🎀അനുപമ🎀: ഭാഗം 17

എഴുത്തുകാരി: പ്രാണ അഗ്നി

“എന്താടോ ഒരു വിഷമം പോലെ ” “പെട്ടന്നു എല്ലാവരേയും വിട്ടു പോകണമെന്ന് ഓർത്തപ്പോൾ ഒരു സങ്കടം ” “ഇപ്പോൾ തന്നെ ഒരുപാട് ക്ലാസ് മിസ്സായില്ലേ .തനിക്കു എപ്പോൾ വരണം എന്ന് പറഞ്ഞാലും ഞാൻ കൊണ്ടുവരാമല്ലോ .ഇപ്പോൾ എന്റെ ഭദ്രാ കുട്ടി വിഷമിക്കേണ്ടാട്ടോ.. .” “പിന്നെയും വിഷമം മാറിയില്ലങ്കിൽ ഒരു സമ്മാനം കൂടി തരാം “ഒരു കള്ള ചിരിയോടെ അവൻ പറഞ്ഞു . എന്ത് എന്ന് ഉള്ള രീതിയിൽ അവൾ അവനെ നോക്കി . അപ്പോളേക്കും അവളെ ഇടിപ്പിലൂടെ പിടിച്ചു തന്നിലേക്ക് അടിപ്പിച്ചു.അവളുടെ ചുണ്ടുകളെ അവൻ സ്വന്തമാക്കി .തേൻ നുകരുന്ന വണ്ടുകളെ പോലെ രണ്ടുപേരുടേയും സ്നേഹം ആ ചുംബനങ്ങളിൽ നിറഞ്ഞ നിന്നു .

ദീർക ചുംബനത്തിനു ശേഷം രണ്ടു പേരും തങ്ങളുടെ കണ്ണുകളിൽ വിരിയുന്ന പ്രണയത്തിൽ ലയിച്ചു നിന്നു തങ്ങളിൽ തന്നെ മതി മറന്നു ഒരാഴ്‌ചത്തെ അവധിക്കു ശേഷം വീണ്ടും കോളേജിലേക്ക് പോയി തുടങ്ങുകയാണ് നമ്മുടെ ഭദ്രാ. “ഏട്ടാ ഒന്ന് വേഗം വരുന്നുണ്ടോ.ഇപ്പോൾ തന്നെ ലേറ്റ് ആയി .ഈശ്വരാ ഇന്ന് ആരുടെ ഒക്കെ വായിൽ ഇരിക്കുന്നത് കേൾക്കണ്ടി വരുമോ എന്തോ ” “എന്താടി രാവിലെ തന്നെ കിടന്ന് പിറുപിറുക്കുന്നത് ” “ഏട്ടാ പ്ളീസ് പ്ളീസ് കൊഞ്ചാൻ സമയം ഇല്ലാ .വേഗം വായോ .” “വേഗം ഒക്കെ വരാം .എനിക്ക് തരാനുള്ളത് തന്നാൽ ” അവൻ കവിളിൾ ഉരിഞ്ഞു കൊണ്ട് പറഞ്ഞു . ഒരു കള്ള ചിരിയോടെ അവൾ അവന്റെ അടുത്തേക്ക് നാണം ഒക്കെ വാരി വിതറി നടന്നടുത്തു . തള്ള വിരലില്‍ ഊന്നി മുഖം അവനിലേക്ക്‌ അടുപ്പിച്ചു .

കവിളിൽ അമത്തി ചുംബിച്ചു മറുകവിളിൽ ഒരു കടിയും കൊടുത്തു അവിടുന്ന് ഒരു ഓട്ടം ആയിരുന്നു . “എടി …..” “ഒന്നിന് ഒന്ന് ഫ്രീ ആണ് തല്ലിപ്പൊളി “പോകുന്ന വഴിയിൽ വിളിച്ചു പറഞ്ഞു കൊണ്ട് അവൾ ഓടി” അവൾ പോകുന്നത് നോക്കി അവന്റ മുഖത്തു ഒരു ചിരി വിടർന്നു “ഭദ്രാ കോളേജ് കഴിഞ്ഞാൽ അവിടെ തന്നെ നിന്നാൽ മതി ഞാൻ വന്ന് വിളിച്ചോളാം.കേട്ടല്ലോ ” “ഓഹ് ശെരി രാജാവേ ” “ഏട്ടാ സൂക്ഷിച്ചു പോകണേ …..”അവളുടെ മുഖത്തു വിരിയുന്ന ആകുലതകൾ കണ്ടു അവന്റെ മനസ് നിറഞ്ഞു .കാറിൽ നിന്ന് ഇറങ്ങുവാൻ തുനിഞ്ഞ അവളെ പിടിച്ചു നിർത്തി നെറ്റിയിലായ അവന്റെ ചുണ്ടുകൾ ചേർത്തു . അവനോട് യാത്ര പറഞ്ഞു അവൾ ക്ലാസ്സിലേക്ക് നടന്നു.അവൾ പോകുന്നത് നോക്കി അവൻ ഓഫീസിലേക്ക് തിരിച്ചു .

അവരെ തന്നെ നോക്കി നിന്ന ചിലക്കണ്ണുകളിൽ കോപം കൊണ്ട് ജ്വലിച്ചു . അഴ്ച്ചകൾക്കു ശേഷം കോളേജിൽ എത്തിയതു കൊണ്ട് ഒരുപാടു നോട്ട്സ് കമ്പ്ലീറ്റ് ചെയ്യുവാൻ ഉള്ളതുകാരണം ക്ലാസ് കഴിഞ്ഞു അവൾ ലൈബ്രറിയിൽ ഇരുന്നു അത് എഴുതു കൊണ്ട് ഇരുന്നു. ഫോണിൺ ബെല്ലടിക്കുന്നത് കേട്ട് ആണ് അവളുടെ ശ്രദ്ധ അങ്ങോട്ടേക്ക് തിരിഞ്ഞത് .രുദ്ര ആയിരിക്കും എന്ന് വിചാരിച്ചു ആരാണ് വിളിച്ചത് എന്നു പോലും നോക്കാതെ അവൾ കാൾ അറ്റന്റ് ചെയ്തു . “ഹലോ ഏട്ടാ ” മറുതലയിൽ നിന്നും ഒരു അട്ടഹാസം ആണ് കേട്ടത് .അവൾ ഫോണിൽ തന്നെ ഒന്നും കുടി നോക്കി . “ഹലോ ആരാ നിങ്ങൾ ” “ഞാനോ …….ഞാൻ നിന്റെ എല്ലാം ആണ് ഭദ്രാ ….എന്റെ പെണ്ണാണ് നീ ……നിന്നെ ഞാൻ ആർക്കും വിട്ടു കൊടുക്കില്ല .എനിക്ക് തടസം വരുന്ന എല്ലാത്തിനേയും ഞാൻ ഇല്ലാതാകും ……

ഐ ലൗ യു ജാൻ ” ഫോൺ കട്ട് ആയി .പെട്ടെന്ന് തന്നെ ഫോണിലേക്കു ഒരു മെസ്സേജ് നോട്ടിഫിക്കേഷൻ വന്നു .ഓപ്പൺ ആക്കി നോക്കിയ ഭദ്രയുടെ കണ്ണുകൾ നിറഞ്ഞു . “രുദ്രേട്ടാ …….”അവൾ ഒരു അലർച്ചയോടെ അവിടെ നിന്നും ഓടി ഒരു ഭ്രാന്തിയെപോലെ . ആരേയും ശ്രദ്ധിക്കാതെ അവൾ കോളേജ് ഗേറ്റ് ലക്ഷ്യമാക്കി ഓടി കൊണ്ടിരുന്നു .ഭദ്രയെ അന്വേഷിച്ചു വന്ന മനു കാണുന്നത് ഒരു ഭ്രാന്തിയെ പോലെ ഓടുന്ന ഭദ്രയെയാണ് . “ഭദ്ര മോളെ അവിടെ നിൽക്കു …” അവൻ വിളിക്കുന്നത് പോലും കേൾക്കാതെ അവൾ കാറ്റിന്റെ വേഗതയിൽ ഓടി അവളുടെ ഒപ്പം എത്താൻ അവൻ നന്നേ പാടു പെട്ടു .ഓടുന്നതിനിടയി എങ്ങനെയോ അവളുടെ കയ്യിൽ പിടിത്തം അവനു കിട്ടു . പെട്ടന്ന് തന്നെ കൈയിൽ പിടിച്ചു അവളെ തന്റെ മാറിലേക്ക് അണച്ചു

“എന്താ മോളെ എന്താ പറ്റിയത് ‘ “ഏട്ടാ……രുദ്ര “കരയുന്നതിനിടയിൽ വാക്കുകൾ പോലും അവൾക്കു പറയുവാൻ കഴിയുന്നുണ്ടായിരിരുന്നില്ല . “മനുവേട്ടാ എന്റെ ഏട്ടന് എന്തോ സംഭവിച്ചിട്ടുണ്ട് എനിക്കു ഇപ്പോൾ ഏട്ടനെ കാണണം .എന്നെ ഒന്ന് കൊണ്ടുപോകു ഏട്ടാ .” “നീ വിഷമിക്കാതെ ഞാൻ കൊണ്ടുപോകാമല്ലോ “അവൻ അവളുമായി കാർ പാർക്കിങ്ങിലേക്ക് നടന്നു .അവളെ കോ ഡ്രൈവർ സീറ്റിലായി ഇരുത്തി . പോകുന്ന വഴിയിൽ എല്ലാം രുദ്രനെ വിളിക്കുന്നുണ്ടായിരുന്നു എങ്കിലും ഫോൺ സ്വിച്ചഡ് ഓഫ് ആയിരുന്നു .ഭദ്രയുടെ അവസ്ഥ കണ്ടിട്ട് അവളോട് ഒന്നും തന്നെ ചോദിക്കുവാനും തോന്നിയില്ല . രുദ്രന്റെ ഓഫീസിലേക്കുള്ള വഴിയിലൂടെ മനുവിന്റെ കാർ സഞ്ചരിച്ചു . മെയിൻ റോഡിലായ് ആളുകൾ കൂടി നിക്കുന്നത് കണ്ടിട്ടാണ് മനുവിന്റയും ഭദ്രയുടേയും ശ്രദ്ധ അങ്ങോട്ടേക്ക് മാറിയത് . “മനുവേട്ടാ രുദ്രന്റെ കാർ ”

വെപ്രാളത്തോടെ ഭദ്ര പറഞ്ഞു നിർത്തിയതും സഡൻ ബ്രേക്കിട്ടു മനു കാർ നിർത്തി . നിർത്തണ്ടേ താമസം ഒന്നും നോക്കാതെ ഭദ്ര കാറിൽ നിന്നും ഓടി ഇറങ്ങി . തന്റെ മുൻപിലെ കാഴ്ച അവളെ വല്ലാതെ തളർത്തി ഒച്ച പോലും വെക്കുവാൻ ആവാതെ ഭദ്ര റോഡയിലേക്കു തളർന്ന് ഇരുന്നു പോയി . ഒരു സൈഡ് മുഴുവൻ തകർന്നു നിലയിൽ രുദ്രന്റെ കാർ .കണ്ണുനീർ പോലും ഒഴുക്കുവാൻ മറന്നു ശ്വാസം നിലച്ചത് പോലെ അവൾ അവിടെ ഇരുന്നു . അവളുടെ അടുത്തേക്ക് ഓടി അടുത്ത മനു ഒരു നിമിഷം എന്ത് ചെയ്യണം എന്ന് അറിയാതെ അവിടെ ശില പോലെ നിന്നുപോയി . “ഭദ്രാ മോളെ ” “മനുവേട്ടാ രുദ്ര ” നിർവികാരതയോടെ അവൾ പറഞ്ഞു . “ഇല്ല മോളെ അവനു ഒന്നും സംഭവിക്കില്ല .നമുക്ക് അന്വേഷികാം ” “ഭദ്രാ ………”പരിചിതമായ ഒരു ശബ്ദം കേട്ടാണ് അവൾ അങ്ങോട്ടേക്ക് നോക്കിയത് .തനിക്കു അടുത്തേക്ക് നടന്ന വരുന്ന രുദ്രനെ കണ്ടു ജീവൻ തിരിച്ചു കിട്ടിയത് പോലെ അവന്റെ അടുത്തേക്ക് പാഞ്ഞു .

ഓടി വന്നു അവനെ കെട്ടി പിടിച്ചു അവന്റെ ഇടുപ്പിലായ കാല് രണ്ടും ചുട്ടിപിടിച്ചു അവന്റെ മുഖം കൈയ്കളിൽ എടുത്തു തുരു തുരെ ഉമ്മവച്ചു .അവന്റെ കഴുത്തിലായ ചുറ്റി പിടിച്ചു മുഖം പൂർത്തി പൊട്ടി കരഞ്ഞു .എന്തോ ഓർത്തപോൽ അവന്റെ കൈകളിൽ എല്ലാം അടിക്കുവാനും പിച്ചുവാനും തുടങ്ങി . “എവിടെ ആയിരുന്നു ഇത്രയും നേരം …. ഞാൻ….. എന്ത് മാത്രം പേടിച്ചു എന്ന് അറിയുമോ ..ഇനി എന്നോട് മിണ്ടണ്ടാ …..”പരിഭം പറഞ്ഞു കുഞ്ഞുകുട്ടികളെ പോലെ കരയുന്ന അവന്റെ ഭദ്രയെ അവൻ മാറോടണച്ചു അവിടെ തന്നെ നിന്നു . അവൾ ഒന്ന് ശാന്തമാകുന്നത് വേരെ അവന്റെ ഹൃദയത്തിൽ നിന്ന് അടർത്തിമാറ്റുവാതെ അവളെ ചേർത്ത് നിർത്തി . ‘ഭദ്രാ …….” അവന്റെ വിളി കേട്ടാണ് അവൾ സ്വബോധത്തിലേക്കു തിരിച്ചു വന്നത് . തങ്ങൾ തന്നെ നോക്കി നിക്കുന്ന ആളുകളെ കണ്ടു അവൾ രുദ്രനിലേക്കു കൂടുതൽ അടുത്ത് നിന്നു .

മനു കണ്ണുകളടച്ചു ഒന്നും ചോദിക്കണ്ട എന്ന് രുദ്രനോട് പറഞ്ഞു . “ഭദ്രാ …മോളെ നമുക്ക് വീട്ടിൽ പോകാം ” ഒരു പാവ കുട്ടിയെ പോലെ അവൾ തല കുലുക്കി സമ്മതിച്ചു. അവളെയും കൊണ്ട് രുദ്ര കാറിലേക്ക് നടന്നു .അവന്റെ നെഞ്ചിലായ് തലവെച്ച് അവൾ കണ്ണടച്ച് കിടന്നു . അവന്റെ കയ്യിലെ അവളുടെ ശക്തമായ പിടിത്തം അവൾ എന്ത് മാത്രം ഭയപെട്ടിരുന്നു എന്ന് അവൻ മനസിലാക്കി കൊടുത്തു .അവളുടെ തലയിൽ തടവി അവളെ ആശ്വസിപ്പിച്ചു കൊണ്ട് ഇരുന്നു ഇടക്ക് ഇടക്ക് അവളുടെ നിറുകയിൽ അവൻ ചുംബനങ്ങൾ നൽകി . വീട്ടിൽ എത്തിയിട്ടും അവന്റെ കൈ വിടുവാൻ അവൾ തയാറായില്ല .അത് മനസിലാക്കി എന്നോണം അവൻ അവളെ എടുത്തു കൊണ്ട് അവരുടെ റൂമിലേക്ക് നടന്നു . അവളെ ബെഡിൽ കിടത്തി അവനും അവളുടെ അടുത്തായി ഇരുന്നു . “ഭദ്രാ ….കുറച്ചു നേരം മയങ്ങിക്കോ .പേടിക്കണ്ടാട്ടൊ ഞാൻ ഇവിടെ തന്നെ ഉണ്ട് ”

എന്തോ പറയുവാൻ തുനിഞ്ഞ അവളെ തടഞ്ഞു കൊണ്ട് അവൻ പറഞ്ഞു . അവന്റെ കണ്ണുകളിൽ നിന്ന് ഒരു നിമിഷം പോലും കണ്ണുകൾ മാറ്റാത്ത അവൾ അവനോടു തന്റെ പരിഭവങ്ങൾ എല്ലാം പറഞ്ഞു . അവനെ നോക്കികൊണ്ട്‌ തന്നെ അവൾ മയക്കത്തിലേക്ക് വഴുതി വീണു .അവൾ ഉറങ്ങി എന്ന് കണ്ടതും അവളെ പുതപ്പിച്ചു മുടികൾ ഒതുക്കി വെച്ച് അവളുടെ നെറ്റിൽ ഒരു ചുംബനം നൽകി . ഉറച്ച ഒരു തീരുമാനത്തോടെയും ഗൗരവം നിറഞ്ഞ മുഖത്തോടെ അവൻ താഴേക്ക് ഇറങ്ങി .എന്താണ് സംഭവിച്ചത് എന്ന് അറിയുവാനായി തന്നെ കാത്തിരിക്കുന്നവരുടെ അടുത്തക്കു ……………. തുടരും….. എങ്ങനെ ഉണ്ട് എന്റെ അനുപമ കൊള്ളാമോ

അനുപമ: ഭാഗം 16