🔥🔥അഗ്നിയായി അവൾ🔥🔥 : ഭാഗം 18

എഴുത്തുകാരി: മിന്നു

"നമ്മൾ എങ്ങോട്ടാ ഈ പോകുന്നത്???" "എന്താ തനിക്ക് പേടിയുണ്ടോ എൻ്റൊപ്പം വരാൻ??" "ഏയ്യ് പേടിയൊന്നുമില്ല... അറിയാനുള്ള ഒരു ആകാംക്ഷ...." "എൻ്റെ ഫ്രണ്ടിന്റെ വെഡിംഗ് റിസപ്ഷൻ പാർട്ടിയുണ്ട്. Avanue centerൽ... നമ്മളെ രണ്ടാളെയും ക്ഷണിച്ചിട്ടുണ്ട്..." "മ്മം....." ഒന്ന് മൂളി കൊണ്ട് മിഴി സീറ്റിലേക്ക് ചാഞ്ഞിരുന്നു. "മിഴീ.... ഞാൻ ഒരു കാര്യം പറയട്ടെ???" "മ്മം.... എന്താ???" "You looking gorlgious in this dress...." "ഓഹോ... ആയിക്കോട്ടെ വരവ് വച്ചിരിക്കുന്നു..." "ഞാൻ പറഞ്ഞത് സത്യാ... ശരിക്കും തന്നെ ഇന്ന് കാണാൻ ഒരു പ്രത്യേക ഭംഗിയുണ്ട്...." മിഴി ചെറുതായി ഒന്ന് പുഞ്ചിരിച്ചു. മിഴി ആലോചിക്കുകയായിരുന്നു.... മനസ്സിന്റെ ഏതോ കോണിൽ താൻ അവൻ്റെ ആ പ്രശംസ ആസ്വദിക്കുന്നുണ്ട്. അവനിൽ നിന്നും സമ്മാനം ലഭിച്ചപ്പോൾ അതും താൻ സ്വീകരിച്ചു. എന്തിന് ഇടയ്ക്ക് അവൻ്റെ പ്രേമപൂർവ്വമുള്ള നോട്ടങ്ങൾക്ക് മുന്നിൽ പോലും തൻ്റെ മനസ്സ് പതറുന്നുണ്ട്. നെഞ്ചിടിപ്പ് ഏറുന്നുണ്ട്. പക്ഷേ എന്തിന് വേണ്ടി??? അവനെ ഇല്ലാതാക്കാൻ വന്നവളാണ് താൻ... അവൻ്റെ നാശം കാണാൻ ആഗ്രഹിക്കുന്നവൾ.... മിത്രയുടെ വിറങ്ങലിച്ച രൂപം ഓർമ്മ വരുമ്പോൾ മാത്രമാണ് തൻ്റെയുള്ളിലെ പക ആളി കത്തുന്നത്. അല്ലാത്തപ്പോൾ.... ??? ആ വീടും വീട്ടുകാരുമായി താൻ ഇണങ്ങി തുടങ്ങിയിരിക്കുന്നു...

ഒരിക്കൽ ആ വീടിന് തീരാ നഷ്ടം ഉണ്ടാക്കി കൊണ്ട് താൻ ആ പടി ഇറങ്ങുമെന്ന് അറിഞ്ഞ് കൊണ്ട് തന്നെ... എന്തിന് വേണ്ടിയിട്ടാ പലപ്പോഴും അവൻ്റെ പ്രണയം നിറഞ്ഞ നോട്ടത്തിന് മുന്നിൽ താൻ തളർന്നു പോകുന്നത്.. ഇനി തൻറെ ഉള്ളിൽ എവിടെയെങ്കിലും അവൻ ഒരു സ്ഥലം ഉറപ്പിച്ചോ??? മിത്രയുടെ വാക്കുകളിലൂടെ കേട്ടറിഞ്ഞ സൂര്യയുടെ ക്യാരക്ടറിനോട് ഒരു കൗതുകം തോന്നിയിരുന്നു. പിന്നീടുള്ള ഓരോ ദിവസവും അവൾ പറയുന്ന അവളുടെ സൂര്യേട്ടൻ്റെ വിശേഷങ്ങൾക്കായി കാതോർത്ത് ഇരിക്കാറുണ്ടായിരുന്നു. പിന്നീട് മിത്ര സൂര്യയെ സ്നേഹിക്കാൻ തുടങ്ങിയിരിക്കുന്നു എന്ന് മനസ്സിലാക്കിയപ്പോൾ ആലോചിച്ചിട്ടുണ്ട് അവനെ പോലെ ഒരു ലൈഫ് പാർട്ട്ണറെ ഏതൊരു പെണ്ണും കൊതിക്കുമെന്ന്... സന്തോഷം തന്നെയായിരുന്നു അപ്പോഴും മനസ്സിൽ... ഈ ഭുമിയിൽ ഉള്ളതിൽ വച്ച് ഏറ്റവും ബെസ്റ്റ് ആയിരിക്കണം തൻ്റെ മിത്രയ്ക്ക് ലഭിക്കേണ്ടത്... അത്രയും നല്ലവളാണ് എൻ്റെ മിത്ര... അതുകൊണ്ട് തന്നെയാ സൂര്യയോടുള്ള പ്രണയത്തിൽ അവളെ സപ്പോർട്ട് ചെയ്ത്തതും... പക്ഷേ സൂര്യ അവൻ...

മിത്രയെ ഉപദ്രവിച്ചത് സൂര്യയാണെന്ന് പപ്പ ആദ്യം പറഞ്ഞപ്പോൾ തനിക്ക് വിശ്വസിക്കാൻ കഴിയാതിരുന്നതും അതുകൊണ്ട് തന്നെയാണ്. പക്ഷേ സൂര്യയെ പറ്റിയുള്ള തൻ്റെ ധാരണകൾ ഒക്കെ തെറ്റായിരുന്നു എന്ന് പിന്നീടുള്ള തൻറെ അന്വേഷണത്തിൽ ബോധ്യപ്പെട്ടു. എങ്ങനെ കഴിഞ്ഞു അവന് മിത്രയെ ഇത്ര നന്നായി പറ്റിക്കാൻ... ചതിക്കാൻ.. അപകടപ്പെടുത്താൻ... നോവിക്കാൻ??? മിഴി യുടെ കണ്ണിൽ കണ്ണീര് പൊടിഞ്ഞു. പുറംകാഴ്ചകളിൽ നോക്കിയിരിക്കുന്നത് പോലെ സൂര്യ കാണാതെ അതിവിദഗ്ധമായി അവൾ ആ കണ്ണുനീർ തുടച്ചു മാറ്റി. ദേഷ്യവും വെറുപ്പും മാത്രം ഉള്ളിൽ വച്ച് കൊണ്ടാണ് വീണ്ടും അവനോട് അടുത്തത്.. എന്നാൽ ഒട്ടും പ്രതീക്ഷിക്കാതെ അവൻ്റെ താലി കഴുത്തിൽ വീണപ്പോൾ മുതൽ എവിടെയോ ഒരു ചാഞ്ചാട്ടം... എത്ര അകറ്റി നിർത്താൻ ശ്രമിക്കുമ്പോഴും കാരണങ്ങൾ ഉണ്ടാക്കി അവൻ അടുക്കാൻ ശ്രമിച്ചു കൊണ്ടിരിക്കുന്നു. അവൻ്റെ കണ്ണുകളിൽ കാമമായിരുന്നുവെങ്കിൽ തൻ്റെ വിരൽത്തുമ്പിൽ പോലും സ്പർശിക്കാൻ സമ്മതിക്കാതെ അവനെ പ്രതിരോധിക്കാമായിരുന്നു.

പക്ഷേ ഓരോ തവണ തൻ്റടുത്തേക്ക് വരുമ്പോഴും പ്രണയം മാത്രമേ അവൻ്റെ കണ്ണുകളിൽ കാണാൻ കഴിയുന്നുള്ളൂ അതാണ് തന്നെ തളർത്തി കളയുന്നത്. ആലോചിക്കുന്തോറും മിഴിക്ക് തല പുകയുന്നതായി തോന്നി. ചിന്തകൾക്ക് വിരാമമിട്ട് കൊണ്ട് മിഴി പുറം കാഴ്ചകളിലേക്ക് ശ്രദ്ധ തിരിച്ചു. സൂര്യ ഇടയ്ക്കിടെ മിഴിയെ ശ്രദ്ധിക്കുന്നുണ്ടായിരുന്നു. അവൾ എന്തൊക്കെയോ ചിന്തകളിലാണെന്ന് മനസ്സിലായി. മിഴി ഓഫീസിൽ വന്ന് തുടങ്ങിയത് കൊണ്ട് ആരുടെയെങ്കിലും വായിൽ നിന്നും മിത്രയുടെ കാര്യങ്ങൾ അറിയാൻ ചാൻസ് ഉണ്ട്. ഓഫീസിലെ സ്റ്റാഫ്സ് പറഞ്ഞറിയുമ്പോൾ കാര്യങ്ങൾ ഉറപ്പായും വളച്ചൊടിക്കപ്പെട്ടും.. അതിന് മുമ്പ് താനായിട്ട് അവളോട് സത്യങ്ങൾ തുറന്നു പറയുന്നതല്ലേ നല്ലത്... പക്ഷേ പറഞ്ഞാൽ അവൾ വിശ്വസിക്കുമോ... അച്ഛനും അമ്മയും പോലും തന്നെ മിത്രയുടെ കാര്യത്തിൽ കുറ്റപ്പെടുത്തിയിട്ടേയുള്ളൂ ഇനി മിഴിയും??? പക്ഷേ പറയാതിരുന്നാൽ ശരിയാവില്ല... അവൾ തൻ്റെ ഭാര്യയാണ്... തൻ്റെ നല്ലപാതി... എൻ്റെ ലൈഫിലെ എല്ലാ കാര്യങ്ങളും അവൾ അറിഞ്ഞിരിക്കണം...

എങ്കിലേ മുന്നോട്ടുള്ള തങ്ങളുടെ ജീവിതം സുഗമമായി മുന്നോട്ട് പോകൂ.... എങ്ങനെ ഇതൊക്കെ മിഴിയോട് പറഞ്ഞു തുടങ്ങും എന്ന് ആലോചിക്കുകയായിരുന്നു സൂര്യ.... സിഗ്നൽ ലൈറ്റിൽ കാർ നിർത്തിയപ്പോൾ സൂര്യ എല്ലാം പറയാൻ ഒരുങ്ങി. പെട്ടെന്നാണ് മിഴി ഡോർ തുറന്ന് പുറത്തേക്ക് ഓടിയത്. മിഴി എങ്ങോട്ടാണ് പോയതെന്ന് മനസ്സിലാവാതെ സൂര്യ പകച്ചിരുന്നു. പിന്നിൽ നിന്നും വാഹനങ്ങൾ ഹോണടിക്കാൻ തുടങ്ങിയപ്പോഴാണ് സിഗ്നൽ മാറിയെന്ന് മനസ്സിലായത്. നിവൃത്തിയില്ലാതെ കാർ സൈഡൊതുക്കി മിഴി പോയ ദിക്കിലേക്ക് അവനും വച്ച് പിടിച്ചു. തെരുവോരത്ത് ഒരു ആൾക്കൂട്ടം കണ്ടു. അവിടേക്ക് ചെന്നപ്പോൾ മിഴി ഒരു മധ്യവയസ്കനോട് നിന്ന് കയർക്കുവാണ്. പത്ത് പതിനഞ്ച് വയസ്സ് പ്രായം തോന്നിക്കുന്ന ഒരു പെൺകുട്ടി അവിടെ നിന്ന് തേങ്ങുന്നുണ്ട്. ചുറ്റും കൂട്ടിയവർ എന്തൊക്കെയോ പറയുന്നു. സൂര്യ മിഴിയെ ഒരുവിധം പിടിച്ച് വലിച്ചു കൊണ്ട് വന്നു. "എന്നെ വിട്ട് സൂര്യാ... ഇവനെയൊക്കെ...🤬🤬🤬" "മിഴി താൻ ഇതിനും മാത്രം ദേഷ്യപ്പെട്ടാൻ അവിടെ എന്താ ഉണ്ടായത്...."

"എന്താ ഉണ്ടായതെന്നോ.... കണ്ടില്ലേ അവിടെ നിൽക്കുന്ന ഒരു മാന്യനെ... വെറും പതിനഞ്ചു വയസ്സുള്ള ആ പെൺകൊച്ചിനെ ജോലിക്ക് പറഞ്ഞ് വിട്ടിട്ട് വീട്ടിലിരുന്ന് തിന്നുവാ ആ ദ്രോഹി..... അയാൾക്ക് കള്ള് കുടിക്കാൻ കൊടുത്ത പൈസ കുറഞ്ഞു പോയെന്ന് പറഞ്ഞ് പട്ടിയെ തല്ലണത് പോലെ തല്ലുവായിരുന്നു ആ ചെകുത്താൻ... അച്ഛനാണെന്നും പറഞ്ഞ് എന്തും ചെയ്യമെന്നാണോ.... ഞാൻ ചെന്ന് തടഞ്ഞില്ലായിരുന്നുവെങ്കിൽ ആ പാവത്തിനെ തല്ലികൊന്നേനേ.... രാത്രിയേക്ക് വാങ്ങിച്ച ഒരുപിടി അരിയും ചവിട്ടി മെതിച്ചിട്ടാ അങ്ങേരുടെ ഒടുക്കത്തെ ഈ പ്രകടനം......" മിഴി ദേഷ്യം കൊണ്ട് ജ്വലിക്കുകയായിരുന്നു. "എൻറെ മിഴി അതിന് താൻ എന്തിനാ ഇതിലൊക്കെ ഇടപെടാൻ പോവുന്നത്??? അയാൾ ആ കുട്ടിയുടെ അച്ഛനാ... അയാൾക്ക് അവളുടെ മേൽ ചില അധികാരങ്ങളുണ്ട്. അതുകൊണ്ടല്ലേ അവിടെ കൂട്ടിയിരുന്ന വേറെ ആരും ഒന്നിലും ഇടപെടാതിരുന്നേ...???" "ഈ സ്വന്തവും ബന്ധവും ഒന്നും വാക്കിൽ പോരാ... പ്രവൃത്തിയിൽ വേണം... അച്ഛൻ എന്ന അധികാരം കാണിക്കണമെങ്കിൽ ആദ്യം അവളെ പോറ്റി വളർത്തണം...

കേട്ടിട്ടില്ലേ രക്ഷിക്കുന്നവനെ ശിക്ഷിക്കാനുള്ള അധികാരം ഉള്ളൂവെന്ന്..... അവളെ നല്ല രീതിയിൽ വളർത്താതിട്ടതോളം അവളിൽ അയാൾക്ക് ഒരു അധികാരവും ഇല്ല...." മിഴി നല്ല ചൂടിലാണെന്ന് കണ്ടത് കൊണ്ട് സൂര്യ പിന്നെ ഒരു സംസാരത്തിന് മുതിർന്നില്ല. എങ്കിലും അവൾ പറഞ്ഞ പല കാര്യങ്ങളും സൂര്യയുടെ മനസ്സിൽ തട്ടി നിന്നു. ഒരു പക്ഷേ മിത്രയുടെ കാര്യം അറിഞ്ഞാൽ ഇതിലും ഭീകരമായിരിക്കും അവളുടെ റിയാക്ഷൻ... കാരണം അതിൽ വിശാലിനോളം തെറ്റ് തൻ്റെ ഭാഗത്തും ഉണ്ട്. എത്ര തന്നെ ന്യായീകരിക്കാൻ ശ്രമിച്ചാലും തൻ്റെ കുറ്റബോധം അതിന് അനുവദിക്കില്ല... ഇനി അതൊക്കെ കേട്ടാൽ മിഴിക്ക് തന്നോട് വെറുപ്പ് തോന്നുമോ??? ആരെന്ന് അറിയാത്ത ഒരു കുടിയനോട് ഇത്രമാത്രം ദേഷ്യപ്പെട്ടുന്ന ഇവൾ താൻ ഒരു തെറ്റ് ചെയ്തു എന്നറിഞ്ഞാൽ പൊറുക്കുമോ??? സൂര്യയ്ക്ക് ആകെ ടെൻഷനായി. കാൽ ആക്സിലറേറ്ററിൽ അമർന്നു. അതുകൊണ്ട് പ്രതീക്ഷിച്ചതിലും നേരത്തെ അവർ avanue center ൽ എത്തി. നെറ്റിയിൽ പൊടിഞ്ഞ വിയർപ്പ് തുള്ളികൾ കർച്ചീഫിൽ തുടച്ചെടുത്ത് സൂര്യ ഡ്രൈവിംഗ് സീറ്റിൽ നിന്നും ഇറങ്ങി. നവദമ്പതികൾക്കുള്ള ഗിഫ്റ്റുമായി കോഡ്രൈവർ സീറ്റിൽ നിന്നും മിഴിയും... ഹാളിന് മുന്നിൽ തന്നെ സൂര്യയുടെ കുറച്ചു ഫ്രണ്ട്സ് ഉണ്ടായിരുന്നു. അവർ പലരെയും കുറേ കാലങ്ങൾക്ക് ശേഷമാണ് കാണുന്നത്.

എല്ലാവർക്കും സൂര്യ മിഴിയെ പരിചയപ്പെടുത്തി കൊടുത്ത് വിശേഷങ്ങൾ ചോദിച്ചറിഞ്ഞു. ആ കുശലാന്വേഷണത്തിൽ തന്നെ സൂര്യയുടെ മനസ്സ് ശാന്തമായി. ഹാളിനുള്ളിലേക്ക് മിഴിയുടെ കൈയും പിടിച്ച് അവൻ കയറി ചെന്നു. എല്ലാവർക്കും പുഞ്ചിരി സമ്മാനിച്ച് അവർ സ്റ്റേജിൽ കയറി വധുവരൻമാർക്ക് ഗിഫ്റ്റ് നൽകി ആശംസകൾ അറിയിച്ചു. അവരോടൊപ്പം നിന്ന് ഒരു ഫോട്ടോയും എടുത്താണ് അവർ സ്റ്റേജിൽ നിന്നും ഇറങ്ങിയത്. അപ്പോഴേക്കും സൂര്യയെ അവൻ്റെ ഫ്രണ്ട്സ് പൊതിഞ്ഞു. ആരെയും അറിയിക്കാതെ വിവാഹം നടത്തിയതിന്റെ പരിഭവമായിരുന്നു പലർക്കും... പുഞ്ചിരിയോടെ എല്ലാവർക്കും ഇനി ഒരിക്കൽ ചിലവ് തരാമെന്ന് പറഞ്ഞ് ഒതുക്കി. പഴയ കോളേജ് ഫ്രണ്ട്സ് ഒക്കെ ഒത്ത് കൂട്ടി ആ മാര്യേജ് റിസപ്ഷൻ ഒരു ഗെറ്റ്റ്റുഗെതറായി മാറ്റിയിരുന്നു. എല്ലാവരും കൂടി തങ്ങൾക്ക് പറ്റുന്ന രീതിയിൽ ആ പാർട്ടി ആഘോഷമാക്കി. പിള്ളേരുടെ അടിച്ച് പൊളി കണ്ടപ്പോ കാരണവൻമാർ ഒക്കെ ഒരു മൂലയിലേക്ക് ഒതുങ്ങി നിന്നു. പിള്ളേര് പൊളിക്കട്ടെ😌😌😌

അതും കൂടി ആയപ്പോ സൂര്യയും ഫ്രണ്ട്സും കൂടി കേറി മേഞ്ഞു. പാട്ടും വച്ച് മാരക ഡാൻസ് ആയിരുന്നു. ഇടയ്ക്ക് ചെറുക്കനെയും പെണ്ണിനെയും കൂടി സ്റ്റേജിൽ നിന്നും ഡാൻസ് തുടങ്ങി. അവരും കൂടി വന്നപ്പോ ശരിക്കും മേളമായിരുന്നു. അവര് റോമാൻ്റിക് ഡാൻസ് തുടങ്ങിയപ്പോൾ പിന്നെ എല്ലാവരും തൻ്റെ പാർട്ണറെയും വിളിച്ചു കൊണ്ട് വന്ന് കപ്പിൾ ഡാൻസ് തുടങ്ങി. സൂര്യ അപ്പോഴാണ് മിഴിയെ തിരഞ്ഞത്. ആൾക്കൂട്ടത്തിൽ നിന്നും മാറി ചെയറിൽ ഇരുന്ന് എല്ലാം വീക്ഷിക്കുകയായിരുന്നു അവൾ. സൂര്യ അടുത്ത് ചെന്ന് അവളുടെ നേരെ കൈ നീട്ടി. ഡാൻസ് കളിക്കാൻ ഒപ്പം ചെല്ലനാണ് അവൻ വിളിക്കുന്നതെന്ന് മനസ്സിലായെങ്കില്ലും മിഴി ഒഴിഞ്ഞു മാറി. അപ്പോഴേക്കും എല്ലാവരും ചുറ്റും കൂടി മിഴിയെ പ്രോത്സാഹിപ്പിക്കാൻ തുടങ്ങി. സൂര്യയും പ്രതീക്ഷയോടെ അവളെ നോക്കി നിൽക്കുകയായിരുന്നു. ഒരു പുഞ്ചിരിയോടെ സൂര്യ നീട്ടി പിടിച്ച കൈയിലേക്ക് കൈ ചേർത്ത് അവൾ ചെയറിൽ നിന്നും എഴുന്നേറ്റു. സൂര്യ അവളുടെ കൈയും പിടിച്ച് ഡാൻസ് ഫ്ലോറിലേക്ക് നടന്നു. പതിഞ്ഞ ശബ്ദത്തിൽ പാട്ടിന്റെ ഈണം ഒഴുകി വന്നതും സൂര്യ മിഴിയെ ഒന്ന് വട്ടം കറക്കി തനിക്ക് അഭിമുഖമായി നിർത്തി. ഇടം കൈയിൽ അവളുടെ വലംകൈ ചേർത്ത് പിടിച്ചു. അവൻ്റെ വലം കൈ അവളുടെ ചുമലിൽ അമർന്നു.

പാട്ടിന്റെ വരികൾക്ക് അനുസരിച്ച് പതിയെ ചുവടുകൾ വച്ചു. Aa…..Aa…. Teri meri meri teri...Prem kahani hai mushkil Do lafzoon mein yehBayaan na ho payeIk ladka ik ladki kiHai yeh kahani nayiDo lafzoon mein yehBayaan na ho paye Teri meri meri teriPrem kahani hai mushkilDo lafzoon mein yehBayaan na ho payeIk dooje se huye judaaJab ik dooje ke liye bane Teri meri meri teriPrem kahani hai mushkilDo lafzoon mein yehBayaan na ho paye Aaa….Aaa…. കണ്ണുകൾ തമ്മിൽ കോർത്ത് പാട്ടിലെ ഓരോ വരിയിലെയും പ്രണയഭാവം മുഴുവൻ തന്നിലേക്ക് ആവാഹിച്ചാണ് സൂര്യ ഓരോ ചുവടും വച്ചത്. അവൻ്റെ മുഖത്ത് വിരിയുന്ന ഓരോ ഭാവത്തെയും കൗതുകത്തോടെ നോക്കി മിഴി അവനൊപ്പം ചുവടു വച്ചു. കയ്യടി ശബ്ദം കേട്ടപ്പോഴാണ് മിഴി ചുറ്റും നോക്കിയത്. എല്ലാരുടെയും ശ്രദ്ധ അവരിൽ തന്നെയായിരുന്നു അത്രയും മനോഹരമായാണ് ഇവർ ഇരുവരും നൃത്തം ചെയ്യ്ത്തത്. പലരും വന്ന് അഭിനന്ദനങ്ങൾ അറിയിച്ചു. മനു വന്ന് വിളിച്ചപ്പോൾ സൂര്യ കുറച്ചങ്ങോട്ടേക്ക് മാറി. മിഴിയോട് ആരെക്കെയോ വന്ന് വിശേഷങ്ങൾ ചോദിക്കുന്നുണ്ടായിരുന്നു.

പലരും സൂര്യയുടെ സഹപാഠികളും സുഹൃത്തുക്കളുടെ ഭാര്യമാരുമായിരുന്നു. എല്ലാവർക്കും പുഞ്ചിരിയോടെ തന്നെ മിഴി മറുപടി നൽകി. "Excuse me.... സൂര്യയുടെ വൈഫ് അല്ലേ???" പിന്നിൽ നിന്നും ആരോ വിളിക്കുന്നത് കേട്ടപ്പോൾ മിഴി വേഗം തിരിഞ്ഞ് നോക്കി. മുന്നിൽ വെളുത്ത് സുമുഖനായ ഒരു ചെറുപ്പക്കാരൻ... എങ്കിലും അവളുടെ നോട്ടം ആദ്യം ചെന്നു നിന്നത് ആ ചാരകണ്ണുകളിലേക്കായിരുന്നു. "Yes.... ആരാ??" "ഹായ്... ഞാൻ വിശാൽ... വിശാൽ ദാസ്... സൂര്യയുടെ ഫ്രണ്ടാണ്...." മിഴിയ്ക്ക് നേരെ ഷേക്ക് ഹാൻഡിനായി അവൻ കൈ നീട്ടി. "ഹായ്... I am മിഴി..." പുഞ്ചിരിയോടെ മിഴി അവൻ്റെ കൈയിലേക്ക് കൈ ചേർത്തു വച്ചു. മുന്നിൽ നിൽക്കുന്നത് തൻ്റെ ശത്രുവാണെന്ന് അറിയാതെ......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...