🔥🔥അഗ്നിയായി അവൾ🔥🔥 : ഭാഗം 21

എഴുത്തുകാരി: മിന്നു

പിറ്റേന്ന് ഓഫീസിൽ എത്തിയത് മുതൽ മിഴിയുടെ ചിന്ത ഇന്ന് ഉച്ചയ്ക്ക് വിശാലിനെ മീറ്റ് ചെയ്യുന്നതായിരുന്നു. ഭാഗ്യത്തിന് സൂര്യയും മനുവും ദൂരെ ഒരു ക്ലൈന്റിനെ കാണാൻ പോയിരിക്കുകയായിരുന്നു. ഉച്ചയ്ക്ക് ഓഫീസിൽ നിന്നും ഇറങ്ങുന്നതിന് യാതൊരു പ്രശ്നവുമില്ല. എന്നാൽ ഇങ്ങനെയൊരു മീറ്റിംഗ് ആവശ്യമുണ്ടോ?? ഒന്ന് മീറ്റ് ചെയ്യുന്നതിനെന്താ.. മിത്രയുടെ അപകടത്തിനെ പറ്റി കൂടുതൽ എന്തെങ്കിലും അറിയാൻ കഴിഞ്ഞാലോ.... പക്ഷേ ആ വിശാലിന്റെ ഒലിപ്പീര്... അവൻ്റെ നോട്ടവും പ്രവർത്തിയും ഒന്നും അത്ര വിശ്വാസയോഗ്യമല്ല. പോരാത്തതിന് മനുവും തന്നെ warn ചെയ്യ്ത്തതാണ് വിശാലുമായി അധികം കമ്പനി കൂടരുതെന്ന്... അത് പിന്നെ വിശാൽ പറഞ്ഞത് പോലെ സൂര്യയുടെ കള്ളങ്ങൾ ഞാൻ അറിയാതിരിക്കാൻ വേണ്ടി മനുവിനെ കൊണ്ട് പറയിപ്പിച്ചതാവണം... മിഴി യുടെ മനസ്സിൽ ചിന്തകളുടെ പിടിവലി നടന്നു. മിത്രയെ കുറിച്ച് ആലോചിക്കുമ്പോൾ പോണം എന്ന് തന്നെയാണ്... പക്ഷേ എന്നിട്ടും വിശാലിനെ അത്ര കണ്ട് വിശ്വസിക്കാൻ മനസ്സ് തയ്യാറാവുന്നില്ല... എന്ത് ചെയ്യും??? അപ്പോഴാ ഓഫീസിനുള്ളിലെ മിനി കഫ്റ്റീരിയയിൽ നിന്നും സ്റ്റാഫ്സിന്റെ പൊട്ടിച്ചിരികൾ കേട്ടത്. സൂര്യ സ്ഥലത്ത് ഇല്ലാത്തത് കൊണ്ട് ഇന്ന് എല്ലാവരും നന്നായി അർമാദിക്കുവാണ്.

മിഴി അവരുടെ അടുത്തേക്ക് ചെന്നിരുന്നു. വിശാലിനെ കുറിച്ചും മിത്രയെ കുറിച്ചും കൂടുതൽ ചോദിച്ചറിയാൻ ഇതാണ് പറ്റിയ അവസരം... "ആഹാ.... എന്താ ഇവിടെ ഒരു ചിരിയും കളിയും... ഞാനും കൂടി കേൾക്കട്ടെ ന്നേ..." "ഏയ്യ് ഒന്നുല്ല മേഡം... ഞങ്ങള് ചുമ്മാ.. സൂര്യ സാർ ഇല്ലല്ലോ അതുകൊണ്ട്...." "അല്ല മേഡം സാറ് വീട്ടിലും ഇങ്ങനെ തന്നെയാണോ... ഭയങ്കര ഗൗരവക്കാരനാണോ??" "ഏയ്യ് അങ്ങനെയൊന്നുമില്ല... പിന്നെ സൂര്യയെ നിങ്ങൾക്കൊക്കെ അറിയുന്നതല്ലേ..".. "ആഹ്... സാറിന് ആദ്യമൊന്നും ഇത്ര ഗൗരവം ഉണ്ടായിരുന്നില്ല... ആ മിത്രമേഡത്തിൻ്റെ ആക്സിഡന്റിന് ശേഷമാ സാറ് ഇങ്ങനെ...." ദീപ പറഞ്ഞു. മിത്രയുടെ പേര് കേട്ടതും മിഴിയുടെ കണ്ണുകൾ വിടർന്നു. "ആരാ ഈ മിത്ര???" മിത്രയെ അറിയാത്ത ഭാവം നടിച്ച് ചോദിക്കുമ്പോൾ മിഴിയുടെ ഉള്ളം നീറി... "അയ്യോ.... അത് മേഡം..... " ദീപ വേഗം ചെയറിൽ നിന്നും എഴുന്നേറ്റു. "പറയെഡോ... ഈ പേര് ഇതിന് മുമ്പും ഞാൻ ഇവിടെ കേട്ടിട്ടുണ്ട്... സൂര്യയുടെ ആദ്യത്തെ പിഎ ആയിരുന്നല്ലേ ആ കുട്ടി??? അവൾക്ക് എന്താ പറ്റിയത്??" മിഴി ശാന്തമായി ചോദിച്ചു. "അത് ഞങ്ങൾക്കും കൃത്യമായി അറിയില്ല മേഡം.... മിത്രമേഡം വളരെ നല്ല ആളായിരുന്നു.. ഞങ്ങളോടൊക്കെ നല്ല കമ്പനി ആയിരുന്നു. ഒരൂസം പെട്ടെന്ന് മിത്ര മേഡത്തിന് എന്തൊ ഒരു ആക്സിഡന്റ് പറ്റിയെന്ന് അറിഞ്ഞു.

പിന്നെ ഞങ്ങളാരും മേഡത്തെ കണ്ടിട്ടില്ല..." "അപ്പോ നിങ്ങൾ ആരും ഒന്നും അന്വേഷിച്ചില്ലേ??" "അത് മേഡം.... " ദീപ നിന്ന് വിക്കി. "നീ എന്തിനാ പേടിക്കുന്നേ ദീപേ... അങ്ങോട്ട് പറഞ്ഞു കൊടുക്ക്... മേഡം കൂടി അറിയട്ടെ..." സ്റ്റെല്ല മുന്നോട്ട് വന്നു. ദീപ കണ്ണുകൾ കൊണ്ട് അരുതെന്ന് വിലക്കുന്നുണ്ടെങ്കില്ലും അത് മൈൻഡ് ചെയ്യാതെ സ്റ്റെല്ല പറഞ്ഞു തുടങ്ങി. "മിത്ര മേഡത്തിന് അന്ന് ആക്സിഡന്റ് പറ്റിയ ദിവസം എല്ലാവരും മേഡത്തെ അവസാനമായി കണ്ടത് സൂര്യ സാറിന്റെ ഒപ്പമാണ്. അവർ ഒരുമിച്ച് ഗസ്റ്റ് ഹൗസിലേക്ക് പോയതാ... പിന്നെന്താ സംഭവിച്ചതെന്ന് ആർക്കും അറിയില്ല... സാറിനോട് എന്തെങ്കിലും ചോദിച്ചാൽ കടിച്ച് കീറാൻ വരുമായിരുന്നു. ഒരു മാതിരി ഭ്രാന്ത് എടുത്തത് പോലെ... അന്ന് ആ ഗസ്റ്റ് ഹൗസിൽ എന്ത് സംഭവിച്ചോ ആവോ..." അത്രയും കേട്ടപ്പോഴേക്കും തന്നെ മിഴി യുടെ കണ്ണുകൾ നിറഞ്ഞു. അവൾ വേഗം കഫ്റ്റീരിയയിൽ നിന്നും പുറത്തേക്ക് ഇറങ്ങി. "ൻ്റെ സ്റ്റെല്ലേ... നീ എന്തിനാ മേഡത്തോട് വേണ്ടത്തതൊക്കെ പറയാൻ പോയത്?? മേഡത്തിൻ്റെ മുഖം ഒക്കെ ആകെ മാറി... സൂര്യ സാറൊ മറ്റോ അറിഞ്ഞാൽ പിന്നെ നിന്റെ കാര്യം ഗോവിന്ദ..." അപർണ സ്റ്റെല്ലയെ നോക്കി മുഖം ചുളിച്ചു. "ഓ... പിന്നെ... അങ്ങേര് എന്നെ മൂക്കില് വലിച്ച് കയറ്റും... കൂടി പോയാൽ ജോലി പോകും..

അത് പോയാൽ എനിക്ക് പുല്ലാ... ആ വിശാൽ സാറ് പറഞ്ഞിട്ടുണ്ട് ഈ എക്സ്പീരിയൻസ് വച്ച് എനിക്ക് ഇതിലും നല്ല സാലറി പാക്കേജ് കിട്ടുമെന്ന് 😏😏" സെറ്റല്ല അവളെ നോക്കി ചുണ്ട് കൊട്ടി. "ഓ... അപ്പോ ആ പുളികൊമ്പ് കണ്ടിട്ടുള്ള ചാട്ടമാണല്ലേ നിൻ്റേത്... മ്മം.. നടക്കട്ടെ നടക്കട്ടെ..." എല്ലാവരും അവരവരുടെ വഴിക്ക് പിരിഞ്ഞു പോയി. എല്ലാരുടെയും സംസാരം കേട്ടപ്പോൾ മിഴി ക്ക് സൂര്യയോടുള്ള ദേഷ്യം ഒന്ന് കൂടി ഇരട്ടിച്ചു. ഇനി വിശാലിന് പറയാനുള്ളത് എന്താണെന്ന് കൂടി അറിയണം... കരുതി ഇരുന്നോ സൂര്യാ... നിനക്കുള്ള പണി ഈ മിഴി തന്നിരിക്കും.... മിഴി ദേഷ്യത്തോടെ കൈവിരലുകൾ ഞെരിച്ചുടച്ചു. 🔥🔥 വിശാൽ പറഞ്ഞ സ്ഥലത്ത് കൃത്യസമയത്ത് തന്നെ മിഴി എത്തിച്ചേർന്നു. ചുറ്റും ഒന്ന് കണ്ണോടിച്ചതിന് ശേഷം അവൾ ഐസ്ക്രീം പാർലറിൻ്റെ ഉള്ളിലേക്ക് കയറി. ഒരു കോർണർ സീറ്റിൽ വിശാൽ അവളെയും കാത്ത് ഇരിപ്പുണ്ടായിരുന്നു. "ഹായ് മിഴി... Please sit..." "ഹായ് വിശാൽ... എന്താ പറയാനുണ്ടെന്ന് പറഞ്ഞത്???" "പറയാമോ... താൻ ഇങ്ങനെ ധൃതി കൂട്ടാതെ.. ഭയങ്കര ടെൻഷനിൽ ആണെന്ന് തോന്നുന്നല്ലോ... എന്താ സൂര്യയോട് പറയാതെ വന്നതിൻ്റെയാണോ??? ഒരു പ്രശ്നവും ഉണ്ടാവില്ല... ടെൻഷന് ഐസ്ക്രീം ബെസ്റ്റാ... ഏയ്യ്... ബെയറർ....."

"നോ... വിശാൽ... എനിക്ക് ഒന്നും വേണ്ട.. വീട്ടിൽ പോയിട്ട് കുറച്ചു അത്യാവശ്യം ഉണ്ടായിരുന്നു.." "ഒരു ഐസ്ക്രീം കഴിച്ചു ന്ന് വച്ച് ഒന്നും സംഭവിക്കാൻ പോണില്ല... " വിശാൽ രണ്ട് പേർക്കുമുള്ള ഐസ്ക്രീം ഓർഡർ ചെയ്തു. "മ്മം... ഇനി പറയ്... എന്തൊക്കെ ഉണ്ട് വിശേഷങ്ങൾ???" "ഇന്നലെ ഫോണിൽ വിശാൽ ഒരു പെൺകുട്ടിയുടെ പേര് പറഞ്ഞില്ലേ... സൂര്യയുടെ ആദ്യത്തെ പിഎ ഒരു മിത്ര... ആ കുട്ടിക്ക് എന്താ സംഭവിച്ചത്??? ഓഫീസിൽ പലരും പലതും പറഞ്ഞ് കേൾക്കുന്നുണ്ട്..." "അവര് പറഞ്ഞതിൽ തെറ്റ് പറയാൻ കഴിയില്ല.. സൂര്യയും മിത്രയും അത്രയും അടുപ്പത്തിലായിരുന്നു... മിത്രയെ അവൻ വിവാഹം ചെയ്യും എന്ന് തന്നെയാ ഞങ്ങൾ എല്ലാവരും കരുതിയത്... But......" വിശാൽ പാതിയിൽ നിർത്തി. മിഴിയുടെ മുഖഭാവങ്ങളിൽ ആയിരുന്നു അവൻ്റെ ശ്രദ്ധ... താൻ ബാക്കി പറയുന്നത് കേൾക്കാനുള്ള അവളുടെ ആകാംക്ഷ അവൾ തന്നെ വിശ്വസിച്ചിരിക്കുന്നു എന്നതിൻ്റെ തെളിവാണ്. വിഷം പുരട്ടിയ വാക്കുകളിൽ പൊതിഞ്ഞ് അവൻ സൂര്യയ്ക്ക് എതിരെ കള്ളക്കഥ പറഞ്ഞ് ഉണ്ടാക്കി. അതിന് കരുത്തേകാൻ മിത്രയും സൂര്യയും ഒരുമിച്ചുള്ള ഫോട്ടോസും... "അന്ന് അവൻ മിത്രയോട് എന്തോ മിസ്ബിഹേവ് ചെയ്തു ന്നാ നാട്ടുകാര് പറയുന്നേ.. അതിലൊന്നും ഒരു സത്യവും ഉണ്ടാവില്ല... സൂര്യയെ നമ്മുക്ക് അറിയാവുന്നതല്ലേ...

എന്നാലും പാവം മിത്ര... എന്ത് നല്ലൊരു പെങ്കൊച്ചായിരുന്നു... തന്നെ പോലെ..." കുറുക്കൻ്റെ ബുദ്ധിയായിരുന്നു അവനിൽ... താൻ ചെയ്ത തെറ്റ് കുറ്റബോധത്തിന്റെ ലവലേശം പോലുമില്ലാതെ മറ്റൊരാളുടെ തലയിൽ വച്ച് കൊടുക്കാൻ അവന് യാതൊരു ഉളുപ്പും തോന്നിയില്ല. "സൂര്യയ്ക്ക് ഇടയ്ക്ക് ചില ചെറിയ തെറ്റുകൾ ഒക്കെ പറ്റുമ്പോ ഞാൻ പറഞ്ഞ് തിരുത്താൻ ശ്രമിക്കാറുണ്ടായിരുന്നു. അതിന്റെ പേരിൽ അവന് പണ്ടേ എന്നോട് ചെറിയ ദേഷ്യമുണ്ടായിരുന്നു. മിത്രയുടെ കാര്യത്തിൽ ഞാൻ അവനെ ചോദ്യം ചെയ്യ്ത്തത് അവന് ഒട്ടും പിടിച്ചില്ല... അതാ ഇപ്പോഴത്തെ ഞങ്ങളുടെ വഴക്കിന്റെ പ്രധാന കാരണം... ഇനി ഇതൊന്നും താൻ അവനോട് പോയി ചോദിക്കണ്ട... ശ്രമിച്ചാൽ തനിക്ക് അവനെ മാറ്റിയെടുക്കാവുന്നതേയുള്ളൂ......😌😌" വിശാൽ നല്ല പിള്ള ചമഞ്ഞു. "എങ്കിൽ ഞാൻ ഇറങ്ങുവാണ് വിശാൽ... ലേറ്റായി... Thanks for this information..." മിഴി യുടെ ഉള്ളിൽ സൂര്യയെ ചുട്ട് ചാമ്പലാക്കാനുള്ള പകയെരിഞ്ഞു. "മ്മം.. ഓക്കേ... നമ്മുക്ക് ഇനിയും ഇടയ്ക്ക് ഇങ്ങനെ കാണാം... I will be a good friend for you...." "മ്മം... ഒക്കെ..." മിഴി ഫോണും ബാഗുമെടുത്ത് ഇറങ്ങാൻ തുടങ്ങുമ്പോൾ വിശാൽ വിളിച്ചു. "മിഴീ... താൻ എനിക്ക് ഒരു ഫേവർ ചെയ്തു തരുമോ... ഞാനും സൂര്യയും പാർട്ട്ണർഷിപ്പിൽ ബിസ്സിനസ്സ് ചെയ്തപ്പോഴുള്ള കുറച്ചു ഫയൽസ് സൂര്യയുടെ സിസ്റ്റത്തിലുണ്ട്. അത് താൻ എനിക്ക് ഒന്ന് മെയിൽ ചെയ്തു തരുമോ... പുതിയ ചില ഡീൽസിന് റെഫർ ചെയ്യാൻ വേണ്ടിയിട്ടാ...

ആ മിലൻ ഗ്രൂപ്പുമായുള്ള ഒരു ഫയൽ ഉണ്ട് അത് തനിക്ക് ബുദ്ധിമുട്ട് ആവില്ലെങ്കിൽ... ഒന്ന്... Please..." "ഒക്കെ... അത് ഞാൻ അയച്ച് തരാം... ബൈ..." മിഴി വേഗം അവനോട് യാത്ര പറഞ്ഞ് ഇറങ്ങി. "ഡാ... വിച്ചൂ....... മതിയെഡാ നോക്കിയത്...." ഡേവിഡ് വന്ന് വിശാലിന്റെ തോളിലൂടെ കൈയിട്ടു. "ഉഫ്..... എന്തൊരു സെട്രക്ചറാണ് അളിയാ അവള്.... കാണുമ്പോ തന്നെ കടിച്ച് തിന്നാൻ തോന്നുവാ..." മിഴി പോയ ദിക്കിലേക്ക് നോക്കി അവൻ ചുണ്ടുകൾ കടിച്ചു. "മ്മം.... അല്ലേലും അത് തന്നെയാ നിന്റെ ഉദ്ദേശം എന്ന് എനിക്ക് അറിയാവുന്നതല്ലേ.... നേരെ കാര്യത്തിലേക്ക് കടന്നാൽ പോരായിരുന്നോ എന്തെങ്കിലും കാരണം പറഞ്ഞു വിളിച്ചാൽ അവള് ഇനിയും വരുമെന്ന് ഇപ്പോ ബോധ്യമായില്ലേ.... പിന്നെന്തിന് വേണ്ടിയിട്ടാ നീ എന്നെ കൊണ്ട് നീയും അവളും സംസാരിക്കുന്ന ഫോട്ടോസ് എടുപ്പിച്ചത്?? ഇതിൽ കാര്യമായിട്ട് ഒന്നുമില്ല... ഇതുവച്ച് അവളെ ബ്ലാക്ക് മെയിൽ ചെയ്യ്ത് കാര്യം നേടാൻ കഴിയും ന്ന് നിനക്ക് തോന്നുന്നുണ്ടോ??? " ഡേവിഡ് ഒളിഞ്ഞിരുന്ന് താൻ ക്യാമറയിൽ പകർത്തിയ ചിത്രങ്ങൾ വിശാലിന് കാട്ടി കൊടുത്തു കൊണ്ട് ചോദിച്ചു. "ഏയ്യ്... ഇത് മിഴിക്ക് ഉള്ളതല്ല.. ആ സൂര്യയ്ക്ക് വേണ്ടിയാ ഈ ഫോട്ടോസ്.... " കണ്ണുകളിൽ കുടിലത നിറച്ച് അവൻ പറഞ്ഞപ്പോഴും അവൻ്റെ പ്ലാൻ എന്താണെന്ന് ഡേവിഡിന് മനസ്സിലായില്ല.

"നിനക്ക് മനസ്സിലാവുന്ന രീതിയിൽ ഞാൻ പറഞ്ഞു തരാം... ഒരിക്കൽ നഷ്ടപ്പെട്ടാൽ പിന്നൊരിക്കല്ലും തിരിച്ചു കിട്ടാത്ത ഒന്നുണ്ട്. വിശ്വാസം.... തെളിവുകൾ നിരത്തി സൂര്യ പറഞ്ഞപ്പോ എൻ്റെ പപ്പയ്ക്ക് എൻ്റെ മേൽ നഷ്ടമായത് ആ വിശ്വാസമാണ്... അതുപോലെ ഈ ഫോട്ടോസ് ഉപയോഗിച്ച് ഞാനും ഇല്ലാതാക്കും അവന് മിഴി യുടെ മേലുള്ള വിശ്വാസം... ഇപ്പോഴല്ല അവളുടെ ശരീരം മുഴുവൻ ആസ്വദിച്ചതിന് ശേഷം..." നാവ് കൊണ്ട് ചുണ്ടുകൾ ഉഴിഞ്ഞ് അവൻ ആ രംഗം മനസ്സിൽ ഓർത്തു. അവൻ്റെ ചാരുകണ്ണുകളിൽ അപ്പോൾ മാസം കൊതിക്കുന്ന കഴുകൻ്റെ രൂപമായിരുന്നു. "അവൾ സ്വയം എനിക്ക് വഴങ്ങി തന്നതാണെന്ന് ഈ ഫോട്ടോസ് വച്ച് ഞാൻ അവനെ വിശ്വസിപ്പിക്കും... പിന്നെ അവൾ എത്ര സത്യം പറഞ്ഞാലും അവൻ വിശ്വസിക്കില്ല... സൂര്യ അല്ലേ ആള്... ദേഷ്യം കൊണ്ട് അവൻ അവളെ കൊന്നില്ലെങ്കിൽ ഭാഗ്യം... അവളെയോർത്ത് അവൻ്റെ ജീവിതം നശിക്കണം... അവൻ്റെ ശ്രദ്ധ പാളുന്ന ആ നിമിഷം ബിസ്സ്നസ്സില്ലും അവനെ ഞാൻ തകർക്കും.. എൻ്റെ പപ്പ മരിച്ചത് പോലെ എല്ലാം തകർന്ന് അവസാനം അവനും ചങ്ക് പൊട്ടി മരിക്കണം... ഹാ..... ഹ... ഹാ....." വിശാൽ ഉച്ചത്തിൽ അട്ടഹസിച്ചു. "Wow... വിച്ചു നിൻ്റെ പ്ലാൻ കിടുക്കി... ഒരു വെടിക്ക് രണ്ട് പക്ഷി... സൂര്യ യോടുള്ള പ്രതികാരവും ഒപ്പം അവളുടെ ആ ഇളംമേനിയും...

ഡാ വിച്ചൂ... എനിക്കും കൂടി തന്നേക്കണേ അവളെ... " "തരുമെഡാ... നിനക്കും തരും... കൂടെ നിൽക്കുന്നവർക്ക് എന്തും വാരിക്കോരി കൊടുക്കുന്നവനാ ഈ വിശാൽ.. സൂര്യ മാത്രമായിരുന്നു ന്റെ ലക്ഷ്യം... അപ്പോഴാ അവൾ മുന്നിൽ വന്ന് പെട്ടത്. സൂര്യയും അവളും ഇഷ്ടത്തില്ലാണെന്ന് അറിഞ്ഞ ആ നിമിഷം ഞാൻ ഉറപ്പിച്ചു അവളെയും എനിക്ക് വേണമെന്ന്.... അന്ന് സൂര്യയ്ക്ക് ഒരു പണി കൊടുക്കാൻ വേണ്ടിയാ ഹോട്ടലിൽ പോലീസിനെ കൊണ്ട് അവരെ പിടിപ്പിച്ചത്. അങ്ങനെയാ ഇത്ര വേഗം അവരുടെ കല്ല്യാണം നടന്നത്. അതുകൊണ്ട് എന്താ ഇനിയിപ്പോ അവളെ തൊട്ടാൽ പൊള്ളുന്നത് അവനാ... കല്ല്യാണം കഴിഞ്ഞെങ്കിലും അവർ ഒരുമിച്ച് ജീവിച്ചിട്ടില്ല... അവളെ ആദ്യം സ്വന്തമാക്കുന്നത് ഞാനായിരിക്കും... എൻ്റെയും നിന്റെയുമൊക്കെ എച്ചിൽ ആയതിന് ശേഷമേ അവന് അവളെ കിട്ടൂ...."

"ങ്ങേ... കല്ല്യാണം കഴിഞ്ഞിട്ട് ഇത്ര ദിവസമായിട്ടും അവർ ഒരുമിച്ച് ജീവിച്ചിട്ടില്ലേ???" "ഇല്ലെഡാ... അവൻ്റെ അമ്മൂമ്മേടെ എന്തോ വൃതമാണ് പോലും... അവൻ്റെ വീട്ടിലെ ജോലിക്കാരിൽ ഒരാൾ എൻ്റെ ആളാ... അവിടെ എന്ത് നടന്നാലും ഞാൻ അറിയും.. അവന് യോഗമില്ലെഡാ അല്ലാതെ ഇങ്ങനെയൊരു പെണ്ണിനെയും വച്ച് അവനല്ലാതെ വൃതമെടുക്കാൻ പോകുമോ.... " വിശാലിന്റെ മുഖത്ത് പുച്ഛമായിരുന്നു. വിശാലിനെ കണ്ട് മടങ്ങുമ്പോൾ ആരോ തന്നെ ശ്രദ്ധിക്കുന്നതായി തോന്നി മിഴിയ്ക്ക്. തിരിഞ്ഞ് നോക്കിയപ്പോൾ ആരെയും കണ്ടില്ല. നേരത്തെ വിശാലിനോട് സംസാരിച്ച് ഇരിക്കുമ്പോഴും ഇതേ തോന്നൽ ഉണ്ടായിരുന്നു. ഇനി ആരെങ്കിലും തന്നെ ഫോളോ ചെയ്യുന്നുണ്ടോ??? അകാരണമായ ഒരു ഭയം മിഴിയെ പിടികൂടി. ചുറ്റുപാടും ഒന്ന് കൂടി അവൾ ശ്രദ്ധിച്ച് നോക്കി. സംശയിക്കാൻ പറ്റുന്ന ആരെയും കാണാതെ ആയപ്പോൾ അവൾ വേഗം വീട്ടിലേക്ക് മടങ്ങി....... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...