ഋതു എന്നെ വിളിച്ചായിരുന്നോ??? ഞാനിതാ വരുന്നേ....." ജീവ പതിയെ സ്ഥലം കാലിയാക്കി. സൂര്യ ദേഷ്യത്തോടെ മുറിയിലേക്ക് കയറി ചെന്നു. ആ അലങ്കാരങ്ങൾ ഒക്കെ തന്നെ നോക്കി പല്ലിളിക്കുന്നതായി തോന്നി അവന്... ഒക്കെ വലിച്ച് പറിച്ച് നിലത്തിട്ട് ചവിട്ടി കൂട്ടി. ഹല്ല പിന്നെ.... "കാലത്ത് കല്ല്യാണം കഴിഞ്ഞതല്ലാതെ അവളോട് ഒന്ന് മര്യാദയ്ക്ക് മനസ്സ് തുറന്നു സംസാരിക്കാൻ പോലും കഴിഞ്ഞിട്ടില്ല. അല്ലെങ്കിൽ തന്നെ വന്ന പലരുടെയും ചൊറിയുന്ന സംസാരം കേട്ടപ്പോൾ അവളുടെ മുഖം വാടി കണ്ടതാ... അതൊക്കെ രാത്രി സ്വസ്ഥമായി ഒന്ന് സംസാരിക്കാം എന്ന് കരുതിയതാ... അപ്പോഴാ ഒടുക്കത്തെ ഒരു ജാതകവും മുഹുർത്തവും....

ശ്ശൊ ഇതറിഞ്ഞിരുന്നെങ്കിൽ അമ്മ ചോദിച്ചപ്പോൾ അവളുടെ ജൻമദിനം പറഞ്ഞു കൊടുക്കില്ലായിരുന്നു. 🔥🔥 കാലത്ത് എണീറ്റപ്പോഴും സൂര്യയുടെ മുഖം ഇരുണ്ടു തന്നെയിരുന്നു. അപ്പഴാ ആരോ ഡോർ തുറക്കുന്ന ശബ്ദം കേട്ടത്. മിഴി ആയിരിക്കും... സാധാരണ സിനിമയിൽ ഒക്കെ അങ്ങനെ ആണല്ലോ... കല്ല്യാണം കഴിഞ്ഞ് പിറ്റേന്ന് ഒരു കപ്പ് ചായയുമായി വന്ന് ഭർത്താവിനെ വിളിച്ചുണർത്തുന്ന ഭാര്യ.... സൂര്യ വേഗം ഉറക്കം നടിച്ചു കിടന്നു. "ഇനി അവൾ ആയിരിക്കില്ലേ🤔🤔 ഇരുപത്തൊന്ന് ദിവസം കഴിയാതെ അമ്മ അവളെ ഈ മുറിയിലേക്ക് പറഞ്ഞു വിട്ടു മെന്ന് വലിയ പ്രതീക്ഷ ഒന്നുമില്ല. വന്നയാൾ എന്തായാലും കട്ടിലിൽ തന്റടുത്ത് ഇരിക്കുന്നത് അറിഞ്ഞു. പതിയെ തന്റെ നെറ്റിയിൽ വീണ മുടിയിഴകൾ ഒതുക്കി വയ്ക്കുന്നതും ചുണ്ടുവിരല് കൊണ്ട് മുഖമാകെ തഴുകുന്നതും അറിഞ്ഞു. ഇത് മിഴി തന്നെ. മറ്റാരും ഇങ്ങനെയൊന്നും ചെയ്യില്ലല്ലോ... കൊച്ച് ഗള്ളീ....... കണ്ണ് തുറക്കാതെ തന്നെ സൂര്യ ആ കൈയിൽ പിടിത്തമിട്ടു. കുസൃതി ചിരിയോടെ അവളെ തന്റെ മേലേക്ക് വലിച്ചിട്ട് പൂണ്ടടക്കം കെട്ടിപ്പിടിച്ചു. "ഫാ...... വിടെഡാ നാറീ......" ജീവയുടെ കര കരാന്നുള്ള ഒച്ച കേട്ടതും സൂര്യ കണ്ണ് മിഴിച്ചു നോക്കി. തന്റെ നെഞ്ചിൽ കിടക്കുന്ന ജീവയെ കണ്ടതും ഒറ്റ തള്ള്. ദാ... കിടക്കുന്നു നിലത്ത്.... "

ഏട്ടനെന്താ രാവിലെ തന്നെ എന്റെ മുറിയില്.." "എന്നെ കൊണ്ട് പറയിപ്പിക്കരുത്. അമ്മ ഒരു ഗ്ലാസ് ചായ കൊണ്ട് തരാൻ പറഞ്ഞപ്പോ വന്നതാ ഞാൻ... അതിന് നീ എന്നെ കേറി പീഡിപ്പിക്കാൻ ശ്രമിച്ചല്ലെഡാ.... ഉയ്യോ ന്റെ മാനം....." ഏട്ടനോട് ആരാ എന്റെ മുറിയിൽ കയറി വരാൻ പറഞ്ഞേ...മിഴി ആണെന്ന് ഓർത്താ ഞാൻ..." "ഹോ.... ചുമ്മാതല്ല അമ്മ ചായ എന്റെ കൈയിൽ തന്നു വിട്ടത്... എനിക്ക് പകരം ആ പെങ്കൊച്ചാണ് കയറി വന്നതെങ്കിൽ നീ എന്തൊക്കെ കാണിച്ചു കൂട്ടുമായിരുന്നു...." "അയ്യടാ ഒരു ഒന്നുമറിയാത്ത ഇളകുഞ്ഞ്... അധികം നിഷ്കു കളിക്കണ്ട... എന്റെ മുഖത്ത് വിരലോടിച്ച് പ്രകോപ്പിച്ചിട്ടല്ലേ....??🤪🤪🤪" സൂര്യയും ചീറി "ആ.... അത് പിന്നെ... നിന്റെ മുഖത്ത് ഒരു ഉറുമ്പ് അതിനെ പിടിക്കാൻ നോക്കിയതാ ഞാൻ....😁😁😁" "ഉറുമ്പ് 🤪🤪 രാവിലെ തന്നെ എന്നെ ദേഷ്യം പിടിപ്പിക്കാതെ ഇറങ്ങി പോയ്ക്കേ...." സൂര്യ പല്ലിറുമ്മി. "ഹോ.... ഞാൻ പോവുവാ... ഇനി അതിന് ഒച്ച കൊടുക്കണ്ട...." ജീവ വേഗം സ്കൂട്ടായി. "രാവിലെ തന്നെ മൂഡ് കളയാൻ ഓരോന്ന് വന്ന് കയറിക്കോളും...." പിറുപിറുത്തു കൊണ്ട് സൂര്യ ചെന്ന് ഡ്രസ്സ് മാറി. ഒരു വൈറ്റ് ടീ ഷർട്ടും ട്രാക്ക്സ്യൂട്ടും അണിഞ്ഞ് ഹെഡ് ഫോൺ കഴുത്തിൽ ചുറ്റിയിട്ട് ഡോർ ചാരി അവൻ താഴേക്ക് നടന്നു. പതിവ് പോലെ ജോഗിങ്ങിന് പുറത്തേക്ക് പോകുമ്പോൾ ആദ്യം അവന്റെ നോട്ടം ചെന്നത് അടഞ്ഞു കിടക്കുന്ന മിഴിയുടെ ബെഡ്റൂം ഡോറിലേക്കായിരുന്നു. അങ്ങോട്ട് ചെല്ലാൻ മനസ്സ് പറയുന്നുണ്ട്. എന്നിട്ടും അവൻ ആ ശ്രമം ഉപേക്ഷിച്ചു.

തൊട്ടടുത്ത് അച്ഛന്റെയും അമ്മയുടെയും മുറിയാണ് രാവിലെ തന്നെ ഇനി ഇതിന്റെ പേരിൽ ഒരു വഴക്ക് ഉണ്ടാക്കേണ്ട.... ജോഗിങ്ങ് കഴിഞ്ഞ് ആകെ വിയർത്തൊലിച്ച് കയറി വരുമ്പോൾ സിറ്റ്ഔട്ടിൽ അച്ഛൻ ഇരുന്ന് പേപ്പർ വായിക്കുന്നു. അമ്മ അമ്പലത്തിൽ പോയിട്ടുണ്ടാവണം... അച്ഛനോട് ഒരു ഗുഡ് മോണിംഗ് ഉം പറഞ്ഞ് ഹാളിലേക്ക് ചെന്നു. സ്റ്റയർ കേസ് കയറുമ്പോഴാണ് മിഴിയുടെ റൂം ഓപ്പണായി കിടക്കുന്നത് ശ്രദ്ധിച്ചത്. കയറിയതിനേക്കാൾ വേഗത്തിൽ തിരിച്ചിറങ്ങി. വാതിൽക്കൽ ചെന്നു നോക്കിയപ്പോൾ തന്നെ അകത്ത് അവൾ ഇല്ലെന്ന് മനസ്സിലായി. എങ്കിൽ പിന്നെ അടുക്കളയിൽ കാണും... കാലുകൾ അടുക്കള ലക്ഷ്യം വെച്ച് നീങ്ങി. സാധാരണ അടുക്കള ഭാഗത്തേക്കേ ചെല്ലാത്തത് കൊണ്ട് ചെറിയ ഒരു ചളിപ്പുണ്ടായിരുന്നു. ഫ്രിഡ്ജിൽ നിന്നും വെള്ളമെടുക്കുന്നത് പോലെ ചെന്ന് അടുക്കള ആകെ ഒന്ന് കണ്ണോടിച്ചു. അവിടെ കണ്ട കാഴ്ച... സൂര്യ ഒരു നിമിഷം കണ്ണെടുക്കാതെ നോക്കി നിന്നു പോയി. ഋതു നിന്ന് പച്ചക്കറി അരിയുവാണ്. ജീവ അവളെ പിറകിൽ നിന്നും കെട്ടിപ്പിടിച്ച് അവളുടെ ചുമലിൽ താടി താങ്ങി നിൽക്കുന്നു. ജീവയുടെ ഇടം കൈ അവളുടെ വയറിൽ ചുറ്റി പിടിച്ച് അവളെ തന്നോട് ചേർക്കുന്നു.

മറുകൈ അവളുടെ വലംകൈയെ പൊതിഞ്ഞു പിടിച്ചിരിക്കുന്നു. ഇടയ്ക്കിടെ ജീവ ഋതുവിന്റെ കവിളുകളിൽ ഉമ്മ വയ്ക്കുന്നു. കുണുങ്ങി ചിരിച്ചു കൊണ്ട് അവൾ അരിഞ്ഞു വച്ചതിൽ നിന്നും ഒരു കാരറ്റ് പീസ് എടുത്ത് അവന്റെ വായിലേക്ക് വച്ച് കൊടുത്തു. വിരൽത്തുമ്പിൽ മൃദുവായി കടിച്ച് അവൻ അവളുടെ കഴുത്തിലേക്ക് മുഖം പൂഴ്ത്തി. "കള്ളബഡുവ.... അമ്മ ഇല്ലാത്ത തക്കം നോക്കി വന്ന് റോമാൻസിക്കുവാ... വിവാഹം കഴിഞ്ഞ് മൂന്ന് വർഷമായി എന്നിട്ട് ഇതിന് മാത്രം ഒരു കുറവുമില്ല... ഇന്നലെ കല്ല്യാണം കഴിഞ്ഞ ഞാൻ സ്വന്തം പെണ്ണിനെ പോലും കാണാതെ നിൽക്കുമ്പോഴാ അവരുടെ ഒടുക്കത്തെ ഒരു ഉമ്മ വച്ച് കളി... ഇപ്പോ ശരിയാക്കി തരാം...." സൂര്യ ഫ്രിഡ്ജിന്റെ ഡോർ വലിച്ചടച്ചു. ഋതുവിന്റെ ചുണ്ടുകളിലേക്ക് ചുണ്ട് ചേർക്കാൻ ഒരുങ്ങി നിന്ന ജീവ ശബ്ദം കേട്ട് ഞെട്ടി. നോക്കിയപ്പോൾ അതാ നിൽക്കുന്ന ഇളിച്ച് കൊണ്ട് തന്റെ അനിയൻ.... സൂര്യയെ കണ്ടതും ചമ്മലോടെ ഋതു ജീവയെ തട്ടി മാറ്റി സ്റ്റോർറൂമിലേക്ക് ഒറ്റയോട്ടം... "ഹോ.... നശിപ്പിച്ചു... കറക്ട് സമയത്ത് നീ എവിടുന്ന് വന്നു കയറി 😡😡😡😡"

ജീവ ദേഷ്യത്തോടെ ചോദിച്ചതും സൂര്യ നന്നായി ഇളിച്ചു കാട്ടി. "പ്രതികാരം അത് വീട്ടാനുള്ളതാണ് മിസ്റ്റർ 😏😏😏 "നിനക്കെന്താ ഡാ അടുക്കളയിൽ കാര്യം???" ജീവ ചമ്മല് മറയ്ക്കാൻ ഗൗരവക്കാരനായി. "ചേട്ടൻ വന്ന അതേ കാര്യത്തിന് വന്നതാ..." "ഓ.... അപ്പോ മോൻ റോമാൻസിക്കാ....." ജീവയെ പറഞ്ഞു മുഴുവിക്കാൻ സമ്മതിക്കാതെ സൂര്യ കൈയെടുത്ത് തടഞ്ഞു. "മതി അധികം വിശദീകരണം വേണ്ട... ചോദിച്ചതിനുള്ള ഉത്തരം പറയ്.... മിഴി എവിടെ??? ഇല്ലെങ്കിൽ ഞാൻ ഇപ്പോ അച്ഛനെ വിളിച്ച് ഇവിടെ നടന്നതൊക്കെ പറഞ്ഞു കൊടുക്കും...." സൂര്യ ഭീഷണിപ്പെടുത്തി. "അവള് ടെറസ്സിലുണ്ട്... നീ ഒന്ന് പോയേ...." ജീവ വേഗം അവനെ വഴി തിരിച്ചു വിട്ടു. സൂര്യ പോയിട്ട് വേറെ പല ആവശ്യവും ഉള്ളതാ😌😌😌 "മ്മം..... മ്മം....." ഒന്ന് ആക്കി ചിരിച്ചു കൊണ്ട് സൂര്യ വേഗം ടെറസ്സിലേക്ക് ഓടി. കുളിച്ച് മാറി വന്നപ്പോഴത്തെ ഡ്രസ്സുകൾ അലക്കി പിഴിഞ്ഞത് വിരിച്ചിടുകയായിരുന്നു മിഴി. എങ്കിലും മനസ്സ് കൊണ്ട് അവൾ മിത്രയുടെ അരികിലായിരുന്നു. വിരിച്ചിട്ട വസ്ത്രങ്ങളെ വെറുതെ തഴുകി കൊണ്ടിരുന്നു. മനസ്സിൽ പലതരം ചിന്തകൾ ആ സമയം കടന്നു പോയിക്കൊണ്ടിരുന്നു. "വേണ്ടിയിരുന്നില്ല ഒന്നും.... ഈ പ്രതികാരവും ദേഷ്യവും ഒന്നും വേണ്ടിയിരുന്നില്ല...

ഈ താലി കഴുത്തിൽ കിടക്കുമ്പോ ഉള്ളിൽ എന്തോ ചുട്ട് പൊള്ളുന്നത് പോലെ... മിത്ര ആഗ്രഹിച്ചത് തട്ടി എടുത്തോ എന്നൊരു തോന്നൽ... അതോ മിത്രയെ വേദനിപ്പിച്ച് ഞങ്ങളെ എല്ലാം ഇരുട്ടിലാക്കിയവന്റെ ഭാര്യാസ്ഥാനം അലങ്കരിക്കുന്നതിലുള്ള നിവൃത്തിക്കേടോ???? മനസ്സിൽ എവിടെയോ ഒരു ഉൾകുത്തൽ... പപ്പയോടും അമ്മയോടും എങ്ങനെയാ ഇതൊക്കെ പറയുവാ...പറഞ്ഞാൽ ഒന്നുകൂടി പേടിക്കുകയേ ഉള്ളൂ... എത്രയും പെട്ടെന്ന് തിരിച്ചു വരാനാ ആവശ്യപ്പെട്ടുക... ഇല്ല.... തന്റെ ലക്ഷ്യം പാതിവഴിയിൽ എത്തി നിൽക്കുകയാണ് ഇപ്പോൾ... അത് പൂർത്തിയാക്കാതെ മടങ്ങില്ല ഞാൻ.. ഇനിയൊരു പിൻമാറ്റമില്ല...." മനസ്സ് പിന്നെയും മിത്രയുടെ അടുത്ത് തന്നെ കുടുങ്ങി കിടന്നു. മിഴി എന്തോ ആലോചനയിൽ മുഴുകി നിൽക്കുകയാണെന്ന് കണ്ടതും സൂര്യ ശബ്ദമുണ്ടാക്കാതെ പമ്മി പമ്മി അവളുടെ അടുത്ത് എത്തി. ഒരു ലോങ്ങ് ടോപ്പും ഫുൾ മിഡിയുമായിരുന്നു അവളുടെ വേഷം. ഈറൻ മുടി തോർത്തിൽ പൊതിഞ്ഞു കെട്ടിയിരിക്കുന്നു. തല നന്നായി തുവർത്താത് കൊണ്ട് വെള്ളത്തുള്ളികൾ കഴുത്തിലും നെറ്റിയിലും ഒലിച്ചിറങ്ങുന്നുണ്ടായിരുന്നു.

തൊട്ടടുത്ത് താൻ എത്തിയിട്ടും മിഴി അതറിഞ്ഞില്ലെന്ന് കണ്ടതും സൂര്യ അവളെ പിറകിൽ നിന്നും വട്ടം പിടിച്ചു. ചിന്തകളിൽ നിന്നും ഞെട്ടിയുണർന്ന മിഴി അവന്റെ കൈക്കുമ്പിളിൽ കിടന്ന് പിടഞ്ഞു. അത് വകവയ്ക്കാതെ അവൻ അവളെ എടുത്ത് വട്ടം കറക്കി. അപ്രതീക്ഷിതമായി അവൻ അങ്ങനെ ചെയ്തപ്പോൾ അവൾ ആകെ ഭയന്ന് പോയി. വയറ്റിൽ പിടി മുറുക്കിയ അവന്റെ ബലിഷ്ഠമായ കൈതണ്ടയെ തന്നാൽ ആവും വിധം അവൾ തട്ടി മാറ്റാൻ ശ്രമിച്ചു. "ആആആആ..... എന്നെ വിട്ട്.... വിട്ടാൻ..." "ഹാ... ഹാ... അങ്ങനെ ഇപ്പം വിട്ടണില്ല... ഒന്ന് അടങ്ങിയിരിക്കെന്റെ ഭാര്യേ...." കുസൃതി ചിരിയോടെ അതും പറഞ്ഞവൻ കൂടുതൽ വേഗത്തിൽ അവളെ വട്ടം ചുറ്റിച്ചു. "ആഹ്.... എന്നെ വിട്ട്.... എനിക്ക് തല ചുറ്റണൂ...." ഇടയ്ക്ക് അവളുടെ വാക്കുകൾ മുറിഞ്ഞ് പോയതും അവൻ പതിയെ കറക്കം നിർത്തി അവളെ താഴെ നിർത്തി. തറയിൽ കാൽ തൊട്ടിട്ടും ഒരു നിമിഷം ചുറ്റും എല്ലാം കറങ്ങുന്നതായി തന്നെ അവൾക്ക് തോന്നി. സൈഡിലെ ഭിത്തിയിൽ അള്ളിപ്പിടിച്ച് കുറച്ചു സമയം അവൾ നിന്നു.

"ഇന്നലെ മുതൽ ഒന്ന് കണ്ട് കിട്ടാൻ ഞാൻ എവിടെയൊക്കെ നോക്കീന്നോ.... രാത്രി ഒത്തിരി നേരം കാത്തിരുന്നു. പിന്നെയാ ജീവേട്ടൻ വന്ന് സംഭവം പറഞ്ഞത്... രാത്രിയില് തന്നെ ഇടിച്ചു കേറി നിന്റെ മുറിയിലോട്ട് വന്നാലോ ന്ന് കരുതിയതാ... പിന്നെ വിചാരിച്ചു ഒരു സീൻ ഉണ്ടാക്കണ്ട താൻ ഉറങ്ങിക്കോട്ടെ ന്ന്......" സൂര്യ പിന്നെയും എന്തൊക്കെയോ കാര്യങ്ങൾ അവളോട് പറഞ്ഞു കൊണ്ടിരുന്നു. മിഴി അതൊന്നും കേട്ടതേയില്ല.... അവളാകെ ഭയന്ന് പോയിരുന്നു. പ്രതീക്ഷിക്കാതെ ആയത് കൊണ്ട് അവൾ വല്ലാതെ നിന്ന് കിതച്ചു. തന്റെ വയറ്റിൽ അവന്റെ കൈകൾ പിടിമുറുക്കിയത് ആലോചിച്ചപ്പോൾ അവൾ തന്നോട് തന്നെ ഒരറപ്പ് തോന്നി. ഇതുപോലെ അനുവാദം കൂടാതെ ആയിരിക്കില്ലേ അവൻ മിത്രയെയും തൊട്ടിട്ടുണ്ടാവുക.... കിതപ്പ് ഒടുങ്ങുമ്പോഴേക്കും അവനോടുള്ള ദേഷ്യവും വെറുപ്പും അങ്ങേയറ്റമെത്തിയിരുന്നു. "ഏയ്യ് മിഴി.... താൻ എന്താ ഇതിനും മാത്രം ഈ ആലോചിയ്ക്കണേ????" സൂര്യ അവളുടെ അടുത്തേക്ക് വന്നു.

മിഴി യുടെ കവിളിൽ കൈ ചേർക്കാൻ ഒരുങ്ങവേ അവൾ ശക്തമായി അവന്റെ കൈ തട്ടിമാറ്റി. "കൊല്ലാൻ നോക്കിയതാ എന്നെ.... പറയ് കൊല്ലാൻ നോക്കിയില്ലേ... എന്തിനാ എന്നെ തൊട്ടേ.... എങ്ങനെയാ തനിക്ക് അതിന് ധൈര്യം വന്നേ.... പറയ്... എങ്ങനെയാന്ന്.... എന്നെ താൻ.... ആആആആ...." മിഴി ശക്തിയിൽ അവനെ പിറകിലേക്ക് തള്ളി. പെട്ടെന്നുള്ള അവളുടെ ഭാവമാറ്റത്തിൽ ആകെ അമ്പരന്ന് നിൽക്കുകയായിരുന്നു സൂര്യ. "മി.... മിഴീ... ഞാൻ ചുമ്മാ ഒരു തമാശയ്ക്ക്...." സൂര്യയുടെ വിക്കൽ കണ്ടപ്പോഴാണ് താൻ പറഞ്ഞു പോയത് എന്തെന്ന് അവൾക്ക് ബോധ്യമായത്... കഴിഞ്ഞ് പോയ നിമിഷം മറ്റൊന്നും ചിന്തിക്കാതെ അവനോട് സംസാരിച്ചു. അവന്റെ ഉള്ളിലെ കള്ളത്തരം അവൻ മനസ്സിലായോ എന്ന ആധിയോടെ അവന്റെ വാക്കുകൾക്ക് ചെവി കൊടുക്കാതെ അവൾ ധൃതിയിൽ മുറിയിലേക്ക് ഓടി....... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...