🔥അരുന്ധതി [ 2 ] 🔥 : ഭാഗം 1

എഴുത്തുകാരി: ദിവ്യ സാജൻ

ടാ......അലക്സേ....നിന്റെ ആ തലതെറിച്ച വിത്തിനെ ഇങ്ങോട്ട് ഇറക്കി വിടെടാ......കളിച്ചു കളിച്ച് ആലത്തറയിൽ കേറി കളിക്കാൻ തുടങ്ങിയോ ആ നരിന്ത് ചെക്കൻ.....നാഥൻ ആലത്തറയിലെ ഇപ്പോഴത്തെ കാരണവരുടെ ഉറച്ച ശബ്ദം താമരയ്ക്കലെ തറവാട്ട് മുറ്റത്ത് പ്രതിധ്വനിച്ചു..... ഹാ.....ഇതാരൊക്കയാ......ആലത്തറയിലെ തമ്പുരാക്കന്മാരോ.....എന്താണാവോ ഈ വഴിക്ക്.....പുറത്തെ ആക്രോശം കേട്ട് ഏലിയാമ്മ അവിടേക്ക് വന്നു.....വാർദ്ധക്യത്തിലും ഉശ്ശിരൊട്ടും ചോരാതെ അവരോട് കയർത്തു ഏലിയാമ്മ..... ദേ തളളേ മര്യാദയ്ക്ക് പറയാ നിങ്ങടെ ചെക്കനോടിവിടേയ്ക്ക് ഇറങ്ങി വരാൻ പറയ് അല്ലലേൽ എന്തിനും പോന്ന ആൺപിളളാര് കയറി നിരങ്ങും താമരയ്ക്കലെ തറവാട്....മഹി...... നാഥന്റെ അനുജൻ അലറി.... പ്ഫാ.....പന്ന@@@@ മോനേ അത്രയ്ക്ക് ചങ്കുറപ്പുണ്ടേൽ കേറി വാടാ.....പക്ഷെ ഈ നിക്കുന്ന ഒറ്റൊരുത്തൻ നടു നിവർത്തിക്കൊണ്ട് തിരിച്ചു ഈ ഗേറ്റ് കടക്കുകേല....ഏലിയാമ്മ പുച്ഛത്തോടെ പറഞ്ഞു..... ദേ തളളേ.....

നിങ്ങടെ ആ തലതെറിച്ച കൊച്ചുമോൻ ആദം കാണിച്ച നെറികേടെന്താന്നറിയോ.....എന്റെ മോനുമായി വിവാഹം നിശ്ചയിച്ചുറപ്പിച്ച് വച്ചിരുന്ന പെണ്ണിനെ വീട്ടിൽ കയറി കടത്തി കൊണ്ട് പോയി ആ @@@മോൻ..... ഹാ.....നീ കേട്ടതിന്റെ കൊഴപ്പവാടാ ആലത്തറയിലെ ചെക്കാ......അവള് ഇറങ്ങി വന്നതല്യോ.....ആ പെണ്ണും എന്റെ കൊച്ച് മോൻ ജോയലും തമ്മിൽ ഇഷ്ടവായിരുന്നു.....അതെല്ലാവർക്കും അറിയാവുന്നതുവാ....അവള് അവളുടെ തന്തയോട് പറഞ്ഞതുവാ ജോയലിനെ ഇഷ്ടവാന്ന് എന്നിട്ടും കേട്ടോ.....അതോണ്ടല്യോ ഇറങ്ങി പോന്നത്.... ദേ തളളേ നിന്ന് ന്യായം പറയാതെ അവനെ ഇങ്ങോട്ട് ഇറക്കി വിടുന്നുണ്ടോ വെറുതെ ഞങ്ങളുടെ കൈയ്ക്ക് പണിയുണ്ടാക്കാതെ.....അയാൾ പല്ലു കടിച്ചു കൊണ്ട് പറഞ്ഞു എനിക്കും അത് തന്നാടാ പറയാനുളളത്.....വന്ന പോലെ തിരിച്ചു പോവുന്നതാ നിനക്കൊക്കെ നല്ലത് ഇനിയും ഇവിടെ നിന്ന് വെറുതെ അവന്റെ കൈയ്ക്ക് പണിയുണ്ടാക്കണ്ട.....അലക്സിനെ പോലല്ലവൻ....കൊടുത്ത് തീർക്കേണ്ടത് അപ്പോ തന്നെ കൊടുത്തു തീർക്കും പിന്നത്തേക്ക് മാറ്റി വയ്ക്കുകേല .......

അതിനു തെളിവാണല്ലോ നടുവൊടിഞ്ഞ് എണ്ണത്തോണീല് കിടക്കുന്ന നിന്റെ മോൻ .....താക്കീതോടെ അവർ പറഞ്ഞു..... ഈ സമയം അലക്സിന്റെ കാർ അവിടേക്ക് വന്നു.....പളളിയിൽ പോയി കുറുബാന കൂടി വരികയായിരുന്നു ആരുവും അലക്സും..... പുറത്തെ ബഹളം കണ്ട് ആരു അലക്സിനെ ഒന്ന് നോക്കി.......പിന്നെ കാറിൽ അവനിറങ്ങി അലക്സ് പിന്നാലെ ആരുവും..... എന്നതാ ഇവിടെ.....എന്നതാമ്മച്ചി.....അലക്സ് അവിടേക്ക് നടന്നു കൊണ്ട് ചോദിച്ചു.....എല്ലാവരെയും ഒരുമിച്ചു കണ്ടപ്പോൾ ആരു തെല്ലൊരു ഭയത്തോടെ അലക്സിന്റെ കൈയിൽ പിടി മുറുക്കി.... എടാ അലക്സേ അവർക്ക് കൊച്ചു മോനെ കാണണവെന്ന് കണ്ടിട്ടേ പോവുന്നുളളെന്ന്.....ഏലിയാമ്മ അലക്സിനെ നോക്കി.... ഹാ.....എന്താ മഹിയേട്ടാ ഇത് പിളളാര് തമ്മിൽ ഇഷ്ടത്തിലല്ലായിരുന്നോ.....എത്ര തവണ ആ കൊച്ച് പറഞ്ഞതാ ജോയലിനേ അവൾ കെട്ടത്തൊളളെന്ന്.....എന്നിട്ട് നിങ്ങളാരേലും അവളുടെ വാക്കിന് വില കൊടുത്തോ.....പിന്നെ കൊച്ചുമോനും കൂടി ചെന്ന് അവളെ കൂട്ടിക്കൊണ്ട് വന്നൂന്നൊളളത് നേരാ.....അതിനിവിടെ വന്ന് ഈ അഭ്യാസമൊന്നും കാണിക്കേണ്ട കാര്യവില്ല......പിന്നെ തടി കേടാവണ്ടാന്നുണ്ടെങ്കിൽ തമ്പ്രാക്കന്മാരിവിടന്ന് പോവുന്നതാ നല്ലത്.....

മീശമുറുക്കി മുണ്ട് മടക്കിയുടുത്തു കൊണ്ട് അവരുടെ അടുത്തേക്ക് വന്നു അലക്സ്.... നാഥനും മഹിയും അലക്സിന്റെ ആ വരവിലൊന്ന് ഭയന്നു...... ഇനിയും അവിടെ നിൽക്കുന്നത് പന്തിയല്ലെന്ന് തോന്നിയവർക്ക്.... ദേ അലക്സേ ഞങ്ങളിപ്പോ പോവാ.....പക്ഷെ അവനോട് കരുതി ഇരിക്കാൻ പറഞ്ഞോ.....വിടുകേല ......എല്ലാത്തിനും ചേർത്ത് അവനുളളത് കൊടുക്കും...... ഉവ്വ ......ഇപ്പൊ ചേട്ടന്മാര് ചെല്ല്.....അലക്സ് പുച്ഛത്തോടെ പറഞ്ഞു കൊണ്ട് ചിറി കോട്ടി.... മഹിയും നാഥനും കൂടെ വന്നവരും വന്ന പോലെ തിരികെ പോയി.... അവർ പൊയ്ക്കഴിഞ്ഞതും ആരു ദീർഘമായി നിശ്വസിച്ചു കൊണ്ട് നെഞ്ചിൽ കൈവച്ചു.... ഹാ.....എന്നാടീ അന്നക്കൊച്ചേ നീയങ്ങ് പേടിച്ച് പോയോ......ഇവന്മാരൊക്കെ ഇത്രേ ഒളളൊടീ....പുഞ്ചിരിയോടെ പറഞ്ഞ് കൊണ്ട് കണ്ണ് ചിമ്മി .... മ്മ്ഹം...പറഞ്ഞിട്ടെന്താ.....ഈ അപ്പനെ പോലെ തന്നല്ലേ മോനും തല്ലു കൊളളി .....ആരു കെറുവിച്ചു.... തല്ലുകൊളളി നിന്റെ തന്തയാടീ ഒരുമ്പെട്ടോളേ....അലക്സ് പല്ലു ഞെരിച് അവളെ കൂർപ്പിച്ചു നോക്കി... താൻ പോടോ കളള് കുടിയൻ നസ്രാണി.....ആരു പിറുപിറുത്തു കൊണ്ട് അകത്തേക്ക് കയറി പോയി ... പിറുപിറുത്തു കൊണ്ട് ആരു പോകുന്നത് നോക്കി പുഞ്ചിരിയോടവൻ നിന്നു.... ❤❤

മുഖത്തേക്ക് വെളളം ശക്തമായി വീണപ്പോഴാണ് ആദം ഞെട്ടിയുണർന്നത്....ചാടി പാടചിടച്ചേഴുന്നേറ്റ് നോക്കുമ്പോൾ എളിക്ക് കൈയും കുത്തി അവനെ രൂക്ഷമായി നോക്കി നിക്കാരുന്നു ഏലിയാമ്മ..... ഹാ.....എന്നതാ ഏലികുട്ടിയേ നല്ല കലിപ്പിലാന്നല്ലോ......മൂരി നിവർത്തിക്കൊണ്ട് ഏറുകണ്ണാൽ അവരെ നോക്കി ആദം..... ടാ.....തലതെറിച്ചതേ......നീയൊക്കെ കാരണം കണ്ടവന്മാരുടെ നാവിലിരിക്കുന്ന തെറി കേട്ട് വീട്ടിലിരിക്കുന്നവര് മടുത്തു...ഏലിയാമ്മ പല്ലു ഞെരിച്ചു...... ഹാ.....എന്നതാ ഏലിക്കുട്ടീ.....ആലത്തറയിലെ തമ്പുരാക്കന്മാര് ലാൻഡ് ആയോ രാവിലെ തന്നെ.....കളളച്ചിരിയോടെ ചോദിച്ചു... പിന്നില്ലേ....ദേ നിന്നെ വെല്ലുവിളിച്ചേച്ച് പോയിരിക്കുവാ.....അവർ പതിയെ ശബ്ദം താഴ്ത്തി പറഞ്ഞു..... ആന്നോ....ഒറ്റക്കൊമ്പനും അന്നക്കൊച്ചും കുറുബാന കഴിഞ്ഞ് തിരിച്ചെത്തിയാരുന്നോ....... പ്ഫാ....ചെകുത്താനേ തന്തേക്കേറി വട്ടപ്പേര് വിളിക്കുന്നോ....അവന്റെ ചെവി തിരുമ്മിക്കൊണ്ട് ഏലിയാമ്മ ഒച്ചയെടുത്തു.... ആവു....എന്റെ ഏലിയാമ്മേ.....ഒന്ന് വിട്ടേ....മതി....മതി....ചെവി പറിഞ്ഞിങ്ങ് പോരും പറഞ്ഞു കൊണ്ട് അവരുടെ കൈ ബലമായി വിടുവിച്ചവൻ...... എന്നാ ഉരിശാ വല്യമ്മച്ചീ ഈ വയസ്സാം കാലത്തും.....

അതെങ്ങനാ ആ ഒറ്റക്കൊമ്പന്റെ അമ്മച്ചിയല്ല്യോ.....അവരുടെ താടിത്തുമ്പിൽ പിടിച്ചു കൊണ്ട് പറഞ്ഞു ആദം... കൊഞ്ചാതെ കിടക്ക പായേന്ന് എണീക്കെടാ ചെക്കാ.....അവന്റെ കൈ പിടിച്ച് മാറ്റി കൊണ്ട് എലിയാമ്മ പറഞ്ഞു..... ആഹ്.....നീ....ഉണർന്നോടാ കൊച്ച് മോനേ....ദേ അപ്പൻ നിന്നെ അന്വേഷിക്കുവാ....വേഗം താഴേക്ക് വന്നേ.... കണ്ണാപ്പീ (അബ്രാഹം ) അവിടേക്ക് വന്നു.... അപ്പൻ കലിപ്പിലാന്നോ ഇച്ഛായാ ..... ഇച്ചിരി....നീ പോയി അമ്മയെ സോപ്പിട്ടോ....അമ്മ വിചാരിച്ചാലെ അപ്പനെ തണുപ്പിക്കാൻ പറ്റത്തൊളളൂ .....ഏലിയാമ്മയുടെ തോളിൽ കൈവച്ചു കൊണ്ട് പറഞ്ഞു.... മ്മ്ഹം....അത് നേരാ....അല്ലേലും ഒറ്റക്കൊമ്പൻ ഇച്ചിരി ഒന്ന് മെരുങ്ങുന്നത് അവളുടെ അടുത്താ.....നീ വേഗം താഴേക്ക് വാടാ കൊച്ച് മോനേ.... എന്റെ മാതാവേ ഇതിപ്പോ പോല്ലാപ്പായല്ലോ..അവിടന്നിനി എന്തൊക്കെയാണാവോ കിട്ടാൻ പോണത്......ആദം നെറ്റിയുഴിഞ്ഞു... എന്നതായാലും രണ്ടു കൈയും നീട്ടിയങ് വാങ്ങിയേര്.....അല്യോ വല്യമ്മച്ചീ.....കണ്ണാപ്പീ ചിരിയോടെ പറഞ്ഞു.... അല്ല....പിന്നെ.... ജോയിച്ചൻ വിളിച്ചാരുന്നോ ഇച്ഛായാ ......അവരവിടെ എത്തിയോ...പെട്ടെന്ന് ഓർത്തെടുത്തു കൊണ്ട് ആദം തിരക്കി..... ആഹ്.....അവനെന്നെ രാവിലെ തന്നെ വിളിച്ചു വെളുപ്പിന് അഞ്ചു മണിക്ക് തന്നെ അവിടെ എത്തീട്ടുണ്ട്.....

എന്നായാലും രജിസ്റ്റർ മാരീജ് കഴിഞ്ഞല്ലോ അത് കൊണ്ട് ഇനിയാ ആലത്തറക്കാരുടെ കളിയൊന്നും നടക്കുകേല........ആദം മീശമുറുക്കിക്കൊണ്ട് പറഞ്ഞു..... ടാ....കൊച്ച് മോനേ....നീ പോയി ഫ്രഷ് ആയി താഴേക്ക് വാ.....ഞാൻ പതിയെ അമ്മയോടിതേ പറ്റി പറയാം.... മ്മ്ഹം.....മൂളിക്കൊണ്ട് ഉടുത്ത് മാറാനുളളതു മെടുത്ത് ആദം ബാത്ത്റൂമിലേക്ക് പോയി..... ഏലിയാമ്മയും കണ്ണാപ്പീയും താഴേക്ക് നടന്നു.... ❤❤ പാലക്കാട്.....വനിതാ ജയിലിൽ..... പി.സി....സെൽവി....ജയീൽ സൂപ്രണ്ട് സെൽവിയെ വിളിച്ചു എന്താ മേഡം.....അവിടേക്ക് വന്ന ശേഷം പി.സി.സെൽവി സൂപ്രണ്ടിനെ സല്യൂട്ട് ചെയ്തു... ഇന്നാണ് ആ ജാനകി ആദിത്യ വർമ്മയുടെ ശിക്ഷയുടെ കാലാവതി പൂർത്തിയാവുന്ന ദിവസം......ആ കൊച്ചിനെ ഒന്ന് വിളിച്ചോണ്ട് വന്നേക്ക് സെൽവി.....അതിന്റെ അമ്മ പുറത്ത് കാത്ത് നിപ്പുണ്ട്.... മ്മ്ഹം ശരി മാഡം ......പറഞ്ഞു കൊണ്ട് സെൽവി അവിടെ നിന്നും പോയി..... ജാനകി ആ 406 ആം നമ്പർ പ്രിസണർ അല്ലേ മേഡം എന്തായിരുന്നു ആ കുട്ടീടെ പേരിലുളള കേസ്.....

അടുത്തിടെ സ്ഥലം മാറി വന്ന വനിതാ കോൺസ്റ്റബിൾ തിരക്കി.... മ്മ്ഹം.....ആ കുട്ടിയെ പീഡിപ്പിക്കാൻ ശ്രമിച്ച ഒരുത്തനെ വെട്ടി പരിക്കേൽപിച്ച കേസാ....ആറുമാസത്തെ ശിക്ഷയായിരുന്നു....പാവം ഇരുപത്തൊന്ന് വയസ്സുള്ള കുട്ടി.....ഈ പരിക്കേറ്റവൻ ആ കാളിയാർ മഠത്തിലെ ചെക്കനാ....കാളിയാർ വാസുദേവൻ നാരായണന്റെ മകൻ വിഷ്ണു നാരായണൻ.......അവള് പുറത്തിറങ്ങുന്നതും കാത്തിരിക്കുവാ അവനും അവന്റെ ആൾക്കാരും....കൈയിൽ കിട്ടിയാൽ ..... പറഞ്ഞു പൂർത്തിയാക്കാതെ ദീർഘമായി നിശ്വസിച്ചു ..... ❤❤ ജയിലഴിക്കുളളിൽ ഒരറ്റത്തായി മുട്ടിൽ മുഖമമർത്തി അവളിരുന്നു ജാനകി ആദിത്യ വർമ്മ ..... ജാനകി.....പി.സി.സെൽവിയുടെ ശബ്ദം അവിടെ പ്രതിധ്വനിച്ചു..... നാളുകൾക്കു ശേഷം അവളുടെ പേര് കാതുകളിൽ പതിച്ചപ്പോൾ വെപ്രാളത്തോടെ അവൾ മുഖമുയർത്തി നോക്കി...... തുടരും...... അലക്സിനെയും ആരുവിനെയും മറന്നോ.....അവരുടെ മക്കളുടെ കഥയാണ്......അരുന്ധതി ആദ്യത്തെ പാർട്ടിന്റെ തുടർച്ചയാണിതും......അതിലെ മിക്ക കാരക്ടേസ് ഇതിലും ഉണ്ട്.....പിന്നെ കുറെ പുതിയ ആൾക്കാരും .....സപ്പോർട്ട് ചെയ്യുവാണേൽ തുടരാം.....