🔥🔥അഗ്നിയായി അവൾ🔥🔥 : ഭാഗം 17

എഴുത്തുകാരി: മിന്നു

മിഴിയ്ക്കായി വാങ്ങി വച്ച ഗിഫ്റ്റ് പാക്കറ്റിൽ ഒന്ന് കൂടി തൊട്ടു തലോടി. നേരത്തെ അത് കൊടുക്കാൻ വേണ്ടിയാണ് മിഴിയുടെ മുറിയിലേക്ക് പോയത്. പക്ഷേ അവളെ കണ്ടപ്പോ അതൊക്കെ അങ്ങ് മറന്ന് പോയി. 😌😌😌. ചുമ്മാ താഴെ പോയി സമയം കളഞ്ഞു... മര്യാദയ്ക്ക് നേരത്തെ ഇവിടെയിരുന്ന് ഇങ്ങനെ കാറി വിളിച്ചാൽ മതിയായിരുന്നു. സാരമില്ല.. പോയത് കൊണ്ട് അവളെ അത്രയും അടുത്ത് കിട്ടിയില്ലേ കുറച്ചു സമയം... പക്ഷേ ഒരുമ്മ പോലും കൊടുക്കാൻ പറ്റിയില്ല... ഇപ്പോ വരുമല്ലോ അപ്പോ കൊടുക്കാം... ആദ്യം ചുംബനം എങ്ങനെ എവിടെ കൊടുക്കണം എന്നതിനെ കുറിച്ച് സൂര്യ കാര്യമായ ചിന്തയിലാണ്ടൂ. സൂര്യയുടെ ഈ പ്ലാൻ മാനത്ത് കണ്ട് മിഴി ആദ്യം ഋതുവിനെ ഉന്തി തള്ളി മുറിയിലേക്ക് കയറ്റി. കൊല്ലുസ്സിൻ്റെ ശബ്ദം കേട്ടതും സൂര്യ വാതിൽ മറവിലേക്ക് ഒളിച്ച് നിന്നു. ഋതു മുറിയിലേക്ക് കയറിയതും ദേ പോകുന്നു ആകാശത്തോട്.... "അയ്യോ......." സൂര്യയുടെ കൈയിൽ കിടന്ന് ഋതു പേടിച്ച് നിലവിളിക്കാൻ തുടങ്ങി. സ്വന്തം ഭാര്യയെ കൈയിൽ കിട്ടിയതിന്റെ ആക്രാന്തത്തിൽ മുഖം പോലും നോക്കാതെ നിന്ന് "യെൻ ചെല്ലക്കുട്ടീയെ...... "

പാടുകയാണ് ചെക്കൻ. ബഹളം കേട്ട് പുറത്ത് നിന്നും കയറി വന്ന മിഴി കാണുന്നത് ഋതുവിനെ ഇരുകൈയിലുമേന്തി വട്ടം ചുറ്റുന്ന സൂര്യയെയാണ്. തൻറെ ദീർഘ വീക്ഷണം വർക്കൗട്ട് ആയതിന്റെ സന്തോഷമോ അതോ അവൻ്റെ കയ്യീന്ന് രക്ഷപ്പെട്ട സന്തോഷത്തിലോ മിഴി വയറും പൊത്തി നിന്ന് ചിരിക്കാൻ തുടങ്ങി. ചിരിയുടെ വോളിയം കൂടിയപ്പോഴാണ് സൂര്യ കണ്ണ് മിഴിച്ചു നോക്കിയത്. ഇതാ നിൽക്കുന്നു മുറ്റത്തൊരു മൈന എന്ന കണക്ക് തൻറെ സ്വന്തം ഭാര്യ.... "അപ്പോ ഇതാര് ???" അപ്പോഴാണ് സൂര്യ സ്വന്തം കയ്യിലേക്ക് ലുക്ക് വിട്ടത്. സൂര്യയുടെ തുള്ളലിൽ പാതി ബോധം പോയത് പോലെ ഹയ്യോ ഹമ്മേ... ന്നും വിളിച്ച് കിടപ്പാണ് ഋതു. "ഉയ്യോ ഏട്ടത്തി....." സൂര്യ പിടിവിട്ടതും ദാ കിടക്കുന്നു ഋതു നിലത്ത്. "ഏടത്തി എന്താ ഇവിടെ...." സൂര്യ നിഷ്കളങ്കമായി ചോദിച്ചു. ഋതു കിടന്നിട്ടത് നിന്നും പല്ലിറുമ്മി. "നോക്കി നിൽക്കാതെ പിടിച്ച് എണീപ്പിക്കെഡാ..." സൂര്യയും മിഴിയും കൂടി ഋതുവിനെ പിടിച്ച് എഴുന്നേൽപ്പിക്കുമ്പോഴാണ് മിഴി കൂട്ടിക്കൊണ്ടു പോയ ഋതുവിനെ അന്വേഷിച്ച് ജീവ എത്തിയത്.

അവൻ നോക്കുമ്പോൾ പ്രിയ പത്നി അതാ ഭൂമിദേവിയെയും വന്ദിച്ചു കിടക്കുന്നു. "അയ്യോ... ഋതു മോളേ..." ഓടി വന്ന് ജീവ അവളെ ഇരുകൈകളിലും കോരിയെടുത്തു. "ഹമ്മേ........." ഇത്തവണ നിലവിളിച്ചത് ജീവയാണ് "എന്തുപറ്റി ഏട്ടാ...." സൂര്യ കാര്യം മനസ്സിലാവാതെ ചോദിച്ചു. "നടു വെട്ടിയെന്ന് തോന്നണൂ... ഈ മറുതയ്ക്ക് ഒടുക്കത്തെ വെയിറ്റ്...." കുനിഞ്ഞിട്ടത് നിന്നും നിവരാൻ പറ്റാതെ ജീവ നിലവിളിച്ചു. ജീവയുടെ മറുത എന്ന പ്രയോഗം കേട്ടതും ഋതുവിന് ആകെ ഹാലിളകി. "മറുത നിങ്ങടെ കെട്ടിയോള്...." ന്നും പറഞ്ഞ് അവൾ ഒറ്റ കുത്ത് വച്ച് കൊടുത്തു. പ്ധും...... Again ഋതു on the floor. നടു വെട്ടി നിൽക്കുന്ന അവസ്ഥയിൽ ജീവയ്ക്ക് അവളുടെ കൈ പ്രയോഗം കൂടി താങ്ങാനുള്ള കെൽപ്പില്ല... അതുകൊണ്ട് പുള്ളി ചെറുതായിട്ട് ഒന്ന് കൈ വിട്ടതാ... പാവം ഋതു... ഒരു കാര്യവുമില്ലാതെ ഇന്ന് രണ്ട് തവണയാ നടുവും തല്ലി വീഴേണ്ടി വന്നത്. ആരെയാണാവോ കണി കണ്ടത്.. "ഈ ജീവേട്ടൻ്റെ ഓഞ്ഞ മോന്തയാണെന്ന്.🤬🤬🤬." ലെ ഋതു. "ഈ സുന്ദരമുഖത്തെയാണോ നീ മോന്ത എന്ന് വിശേഷിപ്പിച്ചത് 😒😒😒..."

എന്ന് ലെ ജീവ... "ഞാൻ എൻ്റെ ഭാര്യയെ വിളിച്ചതിന് നിങ്ങൾ ഒക്കെ കൂടി എന്തിനാ കയറി വന്നത് 🤪🤪🤪" എന്ന് ലെ സൂര്യ "ഇതിപ്പോ ഇവിടെ സംഭവിച്ചത് ഒക്കെ കണ്ട് ചിരിക്കണോ കരയണോ എന്നറിയാതെ നിൽക്കുന്ന മിഴി. ആകെ മൊത്തം ഏടങ്ങേറായി ന്ന് പറഞ്ഞാൽ മതിയല്ലോ... നടു വെട്ടിയ ജീവയെയും നടുവും തല്ലി വീണ ഋതുവിനെയും പെറുക്കിയെടുത്ത് സൂര്യയും മിഴിയും കൂടി സൂര്യയുടെ മുറിയിലേക്ക് കൊണ്ടുപോയി. സൂര്യ ജീവയ്ക്കും മിഴി ഋതുവിനും കുഴമ്പ് പുരട്ടി ചൂട് പിടിപ്പിച്ചു കൊടുത്തു. "ജീവേട്ടന് ഇതിന്റെ വല്ല ആവശ്യവുമുണ്ടായിരുന്നോ... പറ്റുന്ന പണിക്ക് പോയാൽ പോരായിരുന്നോ???" സൂര്യ നന്നായി ജീവയെ കളിയാക്കി. "അതിന് ഞാഞ്ഞൂല് പോലെ ഇരിക്കുന്ന സാധനത്തിന് ഇതിനും മാത്രം വെയ്റ്റ് ഉണ്ടെന്ന് ഞാനറിഞ്ഞോ... ഒന്ന് കെട്ടിപ്പിടിക്കുമ്പോൾ പോലും എല്ല് കുത്തിക്കേറുവാ... പിന്നെ വെയ്റ്റ് ഒക്കെ എവിടെ കൊണ്ട് പോയി ഒളിപ്പിച്ചു വച്ചിരിക്കുന്നോ എന്തോ???" കിടന്ന കിടപ്പിൽ ജീവ അപ്പുറം കിടക്കുന്ന ഋതുവിനെ അടിമുടി ഒന്ന് നോക്കി.

നാവിൻ തുമ്പിൽ വരെ എത്തി നിന്ന വികട സരസ്വതിയെ കഷ്ടപ്പെട്ട് ഋതു പല്ലുകൾക്ക് ഇടയിൽ ഞെരിച്ചു. സൂര്യയും മിഴിയും ഉണ്ടായി പോയി ഇല്ലെങ്കിൽ പറഞ്ഞു കൊടുത്തേനേ മറുപടി. ഋതുവിൻ്റെ ദഹിപ്പിച്ചുള്ള നോട്ടം കണ്ടപ്പോഴാണ് പറഞ്ഞതെന്താണെന്ന് ജീവയ്ക്ക് കത്തിയത്. നന്നായി ഒന്ന് ഇളിച്ചു കാട്ടി. ഇല്ലേൽ ചിലപ്പോ പെണ്ണ് ബെഡ്റൂമിൽ നോ എൻട്രി ബോർഡ് വച്ച് കളയും... "അത് പിന്നെ ഋതു മോളേ.. ചേട്ടൻ ചുമ്മാ പറഞ്ഞതാ... എൻ്റെ ഋതൂട്ടി വീണ് കിടക്കുന്നത് കണ്ടാൽ ചേട്ടന് സഹിക്കുമോ... അതോണ്ടല്ലേ ചേട്ടൻ ഓടി വന്നത്...." ജീവ നന്നായി പതപ്പിക്കുന്നുണ്ട് പക്ഷേ ഇതിലൊന്നും ഞാൻ വീഴില്ല എന്ന് ഉറക്കെ പ്രഖ്യാപിച്ചു കിടപ്പാണ് ഋതു. "എന്നാ ഋതു മോളേ നമ്മുക്ക് നമ്മുടെ മുറിയിൽ പോകാം... ബാക്കി ഉഴിച്ചില്ലും പിഴിച്ചല്ലും അവിടുന്ന് ആകാം... പാവങ്ങൾ ഇവര് സംസാരിച്ചോട്ടേ.." ജീവ വേഗം കിടന്നിട്ടത്ത് നിന്നും എഴുന്നേറ്റു. സൂര്യ നന്ദി പൂർവ്വം ജീവയെ നോക്കി. "അയ്യടാ... നിന്നോടുള്ള സ്നേഹം കൊണ്ട് ഒന്നുമല്ല... പെട്ടെന്ന് കോപ്രമൈസ്സ് ആക്കിയില്ലെങ്കിൽ രാത്രിയിൽ അവള് എന്നെ അടുപ്പിക്കില്ല... അതോണ്ടാ...." ജീവ സൂര്യയോട് സ്വകാര്യം പറഞ്ഞു. "മോളേ ഋതൂ... ചേട്ടനെ ഒന്ന് പിടിച്ചേ നടക്കുമ്പോ വല്ലാത്ത വേദന..." ജീവ ഋതുവിന്റെ തോളിലൂടെ കൈയിട്ട് ചേർത്ത് പിടിച്ചു.

ഋതു കൈ തട്ടിമാറ്റാൻ ചാൻസ് ഉള്ളത് കൊണ്ട് അതിന് മുമ്പേ തന്നെ വേദന കൊണ്ടെന്ന പോലെ നെറ്റി ചുളിച്ചു. അത് കണ്ടപ്പോൾ പിന്നെ ഒന്നും പറയാതെ ഋതു അവനെയും കൂട്ടി കൊണ്ട് പോയി. "മോൾക്ക് വേദനിക്കുന്നുണ്ടോ... എങ്കിൽ ചേട്ടൻ തടവി തരാവേ..." ജീവ താടിയിൽ പിടിച്ചു കൊഞ്ചിച്ചു. "തടവാൻ ഇങ്ങ് വാ... വച്ചിട്ടുണ്ട് ഞാൻ... മറുത, ഞാഞ്ഞൂല് എന്തൊക്കെയാ എന്നെ വിളിച്ചത്... എന്നെ കെട്ടിപ്പിടിക്കുമ്പോ നിങ്ങൾക്ക് എല്ല് കുത്തിക്കേറുവാ അല്ലേ... ഒക്കത്തിനും കണക്ക് വച്ചിട്ടുണ്ട് ഞാൻ.. രാത്രി ഒട്ടി കിടക്കാൻ ഇങ്ങട്ട് വാ... അപ്പോ പറഞ്ഞു തരാം ഞാൻ ബാക്കി... നടക്ക് അങ്ങോട്ട്...." ഋതു ജീവയെയും കൊണ്ട് പോയി. പിണക്കം മാറ്റാൻ അതിനിടയിൽ തന്നെ ജീവ അവളെ പിടിച്ച് കൊഞ്ചിക്കുന്നുണ്ട്. ജീവയുടെയും ഋതുവിൻ്റെയും സ്നേഹം തെല്ലൊരു അസൂയയോടെ നോക്കി കാണുകയായിരുന്നു മിഴി. "ഹലോ... അവരുടെ സ്നേഹം നോക്കി നിൽക്കാതെ തൊട്ടടുത്ത് നിൽക്കുന്ന തന്റെ ഭർത്താവിനെ ഒന്ന് നോക്കെഡോ... ഞാനും തരാം സ്നേഹം... തരട്ടെ...." മിഴി യുടെ ഇരുതോളിലും പിടിച്ച് ഭിത്തിയോട് ചേർത്ത് നിർത്തി.

അവൻ്റെ ആ നോട്ടത്തിലും ചിരിയിലും മനസ്സ് ചെറുതായി ഒന്ന് പാളി പോയെങ്കിലും മിഴി വേഗം അവൻ്റെ കൈ പിടിയിൽ നിന്നും ഒഴിഞ്ഞു മാറി. "അയ്യടാ... അങ്ങനെയിപ്പോ സ്നേഹിക്കണ്ട... താൻ കാരണമാ ഇവിടെ ഇപ്പൊ ഇത്രയും പ്രശ്നം ഉണ്ടായത്...." "അതിന് ഞാനെന്തു ചെയ്തു??? നിന്നെ വിളിച്ചപ്പോ ജാഥയ്ക്ക് ആള് വരുന്നത് പോലെ എല്ലാവരും കൂടി കെട്ടിയെടുക്കും ന്ന് ഞാൻ അറിഞ്ഞോ???" "താൻ എന്തിനാ ഋതു ചേച്ചിയെ പൊക്കിയെടുത്തേ... പാവം വീണു വീണ് നടു പോയെന്ന് തോന്നണൂ..." "അതോർത്ത് നീ ടെൻഷൻ ആവണ്ട... ചേച്ചിയുടെ വേദന മാറ്റാൻ ജീവേട്ടന് അറിയാം... പുള്ളി ആ കാര്യത്തിൽ PhD എടുത്തിരിക്കുന്ന ആളാ...." സൂര്യയുടെ സംസാരം കേട്ടപ്പോൾ മിഴിയുടെ ചുണ്ടിൽ ഒരു പുഞ്ചിരി തെളിഞ്ഞു. ശരിയാണ് ജീവേട്ടന് ഋതു ചേച്ചി എന്ന് പറഞ്ഞാൽ ജീവനാണ്. ഓഫീസിൽ നിന്നും വീട്ടിൽ എത്തിയാൽ ഓരോ കാര്യവും പറഞ്ഞ് ചേട്ടൻ ചേച്ചിയുടെ പിന്നാലെ നടക്കും... കുറഞ്ഞ ദിവസങ്ങൾക്കുള്ളിൽ തന്നെ അവരുടെ ഇടയിലെ സ്നേഹവും കരുതലും ഒക്കെ തന്നെ അൽഭുതപ്പെട്ടുത്തിയിട്ടുണ്ട്. "ഹലോ... എന്താ ഒരു ചിരി... സത്യമാ പറഞ്ഞത്... ജീവേട്ടന് മാത്രേ ഏട്ടത്തിയെ ഇങ്ങനെ സന്തോഷിപ്പിക്കാൻ കഴിയൂ... കണ്ടിട്ടില്ലേ ഓരോ ചളിയും പറഞ്ഞ് പിന്നാലെ നടക്കണത്.

ഏട്ടന് പേടിയാ ഏട്ടത്തിയെ ഒറ്റയ്ക്ക് വിടാൻ... കല്ല്യാണം കഴിഞ്ഞ് രണ്ട് വർഷം കഴിഞ്ഞിട്ടും കുട്ടികളാകാഞ്ഞപ്പോഴാ അവര് ഡോക്ടറെ കാണിച്ചത്. ഏടത്തി ക്ക് ചെറിയ എന്തോ ഒരു കോംപ്ലിക്കേഷൻ... അതിന് ശേഷം ഒറ്റയ്ക്ക് ഇരുന്നാൽ അതും പറഞ്ഞ് ഏടത്തി ഇരുന്ന് കരയാൻ തുടങ്ങും... അതുകൊണ്ടാ നിഴല് പോലെ ഏട്ടൻ ഇങ്ങനെ പിന്നാലെ നടക്കുന്നത്. ഏടത്തിയെ ചിരിപ്പിക്കാൻ വേണ്ടി സ്വയം തമാശകൾ മെനഞ്ഞ് ഉണ്ടാക്കുന്നത്. ഫാമിലിയിലും സുഹൃത്തുക്കൾക്ക് ഇടയിലും മറ്റുള്ളവരുടെ കുത്തി കുത്തിയുള്ള ചോദ്യങ്ങളിൽ നിന്നും രക്ഷിക്കാൻ വേണ്ടി തനിക്കാണ് കുഴപ്പമെന്നാ ഏട്ടൻ എല്ലാവരോടും പറഞ്ഞിരിക്കുന്നേ..." സൂര്യയുടെ ആ വാക്കുകൾ ശ്രവിക്കവേ ജീവേട്ടനോട് ബഹുമാനത്തിൽ ഉപരി ഒരു ആദരവ് തോന്നി മിഴിയ്ക്ക്... ഋതു ചേച്ചിയുടെ പുഞ്ചിരിക്ക് പിറകിൽ വലിയൊരു വേദന ഒളിഞ്ഞ് കിടക്കുന്നുണ്ടെന്ന് ഓർത്തപ്പോൾ ഉള്ളിൽ എവിടെയോ ഒരു നോവ്... രണ്ടുപേരും ഒത്തിരി നല്ലവരാ... എന്തിനാ ദൈവം അവർക്ക് ഇങ്ങനെയൊരു വിധി കൊടുത്തത്... ചിലപ്പോൾ സൂര്യ ചെയ്ത തെറ്റുകളുടെ ശിക്ഷയായിരിക്കും ..

മിഴി നെറ്റി ചുളിച്ച് സൂര്യയെ നോക്കി. "ഹലോ മേഡം.... താൻ എന്താ ഇതിനും മാത്രം ഈ ആലോചിച്ചു കൂട്ടണേ....." "മ്മ്ച്ചൂം.....ഒന്നൂല്ല" മിഴി ചുമല് കൂച്ചി കാണിച്ചു. "എന്നാലേ എൻ്റെ ഭാര്യ പോയി വേഗം ഡ്രസ്സ് ചേഞ്ച് ചെയ്തോണ്ട് വന്നേ... നമ്മുക്ക് ഇന്നൊരു ഔട്ടിങ്ങ് ഉണ്ട്...." ഗിഫ്റ്റ് പാക്കറ്റിലുള്ള ഡ്രസ്സ് സൂര്യ മിഴിയുടെ കൈയിലേക്ക് വച്ച് കൊടുത്തു. "എങ്ങോട്ടാ പോകുന്നേ...." "അതൊക്കെയുണ്ട്... വേഗം ചെന്ന് റെഡിയായി വാ.... സമയം പോവണൂ...." സൂര്യ ധൃതി കൂട്ടി. "എങ്ങോട്ടാ ന്ന് പറയ്... അമ്മയോട് അനുവാദം വാങ്ങണം എനിക്ക്...." "അതൊന്നും വേണ്ട.... ഞാൻ പറഞ്ഞോളാം അമ്മയോട്... താൻ ചെന്ന് റെഡിയായി വാ...." "ഓ... മിഴി വേഗം ഡ്രസ്സും വാങ്ങി മുറിയിലേക്ക് പോയി. അവൾ ആ പാക്കറ്റ് തുറന്ന് നോക്കി. ഒരു ബ്ലാക്ക് ഡിസൈനർ സാരിയായിരുന്നു അതിൽ. കണ്ണാടിക്ക് മുന്നിൽ ചെന്ന് അവൾ ആ സാരി തൻ്റെ ദേഹത്തേക്ക് ചേർത്ത് വച്ചു. തനിക്ക് അത് നന്നായി ഇണങ്ങുന്നുണ്ടെന്ന് തോന്നി അവൾക്ക്. ഭർത്താവിൽ നിന്നും ലഭിക്കുന്ന ആദ്യ സമ്മാനം... ഏതൊരു പെണ്ണിനും ഒത്തിരി സന്തോഷം തോന്നുന്ന നിമിഷം...

എന്നാൽ ഒന്നിലും മനസ്സറിഞ്ഞ് സന്തോഷിക്കാൻ പറ്റുന്ന സാഹചര്യമല്ലല്ലോ തന്റേത്.... എന്തായാലും നനഞ്ഞു. ഇനി കുളിച്ചു കയറാം... മിഴി ഒന്ന് ദീർഘ നിശ്വസിച്ചു. സാരി ഞൊറിഞ്ഞുടത്ത് മുന്താണി വിടർത്തിയിട്ടു. അഴിച്ചിട്ട നീണ്ട മുടിയിഴകൾ ചെവിക്ക് പിന്നിലേക്ക് ഒതുക്കി വച്ചു. സാരിക്ക് മാച്ചായ ഇയർറിങ്ങ്സ് എടുത്തിട്ടു. സീമന്തരേഖ ചുവപ്പിക്കുമ്പോൾ ഒരുതരം നിസ്സംഗതയായിരുന്നു അവളിൽ.... മിഴി റെഡിയായി ഇറങ്ങിയപ്പോൾ അവളെയും കാത്ത് മുറിക്ക് പുറത്ത് സൂര്യ നിൽപ്പുണ്ടായിരുന്നു. അവൾക്ക് മാച്ചായ ബ്ലാക്ക് ഷർട്ടിൽ അവനും സുന്ദരനായിരുന്നു. "വാ.... പോവാം...." സൂര്യ അവളുടെ കൈയും പിടിച്ച് പുറത്തേക്ക് നടന്നു. "അല്ല അമ്മ...." "അതൊക്കെ ഞാൻ പറഞ്ഞു... താൻ വന്നേ...." സൂര്യ വേഗം അവളെ കൊണ്ട് പോയി കോഡ്രവൈർ സീറ്റിലേക്ക് ഇരുത്തി. പടിഞ്ഞാറൻ ചക്രവാളത്തിൽ സൂര്യൻ ചെഞ്ചായം അണിയുമ്പോൾ മിഴിയെയും കൊണ്ട് സൂര്യയുടെ കാർ അധിവേഗം പുറത്തേക്ക് പാഞ്ഞു..... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...