🔥🔥അഗ്നിയായി അവൾ🔥🔥 : ഭാഗം 9

എഴുത്തുകാരി: മിന്നു

"ഏയ്യ്... മിഴി... എന്താ തന്റെ കണ്ണൊക്കെ നിറഞ്ഞ്????" ഡോർ തുറന്ന് തന്ന മിഴിയുടെ മുഖത്തെ തെളിച്ചമില്ലായ്മയും കണ്ണിലെ കലക്കവും കണ്ടതും പരിഭ്രമത്തോടെ സൂര്യ അവളെ നോക്കി. പെട്ടെന്ന് നാവിൻ തുമ്പിൽ കള്ളങ്ങൾ ഒന്നും വരാത്തത് കൊണ്ട് അവൾ മൗനം പാലിച്ച് തല താഴ്ത്തി നിന്നു. "എന്താഡോ എന്താ പറ്റിയത് തനിക്ക്??" സൂര്യ അവളുടെ കരം ഗ്രഹിച്ചു. അവളെയും ചേർത്തു പിടിച്ച് അവൻ മുറിക്കുള്ളിലേക്ക് കയറി വാതിൽ ചാരി. അവന്റെ കൈപ്പിടിയിൽ നിന്നും തെന്നിമാറാൻ മനസ്സ് കൊണ്ട് ആഗ്രഹമുണ്ടെങ്കിലും അവൾ സംയമനത്തോടെ നിന്നു. "താനിവിടെ ഇരിയ്ക്ക്..." സൂര്യ അവളെ ബെഡിലേക്ക് പിടിച്ചിരുത്തി. അവളോട് ചേർന്ന് അവനും. താഴ്ന്നു പോയ അവളുടെ താടിത്തുമ്പിൽ പിടിച്ചുയർത്തി. "ഇനി പറയ്.... എന്തിനാ താൻ കരഞ്ഞേ???

ആരെയെങ്കിലും എന്തെങ്കിലും പറഞ്ഞോ തന്നെ???" ആശങ്ക ഉണ്ടായിരുന്നു അവന്റെ ചോദ്യത്തിൽ. ഏറ്റവും അടുത്ത ബന്ധുക്കൾ മാത്രമേ കല്ല്യാണത്തിന് ഉണ്ടായിരുന്നുള്ളൂവെങ്കില്ലും പലരുടെയും മുറുമുറുപ്പുകൾ അവനും കേട്ടിരുന്നു. തന്റെ അച്ഛനും അമ്മയും ഏട്ടനും ഏടത്തിയമ്മയും വിശ്വസിക്കുന്നത് പോലെ മറ്റാരും തന്നെയും മിഴിയെയും വിശ്വസിക്കില്ലെന്ന് അതോട് കൂടി അവന് ബോധ്യമായതാണ്. "പറയ് മിഴീ... ആരെയെങ്കിലും തന്നെ വിഷമിപ്പിക്കുന്നത് വല്ലതും പറഞ്ഞോ???" "ആരും ഒന്നും പറഞ്ഞൊന്നുമില്ല...." മിഴി അവന്റെ കൈ തട്ടിമാറ്റി എഴുന്നേറ്റ് വിൻഡോയുടെ അടുത്തേക്ക് മാറി നിന്നു. "പിന്നെന്താ തന്റെ മുഖത്ത് ഒരു വിഷമം... ഒന്നുമില്ല ന്ന് പറഞ്ഞ് ഒഴിയാൻ ശ്രമിക്കണ്ട തന്റെ മുഖം കാണുമ്പോ മനസ്സിലാവണുണ്ട് എന്തോ സങ്കടം ഉണ്ടെന്ന്...

എന്താണെങ്കിലും താൻ പറയെഡോ... എന്നോടല്ലേ... ഒന്നുല്ലേല്ലും ഞാൻ ഇപ്പോ തന്റെ ഭർത്താവല്ലേ.... പുറം തിരിഞ്ഞ് നിന്ന മിഴിയെ അവൻ ഇരു തോളിലും പിടിച്ച് അവന് അഭിമുഖമായി നിർത്തി. "പറയൂ മിസ്സിസ് മിഴി സൂര്യാംശ്... എന്താണ് എന്റെ ഭാര്യയുടെ മനസ്സിനെ ഇത്ര കണ്ട് വിഷമിപ്പിച്ചത്...??" കുസൃതിയോടെ പുഞ്ചിരിയോടെ സ്നേഹത്തോടെയുള്ള അവന്റെ പെരുമാറ്റം കണ്ടപ്പോൾ കുറച്ച് സമയം മിഴി അവന്റെ മുഖത്തേക്ക് തന്നെ ഉറ്റുനോക്കി. "ഹലോ ഭാര്യേ... എന്താ ഇങ്ങനെ നോക്കണത്???" സൂര്യ അവളുടെ ഒന്ന് തട്ടി വിളിച്ചു. "മ്മ്ഹും.... ഒന്നുല്ല...." ഒന്നുമില്ലെന്ന് പറഞ്ഞ് ഒഴിഞ്ഞെങ്കില്ലും അവന്റെ ആ ഭാര്യേ.. വിളി ഉള്ളിൽ എവിടെയോ തട്ടിയത് പോലെ... മനസ്സ് കൊണ്ട് തട്ടിമാറ്റാൻ ശ്രമിക്കുമ്പോഴും നെറുകയിലെ സിന്ദൂരത്തിനും കഴുത്തിലെ താലിയ്ക്കും ഉള്ളിലിരുന്ന് ആരോ കൊതിക്കുന്നത് പോലെ...

"ഉറപ്പാണോ ഒന്നുമില്ലെന്ന്...." അവൻ അവളുടെ കഴുത്തിലൂടെ കൈയിട്ട് ചേർത്ത് പിടിച്ചു. "അതെന്നേ..." തന്നിലേക്ക് അടുത്തു കൊണ്ടിരിക്കുന്ന അവനെ തടയിട്ടാനായി അവൾ അവന്റെ കൈ തണ്ടയിൽ പിടി മുറുക്കി. പെട്ടെന്നാണ് ഡോർ തുറക്കുന്ന ശബ്ദം കേട്ടത്. ഋതുവിനെയും മറ്റൊരു സ്ത്രീയെയും വാതിൽക്കൽ കണ്ടതും അവർ ഇരുവരും വേഗം അകന്ന് മാറി. "സൂര്യാ... നീ എന്താ ഇവിടെ??? വേഗം താഴേക്ക് ചെന്നേ... അച്ഛൻ ചോദിക്കണുണ്ട് നിന്നെ..." പെട്ടെന്നുണ്ടായ ചമ്മൽ മറയ്ക്കാൻ എന്നവണ്ണം ഋതു ധൃതി പിടിച്ച് മുറിയിലേക്ക് കയറി വന്നു. "അത് ഏട്ടത്തി ഞാൻ... മിഴിയെ... അല്ല ഡ്രസ്സ് മാറാൻ വന്നതാ....." സൂര്യ വേഗം വാൾഡ്രോബ് തുറന്ന് എന്തിനോ പരതാൻ തുടങ്ങി. "നിനക്ക് മാറാനുള്ള ഡ്രസ്സ് ഒക്കെ താഴെ ഞങ്ങടെ റൂമിൽ ഇരിപ്പുണ്ട്. അവിടുന്ന് തന്നെ ചേഞ്ച് ചെയ്യ്താൽ മതി...

മിഴിയെ ഒരുക്കി ഞങ്ങള് താഴേക്ക് കൊണ്ട് വന്നോളാം... അപ്പോ എന്റെ മോൻ ചെല്ല്..." ഋതു ഒന്ന് ആക്കി പറഞ്ഞതും ഏടത്തിയമ്മയോട് ഒന്ന് ഇളിച്ചു കാട്ടിയിട്ട് സൂര്യ വേഗം പുറത്തിറങ്ങി. പോകും വഴി അവൻ ഒന്ന് കൂടി മിഴിയെ നോക്കി. നേരത്തെ അവളിൽ കണ്ട വിഷാദ ഭാവം ഇപ്പോ ഒട്ടും അവളിൽ ഇല്ലെന്ന് ഉറപ്പ് വരുത്തി അവൻ താഴേക്ക് നടന്നു. മിഴിയ്ക്കുള്ള ആഭരണങ്ങളും വസ്ത്രങ്ങളും കൊണ്ട് വന്നതായിരുന്നു ഋതു. ഒരു yellow and pink കളർ പാർട്ടി വെയർ ആയിരുന്നു മിഴിയുടെ വേഷം. കഴുത്തിൽ താലി മാത്രം. ഡ്രസ്സിന് മാച്ചായ ഹെവി ഇയർറിങ്ങ്സും കൈ നിറയെ വളകളും അണിയിച്ചു. ഋതുവിന് ഒപ്പം വന്ന ബ്യൂട്ടിഷന്റെ കലാവിരുതും കൂടി ആയപ്പോൾ മിഴിയിലെ സൗന്ദര്യം ഒന്ന് കൂടി ജ്വലിച്ചു. ഒരുക്കങ്ങൾ ഒക്കെ പൂർത്തിയായപ്പോഴേക്കും സുമിത്രയും അങ്ങോട്ടേക്ക് വന്നു.

"ആഹാ.... മോളുടെ ഡ്രസ്സിംഗ് കഴിഞ്ഞോ??? സുന്ദരി കുട്ടി ആയിട്ടുണ്ട്..." സുമിത്ര അരുമയോടെ അവളുടെ തലയിൽ തലോടി. "മിഴിയെ കിട്ടിയപ്പോ അമ്മ എന്നെ മറന്നു ല്ലേ???" പരിഭവം പോലെ ഋതു ചുണ്ട് കൂർപ്പിച്ചു. "അങ്ങനെ നിന്നെ ഞാൻ മറക്കുവോ കാന്താരി... നിങ്ങള് രണ്ടാളും എന്റെ മക്കളല്ലേ..." സുമിത്ര ഇരുവരെയും ഇടവും വലവുമായി ചേർത്ത് പിടിച്ചു. "ആ... ഋതൂ... നീ ഒന്ന് താഴേക്ക് ചെന്നേ... സോപ്പ് കാണുന്നില്ല ചീപ്പ് കാണുന്നില്ല എന്നൊക്കെ പറഞ്ഞ് ജീവ അവിടെ കയറ് പൊട്ടിക്കുന്നുണ്ട്. നീ ചെന്ന് അവന് വേണ്ടത് എന്താന്ന് വച്ചാ എടുത്ത് കൊടുത്തിട്ട് വാ... മിഴി മോളുടെ അടുത്ത് ഞാനുണ്ട്...." "ശ്ശൊ.... ഈ ജീവേട്ടൻ.... ഞാൻ ഒക്കെ ബെഡിൽ എടുത്ത് വച്ചിട്ടുണ്ടായിരുന്നതാ...." ഋതു വേഗം താഴേക്ക് നടന്നു. "മോള് ഒന്നിനെ കുറിച്ച് ഓർത്തും സങ്കടപ്പെട്ടണ്ട ട്ടോ...

എന്തിനും ഞങ്ങൾ ഒക്കെ കൂടെയുണ്ട്. എന്ത് ഉണ്ടെങ്കിലും മോൾക്ക് ഞങ്ങളോട് തുറന്ന് പറയാം. ഇനി മുതല് ഇതാ മോളുടെ വീട്. ഇതാ നിന്റെ കുടുംബം... ഋതുവും മോളും ഞങ്ങൾക്ക് ഒരുപോലെയാണ്. വന്ന് കയറുന്ന പെൺകുട്ടികളാ വീടിന്റെ ഐശ്വര്യ ലക്ഷ്മി... അപ്പോ ആ ലക്ഷ്മിടെ കണ്ണ് നിറഞ്ഞാലോ... സൂര്യ വന്ന് പറഞ്ഞു മോൾക്ക് എന്തോ സങ്കടം ഉണ്ടെന്ന്... അതാ അമ്മ വന്ന് ചോദിച്ചത്. എന്തുണ്ടെങ്കില്ലും അമ്മയോട് തുറന്നു പറയാട്ടോ.." മ്മം....... പുഞ്ചിരിയോടെ മിഴി തലയാട്ടി സമ്മതം മൂളി. സുമിത്ര അവളെയും കൂട്ടി താഴേക്ക് പോയി. സ്റ്റയർ ഇറങ്ങി വരുന്ന മിഴിയെ സൂര്യ കണ്ണിമ വെട്ടാതെ നോക്കി നിന്നു. മനോഹരമായി പുഞ്ചിരിച്ച് അവൾ അവന്റെ അടുത്തേക്ക് വന്നു.

നെറ്റിയിലെ സിന്ദൂരചുവപ്പും കഴുത്തിലെ താലിയും അവൾ നിന്റെതാണെന്ന് ഉറക്കെ വിളിച്ചു പറയും പോലെ തോന്നി. ഒരു പാർട്ടി വെയർ വൈറ്റ് കുർത്ത ആയിരുന്നു സൂര്യ ധരിച്ചിരുന്നത്. മിഴി അടുത്ത് വന്നു നിന്നതും സൂര്യ പുഞ്ചിരിയോടെ അവളുടെ കൈയിൽ വിരലുകൾ കോർത്തു പിടിച്ചു. അവർ കൺവെൻഷൻ സെന്ററിൽ എത്തുന്നതിന് മുമ്പുതന്നെ അതിഥികൾ വന്ന് തുടങ്ങിയിരുന്നു. പാർട്ടി ഹാളിൽ നിന്നും നേർത്ത സംഗീതം പുറത്തേക്ക് ഒഴുകിയെത്തി. ഹാളിന് മുന്നിൽ വലിയ അക്ഷരത്തിൽ തന്റെയും സൂര്യയുടെയും പേര് എഴുതി വച്ചത് മിഴി കൗതുകപൂർവ്വം നോക്കി. വാതിലുകൾ മലർക്കെ തുറക്കപ്പെട്ടു. "Warm welcome for the handsome groom സൂര്യാംശ് വിശ്വനാഥൻ and the beautiful bride മിഴി സൂര്യാംശ്...." സ്റ്റേജിൽ നിന്നും ആങ്കർ ന്റെ ശബ്ദത്തോടൊപ്പം സംഗീതവും ഉച്ചസ്ഥായിയിലായി.

ഹാളിന്റെ ഒത്ത നടുവിൽ വിരിച്ച ചുവപ്പ് പരവതാനിക്ക് മുകളിലൂടെ പരസ്പരം കൈ കോർത്ത് പിടിച്ച് അവർ അകത്തേക്ക് നടന്നു. ചുറ്റും കൈയടികൾ ഉയർന്നു. ഡയസ്സിൽ പ്രത്യേകം ഒരുക്കിയ ഇരിപ്പിടത്തിലേക്ക് ഇരുവരും ഇരുന്നു. ക്ഷണിക്കപ്പെട്ട അതിഥികൾ എല്ലാം ഒരുവിധം എത്തിയപ്പോൾ ആങ്കർ ഇരുവരെയും കേക്ക് കട്ട് ചെയ്യാനായി ക്ഷണിച്ചു. ഒരുമിച്ച് ആ കേക്ക് കട്ട് ചെയ്ത് ഇരുവരും പരസ്പരം വായിൽ വച്ച് കൊടുത്തു. ഫോട്ടോഗ്രാഫർമാരും വിഡിയോഗ്രാഫർമാരും തങ്ങളുടെ ജോലി ഭംഗിയായി നിറവേറ്റുന്നുണ്ട്. ഓരോ അതിഥിയെയും സൂര്യ വിശദമായി തന്നെ മിഴിയ്ക്ക് പരിചയപ്പെടുത്തി കൊടുത്തു. അവിടെയും ഇടയ്ക്ക് നേരത്തെ കേട്ടത് പോലെയുള്ള മുറുമുറുപ്പുകൾ ഉയർന്നു. ചിലത് മിഴിയുടെ ചെവിയിലെ എത്തുമ്പോൾ അവളുടെ മുഖം അപമാനഭാരത്തോടെ കുനിഞ്ഞ് പോയി.

പിന്നീടുള്ള നേരമത്രയും അവളുടെ ചുണ്ടിൽ വരുത്തി തീർത്ത ഒരു ചിരി മാത്രമായിരുന്നു അവശേഷിച്ചത്. അപ്പോഴും ആശ്വസിപ്പിക്കാനെന്നവണ്ണം സൂര്യ മിഴിയെ ചേർത്ത് പിടിച്ചിരുന്നു. പാർട്ടി അവസാനിക്കുമ്പോഴേക്കും രാത്രി ഏറെ വൈകിയിരുന്നു. തിരിച്ച് വീട്ടിലെത്തുമ്പോഴേക്കും എല്ലാവരും നന്നായി ക്ഷീണം പിടിച്ചു. മിഴി മുറിയിലേക്ക് പോകാനായി സ്റ്റയർ കേറാൻ തുടങ്ങുമ്പോഴാണ് സുമിത്ര അവളെ വിളിച്ചത്. "മോൾ ഒന്നിങ്ങ് വന്നേ അമ്മയ്ക്ക് ഒരു കാര്യം പറയാനുണ്ട്...." "എന്താ അമ്മേ...??? മിഴി വേഗം സുമിത്രയ്ക്ക് പിന്നാലെ ചെന്നു. "അത് വേറൊന്നുമല്ല മോളേ.... വിവാഹം പെട്ടെന്ന് ആയിരുന്നല്ലോ നിങ്ങളുടെ രണ്ടാളും ടെയും ജാതകം പ്രകാരം നിങ്ങളുടെ ശാന്തിമുഹുർത്തത്തിന് ഇനിയും ഒരു ഇരുപത്തൊന്ന് ദിവസം കൂടി കഴിയണം...

അത് വരെ മോള് ഈ മുറിയില് കഴിഞ്ഞാൽ മതി..." തങ്ങളുടെ മുറിയ്ക്ക് തൊട്ടടുത്തുള്ള മുറി കാണിച്ചു കൊടുത്തു കൊണ്ട് സുമിത്ര പറഞ്ഞു. "അതിനെന്താ അമ്മേ... ഞാൻ ഇവിടെ കിടന്നോളാം.... മിഴി ക്ക് സുമിത്രയുടെ ആ തീരുമാനം വളരെ ഇഷ്ടമായി. അല്ലെങ്കിലും സൂര്യയോടൊപ്പം ഒരു മുറിയിൽ കഴിയുന്നത് അത്ര സേഫ് അല്ലെന്ന് അവൾ കണക്ക് കൂട്ടി. പുഞ്ചിരിയോടെ ഉള്ള മിഴിയുടെ സമ്മതം കേട്ടപ്പോൾ സുമിത്ര യ്ക്കും ആശ്വാസമായി. മടിച്ചു മടിച്ചാണ് അവര് ഈ കാര്യം മിഴിയോട് അവതരിപ്പിച്ചത്. "എന്നാൽ മോള് ഫ്രഷായി ചെന്ന് കിടന്നോളൂ... അത്യാവശ്യം മോൾക്ക് വേണ്ട ഡ്രസ്സ് ഒക്കെ കമ്പോർഡിൽ വച്ചിട്ടുണ്ട്..." മിഴി തല കുലുക്കി സമ്മതം പറഞ്ഞു. ഓർണമെൻസ് ഒക്കെ അഴിച്ചു വച്ച് ഡോർ ലോക്ക് ചെയ്യാൻ ചെന്നപ്പോൾ പുറത്ത് നിന്നും സുമിത്രയുടെയും വിശ്വനാഥന്റെയും സംസാരം കേട്ടു. "എന്തായി... നീ മിഴിമോളോട് സംസാരിച്ചോ??? ആ കുട്ടി സമ്മതിച്ചോ..."

"പിന്നെ സമ്മതിക്കാതെ... നല്ല കാര്യവിവരമുള്ള കുട്ടിയാ അവള്... പറഞ്ഞ ഉടനെ സമ്മതിച്ചു. ജാതകത്തിൽ ഒക്കെ നല്ല വിശ്വാസമാണെന്ന് തോന്നുന്നു... എന്തായാലും സൂര്യടെ സെലക്ഷൻ തെറ്റിയില്ല... ഈ കുടുംബത്തിന് യോജിച്ച കുട്ടിയാ അവള്...." സ്വന്തം ജൻമദിനം പോലും അറിയാത്ത എനിക്കാ ജാതകവും നക്ഷത്രവും.... ഓർത്തപ്പോൾ മിഴിയ്ക്ക് ചിരി വന്നു. മിത്ര തന്നെ അനാഥാലയത്തിൽ നിന്നും കൂട്ടി കൊണ്ട് വന്ന ദിവസമാണ് കഴിഞ്ഞ 12 വർഷമായി തന്റെ പിറന്നാൾ ആഘോഷിക്കുന്നത്... അത് വച്ച് കണ്ടുപിടിച്ച നക്ഷത്രമായിരിക്കും ഇത്.... എന്തായാലും സൂര്യയോടൊപ്പം കഴിയുന്നതിലും നല്ലത് ഇതാണ്.

അടുത്ത 21 ദിവസത്തേക്ക് ഒരു safe distance ആയല്ലോ.... മിഴി വേഗം കുളിച്ച് ഫ്രഷായി ഉറങ്ങാനുള്ള വട്ടം കൂടി. ഇതേ സമയം മുറിയിൽ എത്തിയ സൂര്യ കാണുന്നത് റോസാപ്പൂക്കളും LED light കളും കൊണ്ട് ഒരുക്കിയ തന്റെ മണിയറ ആണ്. അത് കണ്ടപ്പോഴാണ് ഇന്ന് തങ്ങളുടെ ഫസ്റ്റ് നൈറ്റ് ആണല്ലോ എന്ന കാര്യം സൂര്യയ്ക്ക് കത്തിയത്. അതുവരെ കണ്ണിൽ തൂങ്ങി പിടിച്ചിരുന്ന ഉറക്കം എങ്ങോട്ടോ നാട് കടന്നു. സൂര്യ ആ അലങ്കാരങ്ങൾ ആകമാനം ഒന്ന് വീക്ഷിച്ചു. ബെഡിൽ റോസദളങ്ങൾ കൊണ്ട് ഹർട്ട് ഷേപ്പിനുള്ളിൽ S❤️M എന്ന് എഴുതി വച്ചിട്ടുണ്ട്. അങ്ങിങ്ങായി മിന്നിതെളിയുന്ന പല തരം നിറങ്ങൾ വെളുത്ത കർട്ടനുകളിൽ മഴവിൽ വിരിയിച്ചു.

ചന്ദനത്തിന്റെ മണമുള്ള റും സ്പ്രേ തുറന്നിട്ട ജനാലയിലൂടെ ഒഴുകി എത്തുന്ന ഇളംങ്കാറ്റ്.... "Wow... Beautiful.... ഇന്ന് ഞാൻ പൊളിക്കും... ഏട്ടന്റെ ബുദ്ധി ആണെന്ന് തോന്നുന്നു ഇതിന് പിന്നിൽ. എങ്കിൽ കെട്ടിപ്പിടിച്ച് ഒരുമ്മ കൊടുക്കും ഞാൻ.... അയ്യേ... അത് വേണ്ട... ഇന്ന് ഉമ്മ ഒക്കെ എന്റെ ഭാര്യയ്ക്ക് മാത്രം അവകാശപ്പെട്ടതാണ്... വേഗം പോയി ഫ്രഷായിട്ട് വരാം...." മനസ്സിൽ കണക്ക് കൂട്ടി കൊണ്ട് സൂര്യ ഉൽസാഹത്തോടെ ചാടി തുള്ളി കുളിക്കാൻ പോയി......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...