🔥🔥അഗ്നിയായി അവൾ🔥🔥 : ഭാഗം 20

എഴുത്തുകാരി: മിന്നു

"ഹലോ... മിഴി മേഡം.... എന്താ ഒരു ആലോചന???" പുഞ്ചിരിച്ചു കൊണ്ട് മനു അവളുടെ അടുത്തേക്ക് വന്നു. "മനൂ.... ഇന്നലെ നമ്മള് പാർട്ടിക്ക് ഇടയിൽ കണ്ടില്ലേ അതാരാ???" "വിശാൽ..." ഒട്ടും താൽപര്യമില്ലാത്ത മട്ടിൽ മനു പറഞ്ഞു. "അത് അറിയാം... ഇന്നലെ പരിചയപ്പെട്ടപ്പോ അയാള് പേര് പറഞ്ഞു. അതല്ല ഞാൻ ചോദിച്ചത്... സൂര്യയും വിശാലും ഫ്രണ്ട്സ് അല്ലേ.. പിന്നെന്താ സൂര്യ ഇന്നലെ അയാളെ മൈൻഡ് ചെയ്യാഞ്ഞത്??? ഒന്ന് നോക്കിയതും കൂടിയില്ലല്ലോ... "അവർ ഫ്രണ്ട്സ് ആയിരുന്നു... ഞാൻ പറയുന്നത് ശ്രദ്ധിക്കണം.. ആയിരുന്നു എന്നാ പറഞ്ഞത് ഇപ്പോൾ അല്ല... ചില പ്രശ്നങ്ങൾ... അത് എന്തൊക്കെയാണെന്ന് സൂര്യ തന്നെ നിനക്ക് പറഞ്ഞു തരും... ഒന്ന് മാത്രം ഞാൻ പറയാം താൻ അവനെ ഒന്ന് സൂക്ഷിക്കണം... എന്തെങ്കിലും കാരണങ്ങൾ ഉണ്ടാക്കി അവൻ അടുക്കാൻ ശ്രമിച്ചാലും സമ്മതിക്കരുത്...."

അത്രയും പറഞ്ഞ് മനു വേഗം തൻ്റെ ക്യാമ്പിനിലേക്ക് നടന്നു. അതും കൂടി കേട്ടപ്പോൾ മിഴിയുടെ സംശയങ്ങൾ കൂടിയതേയുള്ളൂ. അങ്ങനെ ആലോചിച്ചു നിൽക്കുമ്പോഴാണ് മിഴിയുടെ ഫോൺ റിങ് ചെയ്യ്ത്തത്. "ഏതോ അറിയാത്ത നമ്പർ ആണല്ലോ...." മിഴി വേഗം കോൾ അറ്റൻ്റ് ചെയ്തു. "ഹലോ...." "ഹലോ മിഴി സൂര്യാംശ് അല്ലേ??" ഒരു പരുക്കൻ പുരുഷ ശബ്ദം കേട്ടു. "മിഴി സൂര്യാംശ്.." ആ ഒരു സംബോധന മിഴിയ്ക്ക് ഒട്ടും ഇഷ്ടമായില്ല. "മിഴിയാണ്... ആരാ സംസാരിക്കുന്നേ???" ഉള്ളിലെ ഈർഷ്യ അവളുടെ ശബ്ദത്തിലും പ്രകടമായിരുന്നു. "ഓ... സുന്ദരിക്കുട്ടിടെ മൂഡ് അത്ര ശരിയല്ലെന്ന് തോന്നുന്നല്ലോ... എന്തേ സൂര്യയുമായി വല്ല സൗന്ദര്യം പിണക്കവും ഉണ്ടായോ... ഹ... ഹ..."

അവൻ്റെ പൊട്ടിച്ചിരി പോലും അവൾക്ക് അരോചകമായി തോന്നി. "ഇതാരാ സംസാരിക്കുന്നേന്ന് പറയുന്നുണ്ടോ???" മിഴിക്ക് ദേഷ്യം വന്നു തുടങ്ങി. "പറയാഡോ... ഇനി അതിൻറെ പേരിൽ ഭയപ്പെടേണ്ട ഞാൻ വിശാലാണ്.... മനസ്സിലായോ??? ഇന്നലെ നമ്മൾ പാർട്ടിക്കിടയിൽ വച്ച് കണ്ടിരുന്നു...." "മ്മം... മനസ്സിലായി.. അല്ല എൻ്റെ നമ്പർ എവിടുന്ന് കിട്ടി???" "ഒരു ഫോൺനമ്പർ കണ്ടുപിടിക്കാൻ ആണോ ഇത്ര വലിയ പാട്... ശ്രമിച്ചാൽ ആർക്കും കിട്ടുന്നതല്ലേയുള്ളൂ????" "ഇത്ര കഷ്ടപ്പെട്ട് എൻറെ നമ്പർ കണ്ടുപിടിച്ചതിൻറെ ആവശ്യം എന്താണെന്ന് കൂടി അറിഞ്ഞിരുന്നെങ്കിൽ കൊള്ളാമായിരുന്നു..." "അതെന്താടോ അങ്ങനെ പറഞ്ഞത്??? ഞാൻ വിളിച്ചത് ഇഷ്ടപ്പെടാത്തത് പോലെ... ഇന്നലെ കാര്യമായിട്ട് ഒന്നും സംസാരിക്കാൻ കഴിഞ്ഞില്ലല്ലോ...

അപ്പോഴേക്കും സൂര്യ തന്നെ കൂട്ടിക്കൊണ്ടുപോയില്ലേ അതുകൊണ്ടാ ഞാൻ തന്നെ വിളിച്ചത്...." "മ്മം... " മിഴി ഒരു ഒഴുക്കൻ മട്ടിൽ വെറുതെ ഒന്ന് മൂളി. "സത്യത്തിൽ തന്നെ പോലെ ഒരാളെയൊന്നും സൂര്യ ഡിസേർവ് ചെയ്യുന്നില്ല... താൻ എന്തൊരു പാവമാണെഡോ... എന്നാൽ അവനോ.. ഇന്നലെ തന്നെ കണ്ടില്ലേ... എന്നോട് ഒരു വാക്ക് പോലും മിണ്ടാതെ തന്നെ പിടിച്ചു വലിച്ച് കൊണ്ട് പോയത്... അവന് പേടിയാ... ഞാൻ അവനെ പറ്റിയുള്ള വല്ലതും തന്നോട് പറഞ്ഞാലോ ന്ന്...." "സൂര്യ അങ്ങനെപേടിക്കാൻ മാത്രം തനിക്ക് എന്താ പറയാനുള്ളത്???" മിഴി യുടെ ആ ചോദ്യം കേട്ടപ്പോൾ വിശാലിന് ഉറപ്പായി സൂര്യ കാര്യങ്ങൾ ഒന്നും മിഴിയോട് പറഞ്ഞിട്ടില്ല എന്ന്. കിട്ടിയ അവസരം പ്രയോജനപ്പെടുത്താൻ അവൻ തീരുമാനിച്ചു. "വേണ്ട ഞാൻ ആയിട്ട് അതൊന്നും പറയുന്നില്ല...

എന്നാലും തന്നെ പോലെ ബുദ്ധിസാമർത്ഥ്യം ഉള്ള ഒരു പെൺകുട്ടിക്ക് എങ്ങിനെ ഇനി ഇങ്ങനെ ഒരു അബദ്ധം പറ്റി??? വിവാഹം കഴിക്കും മുമ്പ് സൂര്യയെ പറ്റി തനിക്ക് നന്നായി ഒന്ന് അന്വേഷിച്ചൂട്ടായിരുന്നോ... ഓ... സോറി ഞാൻ മറന്നു പോയി നിങ്ങളുടെ വിവാഹം വളരെ പെട്ടെന്നായിരുന്നില്ലേ??? അതും ചതിയിലൂടെ.. എനിക്കറിയാം എല്ലാം... ന്യൂസ് ഒക്കെ ഒക്കെ ഞാനും കണ്ടിരുന്നു. " മിഴി നിശബ്ദമായിരുന്നു. വിശാൽ പറഞ്ഞു പറഞ്ഞ് എങ്ങോട്ടാണ് പോകുന്നത് എന്ന് അവൾക്ക് ഒരു പിടിയും കിട്ടിയില്ല. മിഴി ഒന്നും മിണ്ടുന്നില്ല എന്ന് കണ്ടപ്പോൾ വിശാൽ തുടർന്നു. "താൻ ഒന്ന് സൂക്ഷിക്കുന്നത് നന്നായിരിക്കും... സൂര്യ തന്നോട് പലതും മറച്ചു വയ്ക്കുന്നുണ്ട്... അവൻ്റെ ജീവിതത്തിലെ ആദ്യത്തെ പെൺകുട്ടി അല്ല താൻ... മുമ്പ് പല പെൺകുട്ടികളുമായും അവന് റിലേഷൻ ഉണ്ടായിരുന്നു.

പക്ഷേ ഒന്നും വിവാഹത്തിലെത്തിയിട്ടില്ല എന്ന് മാത്രം... അല്ല താനിപ്പോ അവൻ്റെ പിഎ അല്ലേ... ഓഫീസിൽ ഒന്ന് അന്വേഷിച്ച് നോക്ക്.. ഇതിന് മുമ്പ് അവൻ്റെ പിഎ ആയിരുന്ന മിത്രയുമായി അവന് എന്തായിരുന്നു ബന്ധമെന്ന്???" മിത്രയുടെ പേര് കേട്ടതും അത്ര നേരവും വിശാലിന്റെ സംസാരത്തിന് ശ്രദ്ധ കൊടുക്കാത്തിരുന്ന മിഴി ജാഗരൂകയായി. അവൻ്റെ വാക്കുകൾക്കായി കാതോർത്തു. "Ohhhh... Shit... ഞാൻ ഓർമ്മിക്കാതെ എന്തെക്കെയോ പറഞ്ഞു തന്നോട്... താൻ അതൊക്കെ മനസ്സിന്ന് കളഞ്ഞേക്ക്... സൂര്യയോട് ഇനി ഇതൊന്നും ചോദിച്ച് ഒരു വഴക്ക് ഉണ്ടാക്കേണ്ട. താൻ ഒരു നല്ല കുട്ടിയാ... തനിക്ക് ഒരു ചതി പറ്റരുത് എന്ന് മാത്രമേ ഞാൻ കരുതിയുള്ളൂ... സോറി... ബൈ..." വിശാൽ വേഗം കോൾ കട്ട് ചെയ്തു.

മിത്ര യെപ്പറ്റി വിശാലിനെ കൂടുതൽ എന്തൊക്കെയോ അറിയാം എന്ന് തോന്നിയതുകൊണ്ടും അത് എന്താണെന്ന് അറിയാനും വേണ്ടി മിഴി വേഗം വിശാലിനെ തിരിച്ചു വിളിച്ചു. "ഹലോ വിശാൽ... താൻ എന്താ പെട്ടെന്ന് കോൾ കട്ട് ചെയ്ത്തത്???" "ഓ... സോറി മിഴി... തനിക്ക് എന്നോട് സംസാരിക്കാൻ വലിയ താല്പര്യമില്ലല്ലോ.. പിന്നെ ഞാൻ ഓഫീസിലാ... കുറച്ചു ബിസ്സിയാ... അതാ കോൾ കട്ട് ചെയ്ത്തത്..." വിശാൽ ഒരു സെന്റി അപ്രോച്ച് പിടിച്ചു. "അങ്ങനെയൊന്നുമില്ല...... എനിക്ക് സൂര്യയെ കുറിച്ച് കൂടുതൽ കാര്യങ്ങൾ അറിയണമെന്ന് ഉണ്ടായിരുന്നു... വിശാൽ ഇപ്പോ ബിസ്സിയായ സ്ഥിതിക്ക്...." "മിഴിയ്ക്ക് എന്നോട് സംസാരിക്കണമെങ്കിൽ നാളെ നമ്മുക്ക് രാം നഗറിലെ ഫലൂദ വേൾഡിൽ വച്ച് നാളെ ഉച്ചയ്ക്ക് ശേഷം മീറ്റ് ചെയ്യാം... പക്ഷേ ഞാൻ പറയുന്ന കാര്യങ്ങൾ കേട്ട് മിഴി എടുത്ത് ചാടി ഒന്നും ചെയ്യരുത്... തന്നെ കണ്ടപ്പോ തന്നെ എന്തോ ഒരു അടുപ്പം തോന്നി.

അതുകൊണ്ടാ ഞാൻ അതൊക്കെ പറയാൻ റെഡിയാവുന്നത്... ഒക്കെ തനിക്ക് വേണ്ടി മാത്രമാണ്...." "മ്മം.... ഒക്കെ നാളെ മീറ്റ് ചെയ്യാം..." "ഒക്കെ ഡിയർ... അപ്പോ നാളെ കാണാം.... ബൈ...." ഗൂഢമന്ദസ്മിതത്തോടെ വിശാൽ കോൾ കട്ട് ചെയ്തു. തന്റെ ആദ്യശ്രമം വിജയം കണ്ടിരിക്കുന്നു. സൂര്യയ്ക്ക് എതിരെയുള്ള തൻ്റെ ആദ്യത്തെ അസ്ത്രം... മിഴിയ്ക്ക് അവനിലുള്ള വിശ്വാസം നഷ്ടപ്പെട്ടുതുക.. മിഴി അപ്പോഴും നാളെ വിശാലിൽ നിന്നും മിത്രയെ പറ്റി എന്തെക്കെ അറിയാൻ പറ്റും എന്ന ആലോചനയിൽ ആയിരുന്നു.. സൂര്യയ്ക്ക് എതിരെയുള്ള കൂടുതൽ തെളിവുകൾ നാളെ വിശാലിൽ നിന്നും ലഭിച്ചേക്കുമോ??? ഇത്രയും ദിവസം സൂര്യയുടെ പെരുമാറ്റം കണ്ടപ്പോൾ താൻ കരുതി വച്ചിരുന്നതിൽ എവിടെയെങ്കിലും പിഴവ് പറ്റിയോ എന്നൊരു സംശയം തോന്നിയിരുന്നു.

ഇല്ലാ... അവൻ തന്നെയാണ് എൻ്റെ മിത്രയെ... സത്യം എത്ര നാൾ മൂടി വച്ചാലും പുറത്ത് വരിക തന്നെ ചെയ്യും.... 🔥🔥 ഓഫീസ് ടൈം കഴിഞ്ഞപ്പോൾ മിഴിയും സൂര്യയും ഒരുമിച്ചാണ് ഇറങ്ങിയത്. ലിഫ്റ്റിൽ അവർ രണ്ടാളും മാത്രമായിരുന്നു. ഡോർ അടഞ്ഞതും സൂര്യ ഒരു കള്ളച്ചിരിയോടെ മിഴിയുടെ അരികിലേക്ക് നീങ്ങി നിന്നു. "ഓയ്യ്.... മിഴി പെണ്ണേ..." കുസൃതിയോടെ വിളിച്ചവൻ അവളിലേക്ക് ഒന്നുകൂടി ചാഞ്ഞ് നിന്നു. ലിഫ്റ്റിൻ്റെ ഒരു മൂലയിലേക്ക് ഒതുങ്ങി നിന്ന് ഫോണിൽ കുത്തുകയായിരുന്നു മിഴി. അവൾ തലയുയർത്തി നോക്കുമ്പോൾ അവളുടെ കഴുത്തിന് ഒരു വശത്തായി കൈയൂന്നി അവൻ്റെ മുഖം അവളിലേക്ക് അടുത്തു കൊണ്ടിരിക്കുകയായിരുന്നു.. "Hello sir.... This is our office and I am your PA. കുരുത്തക്കേട് വല്ലതും കാണിക്കാൻ ശ്രമിച്ചാൽ ഞാനിവിടെ കിടന്ന് ഒച്ച വച്ച് ആളെ കൂട്ടും പറഞ്ഞില്ലാന്ന് വേണ്ട...."

അവൻ്റെ കൈ തട്ടിമാറ്റി വയറ്റിൽ ഒരു കുത്ത് വച്ച് കൊടുത്തു അവൾ. "ഔ.... എന്തൊരു വേദനയാഡീ..." വയറ്റിൽ കൈ വച്ച് അവൻ രണ്ടടി പിറകിലേക്ക് മാറി നിന്നു. "ആ... അതൊരു reminder ആണ്. ഇനി ഇമ്മാതിരി അഭ്യാസവും കൊണ്ട് വന്നല്ലേ ഞാൻ ഇടിച്ചു പരിപ്പെടുക്കും... പറഞ്ഞില്ലെന്ന് വേണ്ട ഞാനേ കരാട്ടെ ബ്ലാക്ക് ബെൽറ്റാ...." മിഴി അവനെ നോക്കി കണ്ണ് തുറുപ്പിച്ചു. "ഈശ്വരാ... കെട്ട് കഴിഞ്ഞിട്ടും നിന്നെ ഇങ്ങനെ നോക്കി നിൽക്കാൻ ആണല്ലോ എൻ്റെ വിധി..." സൂര്യ ആരൊടെന്നില്ലാതെ വിലപിച്ചു. തിരിച്ചുള്ള യാത്രയിൽ സൂര്യ മുഖവും വീർപ്പിച്ച് ഇരിപ്പായിരുന്നു. എന്നാൽ മിഴി അതൊന്നും കാര്യമാക്കാതെ ഹെഡ് ഫോണിൽ പാട്ടും കേട്ടിരുന്നു.

വീട്ടിൽ എത്തിയതും മിഴി വേഗം ഉള്ളിലേക്ക് കയറി പോയി. സൂര്യയ്ക്ക് ആകെ വല്ലാതെ തോന്നി. തൻ്റെ പിണക്കവും പരിഭവവും ഒന്നും അവളെ തെല്ലും ബാധിക്കുന്നതേയില്ലല്ലോ... മുൻപ് മെസ്സേജുകളിലൂടെ അവൾ സ്നേഹവും പരിഗണനയും ഒരൽപം പോലും ഇപ്പോ അവളിൽ കാണാനേയില്ല.... ആകെ വിഷണ്ണനായി വിവശനായി ഏകാന്തനായി സൂര്യ അകത്തേക്ക് നടന്നു. ഹാളിൽ കണ്ട കാഴ്ചയോ ഋതുവിനെയും കൊണ്ട് റോമാൻ്റിക് ഡാൻസ് ചെയ്യുന്ന ജീവയെ... ഇങ്ങനെയൊക്കെ ചെയ്യാമോ??? കന്യകനായി നടക്കുന്ന ഒരു ചെറുക്കൻ ഉള്ള വീടാണെന്നെങ്കില്ലും ഓർത്തൂട്ടേ അവർക്ക്...😞😞😞😞...... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...