🔥🔥അഗ്നിയായി അവൾ🔥🔥 : ഭാഗം 15

എഴുത്തുകാരി: മിന്നു

കാറിലെ സ്റ്റീരിയോയിൽ നിന്നും ഒഴുകിയെത്തുന്ന സംഗീതത്തിന് താളം പിടിച്ച് ആ യാത്ര നന്നായി ആസ്വദിച്ച് ഡ്രൈവ് ചെയ്യുകയാണ് സൂര്യ. ഇടയ്ക്കിടെ പാട്ട് മൂളുന്നുമുണ്ട്. ഇടയ്ക്ക് അവൻ കോഡ്രൈവർ സീറ്റിലിരിക്കുന്ന മിഴിയെ ഒന്ന് പാളി നോക്കി. ഓഫീസിൽ ആദ്യമായി പോകുന്നതിന്റെ ടെൻഷൻ ഒന്നുമില്ല പാട്ട് ആസ്വദിച്ച് പുറം കാഴ്ചകളിലേക്ക് കണ്ണ് നട്ട് ഇരിക്കുകയാണ് അവൾ. ഇത്രയും ദിവസം ഒന്ന് അടുത്ത് കിട്ടാഞ്ഞിട്ടായിരുന്നു. ഇപ്പോ അടുത്ത് കിട്ടിയപ്പോഴാണെങ്കില്ലോ എന്ത് സംസാരിക്കണം എന്ന് ഒരു പിടിയും കിട്ടുന്നില്ല... അവസാനം സൂര്യ തന്നെ തൻ്റെ വൈക്ലഭ്യം മാറ്റി വച്ച് സംസാരത്തിന് തുടക്കം കുറിച്ചു. "മിഴീ......" പ്രണയാർദ്രമായി അവൻ വിളിച്ചു. "മ്മം... എന്താ സാർ??" "സാറോ???" സൂര്യയുടെ മുഖം ചുളിഞ്ഞു. "മ്മം... സാർ... ഞാനിപ്പോ സാറിന്റെ പിഎ അല്ലേ... അപ്പോ അങ്ങനെയല്ലേ വിളിക്കേണ്ടത്??" യാതൊരു ഭാവമാറ്റവുമില്ലാതെ അവൾ തിരിച്ചു ചോദിച്ചു. "അതൊന്നും വേണ്ട... നീ എന്നെ സൂര്യാ എന്ന് തന്നെ വിളിച്ചാൽ മതി. നിന്റെ സാറ് വിളി കേൾക്കുമ്പോ എന്തോ വല്ലാത്തൊരു distance feel ചെയ്യുന്നു. It hurts me a lot..

ഓഫീസിൽ ആയാലും വീട്ടിൽ ആയാലും നീയെൻ്റെ ഭാര്യ അല്ലാതാവുന്നില്ലല്ലോ... അതുകൊണ്ട് അധികം ഒഫീഷ്യൽ ആവണ്ട..." "അത് ശരിയല്ല സൂര്യാ... ഓഫീസിലെ rules and regulations നമ്മളായിട്ട് തന്നെ തെറ്റിച്ചാൽ എങ്ങനെയാ... നാളെ ഓഫീസിലെ മറ്റുള്ളവരും അങ്ങനെ ചെയ്താൽ പറഞ്ഞു തിരുത്താൻ നമ്മുക്ക് എന്ത് അർഹതയാണ് ഉണ്ടാവുക... എന്തായാലും ഓഫീസിന് പുറത്തുള്ള ഒഫീഷ്യൽ മീറ്റിങ്ങുകൾക്ക് എല്ലാം ഞാൻ സാർ ന്ന് വിളിക്കണം അപ്പോ പിന്നെ അത് ഇപ്പോഴേ ശീലിച്ചു തുടങ്ങുന്നതാ നല്ലത്..." മിഴി തീർത്തു പറഞ്ഞു. ഇനി അവളോട് പറഞ്ഞിട്ട് കാര്യമില്ല എന്ന് തോന്നിയത് കൊണ്ട് സൂര്യ കൂടുതൽ സംസാരത്തിന് നിന്നില്ല. ഇനി ഇതിന്റെ പേരിൽ ഒരു പിണക്കം വേണ്ടല്ലോ... ഹാളിൽ പ്രത്യേകമായി സൂര്യ ഒരു മീറ്റിങ്ങ് വിളിച്ചു കൂട്ടി. Good morning everyone. Today we are gathered here to welcoming a new member to our family. I welcome Miss. മിഴി സൂര്യാംശ്...." നിറഞ്ഞ കൈയടി യുടെ അകമ്പടിയോടെ മിഴി വാതിൽ തുറന്ന് അകത്തേക്ക് കയറി വന്നു. എല്ലാവർക്കും മുന്നിൽ മനോഹരമായി പുഞ്ചിരിച്ചു കൊണ്ട് മിഴി സൂര്യയുടെ അടുത്ത് ചെന്ന് നിന്നു. "മിഴി യാണ് ഇന്ന് മുതൽ എൻ്റെ പിഎ. പേര് കേട്ടപ്പോൾ തന്നെ നിങ്ങളിൽ പലർക്കും മനസ്സിലായി കാണും ഇതാരാണെന്ന്.

Yes she is my wife..." തോളിലൂടെ കൈയിട്ട് സൂര്യ അവളെ തന്നോട് ചേർത്തു പിടിച്ചു. സൂര്യയുടെ ആ പ്രഖ്യാപനം കേട്ടപ്പോൾ പലരുടെയും മുഖത്ത് അൽഭുതം.. ചിലർ അങ്ങോട്ടും ഇങ്ങോട്ടും നോക്കുന്നുണ്ട്. നിശബ്ദത മറി കടന്ന് ചെറിയ ചില ശബ്ദങ്ങൾ ഉയർന്നു കേട്ടു. സൂര്യ ടേബിളിൽ രണ്ട് തവണ ആഞ്ഞടിച്ചപ്പോൾ ഉയർന്നു വന്ന മുറുമുറുപ്പുകൾക്ക് അവസാനമായി. "ഇനി മുതൽ എൻ്റെ പ്രോഗ്രാംസ്സ് ഒക്കെ ചാർട്ട് ചെയ്യുന്നത് മിഴി ആയിരിക്കും... എൻ്റെ ടേബിളിൽ എത്തുന്നതിന് മുമ്പ് എല്ലാ ഫയൽസും മിഴി വെരിഫൈ ചെയ്തിരിക്കണം. ഇനിയുള്ള നിർദ്ദേശങ്ങൾ വഴിയെ... ഇപ്പോ എല്ലാവർക്കും പിരിഞ്ഞു പോകാം..." സൂര്യയുടെ ഓർഡർ കിട്ടിയതും എല്ലാവരും പിരിഞ്ഞു പോയി. സൂര്യ മിഴിയെയും ചേർത്ത് പിടിച്ച് തന്നെ കാമ്പിനിലേക്ക് നടന്നു. "ഹലോ മോനേ... ഈ പിടി അങ്ങ് വിട്ടേ... ഞാൻ നേരത്തെ പറഞ്ഞത് ഓർമ്മയുണ്ടല്ലോ... ഓഫീസിൽ സാറ് ബോസ്സും ഞാൻ സ്റ്റാഫും മാത്രമാണ്. അപ്പോ ഈ തൊടലും പിടിക്കലും ഒന്നും വേണ്ട ആൾക്കാര് കാണും... സാറ് അങ്ങോട്ട് മാറി നിന്നേ...." മിഴി അവനിൽ നിന്നും അകന്നു മാറി നിന്നു. "ശ്ശൊ... ഈ പെണ്ണ് എന്നെ അടുപ്പിക്കുന്നില്ലല്ലോ..." തുള്ളിച്ചാടി മുന്നിൽ നടന്നു പോകുന്ന മിഴിയുടെ പിറകെ സൂര്യയും വച്ച് പിടിച്ചു.

മിത്ര പറഞ്ഞ് ഓഫീസിന്റെ ഏകദേശരൂപം അവൾക്കറിയാമായിരുന്നു. ആദ്യമായി ഓഫീസിൽ വരുന്ന മിഴി യാതൊരു വിധ കൺഫ്യൂഷനുമില്ലാതെ നടന്നുപോയി കാമ്പിനിൽ കയറുന്നത് കണ്ട് സൂര്യ ഒന്ന് അമ്പരന്നു. സൂര്യയുടെ ക്യാമ്പിനുള്ളിൽ തന്നെ ആയിരുന്നു മിഴിയുടെ ക്യാമ്പിനും. ജസ്റ്റ് ഒരു ഗ്ലാസ് ഡോർ മാത്രം ഇടയ്ക്ക്. സൂര്യ തന്നെ മിഴിയെ അവളുടെ ചെയറിൽ കൊണ്ട് പോയി ഇരുത്തി. അവൾക്ക് എല്ലാ കാര്യങ്ങളും പറഞ്ഞു കൊടുക്കാൻ മനുവിനെ പറഞ്ഞേൽപ്പിക്കുകയും ചെയ്തു. മിഴി ചെയറിൽ ഒന്ന് കൂടി അമർന്നിരുന്നു. തൻ്റെ മിത്രയുടെ സാന്നിധ്യം അവൾക്ക് അവിടെ ഫീൽ ചെയ്തു. കണ്ണടച്ചിരുന്നപ്പോൾ അവർ ഒരുമിച്ചുള്ള നല്ല നിമിഷങ്ങൾ അവളുടെ മനസ്സിലൂടെ കടന്നു പോയി... ഏറ്റവും ഒടുവിൽ അനങ്ങാൻ വയ്യാതെ വിറങ്ങലിച്ചു കിടക്കുന്നു മിത്രയുടെ രൂപം തെളിഞ്ഞപ്പോൾ പക ആളി കത്തി. കത്തുന്ന കണ്ണുകളോടെ അവൾ അപ്പുറം ഇരിക്കുന്ന സൂര്യയെ നോക്കി """ഞാൻ അയാളെ പ്രേമിക്കും..കയ്പ്പാർന്ന വെറുപ്പോടെ പ്രേമിക്കും..അയാളെ തകർക്കാൻ തുള വീണ ഹൃദയത്തില് പകയുടെ സ്പന്ദനം കാത്തു വക്കും... അസ്ഥിയടരുന്ന വേദന വമിപ്പിക്കും...മരണപര്യന്തം ഞാനയാളെ വേട്ടയാടും...." വരികൾ കടപ്പാട്... അന്ന് മിഴിയ്ക്ക് കാര്യമായ ജോലി ഒന്നും ഉണ്ടായില്ല.

അവൾ ഓടി നടന്ന് ഓഫീസിലുള്ള എല്ലാവരെയും പരിചയപ്പെട്ടു. മിഴിയുടെത് സൗഹൃദപരമായ പെരുമാറ്റം ആയിരുന്നുവെങ്കില്ലും അവളെ കാണുമ്പോൾ സ്റ്റാഫിനിടയിൽ ഒരു മുറുമുറുപ്പ് ഉണ്ടായിരുന്നു. "ഡീ ഇതല്ലേ അന്ന് സാറിന്റെ ഒപ്പം ഹോട്ടലീന്ന് പൊക്കിയ പെണ്ണ്..." "ആ... അത് തന്നെ.. ഇപ്പോ താലി കഴുത്തിൽ കേറിയപ്പോ വല്ല്യ അഹങ്കാരം..." "കുശുമ്പ് പറയാതെഡീ... അഹങ്കാരം ഒന്നുമില്ല.. ഒരു പാവം... നമ്മുടെ മിത്രമേഡത്തെ പോലെ...." "മിണ്ടാതിരിക്ക് നിവ്യാ... സൂര്യ സാറ് കേൾക്കണ്ട മിത്രമേഡത്തിൻ്റെ പേര്...." തന്നെ പറ്റിയുള്ള അപവാദങ്ങൾ ഒരു ചെവിയിൽ കേട്ട് മറ്റൊരു ചെവിയിലൂടെ വിട്ട് കളഞ്ഞെങ്കിലും മിത്രയുടെ പേര് കേട്ടപ്പോൾ മിഴിയുടെ കാലുകൾ നിശ്ചലമായി. തിരിഞ്ഞ് നിന്ന് അവരുടെ സംസാരത്തിന് കാതോർത്തു. അപ്പോഴേക്കും മനു അങ്ങോട്ടേക്ക് വന്നിരുന്നു. എന്തൊക്കെയോ ഫയലുകൾ ചെക്ക് ചെയ്യാനുണ്ടെന്ന് പറഞ്ഞ് മനു അവളെ അവിടെ നിന്നും കൂട്ടി കൊണ്ട് പോയി. മനു സൂര്യയുടെ മനസാക്ഷി സൂക്ഷിപ്പുകാരനാണ്. അവനിൽ നിന്നും മിത്രയെ കുറിച്ചുള്ള കാര്യങ്ങൾ ചോദിച്ചാൽ ഉടനെ സൂര്യ അറിയാനുള്ള ചാൻസുണ്ട്.

അതുകൊണ്ട് അവർ രണ്ടുപേരും ഇല്ലാത്ത സമയത്ത് മറ്റ് സ്റ്റാഫുകളിൽ നിന്നും തനിക്ക് അറിയേണ്ട കാര്യങ്ങൾ ഒക്കെ അറിയണം. മിഴി മനസ്സിൽ ഉറപ്പിച്ചു. തിരിച്ച് വീട്ടിലേക്കുള്ള യാത്രയിൽ മിഴിയുടെ ചിന്ത മിത്രയെയും പപ്പയെയും അമ്മയെയും കുറിച്ച് ആയിരുന്നു. ഇനിയും തൻ്റെ വിവാഹം കഴിഞ്ഞ കാര്യം അവരെ അറിയിക്കാതിരുന്നാൽ ശരിയാവില്ല. ഇന്ന് തന്നെ പപ്പയെ വിളിച്ച് എല്ലാം പറയണം... മിഴി കാര്യമായ എന്തോ ആലോചനയിൽ ആണെന്ന് കണ്ടപ്പോൾ സൂര്യ അവളെ തട്ടി വിളിച്ചു. പിന്നീടുള്ള യാത്രയിൽ സൂര്യ എന്തൊക്കെയോ സംസാരിച്ചെങ്കില്ലും ഒന്നിലും മനസ്സ് കൊടുക്കാതെ മിഴി വെറുതെ മൂളി കൊണ്ടിരുന്നു. വീട്ടിൽ എത്തിയതിനു ശേഷം കതകടച്ച് മിഴി ഫോൺ വിളിച്ചു പപ്പയോട് എല്ലാം പറയാനായി......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...