🔥അരുന്ധതി [ 2 ] 🔥 : ഭാഗം 11

എഴുത്തുകാരി: ദിവ്യ സാജൻ

വാതിൽ കുറ്റിയിട്ട് അവൾക്ക് നേരെ നടന്നടുക്കുന്നവനെ വർദ്ധിച്ച ഭയത്തോടെ നോക്കി നിന്നു പോയി ജാനി..... ആ....ആ....ആരാ നിങ്ങൾ....ആരാ....എന്തിനാ വ.....വന്നേ...വിറയാർന്ന ശബ്ദത്തോടെ ചോദിച്ചു ജാനി.... നിന്റെ കാലൻ.....ഓഹ്.....ആലത്തറയിലെ കൊച്ച് തമ്പുരാട്ടിയ്ക്ക് പേടിയാന്നോ.....എന്നാത്തിനാ പേടിക്കുന്നേ.....തടിമാടന്മാരായ രണ്ടാമ്മവന്മാരുളളതല്ല്യോ പിന്നെ എന്നാ പറ്റി....ഹേ....പറഞ്ഞ് കൊണ്ട് അവളെ വലിച്ചു ചുമരിനോട് ചേർത്ത് നിർത്തി ക്കൊണ്ട് അവളിലേക്ക് ചേർന്ന് നിന്നു ആദം..... വിട്.....എ....എന്നെ.....വിട്.....അവന്റെ കൈയിൽ കിടന്നു കുതറാൻ തുടങ്ങി ജാനി.... പ്ഫാ.....അടങ്ങി നിക്കടി പന്ന ....മോളെ ......അവളുടെ കൈകൾ പിന്നിലേക്ക് ലോക്ക് ചെയ്തു വച്ചു..... ആ.....ആരാ.....ആരാ....നിങ്ങൾ.....അമ്മേ.....ഗൗരീ.....അവൾ ഉറക്കെ അലറാൻ തുടങ്ങി...... വിളിക്കെടീ....വിളിക്ക്.... എല്ലാവരും വരട്ടേ....ഒരു കൂസലുമില്ലാതെ പറഞ്ഞു കൊണ്ട് അവളുടെ മുഖത്തേക്ക് ഉറ്റുനോക്കിയവൻ....അവളുടെ വെളളാരം കണ്ണുകൾ കാണേ അവന്റെ മനസ്സിൽ പതിഞ്ഞു കിടന്നിരുന്ന ആ പാവാടക്കാരിയുടെ മുഖം വീണ്ടും അവന്റെ കണ്ണുകളിൽ തെളിഞ്ഞു വന്നു......അവനറിയാതെ അവളുടെ ആ കണ്ണുകളിൽ തന്നെ നോക്കി നിന്നു....

താനിതുവരെ മനസ്സിൽ നിന്നും മായ്ക്കാതെ സൂക്ഷിച്ച ആ വെളളാരം കണ്ണുകളുളള പെൺകുട്ടി ഇവളാണെന്നറിയാതെ🔥🔥 അവന്റെ നോട്ടം അവളിലേക്കാഴ്ന്നതും ഭയം സിരകളെ കീഴ്പ്പെടുത്തുന്നതവളറിഞ്ഞു......അവന്റെ ശ്രദ്ധ അവളുടെ വെളളാരം കണ്ണുകളുടെ വശ്യതയിലൊന്ന് പാളിയതും .....അവളുടെ കൈയിലെ പിടിയൊന്നയഞ്ഞു.....ഈ സമയം ജാനി സർവ്വ ശക്തിയുമെടുത്ത് ആദത്തെ ആഞ്ഞ് തളളി......പ്രതീക്ഷിക്കാതെയുളള അവളുടെ പ്രതികരണത്തിൽ ആദം പിന്നിലേക്കൊന്ന് വേച്ച് പോയി.....പക്ഷെ അടുത്ത് കിടന്ന കട്ടിലിൽ പിടിച്ചു വീഴാതെ നിന്നു.....ഈ നേരം കൊണ്ട് ജാനി വാതിലിനടുത്തേക്ക് പാഞ്ഞു..... നിക്കടീ അവിടെ.....നീ പുറത്തേക്ക് പോവുവാണേ തമ്പുരാനാണേ....ഈ രാത്രിയില് നീയാ എന്നെ നിന്റയീ കിടപ്പറയീലേക്ക് വിളിച്ച് കേറ്റീയതെന്ന് എല്ലാവരോടും പറയും ഞാൻ അത് വേണോ....അവളെ നോക്കി പുച്ഛത്തോടെ ചിരിച്ചു കൊണ്ട് അവൻ പറഞ്ഞു.... അവന്റെ വാക്കുകൾ കേട്ട് തറഞ്ഞു നിന്നു പോയി ജാനി.....അമ്മാവന്മാരുടെയും അമ്മയുടെയും മുഖമോർക്കെ ഭയവും നിസ്സഹായതയും ഒരു പോലെ കണ്ണുകളിൽ നിറഞ്ഞു അറിയാതെ തന്നെ അവളുടെ കാലുകൾ നിലച്ചു.....പേടിയോടെ അവനെ നോക്കി നിന്നു....അവന്റെ കാലുകൾ അവളുടെ അരികിലേക്ക് ചലിക്കാൻ തുടങ്ങി.....അവളിലേക്കുളള അവന്റെ അകലം കുറഞ്ഞ് വരാൻ തുടങ്ങിയതും ജാനിയുടെ കൈകാലുകൾ വിറകൊണ്ടു ....

വശ്യമായ ചിരിയോടെ ആദം അടുത്തേക്ക് വരുന്തോറും ജാനകിയുടെ കാലുകൾ പിന്നിലേക്കടി വച്ചു.....വർദ്ധിച്ച ഹൃദയമിടിപ്പോടെ അവൾ പിന്നിലേക്ക് തിരഞ്ഞോടാനാഞ്ഞതും ആദമിന്റെ ബലിഷ്ഠമായ കരങ്ങൾ അവളെ അവനിലേക്ക് ചേർത്തു.....ഒരു പിടച്ചിലോടെ വീണ്ടും അവനിൽ നിന്നും അകന്നു മാറാൻ പാടു പെടുന്നുണ്ടായിരുന്നവൾ പക്ഷെ അവന്റെ കൈക്കരുത്തിന് മുന്നിൽ അവളുടെ ശരീരം തളരുന്നതവളറിഞ്ഞു..... "നിന്നെ ഒന്ന് തൊട്ടതിനല്ല്യോ......എന്റിച്ഛായനെ നിന്റെ അമ്മാവന്മാർ ചേർന്ന് തല്ലിച്ചതച്ചത്..... ദേ ഇന്ന് ഞാൻ നിന്റെ ബെഡ് റൂമിലേക്ക് വന്നിരിക്കുവാ......ആലത്തറയിലെ ഈ കൊച്ചു തമ്പ്രാട്ടി ഇന്നീ നസ്രാണിയുടെ കൈക്കുളളിലാ.....എന്നെ അവറ്റകളെന്നാ ചെയ്യാമ്പോവുന്നേന്ന് ഒന്ന് നോക്കട്ടേ"".....തന്റെ കൈക്കുളളിൽ കിടന്നു കുതറുന്നവളെ പുച്ഛത്തോടെ നോക്കി ആദം... ""ജാനി....മോളെ....ജാനി വാതിൽ തുറക്ക്....എന്താ കുട്ടീ അവിടെ .....ആരാ മോളെ അകത്ത്.......ആരുടെ ശബ്ദാ അവിടെ കേൾക്കണത്....വാതിൽ തുറക്ക് മോളെ ""....ദേവിയുടെ സ്വരം ഉയർന്നു കേട്ടു ഒപ്പം വാതിലിൽ തുടരെ തുടരെ തട്ടുന്നുമുണ്ടായിരുന്നു...

.അകത്തെ ബഹളം കേട്ട് വന്നതായിരുന്നു അവർ ജാനകി ഭയത്തോടെ ആദത്തെ നോക്കി.....ആ കുഞ്ഞി കണ്ണുകളിലെ ഭാവം എന്താന്ന് അവൾക്കപ്പോഴും മനസ്സിലായില്ല.... അവന്റെ കൈകൾ അവളുടെ നേരെ നീണ്ടതും നെഞ്ചിടിപ്പോടെ കണ്ണുകൾ മുറുക്കി അടച്ചു..... ആദം അവളുടെ നെറ്റിയിലെ സിന്ദൂരം അവന്റെ കൈകളാൽ മായ്ച്ചു കളഞ്ഞു ...... അതേ സമയം കൈയിൽ പുരണ്ട ചുവന്ന സിന്ദൂരം അവന്റെ കവിളിലായ് തേയ്ക്കുകയും ചെയ്തു ...... അവന്റെ പ്രവൃത്തികൾ മനസ്സിലാക്കാനാവാതെ അവൾ നോക്കി നിന്നു....... അവളിൽ നിന്നും അകന്നു മാറിക്കൊണ്ട് അവന്റെ ഷർട്ടിന്റെ ആദ്യത്തെ മൂന്നു നാലു ബട്ടണുകൾ തുറന്നിട്ടു ....സ്വയം മുടി കുലച്ച് വാതിലനടുത്തേക്ക് നടന്നടുത്തു..... ജാനകിയെ ഒന്ന് കൂടെ പുച്ഛത്തോടെ തിരിഞ്ഞു നോക്കിയ ശേഷം വാതിൽ തുറക്കാൻ തുടങ്ങി ..... വാതിൽ തുറന്ന് നോക്കുമ്പോൾ തന്റെ മുന്നിൽ നിൽക്കുന്നവരെ കണ്ട് അവന്റെ ചുണ്ടുകളിൽ പുച്ഛച്ചിരി വിരിഞ്ഞു....ഒന്ന് മൂരി നിവർത്തി.....താടിയുഴിഞ്ഞു കൊണ്ട് ജാനകിയെ അടിമുടിയൊന്ന് വീണ്ടും നോക്കി..... ആ കാഴ്ച കണ്ട് നടുങ്ങി നിക്കാരുന്നു മൂവരും....

ഷർട്ടിന്റെ ബട്ടണോരോന്നായി ഇട്ടു കൊണ്ട് അലസമായി നിൽക്കുന്നവനെയും ജാനകിയെയും നാഥനും...മഹിയും... ദേവിയും...മാറി മാറി നോക്കി..... നാഥന്റെയും മഹിയുടെയും കണ്ണുകളിലെ കോപാഗ്നി ജാനിയെ ഭയപ്പെടുത്തി..... ദേവിയുടെ മുഖത്തെ നിസ്സഹായത കണ്ട് ജാനകി നിലത്തേക്ക് ഊർന്നിരുന്ന് കരയാൻ തുടങ്ങിയിരുന്നു..... ഹാ.....കാർന്നോമ്മാര് രണ്ടാളും ഉണ്ടല്ലോ.....കൊച്ചിനെ എനിക്കങ്ങ് ബോധിച്ചു കേട്ടോ.....വശ്യമായ ചിരിയോടെ താടിയുഴിഞ്ഞു ആദം....എന്നാന്നറിയാമ്മേല....വിട്ടേച്ച് പോവാൻ തോന്നുന്നില്ല.....വഷളൻ ചിരിയോടെ പറഞ്ഞു.... എടാ..... @@@@ മോനെ ആലത്തറയിലെ പെണ്ണിന്റെ കിടപ്പറയില് കയറിയ നീയിനി ജീവനോടെ തിരികെ പോണ്ട.....അലറിക്കൊണ്ട് നാഥൻ അവന് നേരെ പാഞ്ഞു വന്നു.... അവനെ തല്ലാനായി കൈയോങ്ങി വന്ന നാഥനെ ആദം തടഞ്ഞുകൊണ്ട് പിടിച്ചു തളളി നിലത്തേക്കിട്ടു.... ""ഹാ....എന്നതാ കാർന്നോരേ ഇത് തരം നോക്കി കളിക്കണ്ടായോ...ദേ കണ്ടില്യോ എന്റെ ഒരു തെളളിനില്ലല്ലോ...താൻ......ഇന്ന് നിങ്ങളെന്റെ ഇച്ഛായനിട്ടൊന്ന് പൊട്ടിച്ചെന്ന് കേട്ടപ്പോഴേ ഞാൻ കരുതി വച്ചതാ ഇത്.....പറഞ്ഞു കൊണ്ട് മഹിയെ രൂക്ഷമായി നോക്കിയവൻ...... ഡോ.....പന്ന@@@@മോനേ ഈ @@@@മോളെ തൊട്ടെന്ന് പറഞ്ഞല്ല്യോടോ താനൊക്കെ ക്കൂടിയെന്റിച്ഛായനെ രാവിലെ തല്ലിച്ചതച്ചത്....ദേ ഇത്രയും നേരം ഞാനവൾക്കൊപ്പം അവളുടെ കിടപ്പറയിലായിരുന്നു.....എന്നെ തനിക്ക് തല്ലണ്ടായോ....

പുച്ഛത്തോടെ ചോദിച്ചു..... ടാ..നിന്നെ അവനെ തല്ലാനായി അടുത്ത് കിടന്ന സ്റ്റൂളുമായി വന്ന മഹിയേ ഒറ്റച്ചവിട്ടിന് നിലത്തേക്കിട്ടിരുന്നു ആദം......നടുവടിച്ച് വീണ മഹി എഴുന്നേൽക്കാനാവാതെ നിലത്തു കിടന്ന് നിരങ്ങാൻ തുടങ്ങി..... ഉയ്യൊ.....ആലത്തറയിലെ തമ്പ്രാക്കന്മാർക്ക് ഇത്ര സ്റ്റാമിനേ ഉളളോ....വെറുതെ തിന്ന് കുടിച്ച് വീട്ടിലിരുന്നാലെങ്ങനാ കാർന്നോമ്മാരേ....... ഇടക്കൊക്കെയൊന്ന് പുറത്തേക്കിറങ്ങി.....ഇതുപോലൊക്കെ മെയ്യനക്കണ്ടേ........ അല്ലേൽ ചീർത്ത് ചീർത്ത് ഇറച്ചി കോഴി പോലാവും.......ചിറികോട്ടികൊണ്ട് ആദം പറഞ്ഞു........എന്നാ ഞിനിനി നിന്ന് സമയം കളയുന്നില്ല......എന്നാ വരട്ടേടീ കോച്ചേ....നമുക്ക് വീണ്ടും കാണാം.......ജാനകിയെ വല്ലാതൊന്നുഴിഞ്ഞു നോക്കിയ ശേഷം നാഥനെയും മഹിയെയും ഒന്നിരുത്തി നോക്കി.....അപ്പോ....എല്ലാം പറഞ്ഞ പോലെ.....ഇനി എന്നതേലും കണക്ക് തീർക്കാനുണ്ടേൽ ഞാൻ താമരയ്ക്കലുണ്ടാവും അവിടേക്ക് വന്നാ മതി.....അപ്പോ ശരി"".... പറഞ്ഞു കൊണ്ട് മീശയും മുറുക്കി മുണ്ട് മടക്കി കുത്തി ഇറങ്ങി പോകുന്നവനെ പകയോടെ നോക്കി ക്കൊണ്ട് പതിയെ എഴുന്നേറ്റു നാഥൻ.... ഈ സമയം ആദം ഇറങ്ങി പോവുന്നതും കണ്ട്.....നടന്നതെന്താണെന്ന് അറിയാനായി ഗിരിജയും സീതയും ഗൗരിയും മുകളിലേക്ക് നടന്നു..... മഹി എഴുന്നേറ്റ് ജാനിയുടെ അടുത്തേക്ക് പാഞ്ഞു വന്നു....മുടിക്കുത്തിൽ പിടിച്ചു എഴുന്നേൽപിച്ച് നിർത്തി..... വേദനയോടെ കണ്ടു നിൽക്കാനേ ദേവിക്ക് കഴിഞ്ഞുളളൂ..... "

"ടീ.....അസത്തേ..... ആ തല തെറിച്ച നസ്രാണിയ്ക്ക് തന്നെ പാ വിരിക്കണവായിരുന്നോടീ നിനക്ക്"" സ്വന്തം തന്തയുടെ തലയെടുത്തവന്റെ മകനേ കിട്ടിയൊളളോടീ നിനക്ക് കൂടെ കിടത്താൻ പറഞ്ഞു കഴിഞ്ഞതും മഹിയുടെ കൈ ജാനകിയുടെ കവിളിൽ പതിച്ചു..... അടി കൊണ്ട് ഞെട്ടലോടെ അവൾ മുഖമുയർത്തി ദേവിയെ നോക്കി.....ആ മൂഖത്ത് നിസ്സഹായത മാത്രം നിറഞ്ഞു.......കണ്ണുകൾ ധാര ധാരയായി ഒഴുകി തുടങ്ങിയിരുന്നപ്പോൾ....അപ്പോഴും ""സ്വന്തം തന്തയുടെ തലയെടുത്തവന്റെ മകനേ കിട്ടിയൊളളോടീ നിനക്ക് കൂടെ കിടത്താൻ"".... മഹിയുടെ വാക്കുകളിൽ കുരുങ്ങി കിടന്നു അവളുടെ മനസ്സ്..... ആർത്തലച്ചു കരയുന്ന തന്റെ മകളെ നിറ കണ്ണുകളോടെ നോക്കി നിൽക്കാൻ മാത്രേ ദേവിക്ക് കഴിഞ്ഞുളളൂ..... എന്തെങ്കിലും എതിർത്ത് സംസാരിച്ചാൽ പ്രായപൂർത്തിയായ മകളെയും കൊണ്ട് തെരുവിലേക്കിറങ്ങേണ്ടി വരുമെന്ന് അവർക്കറിയാമായിരുന്നു......🔥🔥 തുടരും..... ഓഹ്.....ഈ തല്ലു കൊളളിചെക്കന്റെ കാര്യം....😜😜😜 ചില ഡയലോഗ്സ് കടുത്തു പോയെന്ന് തോന്നീട്ടുണ്ടെങ്കിൽ ക്ഷമിക്കുക.....എന്റെ കാരക്ടേസിന്റെ പെർഫെക്ഷനു വേണ്ടിഎനിക്ക് അത് ഉൾപ്പെടുത്തിയേ മതിയാവൂ....നല്ലതായാലും മോശമായാലും അഭിപ്രായങ്ങൾ പറയണേ................... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...