🔥അരുന്ധതി [ 2 ] 🔥 : ഭാഗം 10

എഴുത്തുകാരി: ദിവ്യ സാജൻ

ഹെലൻ ഇല്ല....ഗൗരി മോളെ.....അങ്ങനൊന്നുമില്ല.....അത് നിനക്ക് തോന്നണതാ.....ജാനകി അവളിൽ നിന്നും നോട്ടം മാറ്റി കൊണ്ട് പറഞ്ഞു..... മ്മ്ഹം......പക്ഷെ നിക്കങ്ങനെ തോന്നണില്ലല്ലോ.......ജാനിയേച്ചി നുണ പറയാ....ന്നോട് പറഞ്ഞൂടേ....അവൾ ചുണ്ട് ചുളുക്കി..... ഇല്ല.....ഗൗരി അങ്ങനെ....ആ....ആരും ഇ....ഇല്ല...ഇടർച്ചയോടെ പറഞ്ഞു..... മ്മ്ഹം.....ശരി.....അവളെയൊന്ന് ഇരുത്തി നോക്കിക്കൊണ്ട് മൂളി..... ഋഷിയേട്ടനെ ഇഷ്ടല്ലാന്ന് പറഞ്ഞൂടേ ചേച്ചിക്ക്..... എന്റെ ഇഷ്ടാനിഷ്ടങ്ങൾ ആര് നോക്കാനാ ഗൗരി.....ഞാനിപ്പോ ഇഷ്ടല്ലാന്ന് പറഞ്ഞാലും എന്ത് പ്രയോജനം.....വലിയമ്മാമ പറഞ്ഞതേ നടക്കൂ.... പറഞ്ഞു കൊണ്ട് ഇരുന്നിടത്ത് നിന്നും എഴുന്നേറ്റു..... ഞാൻ പോവാ ഗൗരിക്കുട്ടി അമ്മ അന്വേഷിക്കും..... മ്മ്ഹം.....ജാനിയേച്ചീ പൊയ്ക്കോ ഞാൻ പിന്നാലെ വരാം.....വിളറിയ ഒരു പുഞ്ചിരി യോടെ ഗൗരി പറഞ്ഞു...... പാവം......ജാനി പടി കയറി പോകുന്നതും നോക്കി അവൾ പിറുപിറുത്തു ..... ❤❤ മൂന്നു ദിവസം കഴിഞ്ഞ് ശിവൻ പതിയെ സംസാരിച്ചു തുടങ്ങി.....ഇതറിഞ്ഞ് വിഷ്ണു അവനെ കാണാനായി ഹോസ്പിറ്റലിലേക്ക് ചെന്നു...... വിഷ്ണു ചെല്ലുമ്പോൾ ശിവൻ കട്ടിലിൽ ചാരി ഇരിപ്പുണ്ടായിരുന്നു...... അവനെ കണ്ടതും ചെറുതായൊന്ന് പുഞ്ചിരിച്ചു..... ശിവാ.....നിനക്കിപ്പോ എങ്ങനുണ്ടെടാ .....ബെഡിനടൂത്തുളള ചെയറിൽ ഇരുന്നു വിഷ്ണു.... ചെറിയൊരാശ്വാസം തോന്നണുണ്ട് വിഷ്ണു....പതിയെ പറഞ്ഞു.....

ആരാ.....ആരാ നിന്നോടിങ്ങനെ പറഞ്ഞു പൂർത്തിയാക്കിയാക്കാതെ നിർത്തി .... ആദം..... ആദമോ....അതാരാടാ ഞാനറിയാത്തൊരുത്തൻ ഏതെങ്കിലും വരത്തനാണോ....വിഷ്ണു പെരു വിരലിൽ നെറ്റി തടവിക്കൊണ്ട് ചോദിച്ചു..... മ്മ്ഹം....ആ....ആൻ മരിയയുടെ ആങ്ങള.....തല്ലി തുടങ്ങുന്നതിന് മുന്നേ അവൻ തന്നെ വിളിച്ചു പറയുന്നുണ്ടായിരുന്നു.... അവനെവിടത്ത്കാരനാടാ.....പല്ലു ഞെരിച്ച് കൊണ്ട് ചോദിച്ചു..... അറിയില്ല വിഷ്ണു.....പക്ഷെ ഒരു കാര്യം ഉറപ്പാ....നിനക്കൊത്ത എതിരാളിയാ അവൻ....പെട്ടെന്ന് തോൽപിക്കാൻ കഴിയില്ലവനെ കാരിരുമ്പിന്റെ കരുത്തുളള ഒറ്റയാൻ.....ചിറി കൊട്ടിക്കൊണ്ട് പറഞ്ഞു.... അവനെവിടെയായാലും കണ്ട് പിടിക്കണം .....വിടില്ല ഞാനാ ..... മോനേ നിന്നോട് ചെയ്തതിന് അവനനുഭവിക്കും...പറഞ്ഞു കൊണ്ട് കാറ്റുപോലെ പുറത്തേക്ക് പോയി...... ❤❤❤ ആദം ഫിനാൻസിലേക്ക് ചെല്ലുമ്പോൾ മുൻ വശത്ത് തന്നെ ജോഷു നിപ്പുണ്ടായിരുന്നു.... അന്ന് വീട്ടിൽ നിന്നും ഇറങ്ങി ഓടിയതിനു പിന്നെ ഇപ്പോഴാ ആദം അവനെ കാണുന്നത്.....ആദത്തെ കണ്ടതും ജോഷു നന്നായൊന്നിളിച്ചു കാണിച്ചു..... ആദം കണ്ട ഭാവം പോലും കാട്ടാതെ മുകളിലേക്ക് കയറി പോയി...... ഇച്ഛായാ.....

.എന്നാ പറ്റി പിണങ്ങിയോ.....പറഞ്ഞു കൊണ്ട് അവനടുത്തേക്ക് വന്നു.... ടാ തെണ്ടീ.....നിന്നോടീ പടി ചവിട്ടല്ലേന്നല്ലേടാ കോപ്പേ ഞാൻ പറഞ്ഞത് ആദം അവനെ കലിപ്പിൽ നോക്കി..... സോറി ഇച്ഛായാ ഞാൻ പടി ചവിട്ടാതെ ഗ്രില്ലിലൂടെ കയറി വന്നതാ.....സത്യം....ആദമിനെ ഒളി കണ്ണാലെ നോക്കി..... പ്ഫാ.....പന്ന...... മോനെ കളിയാക്കുവാന്നോ നീ.....പറഞ്ഞു കൊണ്ട് അടുത്തിരുന്ന പേപ്പർ വെയിറ്റ് എടുത്ത് അവന് നേരെ ഓങ്ങിയതും കണ്ണുകൾ മുറുക്കി അടച്ചു...അത് കണ്ട് ആദം അത് തിരികെ ടേബിളിനു മുകളിൽ വച്ചു.... അയ്യോ അല്ലിച്ഛയാ...ഞാൻ.....പറയുമ്പോൾ ഹെലൻ ഒരു ഫയലുമായി അവിടേക്ക് വന്നു.... ഹെലനെ കണ്ടതും അവന്റെ കണ്ണുകൾ വിടർന്നു.....അവൻ അവളെ തന്നെ മതി മറന്ന് നോക്കി നിന്നു.......പക്ഷെ അവൾ വെറുതെ പോലും അവനെ നോക്കിയില്ല....അവന്റെ നോട്ടം മുഴുവൻ അവളിലാണെന്ന് കണ്ട് ആദം മുരണ്ടു...... ഹെലൻ താനീ ഫയൽ ഇവിടെ വച്ചിട്ട് പൊയ്ക്കോ..ചെക്ക് ചെയ്ത് കഴിഞ്ഞു ഞാൻ തന്നെ വിളെക്കാം..... ആഹ് ശരി സ്ർ പറഞ്ഞു കൊണ്ട് അവൾ ക്യാബിൽൻ വിട്ടിരുന്നു..... ഇച്ഛായാ ഞാനിപ്പോ വരാവേ.....പറഞ്ഞു കൊണ്ട് ജോഷു എണീറ്റു....

ടാ.....പര നാറി നീ എങ്ങോട്ട് കെട്ടിയെടുക്കുവാടാ.....അവനലറി..... ഓ .....ഒന്ന് മുളളാൻ പോവാ.....ഇനി അതിനും നിങ്ങടെ അനുവാദം വാങ്ങണോ അടിയൻ..... ആദം അവനെ കൂർപ്പിച്ചു നോക്കി ക്കൊണ്ട് ഫയലുകൾ എടുത്ത് ചെക്ക് ചെയ്യാൻ തുടങ്ങി.... ജോഷു പതിയെ ഹെലന്റെ ക്യാബിനടുത്തേക്ക് നടന്നു.....നോക്കുമ്പോൾ അവൾ ചെയറിൽ ഇരുന്നു കംപ്യൂട്ടറിൽ എന്തൊക്കെയോ ചെയ്യുകയായിരുന്നു..... ജോഷു അവളുടെ ക്യാബിനകത്തേക്ക് കയറി..... അവനെ കണ്ടതും അവളൊന്ന് മുഖമുയർത്തി നോക്കി .......ജോഷൂ അവളുടെ മുഖത്തേക്ക് രൂക്ഷമായി നോക്കി....അവന്റെ നോട്ടത്തിൽ അവളൊന്ന് ഭയന്നു..... വീണ്ടും മുഖം താഴ്ത്തി ചെയ്തു കൊണ്ടിരുന്നത് തുടർന്നു...... ടീ .....കൊച്ചേ....കുറെ നാളായി നിന്റെ പിന്നാലെ ഞാൻ നടക്കാൻ തുടങ്ങിട്ട് ഇന്ന് നിന്റെ മറുപടി എന്തായാലും അറിഞ്ഞേ പറ്റൂ....അവൻ ദേഷ്യത്തോടെ ചോദിച്ചു .... ഒന്നും പറയാതെ കുനിഞ്ഞിരുന്നവൾ... അത് കാണേ ജോഷൂന് ദേഷ്യം വന്നു.... ടീ പുല്ലേ നിനക്കെന്നെ ഇഷ്ടവാണേൽ ഇപ്പൊ പറയണം.....വായ് തുറന്നു സംസാരിക്കാൻ കൂട്ടാകാതെ മനുഷ്യനെ പിന്നാലെ നടത്തുന്നതെന്നാത്തിനാടീ നീ..... പറഞ്ഞു കൊണ്ട് അവളുടെ അടുത്തേക്ക് നടന്നു...ഈ സമയം അവിടത്തെ ബഹളം കേട്ട് ആദം അവിടേക്ക് ചെന്നു..... ടാ....പന്ന &&& മോനേ നിനക്കെന്തിന്റെ കേടാടാ....മര്യാദയ്ക്കിരുന്നു ജോലി ചെയ്യുന്നവളെ അത് ചെയ്യാൻ സമ്മതിക്കുകേലേ നീ...അവനെ കടുപ്പിച്ച് നോക്കി.....

ഇച്ഛായൻ ഇതിലിടപെടണ്ട....എന്തെങ്കിലും ഉണ്ടെങ്കിൽ വാ തുറന്നു പറയടി.....മുരണ്ടു കൊണ്ട് അവളുടെ മുന്നിലെ ടേബിളിനു മുകളിൽ ആഞ്ഞിടിച്ചു.... ഇവനെ ഇന്ന് ......പറഞ്ഞു കൊണ്ട് അലക്സ് അകത്തേക്ക് കയറി.... ടാ .....നാറി ഇന്നിവിടെ ഓഡിറ്റിങ്ങ് ഉളളതാ.....ആ കൊച്ചിന് പിടിപ്പത് പണിയുളളതാ പറഞ്ഞു കൊണ്ട് അവനെ വലിച്ചു പുറത്തേക്ക് കൊണ്ട് പോയി...... ഇച്ഛായാ ഒന്ന് വിട്ടേ. ...എനിക്കവളോട് സംസാരിക്കണം.....പറഞ്ഞു അവന്റെ കയ്യിൽ കിടന്നു കുതറാൻ തുടങ്ങിയവൻ ......ആദം അവനെ വലിച്ചു പുറത്തേക്ക് കൊണ്ട് പോയി.....നിന്റെ പ്രേമവും സംസാരവുമൊക്കെ പുറത്ത് ഇവിടത് വേണ്ട.... പറഞ്ഞു കൊണ്ട് അവനെ പിടിച്ചു പുറത്തേക്ക് കൊണ്ട് പോയി വിട്ടു.... ദേ ഇച്ഛായാ എനിക്കവളോട് സംസാരിക്കണം....അവൻ ഒച്ചയെടുത്തു..... പഫാ....പന്ന@@@@@മോനെ മര്യാദയ്ക്ക് പറഞ്ഞാ മനസ്സിലാവുകേലേടാ...... ഓഹ്.....തെറി വിളിയ്ക്കണ്ട ഞാൻ പോവാ..... ചെവി പൊത്തി പറഞ്ഞു കൊണ്ട് ബുളളറ്റിനടുത്തേക്ക് നടന്നു നീങ്ങുന്നവനെ പുഞ്ചിരി യോടെ നോക്കി നിന്നു ആദം.... ഇതേ സമയം മുകളിൽ നിന്നും ഹന്ന ഇതെല്ലാം നോക്കി കാണുന്നുണ്ടായിരുന്നു.....

അപ്പോഴും ഉളളിലെ പ്രണയം തുറന്നു പറയാൻ കഴിയാത്ത തന്റെ നിസ്സഹായത ഓർക്കൂകയായിരുന്നവൾ..... ❤❤ ദിവസങ്ങൾ ഒരു മാറ്റവുമില്ലാതെ കടന്നു പോയി..... ഋഷിയുമായുളള വിവാഹക്കാര്യത്തിൽ പ്രത്യേകീച്ചൊരു മറുപടി പറയാതെ ഓരോരോ കാരണങ്ങൾ പറഞ്ഞ് ദേവി നീട്ടി ക്കൊണ്ട് പോയി.....നാഥനെയും മഹിയെയും ഇത് വല്ലാതെ ചോടിപ്പിച്ചെങ്കിലും ജാനകിയുടെ പേരിലുള്ള സ്വത്ത്വവകകളോർത്ത് സംയമനം പാലിച്ചു...... അപ്പോഴും ആദിത്യന്റെ വരവ് പ്രതീക്ഷിച്ച് കഴിയുകയായിരുന്നു ജാനകി.... ശിവന്റെ ആരോഗ്യം പഴയതു പോലെ മെച്ചപ്പെട്ടു....ഇപ്പോഴും ജാനകിയുടെയും കൊച്ചുവിന്റെ യും നാട് കണ്ടു പിടിക്കാനായുളള അന്വേഷണത്തിലാണ് വിഷ്ണു...കൊച്ചു പഠിച്ച ഹോസ്റ്റലിൽ പോയി തിരക്കിയെങ്കിലും അവിടെ നിന്നും ഒരു ഡീറ്റയിൽസും അവർക്ക് പറഞ്ഞു കൊടുത്തില്ല....അവിടെയുളള കുട്ടികളുടെ പഠന കാര്യങ്ങളും മറ്റു വിവരങ്ങളും ആർക്കും വെളിപ്പെടുത്താൻ പാടീല്ലെന്ന കർശന നിയമം ഉണ്ടായിരുന്നവിടെ..... ❤❤ ഒരു ദിവസം രാവിലെ അമ്പലത്തിലേക്ക് പോവാൻ സെറ്റ് സാരിയുടുത്തു ഇറങ്ങിയതായിരുന്നു ആരു.....താഴേക്ക് വരുമ്പോൾ അലക്സ് എസ്റ്റേറ്റിലേക്ക് പോവാനായി റെഡിയായി നിപ്പുണ്ടായിരുന്നു......അവൾ വേഗം അവന്റെ അടുത്തേക്ക് പോയി...... എന്നാടീ രാവിലെ തന്നെ ഈ വേഷത്തിൽ അവളെ അടിമുടിയൊന്ന് നോക്കി ക്കൊണ്ട് അലക്സ് ചോദിച്ചു.....

ഇന്ന് നമ്മുടെ വിവാഹ വാർഷികവാ ഇച്ഛായാ....അമ്പലത്തിൽ പോവാ....അവൾ പുഞ്ചിരി യോടെ പറഞ്ഞു...... ആന്നോ.....എന്നിട്ട് രാവിലെ ഇച്ഛായനുളള സമ്മാനമെവിടെന്റെ അന്നക്കൊച്ചേ.....കുസൃതി ചിരിയോടെ പറഞ്ഞു കൊണ്ട് അവളെ ചേർത്ത് പിടിച്ചു...... ദേ ഇച്ഛായാ......തമാശ കാണിക്കാ.....കണ്ണാപ്പീ ഇപ്പൊ വരും ഒന്നു മാറി നിന്നേ പറഞ്ഞു കൊണ്ട് അവനിൽ നിന്നും അകലാൻ തുടങ്ങിയതും അലക്സ് അവളുടെ നിറുകിൽ ചുമ്പിച്ചു മാറി.....ആരു അവനെയൊന്ന് കൂർപ്പിച്ചു നോക്കി ക്കൊണ്ട് മാറി നിന്നു.....അപ്പോഴേക്കും കണ്ണാപ്പീ അവിടേക്ക് വന്നു...... ഹാ.....വെഡ്ഡിംഗ് ഡേ ആയിട്ട് ചിലവില്ലേ അപ്പാ....കണ്ണാപ്പീ ചോദിച്ചു.... ഞാൻ കുറച്ചു മുന്നേ ചിലവ് ചെയ്തതാടാ.....ആരുവിനെ ഒന്ന് പാളി നോക്കി ക്കൊണ്ട് അലക്സ് പറഞ്ഞു.....ആരു അവനെ നോക്കി ചുണ്ട് കൂർപ്പിച്ചു..... എന്ത് ചിലവാമ്മാ അപ്പൻ ചെയ്തേ.....കണ്ണാപ്പീ നെറ്റിചുളുച്ചു..... ടാ ചെക്കാ നീ വരണുണ്ടോ ഇനിം നിന്നാ നേരം വൈകും ഇതിയാനിങ്ങനെ പലതും പറയും ചിരിയോടെ പറഞ്ഞു കൊണ്ട് അവനെയും കൂട്ടി മുന്നോട്ട് നടന്നു...... ❤❤ അമ്പലത്തിനു കുറച്ചു അകലെയായി കാർ പാർക്ക് ചെയ്ത ശേഷം കണ്ണാപ്പീ ആലിന്റെ ചോട്ടിലായിരുന്നു....ആരു തൊഴാനായി അമ്പലത്തിലേക്ക് പോയി..... ശ്രീ കോവിലിനു മുന്നിൽ നിന്ന് തൊഴുത് പ്രാർത്ഥീക്കുമ്പോഴും അലക്സിനെ തന്നെ തന്റെ പാതിയായി നൽകിയ ഈശ്വരന് നന്ദി പറയുകയായിരുന്നു ആരു.....

..തന്റെ ഇച്ഛായനൊപ്പം സന്തോഷം പൂർണ്ണമായ ഒരു വർഷം കൂടി തന്നതിനും..... .ഇത്രയും നാൾ എല്ലാവരെയും കാത്ത് പരിപാലിച്ച പോലെ ഇനിയുള്ള ദിവസങ്ങളിലും കാക്കണേ എന്നവൾ ആത്മാർഥമായി പ്രാർത്ഥിച്ചു.....കണ്ണുകളടച്ച് പ്രാർത്ഥനയിൽ മുഴുകി നിന്നത് കാരണം സമയം പോയതറിഞ്ഞില്ല....വേഗം കൗണ്ടറിൽ പോയി രണ്ടു പേരുടെ പേരിലും അർച്ചന നടത്തി തിരികെ താഴേക്ക് പടികളിറങ്ങി വരവേ ആരു കാണുന്നത് മഹിയും നാഥനും കൂടി തല്ലിച്ചതക്കുന്ന കണ്ണാപ്പീയെയാണ് ......ആ കാഴ്ച കണ്ട് അവൾ സ്തംഭിച്ചു നിന്നു .....ഞെട്ടലൊന്ന് മാറിയതും അവൾ വേഗം അവിടേക്ക് പാഞ്ഞു പോയി ..... തൊട്ട് പോവരുതെന്റെ മോനേ മാറി നിക്കടോ ......ആരു ചീറി... അവളുടെ അലർച്ച കേട്ട് നാഥൻ കണ്ണാപ്പീയെ നിലത്തേക്ക് വലിച്ചിട്ട് പിന്നിലേക്ക് മാറി നിന്നു.... ആരു വേഗം അവനെ പോയി താങ്ങിയെണിപ്പിച്ചു..... എന്താ മോനേ.....എന്തിനാ ഈ ദുഷ്ടന്മാർ നിന്നെ......പറഞ്ഞു നിർത്തി ക്കൊണ്ട് സാരിത്തലപ്പാൽ അവന്റെ രക്തം കിനിഞ്ഞ ചുണ്ടുകൾ തുടച്ചു കൊടുത്ത്.... ചെറുതായി ചോര പൊടിഞ്ഞ കൈമുട്ടും നെറ്റിയും കാണേ ദുഃഖം തോന്നി ആരുവിന്...... എന്തിനാടാ ഇവനൊക്കെ നിന്നെ തല്ലിയേ അവൾ ഒച്ചയെടുത്തു ...... ഹാ.....ആലത്തറയിലെ പെണ്ണിനെ കേറി പിടിച്ച ഇവനെ ഞങ്ങൾ പിന്നെ പൂവിട്ട് പൂജിക്കണോ.....നാഥൻ ഒച്ചയെടുത്തു.... ആരു ഒരമ്പരപ്പോടെയാണ് അത് കേട്ട് നിന്നത്....കണ്ണാപ്പീ ഒരിക്കലും അങ്ങനൊരു തെറ്റ് ചെയ്യില്ലെന്ന് ആരുവിന് ഉറപ്പായിരുന്നു. .......

ചതി നടന്നെന്ന് തോന്നിയതും അവൾ തിരിഞ്ഞു നാഥനെയും മഹിയെയും നോക്കി....രണ്ടു പേരും പുച്ഛത്തോടെ കണ്ണാപ്പീയെ നോക്കി...... ഇവനെ വളർത്തിയത് ഞാനാ.....ആ .... എന്റെ കുട്ടി തെറ്റ് ചെയ്യില്ലെന്ന് എനിക്ക് നന്നായറിയാം....പറ മോനേ എന്താ നടന്നത്.....അവൾ കണ്ണാപ്പീയുടെ തോളിൽ കൈചേർത്ത് ചോദിച്ചു..... അതമ്മാ ആ കൊച്ച് ആ സ്റ്റെപ്പിറങ്ങി വരാരുന്നു....ഇത്രയും നേരമായിട്ടും അമ്മയെ കാണാഞ്ഞ് തിരക്കി മുകളിലേക്ക് വരാരുന്നു ഞാൻ.....ആ കൊച്ചിന്റെ കാല് തെന്നി അവൾ നിലത്തേക്ക് വീഴാൻ തുടങ്ങിയതാ.....അപ്പോ ഞാൻ പെട്ടെന്ന് വീഴാണ്ടിരിക്കാൻ അവളെ താങ്ങിയതാ അവളൊന്ന് നേരെ നിന്നതും ഈ പന്നനെന്ന് പിന്നിലൂടെ വന്ന് ചവിട്ടി താഴേക്കിട്ടു.....മഹിയെ നോക്കി കണ്ണാപ്പീ പറഞ്ഞു.....ആ കൊച്ച് നടന്നതെന്നാന്ന് ഇവനോടൊക്കെ പറഞ്ഞതാ പക്ഷെ ഇവനൊന്നും വകവച്ചില്ല.....അതിനെ പിടിച്ചു വലിച്ചു കൊണ്ട് പോയിട്ട് എന്നെ തല്ലിയതാ നെഞ്ചിൽ കൈവച്ചു കൊണ്ട് പറഞ്ഞു നിർത്തി കണ്ണാപ്പീ..... അത് കേട്ടതും ആരുവിന്റെ സകല നിയന്ത്രണവും വിട്ടിരുന്നു..... താൻ എന്താ കുറച്ചു മുന്നേ പറഞ്ഞത് എന്റെ മോൻ ആലത്തറയിലെ പെണ്ണിനെ കേറി പിടിച്ചെന്നോ.....പിഞ്ചെന്നോ പൂവെന്നോഇല്ലാതെ പെണ്ണിനെ കേറി പിടിക്കുന്നതെന്ന് ആരാന്ന് ഇന്നാട്ടിലെ സകലർക്കുമറിയാം.....അതിന്റെ പേരിൽ തല്ലുകൊണ്ട് നടുതളർന്ന് കിടക്കുന്ന തന്റെ മൂത്ത മകനെയും ആരും മറന്നിട്ടുണ്ടാവില്ല......വെറുതെ എന്നെക്കൊണ്ട് പഴംകെട്ടഴിപ്പിക്കരുത്....നാറും താൻ....നാഥനു നേരെ വിരൽ ചൂണ്ടി പറഞ്ഞു കൊണ്ട് കണ്ണാപ്പീയെയും കൂട്ടി മുന്നോട്ട് നടന്നു ആരു..... അവർ പോകുന്നതും നോക്കി പല്ലുഞെരിക്കുകയായിരുന്നു നാഥൻ..... ❤❤

രാത്രി എസ്റ്റേറ്റിൽ നിന്നും തിരികെ വരാരുന്നു ആദം ......കയറി വരുമ്പോഴേ കാണുന്നത് ഉമ്മറത്ത് നിലത്ത് കമിഴ്ന്നു കിടക്കുന്ന കണ്ണാപ്പീയെയാണ്......ആദം വേഗം അവന്റെ അടുത്തേക്ക് പോയി നോക്കുമ്പോൾ എണ്ണയും കുഴമ്പുമിട്ട് തടവിവിട്ടിരിക്കുകയായിരുന്നു.....ഈ സമയം ഒരു പാത്രത്തിൽ കുറച്ചു തിളച്ചവെളളവുമായി കൊച്ചു എത്തി....പതിയെ അവന്റെ അടുത്തിരുന്നു മുതുകിലൊക്കെ ആവി പിടിപ്പക്കാൻ തുടങ്ങി...ഇടക്കിടെ വേദനകൊണ്ട് കണ്ണാപ്പീ നില വിളിക്കുന്നു മുണ്ടായിരുന്നു.....ആദം ഇതെന്താന്ന് മനസ്സിലാവാതെ കുറച്ചു നേരം നോക്കി നിന്നു.... ഇച്ഛായനിതെന്നാ പറ്റിയതാടീ കൊച്ചൂ.....എവിടേലും നടുവിടിച്ച് വീണോ......ആദം ഉച്ചത്തിൽ ചോദിച്ചു..... ആഹ് നീ വന്നോടാ കൊച്ചു മോനേ.....ഓഹ് എന്നാ പറയാനാടാ ഉവ്വേ.....ആഹ് ഒന്ന് കാല് തെന്നി നടുവടിച്ച് വീണതാടാ......കണ്ണാപ്പീ എരിവാറ്റി ക്കൊണ്ട് പറഞ്ഞു.... എന്റിച്ഛായ വല്ലിച്ചായൻ നുണ പറഞ്ഞതാ വീണതൊന്നുവല്ല തല്ലി വീഴിച്ചതാ....... വീഴിച്ചതെന്നോ ആര്....നീ എന്നതൊക്കെയാടീ ഈ പറയുന്നേ.....ആദം ആകാംക്ഷയോടെ ചോദിച്ചു..... ആ ആലത്തറയിലെ തമ്പുരാക്കന്മാരൊന്നുഴിഞ്ഞുവിട്ടതാ അല്യോ ഇച്ഛായാ.....കൊച്ചു കണ്ണാപ്പീയെ നോക്കി ..... ഈ സമയം കണ്ണാപ്പീ അവളെ നോക്കി പല്ലു കടിച്ചു..... എന്നാ ഇച്ഛായാ ഉണ്ടായേ.....ആദം കടുപ്പിച്ച് ചോദിച്ചു..... ഓ.....അതിന് മാത്രം ഒന്നും ഇല്ലടാ കൊച്ചു മോനെ അവന്മാര് തെറ്റിദ്ധരിച്ചതാ....

ഇതിപ്പോ രണ്ടു ദിവസം എണ്ണയും കുഴമ്പും ഇടുമ്പോ കഴിയും .... തെറ്റിദ്ധരിച്ചതല്ലിച്ഛായ മനപൂർവം ചെയ്തതാ....ഇച്ഛായൻ ആ ഋഷിയോട് ചെയ്തതിന് പകരം വീട്ടിയതാ.....കൊച്ചു എരികേറ്റി.... കണ്ണാപ്പീ കൊച്ചുവിനെ കടുപ്പിച്ച് നോക്കി....ആദത്തോട് ഒന്നും പറയരുതെന്ന് ചുണ്ടനക്കി.... ഞാൻ പറയും.....ഇച്ഛായാ ഇന്ന്.....രാവിലെ നടന്നതൊക്കെ കൊച്ചു ആദത്തോട് തുറന്നു പറഞ്ഞു.....കണ്ണാപ്പീ തലയ്ക്ക് കൈയും കൊടുത്തു കിടന്നു....എല്ലാം കേട്ട് കഴിഞ്ഞ് ആദത്തിന്റെ കണ്ണുകൾ ദേഷ്യം കൊണ്ടു കുറുകി.....ആലത്തറയിലെ കൊച്ചു തമ്പ്രാട്ടിയെ തൊട്ടതിനല്ല്യോ അവനൊക്കെ ഇച്ഛായനെ തല്ലിച്ചതച്ചത് .....കണക്കിന് കൊടുക്കണുണ്ട് ഞാനാ.......മോന്മാർക്ക്.....പറഞ്ഞു കൊണ്ട് പുറത്തേക്ക് പോവാൻ തുടങ്ങി ആദം.... ടാ....കൊച്ചു മോനേ വേണ്ടടാ....ടീ....നീ പോയി അമ്മയെയും വല്യമ്മച്ചിയെയും വിളിച്ചിട്ട് വാടീ....വേഗം ചെല്ല്...കണ്ണാപ്പീ പതിയെ എഴുന്നേറ്റിരുന്നു കൊണ്ട് പറഞ്ഞു..... ആഹ്....ഏതാ ഇച്ഛായാ ആ പെണ്ണ്.....പെട്ടന്ന് ഓർത്തത് പോലെ തിരിഞ്ഞു കണ്ണാപ്പീയെ നോക്കി ആദം..... ടാ കൊച്ച് മോനേ നീ എന്നാത്തിനുളള പുറപ്പാടാ.....എടാ.....പോട്ടെടാ....വിട്ടേര്......അതൊന്നും കാര്യമാക്കണ്ട.....കണ്ണാപ്പീ വീണ്ടും അവനെ പിൻതിരിപ്പിക്കാനായി പറഞ്ഞു...... കൊച്ചൂ ഏതാടീ അവള്.....ആ മഹീടെ മോളാണോ അല്ലിച്ഛയാ.....ആ കുട്ടിയെ വല്ലിച്ചായൻ ഇതിനു മൂന്നെകണ്ടിട്ടില്ലാന്നാ പറഞ്ഞത്..... ടാ കൊച്ച് മോനേ വേണ്ട അപ്പനെങ്ങാനും വന്നാ...

.കൈവിട്ട് പോവും.... ഇച്ഛായനൊന്നടങ്ങി കിടന്നേ.....വെറുതെ ചെന്ന് അവന്റെയൊക്കെ തല്ലും മേടിച്ചേച്ച് വന്നിരിക്കുവാ....അപ്പന്റെ പേരും കൂടി കളയാൻ.....ഇനി ഇതിന്റെ പേരില് അപ്പനെന്നെ തല്ലി പുറത്താക്കുവാണേ ആയിക്കോട്ടേ.....പറഞ്ഞു കൊണ്ട് പുറത്തേക്ക് പോയി.... ടീ പ്രാണി നീയെന്ത് പണിയാ കാണിച്ചത്..... ഇതിനി എന്തായി തീരുന്നോ ആവോ പറഞ്ഞു കൊണ്ട് തലയ്ക്ക് കൈവച്ചു പോയി കണ്ണാപ്പീ..... എന്നാ ആവാനാ ഒന്നും വരില്ല ചെയ്യാത്ത തെറ്റിനല്ല്യോ ഇച്ഛായനെ അവന്മാര് തല്ലിച്ചതച്ചത്.... ആ തമ്പ്രാക്കന്മാർക്ക് നല്ല നാല് തല്ലിന്റെ കുറവുണ്ട് അതെന്തായാലും ഇന്ന് കിട്ടും ഓഹ് അതൊന്ന് കാണാൻ പറ്റില്ലല്ലോ എന്നാ എന്റെ വിഷമം പറഞ്ഞു കൊണ്ട് താടിയ്ക്ക് കൈ കൊടുത്തിരീക്കുന്നവളെ തന്നെ കണ്ണുമിഴിച്ച് നോക്കുവാരുന്നു കണ്ണാപ്പീ.... ❤❤ രാത്രി കുളി കഴിഞ്ഞ് കണ്ണാടിയ്ക്ക് മുന്നിൽ നിന്ന് തലതുവർത്തുകയായിരുന്നു ജാനി.....പെട്ടെന്ന് വാതിൽ ചെർത്തടയ്ക്കുന്ന ശബ്ദം കേട്ട് ദേവിയാവുമെന്ന് കരുതി തിരിഞ്ഞു നോക്കി തന്റെ മുന്നിൽ നിൽക്കുന്നവനെ കാണേ വിറങ്ങലിച്ചു നിന്നു പോയവൾ..................... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...