🔥🔥അഗ്നിയായി അവൾ🔥🔥 : ഭാഗം 22

എഴുത്തുകാരി: മിന്നു

ഷവറിൽ നിന്നും തണുത്ത വെള്ളം നെറുകയിലേക്ക് പതിക്കുമ്പോഴും മിഴിയുടെ ഉള്ളം ചുട്ട് പൊള്ളുകയായിരുന്നു. സൂര്യ യാണ് മിത്രയെ ഉപദ്രവിച്ചത് എന്ന് അറിഞ്ഞ് കൊണ്ട് തന്നെയല്ലേ താൻ ഇങ്ങോട്ട് വന്നത്. എന്നിട്ട് പിന്നെന്തിന് വേണ്ടിയിട്ടാ മറ്റുള്ളവർ അത് വീണ്ടും ആവർത്തിച്ച് പറയുമ്പോൾ തൻ്റെ ഹൃദയം നോവുന്നത്??? സൂര്യയല്ല അത് ചെയ്യ്തതെന്ന് ആരെങ്കിലും ഒരാൾ എങ്കിലും പറഞ്ഞു കേൾക്കാൻ മനസ്സ് വെമ്പുന്നത്... ??? ഉത്തരം അവൾക്ക് മുന്നിൽ തന്നെ പ്രതിഫലിച്ചു നിൽപ്പുണ്ടായിരുന്നു. നിലകണ്ണാടിയിൽ തെളിഞ്ഞു നിന്ന അവളുടെ പ്രതിബിംബം... സീമന്തരേഖയിൽ നിന്നും ഒലിച്ചിറങ്ങിയ സിന്ദൂരവും കഴുത്തിൽ പതിഞ്ഞു കിടക്കുന്ന സൂര്യയുടെ പേര് എഴുതിയ താലിയും... വെള്ളത്തുള്ളികളോടൊപ്പം നെറുകയിലെ സിന്ദൂരത്തിന്റ അവസാനകണികയും ഒലിച്ചിറങ്ങിയപ്പോൾ തന്നിൽ നിന്നും എന്തോ നഷ്ടപ്പെട്ടുന്നതായി തോന്നി അവൾക്ക്. ധൃതിപ്പെട്ട് ഷവർ ഓഫ് ചെയ്യുമ്പോഴും കൈവെള്ളയിൽ പൊതിഞ്ഞു പിടിച്ച താലിയെ നെഞ്ചോട് ചേർത്ത് വച്ചു. സൂര്യയെ വെട്ടികീറാൻ ഇപ്പഴും മനസ്സ് കൊതിക്കുന്നുണ്ട് അപ്പോഴും അരുതെന്ന്... ആരോ ഉള്ളിലിരുന്ന് അലമുറയിട്ടു കരയുന്നു... സർവ്വനാശത്തിനായി വന്നവൾ അല്ലേ ഞാൻ എന്നിട്ടും എന്തുകൊണ്ടാണ് തനിക്ക് ഇങ്ങനെ..

സ്വരുക്കൂട്ടിയ ധൈര്യമൊക്കെ ചോർന്ന് പോകുന്നത് പോലെ... സ്നേഹത്തിനും പരിഗണനയ്ക്കും അപ്പുറമായി സൂര്യയുടെ കണ്ണുകളിൽ തന്നോടുള്ള കാമം കണ്ടിരുന്നുവെങ്കിൽ എന്നേ എനിക്ക് ൻ്റെ ലക്ഷ്യം പൂർത്തിയാക്കി മടങ്ങാമായിരുന്നു. ഓരോ ദിവസവും താൻ അവഗണനകൾ മാത്രം നൽകുമ്പോഴും പരിഭവത്തോടെ വീർപ്പിച്ച് കെട്ടിയ മുഖം പിറ്റേന്ന് വീണ്ടും പ്രതീക്ഷയോടെയാണ് തന്നെ നോക്കുന്നത്...മിത്രയ്ക്ക് മുന്നിൽ സൂര്യ തൻ്റെ ആരുമല്ലെന്ന് പറഞ്ഞു പഠിപ്പിക്കുമ്പോഴും വല്ലാത്തൊരു വേദന തന്നെ വരിഞ്ഞ് മുറുകുന്നു. തനിക്ക് തന്നെ യാതൊരു പിടിയും കിട്ടാത്ത തൻ്റെ മനസ്സിനെ ഓർത്ത് നിന്ന് അവൾ ഉരുകി. ഏറെ നേരം കഴിഞ്ഞാണ് അവൾ ബാത്ത്റൂമിൽ നിന്നും പുറത്തേക്ക് ഇറങ്ങിയത്. കണ്ണുകൾ ചെറുതായി കലങ്ങി കണ്ടപ്പോഴാണ് താൻ കരഞ്ഞിരുന്നു എന്നവൾ ക്ക് ബോധ്യമായത്. ഈറൻ മുടി തുവർത്തുമ്പോൾ വിശാൽ പറഞ്ഞ കാര്യങ്ങളിലായിരുന്നു അവളുടെ മനസ്സ്. വിശാലിനെ അത്ര കണ്ട് വിശ്വസമായിട്ടില്ല. വാക്കുകളിൽ അതിര് കവിഞ്ഞ സ്നേഹപ്രകടനം കള്ളത്തരം ത്തിന്റ ലക്ഷണമാണ്. അവൻ ഇന്ന് എന്നെ വിളിച്ചു വരുത്തിയത് സൂര്യയുടെ കുറ്റങ്ങൾ പറയാൻ തന്നെയാണ് എന്നിട്ട് സ്വയം നല്ലവനായ ഉണ്ണിയാണെന്ന് കാണിക്കാൻ ഇടയ്ക്കിടെ സൂര്യയെ സപ്പോർട്ട് ചെയ്തുള്ള ഓരോ ഡയലോഗും...

നല്ലൊരു സുഹൃത്ത് ഒരിക്കലും മാറിയിരുന്ന് കുറ്റം പറയില്ല എന്ന് അറിയാം... എന്നെ പറഞ്ഞ് വിശ്വസിപ്പിച്ച് മിലൻ ഗ്രൂപ്പുമായുള്ള സൂര്യയുടെ പുതിയ ബിസിനസ് ഡീൽ തട്ടിയെടുക്കാനാ അവൻ്റെ ശ്രമം... അറിഞ്ഞ് കൊണ്ട് തന്നെയാ അതിന് സമ്മതം മൂളിയതും... സൂര്യയോട് നേരിട്ട് ഒരു ഏറ്റുമുട്ടൽ എന്തായാലും തനിക്ക് ഇപ്പോൾ പറ്റില്ല. വിശാൽ മുഖേനേ സൂര്യയ്ക്ക് ബിസിനസിൽ ഒരു അടി കിട്ടുവാണെങ്കിൽ അങ്ങനെ ആയിക്കോട്ടെ ന്ന് കരുതി. ശത്രുവിന്റെ ശത്രു മിത്രം എന്നാണല്ലോ... മുടി ഉണങ്ങാനായി അഴിച്ചിട്ട് മിഴി മുറിയിൽ നിന്നും പുറത്തേക്ക് ഇറങ്ങി. അമ്മയും അച്ഛനും ഏതോ അമ്പലത്തിൽ പോയിരിക്കുകയാണ്. ഋതുവിനെ അന്വേഷിച്ച് മിഴി അടുക്കളയിൽ എത്തി. അവിടെ കാര്യമായ എന്തോ പാകത്തിലാണ് ആൾ. " ചേച്ചി... എന്തുണ്ടാകുവാ???" പിറകിൽ നിന്നും ഋതുവിൻ്റെ തോളിൽ പിടിച്ചു കുലുക്കി കൊണ്ട് മിഴി ചോദിച്ചു. പെട്ടെന്നായത് കൊണ്ട് ഋതു ഒന്ന് ഞെട്ടി പോയി. "ഹോ.... പെണ്ണേ... പേടിപ്പിച്ചു കളഞ്ഞല്ലോ നീയ്യ്... ഞാനോർത്തു ജീവേട്ടൻ ഇത്ര നേരത്തെ വന്നോന്ന്...." ഋതു നെഞ്ചിൽ കൈ വച്ച് കൊണ്ട് തിരിഞ്ഞ് നിന്ന് മിഴിയുടെ കവിളിൽ പിടിച്ച് വലിച്ചു. "ഓ... ഏത് നേരവും ജീവേട്ടൻ്റെ ഓർമ്മയേയുള്ളൂ ചേച്ചിക്ക്.. ഞങ്ങള് ചിലരും ഇവിടെയൊക്കെയുണ്ട് ചേച്ചി..."

മിഴി കുറുമ്പോടെ ഋതുവിൻ്റെ മൂക്കിൻ തുമ്പ് വലിച്ചു വിട്ടു. നാണത്തിൽ കുതിർന്ന പുഞ്ചിരിയായിരുന്നു ഋതുവിൻ്റെ മറുപടി. "ഹലോ... ലേഡീസ് എന്താ ഇവിടെ സംസാരം..." ശബ്ദം കേട്ട് നോക്കിയപ്പോൾ വാതിൽക്കൽ ചിരിച്ചോണ്ട് നിൽപ്പുണ്ട് ജീവ "പറഞ്ഞു നാവെടുത്തില്ല അപ്പോഴേക്കും എത്തിയല്ലോ ചേച്ചിയുടെ ഹീറോ..." മിഴി ഋതുവിൻ്റെ തോളിൽ തോൾ വച്ച് ഒന്ന് തട്ടി. "ൻ്റെ ജീവേട്ടാ ഈ ഋതുചേച്ചി എപ്പഴും ചേട്ടനെ പറ്റി ഓർത്തിരിക്കുവാ...." "ആണോ??? സ്നേഹമുള്ള ഭാര്യമാര് അങ്ങനെയാഡീ പൊട്ടികാളീ..." ജീവ മിഴിയുടെ തലയിൽ ഒന്ന് കൊട്ടി. "എന്നാലും ൻ്റെ ഋതൂസേ... നീ ഇങ്ങനെ എന്താ എപ്പഴും എന്നെ പറ്റി ഓർക്കണേ??? ചുമ്മാതല്ല ഓഫീസിൽ ഇരിക്കുമ്പോ വല്ലാത്ത തുമ്മല്... നീ ഇവിടെ ഇരുന്ന് എന്നെ സ്മരിക്കണതാണല്ലേ...." ജീവ ഋതുവിനോട് ചേർന്ന് നിന്ന് അവൾ അരിഞ്ഞു കൊണ്ടിരുന്ന കാരറ്റിൽ നിന്നും ഒരു പീസ് എടുത്ത് വായിലിട്ടു. ഋതു അവൻ്റെ കൈയിൽ കുഞ്ഞൊരടി വച്ച് കൊടുത്തു. "സ്മരിച്ച് സ്മരിച്ച് ചേച്ചി എന്തായാലും പ്രത്യക്ഷപ്പെട്ടുതിയല്ലോ ചേട്ടനെ... ദത് മതി..." ഋതുവും ജീവയും പരസ്പരം നോക്കി ചിരിച്ചു. "ഞാനേ ഫ്രഷായിട്ട് ഓടി വരാട്ടൊ... " കൈത്തണ്ടയിൽ ഇരുന്ന ബ്ലേസർ എടുത്ത് ചുമലിലേക്ക് ഇട് ജീവ മുറിയിലേക്ക് പോയി. "ചേച്ചി എന്താ ഉണ്ടാക്കണത്.??? ഞാനും ഹെൽപ്പ് ചെയ്യാം..."

"കാരറ്റ് കേക്ക് ഉണ്ടാക്കുവാ... ജീവേട്ടന് ഇത് ഒത്തിരി ഇഷ്ടവാ...". "ഓ.... ഇതെങ്ങനെയാ ഉണ്ടാകുന്നേ??" മിഴിയും ഋതുവും എന്തൊക്കെ സംസാരിച്ചു നിൽക്കുമ്പോഴും ജീവ വേഗം ഫ്രഷായി വന്നു. പിന്നെ മൂന്നാളും ഒരുമിച്ചായി പാചകം. "ആഹ്....." സംസാരിച്ചു കൊണ്ട് കാരറ്റ് കട്ട് ചെയ്യുന്നതിനിടയിൽ കത്തി കൊണ്ട് മിഴി യുടെ വിരൽ ചെറുതായി ഒന്ന് മുറിഞ്ഞു. "എന്താ പറ്റിയേ മോളേ??" ജീവ ഓടി വന്ന് അവളുടെ കൈയിൽ പിടിച്ചു. "അയ്യോ... ചോര വരുന്നുണ്ടല്ലോ... ഋതു ഇങ്ങോട്ട് നോക്കണ്ട ട്ടോ.." ജീവ മിഴിയെ അടുത്തുള്ള ചെയറിൽ പിടിച്ചിരുത്തി. മിഴി വേദന കൊണ്ട് മുഖം ചുളിച്ചു. കമ്പോർഡ് തുറന്ന് ജീവ തന്നെ അവളുടെ മുറിവ് വച്ച് കെട്ടി. "ഋതുവിനേ ചോര കണ്ടാൽ തല കറങ്ങും... അതാ... ചെറിയ മുറിവാ... നാളത്തേക്ക് ഉണങ്ങിക്കോളും... മോള് പേടിക്കണ്ടട്ടോ..." ജീവ വാൽസല്യത്തോടെ മിഴി യുടെ നെറുകയിൽ തലോടി. ഒരു സഹോദരൻ്റെ സ്നേഹം... ഏറെ നാളായി കിട്ടാത്തിരുന്ന ഒരു ചേർത്ത് പിടിക്കൽ... മിഴി യുടെ മനം നിറഞ്ഞു. "ചോര പോയതല്ലേ... ക്ഷീണം കാണും ന്ന് പറഞ്ഞ് ജീവ മിഴിയ്ക്ക് ജ്യൂസ് ഉണ്ടാക്കി കൊടുത്തു. വേണ്ടെന്ന് പറഞ്ഞിട്ടും അവൻ അവളെ നിർബന്ധിച്ച് കുടിപ്പിച്ചു. എന്തൊരു സ്നേഹവും കരുതലുമാണ് ജീവേട്ടന് എല്ലാവരുടെയും കാര്യത്തിൽ... മിഴി ചിരിയോടെ അവനെ നോക്കി

അപ്പോഴും എന്തൊക്കെയോ കളിതമാശക്കൾ പറഞ്ഞ് പൊട്ടിച്ചിരിക്കുകയായിരുന്നു ഋതുവും ജീവയും... അപ്പോഴേക്കും അച്ഛനും അമ്മയും തിരിച്ചെത്തി. കുറച്ചു സമയത്തിനുള്ളിൽ സൂര്യയും എത്തി. അന്ന് അവർ എല്ലാവരും ഒരുമിച്ചായിരുന്നു ഭക്ഷണം കഴിച്ചത്. മിഴി യുടെ വിരൽത്തുമ്പിൽ കെട്ട് കണ്ടപ്പോൾ സൂര്യ പരിഭ്രമത്തോടെയാണ് കാര്യം ചോദിച്ചത്. ഒരു ഒഴുക്കൻ മട്ടിൽ ഉത്തരം നൽകി അവൾ അവനിൽ നിന്നും അകന്നു മാറി നിന്നു. 🔥🔥 പിറ്റേന്ന് ഓഫീസിലെത്തിയപ്പോൾ മിഴി ആദ്യം ചെയ്യ്ത്തത് വിശാൽ ആവശ്യപ്പെട്ട ഫയൽ അയച്ചു കൊടുക്കൽ ആയിരുന്നു. ആ ഫയൽ കമ്പനിക്ക് എത്രമാത്രം ഇംപോർട്ടന്റ് പ്രോജക്ട് ആണെന്ന് അവൾ കൃത്യമായി അറിയാമായിരുന്നു. മറ്റന്നാൾ ഹാൻഡ് ഓവർ ചെയ്യേണ്ട പ്രോജക്ട് ആണ്. കഴിഞ്ഞ മൂന്ന് മാസമായി എല്ലാവരും ഇതിന് പിന്നാലെയാണ്. ഇതുമൂലം സൂര്യ ക്ക് വലിയ നഷ്ടം സംഭവിക്കും അത് തന്നെയായിരുന്നു അവളുടെ ആവശ്യവും... "ഇത് ചെറിയ ശിക്ഷയാണ് സൂര്യാ... നിനക്ക് മിഴി നൽകാൻ പോകുന്ന നഷ്ടങ്ങളുടെ ചെറിയൊരു ട്രയൽ മാത്രമാണിത്...." മിഴി യുടെ മുഖത്ത് ക്രൂരത നിറഞ്ഞ ഒരു ചിരി വിടർന്നു. വിശാലിനും സന്തോഷമായിരുന്നു മിഴിയെ തൻ്റെ വരുതിയിലാക്കിയത് ഓർത്ത് അവൻ സ്വയം അഭിമാനം കൊണ്ടു. 🔥🔥

Monday morning സൂര്യയുടെത് അടക്കം പല കമ്പനികളും മിലൻഗ്രൂപ്പ്സിൻ്റെ ഓഫീസിന് മുന്നിൽ വെയ്റ്റിങ്ങിലാണ്. സൂര്യയും മിഴിയുമാണ് പ്രോജക്ട് സബ്മിറ്റ് ചെയ്യാൻ എത്തിയത്. വിശാൽ സൂര്യയെ നോക്കി ഒരു പുച്ഛചിരി ചിരിച്ചു. സൂര്യ അത് മൈൻഡാകാനേ പോയില്ല. മിഴിയും വിശാലിനോട് പരിചയഭാവം കാണിക്കാൻ നിന്നില്ല. ഓരോരുത്തരെയായി വിളിച്ച് പ്രോജക്ടിൻ്റെ ഡീൻ്റെയ്ൽ ചോദിച്ചറിഞ്ഞ് ഏറ്റവും ബെസ്റ്റ് തിരഞ്ഞെടുക്കുകയാണ് അവിടെ. ഏറ്റവും ഒടുവിലായി ആയിരുന്നു സൂര്യയുടെ ഊഴം.. അതിന് മുമ്പ് മിഴി അയ്യച്ചു തന്ന പ്രോജക്ട് സബ്മിറ്റ് ചെയ്ത വിശാലിന്റെ വല്ലാത്ത ആത്മവിശ്വാസമായിരുന്നു. സൂര്യയുടെ പ്രോജക്ട് എന്തായാലും മികച്ചതായിരിക്കും എന്ന് അവന് ഉറപ്പായിരുന്നു. താൻ ആദ്യം പ്രേസൻ്റ് ചെയ്ത സ്ഥിതിക്ക് ഇനി അതേ പ്രോജക്ട് സൂര്യ സബ്മിറ്റ് ചെയ്യ്താൽ അവന് ആ പ്രോജക്ട് കിട്ടില്ലെന്ന് മാത്രമല്ല അവൻ്റെ കമ്പനിയുടെ ക്രഡിബിലിറ്റിയെ കൂടി അത് ബാധിക്കുമെന്ന് ഓർത്തപ്പോൾ വിശാൽ ഉൾപുളകം കൊണ്ടു. "നീ ഏറെ നാളായി കഷ്ടപ്പെട്ട് വളർത്തി കൊണ്ട് വന്ന നിൻ്റെ ബിസ്സിനസ്സ് തകരാൻ ഇനി നിമിഷങ്ങൾ മാത്രം സൂര്യാ... Your countdown starts now...." ആരുടെ പ്രോജക്ട് ആണ് അപ്രൂവൽ ആയതെന്ന് അറിയാൻ എല്ലാവരും ആകാംഷയോടെ കാത്തിരുന്നു. അപ്പോഴാണ് മിലൻ ഗ്രൂപ്പ്സിൻ്റെ MD റിസൽട്ട് അനൗൺസ് ചെയ്യാൻ അങ്ങോട്ടേക്ക് വന്നത്........ തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...