🔥🔥അഗ്നിയായി അവൾ🔥🔥 : ഭാഗം 23

എഴുത്തുകാരി: മിന്നു

വിശാലിന് ഉറപ്പായിരുന്നു ഈ പ്രോജക്ട് തനിക്ക് തന്നെ ലഭിക്കുമെന്ന്. അപ്പോഴാണ് റിസൽട്ട് അനൗൺസ് ചെയ്യാനായി മിലൻ ഗ്രൂപ്പ്സിൻ്റെ MD അങ്ങോട്ടേക്ക് വന്നത്. "Good morning everyone... ഞങ്ങളുടെ പുതിയ ബിസിനസ് ഡീലിന് വേണ്ടി ഇന്ന് ഇവിടെ എത്തിച്ചേർന്നവർ എല്ലാവർക്കും സ്വാഗതം... ഒരുപാട് പ്രോജക്ട്സ് ഇന്ന് ഞങ്ങൾ ഇവിടെ ലഭിച്ചു. അതിൽ ഞങ്ങളുടെ കമ്പനിയ്ക്ക് ഏറ്റവും അനുയോജ്യമായ ഒരു പ്രോജക്ട് ലഭിച്ചതിൽ ഒത്തിരി സന്തോഷമുണ്ട്. ആ പ്രോജക്ട് സബ്മിറ്റ് ചെയ്യ്തിരിക്കുന്നത് Mr. സൂര്യാംശ് വിശ്വനാഥൻ SV ഗ്രൂപ്സിൻ്റെ MD... Congrats Mr.സൂര്യാംശ്...ഇനിയുള്ള ഞങ്ങളുടെ എല്ലാ പ്രോജക്ട്സും സൂര്യയുടെ SV ഗ്രൂപ്പ്സിന് ആയിരിക്കുമെന്ന് ഞങ്ങൾ സന്തോഷപൂർവ്വം അറിയിച്ചുകൊള്ളുന്നു." ചുറ്റും നിറഞ്ഞ കൈയടി ശബ്ദം. അഹങ്കരിച്ചു നിന്ന വിശാൽ ഒരു നിമിഷം കൊണ്ട് ചൂളി പോയി. ആ ഡീൽ മറ്റാർക്ക് കിട്ടിയാലും സൂര്യയ്ക്ക് കിട്ടില്ല എന്ന് ഉറപ്പിച്ച് തന്നെയാണ് മിഴിയും നിന്നിരുന്നത്. ഇരുവരുടേയും പ്രതീക്ഷകൾ തെറ്റിച്ചു കൊണ്ട് മിലൻ ഗ്രൂപ്പുമായുള്ള പ്രോജക്ട് സൂര്യയ്ക്ക് തന്നെ കിട്ടി എന്നറിഞ്ഞപ്പോൾ രണ്ടാളും അന്താളിച്ചു പോയി.

സൂര്യ നിറഞ്ഞ പുഞ്ചിരിയോടെ മിഴിയുടെ കൈ കവർന്നു. അവളുടെ വലംകൈയിൽ വിരലുകൾ കോർത്തു പിടിച്ചു. അവൻ്റെ സന്തോഷം മുഴുവനും ഉണ്ടായിരുന്നു അതിൽ. പലരും അവനെ അഭിനന്ദിക്കാൻ ചുറ്റും കൂടിയപ്പോഴും മിഴിയേ അവൻ തന്നിലേക്ക് ചേർത്തു പിടിച്ചിരുന്നു. ആ കാഴ്ച കണ്ട് നിൽക്കാനാവാതെ പല്ല് ഞെരിച്ചു കൊണ്ട് വിശാൽ ഇറങ്ങി പോയി. സൂര്യയെ പ്രോജക്ട് സൈൻ ചെയ്യാനായി മിലൻ ഗ്രൂപ്പ്സിൻ്റെ MD ക്യാമ്പിനിലേക്ക് വിളിപ്പിച്ചു. മിഴിയെ പുറത്ത് നിർത്തി സൂര്യ ഉള്ളിലേക്ക് ചെന്നു. സൂര്യ പോയതും മിഴിയുടെ ഫോണിലേക്ക് വിശാലിന്റെ കോൾ വന്നു. ആരും ശ്രദ്ധിക്കുന്നില്ല എന്ന് ഉറപ്പാക്കിയ ശേഷം ഒഴിഞ്ഞ ഒരു കോർണറിലേക്ക് മാറിനിന്ന് അവൾ ആ കോൾ അന്ററ്റ് ചെയ്തു. "എങ്ങനെയാ ഈ പ്രോജക്ട് സൂര്യയ്ക്ക് ലഭിച്ചത്??" കോൾ എടുത്ത വഴി ദേഷ്യത്തോടെ വിശാൽ ആദ്യം അതാണ് ചോദിച്ചത്. "എനിക്ക് എങ്ങനെ അറിയാം... എന്നോട് എന്തിനാ ചോദിക്കുന്നേ???" മിഴിയും തിരിച്ച് ദേഷ്യപ്പെട്ടു. "നീ അയച്ചുതന്ന പ്രൊജക്റ്റ് ആണ് ഞാൻ സബ്മിറ്റ് ചെയ്തത്. ആദ്യം പ്രസന്റ് ചെയ്യ്ത എനിക്ക് കിട്ടാത്ത പ്രോജക്റ്റ് എങ്ങനെ അവന് കിട്ടി??? പറയ്... നീ എന്നെ ചതിക്കുവായിരുന്നു അല്ലേ???" "ഞാൻ ചതിച്ചുന്നോ😠😠😠 നീ അല്ലേ എന്നെ പറഞ്ഞ് പറ്റിച്ചത്...

മിലൻ ഗ്രൂപ്പുമായുള്ള പ്രോജക്ടിൻ്റെ പഴയ ഫയൽ റെഫർ ചെയ്യാൻ വേണം ന്ന് പറഞ്ഞിട്ടല്ലേ ഞാൻ ഫയൽ അയച്ചു തന്നത്... അപ്പോ താനല്ലെഡോ എന്നെ ചതിച്ചത്..." മിഴി പിന്നെയും ദേഷ്യത്തോടെ എന്തോ പറയാൻ തുടങ്ങുമ്പോഴേക്കും അപ്പുറം കോൾ കട്ടായി. വിശാലുമായി തെറ്റിയത് വലിയ കാര്യമായി ഒന്നും മിഴി ക്ക് തോന്നിയില്ല. എന്നാലും സൂര്യയ്ക്ക് എങ്ങനെയായിരിക്കും ഈ പ്രോജക്ട് ലഭിച്ചത് എന്നായിരുന്നു മിഴിയുടെ ചിന്ത. അപ്പോഴേക്കും സൂര്യ പുറത്തേക്ക് വന്നു. അകത്തേക്ക് പോയത് പോലെയല്ല മുഖമൊക്കെ ആകെ വീർപ്പിച്ച് കെട്ടിയ അവസ്ഥയിലായിരുന്നു.. "എന്തുപറ്റി സൂര്യ???" ദേഷ്യത്തോടെ വരുന്ന അവനെ കണ്ട് മിഴി ഒന്ന് വിരണ്ടു. ഒന്നും മിണ്ടാതെ കാറ്റ് പോലെ വന്നവൻ മിഴിയുടെ കൈയും പിടിച്ച് പുറത്തേക്ക് ഇറങ്ങി. എന്താ കാര്യം എന്ന് പിന്നെയും അവൾ ചോദിച്ചെങ്കിലും സൂര്യ ഒന്നും പറഞ്ഞില്ല. സൂര്യയുടെ മുഖം ദേഷ്യത്താൽ വലിഞ്ഞു മുറുകി ഇരിക്കുകയാണ്. സൈൻ ചെയ്യാൻ കയറിയപ്പോൾ എന്തോ സംഭവിച്ചിട്ടുണ്ട് അല്ലാതെ ഇത്രയും ദേഷ്യപ്പെട്ടില്ല. ഇനി അവൻ വല്ലതും അറിഞ്ഞു കാണുമോ എന്നവൾ ഭയപ്പെട്ടു. മനസ്സിൽ കള്ളത്തരം ഉള്ളതുകൊണ്ട് പിന്നീടവൾ ഒന്നും ചോദിക്കാൻ നിന്നില്ല.

അവരെയും വഹിച്ചു കൊണ്ട് സൂര്യയുടെ കാർ ജെറ്റ് പോലെ ഓഫീസിലേക്ക് കുതിച്ചു. മിഴി പേടിച്ച് വിറച്ച് ഇരിപ്പായിരുന്നു. ചെന്നിയിലൂടെ വിയർപ്പ് തുള്ളികൾ കഴുത്തിലേക്ക് ഒലിച്ചിറങ്ങി. വിശാൽ സബ്മിറ്റ് ചെയ്യ്ത്തത് താൻ അയ്യച്ചു കൊടുത്ത പ്രോജക്ട് ആണെന്ന് എങ്ങാനും സൂര്യ മനസ്സിലാക്കി കാണുമോ.... താനാണ് ഇതിന് പിന്നിൽ എന്നറിഞ്ഞാൽ സൂര്യയുടെ പ്രതികരണം എങ്ങനെയാകുമെന്ന് ഓർക്കുന്തോറും അവളുടെ ശരീരം കിടുകിടാ വിറച്ചു. "ഇറങ്ങ്....." സൂര്യയുടെ ഉച്ചത്തിലുള്ള ശബ്ദം കേട്ടപ്പോഴാണ് ഓഫീസിലെത്തി എന്ന് അവൾക്ക് മനസ്സിലായത്. "ഇമിഡിയേറ്റായി എല്ലാ സ്റ്റാഫിനോടും മീറ്റിംഗ് ഹാളിൽ റിപ്പോർട്ട് ചെയ്യാൻ പറയ്... നീയും അവിടെ ഉണ്ടാകണം... അഞ്ചു മിനുട്ട് സമയം തരും അപ്പോഴേക്കും എല്ലാവരും അവിടെ എത്തിയിരിക്കണം... Do you got it???" ഡോർ തുറന്ന് പുറത്തിറങ്ങിയ സൂര്യ കുനിഞ്ഞ് കാറിലിരിക്കുന്ന മിഴിയോടായി പറഞ്ഞു. "മ്മം...." മിഴി പേടിയോടെ തലയാട്ടി. എന്താണ് അവൻ ചെയ്യാൻ പോകുന്നത് എന്ന് അവൾക്ക് ഒരു പിടിയും കിട്ടിയില്ല. മിഴി അടക്കം ഓഫീസിൽ എല്ലാ സ്റ്റാഫും മീറ്റിംഗ് ഹാളിൽ നിരന്നിരുന്നു. എല്ലാവരും സൂര്യയ്ക്കായി വെയ്റ്റ് ചെയ്യുകയായിരുന്നു. എന്തുകൊണ്ടാ പെട്ടെന്ന് ഇങ്ങനെ ഒരു മീറ്റിംഗ് എന്നറിയാതെ സ്റ്റാഫ്സിനിടയിൽ ഒരു മുറുമുറുപ്പ് ഉയർന്നു.

മിഴിക്ക് പേടിച്ച് തൊണ്ടയിലെ വെള്ളമൊക്കെ വറ്റി പോയത് പോലെ തോന്നി. എല്ലാവരുടെയും മുന്നിൽ വച്ച് സൂര്യ തൻ്റെ ദേഷ്യം തീർത്താൽ... ആ അപമാനം മിഴിക്ക് ഓർക്കാനേ കഴിഞ്ഞില്ല. തല താഴ്ത്തി നിൽക്കുകയായിരുന്നു അവൾ. മീറ്റിംഗ് ഹാളിന്റെ വാതിൽ തള്ളി തുറന്ന് സൂര്യ കടന്ന് വന്നു. കൈയിൽ എന്തൊക്കെയോ പേപ്പർസ് ഉണ്ടായിരുന്നു. സ്റ്റാഫ്സ് എല്ലാവരും അവനെ കണ്ടതും എഴുന്നേറ്റു നിന്നു. "സിറ്റ്.. എല്ലാവരും ഇരിക്ക്... പെട്ടെന്ന് എന്തിനാ എല്ലാവരെയും വിളിച്ചു ചേർത്തത് എന്ന് ആലോചിക്കുന്നു ഉണ്ടാകും അല്ലേ... നിങ്ങളോട് കുറച്ചു കാര്യങ്ങൾ സംസാരിക്കാനുണ്ട്... ഫസ്റ്റ് ഒരു ഗുഡ് ന്യൂസ്... മിലൻ ഗ്രൂപ്പുമായുള്ള പ്രോജക്ട് നമ്മുക്ക് തന്നെ ലഭിച്ചിരിക്കുന്നു.....". "Wow......" എല്ലാവരും സന്തോഷത്തോടെ കൈയടിച്ചു. "Stop.... മതി സന്തോഷം പ്രകടനം..." സൂര്യ കൈയുയർത്തി തടഞ്ഞു. അവനിലെ ഭാവമാറ്റം കണ്ടതും ശബ്ദകോലാഹലങ്ങൾ സ്വിച്ചിട്ടത് പോലെ നിന്നു. "ഇനി ഞാൻ ചോദിക്കാൻ പോകുന്നതിന് കൃത്യമായ ഉത്തരം ലഭിക്കണം എനിക്ക്.. മിഴി ഇവിടെ വാ... എൻ്റടുത്ത് വന്ന് നിൽക്ക്...."

സൂര്യയുടെ വിളി കേട്ടപ്പോഴാണ് മിഴി തലയുയർത്തിയത്. "വരാൻ.....". സൂര്യ കടുപ്പിച്ച് വിളിച്ചപ്പോൾ മിഴി പേടിയോടെ അവൻ്റടുത്തേക്ക് ചെന്ന് നിന്നു. ഇത്ര നാളും തന്നെ ബഹുമാനത്തോടെ കണ്ടിരുന്നവരുടെ മുന്നിൽ അപഹാസ്യയായി നിൽക്കേണ്ടി വരുന്ന അവസ്ഥ മിഴിക്ക് ആലോചിക്കാനേ കഴിഞ്ഞില്ല..... "ഇനി പറയ് നിങ്ങളിൽ ആരാ എന്നെ ചതിച്ചത്??? ഈ കമ്പനിയെ ഇല്ലാതാക്കാൻ കൂട്ട് നിന്നത്??? കൈ രണ്ടും നെഞ്ചിൽ പിണച്ചു കെട്ടി അവൻ ഓരോരുത്തരുടെയും മുഖം സസൂക്ഷ്മം നോക്കി കൊണ്ട് ചോദിച്ചു. അവൻ പറഞ്ഞതെന്താണെന്ന് മനസ്സിലാവാതെ എല്ലാവരും പരസ്പരം നോക്കി. "Look here.... എനിക്ക് അറിയണം ആരാ എന്നെ ചതിച്ചതെന്ന്... എൻറെ കൂടെ വർക്ക് ചെയ്ത് എൻറെ ശമ്പളം എണ്ണി വാങ്ങി ഏതവനാ എന്നെ ചതിച്ചത് എന്ന് എനിക്കറിയണം... അവൻ ദേഷ്യത്തോടെ മുഷ്ടി ചുരുട്ടി ടേമ്പിളിൽ ഇടിച്ചു. "ഡാ... സൂര്യാ... നീ എന്തായീ പറയുന്നേ... ആര് ചതിച്ചുന്നാ....." മനു സൂര്യയുടെ അടുത്തേക്ക് വന്നു. "ചോദിക്ക് ഇവരോട് തന്നെ ചോദിക്ക്... കൂട്ടത്തിലെ ഒറ്റുക്കാരൻ ആരാണെന്ന്....

എന്നെ പിന്നിൽ നിന്നും കുത്തി ആ വിശാലിന് മാമ്മാ പണി ചെയ്യുന്നത് ഏത് @€$#&&'! മോനാണെന്ന് പറയാൻ പറയ്...." സൂര്യ നിന്ന് അലറി. "നിന്നെ ചതിച്ചുന്നോ എങ്ങനെ???" മനു വീണ്ടും ചോദിച്ചു. "ഇന്നത്തെ നമ്മുടെ പ്രോജക്ട് ആരോ ആ വിശാലിന് ചോർത്തി കൊടുത്തിരിക്കുന്നു... ഈ കൂട്ടത്തിൽ തന്നെ ആരോ ഒരാൾ... ഭാഗ്യത്തിന് അവന് കിട്ടിയത് എൻറെ സിസ്റ്റത്തിൽ സൂക്ഷിച്ച ഡമ്മി ഫയൽ ആയിരുന്നു. അല്ലായിരുന്നുവെങ്കിൽ എന്താകുമായിരുന്നു ഇന്ന്.... ഞാൻ കഷ്ടപ്പെട്ട് ഉണ്ടാക്കി കൊണ്ടുവന്ന ഈ കമ്പനിയുടെ ക്രെഡിബിലിറ്റി... നമ്മുടെ ഇത്രയും നാളത്തെ അധ്വാനം എല്ലാം ഒറ്റദിവസം കൊണ്ട് ഇല്ലാതായേനേ... എനിക്കറിയണം ആരാ എന്നോട് ഈ ചതി ചെയ്ത്തതെന്ന്.... '" സൂര്യയുടെ ആക്രോശം കേൾക്കുന്തോറും തൊട്ടടുത്തുനിന്ന മിഴി ആലില പോലെ നിന്ന് വിറച്ചു. "സത്യമാണോ സൂര്യ നീ ഈ പറയുന്നേ... നമ്മുടെ കൂട്ടത്തിൽ അങ്ങനെയൊരു ചതിയൻ ഉണ്ടെങ്കിൽ അത് ആരാണെന്ന് അറിഞ്ഞേ തീരൂ...." മനുവും സ്റ്റാഫ്സിന് നേരെ തിരിഞ്ഞു. "അഞ്ച് മിനുട്ട് ഞാൻ സമയം തരും...

അതിനുള്ളിൽ തെറ്റ് ചെയ്ത്തത് ആരാണെന്ന് ഏറ്റു പറഞ്ഞാൽ ശിക്ഷയുടെ കാഠിന്യവും കുറയും..... ഞാനായിട്ടാണ് കണ്ടുപിടിക്കുന്നതെങ്കിൽ....." വിരൽ ചൂണ്ടി സൂര്യ ഭീഷണി പോലെ പറഞ്ഞു നിർത്തി. എല്ലാവരും നിശ്ശബ്ദരായിരുന്നു. ഇടയ്ക്ക് ചിലരുടെ നോട്ടം സ്റ്റെല്ല യുടെ മേലെയായിരുന്നു. അന്ന് കഫ്റ്റീരിയയിൽ വച്ച് അവൾ വിശാലിന്റെ കമ്പനിയിലേക്ക് നല്ലൊരു ഓഫർ വന്നിട്ടുണ്ടെന്ന് പറഞ്ഞിരുന്നല്ലോ.... പലർക്കും അവളെ ആയിരുന്നു സംശയം... അവളാണെങ്കിൽ എന്താ ഇങ്ങനെ നോക്കണത് എന്ന മട്ടിൽ ബ്ലിങ്കസ്യാ ന്ന് നിൽക്കുവാ.. എല്ലാവരെയും സൂക്ഷ്മമായി നിരീക്ഷിക്കുന്ന സൂര്യ അത് പ്രത്യേകം നോട്ട് ചെയ്യുകയും ചെയ്തു. "ഓക്കേ... സമയം കഴിഞ്ഞു.. അപ്പോ ആരും തെറ്റ് ഏറ്റു പറയാൻ തയ്യാറല്ല... എന്നാൽ എല്ലാവർക്കും പോകാം... ഞാൻ കണ്ടുപിടിച്ചോളാം... അന്ന് ഇതുപോലെ ശാന്തമായിരിക്കില്ല എൻ്റെ മുഖം... ഓർത്തോ എല്ലാവരും...." സൂര്യയുടെ ശബ്ദമുയർന്നു കേട്ടതും എല്ലാവരും വേഗം ഹാളിനു പുറത്തേക്കു നടന്നു. "ഒന്ന് നിന്നെ എല്ലാവരും.." എല്ലാവരും തിരിഞ്ഞ് നോക്കിയതും സൂര്യ മിഴിയെ തന്നിലേക്ക് ചേർത്തണച്ചു പിടിച്ചു. "ഇപ്പൊ നടന്ന ഈ ചതി ബിസ്നസ്സിൽ മാത്രമല്ല എൻ്റെ പേഴ്സണൽ ലൈഫിനെയും ലക്ഷ്യം വച്ചുള്ളതാണെന്ന് എനിക്കറിയാം...

അവര് കേൾക്കാൻ വേണ്ടി പറയുവാ... She is my wife and I believe her more than me... പോയി പറഞ്ഞേക്ക് ആ വിശാലിനോടും..." സൂര്യയുടെ ശബ്ദം ആ ഹാളിൽ പ്രതിധ്വനിച്ചു കേട്ടു. "She is my wife and I believe her more than me..." സൂര്യയുടെ ആ വാക്കുകൾ ശ്രവിക്കവേ ഇപ്പഴും നൻമ വറ്റാത്തിരുന്ന ഹൃദയത്തിൻ നിന്നും മുളപൊട്ടിയ കുറ്റബോധത്തിന്റെ തീ ചൂളയിൽ ആകപ്പെട്ടു പോയി മിഴി. "അതെന്താഡാ നീ ഇപ്പോ അങ്ങനെ പറഞ്ഞത്???" എല്ലാവരും പോയെന്ന് ഉറപ്പിച്ചതിനുശേഷം മനു സൂര്യ യോട് ചോദിച്ചു. " വിശാലിന്റെ കമ്പനിയിലേക്ക് മെയിൽ പോയിരിക്കുന്നത് മിഴിയുടെ സിസ്റ്റത്തിൽ നിന്നാണ്..." സൂര്യയുടെ മറുപടി കേട്ട് അവൻറെ കൈക്കുളിൽ നിന്നുകൊണ്ട് തന്നെ മിഴി ഒന്ന് വിറച്ചു. ഞെട്ടി കൊണ്ട് അവൻ്റെ മുഖത്തേക്ക് ഉറ്റു നോക്കുമ്പോഴും അവനിൽ യാതൊരു ഭാവമാറ്റവും ഉണ്ടായിരുന്നില്ല. " എനിക്കറിയാം ആരോ മിഴിയേ മനപ്പൂർവം ഇതിൽ കുടുക്കാൻ ശ്രമിച്ചതാണ്. ഒരാഴ്ചയായി നമ്മുടെ സിസിടിവി പ്രവർത്തിക്കാത്തത് കൊണ്ട് അതറിഞ്ഞു വച്ച ആരോ ഇവൾക്ക് പണി കൊടുത്തതാ.. എങ്ങനെയെങ്കിലും ഞാൻ കണ്ടുപിടിക്കും അതാരാണെന്ന്... വെറുതെ വിട്ടില്ല ഞാൻ... മുന്നിൽ നിന്ന് പോരാടുന്ന ശത്രുവിനെ അല്ല കൂടെ നിന്ന് ചതിക്കുന്ന ഇന്ന് ഇത്തരം ......"

പറഞ്ഞു പൂർത്തിയാകാതെ മിഴിയെ അടക്കിപ്പിടിച്ച് അവൻ തൻ്റെ ദേഷ്യത്തെ നിയന്ത്രിക്കാൻ ശ്രമിച്ചു കൊണ്ടിരുന്നു. "ഡാ... സൂര്യാ നിന്റെ വീട്ടിന്നാ കോൾ... എത്രയും പെട്ടെന്ന് നിന്നോടും മിഴിയോടും അങ്ങോട്ടേക്ക് ചെല്ലാൻ... എന്തോ അത്യാവശ്യ കാര്യമുണ്ടെന്ന്..." മനു വന്ന് പറഞ്ഞു. "മ്മം... അല്ലെങ്കിലും ഞാൻ ഇറങ്ങുവാ... ഇന്നിനീ ഇവിടെ നിന്നാൽ ശരിയാകില്ല... അമ്മ എന്താ കാര്യമെന്ന് പറഞ്ഞോ???" "ഇല്ല... നിങ്ങളോട് എത്രയും പെട്ടെന്ന് ചെല്ലാനേ പറഞ്ഞുള്ളൂ...." "മ്മം....." സൂര്യ മിഴിയെയും കൂടി പുറത്തേക്ക് നടന്നു. ആ നേരമത്രയും സൂര്യയുടെ നെഞ്ചോട് ചേർന്ന് നിൽപ്പായിരുന്നു അവൾ. കാറിന്റെ ഡോർ തുറന്ന് മിഴിയെ കോഡ്രൈവർ സീറ്റിലേക്ക് ഇരുത്തി അവൻ ഡ്രൈവിംഗ് സീറ്റിൽ ചെന്നിരുന്നു. ഒന്ന് നീട്ടി ശ്വാസം വലിച്ച് വിട്ട് മൈൻഡ് ഫ്രീയാക്കി അവൻ കാർ മുന്നോട്ട് എടുത്തു. ഇടയ്ക്ക് തല ചെരിച്ച് നോക്കിയപ്പോൾ മിഴി പുറത്തേക്ക് നോക്കി ഇരിക്കുകയാണ്. "എന്താഡോ ആലോചിക്കുന്നേ... ഓഫീസിലെ കാര്യമാണോ... ബിസ്സിനസ്സിൽ ഇത്തരം ചതികൾ ഒക്കെ പതിവാഡോ... അതിന് താനിങ്ങനെ ടെൻഷൻ ആവണ്ട... ഞാൻ പറഞ്ഞില്ലേ എനിക്ക് തന്നെ പൂർണ്ണ വിശ്വാസാ.. അറിഞ്ഞ് കൊണ്ട് താനൊരിക്കലും അങ്ങനെ ചെയ്യില്ല ന്ന് എനിക്ക് അറിയില്ലേ....

അത് എൻ്റെ മാത്രമല്ലല്ലോ നമ്മുടെ കമ്പനി അല്ലേ...." അവൻ പറയുന്ന ഓരോ വാക്കുകളും അവളെ കുത്തി നോവിച്ചു കൊണ്ടിരുന്നു. വിശ്വാസത്തിന്റെ ഒരു കണിക പോലുമില്ലാതെ അവൻ്റെ താലി ഏറ്റുവാങ്ങിയവളാണ് താൻ... അവനേക്കാൾ ഏറെ അവൻ എന്നെ വിശ്വസിക്കുന്നു. തനിക്കെതിരെ കൃത്യമായ തെളിവുകൾ ലഭിച്ചിട്ടും താൻ അത് ചെയ്യില്ലെന്ന് അവൻ ഉറച്ച് വിശ്വസിക്കുന്നു. അവൻ്റെ സ്നേഹത്തിനും വിശ്വാസത്തിനും മുന്നിൽ താനും തൻ്റെ പ്രവർത്തികളും വളരെ തരം താണതായി തോന്നി മിഴിയ്ക്ക്. തല കുനിച്ച് നിൽക്കുമ്പോൾ എന്തിനെന്നറിയാതെ കണ്ണുകൾ നിറഞ്ഞൊഴുകി. "ഓയ്യ് മിഴിപെണ്ണേ...." വലം കൈ കൊണ്ട് സ്റ്റിയറിംഗ് നിയന്ത്രിച്ച് ഇടം കൈ കൊണ്ട് അവൻ അവളെ തൊട്ടു വിളിച്ചു. ഒരു പൊട്ടികരച്ചിലോടെ അവൾ അവന്റെ നെഞ്ചിലേക്ക് ചാഞ്ഞു. ഒന്ന് ഞെട്ടിയെങ്കിലും പതിയെ കാർ ഓരം ചേർത്ത് നിർത്തി. അശ്വാസിപ്പിക്കാനായി അവൻ അവളുടെ മുടിയിഴകളിൽ തലോടി. "അയ്യേ... താനിത്രയെ ഉള്ളോ... ഞാൻ കരുതി താൻ ഭയങ്കര സ്ട്രോങ്ങ് ആണെന്ന്... " മിഴി യുടെ കരച്ചിൽ സൂര്യയ്ക്ക് അവളുടെ നിഷ്ക്കളങ്കതയുടെ പ്രതീകമായിരുന്നു. എന്നാൽ മിഴിയ്ക്ക് ആ കണ്ണുനീർ തുള്ളികൾ താൻ ചെയ്ത തെറ്റിന്റെ കുറ്റബോധമായിരുന്നു. സ്നേഹവും വിശ്വാസവും കൊണ്ട് തന്നിലെ തെറ്റുകളെ പോലും മാറ്റി നിർത്തുന്നവനോടുള്ള ക്ഷമാപണം............ തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...