🔥🔥അഗ്നിയായി അവൾ🔥🔥 : ഭാഗം 19

എഴുത്തുകാരി: മിന്നു

സൂര്യ സുഹൃത്തുക്കളോട് സംസാരിച്ചു കൊണ്ടിരിക്കുകയായിരുന്നു എങ്കിലും ഇടയ്ക്കിടെ അവൻ മിഴിയെ ശ്രദ്ധിക്കുന്നുണ്ടായിരുന്നു. ആരെയും പരിചയമില്ലാത്തതല്ലേ... ഒറ്റയ്ക്കാകി എന്ന് തോന്നരുതല്ലോ... അപ്പോഴാണ് മിഴി ആരോടൊ സംസാരിക്കുന്നത് കണ്ടത്. പിന്തിരിഞ്ഞു നിൽക്കുന്നത് കൊണ്ട് മുഖം കാണാൻ കഴിഞ്ഞില്ല. "ഹായ്... ഞാൻ വിശാൽ... വിശാൽ ദാസ്... സൂര്യയുടെ ഫ്രണ്ടാണ്...." മിഴിയ്ക്ക് നേരെ ഷേക്ക് ഹാൻഡിനായി അവൻ കൈ നീട്ടി. "ഹായ്... I am മിഴി..." പുഞ്ചിരിയോടെ മിഴി അവൻ്റെ കൈയിലേക്ക് കൈ ചേർത്തു വച്ചു. മുന്നിൽ നിൽക്കുന്നത് തൻ്റെ ശത്രുവാണെന്ന് അറിയാതെ....... "മിഴി???...Wow nice name.. തനിക്ക് പറ്റിയ പേരാ... Your eyes have some magic and it's make you more beautiful...." ഈശ്വരാ കാട്ടുകോഴിക്ക് ആണോ ഞാൻ കൊണ്ട് പോയി കൈ കൊടുത്തത് എന്ന് ആലോചിച്ചു നിൽക്കുവായായിരുന്നു മിഴി. ഉടനെ മിഴി അവൻ്റെ കൈക്കുളിൽ നിന്നും തൻ്റെ കൈ വലിച്ചെടുത്തു. വിശാൽ മിഴിയോട് അവളെ കുറിച്ച് കൂടുതൽ ചോദിച്ചു മനസ്സിലാക്കുകയായിരുന്നു. മുൻപ് എല്ലാവരോടും ആവർത്തിച്ച് കള്ളങ്ങൾ തന്നെ മിഴി അവനോടും പറഞ്ഞു. വീണ്ടുമൊരിക്കൽ കൂടി സൂര്യയുടെ നോട്ടം മിഴിയിലേക്ക് നീണ്ടപ്പോഴാണ് അവളോട് സംസാരിച്ചു നിൽക്കുന്ന ആളെ സൂര്യ ശ്രദ്ധിച്ചത്...

വിശാൽ... സൂര്യയുടെ മുഖം ദേഷ്യത്താൽ വലിഞ്ഞു മുറുകി. മുഷ്ടി ചുരുട്ടി പിടിച്ച കൈകളിൽ നീല ഞരമ്പുകൾ തെളിഞ്ഞു. കാറ്റ് പോലെ അവൻ വിശാലിന് നേരെ കുതിച്ചതും മനു അവനെ തടഞ്ഞു. "വേണ്ട സൂര്യാ... വേണ്ട... ഇവിടെ വച്ച് വേണ്ട... നിൻ്റൊപ്പം മിഴിയും ഉള്ളതാണ്... വെറുതെ ഇവിടെ വച്ച് ഒരു സീൻ ക്രിയേറ്റ് ചെയ്യണ്ട...." സൂര്യയുടെ മുഖത്ത് അപ്പോഴും ദേഷ്യത്തിന് ഒരു കുറവും വന്നിരുന്നില്ല... "വേണ്ട സൂര്യാ... മിത്രയ്ക്ക് അന്ന് സംഭവിച്ചത് നമ്മൾ കുറച്ചു പേർക്കേ അറിയൂ... ഇപ്പോ ഇവിടെ നീ എടുത്ത് ചാടി എന്തെങ്കിലും ചെയ്താൽ പാവം അവളുടെ പേരാണ് മോശമായി ചിത്രീകരിക്കുക... പറയുന്നത് കേൾക്ക് സൂര്യ..." മിത്രയുടെ പേര് കേട്ടപ്പോൾ എടുത്തുചാട്ടം വേണ്ടെന്ന് തോന്നി. അപ്പോഴും വിശാലിനരികിലാണ് മിഴി എന്നത് അവനെ അസ്വസ്ഥമാക്കി. ശരവേഗത്തിൽ അവൻ അവരുടെ നേരെ നടന്നടുത്തു. സൂര്യ ദേഷ്യത്തിൽ നടന്നു വരുന്നത് കണ്ടിട്ടും ഒരു പുച്ഛം ഭാവത്തിൽ നിൽക്കുകയായിരുന്നു വിശാൽ. എന്നാൽ സൂര്യയുടെ നോട്ടം മിഴിയിൽ മാത്രമായിരുന്നു.

വിശാലിന് അടുത്ത് നിൽക്കുന്ന മിഴി യുടെ കൈയിൽ പിടിച്ചു വലിച്ച് അവൻ പുറത്തേക്ക് നടന്നു. ഹാൾ കടന്ന് പോകും മുൻപ് അവനിലെ ദേഷ്യം മുഴുവൻ ആവാഹിച്ച് സൂര്യ ഒന്ന് തിരിഞ്ഞ് നോക്കി. വിശാലിനുള്ള താക്കീത് ആയിരുന്നു ആ നോട്ടത്തിൽ.... കണ്ണുകളിൽ പകയും ചുണ്ടിൽ പുച്ഛച്ചിരിയുമായി വിശാലും അവനെ നോക്കി. എന്തൊക്കെയോ മനസ്സിലുറപ്പിച്ചാണ് അവൻ്റെയീ തിരിച്ചുവരവ് എന്ന് സൂര്യയ്ക്ക് ഇതിനോടകം മനസ്സിലായി കഴിഞ്ഞിരുന്നു. സൂര്യയെയും മിഴിയെയും എരിച്ചു നോക്കുന്ന വിശാലിന് തൊട്ടടുത്തായി മനു ചെന്ന് നിന്നു. "വിശാൽ...." കടുപ്പിച്ചായിരുന്നു മനുവിൻ്റെ വിളി. "ഓ.... നീ ഇവിടെ ഉണ്ടായിരുന്നോ... ആഹ്... അല്ലെങ്കിലും പണ്ടേ ആ സൂര്യയുടെ വാല് പോലെ നടക്കുന്നത് തന്നെയല്ലേ നിൻ്റെ പണി😏😏😏....." "എൻ്റെ കാര്യം നീ നോക്കണ്ട... നീ നിന്റെ സ്വന്തം തടി രക്ഷപ്പെടുത്താൻ നോക്ക്... ഇന്ന് നിന്നെ സൂര്യ വെറുതെ വിട്ടത് നോക്കണ്ട..." "ഓ.... പിന്നെ... അവൻ ഇപ്പോ എന്നെ പിടിച്ചങ്ങ് വിഴുങ്ങും...." " വിഴുങ്ങുകയല്ല... വെട്ടി നുറുക്കും അവൻ നിന്നെ.... ചെയ്യാത്ത തെറ്റിന് പലരും അവനെ കുറ്റപ്പെട്ടുത്തിയിട്ടുണ്ട്... എല്ലാം മിണ്ടാതെ നിന്ന് കേട്ടത് അവന്റെ ഭാഗത്തും തെറ്റ് പറ്റിയിട്ടുണ്ടെന്ന് അവന് അറിയാവുന്നത് കൊണ്ടാ... പക്ഷേ നിനക്കുള്ള ശിക്ഷ അവൻ തീർച്ചയായും തന്നിരിക്കും.."

വിശാൽ അപ്പോഴും മനു പറയുന്നത് ശ്രദ്ധിക്കാതെ ചുണ്ട് കടിച്ചു പിടിച്ച് കാമത്തോടെ സൂര്യ ചേർത്ത് പിടിച്ചു കൊണ്ട് പോകുന്ന മിഴിയെ ചൂഴ്ന്നു നോക്കുകയായിരുന്നു. "മനൂ... എന്നാലും അവന് മാത്രം എവിടുന്നാ ഡാ ഇങ്ങനെ സുന്ദരികളായ പെൺപ്പിള്ളേരെ കിട്ടുന്നേ... എന്തായാലും അവള് ഒന്നൊന്നര ചരക്ക് തന്നെ... അവൻ്റെയൊക്കെ ഒരു ഭാഗ്യം.." "ഡാ.... വേണ്ട... നിൻ്റെയാ വൃത്തികെട്ട കണ്ണ് കൊണ്ട് അവളെ നോക്കണ്ട... അറിയാലോ സൂര്യയുടെ പെണ്ണാ അവള്..." വിശാലിന്റെ നോട്ടത്തിന് ഭംഗം വരുത്തി കൊണ്ട് മനു അവൻ്റെ മുന്നിലേക്ക് കയറി നിന്നു. "അതിന് എനിക്കെന്താ... എനിക്ക് വേണം ന്ന് തോന്നിയാൽ ആരുടെ പെണ്ണായാലും എനിക്ക് ഒന്നുമില്ല..." "അറിയാം... സ്വന്തം അമ്മയും പെങ്ങളും പോലും കാമം മുറ്റി നിൽക്കുമ്പോൾ നിനക്ക് വെറും ശരീരങ്ങളാ.... എന്നാലും എങ്ങനെ തോന്നിയെഡാ നിനക്ക് ആ പാവം കുട്ടിയോട് അങ്ങനെയൊക്കെ ചെയ്യാൻ??? അന്ന് നിന്നോട് ഒന്ന് മിത്രയെ ഹോസ്റ്റലിൽ കൊണ്ട് ചെന്നാക്കാൻ പറയുമ്പോൾ ഞാൻ ഓർത്തില്ല നിൻ്റെയുള്ളിൽ ഇത്രയും വലിയൊരു ചെകുത്താൻ ഉണ്ടെന്ന്...."

"മനൂ.... വേണ്ടാ... ഏതോ ഒരുത്തൻ്റെ കൂടെ ഇറങ്ങിപ്പോയ ഒരു തേവിടിശ്ശിയാ എൻ്റെ അമ്മ എന്ന് പറയുന്ന ജന്തു.. പെണ്ണുങ്ങൾ ഒക്കെ അങ്ങനെ തന്നെയാഡാ... പിന്നെ ഞാൻ നിന്നെപ്പോലെ വിശുദ്ധൻ ഒന്നുമല്ല... ജീവിതം ഒന്നേയുള്ളൂ അത് പരമാവധി ആസ്വദിക്കണം... എന്തൊക്കെ കാണിച്ചാലും എൻറെ പപ്പയുടെ മുന്നിൽ ഞാൻ നല്ല കുട്ടി ആയിരുന്നു. ഈ ലോകത്ത് പപ്പ മാത്രമേ എന്നെ സ്നേഹിച്ചിട്ടുള്ളൂ... പക്ഷേ ആ സൂര്യ കാരണം എൻറെ പപ്പയും എന്നെ വെറുത്തു. നിനക്ക് അറിയുമോ കഴിഞ്ഞ ഒരു വർഷത്തിനിടയിൽ ഒരിക്കൽപോലും പപ്പ എന്നെ കാണാൻ കൂട്ടാക്കിയില്ല. അവസാനം ഒരു മാസം മുമ്പ് ഞാൻ പപ്പയെ കാണുമ്പോൾ പാവം തണുത്ത് മരവിച്ച് കിടക്കുകയായിരുന്നു... മരണത്തിന്റെ തണുപ്പ്... എന്നെ കുറിച്ച് ഓർത്ത് നെഞ്ച് പൊട്ടിയാണത്രേ എൻ്റെ പപ്പ പോയത്... അതിനൊക്കെ കാരണം അവനാ ആ സൂര്യാ... അവനെ ഞാൻ വെറുതെ വിട്ടാൻ പോകുന്നില്ല..." വിശാലിന്റെ കടപെല്ല് ഞെരിഞ്ഞമർന്നു. "നീ എന്ത് മനുഷ്യനാഡാ... നീ ഓരോ തെറ്റുകൾ ചെയ്തു കൂട്ടുന്നത് കണ്ടിട്ടാ നിന്റെ പപ്പ പോയത്... അതിന് നീ സൂര്യയോട് ദേഷ്യം പിടിച്ചിട്ടെന്താ...??? ഓരോന്ന് ചെയ്തു കൂട്ടുമ്പോൾ ആലോചിക്കണമായിരുന്നു. ഇനി നീ ഈ പേരും പറഞ്ഞ് സൂര്യയുടെ നേരെ വല്ല ചെറ്റത്തരവും കൊണ്ട് വന്നാൽ...."

ചുണ്ട് വിരൽ ചൂണ്ടി താക്കീത് ചെയ്ത് മനു ദേഷ്യത്തിൽ തല വെട്ടിച്ച് ഇറങ്ങി പോയി. ഡ്രൈവ് ചെയ്യുമ്പോഴും സൂര്യയുടെ മുഖത്ത് നല്ല ദേഷ്യമായിരുന്നു. "സൂര്യാ... സ്പീഡ് കുറയ്ക്ക്... ഇതെന്താ കൊല്ലാൻ കൊണ്ട് പോകുവാണോ???" മിഴി സീറ്റിൽ മുറുകെ പിടിച്ചു. "Will you please shut up...." സൂര്യ അലറി "നിനക്ക് എന്താ സൂര്യാ??? എന്തിനാ ഇങ്ങനെ ദേഷ്യപ്പെട്ടുന്നേ... ഏതാ ആ വിശാൽ?? അവനെ കണ്ടപ്പോ തൊട്ടാണല്ലോ നിൻ്റെ മുഖം ഇങ്ങനെ വീർത്തു കെട്ടിയിരിക്കുന്നേ???" വിശാലിന്റെ പേര് കേട്ടപ്പോൾ സൂര്യയുടെ ദേഷ്യം ഒന്ന് കൂടി കൂട്ടി. പോർച്ചിലേക്ക് കാർ ഓടിച്ച് കയറ്റുന്നത് കണ്ടപ്പോൾ ബ്രേക്ക് കിട്ടുമോ എന്ന് പോലും മിഴിയ്ക്ക് സം.ശയമായിരുന്നു. അവൾ കണ്ണുകൾ ഇറുകെ അടച്ചു. ഡോർ ശക്തിയായി വലിച്ചടച്ച് പോകുന്ന ശബ്ദം കേട്ട് നോക്കുമ്പോഴേക്കും സൂര്യ വീട്ടിനുള്ളിലേക്ക് കയറിയിരുന്നു. "ഇവനിത് എന്താ പറ്റിയത്??? ആ വീശാലിനെ കണ്ടപ്പോ തൊട്ടാണല്ലോ ഇങ്ങനെ... Something fishy... എന്താണെങ്കിലും കണ്ടുപിടിക്കണം....." മിഴി മനസ്സിൽ കണക്ക് കൂട്ടി. 🔥🔥 രാവിലെ കുളി കഴിഞ്ഞ് ഈറൻ മുടി തുവർത്തി കൊണ്ടിരിക്കുമ്പോഴാണ് ബെഡിലിരുന്ന മിഴി യുടെ ഫോൺ റിങ് ചെയ്യാൻ തുടങ്ങിയത്. പപ്പയാണ്. അവൾ വേഗം കോൾ അറ്റൻ്റ് ചെയ്തു. "ഹലോ മോളേ... പപ്പയാ..."

"എന്താ പപ്പാ... രാവിലെ തന്നെ??? പപ്പേടെ ശബ്ദം കേട്ടിട്ട് നല്ല സന്തോഷത്തിലാണല്ലോ.." "അതെ മോളേ... ഞാൻ ഒത്തിരി ഒത്തിരി സന്തോഷത്തിലാ... നമ്മുടെ പ്രാർത്ഥന ദൈവം കേട്ടു... മിത്രമോളുടെ കാൽവിരലുകൾ ചലിപ്പിക്കാൻ തുടങ്ങിയിട്ടുണ്ട്..." "ഹേ.... സത്യമാണോ പപ്പാ??" "ആ... മോളേ... ഡോക്ടറും പറഞ്ഞത് ഇനി അവളുടെ അസുഖം വേഗം മാറുമെന്നാ..." "Thank god.... എനിക്ക് എന്താ പറയേണ്ടത് ന്ന് അറിയില്ല പപ്പാ... ഇങ്ങനെയൊരു വാർത്ത കേൾക്കാൻ എത്ര നാളായി കൊതിച്ചിരിക്കുന്നതാ...." "നീ കാരണമാ മോളേ മിത്രയ്ക്ക് ഈ മാറ്റം ഉണ്ടായത്... ഇന്നലെ രാത്രിയാ ഞാൻ അവളോട് നിന്റെയും സൂര്യയുടെയും കല്ല്യാണം കഴിഞ്ഞ കാര്യം ഒക്കെ പറഞ്ഞത്... അവൾക്ക് വേണ്ടി നീ എടുക്കുന്ന റിസ്ക് എത്രമാത്രം മാണെന്ന് അവൾക്ക് ഇപ്പോ മനസ്സിലായി കാണും... അതാ അവളുടെ ശരീരം അനക്കിയത്. ഡോക്ടറും പറഞ്ഞത് അവൾക്ക് സന്തോഷം നൽകുന്ന കാര്യങ്ങൾ കേൾപ്പിക്കാനാണ്. അവൾക്ക് വേണ്ടി നീ സൂര്യയോട് പ്രതികാരം ചെയ്യുന്നതാണ് അവളുടെ സന്തോഷം... പഅന്ന് ഞാൻ നിന്നെ തടഞ്ഞു. പക്ഷേ ഇപ്പോ ഞാൻ പറയുവാ മോളേ ആ സൂര്യയുടെ നാശം അതെനിക്ക് കാണണം...

മിത്ര മോളും അത് ആഗ്രഹിക്കുന്നുണ്ട് അതുകൊണ്ടാ നീ അവനോട് പ്രതീകാരം ചെയ്യാൻ പോയി എന്നറിഞ്ഞപ്പോൾ തന്നെ അവളിൽ മാറ്റങ്ങൾ കണ്ട് തുടങ്ങിയത്.. നമ്മുടെ മിത്രയ്ക്ക് വേണ്ടി നീ നിന്റെ ലക്ഷ്യം പൂർത്തിയാക്കണം.... " "ചെയ്തിരിക്കും പപ്പ.... ൻ്റെ മിത്രയ്ക്ക് വേണ്ടി ഞാൻ എന്തും ചെയ്യും...." മിഴി യുടെ വാക്കുകൾ ഉറച്ചതായിരുന്നു. കോൾ കട്ട് ചെയ്യുമ്പോൾ മിഴി ക്ക് അത്യധികം സന്തോഷമായിരുന്നു. അതിനോടൊപ്പം സൂര്യയ്ക്ക് എതിരായുള്ള കരുക്കൾ മനസ്സിൽ കണക്ക് കൂട്ടി കൊണ്ടിരുന്നു. 🔥🔥 "ഡീ നമ്മുടെ വിശാൽ സാറ് നാട്ടിൽ എത്തിയിട്ടുണ്ടത്രേ... " "ആണോ??? സാറ് കുറേക്കാലമായി നാട്ടിൽ ഇല്ലായിരുന്നുവല്ലോ..." "ആ.... ഞാൻ ഇന്നലെ ഷോപ്പിംഗ് മാളിൽ വച്ച് കണ്ടു. സാറ് നമ്മളെയൊന്നും മറന്നിട്ടില്ലെഡീ..." "അല്ലെങ്കിലും നിന്നെ അത്ര പെട്ടെന്നൊന്നും ഒരാണും മറക്കില്ല...." "ഒന്ന് പോടീ... കളിയാക്കാതെ..." ഓഫീസിലെ കോറിഡോറിലൂടെ നടക്കുമ്പോൾ സ്റ്റാഫ്സിൻ്റെ സംസാരം കേട്ടു. വിശാലിൻ്റെ പേര് കേട്ടു. ഇന്നലെ സൂര്യയോടട് അവനെ കുറിച്ച് ചോദിച്ചപ്പോൾ ഒന്നും പറഞ്ഞില്ല... അവൻ്റെ പേര് കേൾക്കുമ്പോൾ തന്നെ സൂര്യയുടെ മുഖം മാറുവാ... ഇത്രത്തോളം സൂര്യയെ അസ്വസ്ഥമാക്കാൻ എന്തായിരിക്കും അവർക്ക് ഇടയിലെ പ്രശ്നം.🤔🤔 "ഹലോ... മിഴി മേഡം.... എന്താ ഒരു ആലോചന???"

പുഞ്ചിരിച്ചു കൊണ്ട് മനു അവളുടെ അടുത്തേക്ക് വന്നു. "മനൂ.... ഇന്നലെ നമ്മള് പാർട്ടിക്ക് ഇടയിൽ കണ്ടില്ലേ അതാരാ???" "വിശാൽ..." ഒട്ടും താൽപര്യമില്ലാത്ത മട്ടിൽ മനു പറഞ്ഞു. "അത് അറിയാം... ഇന്നലെ പരിചയപ്പെട്ടപ്പോ അയാള് പേര് പറഞ്ഞു. അതല്ല ഞാൻ ചോദിച്ചത്... സൂര്യയും വിശാലും ഫ്രണ്ട്സ് അല്ലേ.. പിന്നെന്താ സൂര്യ ഇന്നലെ അയാളെ മൈൻഡ് ചെയ്യാഞ്ഞത്??? ഒന്ന് നോക്കിയതും കൂടിയില്ലല്ലോ... "അവർ ഫ്രണ്ട്സ് ആയിരുന്നു... ഞാൻ പറയുന്നത് ശ്രദ്ധിക്കണം.. ആയിരുന്നു എന്നാ പറഞ്ഞത് ഇപ്പോൾ അല്ല... ചില പ്രശ്നങ്ങൾ... അത് എന്തൊക്കെയാണെന്ന് സൂര്യ തന്നെ നിനക്ക് പറഞ്ഞു തരും... ഒന്ന് മാത്രം ഞാൻ പറയാം താൻ അവനെ ഒന്ന് സൂക്ഷിക്കണം... എന്തെങ്കിലും കാരണങ്ങൾ ഉണ്ടാക്കി അവൻ അടുക്കാൻ ശ്രമിച്ചാലും സമ്മതിക്കരുത്...." അത്രയും പറഞ്ഞ് മനു വേഗം തൻ്റെ ക്യാമ്പിനിലേക്ക് നടന്നു. അതും കൂടി കേട്ടപ്പോൾ മിഴിയുടെ സംശയങ്ങൾ കൂടിയതേയുള്ളൂ...... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...